მელბურნის კორტებზე მიმდინარე ავსტრალიის ღია პირველობას, სამწუხაროდ პირველივე წრეში გამოეთიშა ნიკოლოზ ბასილაშვილი.

ქართველმა ჩოგბურთელმა გამოცდილ გერმანელ ფილიპ კოლშრაიბერთან წააგო. პირველი სეტში 4-6 წაგების შემდეგ, ნიკამ მეორეში 6-3 იმარჯვა და მესამე სეტს 4-0-ს იგებდა, თუმცა ვერ შესძლო,სოლიდური უპირატესობის შენარჩუნება და ტაი ბრეიკზე დამარცხდა, რასაც მეოთხე სეტის წაგებაც მოჰყვა.

კოლშრაიბერი მომდევნო ეტაპზე ამერიკელ დონალდ იანგს დაუპირისპირდება. ქალთა შორის მსოფლიოს რეიტინგის მეორე ნომერმა სერენა უილიამსმა დაგეგმილ გამარჯვებას მიაღწია. ამერიკელმა ორ სეტში შვეიცარიელ ბელინდა ბენჩიჩს აჯობა.

თამაშის საფინალო ანგარიშია 6-4 6-3 სერენას სასარგებლოდ. უმცროსი უილიამსი შემდეგ წრეში ჩეხ, ლუსი საფაროვას დაუპირისპირდება.