თბილისში ახალი 23-ე მეტროსადგურის მშენებლობა მიმდინარეობს. მუნიციპალური განვითარების ფონდმა, მეტროსადგურ „უნივერსიტეტის“ მშენებლობა, აზიის განვითარების ბანკის ფინანსური მხარდაჭერით, 2015 წლის მაისში დაიწყო.

პროექტის ღირებულება 83 მილიონ ლარზე მეტია და იგი არსებული, დაკონსერვებული გვირაბების სრულ რეაბილიტაციას ითვალისწინებს.

ახალმა მეტროსადგურმა მიწისზედა სატრანსპორტო ნაკადები უნდა განტვირთოს და ყოველდღიურად 15 ათასზე მეტ მგზავრს მოემსახურება. მშენებლობაზე 220 ადამიანია დასაქმებული.

მეტროსადგურ „უნივერსიტეტის“ მშენებლობა ინფრასტრუქტურის მინისტრმა და თბილისის მერმა დაათვალიერეს.