ყაზბეგში ახალი ხიდის მშენებლობა მიმდინარეობს. სამუშაოები საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის 113-ე კილომეტრზე, მშრალ ხევზე, სრულდება.

სოფელ კობთან, ხიდის სამშენებლო-სარეკონსტრუქციო სამუშაოების პროექტირება და მშენებლობა პარალელურ რეჟიმში განხორციელდება.

არსებული, 80-იან წლებში აშენებული ხიდის ნაცვლად, რომელიც აღარ ექვემდებარებოდა აღდგენას, შენდება ახალი ალტერნატიული ხიდი, რაც სრულად დააკმაყოფილებს სატრანსპორტო მოთხოვნებს.

ახალი ხიდის მშენებლობის პროცესში არსებულ ხიდზე ავოტრანსპორტის მოძრაობა ცალმხრივ რეჟიმში განხორციელდება.პროექტის სავარაუდო ღირებულება 4 მილიონ 550 ათასი ლარია. საპროექტო-სამშენებლო სამუშაოები 2017 წლის დეკემბერში დასრულდება.