საქართველო ევროკავშირთან უვიზო რეჟიმის ბოლო ეტაპზეა. დარჩა უკანასკნელი პროცედურები და პარლამენტარების მიერ საკითხზე კენჭისყრის დროს პოზიციის დაფიქსირება.

ხვალ, უვიზო მიმოსვლაზე, პარლამენტში ევროპული ინსტიტუტების წარმომადგენლები იმსჯელებენ.

„მოამბე" სლოვაკეთის საგარეო საქმეთა მინისტრს ესაუბრა. მისი განცხადებით, შეფასება არის პოზიტიური. რაც შეეხება „მოამბის" შეკითხვას მოესწრება თუ არა კენჭისყრა მიმდინარე კვირაში, მინისტრი ამბობს, რომ წინასწარ ამის თქმა რთულია, თუმცა უვიზო მიმოსვლის მიღების შემაფერხებელი ფაქტორები არ არსებობს.