ბორან ,,ნორმან ატლანტიკზე” ტრაგიკულად დაღუპულ მამა ილია კარტოზიას ცხედარს სამშობლოში შაბათს ან კვირას გადმოასვენებენ. დელეგაცია, რომელიც სასულიერო პირის გადმოსვენებას უზრუნველყოფს, უკვე სამი დღეა ქალაქ ბარიში იმყოფება.

ამ დროისათვის იმ ავიაკომპანიის შერჩევა მიმდინარეობს, რომლითაც საქართველოში მამა ილია კარტოზიას ცხედარს გადმოასვენებენ.

მამა ილია წმინდა ნიკოლოზის ტაძარშია დასვენებული. დასავლეთ ევროპის ეპარქიის მღვდელმსახურებმა სულის მოსახსენიებელი პარაკლისი აღავლინეს.