თბილისში ერთი ადამიანი ყირიმ-კონგოს ცხელებით გარდაიცვალა. 50 წლის მამაკაცი დედაქალაქში იმერეთიდან გადმოიყვანეს. პაციენტი ბაღდათის მუნიციპალტეტის სოფელ ობჩადან იყო, სადაც, სავარაუდოდ, დაავადდა კიდეც. ერთ-ერთი ვერსიით, მიზეზი, შესაძლოა, სოფელში სხვა რეგიონიდან შეტანილი თივა ყოფილიყო. ექიმების განცხადებით, პაციენტმა საავადმყოფოს დაგვიანებით მიმართა. დაავადების კვლევა ლუგარის ლაბორატორიაში ჩატარდა. ყირიმ-კონგოს ცხელება მძიმე ვირუსული ინფექციაა, რომელიც ადამიანებზე ტკიპების ნაკბენით ვრცელდება. სპეციალისტები სოფლის მოსახლეობას სიფრთხილისაკენ მოუწოდებენ. „ქირურგიის ცენტრში გარდაიცვალა პაციენტი, სადაც დადასტურდა ჩვენი ეჭვი, რომ ეს იყო ყირიმ-კინგოს ცხელება," - განაცხადა დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორმა, ამირან გამყრელიძემ.