მსოფლიო თამბაქოს გარეშე - ჯანმრთელობის მსოფლიო ორგანიზაცია ხვალ თამბაქოს საწინააღმდეგო დღეს აღნიშნავს, რომელიც წელს თამბაქოს ნაწარმზე გადასახადის ზრდის გზით ავადობისა და სიკვდილიანობის შემცირებას ეძღვნება. თამბაქოს საწინააღმდეგო დღე საქართველოს დაავადებათა კონტროლისა და საზოგადოებრივი ჯანმრთელობის ეროვნულმა ცენტრმა დღეს აღნიშნა და მოსახლეობას ის საგანგაშო სტატისტიკა წარუდგინა, რომლის მიხედვითაც, თამბაქოსაგან გამოწვეული დაავადებებით საქართველოში ყოველწლიურად11 000-მდე ადამიანი იღუპება. ამავე სტატისტკით, მაღალია იმ პირთა რაოდენობაც, რომელიც პასიური მოწევის მსხვერპლია.