ქართული ნაციონალური ბალეტი გასტროლებზე უკრაინაში იმყოფება,სადაც მათ უკვე რამდენიმე ქალაქში გამართეს კონცერტი.ჟიტომირი,ოდესა,ლუცკი,ლვოვი,სიმფეროპოლი - ეს იმ ქალაქების მცირე ჩამონათვალია,სადაც 'სუხიშვილების' კონცერტებმა ანშლაგით ჩაიარა.მიუხედავად ქვეყანაში არსებული დაძაბული პოლიტიკური მდგომარეობისა,'მფრინავი ქართველების' კონცერტებზე მაყურებლის ნაკლებობა არ იგრძნობა.მარტში ნაციონალური ბალეტი კონცერტებს დონეცკში, დნეპროპეტროვსკში, ხარკოვში გამართავს.7-8 მარტს კი კიეველ მაყურებელს მიეცემა ქართული ცეკვით ტკბობის საშუალება.24 თებერვალს 'სუხიშვილები'უჟგოროდს ესტუმრნენ,სადაც მათ ქართულ ცეკვებთან ერთად საგანგებოდ უკრაინული გასტროლებისთვის დადგმული უკრაინული ხალხური ცეკვა - გოპაკი შეასრულეს.