დღეს, თბილისში, “ერთიანი ნაციონალური მოძრაობის” მხარდამჭერთა შეხვედრა გაიმართა. შეხვედრას უძღვებოდნენ “ერთიანი ნაციონალური მოძრაობის” თავმჯდომარეობის კანდიდატი და ყოფილი თბილისის მერი გიგი უგულავა, ასევე პარტიის წევრები და უმცირესობის დეპუტატები გიორგი ვაშაძე და დავით საყვარელიძე.
შეხვედრაზე ისაუბრეს თვითმმართველობის მოახლოებულ არჩევნებზე. გიორგი ვაშაძის თქმით, ”ერთიანი ნაციონალური მოძრაობის” მხარდამჭერები 25 თებერვლამდე უნდა დარეგისტრირდნენ პარტიის ოფიციალურ ვებ-გვერდზე( http://unm.ge/index.php?m=2 ) და გაიარონ რეგისტრაცია, რათა მონაწილეობა მიიღონ შიდა პარტიულ პრაიმერიზში, რადგან თვითმმართველობის პარალელურად, ”ერთიანმა ნაციონალურმა მოძრაობამ” უნდა აირჩიოს პარტიის თავმჯდომარე და პოლიტ-საბჭოს წევრები.
1 მარტს დასახელდებიან პრაიმერიზში მონაწილე მერობის კანდიდატები. მოგეხსენებათ, თბილისში არის 25 ოლქი. 12 მარტიდან ტერიტორიების მიხედვით ყველა ოლქში გაიმართება შიდა პრაიმერიზი და დასახელდება როგორც მერობის, ასევე მაჟორიტარების კანდიდატურები. დაახლოებით მარტის ბოლოს დასრულდება შიდა პრაიმერიზი და ცნობილი გახდება შედეგები.