სანზონაში საცხოვრებელ კორპუსში აფეთქება მოხდა, ამ დროისთვის დამატებითი ინფომრაცია ჯერ-ჯერობით არ ვრცელდება. ამის შესახებ ინფორმაციას ,,რეპორტიორი'' ავრცელებს.
იაპონურმა კომპანია NSK-მა, რომელიც გორგოლაჭოვანი საკისრების შექმნაზე მუშაობს უახლესი ფიჯერ- სპინერი წარმოადგინა, რომელსაც ტრიალი 12 წუთის განმავლობაში შეუძლია.სპინერის ფასი განსხვავებით სხვა სპინერებისგან ბევრად ძვირია. ის 157 დოლარი ღირს.
ნათლობის პროცესის დროს მღვდელს ვინმე ლევანმა დაურეკა და მამაომ წილებზე საუბრის გამო ნათლობა შეწყვიტა. ვიდეო სოფელ ნოღაშია გადაღებული
ჩეჩენი დეპუტატის მუხმად ასხაბოვის მკვლელობა ავტომობილის ვიდეორეგისტრატორმა დააფიქსირა, რომელსაც კომპანია НТВ ავრცელებს. დაუდგენელმა პირებმა პარლამენტარის ავტომობილს ცეცხლი გაუხსნეს, რასაც ავარია მოჰყვა. აღძრულია საქმე მკვლელობის მუხლით. ასხაბოვი 61 წლის იყო. პარალამენტის წევრად ის 2016 წელს აირჩიეს.
#ინფო9 #NEWS #info9 პირველადი ინფორმაციით, ცეცხლი გაჩნდა გაზგასამართ სადგურში. ხანძრის ლოკალიზებას ბათუმის სახანძრო-სამაშველო სამსახურის ბრიგადები ცდილობენ, ადგილზე იმყოფება სასწრაფო სამედიცინო დახმარების ჯგუფი.
ჩიკაგოში, ფესტივალ Lollapalooza-ზე აშშ-ს ექს-პრეზიდენტის, ბარაკ ობამას შვილის ცეკვას სოციალურ ქსელში განიხილავენ.მალიამ კონტროლი დაკარგა, როცა სცენაზე ჯგუფი The Killers გამოვიდა. აშშ-ს ყოფილი ექს-პრეზიდენტის შვილი, ამ დროს კულისებში იმყოფებოდა, მეგობრებთან ერთად.სოციალურ ქსელში არ იციან, იყო თუ არა ის ადეკვატურ მდგომარეობაში, მაშინ როცა მიწაზე ეგდო.
2008 წლის აგვისტოს ომში 169 სამხედრო მოსამსახურე დაიღუპა მათგან 12 სამხედროს გმირულად დაღუპვის შემდეგ შეეძინა შვილი. თავდაცვის სამინისტრო მათ შესახებ მომზადებულ ვიდეორგოლს აქვეყნებს. შეგახსენებთ, 2008 წლის აგვისტოს ომიდან 9 წელი გავიდა.
#ინფო9 #NEWS #info9
ახალგაზრდები, რომელთა ცხედრებიც ბათუმში დღეს იპოვეს, ბოლო 4 დღის განმავლობაში არავის ყავდა ნანახი. სოციალურ ქსელ ფეისბუქის პირად გვერდზე გარდაცვალებამდე რამდენიმე ხნით ადრე ზვიო სალთხუციშვილმა ვიდეო გაავრცელა. ახალგაზრდების გარდაცვალებას ინტერნეტ მომხარებლები ეხმაურებიან. გიორგი ხაჭაპურის გარდაცვალების ფაქტს სოციალურ ქსელში ემოციური პოსტით ეხმაურება თეა ჩეჩელაშვილი: „სიკვდილამდე 2 დღით ადრე დამირეკა და მითხრა: შენს გარეშე ვერ ავკიდებდიო, ბათუმში მივდივარ და იქ გელიო, ჩემო თეო… მერე ვფიქრობდი, როგორი სათაური შეურჩევია-მეთქი… შენ იწინასწარმეტყველე…. აგვისტო არ მიყვარდა და აწი უფრო არ მეყვარება, ჩემო საყვარელო და ერთგულო მეგობარო… მეტი არ ვიცი, რა დავწერო… ალბათ, შენ მიხვდები…“, – წერს ის. მომხდართან დაკავშირებით სოციალურ ქსელში პოსტს აქვეყნებს ზვიო სალთხუციშვილის და გიორგი ხაჭაპურიძის კიდევ ერთი ნაცნობი: „ნარკოტიკები არა, კვახი! ზვიადი ჩემ თვალწინ გაიზარდა. ჩემი ძმისშვილის კლასელია, ვიცნობ კარგად. აი, გიო კი, ჩემი ყოფილი თანამშრომლის და უკვე მეგობრის ლია ბაღათურიას შვილია – უსაყვარლესი ბიჭი… ვიცნობდი ამათ და ვიცი, ნარკოტიკების მომხმარებელი არცერთი იყო. ახლა რასაც უნდათ, იმას იტყვიან, უგულო, უსულო, ცივსისხლიანი ხალხი… ჭორიკნები! ხალხო, ის თქვით, რომ კიდევ ორ დედას მოუკლეს სიმწრით ნაზარდი შვილი… კიდევ ორი დედა იცვამს შავს! განა ისე გულგრილად სათქმელია, დედას შვილი რომ უკვდება? მკვლელებო! მშობლები თუ არ ხართ, ხომ ოდესმე გახდებით და ამაზე არასდროს გიფიქრიათ“?! – წერს ის. ზვიო სახლთხუციშვილი და გიორგი ხაჭაპურიძე დღეს ბათუმში, ხიმშიაშვილის ქუჩაზე, ერთ-ერთ საცხოვრებელ ბინაში გარდაცვლილები იპოვეს, ისინი ბათუმში, თბილისიდან, დასასვენებლად იმყოფებოდნენ. ფაქტზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
#ინფო9 #NEWS #info9 გუდაუთის რაიონის სოფელ პრიმორსკოესთან მდებარე სამხედრო საწყობში მომხდარი აფეთქების შედეგად 50-ზე მეტი ადამიანი დაშავდა. ამის შესახებ აფხაზური მედია წერს. ოკუპირებული აფხაზეთის ე.წ ჯანდაცვის მინისტრის თამაზ წახნაკიას თქმით, 42 დაზარალებული გუდაუთის საავადმყოფოში,11 კი სოხუმის საავადმყოფოშია ჰოსპიტალიზებული. უფრო ადრე რუსულმა მედიაში გავრცელდა ცნობა, რომ აფეთქების შედეგად რუსეთის 20 მოქალაქე დაშავდა.
#ინფო9 #NEWS #info9 მოსკოვის რეგიონალურ სასამართლოში სროლა დაიწყო იმ დროს, როდესაც ლიფტით გადაჰყავდათ ე.წ. GTA-ს ბანდის ბრალდებული წევრები. პოლიციის თქმით, ბანდის წევრებმა წარმატებით შეძლეს დაცვის წევრებისთვის იარაღის ჩამორთმევა, რის შემდეგაც დაიწყო ორმხრივი სროლა. ბოლო ინფორმაციით, სამი ადამიანი დაიღუპა, მათ შორის ბრალდებულები, ხუთი დაჭრილია. დაშავდა პოლიციელი და პროკურორი ქალი. GTA-ს ბანდა - მოსკოვში ცნობილი დაჯგუფება, რომლებსაც რამდენიმე მკვლელობასა და ქურდობაში სდებენ ბრალს. მასში გაერთიანებულია სულ მცირე 15 წევრი. 2012-2014 წლებში, ბანდამ განახორციელა 15 შეიარაღებული თავდასხმა, რის შედეგადაც დაიღუპა 17 მოქალაქე.
ანკარას სასამართლოს წინაშე 500-მდე პირი წარდგა, რომელიც გასული წლის სახელმწიფო გადატრიალების მცდელობის დროს აკინჯის ავიაბაზის დაკავებაში არიან ბრალდებულები. ამის შესახებ BBC-ი წერს. სწორედ აღნიშნული ავიაბაზა გახდა მეამბოხეების შტაბი, საიდანაც გაფრენილი ვეტრმფრენები და გამანადგურებლები სტრატეგიულ ობიექტებზე იერიშს ახორციელებდნენ. სასამართლო მოსმენები 29 აგვისტომდე გაგრძელდება. პარალელურად, სასამართლოს შენობასთან აქტივისტები შეიკრიბნენ და ბრალდებულების მკაცრი დასჯა მოითხოვეს. თურქეთის ხელისუფლების მტკიცებით, 2016 წლის ზაფხულში სახელმწიფო გადატრიალების მცდელობის უკან ფეთჰულა გიულენი დგას. მოძრაობა "ჰიზმეტის" ლიდერი ბრალდებას უარყოფს. 2016 წლის 15 ივლისს, თურქეთში სამხედროებმა სახელმწიფო გადატრიალება სცადეს, რომლის დროსაც 230-ზე მეტი ადამიანი დაიღუპა, 2.1 ათასზე მეტი დაშავდა. ამბოხის ჩახშობის შემდეგ, ქვეყანის სახელმწიფო უწყებებში, სასამართლოში, განათლების ორგანიზაციებში, არმიასა და სპეცსამსახურებში მასობრივი წმენდა დაიწყო.
თბილისიდან ეკატერინბურგისკენ მიმავალი ავტობუსი სარატოვთან ავტომობილს შეეჯახა. ავტობუსი ამოტრიალდა. დაიღუპა ავტომობილის მძღოლი და დაშავდა 10 ადამიანი. ავტობუსის მგზავრებს, რომლებიც ქორწილში მიდიოდნენ, დანიშნულების ადგილზე ჩასვლში რუსეთში მცხოვრები ქართველები დაეხმარნენ.
24 ივლისს თბილისი - ისრაელის რეისის მგზავრები, რომლებიც საზღვარზე არ შეუშვს, სამართალდამცველებმა დააკავეს და სადეპორტაციო იზოლატორში გადაიყვანეს. ქართველებთან ერთად დაკავებული არიან სხვადასხვა ქვეყნის მოქალაქეებიც.ისინი ისრაელის სახელმწიფოს გადაწყვეტილებას ელოდებიან, თუმცა უმეტესობა, რამდენიმედღიანი ლოდინის შემდეგ, ქვეყანაში შესვლაზე უარს იღებს.რა პირობებში უწევთ საზღვარზე საქართველოს მოქალაქეებს ყოფნა, ამის ამსახველი კადრები ტელეკომპანია ,,იმედი'' ავრცელებს.ისრაელის საზღვარზე შექმნილი სიტუაციის გამო, ორი ქვეყნის ხელისუფლების სხვადასხვა დონეებზე მოლაპარაკებები მიმდინარეობს.17 აპრილიდან ისრაელის შინაგან საქმეთა მინისტრის გადაწყვეტილებით, საქართველოს უსაფრთხო ქვეყნად აღიარების გამო, ახალი რეგულაცია ამოქმედდა. თავშესაფრის მაძიებელი საქართველოს მოქალაქის განცხადებას დაჩქარებული წესით განიხილავენ. უარის მიღებისთანავე, მას ქვეყნიდან გააძევებენ (ძველი რეგულაციით, ის ისრაელში 3 წლის განმავლობაში რჩებოდა).24 ივლისს, ანუ სწორედ იმ დღეს, როცა ხსენებული რეისის მგზავრები დააკავეს და სადეპორტაციო იზოლატორში მოათავსეს, ისრაელის მოსახლეობის, იმიგრაციისა და საზღვრის დაცვის სამსახურმა და ისრაელის სახელმწიფოში საქართველოს საელჩომ ერთობლივი განცხადება გაავრცელეს, რომლის თანახმადაც საქართველოს მოქალაქეებს, რომლებიც ისრაელში არალეგალურად იმყოფებიან, ისრაელის მოსახლეობის, იმიგრაციისა და საზღვრის დაცვის სამსახური სამშობლოში ღირსეულად და ნებაყოფლობით დაბრუნების საშუალებას აძლევს.ადრე გავრცელებული ინფორმაციით, 2016 წლის მონაცემებით, ისრაელში საქართველოდან 18437 ადამიანი შევიდა, უკან კი 14327 დაბრუნდა. საზღვარის გადაკვეთაზე უარი ეთქვა 3974 ადამიანს, 304-ს კი დეპორტი შეეხო. წელს კი ისრაელში საქართველოს 861 მოქალაქე არ შეუშვეს
სტამბულში სტიქიას ებრძვიან. რამდენიმეწუთიან ძლიერ წვიმას, ქარს და სეტყვას სტამბულში ტრაგედია მოყვა - შიშლის უბანში სომხური სასაფლაოს კედელი ჩამოიშალა და ნანგრევებში ხალხია მოყოლილი. ჯერ-ჯერობით, უცნობია არიან თუ არა დაღუპულები. ადგილზე სამაშველო სამსახურები ამ წუთებშიც მუშაობენ
ფრანგული ქალაქის მონ-დე-მარსანის მერმა, შარლ დეიმ სახალხოდ ვირთხა შეჭამა. ამის მიზეზი სანაძლეო გახდა.ჩემპიონთა ლიგის მერვედფინალური დაპირისპირების პირველ შეხვედრაში "პარი სენ ჟერმენმა" 4:0 გაანადგურა "ბარსელონა". სწორედ ამ დროს დეიმ განაცხადა, რომ იმ შემთხვევაში, თუ "პსჟ"-ს ჩემპიონთა ლიგიდან გავარდებოდა, ის მღრღნელს სახალხოდ შეჭამდა.საბოლოოდ, განმეორებით შეხვედრაში "ბარსელონამ" პარიზელები ანგარიშით 6:1 დაამარცხა და ჩემპიონთა ლიგის მეოთხედფინალური საგზური მოიპოვა. ამის გამო შარლ დეი იძულებული გახდა პირობა შეესრულებინა.
დიდუბეში, სოხუმის ქუჩაზე იტალიურ ეზოში ავარიული კორპუსის დემონტაჟის დროს კედელი ჩამოიშალა და მასში სამი მუშა მოჰყვა. კედლის ჩამონგრევის შედეგად ერთი მუშა გარდაიცვალა, ხოლო ორი მძიმედ დაშავდა. გარდაცვლილი 40 წლის კაცია, რომელსაც ორსული მეუღლე და სამი შვილი დარჩა. სასწრაფო-სამედიცინო დახმარების ბრიგადამ ორი დაშავებული საავადმყოფოში გადაიყვანა.ადგილზე სასწრაფო დახმარების, სახანძრო და პოლიციის ეკიპაჟებია მობილიზებული.
აღმაშენებელზე "ევროპული საქართველოსა" და "ქართული მარშის" მხარდამჭერებს შორის დაპირისპირებაა.
ფოკალური დისტონიით დაავადებულმა ინდოელმა მუსიკოსმა, რომელსაც დაავადების გამო თითების სპაზმი ჰქონდა, თავის ტვინზე ოპერაცია ინსტრუმენტზე დაკვრით გადაიტანა. დაკვრის პროცესი ექიმებს ოპერაციის წარმატებულობის შეფასების საშუალებას აძლევდა. პაციენტის თქმით, ოპერაციის დროს ექიმი ყოველი ნეირონის გადაჭრის შემდეგ გიტარაზე დაკვრას სთხოვდა და მას პროცედურის ყველა დეტალი ნათლად ახსოვს. ექიმები აღნიშნავენ, რომ პაციენტს გაუმჯობესება საოპერაციო მაგიდაზევე დაეწყო და თითების მოძრაობა შეძლო.
მძიმე კადრები ქორწილიდან, როგორ ექცევიან პატარძალს. ტრადიცია ღვინის თავზე დასხმას გულისხმობს.
ბელარუსის მოქალაქე ნატალია გარკოვიჩმა სერიოზული დაზიანება მიიღო მას შემდეგ, რაც რომის მეტროში კარებებს შორის გაიჭედა და მატარებელმა სადგურის პლატფორმაზე ათრია. ამის შესახებ ინფორმაციას BBC ავრცელებს. სათვალთვალო კამერაზე ჩანს, რომ ქალი ჩანთით ხელში ვაგონში შედის, თუმცა მგზავრობას გადაიფიქრებს და გამოდის. ამ მომენტში კარები იკეტება და ქალის ტანსაცმელი კარებებს შორის მოჰყვება. რამდენიმე მეტრის გავლის შემდეგ მატარებელი გაჩერდა. ამჟამად ქალი ინტენსიური თერაპიის განყოფილებაში წევს. ექიმების ცნობით მას დაზიანებული აქვს ფილტვი, გატეხილი აქვს მენჯის ძვალი და ტრამვა აქვს ხელებსა და ფეხებზე. გამოცემის ცნობით, მემანქანე მგზავრების ჩასხდომის დროს ვახშმობდა, რის გამოც უცებ ვერ შეამჩნია დაზარალებული.
თბილისის მერობის კანდიდატი მმართველი გუნდიდან კახა კალაძე, წინასაარჩევნო კამპანიაში ადმინისტრაციული რესურსის გამოყენებას უარყოფს. კალაძის თქმით :"რუსთავი2' ცრუობს, როდესაც აცხადებს, რომ ის საჯარო სამსახურების წარმომადგენლებს რესტორანში ხვდება.
ავტოსაგზაო შემთხვევა მოხდა თურქეთში, ავტობუსი, რომელსაც ქართული ცეკვის საბავშვო ანსამბლ „ლამპრების“ წევრები გადაჰყავდა ავარიაში მოჰყვა. ავტობუსში 36 ადამიანი იმყოფებოდა, ყველა მათგანი დაშავებულია.
ვეტერინარული კლინიკა Vet-Express- ის ვეტერინარი ვახტანგ მამალაძე სოციალურ ქსელ „ფეისბუქის“ საკუთრ გვერდზე პოსტს აქვეყნებს. ვეტერინარი, ძაღლის ისტორიის შესახებ გვიყვება, რომელსაც მანქანამ ჩოხატაურში ერთი თვის წინ დაარტყა და გზაზე დატოვა. ექიმმა, კლინიკის სახსრებით ძაღლს უმკურნალა და ეტლიც შეუძინა. ბერტა დღეს თავს კარგად გრძნობს. „თქვენ ალბათ გახსოვთ,რომ ჩოხატაურში ძაღლს მანქანამ დაარტყა და ადგილზე დატოვა. საცოდავი ძაღლი მძღოლმა უყურადღებოდ დატოვადა სიმწრისგან მთელი ღამე ყმუოდა. ეს ამბავი იქ შევიტყვე, ბედზე იქ ვიყავი. ვერ მოვითმინე და თბილისში ჩამოვიყვანე, რადგან უყურადღებოდ ვერ დავტოვებდი. რენტგენი გადავუღეთ და ხერხემლის მოტეხილობა აღმოაჩნდა. ასევე, ბევრი პრობლემა. მას შემდეგ 1 თვე გავიდა. ჩვენ კლინიკის სახსრებით ეტლი შევიძინეთ და დღეს ბერტა ჩვენი ვეტერინარული კლინიკის ბინადარია“, - წერს მამალაძე.
სოციალურ ქსელებში გამოჩნდა ჩინელი ცოლ-ქმრის ჩხუბის ვიდეო, რომელშიც ჩანს, რომ კაცმა საყვარელ ქალს ხელი სტაცა და აივნიდან გადააგდო. კაცი ჯერ ქალის ტელეფონს ისვრის. პოლიციელების ცნობით, ქმარმა ცოლს ტელეფონში უცხო კაცისგან წერილები აღმოუჩინა, რის გამოც იეჭვიანა. გამოცემა Mirror-ის ცნობით, ქალს დაზიანებები აქვს, თუმცა გადარჩა. აღსანიშნავია, რომ ცოლმა ქმრის წინააღმდეგ სარჩელი არ შეიტანა და საქციელი აპატია.
ანტარქტიდის ყინულებს ისტორიაში ყველაზე დიდი აისბერგი „ლარსენ C” მოსწყდა. მეცნიერები ამ ფაქტს გლობალურ დათბობას უკავშირებენ.აისბერგის გამოყოფა 2 დღე მიმდინარეობდა და, საბოლოოდ, ყინულოვან კონტინენტს 5,8 ათასი კვადრატული კილომეტრის ზედაპირის მქონე ყინული გამოეყო.მეცნიერები ამ პროცესს წინასწარ ვარაუდობდნენ. გასული წლის დეკემბერში, ამერიკის კოსმოსურმა სააგენტო NASA-მ ყინულზე უზარმაზარი ბზარი დააფიქსირა, რომელიც სიგანეში 100 მ-ს, ხოლო სიღრმეში 500 მ-ს აღწევდა.თავიდან ლარსენის ყინული სამი ნაწილისგან შედგებოდა: ლარსენ A, B და С. მოგვიანებით, ლარსენ A და B, ტემპერატურის 2,5 გრადუსით მომატების გამო, მთლიანად ნაწილებად დაიშალა.მესამე ნაწილი კი დღეს მოსწყდა ანტარქტიდას. აისბერგის წონა შეიძლება ტრილიონი ტონა იყოს.
ჩეხეთის ავტობანზე 2 გოგო Facebook Live-ის დროს ავარიაში მოჰყვა. უბედური შემთხვევის ამსახველი ვიდეო Youtube-ზე გამოქვეყნდა. ვიდეოში ჩანს, თუ როგორ საუბრობენ და იცინიან გოგონები ავარიამდე რამდენიმე წამით ადრე. მედიის ცნობით, ავტომობილი საათში 170-180 კმ სიჩქარით გადაადგილდებოდა და ის გზის პირას მდებარე კედელს შეეჯახა.გოგო, რომელიც Facebook Live-ს ახორციელებდა, ადგილზე დაიღუპა, მეორემ კი თავის მძიმე ტრავმა მიიღო. ის ამ დრომდე საავადმყოფოში რჩება. პირდაპირი ეთერი ავარიის შემდეგ კიდევ 20 წუთს გაგრძელდა. ბოლო პერიოდში სოციალური ქსელის ამ ფუნქციის გამოყენების დროს არაერთი დანაშაული მოხდა. მაგალითად, აპრილში Facebook Live-ში კაცი მოკლეს. რამდენიმე დღეში ქსელში პირდაპირი ტრანსლაციის დროს ტაილანდელმა კაცმა ჯერ მცირეწლოვანი შვილი მოკლა, შემდეგ კი თავი მოიკლა.
უკრაინულ მუსიკალურ პროექტ "VOICE"-ში უსინათლო გოგონამ სიმღერა "Черемшина" შეასრულა, მას ჟიურის წევრები არ შემოუბრუნდნენ. მას შემდეგ, რაც გოგონამ სიმღერა დაასრულა, ჟიურის წევრებმა ცრემლები ვერ შეიკავეს და სცენაზე ავიდნენ. 10 წლის კარინა სოლოდმა პროექტი დატოვა.
სოციალურ ქსელში გავრცელდა ვიდეო, სადაც ამერიკის შეერთებული შტატების პრეზიდენტი, დონალდ ტრამპი, თვითმფრინავში ჩაჯდომამდე ჩერდება და ერთ-ერთი სამხედროსთვის ქუდის დახურვას ცდილობს, თუმცა ქარი ამაში ხელს უშლის. ვიდეოს ინტერნეტში ასი ათასობით ნახვა აქვს.
სახმრეთ კორეამ, ე.წ. კომფორტ-ქალების პირველი კადრები გაასაჯაროვა, რომლებსაც მეორე მსოფლიო ომის დროს, იაპონელი სამხედროებისთვის სექსუალურ მონებად ამუშავებდნენ. ვიდეოკადრები გადაიღო ამერიკელმა სამხედრომ, ჩინეთის იმ ტერიტორიაზე, რომელიც მანამდე იაპონელების მიერ იყო ოკუპირებული. 18- წამიან ვიდეოში ჩანს, რომ რამდენიმე ქალი დგას რიგში და ჩინელ ჯარისკაცებს ელაპარაკებიან. სამხრეთკორეელმა აქტივისტებმა მთლიანობაში 200 000 ათასი ქალი დათვალეს, რომლებიც იძულებულნი იყვნენ იაპონელი სამხედროებისთვის ბორდელებში ემუშავათ. უმეტესობა მათგანი კორეელი იყო, მაგრამ არქივებში ფილიპინელი, ინდონეზიელი, ჩინელი და ტაივანელი ქალების შესახებაც იპოვეს ცნობები. მანამდე, იაპონელების მიერ, მეორე მსოფლიო ომის დროს, სექს-მონების ყოლის შესახებ ინფორმაცია, მხოლოდ გადმოცემით ვრცელდებოდა და ასევე არსებობდა რამდენიმე ფოტო. 22 ივნისს, სამხრეთ კორეის პრეზიდენტმა მუნ ჯე ინმა იაპონიისგან მეორე მსოფლიო ომის დროს, სექს-მონებად ქცეული კორეელი ქალებისთვის, ოფიციალურ ბოდიშის მოხდა მოითხოვა. "იმისათვის, რომ ეს საკითხი საბოლოოდ დაიხუროს, იაპონიამ უნდა აღიაროს იურიდიული პასუხისმგებლობა და საჯარო ბოდიში მოიხადოს", - განაცხადა სამხრეთ კორეის პრეზიდენტმა. 2015 წელს, იაპონიასა და კორეას შორის ხელი მოეწერა შეთანხმებას, რომლის მიხედვითაც ტოკიოს უნდა გამოეყო 1 მილიარდი იენი (9 მილიონი დოლარი) სამხრეთკორეული ფონდისთვის, რომელიც დაზარელებულ ქალებსა და მათ ოჯახებს ეხმარება. ფონდის წევრი არიან ისეთი ქალები, რომლებსაც მეორე მსოფლიო ომის დროს იტაცებდნენ იაპონურ სამხედრო ბანაკებში და მათ სექსუალურ მონებად აქცევდნენ. ტოკიო თავიდან ირწმუნებოდა, რომ ეს ქალების პირადი სურვილი იყო. კორეა 1910 წლიდან 1945 წლამდე იაპონიის კოლონიას წარმოადგენდა
ინტერნეტში ვიდეო ვრცელდება, სადაც ჩანს თუ როგორ თამაშობს 14 გერმანულ ნაგაზთან 5 წლის გოგონა. ფაქტს გოგონას მამა შეესწრო, რომელმაც ვიდეო გადაიღო და ინტერნეტში განათავსა.
საფრანგეთში, ლეგენდარული მატადორი ივან ფანდინო გარდაიცვალა ხარის მიერ მიყენებული დაზიანებების შედეგად. სანახაობა ფრანგულ კომუნა მონ-დე-მარსანში იმართებოდა, Aire-sur-l'Adour-ის ფესტივალის ფარგლებში. 36 წლის მატადორმა ხარის აცილება ვერ შეძლო და ცხოველმა მას უმძიმესი ჭრილობა და ტრავმები მიაყენა. ფანდინო საავადმყოფოში სწრაფად გადაიყვანეს, თუმცა მონ-დე-მარსანის კლინიკის ექიმებმა ვეღარაფერი იღონეს და 18 ივნისს მატადორი გარდაიცვალა. ფანდინო 1999 წლიდან ეწეოდა ამ საქმიანობას. მოსალოდნელია, რომ საპროტესტო ტალღა ხარებთან ბრძოლის აკრძალვის შესახებ ახლა კიდევ უფრო გამძაფრდება.
#ინფო9 #NEWS #info9 AirAsia-ს ავიახაზების თვითმფრინავი ავსტრალიიდან მალაიზიის მიმართულებით მიფრინავდა, როდესაც თვითმფრინავმა რყევა დაიწყო და 2 საათის განმავლობაში გაგრძელდა. მგზავრები აცხადებენ, რომ თავი სარეცხ მანქანაში ეგონათ და ეს ჩვეულებრივი ტურბულენცია არ იყო. საბოლოოდ, პილოტმა თვითმფრინავის მშვიდობით დასვა. ავიახაზების წარმომადგენლები აცხადებენ, რომ რყევა თვითმფრინავის ტექნიკურმა პრობლემამ განაპირობა. ვიდეოს CNN ავრცელებს.
#ინფო9 #NEWS #info9 ინტერნეტში ყოფილი პრემიერ-მინისტრისა და ბიზნესმენის, ბიძინა ივანიშვილის რეზიდენციის ვიდეო მასალა ვრცელდება. კადრები შეკვეთილშია გადაღებული. ვიდეოს "გურია ნიუსი" ავრცელებს.
სტამბულში, ტაქსიმის მოედანზე შეკრებილი ლგბტ-ს 50 წარმომადგენელი პოლიციამ ცრემლსადენი გაზის გამოყენებით დაშალა. სამართალდამცველებმა მოედანი დაიკავეს და მუსულმანებისთვის რამადანის წმინდა თვეს უმცირესობის წარმომადგენლებს მინიფესტივალის ჩატარების უფლება არ მისცეს. მინიფესტივალამდე ცოტა ხნით ადრე სტამბულის ხელისუფლებამ განაცხადა, რომ ყოველწლიური ფესტივალის „სიამაყის აღლუმის“ ჩატარების უფლებას არ მისცემდა ლგბტ წარმომადგენლებს. გარდა ამისა ახალგაზრდების ჯგუფმა ხელისუფლებას გეი-აღლუმის აკრძალვაც მოსთხოვა.
სეულის ზოოპარკის გრენდ-პარკში ორმა სპილომ წყლიდან სპლიყვი ამოიყვანა, რომელიც იხრჩობოდა. სათვალთვალო კამერის ჩანაწერი Metro-მ სოციალურ ქსელში გამოაქვეყნა. გამომცემლობის ცნობით, სპლიყვს დაზიანება არ მიუღია.
ბათუმის ბულვარის ადმინისტრაციის ინიციატივით, შეიქმნა ვიდეორგოლი, რომელიც საზოგადოებას გარემოს დაცვისკენ მოუწოდებს. სეზონის დაწყებასთან დაკავშირებით, ბათუმის ბულვარში საჯარიმო სანქციებიც მკაცრდება.
ესპანეთის სამხრეთით, ტყის მასივში გაჩენილი ხანძრის გამო, მოსახლეობის ევაკუაცია მიმდინარეობს. ამ დროისთვის 2100-ზე მეტი ადამიანია ტერიტორიიდან გაყვანილი. ინფორმაციას Daily Star ავრცელებს. ცეცხლი ანდალუსიას სანაპიროზე მდებარე ტყეში სავარაუდოდ წუხელის გაჩნდა. ამ დროისთვის ხანძრის ჩაქრობას 20 ვერტმფრენი და ათობით სახანძრო მანქანა ცდილობს. რამდენიმე დღის წინ ძლიერი ხანძარი იყო პორტუგალიის ტყეშიც, სადაც ხანძრის შედეგად 64-მდე ადამიანი დაიღუპა, 130-მდე კი დაშავდა. 27 სოფლიდან 45 ათასი ადამიანის ევაკუაცია განხორციელდა.
კრწანისის გამგეობამ კალაში ავარიული შენობის კაპიტალური გამაგრება დაიწყო. სამსართულიანი შენობა საიათნოვასა და აბოვიანის ქუჩებს შორის მდებარეობს. სახლი გასული საუკუნის დასაწყისით თარიღდება, თუმცა, სპეციალისტების შეფასებით, ის მანამდე არსებული, უფრო ადრეული სახლის საძირკველზეა დაშენებული. ძეგლზე მიმდინარე სამუშაოებს კრწანისის გამგებელი გიორგი კოპალეიშვილი ადგილზე გაეცნო. მიმდინარე წელს კრწანისში ეს მესამე ავარიული სახლია, რომელსაც კაპიტალური გამაგრების სამუშაოები უტარდება. პროექტის ფარგლებში, სახლის საძირკვლის კონსტრუქციული ელემენტების გამაგრება მიმდინარეობს. ხის აივნების ჭვირულ-ორნამენტულ ელემენტებს რესტავრაცია ჩაუტარდება , რომელიც მცირე დანაკლისის მიუხედავად თავდაპირველი სახითაა შემორჩენილი. აღნიშნულ სახლში სომეხი მწერალი და ეთნოგრაფი ხაჩატურ აბოვიანი ცხოვრობდა. მწერლის საპატივსაცემოდ, 1938 წლიდან, ქუჩა მის სახელს ატარებს. 2015 წელს რაიონის გამგეობამ ხუთი, ხოლო 2016 წელს - ათი ავარიული შენობა კაპიტალურად გაამაგრა.
ჩინეთში, მეწყერის ჩამოწოლის შედეგად 150-ზე მეტი ადამიანი ნანგრევების ქვეშ არის მოყოლილი. ინფორმაციას China News ავრცელებს. განცხადების თანახმად, მეწყერი ქვეყნის ცენტრალურ ნაწილში ჩამოწვა. ადგილზე სამაშველო სამსახურები იმყოფებიან. BBC-ის ცნობით, მეწყერის ჩამოწოლის შედეგად 40 სახლი დაინგრა. ინციდენტი ადგილობრივი დროით 06:00 საათზე მოხდა. შემთხვევის ადგილზე ამ დროისთვის სამძებრო-სამაშველო ოპერაცია გრძელდება. მსხვერპლთა და დაშავებულთა ზუსტი რაოდენობა ამ დროისთვის უცნობია.
ქართველი მოკრივის ავთანდილ ხურციძის მეგობარი იოსებ კობერიძე აცხადებს, რომ ხურციძემ, რომლის გვარიც ამერიკის შეერთებული შტატების იუსტიციის სამინისტროს მიერ გავრცელებულ ინფორმაციაში ფიგურირებს, საქართველო გუშინ დატოვა. იოსებ კობერიძე იმედოვნებს, რომ ამ შემთხვევაში, სახელისა და გვარის მხოლოდ და მხოლოდ დამთხვევაა. „გუშინ გაფრინდა ავთო ამერიკის შეერთებულ შტატებში. ჩვენი ვარაუდით, ამ დილას ჩაფრინდებოდა. იმედი მაქვს, რომ უბრალოდ სახელისა და გვარის დამთხვევაა. ავთოს კავშირი კრიმინალურ სამყაროსთან, ჩემთვის წარმოუდგენელია. არსებობს ვერსიაც, რომ ბიჭები ცუდ დროს, ცუდ მასაში მოყვნენ“, - განაცხადა სპორტსმენის მეგობარმა. ავთანდილ ხურციძის დედის მაყვალა ხურციძის განცხადებით კი, მათ ამ დრომდე არავინ დაკავშირებია. „საელჩოში მივიდა გუშინწინ დილას, ვიზა ჩაურტყეს და უთხრეს ამერიკაში უნდა წახვიდეო. იქიდან მოუვიდა ბილეთი და გუშინ, გამთენიისას, 04:00 საათზე წავიდა. სხვა ინფრომაციას არ ვფლობთ“, - განაცხადა ხურციძის დედამ. ნიუ-იორკში 33 ადამიანს, მათ შორის, ქართული კრიმინალური სამყაროს 15 წარმომადგენელს, რუსული კრიმინალური სინდიკატის წევრობისთვის ბრალი წაუყენეს. დაკავებულ ქართველებს შორის სავარაუდოდ, სპორტსმენები ავთანდილ ხურციძე და ლევან მაყაშვილი არიან. ავთანდილ ხურციძე WBO-ს ვერსიით მსოფლიოს ჩემპიონია, ლევან მაყაშვილი კი, შერეული ორთაბრძოლების UFC-ს მებრძოლი.
მომღერალმა პაატა თედიაშვილმა საკუთარ სიმღერაზე “სიყვარულის არმია” გადაცემა „პროფილში“ ისაუბრა. მომღერლის თქმით, სიმღერის ტექსტი გროტესკულია, საზოგადოებამ კი პირდაპირი მნიშვნელობით გაიგო. “ გადატანითი მნიშვნელობით ვამბობ სათქმელს, სადღაც უნდა შევიდეთ, ეს შესვლა უნდა იყოს იდეური შესვლა. ადამიანი ადამიანში შეიძლება შევიდეს ძალიან ბევრი მომენტით - მზერით, სიმღერით, ქორეოგრაფიით", - აღნიშნავს თედიაშვილი.
მომღერალმა პაატა თედიაშვილმა გადაცემა „პროფილში“ ახალ სიმღერაზე ისაუბრა, რომელსაც მისი თქმით, „მუსიკალური გველი“ ჰქვია. თედიაშვილის თქმით, მისი ახალი სიმღერაც, ისევე როგორც „სიყვარულის არმია“ გადატანითი მნიშვნელობის იქნება.
საქართველოს პრეზიდენტი გიორგი მარგველაშვილი მიიჩნევს, რომ მაღალი თანამდებობის პოლიტიკოსები კრიზისის მენეჯმენტის რეჟიმში იმყოფებიან იმ ფაქტთან მიმართებაში, რაც აზერბაიჯანელი ჟურნალისტის საქმეს უკავშირდება. როგორც მან სახელმწიფო აუდიტი სამსახურში განაცხადა, კრიზისის მენეჯმენტში იმიტომ იმყოფებიან, რომ საქართველოს სახელმწიფოს იმიჯი გამოსწორდეს, რათა იმ ბრალდებებს, რომელიც საქართველოს სახელმწიფოსთან მიმართებაში გაისმა, ადეკვატურად გაეცეს პასუხი. „სულ რამდენიმე დღის წინ თბილისში გაქრა ადამიანი და ბაქოში აღმოჩნდა ეს ადამიანი. მთელ საზოგადოებას ბავშვურ ფოკუსს აჩვენებ. ვზივართ და უნდა მოვიფიქროთ, როგორ ხდება ასეთი რამ, რომ ადამიანი A პუნქტში ქრება, B პუნქტში ჩნდება. ეს იგივეა, ბავშვს რომ ფოკუსს გაუკეთებენ. არ ვიცი, ვის უნდა ვკითხოთ, კოპერფილდს უნდა ვკითხოთ, თუ ვადაჭკორიას -რანაირად შეიძლება მოხდეს A პუნქტიდან ადამიანის გაქრობა და B პუნქტში გაჩენა?! თურმე მშვიდად უნდა დაველოდოთ, როგორ განვითარდება პროცესები, თუმცა ამით სახელმწიფოს იმიჯი ილახება“, - განაცხადა მარგველაშვილმა. მისივე თქმით, ელის, რომ მომხდარ ფაქტს ადეკვატური შეფასება მიეცემა. აზერბაიჯანელი ჟურნალისტი აფგან მუხთარლი რამდენიმე დღის წინ, თბილისიდან გაუჩინარდა. დღის ბოლოს კი გაირკვა, რომ ის აზერბაიჯანის ტერიტორიაზე იმყოფება და სამართალდამცველებს ჰყავთ დაკავებული. მომხდარზე გამოძიება საქართველოს შინაგან საქმეთა სამინისტრომ სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს. დაკავებულ ჟურნალისტს ბაქოს სასამართლომ სამთვიანი წინასწარი პატიმრობა უკვე შეუფარდა.
მომღერალმა თამარა გაჩეჩილაძემ „ევროვიზიის“სცენაზე გასვლის წინ მის მიერ ატვირთულ ვიდეოზე გადაცემა „პროფილში“ ისაუბრა. მომღერლის თქმით, გული დაწყდა, რომ ქართულმა საზოგადოებამ მის ლოცვაზე „იღადავა“.
ტყიბულისა და თერჯოლის მაჟორიტარი დეპუტატის ელგუჯა გოცირიძის ინიციატივითა და დაფინანსებით, ორივე რაიონის ტურისტული პოტენციალის ამსახველი საინფორმაციო ვიდეორგოლი შეიქმნა. ამჟამად, შესაბამის სახელმწიფო სტრუქტურებში ტურიზმის განვითარების გეგმის შედგენა და საჭირო ინფრასტრუქტურული სამუშაოების დაგეგმვა მიმდინარეობს. (NS)
ფინანსთა სამინისტროს საგამოძიებო სამსახურმა, ორგანიზებული ჯგუფის მიერ დიდი ოდენობით სახელმწიფოს საკუთრებაში არსებული უძრავი ქონების თაღლითურად დაუფლების ფაქტზე, სამი მოქალაქე დააკავა. საქმეზე ჩატარებული გამოძიებით დადგინდა, რომ ორგანიზებული ჯგუფის წევრებმა, სახელმწიფოს საკუთრებაში არსებული დიდი ოდენობით მიწის ნაკვეთების თაღლითურად დაუფლების მიზნით, მათთან დანაშაულებრივ კავშირში მყოფი ათეულობით მოქალაქის სახელზე, 2014-2017 წლებში დაამზადეს მიწის ნაკვეთის ყალბი მიღება-ჩაბარების აქტები, რაც წარადგინეს საჯარო რეესტრის ეროვნულ სააგენტოში და საკუთრებაში დაარეგისტრირეს თბილისში, გლდანის რაიონში, თბილისის ზღვის მიმდებარედ, ავშნიანის დასახლებაში მდებარე 3 694 840 ლარის ღირებულების 59 630 კვადრატული მეტრის (59 ჰა) მიწის ნაკვეთი. დანაშაულში მონაწილე სხვა პირების დადგენა-მხილების მიზნით, საგამოძიებო მოქმედებები გრძელდება. სისხლის სამართლის საქმეზე გამოძიება სისხლის სამართლის კოდექსის 180-ე მუხლის მესამე ნაწილის „ბ“ და მეოთხე ნაწილის „ა“ ქვეპუნქტით მიმდინარეობს, რაც სასჯელის სახით შვიდიდან ათ წლამდე ვადით თავისუფლების აღკვეთას ითვალისწინებს.
ინგლისის ქალაქ მანჩესტერის სტადიონზე მომხდარი აფეთქების შედეგად დაღუპულთა რიცხვი 22-მდე გაიზარდა. დაღუპულთა შორის, ბავშვებიც არიან. შემთხვევის შედეგად, დაშავებულია 59 ადამიანი. ადგილობრივი პოლიციის ინფორმაციით, ასაფეთქებელი მოწყობილობა თვითმკვლელმა ტერორისტმა აამოქმედა, რომელიც შემთხვევის დროს დაიღუპა. აფეთქება ამერიკელი პოპ ვარსკვლავის არიანა გრანდეს კონცერტის დასრულების შემდეგ, ფოიეში მოხდა. ამჟამად, სამართალდამცველებს მანჩესტერის ვიქტორიას სადგურსა და ლონდონში უსაფრთხოების ზომები გაძლიერებული აქვთ. სოციალური ქსელებით კი, თვითმხილველები აფეთქების შედეგად გამოწვეული პანიკის ამსახველ კადრებს ავრცელებენ.