დღეს თბილისის დროით 22 საათსა და 45 წუთზე საქართველოს ნაკრები იზმითში თურქეთის ეროვნულ ნაკრებს დაუპირისპირდება, სადაც რეალურად გაირკვევა ორივე გუნდის ბედი. სასწორზე ჯგუფიდან გასვლის შანსები დევს და ვინაიდან ორივე ნაკრებმა შეძლო ბულგარეთის დამარცხება და ესპანეთის უძლიერეს ნაკრებთან ორივენი დავმარცხდით. აუცილებელია საქართველომ შეძლოს მეზობლების დამარცხება წინააღმდეგ შემთხვევაში კი მსოფლიოს ჩემპიონატზე მოსახვედრად მოცდა კიდევ რამდენიმე წელი მოგვიწევს. #ახალიამბები #BusinessMediaGeorgia
გავლენიანმა გამოცემა ბლუმბერგმა ახლახან გამოაქვეყნა ინფორმაცია იმის შესახებ, რომ ლეგენდარული კრიშტიანუ რონალდუ ისტორიაში პირველი მილიარდერი ფეხბურთელი გახდა და ამ მიღწევით ისეთ სპორტსმენებს შეუერთდა, როგორებიც მაიკლ ჯორდანი და ტაიგერ ვუდსი არიან. რონალდუს მომაჯადოებელ კარიერაზე არანაკლებ შთამბეჭდავი მისი მოედანს მიღმა საქმიანობაა, საიდანაც ასეულობით მილიონ დოლარს აგენერირებს. #ახალიამბები #BusinessMediaGeorgia
გასული ზაფხულის საფეხბურთო სატრანსფერო ფანჯარას თუ გადაავლებდით თვალს უჩვეულოდ შენიშნავდით თურქული სუპერლიგის აქტიურობას, რომლებმაც 300 მილიონზე მეტი დახარჯეს, ისეთი მოთამაშეების გაფორმებაში, როგორებიც ვიქტორ ოსიმენი, ედერსონი, ჯონ დურანი და მარკო ასენსიო არიან. არადა ოდითგან თურქეთში მხოლოდ იმ შემთხვევაში მიდიოდნენ ფეხბურთელები თუკი კარიერის დასრულება და თანხის გამომუშავება ჰქონდათ განზრახული. მაშ რა შეიცვალა? საიდან გაუჩნდა თურქულ ფეხბურთს ამხელა ფინანსები და არის თუ არა ეს ახალი "საუდური" რეალობის დასაწყისი? თუ რამ გაზარდა ფეხბურთის დონე თურქეთში და საიდან მოვიდა ის ფინანსები, რომელიც გასულ ზაფხულს დახარჯეს. #ახალიამბები #BusinessMediaGeorgia
გასული ზაფხულის საფეხბურთო სატრანსფერო ფანჯარას თუ გადაავლებდით თვალს უჩვეულოდ შენიშნავდით თურქული სუპერლიგის აქტიურობას, რომლებმაც 300 მილიონზე მეტი დახარჯეს, ისეთი მოთამაშეების გაფორმებაში, როგორებიც ვიქტორ ოსიმენი, ედერსონი, ჯონ დურანი და მარკო ასენსიო არიან. არადა ოდითგან თურქეთში მხოლოდ იმ შემთხვევაში მიდიოდნენ ფეხბურთელები თუკი კარიერის დასრულება და თანხის გამომუშავება ჰქონდათ განზრახული. მაშ რა შეიცვალა? საიდან გაუჩნდა თურქულ ფეხბურთს ამხელა ფინანსები და არის თუ არა ეს ახალი "საუდური" რეალობის დასაწყისი? #ახალიამბები #BusinessMediaGeorgia
საქართველოს მინდა მივულოცო მერაბ დვალიშვილის მორიგი გამარჯვება. როგორც მოსალოდნელიც იყო, მსუბუქი წონის ჩემპიონმა მერაბ დვალიშვილმა კორი სანდჰაგენი დაამარცხა და ჩემპიონის ტიტული დაიცვა.UFC 320-ის მთავარ ღონისძიებაში ბრძოლა ხუთივე რაუნდს გაგრძელდა. დვალიშვილმა ერთსულოვანი გადაწყვეტილებით გაიმარჯვა.34 წლის მერაბ დვალიშვილს 21 გამარჯვება და 4 წაგება აქვს. დღევანდელი გამარჯვება ზედიზედ მე-14 მოგება იყო. წარმატებები ჩემო მერაბ, და მადლობა მას საქართველოს სახელით. #ახალიამბები #BusinessMediaGeorgia
ახლახან ჩაგვიარა ოქროს ბურთის დაჯილდოების ცერემონიალმა, თუმცა მისგან შექმნილი ხმაური ჯერაც არ არის მიჩუმებული. მოგეხსენებათ გამარჯვებული პსჟ-ს შემტევი უსმან დემბელე გახდა, რომელმაც გასულ სეზონში ტრებლის შესრულებაში უდიდესი წვლილი შეიტანა. დემბელე დღეს მსოფლიოს საუკეთესო ფეხბურთელია, თუმცა იყო დრო, როცა საფეხბურთო მინდორზე მეტ დროს ლაზარეთში ატარებდა და გამოჯანმრთელებისთვის იბრძოდა. ერთ დროს ბარსელონაში მყოფი უდისციპლინო და მყიფე თავდამსხმელისგან მსოფლიოს საუკეთესო მოთამაშე ჩამოყალიბდა, რომელიც პარიზელებისთვის ტიტულების მოსაპოვებლად მთავარი ფორმულა აღმოჩნდა. როგორ მოხდა უსმან დემბელეს ტრანსფორმაცია "შუშის" მსხვრევადი ფორვარდიდან, მსოფლიოს საუკეთესო ფეხბურთელობამდე? #ახალიამბები #BusinessMediaGeorgia
სერენა უილიამსი, ანუ რევოლუცია ჩოგბურთში #ახალიამბები #BusinessMediaGeorgia
სპორტში სტადიონების მშენებლობა ერთ-ერთი უძვირესი ინვესტიციაა, რომელიც ქმნის ყველანაირ პირობას სპორტსმენებისთვის, რათა საკუთარი შესაძლებლობები გამოავლინონ. დღეს ერთ-ერთი ყველაზე ლეგენდარული სტადიონის ბარსელონური კამპ ნოუს დაბადების დღეა, რომელსაც 68 წელი შეუსრულდა. დღესდღეობით ბარსელონა კამპ ნოუზე მიმდინარე სამუშაოების გამო ვერ ატარებს მატჩებს, თუმცა სულ მალე მშობლიურ მოედანს დაუბრუნდებიან. დღევანდელი სიუჟეტიც, რომელიც გამოცემა Worldatlas-ის მიხედვითაა აგებული, სწორედ ყველაზე ძვირად ღირებულ სტადიონებზეა და თუ რომელი მოედნები მოხვდნენ სიაში? #ახალიამბები #BusinessMediaGeorgia
ყველაზე შემოსავლიანი ჩოგბურთელების რეიტინგი (2025) #ახალიამბები #BusinessMediaGeorgia
გუშინ, 22 სექტემბერს პარიზში ყველაზე პრესტიჟული საფეხბურთო დაჯილდოების - ოქროს ბურთის ცერემონიალი გაიმართა. შოუს ორგანიზატორი ადგილობრივი გამოცემა France Football-ია, რომელიც ყოველწლიურად სხვადასხვა კატეგორიებში წლის საუკეთესო მოთამაშეებს ავლენს. წლევანდელმა ღონისძიებამ ქართველებისთვის კიდევ უფრო დიდი მნიშვნელობა შეიძინა, რადგან უკვე მეორედ წლის საუკეთესო მოთამაშის ჯილდოზე ხვიჩა კვარაცხელია ვიხილეთ. როგორ ჩაიარა ღონისძიებამ? #ახალიამბები #BusinessMediaGeorgia
2025 წლის საჩოგბურთო სეზონში მხოლოდ ერთადერთი დიდი ტურნირი, დეივისის შემაჯამებელი თასი დაგვრჩა, ოთხივე დიდი სლემის ტურნირმა ჩაიარა და ის სპორტის ამ სახეობის ორმა გენიოსმა, იანიკ სინერმა და კარლოს ალკარასმა გაინაწილეს. უკანასკნელი ამერიკის ღია პირველობა კი მამაკაცთა თანრიგში სწორედ ალკარასმა, ხოლო ქალთა რიგებში არინა საბალენკამ დაისაკუთრეს. აქედან გამომდინარე შეიცვალა წლის განმავლობაში გამომუშავებული თანხების რაოდენობაც. დღეს გთავაზობთ უკვე ოთხივე სლემ გადავლილ ფინანსურ მაჩვენებელს თუ როგორ დაჯდა რეიტინგი საჩოგბურთო სამყაროში განურჩევლად სქესისა. ირაკლი მოდებაძე თავისი ვიდეო პრეზენტაციის საშუალებით მოგვიყვება იმ ჩოგბურთელებზე, რომლებიც 2025 კალენდარულ წელს ყველაზე დიდი საპრიზო თანხებით ხურავენ. #ახალიამბები #BusinessMediaGeorgia
როგორ გახდა ფაბრიციო რომანო ყველაზე გავლენიანი სპორტული ჟურნალისტი? #ახალიამბები #BusinessMediaGeorgia
საქართველოს ისტორიაში ერთ-ერთ გამოჩენილ ფეხბურთელზე და მწვრთნელზე დავით ყიფიანზე უამრავი რამ დაწერილა. ისტორია, რომელსაც დღეს გავიხსენებთ, დავით ყიფიანი ბავშვობის მეგობარმა მოყვა, 17 სექტემბერი მძიმე და ტრაგიკული ამბავია დავით ყიფიანის ოჯახისთვის, ნათესავებისთვის, ახლობლებისთვის და საქართველოსთვის, ამ დღეს 2011 წელს ის გარდაიცვალა და მოვისმინოთ, რა ამბავს ჰყვება დავით ყიფიანის მეგობარი: დიდი სპორტიდან წასვლის შემდეგ ლეგენდარულმა ფეხბურთელმა მწვრთნელობა დაიწყო. მისი მეგობარი მაშინ უმუშევარი გახლდათ და თავისთან წაიყვანა - ახალგაზრდა, პერსპექტიული მოთამაშეების აღმოჩენა, შერჩევა და მსგავსი საქმეები დაავალა. ისიც ჩაერთო მუშაობაში - დადიოდა საქართველოს სხვადასხვა კუთხეში, დაბრუნებული კი დეტალურად აცნობდა მოპოვებულ ინფორმაციას დავით ყიფიანს, რომელიც, როგორც მეგობარს ეჩვენებოდა, ყურადღებით ისმენდა მის რჩევებს და ითვალისწინებდა კიდეც. ყოველი თვის ბოლოს "სელექციონერი" მშვიდი სინდისით მიდიოდა მოლარესთან კუთვნილი გასამრჯელოს ასაღებად. ასე გადიოდა დრო.ერთ დღესაც დავით ყიფიანმა მწვრთნელობას თავი დაანება და მისმა მეგობარმა მხოლოდ ამის შემდეგ გაიგო საოცარი ამბავი: "სამსახურში" მისულმა აღმოაჩინა, რომ მისი თანამდებობა არ არსებობდა. ეს ყველაფერი, თავის სელექციიდან-ხელფასიანად, დავით ყიფიანის მოგონილი და დადგმული "კომბინაცია" აღმოჩნდა და "ხარჯსაც" "ყიფო" (როგორც მას ბავშვობის მეგობრები და თანაგუნდელები ეძახდნენ) საკუთარი ჯიბიდან იღებდა, რომ გაჭირვებულ მეგობარს მხარში ამოსდგომოდა. #ახალიამბები #BusinessMediaGeorgia
სპორტის ისტორიას მხოლოდ ერთეული მილიარდერები ახსოვს, როგორებიც ტაიგერ ვუდსი, როჯერ ფედერერი, ლებრონ ჯეიმსი და მაიკლ ჯორდანი არიან. თუმცა არის კიდევ ერთი მივიწყებული კალათბურთელი, რომელმაც სპორტის ნაცვლად სახელი სწორედ მეწარმეობით გაითქვა და მილიარდერიც გახდა. საუბარი მილოუკი ბაქსის ყოფილ მოთამაშეზე, ჯუნიორ ბრიჯმენზეა, რომელმაც NBA-ში თავი თამაშში სათადარიგოთა სკამიდან წარმატებული ჩართვებით გაითქვა, ხოლო ბიზნესში არაერთი დიდებული ინვესტიციით. #ახალიამბები #BusinessMediaGeorgia
2024/25 წლების საფეხბურთო სეზონი იყო დაძაბული, დრამატული და ისტორიული მრავალი კუთხით. როგორც ეროვნულმა ჩემპიონატებმა, ისე საერთაშორისო ტურნირებმა, გულშემატკივრებს დაუვიწყარი ემოციები აჩუქეს, მათ შორის ქართველებსაც, რადგან საქართველოს უკვე მეორე ჩემპიონთა ლიგის მფლობელი ჰყავს ხვიჩა კვარაცხელიას სახით. ქართველის წარმატებამ ადგილობრივ გულშემატკივარს სიამაყის საფუძველი მისცა და სეზონის მთავარ მოვლენად იქცა. თუმცა კიდევ რომელმა მოვლენებმა დაგვამახსოვრეს თავი? #ახალიამბები #BusinessMediaGeorgia
საქართველოს ეროვნულმა საკალათბურთო ნაკრებმა ისტორიულ შედეგს მიაღწია და არსებობის განმავლობაში პირველად ევრობასკეტის მეოთხედფინალურ ეტაპზე ითამაშებს. ერთ ტურნირზე ესპანეთისა და საფრანგეთის დამარცხებით ჩვენს ნაკრებს უკვე ჩემპიონატის “აღმოჩენასა” და “შავ ცხენს” უწოდებენ მოულოდნელად ნაჩვენები საოცარი თამაშის გამო. მეოთხედფინალურ ეტაპზე საქართველო ფინეთის ეროვნულ ნაკრებს დაუპირისპირდება. დღევანდელ ვიდეო პრეზენტაციაში კი სკანდინავიელებთან მოსალოდნელი შეხვედრის გარდა სწორედ აწ უკვე ლეგენდარულ ფრანგებთან გამარჯვებასაც განვიხილავთ. #ახალიამბები #BusinessMediaGeorgia
საფეხბურთო ინტრიგების 2025/26 სეზონი #ახალიამბები #BusinessMediaGeorgia
საქართველო vs თურქეთი - გზა მსოფლიოს ჩემპიონატისკენ #ახალიამბები #BusinessMediaGeorgia
საქართველოს ეროვნულ საკალათბურთო ნაკრებს, რომლის მთავარი სპონსორიც საქართველოს ბანკია, ერთი მატჩი დარჩა ბოსნია-ჰერცოგოვინას წინააღმდეგ და სწორედ აღნიშნული დაპირისპირება გაარკვევს ჯგუფიდან გასვლასთან დაკავშირებულ საკითხებს. ევრობასკეტის წლევანდელი გათამაშება საორგანიზაციო კუთხით ოთხივე მასპინძელ ქალაქში იდეალურად მიმდინარეობს, რაც აჩენს კითხვას თუ რა ფინანსები ჩაიდო მასპინძლების მხრიდან ტურნირის მოსამზადებელ ეტაპზე. #ახალიამბები #BusinessMediaGeorgia
27 აგვისტოს სტარტი აიღო საკალათბურთო ევროპის ჩემპიონატმა სადაც საქართველომ მოქმედი ჩემპიონის, ესპანეთის ეროვნული ნაკრების წინააღმდეგ ისტორიული გამარჯვება მოიპოვა. საქართველოს ჯგუფიდან გასვლის კარგი შანსი აქვს, მით უფრო, რომ ჩვენს რიგებში NBA-ის ორი კალათბურთელი სანდრო მამუკელაშვილი და გოგა ბითაძე ასპარეზობენ. ზოგადადაც ტურნირზე უამრავი ეროვნული საკალათბურთო ასოციაციის მოთამაშეა, რომლებიც გამოირჩევიან, როგორც სათამაშო ხარისხით ისე ანაზღაურებითაც. დღეს სწორედ ამ უკანასკნელ კომპონენტს გავუსვამთ ხაზს და წარმოგიდგენთ მიმდინარე ევრობასკეტის ყველაზე შემოსავლიანი კალათბურთელების რეიტინგს. #ახალიამბები #BusinessMediaGeorgia
2024/25 წლების საფეხბურთო სეზონი უკვე დასრულებულია — და დროა, ყურადღება გადავიტანოთ იმ მოთამაშეებზე, რომლებმაც სეზონის რიტმი და დინამიკა განსაზღვრეს. ისინი იყვნენ თავიანთი კლუბების ლიდერები, მატჩების გმირები და გულშემატკივართა შთაგონების წყარო. შესაბამისად სიუჟეტში, რომელსაც ახლა წარმოგიდგენთ ვკონცენტრირდებით იმ ფეხბურთელებზე, რომლებმაც მთავარი როლი შეასრულეს 2024/25 წლების სეზონის ფორმირებასა და საკუთარი კლუბების წარმატებაში, რითაც ოქროს ბურთის მიღების ერთ-ერთი მთავარი კანდიდატებიც არიან. #ახალიამბები #BusinessMediaGeorgia
2024/25 წლების 5 გამორჩეული საფეხბურთო მოვლენა #ახალიამბები #BusinessMediaGeorgia
ყველა ფეხბურთელი საკუთარი ოცნების ასრულებისკენ ისწრაფვის რაც ფავორიტ კლუბში ტრანსფერსა და იქ ყველა შესაძლო ტიტულის მოპოვებას გულისხმობს. თუმცა არის შემთხვევები, როცა შემოთავაზებული თანხა კლუბებს არ აკმაყოფილებთ და ტრანზიტი ჭიანურდება. ამ დროს მოთამაშეთა სურვილი ადგილმდებარეობის გამოცვლის თაობაზე ორმაგდება და ყოფილა ისეთი შემთხვევებიც, როცა საკუთარი ჯიბიდან დაუმატებიათ თანხა იმისათვის, რომ სასურველ ადგილას გადასულიყვნენ. სიუჟეტიც ამ თემას შეეხება, როცა ტრანსფერის განსახორციელებლად საჭირო თანხების მოუბილიზებლობის გამო ფეხბურთელებს საკუთარი ჯიბიდან გაუღიათ ფინანსები, ოცნების ასასრულებლად. #ახალიამბები #BusinessMediaGeorgia
საქართველოში მიმდინარე ფარიკაობის მსოფლიოს ჩემპიონატზე სანდრო ბაზაძემ ჩვენს ქვეყანას ოქროს მედალი მოუპოვა, რომლისკენაც ქართველი მოფარიკავე წლების განმავლობაში მიიწევდა. ფარიკაობის მსოფლიო ჩემპიონატს საქართველო პირველად მასპინძლობს. თბილისში 158 ქვეყნის 1800-მდე სპორტსმენი ჩამოვიდა, მათ შორის - რუსეთიდან. რუს მოფარიკავეებს, წლების შემდეგ, მსოფლიო ჩემპიონატზე ჯგუფურად ასპარეზობის უფლება პირველად სწორედ თბილისში ეძლევათ. რუსეთის დელეგაციაში 24 სპორტსმენია, ნაწილი - სამხედრო ჩინით. ისინი რუსეთის ძალოვან უწყებებთან, შეიარაღებულ ძალებთან თანამშრომლობენ და ეხმარებიან რუსეთის არმიას უკრაინასთან ომში; დაახლოებული არიან რუსეთის ხელისუფლებასთან, ფოტოებზე პოზირებენ პუტინთან ერთად. უკრაინაში რუსეთის შეჭრის შემდეგ, რუს სპორტსმენებს საერთაშორისო დონის შეჯიბრში მონაწილეობის უფლება ან საერთოდ არ ჰქონდათ, ანდა ჰქონდათ - ინდივიდუალურად, არა ჯგუფურად - ნეიტრალური სტატუსით. რუსი სპორტსმენები ნეიტრალური სტატუსით, ინდივიდუალურად მონაწილეობდნენ საერთაშორისო შეჯიბრებებში. თუმცა ნეიტრალურ სტატუსს ყველას არ აძლევდნენ და არც ყველა იყო თანახმა, რომ მიეღო. უკვე ივლისის დასაწყისში, თბილისის ჩემპიონატამდე ორიოდე კვირით ადრე, ეს შეზღუდვაც მოიხსნა და საქართველოს დედაქალაქს რუსი, ხელისუფლებასთან დაახლოებული მოფარიკავეები ესტუმრნენ. ცხადია ამ ინციდენტმა ბაზაძის წარმატება მაინც ვერ გადაფარა #ახალიამბები #BusinessMediaGeorgia
FIFA-ს ანუ ფეხბურთის საერთაშორისო ფედერაციის წევრი, რომ გახდე საჭიროა ორი ფუნდამენტური მოთხოვნა დააკმაყოფილო: იყო დამოუკიდებელი და გყავდეს ეროვნული საფეხბურთო ნაკრები. ამ უკანასკნელს გრენლანდია აკმაყოფილებს, თუმცა ის დანიის ავტონომიური ტერიტორიაა და დამოუკიდებლობა მოპოვებული არ აქვს. მისი დამოუკიდებლობის მიღება და მოგვიანებით მიერთება კი აშშ-ს პრეზიდენტ დონალდ ტრამპს აქვს განზრახული, რომლის გონებაშიც ის ძვირფასი მინერალები ტრიალებს, რომელსაც გრენლანდიის ყინულები ინახავს. მოგეხსენებათ ფიფას პრეზიდენტ ჯანი ინფანტინოს ტრამპთან იდეალური ურთიერთობა აკავშირებს და სულაც არ არის გამორიცხული დონალდის თხოვნით მან ფიფას კოდექსს გადაუხვიოს და მსოფლიო ფეხბურთის სამყაროს მართლაც შეუერთოს. რა შანსები აქვს გრენლანდიის ეროვნულ ნაკრებს საერთაშორისო საფეხბურთო ელიტაში ჩასაწერად და რა როლს ითამაშებს ამ პროცესში ამერიკა? #ახალიამბები #BusinessMediaGeorgia
5 ყველაზე მაღალ შემოსავლიანი მორაგბე მსოფლიოში #ახალიამბები #BusinessMediaGeorgia
გასულმა საფეხბურთო სეზონმა ბევრი გამორჩეული მომენტი გვაჩუქა, რომელიც ძირითადად 2024 წლის სატრანსფერო ფანჯარაზე განხორციელებული ტრანზიტებით იყო გამოწვეული. ვგულისხმობ იმ მოთამაშეებს, რომლებმაც ადგილსამყოფელი გამოიცვალეს და მნიშვნელოვანი გარდატეხა შეიტანეს თავიანთ კლუბებში. იგივე ხვიჩა კვარაცხელიაც, რომელმაც პსჟს ტრებლის შესრულებაში უმნიშვნელოვანესი წვლილი შეიტანა და ჩემპიონთა ლიგის ფინალში გოლითაც გამოირჩა. საპირისპიროდ კი ვნახეთ ისეთი ტრანსფერებიც, რომლებმაც იმდენად ვერ გაამართლეს, რომ გუნდებს მთელი სეზონი ჩაუვარდათ და მთლიანად სატრანსფერო კამპანიაც აერიათ. #ახალიამბები #BusinessMediaGeorgia
2025 წლის FIFA-ს საკლუბო მსოფლიო ჩემპიონატის შეჯამება #ახალიამბები #BusinessMediaGeorgia
საკლუბო მსოფლიო ჩემპიონატი 2025 - გამარჯვებული ლონდონის “ჩელსია” #ახალიამბები #BusinessMediaGeorgia
ფეხბურთელები, რომლებმაც ეროვნულ ნაკრებში ასპარეზობა მწვრთნელთან კონფლიქტის გამო იუარეს #ახალიამბები #BusinessMediaGeorgia
სატრანსფერო ფანჯარას ფეხბურთში იმ პრობლემატური პოზიციების გასაძლიერებლად იყენებენ, სადაც გუნდი მოთამაშეებს მოისაკლისებს. ამიტომ კამპანიებს განსაკუთრებით გულდასმით გეგმავენ და სკაუტების მიერ მონიშნული მოთამაშეების დამატებაზე მუშაობენ. არის შემთხვევები, როდესაც გაწეული სამუშაო იმდენად წარმატებული გამოდის, რომ ერთგვარი ტიტულების მომგები დინასტიაც კი იქმნება, მაგრამ საპირისპიროდ ვხვდებით ისეთ შემთხვევებსაც, როდესაც გადახდილი ასობით მილიონი წყალში იყრება და ახალი მოთამაშეები კლუბებში ფეხს ვერ იკიდებენ. ვინაიდან სატრანსფერო ფანჯარა ღიაა და ამ დროსაც მუშაობა მიმდინარეობს, გადავწყვიტეთ გავიხსენოთ 21-ე საუკუნეში არსებული 5 საუკეთესო და 5 ყველაზე ცუდი კამპანია, რომლებმაც გუნდებში ან ახალი დიდი ეპოქის დასაწყისს დაუდეს სათავე, ან პრობლემების მთელი ჯაჭვი წარმოშვეს #ახალიამბები #BusinessMediaGeorgia
ამერიკის დამოუკიდებლობის დღეს აიოვას შტატში გამართულ პრესკონფერენციაზე დონალდ ტრამპმა განაცხადა, რომ მომავალ წელს აშშ-ს 250 წლის იუბილეზე გეგმავს UFC-ის ღონისძიების ორგანიზებას არც მეტი არც ნაკლები თეთრი სახლის ეზოში. მისი გათვლებით ღონისძიებას 25 ათასი ადამიანი დაესწრება და ეს იქნება ერთ-ერთი საუკეთესო და გამორჩეული შოუ, რომელიც ოდესმე ჩატარებულა. სპორტის ინდუსტრიას კიდევ არაერთი განსაკუთრებული და უცნაური ლოკაციები ახსოვს, რომლებმაც მნიშვნელოვან ღონისძიებებს უმასპინძლებს. #ახალიამბები #BusinessMediaGeorgia
კალათბურთის ისტორიაში ერთ-ერთი ყველაზე ტრადიციული და ლეგენდარული კლუბი “ლოს ანჯელეს ლეიკერსი” 46 წლის შემდეგ პირველად, სპორტულ კლუბებში გადახდილ რეკორდული ოდენობის თანხად, 10 მილიარდ დოლარად გაიყიდა. ფრენჩაიზი, რომელიც მეორე ადგილზეა მოგებული NBA-ის ტიტულების მიხედვით სწორედ ბასების ოჯახის მმართველობისას უკანასკნელ 46 წელში გახდა ერთ-ერთი საუკეთესო ფრენჩაიზი მთლიანად სპორტში და მიაღწია მწვერვალებს. ვინ შეიძინა “ლეიკერსი” და ვინ გახდება მისი ახალი მმართველი? #ახალიამბები #BusinessMediaGeorgia
გასულ საფეხბურთო სეზონში ძალიან ბევრი წარმატება თუ წარუმატებლობა ვიხილეთ, თუმცა ყველაზე ემოციური ცხადია დამშვიდობების ნაწილია. ლეგენდარული მოთამაშეები იცვლიან ადგილსამყოფელს ზოგიერთიც საერთოდაც კარიერას ასრულებს და ეს დიდ ემოციებთანაა დაკავშირებული. რომელი საფეხბურთო ფიგურები დაგვემშვიდობნენ გასულ სეზონში და ვისთან განშორება იყო ყველაზე რთული? #ახალიამბები #BusinessMediaGeorgia
ყველაზე უცნაური “გაცვლები” სპორტში #ახალიამბები #BusinessMediaGeorgia
გავლენიანი გამოცემა Bloomberg-ის მიხედვით, ლეგენდარული ჩოგბურთელის როჯერ ფედერერის ქონება მისი კარიერის დასრულებიდან სამი წლის შემდეგ უკვე 1.3 მილიარდ დოლარად ფასდება. მე პირადად, არ მახსენდება მოქმედი ან ყოფილი ჩოგბურთელი, რომელიც მილიარდერებში მოხვედრილიყო. 43 წლის შვეიცარიელმა ვარსკვლავმა, რომელმაც კარიერის განმავლობაში უამრავი ტიტული მოიგო, საპრიზო ფულად ჯილდოდ ჯამში 95.3 მილიონი ფუნტი გამოიმუშავა. თუმცა, მიუხედავად 20 გრანდ სლემის ტიტულისა, მისი ქონების უმეტესი ნაწილი კორტს გარეთ დაგროვდა, რაშიც შედის ინვესტიციები და სარეკლამო კონტრაქტები, ასევე გათვალისწინებულია შვეიცარიული გადასახადები და ბაზრის დინამიკა. #ახალიამბები #BusinessMediaGeorgia
ილია თოფურია UFC-ის მსუბუქი წონის ჩემპიონია #ახალიამბები #BusinessMediaGeorgia
გასულმა საფეხბურთო სეზონმა ბევრი მოთამაშის პროგრესი გამოაჩინა, ძირითადად ეს პსჟ-ს ფეხბურთელებზე ითქმის, რომელთაც ჩემპიონთა ლიგა მოიგეს, თუმცა ბალანსისთვის მედალს ორი მხარე აქვს. ვგულისხმობ იმას, რომ ბევრმა ისეთმა მოთამაშემ განიცადა რეგრესი, რომლებზეც 2024 წელს ზეაღმატებულ ხარისხში ვსაუბრობდით, თუმცა წელს იმის აჩრდილები იყვნენ რა დონეც მანამდე გვიჩვენებს. ეს ყველაფერი ცხადია მათ ღირებულებებზეც აისახება. #ახალიამბები #BusinessMediaGeorgia
საქართველოს დროით კვირას გამთენიისას UFC 317-ზე ქართველი ყოფილი ქვემსუბუქი წონის ჩემპიონი ილია თოფურია ახალ 70 კილოგრამ მსუბუქ წონით კატეგორიაში იასპარეზებს და ახალი ქამრის მოპოვებას ბრაზილიელი ჩარლზ ოლივეირას წინააღმდეგ შეეცდება. როგორ მოემზადა ბრძოლისთვის თოფურია, როგორ შედგა ბრძოლა და რა ისტორია აქვს ამ ბრძოლას? #ახალიამბები #BusinessMediaGeorgia
დასრულდა NBA-ის ფინალები და გამოვლინდა ახალი ჩემპიონი ოკლაჰომა სითი თანდერის სახით, რომელმაც არსებობის განმავლობაში პირველი ტიტული მოიგო. ამ გზას ფრენჩაიზი წლების განმავლობაში გადიოდა და ულევი ჩადებული რესურსი და შრომა ახლაღა დაფასდა. რა გზა გაიარა ფრენჩაიზმა ტიტულამდე და როგორ განვითარდა გუნდი დროთა განმავლობაში? #ახალიამბები #BusinessMediaGeorgia
ყველა სპორტს თავისი საუკეთესო წარმომადგენელი ჰყავს, რომლის ამორჩევაც სტატისტიკის ან სულაც გემოვნების საკითხია. ფეხბურთში ასეთი რამდენიმეა, რომელთა შორისაც ძალიან ბევრი ლიონელ მესის მოიაზრებს, რომელიც დღეს იუბილარია და 38 წლის გახდა. მის კარიერულ მიღწევებზე ალბათ ყველას ყველაფერი მოგეხსენებათ, თუმცა ბევრად ნაკლებმა თუ იცით მისი ბიზნესების შესახებ. #ახალიამბები #BusinessMediaGeorgia
სპორტსმენების შემოსავლები ერთ-ერთი ყველაზე მზარდად ცვალებადი რეიტინგია, რომელიც შესაძლოა ყოველ კვარტალში ერთხელაც კი შეიცვალოს. ამჯერად 2025 წლის რეიტინგი გამოქვეყნდა. #ახალიამბები #BusinessMediaGeorgia
მომავალ წელს, 4 წლიანი პაუზის შემდეგ განახლებული მსოფლიოს საფეხბურთო ჩემპიონატი გვიბრუნდება, რომელსაც ერთდროულად სამი ქვეყანა აშშ, კანადა და მექსიკა მასპინძლობენ. განახლებულს ვუწოდებთ, რადგან ტურნირზე მონაწილე გუნდების რაოდენობა 48-მდეა გაზრდილი და ეს ფაქტორი მეორეული და მესამეული ქვეყნებისთვის, მათ შორის ჩვენთვისაც, დიდი შესაძლებლობაა. ეს შანსი კი უკვე გამოიყენეს იორდანელებმა და უზბეკებმა, რომლებიც ისტორიაში პირველად მიიღებენ ტურნირზე მონაწილეობას. ზოგადად უზბეკებს სპორტში დიდი პროგრესი აქვთ, რაზედაც მათი ბოლო ოლიმპიური თამაშებიც მოწმობს, სადაც 8 ოქროს მედალი მოიპოვეს. საფეხბურთო მიმართულებით კი ისეთი რეფორმები გატარდა, რომ ასაკობრივ დონეზე მუდმივად ასპარეზობენ მუნდიალზე, შიგადაშიგ იგებენ აზიის თასს და ასპარეზობენ ოლიმპიურ თამაშებზეც. ამ წარმატებაში რეფორმების გარდა ლომის წვლილი ქართული ფესვების მქონე უზბეკ მწვრთნელ, თემურ კაპაძესაც მიუძღვნის, რომელმაც ნაკრები ტაქტიკითაც და მენტალურადაც სწორ გზაზე დააყენა. #ახალიამბები #BusinessMediaGeorgia
საფეხბურთო პოსტ სეზონ მდგომარეობაში მაყურებელთა მთელი ინტერესი განახლებულ და გადიდებულ ფიფას საკლუბო მსოფლიო ჩემპიონატზეა მიმართული, რომელზედაც ჯერ ვერ ვიტყვით თუ რამდენად გაამართლა ჩვენი მოლოდინები, რადგან ტურნირი კვლავ მიმდინარეობს. საქმე ისაა, რომ ოდითგან ჩემპიონატი არ იქცევდა გულშემატკივართა ყურადღებას და შესაბამისად არასდროს გამოირჩეოდა რაიმე განსაკუთრებული პოპულარობით. ფიფამ კი გადაწყვიტა ტურნირისთვის განსაკუთრებული დრო დაეთმო და სახეცვლილი სახით დაებრუნებინა. ამბავი ისაა, რომ ამ გაზრდილ და გაბერილ საკლუბო მუნდიალს ფეხბურთის მთლიანად გარდაქმნა შეუძლია, რაზედაც ბევრი მცირე-მცირე დეტალიც მეტყველებს #ახალიამბები #BusinessMediaGeorgia
ერთი გამორჩეული მოვლენა, რომელიც ამ დროისთვის ისტორიაში შევიდა როგორც მსოფლიოში ყველაზე დიდი ბიზნეს გარიგებას, გაიყიდა ლეგენდარლი საკალათბურთო გუნდი 'ლოს ანჯელეს ლეიკერსი" და მისი მფლობელი, მილიარდერი მარკ ვალტერი გახდა, რომელიც თავის მხრივ, ლოს ანჯელეს დოჯერსის მეპატრონეა. ლეიკერსის ახალი მეპატრონე და მყიდელი ანუ მარკ ვალტერი, “ლეიკერსის” მცირე წილს ჯერ კიდევ 2021 წლიდან ფლობს, თუმცა TWG-ის განცხადებით ის კლუბში წილებს კიდევ უფრო გაზრდის. ვალტერი TWG Global-ის აღმასრულებელი დირექტორი და დამფუძნებელია, ასევე WNBA-ის “ლოს-ანჯელეს სპარქსის”, პრემიერლიგის კლუბ “ჩელსი”-სა და ახალი “Cadillac” Formula 1-ის გუნდის (რომელიც 2026 წელს დაიწყებს მონაწილეობას ფორმულა 1-ში) წილების მფლობელია. გარდა იმისა რომ სპორტული ფრანჩაიზების ისტორიაში, ყველაზე ძვირდღირებული გარიგების მოწმენი გავხდით, თავის მხრივ და ამ გარიგების დახურვის შემდეგ, “ლეიკერსი” ისტორიაში ყველაზე ძვირად გაყიდული სპორტული კლუბი გახდება . #ახალიამბები #BusinessMediaGeorgia
მსოფლიოში ყველაზე გავლენიანი შერეული საბრძოლო ხელოვნების ორგანიზაცია UFC ისტორიაში პირველად კავკასიის რეგიონს სტუმრობს და შოუს აზერბაიჯანის დედაქალაქი ბაქო მასპინძლობს. ცხადია ეს უდიდესი მოვლენაა რეგიონისთვის, რადგან აზერბაიჯანის მეზობლად და სიახლოვეს მყოფი ქვეყნებიდან უამრავ ადამიანს მიეცემა საშუალება უშუალოდ ადგილიდან მიადევნოს თვალი ბრძოლებს. რატომ გადაწყვიტა UFC-იმ შოუს ბაქოში ჩატარება, რა ღირს ბილეთები და როგორ მოემზადა შოუსთვის აზერბაიჯანი? #ახალიამბები #BusinessMediaGeorgia
ყველაზე მაღალშემოსავლიანი მოთამაშეები FIFA-ს მსოფლიო საკლუბო ჩემპიონატზე #ახალიამბები #BusinessMediaGeorgia
TOP - 5 საფეხბურთო ლიგის მთავარი ფაქტები #ახალიამბები #BusinessMediaGeorgia
ბუდაპეშტში მიმდინარე ძიუდოს მსოფლიოს ჩემპიონატზე ქართული სპორტის ახალი ისტორია დაიწერა, კერძოდ 57 კილოგრამ წონით კატეგორიაში ეთერ ლიპარტელიანი მსოფლიოს ჩემპიონი გახდა. ამ მიღწევით ის გახდა პირველი ქალი ჯუდოკა, რომელმაც შეძლო ოლიმპიური თამაშების შემდეგ რანგით მეორე ტურნირის უმაღლესი ჯილდოს მოპოვება. #ახალიამბები #BusinessMediaGeorgia
ეთერ ლიპარტელიანი მსოფლიო ჩემპიონია #ახალიამბები #BusinessMediaGeorgia