EA Sports-ის ოფიციალურ ვებგვერდზე ესპანური ლა ლიგის თებერვლის თვის საუკეთესო მოთამაშის შესარჩევად გამოკითხვა მიმდინარეობდა, რომელშიც ქართველმა ფორვარდმა, გიორგი მიქაუტაძემ კონკურენტებს - ფედერიკო ვალვერდეს (“რეალი”), ლუის მილიას (“ხეტაფე”), ტომა ლემარს (“ჟირონა”) და აბდე ეზალზულის აჯობა და ჯილდოც დამსახურებულად მიიღო.

გამოკითხვა გუშინ დასრულდა და ოფიციალური შედეგები ჯერ არ გამოცხადებულა, თუმცა შედეგების შესახებ ნაადრევი ინფორმაცია EA FC UT-თან დაკავშირებულ გავლენიან პორტალ Fut Sheriff-ზე გავრცელდა.აქედან გამომდინარე გარდა იმისა, რომ მიქაუტაძე თვის საუკეთესო ფეხბურთელის ჯილდოს ჩაიბარებს, ცნობილ საფეხბურთო სიმულატორ EA FC 26-ში, კერძოდ კი Ultimate Team-ში გიორგი მიქაუტაძის სპეციალური, POTM ქარდიც გამოვა.

თებერვალში ქართველმა შემტევმა სამი გოლი გაიტანა - 9 თებერვალს “ესპანიოლთან“, 14 თებერვალს “ხეტაფესთან“ და 18 თებერვალს “ლევანტესთან“. მიქაუტაძის გოლების სერია ლა ლიგის გასულ ტურში, “ვალენსიას“ წინააღმდეგ შეწყდა, თებერვალში კი “ვილიარეალი“ კიდევ ერთ მატჩს 28 თებერვალს, სტუმრად, “ბარსელონას“ წინააღმდეგ გამართავს.

#ახალიამბები #BusinessMediaGeorgia