გავლენიანმა ამერიკულმა გამოცემა ESPN-მა სპორტული სამყაროს ახალი თაობის ვარსკვლავები გამოავლინა. გამოცემამ გამოაქვეყნა რეიტინგი, რომელიც საუკეთესო 30 წლამდე მებრძოლებს აერთიანებს. სია ასახავს იმ სპორტსმენებს, რომლებიც დღეს უკვე განსაზღვრავენ ყველაზე პოპულარული საბრძოლო ხელოვნების MMA-ს მომავალს. ვინ მოგვევლინა ახალი ეპოქის ლიდერად და რომელ ამომავალ ტალანტებს უწინასწარმეტყველებენ სუპერვარსკვლავურ კარიერას? #ახალიამბები #BusinessMediaGeorgia
რაში დებს ფულს კრიშტიანუ რონალდუ? - ბოლო ინვესტიცია - perplexity AI #ახალიამბები #BusinessMediaGeorgia
UFC 323-ზე მერაბ დვალიშვილი რეკორდული რიგით მეოთხე სატიტულო ქამრის დაცვისთვის უმძიმეს ბრძოლაში პიოტრ იანთან დამარცხდა. ქართველმა მებრძოლმა მთელი მსოფლიო დაარწმუნა, რომ ის თავისი წონითი კატეგორიის ყველა დროის საუკეთესო მებრძოლია, რომ გაჩერებას არ აპირებს და 2026 წელს დაკარგული ქამრის დაბრუნებას შეეცდება. #ახალიამბები #BusinessMediaGeorgia
ჰოკეი დღეს გლობალური სპორტია, მაგრამ მისი ყველაზე გავლენიანი ლიგა – NHL – 1917 წელს მონრეალში არსებული ბნელი დარბაზებიდან დაიწყო. ოთხმა გუნდმა ახალ წესებზე დაყრდნობით შექმნა ლიგა, რომელმაც მიზნად დაისახა ჰოკეის პროფესიონალიზმი და სპორტის მომავლის შეცვლა. პირველი სეზონები ქაოსით, ფინანსური კრიზისებითა და გუნდების მუდმივი ცვლილებებით იყო სავსე, თუმცა NHL-ს ერთი რამ აერთიანებდა – ამბიცია გამხდარიყო ჰოკეის სტანდარტი. დროსთან ერთად ლიგამ გადალახა დიდი დეპრესია, ომები და ბაზრების გაფართოების რთული ეპოქა. და დღეს NHL მხოლოდ ლიგა აღარ არის. ეს არის ბრენდი, ბიზნესი, კულტურა და ჰოკეის უმაღლესი სტანდარტი. როგორ დაიწყო ყველაფერი და როგორ ჩამოყალიბდა ჰოკეის გიგანტი? #ახალიამბები #BusinessMediaGeorgia
საქართველოს ფეხბურთის ფედერაციისა და ნიდერლანდურ კლუბ არნემის “ვიტესის” ყოფილი პრეზიდენტი მერაბ ჟორდანია, ქართულ ფეხბურთში დაბრუნდა. კერძოდ ჟორდანია ლანჩხუთის “გურიას” სტაფში იმუშავებს, ხოლო გუნდის მთავარი მმართველი მისი ვაჟი კახი ჟორდანია იქნება. ინფორმაცია მერაბ ჟორდანიამ გადაცემაში “სპორტი იმედზე” სტუმრობისას გაავრცელა. მისი თქმით “გურიას” ყველა ფინანსური დავალიანება დაიფარება და შექმნის ბიუჯეტს, რისი საშუალებითაც კლუბი Crystalbet ეროვნულ ლიგაში დაწინაურდება. რა გეგმებით არის წარმოდგენილი მამა შვილი ჟორდანია და რა ხდება ლანჩხუთის გურიას თავს? #ახალიამბები #BusinessMediaGeorgia
კოლა ქვარიანი – პირველი ქართველი საერთაშორისო ფალავანი, ადამიანი, რომელიც განუმეორებელი ფიზიკური ძალის პატრონი იყო. ქუთაისში გაზრდილი და მილერის სისტემით ჩამოყალიბებული ქართველი ათლეტი XX საუკუნის დასაწყისში იქცა დიდების იმ სახედ, რომელმაც ევროპული და ამერიკული რინგები საკუთარი სახელით ააწყო. სტენლი კუბრიკის ფილმში მონაწილეობიდან დაწყებული, ტრაგიკული აღსასრულით დასრულებული გიყვებით კოლა ქვარიანის კარიერაზე. სიუჟეტის ბოლოს კი პატარა ჩანახატსაც გინახავთ აგრეთვე ფენომენალურ ქართველ მოჭიდავე ნესტორ ესებუაზე. #ახალიამბები #BusinessMediaGeorgia
ბარსელონას უახლესი ათიანის, ლამინ იამალის თამაშს ვინც თვალს ადევნებთ რთულია არ შეამჩნიოთ მსგავსება მის ლეგენდარულ წინამორბედ ლიონელ მესისთან. ვგულისხმობთ სათამაშო ასპექტებს, რითაც იამალმა ათ ნომრიანი მაისურიც დაიმსახურა. ზოგადად კი ფეხბურთის სამყაროში ბევრი იყვნენ – ნიჭიერები, ტექნიკურად გამორჩეულები, ბავშვობიდანვე ‘ახალ მესად’ წოდებულები. მაგრამ ყოველთვის როდი ჰყოფნიდა ყველას ტალანტი, რომ ლეგენდის გზას გაჰყოლოდნენ. ზოგი ტრავმებმა შეაჩერა, ზოგი – არასწორმა არჩევანმა, ზოგიც უბრალოდ ვერ გაუმკლავდა იმ წნეხს, რასაც ‘მესის მემკვიდრის’ ტიტული ჰქვია. ლამინ იამალის იმედი ნამდვილად გვაქვს, თუმცა ჩვენ დღეს გაგაცნობთ ტოპ 5 მოთამაშეს, რომელთაც კარიერის სტარტზე ლეო მესისთან ადარებდნენ, თუმცა დიდი ფეხბურთის დონეზე ეს პროგნოზი ვერ განხორციელდა. #ახალიამბები #BusinessMediaGeorgia
ფეხბურთი მხოლოდ თამაში აღარ არის. ეს არის გიგანტური ინდუსტრია, სადაც მილიონებს ხარჯავენ ერთ კითხვაზე პასუხის მისაღებად: რა ღირს ფეხბურთელი? მაგრამ ზოგჯერ კონტრაქტები ფინანსურ ლოგიკას სცდება და გადადის აბსურდის ზონაში. გამოსასყიდი თანხა, რომლებიც ითხოვენ კერძო თვითმფრინავს, ბინის ქირას მთელი გუნდისთვის, უზარმაზარ ბონუსებს თითოეული‚ ინსტაგრამ პოსტისთვის და ა.შ. მილიარდიანი ხელფასები, გიჟური პირობები და ისეთი პუნქტები, რომელთა კითხვისას რჩება მხოლოდ ერთი კითხვა - ვინ მოიფიქრა ეს? ეს არის ყველაზე გიჟური კონტრაქტების ისტორია ფეხბურთში — გარანტიები, კაპრიზები, ფული და ყველაზე უჩვეულო მოთხოვნები, რომლებმაც ფეხბურთის სამყარო შოკში ჩააგდო. #ახალიამბები #BusinessMediaGeorgia
ქართველი მილიარდერი, მიხეილ ლომთაძე ასტანის საფეხბურთო კლუბ „ჟენისის“ მფლობელი გახდა. ამის შესახებ Forbes Kazakhstan-ი Kaspi.kz-ის მიერ მიწოდებულ ინფორმაციაზე დაყრდნობით წერს. როგორც ირკვევა ახალ ინვესტორს კლუბში „მსოფლიო დონის საფეხბურთო აკადემიის“ შექმნა სურს. Kaspi.kz-ი ლომთაძეს ციტირებს, რომ ის „ყაზახეთსა და ინგლისში პროფესიონალური, მსოფლიო დონის ბავშვთა საფეხბურთო აკადემიის შექმნაზე“ ოცნებობს.აკადემიაში სწავლა, სავარაუდოდ, უფასო იქნება და ახალგაზრდა სპორტსმენებს ყაზახეთიდან და ინგლისიდან ჩამოსული „წამყვანი სპეციალისტები“ გაწვრთნიან. „ჟენისის“ საფეხბურთო კლუბის გენერალური დირექტორის, აიდინ კოჟახმეტის განცხადებით, ის დარწმუნებულია, რომ ახალი ინვესტორის მისვლით კლუბი „თავის ძველ დიდებას დაიბრუნებს“. ცნობისთვის, „ჟენისის“ საფეხბურთო კლუბი 1964 წელს დაარსდა. კლუბმა ყაზახეთის ჩემპიონატი სამჯერ მოიგო (2000, 2001 და 2006 წლებში) და ასევე სამჯერ დაეუფლა ეროვნულ თასს (2001, 2002 და 2005 წლებში). მიხეილ ლომთაძე Kaspi.kz-ის ხელმძღვანელი და თანადამფუძნებელია. ის ყაზახეთის 50 ყველაზე გავლენიანი ბიზნესმენის 2024 წლის რეიტინგში მე-6 ადგილზეა. მიხეილ ლომთაძის ქონება $5.9 მილიარდს უტოლდება, რაც მას მილიარდერების რეიტინგში 657-ე პოზიციას ანიჭებს. ლომთაძე საქართველოს უმდიდრესი ადამიანია #ახალიამბები #BusinessMediaGeorgia
სპორტში საშუალო ხელფასების მაჩვენებლებს თუ დავაკვირდებით აღმოვაჩენთ, რომ საშუალოდ ამერიკულ ფეხბურთსა და კალათბურთში სპორტსმენები ყველაზე დიდ თანხებს გამოიმუშავებენ. დღეს სწორედ კალათბურთზე და მის უკაშკაშეს ვარსკვლავ სტეფ კარიზე უნდა ვკონცენტრირდეთ, რომელიც მსოფლიოში ერთ-ერთი ყველაზე მდიდარე ათლეტია, თუმცა უკანასკნელ დღეებში ყურადღების ცენტრში თავის უმსხვილეს სპონსორ ანდერ არმორთან ხელშეკრულების გაწყვეტით მოექცა, რომელიც მისი პირადი ფეხსაცმელების ხაზის მამობილი კომპანია იყო. #ახალიამბები #BusinessMediaGeorgia
ზუსტად 10 წელი შესრულდა, რაც მსოფლიო ლეგენდა ჯონა ლომუ გარდაიცვალა. ზეადამიანური ძალა, სისწრაფე და ქარიზმა ეს ის იშვიათი ნარევია, რომელმაც ახალ ზელანდიელი არა მხოლოდ რაგბიში, არამედ მთელს სპორტულ სამყაროში ფენომენად აქცია. ჯონა ლომუ გახდა რაგბის პირველი გლობალური სუპერვარსკვლავი. მისი გარბენები უკვე 90-იანებში ცვლიდა წარმოდგენას იმის შესახებ, როგორი უნდა ყოფილიყო თანამედროვე მოთამაშე. #ახალიამბები #BusinessMediaGeorgia
ბარსელონას უახლესი ათიანის, ლამინ იამალის თამაშს ვინც თვალს ადევნებთ რთულია არ შეამჩნიოთ მსგავსება მის ლეგენდარულ წინამორბედ ლიონელ მესისთან. ვგულისხმობთ სათამაშო ასპექტებს, რითაც იამალმა ათ ნომრიანი მაისურიც დაიმსახურა. ზოგადად კი ფეხბურთის სამყაროში ბევრი იყვნენ –ნიჭიერები,ტექნიკურად გამორჩეულები, ბავშვობიდანვე ‘ახალ მესად’ წოდებულები. მაგრამ ყოველთვის როდი ჰყოფნიდა ყველას ტალანტი, რომ ლეგენდის გზას გაჰყოლოდნენ. ზოგი ტრავმებმა შეაჩერა, ზოგი – არასწორმა არჩევანმა, ზოგიც უბრალოდ ვერ გაუმკლავდა იმ წნეხს, რასაც ‘მესის მემკვიდრის’ ტიტული ჰქვია. #ახალიამბები #BusinessMediaGeorgia
მსოფლიოს ერთ-ერთი გამორჩეული თუ საუკეთესო ფეხბურთელი არა, ლეონელ მესი ბავშვობაში ზრდის ჰორმონის იგივე "ეიჩჯიეჰის" მკვეთრ დეფიციტს განიცდიდა და არგენტინის ნაკრებში სადებიუტო მატჩში, ის 47-ე წამზე გააგდეს სტადიონიდან. მიუხედავად ყველაფრისა, ლეო მესი დღემდე პლანეტის ყველაზე ტიტულოვანი ფეხბურთელია, რომელმაც 8-ჯერ მიიღო ოქროს ბურთი, და არც ერთხელ, დიახ, არც ერთხელ არ შეუჩერებია ფრენა. #ახალიამბები #BusinessMediaGeorgia
ფეხბურთი, ანუ სოკერი, მსოფლიოში ყველაზე პოპულარული სპორტია. მაგრამ როცა საქმე ფულზე მიდგება, ამერიკული ფეხბურთის ლიგა, NFL, აშკარად სხვა ლიგაში თამაშობს. დღეს მისი კლუბების ღირებულება მეტია, ვიდრე ევროპის უდიდესი კლუბების — „რეალის“, „იუვენტუსის“ თუ „მანჩესტერ იუნაიტედის“. რატომ არის ამერიკული კლუბები ბევრად ძვირი, მაშინ როცა მათი სპორტი მსოფლიოს მხოლოდ ერთ ნაწილში, აშშ-შია პოპულარული? რაშია NFL-ის ფინანსური ძალის საიდუმლო? #ახალიამბები #BusinessMediaGeorgia
ფეხბურთი მხოლოდ თამაში აღარ არის. ეს არის გიგანტური ინდუსტრია, სადაც მილიონებს ხარჯავენ ერთ კითხვაზე პასუხის მისაღებად: რა ღირს ფეხბურთელი? მაგრამ ზოგჯერ კონტრაქტები ფინანსურ ლოგიკას სცდება და გადადის აბსურდის ზონაში. გამოსასყიდი თანხა, რომლებიც ითხოვენ კერძო თვითმფრინავს, ბინის ქირას მთელი გუნდისთვის, უზარმაზარ ბონუსებს თითოეული‚ ინსტაგრამ პოსტისთვის და ა.შ.მილიარდიანი ხელფასები, გიჟური პირობები და ისეთი პუნქტები, რომელთა კითხვისას რჩება მხოლოდ ერთი კითხვა - ვინ მოიფიქრა ეს? ეს არის ყველაზე გიჟური კონტრაქტების ისტორია ფეხბურთში — გარანტიები, კაპრიზები, ფული და ყველაზე უჩვეულო მოთხოვნები, რომლებმაც ფეხბურთის სამყარო შოკში ჩააგდო. #ახალიამბები #BusinessMediaGeorgia
დღევანდელ დღეს 34 წლის წინ სპორტის ისტორიაში ერთ-ერთი ყველაზე შოკისმომგვრელი ცნობა გავრცელდა. 1991 წელს სტიგმები აივ/შიდსის გარშემო ძალიან მაღალი იყო. NBA-ის ვარსკვლავმა, მეჯიქ ჯონსონმა კი სწორედ ამ წელს გააკეთა საჯარო განცხადება, რომ ის აივ დადებითია. სამყარო შიშმა და შოკმა მოიცვა და კარიერის პიკში მყოფმა ვარსკვლავმა ასპარეზობა დაასრულა. მას შემდეგ 3 ათწლეულზე მეტი გავიდა და კალათბურთელი კვლავაც აგრძელებს ჯანმრთელი ცხოვრებით ცხოვრებას. ახლახან კი ჯონსონმა გაამხილა, რომ ყველაზე რთული ამ სტატუსის ცოლისთვის გამხელა იყო, რადგან ისინი ახალდაქორწინებულები იყვნენ და პირველ შვილს ელოდებოდნენ. კიდევ რომელმა სპორტულმა მოვლენებმა გამოიწვია ფართო მასშტაბით ვნებათაღელვა და ჩააგდო გულშემატკივრები შოკში? #ახალიამბები #BusinessMediaGeorgia
კალათბურთი, რომელიც მსოფლიოში ერთ-ერთი ყველაზე პოპულარული სპორტის სახეობაა, სათავეს 1800-იანი წლების ბოლოდან იღებს. მისი შემქმნელი ამერიკელი პროფესორი ჯეიმს ნეისმიტია, რომელმაც სპრინგფილდის კოლეჯში ზამთრის შესვენებისას გართობის მიზნით ახალი სპორტის სახეობა შექმნა. #ახალიამბები #BusinessMediaGeorgia
ისტორია ეძღვნება ახალი ორგანიზაციის ჩამოყალიბებას საქართველოში, რომელმაც საკმაოდ საინტერესო მისია იტვირთა საკუთარ თავზე. ორგანიზაცია სულ რამდენიმე თვეა რაც დაფუძნდა. ახალი ორგანიზაციის სახელია "რკენა", რომელმაც მიზნად დაისახა ახალი ტალანტების აღმოჩენა და საერთაშორისო არენისთვის MMA-ის მიმართულებით მათი მომზადება. MMA - ეს არის სპორტის სახეობა, რომელიც გავრცელდა ამერიკის შეერთებულ შტატებში გასული საუკუნის 90-იან წლებში და წარმოადგენს შერეული ორთაბრძოლებს. ეს არის სრულად კონტაქტური საბრძოლო სპორტი, რომელშიც შერწყმულია დარტყმის, ჭიდაობისა და გრეპლინგის ტექნიკა. სწორედ ამისთვის დაფუძნდა "რკენა", რომელიც გეგმავს შექმნას ძლიერი ეკოსისტემა, რომელიც განავითარებს MMA კულტურას მთელ რეგიონში. ორგანიზაცია 2025 წელს დაფუძნდა. რკენას მთავარი მხარდამჭერი Setanta Sports-ია, რომელიც წარმოადგენს საერთაშორისო სპორტულ მედიაპლატფორმას, რომელიც 14 ქვეყანაში ოპერირებს და საუკეთესო სპორტულ გამოცდილებას სთავაზობს მაყურებელს. ორგანიზაციის ეგიდით ჩატარდება Fight Night-ების სერია, რომლებიც პირველ ეტაპზე საქართველოში გაიმართება, ხოლო შემდეგ მიზანი უკვე საერთაშორისო ასპარეზზე გასვლაა. უკვე გადაწყვეტილია და პირველი ღონისძიება 29 ნოემბერს გაიმართება, სადაც მაყურებელი პროფესიონალ მებრძოლებთან ერთად იხილავს საქართველოს რაგბის ეროვნული ნაკრების ყოფილ კაპიტანს - მერაბ შარიქაძეს ახალ სპორტში. სტუმრები: გიორგი დოდელია - RKENA, მმართველო პარტნიორი; Setanta Sports, პლატფორმების მართვის ხელმძღვანელი; ბაჩა მალაზონია- Setanta Sports, აღმასრულებელი დირექტორი. ინტერვიუერი: გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
მსოფლიო სპორტში ქალთა ჩართულობა დღითიდღე მატულობს. ეს ყველაფერი კი ცხადია მათ შემოსავლებზეც აისახება და დღეს ვხედავთ, რომ ქალები არამარტო შემოსავლიანი სპორტსმენები არამედ ბიზნესმენები, მმართველები, მენეჯერები და წარმატებული მეწარმეებიც არიან. #ახალიამბები #BusinessMediaGeorgia
დაიწყო ეროვნული საკალათბურთო ასოციაციის ახალი სეზონი და განახლდა კალათბურთელების კონტრაქტებიც. ვინაიდან NBA ახალ სატელევიზიო კონტრაქტს აფორმებს, რომელიც 76 მილიარდადაა შეფასებული იზრდება მოთამაშეების კონტრაქტების ოდენობაც. აქედან გამომდინარე ცვლილებაა ყველაზე შემოსავლიანი კალათბურთელების სიაშიც? #ახალიამბები #BusinessMediaGeorgia
ერთ-ერთი ყველაზე შორიდან ჩაგდებული ბურთი კალათბურთში - ესპანეთი #ახალიამბები #BusinessMediaGeorgia
23 ოქტომბერი საფეხბურთო თვალსაზრისით უმნიშვნელოვანესი თარიღია, რადგან ამ დღეს ფეხბურთის მეფედ წოდებული პელე დაიბადა, რომელსაც 85 წელი შეუსრულდებოდა. ლეგენდარული ბრაზილიელი ერთადერთი მოთამაშეა, რომელმაც სამი მუნდიალის მოპოვება შეძლო, რასთან ერთადაც მთლიანად სპორტის ეს სახეობა გლობალური და სახალხო გახადა. #ახალიამბები #BusinessMediaGeorgia
ლეგენდარული მაიკლ ჯორდანი კარიერის დასრულებიდან 22 წლის შემდეგ, NBA-ის სატელევიზიო ექსპერტი გახდა. მისი დებიუტი NBA-ს ახალი სეზონის გახსნითი მატჩის პარალელურად შედგა - 62 წლის ყოფილ კალათბურთელს NBC-ზე დღეიდან საკუთარი რუბრიკა სახელწოდებით “MJ: Insights to Excellence” ექნება. პირველ გადაცემაში ჯორდანმა სატელევიზიო ექსპერტად მუშაობის მოტივაციაზე ისაუბრა და განმარტა, რომ აქამდე განზრახ ერიდებოდა საჯარო გამოსვლებს, ახლა კი გადაწყვიტა, რომ საკუთარი გამოცდილება და წარმატების საიდუმლოებები სხვებსაც გაუზიაროს. ჯორდანის დაბრუნება NBC-სთვისაც განვითარების სრულიად ახალ საფეხურზე ასვლას ნიშნავს - ტელეკომპანიამ 90-იანი წლების საკულტო კომპოზიცია Roundball Rock-იც დააბრუნა. #ახალიამბები #BusinessMediaGeorgia
უამრავ სპორტის სახეობას შორის ყველაზე შემოსავლიანი და ყურებადი ფეხბურთია, რომელიც ამ ტიტულს არავის უთმობს და კიდევ მრავალი წელი არც დათმობს. შესაბამისად ფეხბურთელები სპორტსმენებს შორის ყველაზე დიდ თანხებს გამოიმუშავებენ, რის მიხედვითაც უკვე 22 წელია გავლენიანი გამოცემა ფორბსი ყოველწლიურ რეიტინგს ადგენს. 2025 წლის გამოცემაში რომელმა მოთამაშეებმა დაიკავეს მოწინავე ადგილები? #ახალიამბები #BusinessMediaGeorgia
სულ უფრო მეტი თანხები იდება, და განსაკუთრებით ფეხბურთში. ამ ტენდენციამ რომელიც წლებია გრძელდება, უკვე იბარტყა და მსოფლიოს მოევლინა პირველი მილიარდერი ფეხბურთელი რომელიც პორტუგალიელი კრიშტიანუ რონალდუა. ცხადია, არაბეთში მოღვაწე ფეხბურთელს ამხელა ქონება ბურთის გორებით არ მიუღია და აქ კარგად მუშაობს მისი ამოქოქილი ბიზნესებიც. #ახალიამბები #BusinessMediaGeorgia
დღეს თბილისის დროით 22 საათსა და 45 წუთზე საქართველოს ნაკრები იზმითში თურქეთის ეროვნულ ნაკრებს დაუპირისპირდება, სადაც რეალურად გაირკვევა ორივე გუნდის ბედი. სასწორზე ჯგუფიდან გასვლის შანსები დევს და ვინაიდან ორივე ნაკრებმა შეძლო ბულგარეთის დამარცხება და ესპანეთის უძლიერეს ნაკრებთან ორივენი დავმარცხდით. აუცილებელია საქართველომ შეძლოს მეზობლების დამარცხება წინააღმდეგ შემთხვევაში კი მსოფლიოს ჩემპიონატზე მოსახვედრად მოცდა კიდევ რამდენიმე წელი მოგვიწევს. #ახალიამბები #BusinessMediaGeorgia
გავლენიანმა გამოცემა ბლუმბერგმა ახლახან გამოაქვეყნა ინფორმაცია იმის შესახებ, რომ ლეგენდარული კრიშტიანუ რონალდუ ისტორიაში პირველი მილიარდერი ფეხბურთელი გახდა და ამ მიღწევით ისეთ სპორტსმენებს შეუერთდა, როგორებიც მაიკლ ჯორდანი და ტაიგერ ვუდსი არიან. რონალდუს მომაჯადოებელ კარიერაზე არანაკლებ შთამბეჭდავი მისი მოედანს მიღმა საქმიანობაა, საიდანაც ასეულობით მილიონ დოლარს აგენერირებს. #ახალიამბები #BusinessMediaGeorgia
გასული ზაფხულის საფეხბურთო სატრანსფერო ფანჯარას თუ გადაავლებდით თვალს უჩვეულოდ შენიშნავდით თურქული სუპერლიგის აქტიურობას, რომლებმაც 300 მილიონზე მეტი დახარჯეს, ისეთი მოთამაშეების გაფორმებაში, როგორებიც ვიქტორ ოსიმენი, ედერსონი, ჯონ დურანი და მარკო ასენსიო არიან. არადა ოდითგან თურქეთში მხოლოდ იმ შემთხვევაში მიდიოდნენ ფეხბურთელები თუკი კარიერის დასრულება და თანხის გამომუშავება ჰქონდათ განზრახული. მაშ რა შეიცვალა? საიდან გაუჩნდა თურქულ ფეხბურთს ამხელა ფინანსები და არის თუ არა ეს ახალი "საუდური" რეალობის დასაწყისი? თუ რამ გაზარდა ფეხბურთის დონე თურქეთში და საიდან მოვიდა ის ფინანსები, რომელიც გასულ ზაფხულს დახარჯეს. #ახალიამბები #BusinessMediaGeorgia
გასული ზაფხულის საფეხბურთო სატრანსფერო ფანჯარას თუ გადაავლებდით თვალს უჩვეულოდ შენიშნავდით თურქული სუპერლიგის აქტიურობას, რომლებმაც 300 მილიონზე მეტი დახარჯეს, ისეთი მოთამაშეების გაფორმებაში, როგორებიც ვიქტორ ოსიმენი, ედერსონი, ჯონ დურანი და მარკო ასენსიო არიან. არადა ოდითგან თურქეთში მხოლოდ იმ შემთხვევაში მიდიოდნენ ფეხბურთელები თუკი კარიერის დასრულება და თანხის გამომუშავება ჰქონდათ განზრახული. მაშ რა შეიცვალა? საიდან გაუჩნდა თურქულ ფეხბურთს ამხელა ფინანსები და არის თუ არა ეს ახალი "საუდური" რეალობის დასაწყისი? #ახალიამბები #BusinessMediaGeorgia
საქართველოს მინდა მივულოცო მერაბ დვალიშვილის მორიგი გამარჯვება. როგორც მოსალოდნელიც იყო, მსუბუქი წონის ჩემპიონმა მერაბ დვალიშვილმა კორი სანდჰაგენი დაამარცხა და ჩემპიონის ტიტული დაიცვა.UFC 320-ის მთავარ ღონისძიებაში ბრძოლა ხუთივე რაუნდს გაგრძელდა. დვალიშვილმა ერთსულოვანი გადაწყვეტილებით გაიმარჯვა.34 წლის მერაბ დვალიშვილს 21 გამარჯვება და 4 წაგება აქვს. დღევანდელი გამარჯვება ზედიზედ მე-14 მოგება იყო. წარმატებები ჩემო მერაბ, და მადლობა მას საქართველოს სახელით. #ახალიამბები #BusinessMediaGeorgia
ახლახან ჩაგვიარა ოქროს ბურთის დაჯილდოების ცერემონიალმა, თუმცა მისგან შექმნილი ხმაური ჯერაც არ არის მიჩუმებული. მოგეხსენებათ გამარჯვებული პსჟ-ს შემტევი უსმან დემბელე გახდა, რომელმაც გასულ სეზონში ტრებლის შესრულებაში უდიდესი წვლილი შეიტანა. დემბელე დღეს მსოფლიოს საუკეთესო ფეხბურთელია, თუმცა იყო დრო, როცა საფეხბურთო მინდორზე მეტ დროს ლაზარეთში ატარებდა და გამოჯანმრთელებისთვის იბრძოდა. ერთ დროს ბარსელონაში მყოფი უდისციპლინო და მყიფე თავდამსხმელისგან მსოფლიოს საუკეთესო მოთამაშე ჩამოყალიბდა, რომელიც პარიზელებისთვის ტიტულების მოსაპოვებლად მთავარი ფორმულა აღმოჩნდა. როგორ მოხდა უსმან დემბელეს ტრანსფორმაცია "შუშის" მსხვრევადი ფორვარდიდან, მსოფლიოს საუკეთესო ფეხბურთელობამდე? #ახალიამბები #BusinessMediaGeorgia
სერენა უილიამსი, ანუ რევოლუცია ჩოგბურთში #ახალიამბები #BusinessMediaGeorgia
სპორტში სტადიონების მშენებლობა ერთ-ერთი უძვირესი ინვესტიციაა, რომელიც ქმნის ყველანაირ პირობას სპორტსმენებისთვის, რათა საკუთარი შესაძლებლობები გამოავლინონ. დღეს ერთ-ერთი ყველაზე ლეგენდარული სტადიონის ბარსელონური კამპ ნოუს დაბადების დღეა, რომელსაც 68 წელი შეუსრულდა. დღესდღეობით ბარსელონა კამპ ნოუზე მიმდინარე სამუშაოების გამო ვერ ატარებს მატჩებს, თუმცა სულ მალე მშობლიურ მოედანს დაუბრუნდებიან. დღევანდელი სიუჟეტიც, რომელიც გამოცემა Worldatlas-ის მიხედვითაა აგებული, სწორედ ყველაზე ძვირად ღირებულ სტადიონებზეა და თუ რომელი მოედნები მოხვდნენ სიაში? #ახალიამბები #BusinessMediaGeorgia
ყველაზე შემოსავლიანი ჩოგბურთელების რეიტინგი (2025) #ახალიამბები #BusinessMediaGeorgia
გუშინ, 22 სექტემბერს პარიზში ყველაზე პრესტიჟული საფეხბურთო დაჯილდოების - ოქროს ბურთის ცერემონიალი გაიმართა. შოუს ორგანიზატორი ადგილობრივი გამოცემა France Football-ია, რომელიც ყოველწლიურად სხვადასხვა კატეგორიებში წლის საუკეთესო მოთამაშეებს ავლენს. წლევანდელმა ღონისძიებამ ქართველებისთვის კიდევ უფრო დიდი მნიშვნელობა შეიძინა, რადგან უკვე მეორედ წლის საუკეთესო მოთამაშის ჯილდოზე ხვიჩა კვარაცხელია ვიხილეთ. როგორ ჩაიარა ღონისძიებამ? #ახალიამბები #BusinessMediaGeorgia
2025 წლის საჩოგბურთო სეზონში მხოლოდ ერთადერთი დიდი ტურნირი, დეივისის შემაჯამებელი თასი დაგვრჩა, ოთხივე დიდი სლემის ტურნირმა ჩაიარა და ის სპორტის ამ სახეობის ორმა გენიოსმა, იანიკ სინერმა და კარლოს ალკარასმა გაინაწილეს. უკანასკნელი ამერიკის ღია პირველობა კი მამაკაცთა თანრიგში სწორედ ალკარასმა, ხოლო ქალთა რიგებში არინა საბალენკამ დაისაკუთრეს. აქედან გამომდინარე შეიცვალა წლის განმავლობაში გამომუშავებული თანხების რაოდენობაც. დღეს გთავაზობთ უკვე ოთხივე სლემ გადავლილ ფინანსურ მაჩვენებელს თუ როგორ დაჯდა რეიტინგი საჩოგბურთო სამყაროში განურჩევლად სქესისა. ირაკლი მოდებაძე თავისი ვიდეო პრეზენტაციის საშუალებით მოგვიყვება იმ ჩოგბურთელებზე, რომლებიც 2025 კალენდარულ წელს ყველაზე დიდი საპრიზო თანხებით ხურავენ. #ახალიამბები #BusinessMediaGeorgia
როგორ გახდა ფაბრიციო რომანო ყველაზე გავლენიანი სპორტული ჟურნალისტი? #ახალიამბები #BusinessMediaGeorgia
საქართველოს ისტორიაში ერთ-ერთ გამოჩენილ ფეხბურთელზე და მწვრთნელზე დავით ყიფიანზე უამრავი რამ დაწერილა. ისტორია, რომელსაც დღეს გავიხსენებთ, დავით ყიფიანი ბავშვობის მეგობარმა მოყვა, 17 სექტემბერი მძიმე და ტრაგიკული ამბავია დავით ყიფიანის ოჯახისთვის, ნათესავებისთვის, ახლობლებისთვის და საქართველოსთვის, ამ დღეს 2011 წელს ის გარდაიცვალა და მოვისმინოთ, რა ამბავს ჰყვება დავით ყიფიანის მეგობარი: დიდი სპორტიდან წასვლის შემდეგ ლეგენდარულმა ფეხბურთელმა მწვრთნელობა დაიწყო. მისი მეგობარი მაშინ უმუშევარი გახლდათ და თავისთან წაიყვანა - ახალგაზრდა, პერსპექტიული მოთამაშეების აღმოჩენა, შერჩევა და მსგავსი საქმეები დაავალა. ისიც ჩაერთო მუშაობაში - დადიოდა საქართველოს სხვადასხვა კუთხეში, დაბრუნებული კი დეტალურად აცნობდა მოპოვებულ ინფორმაციას დავით ყიფიანს, რომელიც, როგორც მეგობარს ეჩვენებოდა, ყურადღებით ისმენდა მის რჩევებს და ითვალისწინებდა კიდეც. ყოველი თვის ბოლოს "სელექციონერი" მშვიდი სინდისით მიდიოდა მოლარესთან კუთვნილი გასამრჯელოს ასაღებად. ასე გადიოდა დრო.ერთ დღესაც დავით ყიფიანმა მწვრთნელობას თავი დაანება და მისმა მეგობარმა მხოლოდ ამის შემდეგ გაიგო საოცარი ამბავი: "სამსახურში" მისულმა აღმოაჩინა, რომ მისი თანამდებობა არ არსებობდა. ეს ყველაფერი, თავის სელექციიდან-ხელფასიანად, დავით ყიფიანის მოგონილი და დადგმული "კომბინაცია" აღმოჩნდა და "ხარჯსაც" "ყიფო" (როგორც მას ბავშვობის მეგობრები და თანაგუნდელები ეძახდნენ) საკუთარი ჯიბიდან იღებდა, რომ გაჭირვებულ მეგობარს მხარში ამოსდგომოდა. #ახალიამბები #BusinessMediaGeorgia
სპორტის ისტორიას მხოლოდ ერთეული მილიარდერები ახსოვს, როგორებიც ტაიგერ ვუდსი, როჯერ ფედერერი, ლებრონ ჯეიმსი და მაიკლ ჯორდანი არიან. თუმცა არის კიდევ ერთი მივიწყებული კალათბურთელი, რომელმაც სპორტის ნაცვლად სახელი სწორედ მეწარმეობით გაითქვა და მილიარდერიც გახდა. საუბარი მილოუკი ბაქსის ყოფილ მოთამაშეზე, ჯუნიორ ბრიჯმენზეა, რომელმაც NBA-ში თავი თამაშში სათადარიგოთა სკამიდან წარმატებული ჩართვებით გაითქვა, ხოლო ბიზნესში არაერთი დიდებული ინვესტიციით. #ახალიამბები #BusinessMediaGeorgia
2024/25 წლების საფეხბურთო სეზონი იყო დაძაბული, დრამატული და ისტორიული მრავალი კუთხით. როგორც ეროვნულმა ჩემპიონატებმა, ისე საერთაშორისო ტურნირებმა, გულშემატკივრებს დაუვიწყარი ემოციები აჩუქეს, მათ შორის ქართველებსაც, რადგან საქართველოს უკვე მეორე ჩემპიონთა ლიგის მფლობელი ჰყავს ხვიჩა კვარაცხელიას სახით. ქართველის წარმატებამ ადგილობრივ გულშემატკივარს სიამაყის საფუძველი მისცა და სეზონის მთავარ მოვლენად იქცა. თუმცა კიდევ რომელმა მოვლენებმა დაგვამახსოვრეს თავი? #ახალიამბები #BusinessMediaGeorgia
საქართველოს ეროვნულმა საკალათბურთო ნაკრებმა ისტორიულ შედეგს მიაღწია და არსებობის განმავლობაში პირველად ევრობასკეტის მეოთხედფინალურ ეტაპზე ითამაშებს. ერთ ტურნირზე ესპანეთისა და საფრანგეთის დამარცხებით ჩვენს ნაკრებს უკვე ჩემპიონატის “აღმოჩენასა” და “შავ ცხენს” უწოდებენ მოულოდნელად ნაჩვენები საოცარი თამაშის გამო. მეოთხედფინალურ ეტაპზე საქართველო ფინეთის ეროვნულ ნაკრებს დაუპირისპირდება. დღევანდელ ვიდეო პრეზენტაციაში კი სკანდინავიელებთან მოსალოდნელი შეხვედრის გარდა სწორედ აწ უკვე ლეგენდარულ ფრანგებთან გამარჯვებასაც განვიხილავთ. #ახალიამბები #BusinessMediaGeorgia
საფეხბურთო ინტრიგების 2025/26 სეზონი #ახალიამბები #BusinessMediaGeorgia
საქართველო vs თურქეთი - გზა მსოფლიოს ჩემპიონატისკენ #ახალიამბები #BusinessMediaGeorgia
საქართველოს ეროვნულ საკალათბურთო ნაკრებს, რომლის მთავარი სპონსორიც საქართველოს ბანკია, ერთი მატჩი დარჩა ბოსნია-ჰერცოგოვინას წინააღმდეგ და სწორედ აღნიშნული დაპირისპირება გაარკვევს ჯგუფიდან გასვლასთან დაკავშირებულ საკითხებს. ევრობასკეტის წლევანდელი გათამაშება საორგანიზაციო კუთხით ოთხივე მასპინძელ ქალაქში იდეალურად მიმდინარეობს, რაც აჩენს კითხვას თუ რა ფინანსები ჩაიდო მასპინძლების მხრიდან ტურნირის მოსამზადებელ ეტაპზე. #ახალიამბები #BusinessMediaGeorgia
27 აგვისტოს სტარტი აიღო საკალათბურთო ევროპის ჩემპიონატმა სადაც საქართველომ მოქმედი ჩემპიონის, ესპანეთის ეროვნული ნაკრების წინააღმდეგ ისტორიული გამარჯვება მოიპოვა. საქართველოს ჯგუფიდან გასვლის კარგი შანსი აქვს, მით უფრო, რომ ჩვენს რიგებში NBA-ის ორი კალათბურთელი სანდრო მამუკელაშვილი და გოგა ბითაძე ასპარეზობენ. ზოგადადაც ტურნირზე უამრავი ეროვნული საკალათბურთო ასოციაციის მოთამაშეა, რომლებიც გამოირჩევიან, როგორც სათამაშო ხარისხით ისე ანაზღაურებითაც. დღეს სწორედ ამ უკანასკნელ კომპონენტს გავუსვამთ ხაზს და წარმოგიდგენთ მიმდინარე ევრობასკეტის ყველაზე შემოსავლიანი კალათბურთელების რეიტინგს. #ახალიამბები #BusinessMediaGeorgia
2024/25 წლების საფეხბურთო სეზონი უკვე დასრულებულია — და დროა, ყურადღება გადავიტანოთ იმ მოთამაშეებზე, რომლებმაც სეზონის რიტმი და დინამიკა განსაზღვრეს. ისინი იყვნენ თავიანთი კლუბების ლიდერები, მატჩების გმირები და გულშემატკივართა შთაგონების წყარო. შესაბამისად სიუჟეტში, რომელსაც ახლა წარმოგიდგენთ ვკონცენტრირდებით იმ ფეხბურთელებზე, რომლებმაც მთავარი როლი შეასრულეს 2024/25 წლების სეზონის ფორმირებასა და საკუთარი კლუბების წარმატებაში, რითაც ოქროს ბურთის მიღების ერთ-ერთი მთავარი კანდიდატებიც არიან. #ახალიამბები #BusinessMediaGeorgia
2024/25 წლების 5 გამორჩეული საფეხბურთო მოვლენა #ახალიამბები #BusinessMediaGeorgia
ყველა ფეხბურთელი საკუთარი ოცნების ასრულებისკენ ისწრაფვის რაც ფავორიტ კლუბში ტრანსფერსა და იქ ყველა შესაძლო ტიტულის მოპოვებას გულისხმობს. თუმცა არის შემთხვევები, როცა შემოთავაზებული თანხა კლუბებს არ აკმაყოფილებთ და ტრანზიტი ჭიანურდება. ამ დროს მოთამაშეთა სურვილი ადგილმდებარეობის გამოცვლის თაობაზე ორმაგდება და ყოფილა ისეთი შემთხვევებიც, როცა საკუთარი ჯიბიდან დაუმატებიათ თანხა იმისათვის, რომ სასურველ ადგილას გადასულიყვნენ. სიუჟეტიც ამ თემას შეეხება, როცა ტრანსფერის განსახორციელებლად საჭირო თანხების მოუბილიზებლობის გამო ფეხბურთელებს საკუთარი ჯიბიდან გაუღიათ ფინანსები, ოცნების ასასრულებლად. #ახალიამბები #BusinessMediaGeorgia
საქართველოში მიმდინარე ფარიკაობის მსოფლიოს ჩემპიონატზე სანდრო ბაზაძემ ჩვენს ქვეყანას ოქროს მედალი მოუპოვა, რომლისკენაც ქართველი მოფარიკავე წლების განმავლობაში მიიწევდა. ფარიკაობის მსოფლიო ჩემპიონატს საქართველო პირველად მასპინძლობს. თბილისში 158 ქვეყნის 1800-მდე სპორტსმენი ჩამოვიდა, მათ შორის - რუსეთიდან. რუს მოფარიკავეებს, წლების შემდეგ, მსოფლიო ჩემპიონატზე ჯგუფურად ასპარეზობის უფლება პირველად სწორედ თბილისში ეძლევათ. რუსეთის დელეგაციაში 24 სპორტსმენია, ნაწილი - სამხედრო ჩინით. ისინი რუსეთის ძალოვან უწყებებთან, შეიარაღებულ ძალებთან თანამშრომლობენ და ეხმარებიან რუსეთის არმიას უკრაინასთან ომში; დაახლოებული არიან რუსეთის ხელისუფლებასთან, ფოტოებზე პოზირებენ პუტინთან ერთად. უკრაინაში რუსეთის შეჭრის შემდეგ, რუს სპორტსმენებს საერთაშორისო დონის შეჯიბრში მონაწილეობის უფლება ან საერთოდ არ ჰქონდათ, ანდა ჰქონდათ - ინდივიდუალურად, არა ჯგუფურად - ნეიტრალური სტატუსით. რუსი სპორტსმენები ნეიტრალური სტატუსით, ინდივიდუალურად მონაწილეობდნენ საერთაშორისო შეჯიბრებებში. თუმცა ნეიტრალურ სტატუსს ყველას არ აძლევდნენ და არც ყველა იყო თანახმა, რომ მიეღო. უკვე ივლისის დასაწყისში, თბილისის ჩემპიონატამდე ორიოდე კვირით ადრე, ეს შეზღუდვაც მოიხსნა და საქართველოს დედაქალაქს რუსი, ხელისუფლებასთან დაახლოებული მოფარიკავეები ესტუმრნენ. ცხადია ამ ინციდენტმა ბაზაძის წარმატება მაინც ვერ გადაფარა #ახალიამბები #BusinessMediaGeorgia