DeliveroW - ქართული საკურიერო კომპანია, რომელიც მთელი საქართველოს მასშტაბით ამანათების განაწილებას უზრუნველყოფს. სერვისი სრულად გამართულია და მაქსიმალურად ერგება მომხმარებლის კომფორტს. ბიზნეს კონცეფცია არამარტო შემოსავლების გენერირებას ისახავს მიზნად, არამედ სრულიად ინდუსტრიის განვითარებას და ლოგისტიკასთან დაკავშირებით ცნობიერების ამაღლებას. სტარტაპი განვითარების ეტაპზეა, თუმცა უკვე საკმაოდ მსხვილი შეკვეთების განხორციელებას და არაერთი კომპანიის მომსახურებას ახერხებენ. გეტყვით იმასაც, რომ DeliveroW პლატფორმა Freebusiness.ge-ს ხელმომწერია, პლატფორმის, რომელიც მიმდინარე მოვლენების კვალდაკვალ ორი ძირითადი მოთხოვნით შეიქმნა, გათავისუფლდნენ უკანონო პატიმრები და ჩაინიშნოს ხელახალი არჩევნები. სწორედ პლატფორმაზე რეგისტრაციისა და პოზიციის დაფიქსირების გამო, კომპანია Deliverow-სთან პარტნიორმა კომპანიებმა მოლაპარაკებები გაწყვიტეს. როგორც ტრანსპორტირების მომსახურების კომპანიაში აცხადებენ, დეკემბრიდან დღემდე დაფიქსირებული პოზიციის გამო სრულყოფილად მუშაობის საშუალება აღარ ეძლევათ. #ახალიამბები #BusinessMediaGeorgia
წარმოგიდგენთ, ქვეყნებს, სადაც ინტერნეტის სიჩქარე ყველაზე მაღალი/დაბალია - 2024. #ახალიამბები #BusinessMediaGeorgia
"პინეო სამედიცინო ეკოსისტემამ" კანადის საერთაშორისო აკრედიტაცია აიღო. 2-წლიანი მუშაობის შემდეგ "პინეო" საერთაშორისო სტანდარტებს სრულად აკმაყოფილებს, რაც პაციენტების მომსახურების მაღალი ხარისხის წინაპირობაა. #ახალიამბები #BusinessMediaGeorgia
წარმოგიდგენთ, კომპანია "ჰოუმერსს", რომელსაც საკმაოდ მნიშვნელოვანი გამოცდილება აქვთ საქართველოს საფინანსო და საინვესტიციო ბაზარზე მუშაობისა. თავად კომპანია, კი საკმაოდ კონკურენტულ და ამბიციურ საქართველოს სამშენებლო დეველოპერულ ბაზარზე შემოვიდა. #ახალიამბები #BusinessMediaGeorgia
2025 წელი ისე დაიწყო, რომ ჯერჯერობით ქვეყანაში ობლიგაციების ემისია არ ყოფილა. სპეციალისტები ამბობენ, რომ პირველი კვარტლის სტატისტიკა როგორც წესი ტენდენციას არ ასახავს, თუმცა მაინც ვცადეთ გარკვევა რა გავლენა ექნება პოლიტიკურ კრიზისსა და ქვეყნის იზოლაციის მზარდ რისკს ფასიანი ქაღალდების ბაზარზე, რომლისთვისაც შარშანდელი წელი საკმაოდ წარმატებული აღმოჩნდა. #ახალიამბები #BusinessMediaGeorgia
რეიტინგებში საქართველოს პოზიციები ძალიან ხშირად გამხდარა საყველაფრო ექსპერტების, მოლაპარაკე თავების და ძალიან მდარე დონის ჩინოვნიკების მანიპულირების საგანი. ასევე, როცა "ქართული ოცნება" და მისი ლიდერები, ამ რეიტინგებს საერთოდ არ აღიარებდნენ და წლობით ნაშენებ ქვეყნის რეპუტაციას, ეჭვის ქვეშ აყენებდნენ. ცხადია, იცვლება ყველაფერი, განსაკუთრებით დამოკიდებულებები ეკონომიკასთან დაკავშირებით და პროპაგანდონების მხრიდან, დღეს ხშირად მოისმენთ სხვადასხვა მანიპულაციებს საქართველოს პოზიციებზე რეიტინგებთან დაკავშირებით. საინტერესოა, რომელია ყველაზე მნიშვნელოვანი საერთაშორისო რეიტინგები და რა პოზიციებზე ამ რეიტინგებში საქართველო 2024 წლის მდგომარეობით? #ახალიამბები #BusinessMediaGeorgia
ძალიან საინტერესო გამოდგა ბიზნესმენ გიორგი ბაჩიაშვილის ინტერვიუ, ჩვენს ერთ-ერთ რედაქტორთან და გადაცემა ანალიტიკას ავტორთან, ელენე კვანჭილაშვილთან. გთავაზობთ ამონარიდს, სადაც გიორგი ბაჩიაშვილი სწორედ იმ ბიზნესმენებზე საუბრობს, რომლებიც ბიძინა ივანიშვილის მმართველობის არა მხარდამჭერებად, არამედ ნაწილად ითვლებიან. გიორგი ბაჩიაშვილის ინტერვიუ “ანალიტიკაში” ელენე კვანჭილაშვილი - “ანალიტიკა”, ავტორი-რედაქტორი;
გიორგი ისაკაძის პროლოგი /16.02.2025 #ახალიამბები #BusinessMediaGeorgia
გასული კვირის მნიშვნელოვანი ამბების მიმოხილვა / 9 - 16 თებერვალი
რა ღირს ჯანდაცვა საქართველოსა & მსოფლიოში? სტუმრები: ➡️აკაკი ზოიძე - ჯანდაცვის პოლიტიკის ექსპერტი; ➡️გიორგი გოცაძე - საერთაშორისო ფონდი "კურაციო", პრეზიდენტი; ➡️ამირან გამყრელიძე - პროფესორი, გადაცემის წამყვანი; ➡️ნინი ლონგურაშვილი - გადაცემის წამყვანი; #ახალიამბები #BusinessMediaGeorgia
ამირან გამყრელიძის საავტორო პროლოგი - 16.02.2025 #ახალიამბები #BusinessMediaGeorgia
რას აკეთებს მილიარდერი, რომელსაც დაბერების შეჩერება სურს? #ახალიამბები #BusinessMediaGeorgia
რატომ გადაერთო ბილ გეიტსი ბირთვული სადგურების მშენებლობაზე? #ახალიამბები #BusinessMediaGeorgia
აშშ-ში გადარიცხვებისთვის, შესაძლოა, ბლოკჩეინი გამოიყენონ; #ახალიამბები #BusinessMediaGeorgia
მასკის სოციალური ქსელი ბანკად ყალიბდება - X-ში გადახდები ემატება #ახალიამბები #BusinessMediaGeorgia
Volkswagen-მა იაფიანი EV-ის გამოშვება გადაწყვიტა #ახალიამბები #BusinessMediaGeorgia
რამდენიმე წლიანი დაგვიანებით მარიჯანის 2-ში არსებული „ცენტრ-პოინტის“ დაუსრულებელი ობიექტის დემონტაჟი დასრულდა, ახალი კომპლექსის მშენებლობა კი სულ ცოტა ხნის წინ დაიწყო. პარალელურად სამუშოები მიმდინარეობს გელოვანის გამზირზე მდებარე ობიექტზეც.
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის მაგალითზე, კვლევა აჩვენებს, რომ აშშ დოლარში გამოსახულ უძრავი ქონების ფასზე გაცვლითი კურსი მნიშვნელოვანი მოქმედი ფაქტორია. საქართველოს შემთხვევაში, შედარებით ძლიერი გაუფასურებების ეპიზოდებში, ზეგავლენა თითქმის 50%-ს შეადგენს. ასევე, იკვეთება კავშირი გამყარების შემთხვევებშიც. ამდენად, შეიძლება ითქვას, რომ უძრავი ქონების ფასები ნაწილობრივ უცხოურ და ნაწილობრივ ადგილობრივ ვალუტაშია დენომინირებული. პუბლიკაციაში ასევე განხილულია დაფინანსების სტრუქტურაში მხოლოდ აშშ დოლარის ნაცვლად, ევროს გამოყენების რაციონალიც, როგორც მოკლევადიანი, ასევე საშუალო და გრძელვადიანი ინდიკატორებიდან გამომდინარე. ამასთან, ასევე დაფარულია საქართველოსა და რეგიონის სხვა ქვეყნების კონტექსტში ევროსა და დოლარის შედარებითი რისკიანობის საკითხიც. ავტორთა შეფასებით, შემოთავაზებული დაფინანსების სტრუქტურა, რომელიც ლარი/ევრო/დოლარის კალათით განისაზღვრება, არა მხოლოდ სტრესული სცენარის დროს არის რაციონალური, არამედ, საბაზო სცენარშიც ბიზნესისათვის უფრო ეფექტიან არჩევანს წარმოადგენს. სტუმარი:ოთარ ნადარაია - "თიბისი ჯგუფი" მთავარი ეკონომისტი ➡️ #უძრავიქონებისპროსპექტი თათია ჩაფიჩაძე & გუგა კობახიძესთან ერთად #ახალიამბები #BusinessMediaGeorgia
#უძრავიქონებისპროსპექტი: უძრავი ქონების კვირის მიმოხილვა
1918 წლის 8 თებერვალს, ხოლო ძველი სტილით 26 იანვარს, დავით აღმაშენებლის ხსენების დღეს, სათავადაზნაურო გიმნაზიის სამ ოთახში, ერთადერთი - სიბრძნისმეტყველების ფაკულტეტის 369 სტუდენტითა და 89 მსმენელით დაიწყო საუნივერსიტეტო განათლება საქართველოში რაც ადასტურებს ისტორიულ ფაქტს, რომ - გაიხსნა ტფილისის უნივერსიტეტი, ანუ თბილისის სახელმწიფო უნივერსიტეტი. და დიახ, კავკასიაში პირველმა ეროვნულმა უნივერსიტეტმა ქართული საგანმანათლებლო ტრადიციების გათვალისწინებით, საფუძველი ჩაუყარა საქართველოში ევროპული ტიპის განათლებას. #ახალიამბები #BusinessMediaGeorgia
“პროფესიონალის” დღევანდელი გმირი კი, ყველასთვის კარგად ნაცნობი დიზაინერი, საქართველოში თუ მის ფარგლებს მიღმა აღიარებული, მისი სახელობის ბრენდის “ციკოლიას” დამფუძნებელი ზვიად ციკოლიაა. განსაკუთრებით საინტერესო ბიოგრაფიის პატრონი პროფესიონალი, რომლის წარმატების დიაპაზონი სამრეწველო და მოდის დიზაინს ფარავს. საათებამდე იყო ავტომობილები, თვითმფრინავები, უნიკალური დიზაინის შექმნა და სხვადასხვა ქვეყნიდან სამშობლოში გრანპრით დაბრუნება. მის სახელსავე უკავშირდება პირველი ქართული ჯავშანტრანსპორტიორის “დიდგორი 914-ის”, სამედიცინო-საევაკუაციო ჯავშანმანქანა “დიდგორი მედევაკის” და ქვეითთა საბრძოლო მანქანა “ლაზიკას” დიზაინი. ცხადია, ეს ყველაფერი არასრული ჩამონათვალია, ზვიად ციკოლიას მიღწევების სია ლამის ყოველდღიურად იზრდება და სულ უფრო მეტ მოსაყოლ ამბავს იტევს… #ახალიამბები #BusinessMediaGeorgia
პანამაში მდებარე ქართული რესტორანი LAMRO პანამა სითის საუკეთესო რესტორნად დასახელდა. საერთო ჯამში, პანამა სითიში 1480 რეგისტრირებული რესტორანია, პანამის მოსახლეობამ კი თავიანთ რჩეულად სწორედ ქართული რესტორანი დაასახელა. რესტორანი პანამაში ერთი წლის წინ გაიხსნა. კონცეფცია სრულად ქართულია - ადგილობრივებს ქართული კერძებით, მუსიკითა და გარემოთი უმასპინძლდებიან, რამაც პანამელების მხრიდან როგორც ქვეყნის, ისე მისი ტრადიციების მიმართ დიდი ინტერესი გამოიწვია. "კრიტერიუმებში სამზარეულო, გარემო და მომსახურება შედიოდა. არც კი გვქონდა ამის მოლოდინი, რეიტინგს თვალს არც ვადევნებდით, მაგრამ 2025 წლის დასაწყისში წერილი მოგვწერეს და თან სერტიფიკატი გამოგვიგზავნეს" - ამბობს LAMRO-ს თანადამფუძნებელი ელენე დიღმელაშვილი. "ზედმეტად დაინტერესდნენ საქართველოთი, პირველად გაიგეს, რომ საქართველოში დაიბადა ღვინო და ღვინის ქვეყანა ვართ, გემოებით და სუნელებითაც ძალიან მოხიბლულები არიან. ვინც ჩვენთან მოდის, ყველა საქართველოში მოგზაურობას გეგმავს. უნდათ, რომ ეს ქვეყანა ნახონ, მის შესახებ ბევრი გაიგონ. მოკლედ, შეიძლება, მალე პანამიდან საქართველოში ტურისტების გაზრდილი ნაკადი იყოს", - აღნიშნა LAMRO-ს აღსანიშნავია, რომ ლოგისტიკური საკითხების მოგვარებისთანავე, რამდენიმე კვირაში პანამის ქართულ რესტორანში საქართველოში წარმოებული ღვინო და ალკოჰოლური სასმელებიც გამოჩნდება, რომელსაც აშშ-დან შეიტანენ. #ახალიამბები #BusinessMediaGeorgia
დიდი ბრიტანეთის პარლამენტი და მარად აქტიური, მაგრამ მოქმედება შენელებული ევროკავშირის სტრუქტურებისგან მოსალოდნელი სანქციები აიძულებს ბატონ ბიძინას, მშვიდად განთავსებული აქტივების ვირჯინიის და სხვა კუნძულების ლეგიტიმაციიდან, გადმოიტანოს საქართველოში, სადაც გაცილებით უსაფრთხო გარემო და მომზადებული კანონმდებლობა ხვდება, რომლის მიხედვითაც, მას არ მოუწევს არცერთი თეთრის გადახდა სახელმწიფო ბიუჯეტში გადასახადების სახით. საქართველოს პარლამენტის საფინანსო საბიუჯეტო კომიტეტმა, ფინანსთა სამინისტროსთან და შემოსავლების სამსახურთან ერთად იზრუნა, როცა გაგანია პროტესტების დროს რუსულ კანონზე საგადასახადო კოდექსში შესაბამისი საგამონაკლისო ცვლილებები მიიღეს რომელიც ცხადია, თავიდანვე მხოლოდ ერთი კაცის და მათი ხელმძღვანელის, ბიძინა ივანიშვილის ინტერესებზე იყო მიბმული. აქ ფანტასტიკის სფეროა ელოდო სხვა მდიდარი ადამიანის ქონების რელოკაციას. ეს გამორიცხულია, ბევრი მიზეზით და უპირველეს ყოვლისა, არავინ არის გარანტირებული მათი ქონების და აქტივების უსაფრთხოებაზე, რადგან ეს ყველაფერი არა ინსტიტუციების უზენაესი და მაღალი სტანდარტების მუშაობით, არამედ მხოლოდ ერთი კაცის კეთილი ნებით გარანტირებული იქნება მხოლოდ. საინტერესოა, რამდენად მოახერხა და როგორ მოახერხა საქართველოს უმდიდრესმა ადამიანმა თავის ქონების გადმოტანა საქართველოში, საიდან გადმოაქვს მას ეს აქტივების და რა კომპანიებს აფუძნებს ამისთვის საქართველოში. #ახალიამბები #BusinessMediaGeorgia
დონალდ ტრამპის განცხადებით, მომდევნო კვირაში იგი უკრაინის პრეზიდენტ ვოლოდიმირ ზელენსკის ვაშინგტონში შეხვდება, რუსეთის პრეზიდენტს კი სატელეფონო ზარით გაესაუბრება -აშშ-ის პრეზიდენტი, დონალდ ტრამპი რუსეთის პრეზიდენტს, ვლადიმერ პუტინს უკრაინის ომის შესახებ ტელეფონით ესაუბრა. ამის შესახებ ტრამპმა New York Post-თან ინტერვიუში განაცხადა. კითხვაზე, რამდენჯერ ისაუბრა პუტინთან, ტრამპმა უპასუხა: „სჯობს, არ ვთქვა“.მისი თქმით, პუტინი დაინტერესებულია ბრძოლის ველზე არსებული ვითარებით და სურს, ადამიანები აღარ იღუპებოდნენ.ტრამპი ინტერვიუში საუბრობს რომ ყოველთვის კარგი ურთიერთობები ჰქონდა პუტინთან, და ბაიდენი ამერიკის სირცხვილი იყოო. მანამდე ტრამპმა არაერთხელ აღნიშნა, რომ მოსკოვსა და კიევს მოლაპარაკებების მაგიდასთან მიიწვევდა. მისივე თქმით, პრეზიდენტ პუტინთან შეხვედრა ინაუგურაციის შემდეგ "ძალიან სწრაფად" სურდა, რასაც კრემლის მხარდაჭერაც ჰქონდა, თუმცა ამ დრომდე შეხვედრისთვის საჭირო სამუშაო დაწყებული არ არის. ტრამპი და ზელენსკი აშშ-ის პრეზიდენტის იმ შეთავაზებას განიხილავენ, რომლის თანახმადაც უკრაინა, ამერიკული სამხედრო დახმარების სანაცვლოდ, თავის ბუნებრივ მინერალებს დათმობს. ამ შემთხვევაში, ტრამპის ფოკუსში იშვიათი მინერალებია, რომელთაც ტექნოლოგიურ ინდუსტრიაში იყენებენ და რომელთა წარმოებაზე მონოპოლია ჩინეთს აქვს, რომელმაც, თავის მხრივ, აშშ-ში ექსპორტი შეზღუდა.სიმართლისთვის უნდა აღინიშნოს, რომ მინერალების სანაცვლოდ იარაღის მიწოდების იდეა ტრამპს არ ეკუთვნის, ეს ინიციატივა უკრაინის მთავრობის მხრიდან წამოვიდა, რომელზედაც ტრამპი დათანხმდა, რადგან ორივე მხარე აცნობიერებს, რომ ერთს იარაღი სჭირდება, მეორეს კი - მინერალები. უკრაინის ბუნებრივ რეზერვებთან დაკავშირებით ზუსტი პროგნოზების გაკეთება რთულია, თუმცა მისი ტერიტორიის და გეოგრაფიული მოწყობის გათვალისწინებით, ქვეყანა უდიდეს რეზერვებს ფლობს, რომელთა წყალობით, აშშ-ის მთავრობა ჩინეთისგან მომავალი ზეწოლის განეიტრალებას, უკრაინა კი რუსეთის წინააღმდეგ თავის დაცვას შეძლებს, რაც ორივე მხარის ინტერესებში შედის. #ახალიამბები #BusinessMediaGeorgia
USAID-ის მიერ მხარდაჭერილი პროგრამა, რომელიც მიზნად საქართველოს შუა დერეფნის კორიდორის განვითარებას ისახავს, რესპუბლიკელმა სენატორებმა ფლანგვად მოიხსენიეს. საუბარია 24.4 მილიონი დოლარის ღირებულების პროექტზე, რომელსაც საქართველოში USAID-ის დაკვეთით Deloitte-ი ახორციელებს. პროექტის პირველი სახელი იყო USAID GREEN TRANSPORTATION AND LOGISTICS PROGRAM - USAID-ის "მწვანე ტრანსპორტისა და ლოგისტიკის პროგრამა", ხოლო მეორე და ამჟამინდელი სახელწოდებაა - USAID MIDDLE CORRIDOR TRANSPORTATION AND LOGISTICS PROGRAM-ი ანუ "USAID-ის შუა დერეფნის ტრანსპორტისა და ლოგისტიკის პროგრამა".USAID-მა აღნიშნული პროგრამა 2024 წლის 15 თებერვალს დაიწყო და ის 4 წელზეა გაწერილი. პროექტის ფარგლებში ამ დრომდე ათვისებული თანხა 8 მილიონ დოლარს შეადგენს."USAID-ის შუა დერეფნის ტრანსპორტისა და ლოგისტიკის პროგრამის მიზანია საქართველოს ეკონომიკისთვის ღირებულების გენერირება შუა დერეფნის გაძლიერებით,"- ნათქვამია პროექტის აღწერაში. შესაბამისად, პროგრამის მიზანს საქართველოში მწვანე ტრანსპორტის და კონკრეტულად ელექტრომობილების მოხმარების ხელშეწყობა არ წარმოადგენს. სავარაუდოდ, პროექტის პირველადი სათაურიდან გამომდინარე ფლანგვის სიის შედგენისას ყურადღება გამახვილდა პროექტის პირველად სახელზე, რომელშიც მწვანე ტრანსპორტი ფიგურირებს, თუმცა თავად პროექტის არსებულ სახელში მწვანე ტრანსპორტი არაა და მის მიზანს ელექტრომობილებით გადაადგილების ხელშეწყობა არ წარმოადგენს. რაც ძალიან მარტივი სანახავია და როცა პრეტენზია გაქვს გადამოწმების მაღალ სტანდარტზე, ვინც არ უნდა იყო, ეს უნდა გადაამოწმო, როცა ეს ქვეყნის სტრატეგიულ მიმართულებას ეხება და ისეთ თემას, რაც არის შუა დერეფანი რომელიც მხოლოდ უკრაინაში ომის დაწყების შემდეგ, გარემოებების გამო გახდა აქტუალური. რაც შეეხება შუა დერეფანს, ის საქართველოს სტრატეგიულ პროექტს წარმოადგენს, რომელიც მოიცავს ქვეყნის ლოგისტიკური ჯაჭვის განვითარებას, რაც გულისხმობს საგზაო, საპორტო, სარკინიგზო და სხვა ლოგისტიკური სექტორების განვითარებას იმისთვის, რათა საქართველომ უფრო აქტიური როლი ითამაშოს ევროპასა და აზიას შორის ვაჭრობაში. შუა დერეფნის და საქართველოს ლოგისტიკური #ახალიამბები #BusinessMediaGeorgia
ქართულ-ყაზახური ინვესტიციით ფოთში საკონტეინერო ტერმინალი 2025 წლის აპრილში გაიხსნება. ინფორმაციას თავად ინვესტორი კომპანია PTC Holding-ი ავრცელებს. საკითხზე ყაზახეთში ვიზიტისას, ირაკლი კობახიძისა და ყაზახეთის პრემიერის შეხვედრაზეც ისაუბრეს. PTC Holding-ის ცნობით, ახალი ტერმინალი 9 ჰექტარ ტერიტორიას იკავებს და წლიურად 80 ათასი კონტეინერის მომსახურება შეეძლება. პროექტს ყაზახური მხარე ქართველ პარტნიორებთან ერთად ახორციელებენ. „ეს ფოთის პორტში პირველი ყაზახური ინფრასტრუქტურული პროექტია, რომელიც ხელს ორმხრივი ტრანსპორტირების განვითარებას და ლოგისტიკური ქსელის გაუმჯობესებას შეუწყობს. ყაზახეთსა და საქართველოს შორის გასულ წელს ტვირთის 62%-იანი ზრდა ადასტურებს ამ პროექტის მნიშვნელობას ბიზნესისა და სატრანსპორტო ინდუსტრიისთვის“, - აცხადებს კომპანია. ფოთის პორტში საკონტეინერო ტერმინალის მშენებლობა 2023 წლის შემოდგომაზე დაიწყო. მაშინ BMG-ს კომპანიის წარმომადგენელმა განუცხადა, რომ პროექტის განხორციელებისთვის პარიტეტულ საწყისებზე ერთობლივი საწარმო Poti Transterminal-ი შეიქმნა, სადაც ქართულ მხარესა და PTC Holding-ს თანაბარი 50%-იანი წილები აქვთ. პროექტის ჯამური ინვესტიცია კი 15 მილიონი დოლარი იქნება, საიდანაც ნახევარს ქართული, ნახევარს კი ყაზახური მხარე დაფარავდა. წარმატებები ამ პროექტს, მეტი ინვესტიციები,ეკონომიკის ზრდა და ახალი ინფრასტრუქტურა საქართველოს. #ახალიამბები #BusinessMediaGeorgia
2025 წელი ქართულმა ჯანდაცვის სექტორმა რამდენიმე სიახლით დაიწყო. საინტერესოა, რა ტენდენციებია საქართველოს ჯანდაცვაში, როგორც სექტორის ეკონომიკური მაჩვენებლების კუთხით, ასევე სახელმწიფოს მიერ დაფინანსების მხრივ. #ახალიამბები #BusinessMediaGeorgia
2024 წელს უძრავი ქონების დეველოპმენტის სექტორში ვადაგადაცილებული სესხების მოცულობა გაორმაგდა. ბანკების მიერ სებ-თვის წარდგენილი ფინანსური ანგარიშგებების მიხედვით, 2024 წელს ქართულმა კომერციულმა ბანკებმა ყველაზე მეტად - 54%-ით უძრავი ქონების დეველოპმენტის სექტორის დაკრედიტება გაზარდეს და ამასთან, 10%-იანი ზრდა აჩვენა ფიზიკურ პირებზე გაცემული იპოთეკური სესხების მოცულობაც. ზრდადი მაჩვენებლების მიუხედავად, როგორც ირკვევა მიმდინარე წლისთვის კომერციულმა ბანკებმა სექტორის დაკრედიტება შეანელეს რაც გაუარესებულ მოლოდინებს ეფუძნება. #ახალიამბები #BusinessMediaGeorgia
2024 წლის განმავლობაში საქართველოდან ავტოექსპერტი რეკორდულ ნიშნულზე ავიდა, ისმის კითხვა: რატომ არ მოხვდა მაშინ ავტოექსპერტი, რომელმაც მართლაც მოხსნა ყველა დროის რეკორდი? მიზეზი მარტივია, მიუხედავად იმისა, რომ ავტოექსპერტმა დაწერა ქვეყნის სავაჭრო ბალანსში 2.4 მილიარდ დოლარი, ზრდა წინა წელთან შედარებით 14 % ია, ეს არ არის წმინდა ექსპორტი, რაც ნიშნავს, რომ ამ პროდუქციას, და ამ კონკრეტულ შემთხვევაში ავტომობილებს, არ ვაწარმოებთ საქართველოში და შემოგვაქვს, და ვყიდით მესამე პირებზე, ანუ მარტივად რომ ვთქვათ, ეს არის გადამყიდველი ბიზნესი და ვართ გადაყიდვით დაკავებულები, რაც, არანაკლებ გვარიან მოგებას წერს ვიდრე წმინდა ექსპორტი, ანუ საქართველოში წარმოებული პროდუქცია და მისი საქართველოში გაყიდვა. გიყვებით ისეთ ავტომობილებზე, ე.წ. ძვირიან და უძვირეს სუპერქარებზე და მათ მოდელებზე, რომელიც მთელი 2024 წლის განმავლობაში მიდიოდა ჩვენი მთავარი სავაჭრო პარტნიორი ყირგიზეთისკენ, მაგრამ გზაშივე იკარგებოდა და სადღაც რჩებოდა. საქართველო პირნათელია რუსეთის სანქციების წინაშე, ფორმალურად და არაფორმალურადაც, რადგან - ჩვენგან ნული ავტომობილია გასული რუსეთის ფედერაციაში. მაგრამ, სამაგიეროდ, მოგვაწყდა ყირგიზი, ყაზახი და სხვა ქვეყნების საქმოსნები, რომლებიც არ ფულს უჩივიან და ამ მანქანებს უკვეთავენ, ჩამოჰყავთ საქართველოში და აქედან მიარბენინებენ რუსეთში. არის შესაძლებელი ასეთი რამ შეჩერდეს? რა თქმა უნდა შეუძლებელია არაფერია, მაგრამ ისმის კითხვა - რატომ? არღვევს კი საქართველო ამით რაიმე სასანქციო კანონებს ან ნორმებს, არა არ არღვევს, ჰოდა, ვიდრე ამ კითხვაზე მივიღებთ იურისტებისგან და ეკონომისტებისგან პასუხს, მანამდე ვნახოთ Ferrari, Lamborghini, Maybach-ი, Rolls Royce-ი - მაინც რამდენი სუპერქარი გავიდა 2024-ში საქართველოდან? #ახალიამბები #BusinessMediaGeorgia
ექსპორტი ანუ საქმიანობა ეკონომიკაში, რომელიც არის დაკავშირებით ქვეყნის შიგნით წარმოებასთან, ინდუსტრიულ ეკონომიკასთან მეტწილად რომელსაც სამწუხაროდ, საშველი ვერ დავაყენეთ. აქ წარმოებული პროდუქცია გადის საზღვარგარეთ, რაც ქვეყანასა და მწარმოებელს, ბიზნესმენსა და საქმიან ადამიანებს საუკეთესო შემოსავლით უბრუნდება, თან სულ მყარ ვალუტაში. წარმოგიდგენთ, იმ კომპანიების ჩამონათვალი, ვინც საქართველოში წარმოებითა და იმავდროულად, ექსპორტით არის დაკავებული, ანუ წარმოებული პროდუქციის გატანით ქვეყნის ფარგლებს გარეთ. #ახალიამბები #BusinessMediaGeorgia
გიორგი ისაკაძის პროლოგი /09.02.2025 #ახალიამბები #BusinessMediaGeorgia
2024 წლის IV კვარტალში მოსახლეობამ და და ბიზნესმა 2 მილიარდი ლარის დეპოზიტები დოლარში გადაიტანა. - ეროვნული ბანკის ანგარიშის თანახმად, პერიოდის განმავლობაში დეპოზიტების დოლარიზაცია 49%-დან 53%-მდე გაიზარდა, ლარიზაციის მაჩვენებელი კი თავის მხრივ სექტემბერში არსებული 51%-დან 47%-მდე შემცირდა. ეროვნული ბანკისთვის კომერციული ბანკების მიერ მიწოდებული სტატისტიკის თანახმად, 2024 წლის დეკემბრის ბოლოსთვის ლარის დეპოზიტების მოცულობა 27.5 მილიარდი ლარი იყო (კლება სექტემბერთან შედარებით 2 მილიარდი ლარია). უცხოური ვალუტის დეპოზიტების ზომა კი დეკემბრის ბოლოსთვის 30.8 მილიარდი ლარი იყო (ზრდა სექტემბერთან 2.7 მილიარდი ლარი). სტატისტიკის თანახმად, თვეების მიხედვით ლარის დეპოზიტების კლება ასეთი იყო: ოქტომბერი - ლარის დეპოზიტების კლება 1.16 მილიარდი ლარი; ნოემბერი - ლარის დეპოზიტების კლება 351 მილიონი ლარი; დეკემბერი - ლარის დეპოზიტების კლება 453 მილიონი ლარი. რაც შეეხება უცხოური ვალუტის დეპოზიტების ზრდას, ის 2024 წლის IV კვარტალში 2.7 მილიარდი ლარით გაიზარდა. #ახალიამბები #BusinessMediaGeorgia
7 თებერვალს საერთაშორისო სარეიტინგო კომპანია S&P-მა საქართველოს სუვერენული საკრედიტო რეიტინგი უცვლელად, BB დონეზე დატოვა, პერსპექტივა კი, კვლავ სტაბილურად შეაფასა. განახლებულ შეფასებაში სარეიტინგო სააგენტო ქვეყანაში არსებული ვითარებიდან მომდინარე რისკებზე მიუთითებს. S&P აღნიშნავს, რომ პოლიტიკურმა დაძაბულობამ და მმართველობის ვარდნამ შეიძლება გავლენა მოახდინოს შეღავათიანი დაფინანსებისა და პირდაპირი უცხოური ინვესტიციების (FDI) შემოდინებაზე, რაც საფრთხეს უქმნის ზრდას, საგადასახდელო ბალანსს, საერთაშორისო რეზერვებსა და საჯარო ფინანსებს. უარყოფითი სცენარში სწორედ პოლიტიკური დაძაბულობის მნიშვნელოვანი ესკალაციაა განხილული, რასაც პოტენციურად ნეგატიური გავლენა ექნება რეიტინგზე. რაც შეეხება საკითხებს, რომლებიც პირიქით, დადებითაც იმოქმედებს რეიტინგზე, S&P-ის თანახმად, შეგვიძლია განვიხილოთ პოზიტიური სარეიტინგო ქმედება მომდევნო 12 თვის განმავლობაში, თუ საქართველოს ეკონომიკური და ფისკალური მაჩვენებლები გადააჭარბებს მათ პროგნოზებს და შემცირდება პოლიტიკური გაურკვევლობა. ამასთან, S&P აღნიშნავს, რომ ძლიერი ეკონომიკური ზრდის მიუხედავად, მთავრობის პოლიტიკის პროგნოზირებადობა შემცირდა. სააგენტო ელის, რომ 2025 წელს ეკონომიკის ზრდა 5.7%-მდე შენელდება, რაც დაბალი მოხმარებისა და ინვესტიციებით არის გამოწვეული. S&P მიუთითებს, რომ ეროვნულმა ბანკმა პროაქტიულად შეამცირა მონეტარული პოლიტიკის განაკვეთი 8%-მდე, არსებულ ვითარებაში კი მოსალოდნელია, რომ ფრთხილ პოლიტიკას შეინარჩუნებს. საერთაშორისო სარეიტინგო სააგენტოს პროგნოზით, 2025 წელს ქვეყანაში ინფლაცია საშუალოდ 1.6% იქნება. ეს კი, ავტორიტეტული სააგენტოს ცნობით, თითქმის ნაგულისხმევ და გათვალისწინებულ პარამეტრზე ნახევრით ნაკლებია ანუ 3 % იან თარგეტირებულ მაჩვენებელზე ინფლაციისა. S&P-ის თანახმად, საქართველოს მაკროეკონომიკური მენეჯმენტი გონივრულია, თუმცა უფრო ფართო პოლიტიკის პროგნოზირებადობა შემცირდა. #ახალიამბები #BusinessMediaGeorgia
გასული კვირის მნიშვნელოვანი ამბების მიმოხილვა / 2 - 9 თებერვალი
საყოველთაო ჯანდაცვა - მთავარი თემა; ➡️ სილვიუ დომენტე - ჯანმრთელობის მსოფლიო ორგანიზაცია (WHO), საქართველოს წარმომადგენლობის დირექტორი; ➡️ამირან გამყრელიძე - პროფესორი, გადაცემის წამყვანი; ➡️ნინი ლონგურაშვილი - გადაცემის წამყვანი; სინქრონულ თარგმანს უზრუნველყოფს სათარჯიმნო კომპანია Translation Company NG Georgia; #ახალიამბები #BusinessMediaGeorgia
საყოველთაო ჯანდაცვა - მთავარი თემა; ➡️ დავით სერგეენკო - ჯანდაცვის ყოფილი მინისტრი; კლინიკა "მედიქალ ჯორჯია", დირექტორი; ➡️ამირან გამყრელიძე - პროფესორი, გადაცემის წამყვანი; ➡️ნინი ლონგურაშვილი - გადაცემის წამყვანი; #ახალიამბები #BusinessMediaGeorgia
ამირან გამყრელიძის საავტორო პროლოგი - 09.02.2025
META ტრამპთან დავის დასასრულებლად $25 მილიონს გადაიხდის #ახალიამბები #BusinessMediaGeorgia
რამ გამოიწვია META-ს შემოსავლების რეკორდული ზრდა? #ახალიამბები #BusinessMediaGeorgia
რატომ შემცირდა TESLA-ს მოგება? #ახალიამბები #BusinessMediaGeorgia
ახალ Macan-ს, Boxster-სა და Cayman-ს, სავარაუდოდ, ბენზინის ძრავები ექნებათ; #ახალიამბები #BusinessMediaGeorgia
Porsche Taycan-მა დრიფტის ახალი რეკორდი დაამყარა; #ახალიამბები #BusinessMediaGeorgia
6 მლრდიანი ინვესტიციის კიდევ ერთი მხარეა, მისი გარემოსთან თავსებადობა. Eagle Hills-ის მიერ გამოქვეყნებული რენდერებიდან გაირკვა, რომ მილიარდიანი ინვესტიცია რუსთავი-თბილისის მაგისტრალის მიმდებარედ, სოფელ ფონიჭალასა და აღთაკლიაში მდებარე 590 ჰექტარის მიწის ნაკვეთზე უნდა განახორციელოს. ტერიტორია იმ მიწას მოიცავს, რომელსაც ამჟამად კრწანისის ტყე-პარკი ეწოდება. ის სახელმწიფო საკუთრებაშია, მის განმკარგავად კი სსიპ ველური ბუნების ეროვნული სააგენტოა მითითებული. ტყე-პარკს დაცული ტერიტორიის სტატუსი არ აქვს. შესაბამისად, აღნიშნული ფაქტორი ინვესტორისთვის მიწის გადაცემას ვერ შეაფერხებს. აღნიშნული ინფორმაცია მწვავე კრიტიკის საგანი გახდა გარემოს დამცველების მხრიდან. სენის დირექტორის მოადგილე გავრცელებულ ინფორმაციას საგანგაშოდ აფასებს და ამბობს, რომ თუკი რეკრეაციულ ზონაში მშენებლობა მართლა დაიწყება, ამით ქვეყანა იმ ბიო მრავალფეროვან კუნძულს გაანადგურებს, რომლის შექმნისთვისაც ბოლო წლებში მილიონობით ლარი დაიხარჯა. პროექტის რეალურად განხორციელების შემთხვევაში ქალაქის დანაკარგებზე საუბრობენ "ურბანული განვითარების ინსტიტუტში.“ ანი ბიბილაშვილი ამბობს, რომ ტყეში მშენებლობის დაწყება ვერცერთ სცენარში ვერ უპასუხებს გარემოს დაცვით გამოწვევებს და იმედს გამოთქვამენ, რომ ეს თემა დამატებითი კრიზისის შექმნის საფუძველი არ გახდება.
"კანიბალიზაციას არ ველი, პირიქით - გაიზრდება ტრანზაქციები და ფასები" - ასე შეაფასა დეველოპერული კომპანია „არქის“ დამფუძნებელმა ილია წულაიამ არაბთა გაერთიანებული საამიროებიდან დაანონსებული $6-მილიარდიანი ინვესტიციის განხორციელება, რომელიც მისი თქმით, ქართულ დეველოპერულ ბაზარს განვითარების ახალ ეტაპზე გადაიყვანს.
2 თებერვალს დაიბადა სვიმონ კლდიაშვილი, რომლის სახელთან არის დაკავშირებული სათავადაზნაურო გიმნაზიის, ამჟამად ივანე ჯავახიშვილი სახელობის თბილისის სახელმწიფო უნივერსიტეტის პირველი კორპუსის მშენებლობა. იმ დროისთვის, სვიმონ კლდიაშვილი გახლდათ აკადემიური განათლების მქონე პირველი ქართველი არქიტექტორი, თუმცა, ამ ობიექტის ანუ გიმნაზიის მშენებლობამდე მას საკმაოდ მწირი სამშენებლო გამოცდილება გააჩნდა. და მიუხედავად ამისა, უმნიშვნელოვანესი საგანმანათლებლო კერისთვის შენობის აშენება ქართველ არქიტექტორს ჩაბარდა, მასზე გაკეთდა არჩევანი. გიმნაზიის არქიტექტურის შექმნით, სვიმონ კლდიაშვილმა საფუძველი დაუდო ვაკის უბნის განაშენიანებას, მისი ხის სახლი პირველი იყო ვაკეში. რაც შეეხება თბილისური მოდერნის ადრეულ ნიმუშს არქიტექტურაში, ის 1902 წლით თარიღდება და ამის ავტორი და შემოქმედიც არქიტექტორი, სვიმონ კლდიაშვილია. "არტ ნოუვოს" სტილში შესრულებული მეცენატ გიორგი ქართველიშვილის მემკვიდრეების სახლი თბილისში (ეს სახლი ამჟამინდელი რომის ქუჩაზე 4 ნომერში მდებარეობს) და ქართველიშვილების საცხოვრებელი სახლი არის პირველი სახლი საქართველოში, რომელიც სადარბაზოს იატაკზე წაწერილი ფრანგული სალვეს ნაცვლად, სტუმრებს ქართული “სალამით” ეგებებოდა. სვიმონ კლდიაშვილის, პირველი აკადემიური განათლების მქონე ქართველი არქიტექტორის ავტორობით, მხოლოდ თბილისში, 60 სახლის პროექტია შესრულებული, რომელიც იმდროინდელი ელიტის, მათ შორის ილია ჭავჭავაძის საცხოვრებელი სახლიც არის. #ახალიამბები #BusinessMediaGeorgia
ლუკაშენკო ბელარუსს 1994 წლიდან მართავს და მას დასავლეთი ევროპის უკანასკნელ დიქტატორად მოიხსენიებს, რომლის პოსტსაც ყველაზე დიდი საფრთხე 2020 წლის საპრეზიდენტო არჩევნების შემდეგ დაემუქრა, როცა ასიათასობით ადამიანი მინსკის ქუჩებში გავიდა და გაყალბებული არჩევნები გააპროტესტა. მაშინ, სოციალურ მედიებსა და არასამთავრობო ორგანიზაციებზე რეიდების შემდეგ, მთავრობამ 56-ზე მეტი არასამთავრობო ორგანიზაცია დახურა, ლუკაშენკომ კი თქვა, რომ "თავს მოაძრობს ყველას, ვისაც ქვეყანაში სიმშვიდისა და სიმშვიდის დარღვევა სურს". ამის შემდეგ დაიწყო აქტივისტების მასობრივი დაპატიმრება და დევნა. ქვეყანა დატოვა ოპოზიციის ლიდერმა სვეტლანა ტიხანოვსკაიამ. მიუხედავად იმისა, რომ არჩევნები არც 2020 წელს და არც ახლა დემოკრატიულმა სამყარომ არ ცნო, დასავლეთთან ლუკაშენკოს ბელარუსის ურთიერთობა განსაკუთრებულად რუსეთის უკრაინაში სრულმასშტაბიანი შეჭრის შემდეგ დაიძაბა. ეს რაც ეხება დასავლეთის ქვეყნების დამოკიდებულებას. რაც შეეხება ბელარუსის ურთიერთობას საქართველოსთან, აღსანიშნია უკანასკნელ წლებში ბელარუსის მიერ აფხაზეთის შესაძლო აღიარებაზე მედიაში პერიოდულად გავრცელებული ინფორმაციები. დე ფაქტო პრეზიდენტი ასლან ბჟანია 2023 წლის 20 თებერვალს ბელარუსში ჩავიდა. მანამდე, 2022 წლის სექტემბერში, ლუკაშენკო დროებით ოკუპირებულ აფხაზეთს ეწვია, სადაც აფხაზეთის დე ფაქტო პრეზიდენტ ასლან ბჟანიას ბიჭვინთის აგარაკზე შეხვდა. 2024 წელს განხორციელებული ვიზიტების რაოდენობით ბელარუსი საქართველოს სტატისტიკაში მერვე ადგილზეა 140,536 ადამიანით, რაც 2023 წლის მაჩვენებელზე 7.9%-ით 10 333 ბელარუსის მოქალაქით მეტია. ეროვნული ბანკის მონაცემების მიხედვით, საქართველოსა და ბელარუსს შორის ფულადი გზავნილების მაჩვენებელი ნულოვანია. რაც სრულიად ცალკე და მოსაკითხი ამბავია, ამ დონეზე გაზრდილ მოცულობებში. #ახალიამბები #BusinessMediaGeorgia
ამერიკის შეერთებული შტატები ამ დროისთვის, 14 მილიონამდე არალეგალს იტევს. თუმცა, შეერთებულ შტატებში პანიკურად მოცული შიშების გარდა შესაძლო დეპორტაციაზე, არ არსებობს მწყობრი ცოდნა, ვის როგორ და რა შემთხვევაში ეხება დეპორტაცია. არალეგალებს შორის, ამერიკის შეერთებულ შტატებში, ათიათასობით საქართველოს მოქალაქეც არის,ბოლო ინფორმაციით, ამ დრომდე ჯერ არც ერთი დეპორტის შემთხვევა არ ყოფილა, თუმცა დაკავებების ერთეული ფაქტები ნამდვილად იყო.ამიტომ ჩვენ გადავწყვიტეთ მათთვის და იდეაში ყველასთვის,ვისთვისაც საინტერესოა ამერიკის ახალი სამიგრაციო პოლიტიკა, მათთვის ვინც ამერიკის შეერთებულ შტატებში არალეგალის სტატუსით იმყოფება, მათი ოჯახის წევრებისთვის საქართველოში, BMG-ს ამერიკის ბიურომ მოამზადა სპეციალური სიუჟეტი რომელიც შეეცდება ახსნას, რა რეგულაციები არის შემოღებული არალეგალების წინააღმდეგ და როგორ ხსნიან ახალ წესებს ამერიკელი და ქართველი იურისტები. #ახალიამბები #BusinessMediaGeorgia