რაც შეეხება ვითარებას საქართველოს ეკონომიკაში, აქ ყველა ძირითადი მაკროპარამეტრი წესრიგშია, ისევე როგორც ამის მონიტორინგს აგრძელებს სავალუტო ფონდის მისია, რომელიც გასული კვირის განმავლობაში მუშაობდა და ხვდებოდა საქართველოს ხელისუფლების წარმომადგენლებს. ჩვენს გაკვირვებას იწვევს რამდენიმე საკითხი, რომელიც უკავშირდება ერთის მხრივ, ლოგიკურ გადაწყვეტილებას შემცირებულიყო რეფინანსირების განაკვეთი საქართველოში და ის 8,25% ზეა. საქართველოს ეროვნული ბანკის მონაცემებით, 2024 წლის თებერვალში ქვეყანაში შემოსული ფულადი გზავნილების ნაკადების მოცულობამ 272.3 მლნ აშშ დოლარი (723.2 მლნ ლარი) შეადგინა, რაც 26.9%-ით ნაკლებია 2023 წლის თებერვლის ანალოგიურ მაჩვენებელზე. მსოფლიო ბანკის ინფორმაციით, საქართველო ფულად გზავნილებზე დამოკიდებული ქვეყნების რეიტინგში 21-ე ადგილზეა, რაც იმაზე მიუთითებს, რომ ქვეყნის ეკონომიკის მნიშვნელოვანი ნაწილი უცხოეთში დასაქმებული ქართველების მიერ გამოგზავნილ თანხებზეა დამოკიდებული. და ეს სტატისტიკა ცხადყოფს, რომ ქვეყნის ეკონომიკის ფულად გზავნილებზე დამოკიდებულების მაჩვენებელი ყველაზე მაღალი შედარებით დაბალშემოსავლიან ქვეყნებშია. #ახალიამბები #BusinessMediaGeorgia
ამ კვირაში ევროპის პოლიტიკური ელიტა მნიშვნელოვნად გააქტიურდა უკრაინის მხარდამჭერი მიმართულებით, მთავარი ტონის მიმცემი საფრანგეთის პრეზიდენტი მაკრონია. ის აცხადებს, რომ მიზანია რუსეთმა არ მოიგოს ომი და ევროპაში დაისადგუროს მშვიდობამ. უკრაინამ უნდა იაროს მომენტუმისკენ, როცა სამშვიდობო მოლაპარაკებები იქნება შესაძლებელი, თუმცა მოლაპარაკებები უკრაინის ტერიტორიული მთლიანობის ხარჯზე არ შედგება. საბოლოო მოლაპარაკებები ზელენსკისა და პუტინის გასამართია. #ახალიამბები #BusinessMediaGeorgia
2023 წლის ყველაზე მაღალ ანაზღაურებადი მსახიობები #ახალიამბები #BusinessMediaGeorgia
“თიბისი კაპიტალის” მონაცემებით, გასულ წელს ქუჩის გასაქირავებელი სავაჭრო ობიექტების ფასები 11%-ით გაიზარდა. კომერციული ფართები ყველაზე ძვირი ვაკეში იყო, სადაც ქუჩის სავაჭრო ობიექტის ღირებულება კვადრატულ მეტრზე $27.2 -ს აღწევდა. ღირებულების მიხედვით, $26.8-ით, მეორე ადგილზეა ჩუღურეთი. ყველაზე იაფი კომერციული კი ობიექტი ნაძალადევსა და სამგორში ღირდა. ფასი ამ ორ უბანში 15$-ის ფარგლებში მერყეობდა. კომერციული ფართების გაქირავება გასულ წელს სავაჭრო ცენტრებშიც გაძვირდა. კვადრატულ მეტრზე სავაჭრო ცენტრებში ფასი გაზრდილი იყო დაახლოებით 8%-ით. ამასთან მნიშვნელოვანი ზრდა იყო საოფისე ფართებზეც. საოფისე ფართების ფასი ყველაზე მეტად ვაკეში გაიზარდა 66%-ით, 45%-იანი ნიშნულით კი საბურთალოს ცენტრებში დაფიქსირდა. #ახალიამბები #BusinessMediaGeorgia
დღეს და ხვალ თიბისი კონცეფტში ამერიკის რეალტორთა ასოციაციის ტრენერი ჯონ ლათერონი საერთაშორისო ტრენინგს მართავს. კურსის ფარგლებში ქართველ მსმენელებს შესაძლებლობა აქვთ გაიუმჯობესონ პროფესიული სტანდარტები და შეისწავლონ თუ როგორ მოიპოვონ და მართონ ექსკლუზიური უძრავი ქონება. SRS კურსი, რეალტორთა ასოციაციის მიერაა შექმნილი, რომელიც რების, იგივე უძრავი ქონების ბიზნესის ინსტიტუტის ეგიდით ჩატარდა. გენერალური სპონსორი კი დეველოპერული კომპანია Elt Buildin-ია. #ახალიამბები #BusinessMediaGeorgia
თებერვალში პირველად ბაზარზე ტრანზაქციების რაოდენობა გაიზარდა. Galt&Taggart;-ის თებერვლის განახლებული მონაცემების თანახმად, გასულ თვეში თბილისში 3,444 ბინა გაიყიდა, რაც წლიურად 0.9%-იანი ზრდაა. ზრდა მთლიანად გამოწვეული იყო პირველად ბაზარზე გაზრდილი ტრანზაქციების რაოდენობით, მაშინ როცა მეორად ბაზარზე გაყიდვები წლიურად 7.5%-ით შემცირდა. რაც შეეხება ფასებს, 2024 წლის თებერვალში ბინის ფასების ზრდის დინამიკა პირველად ბაზარზე შენარჩუნდა, თვიური 0.8%-იანი და წლიური 16.5%-იანი ზრდით. სტუმრები: კახა სამყურაშვილი - Galt&Taggart;-ის სექტორული კვლევების მიმართულების უფროსი; ზურაბ თავყელიშვილი - Galt&Taggart;-ის ანალიტიკოსი; უძრავიქონებისპროსპექტი თათია ჩაფიჩაძესა და გუგა კობახიძესთან ერთად #ახალიამბები #BusinessMediaGeorgia
ფოთის წყალარინების (კანალიზაციის) მშენებლობის პროექტი ჩავარდა მთავრობა კონტრაქტორს არბიტრაჟში უჩივის ფოთში, წყალარინების ანუ კანალიზაციის სისტემა უნდა აშენებულიყო, რომელზეც საქართველოს მთავრობამ და შესყიდვების შესაბამისმა სისტემამ თავის დროზე შეარჩია 2017 წელს ნიდერლანდებში რეგისტრირებული საინჟინრო კომპანია Tahal Group BV. ხელშეკრულების თავდაპირველი ღირებულება 35.3 მილიონი დოლარი იყო და მის ფარგლებში კომპანიას სამშენებლო სამუშაოები 2020 წლის 31 ივლისს უნდა დაესრულებინა ანუ არასრული 4 წლის წინ. პროექტი აზიის განვითარების ბანკის კრედიტით ფინანსდება. თუმცა, კომპანიის დაბალი პროგრესის გამო, მასთან ხელშეკრულება შეწყდა. #ახალიამბები #BusinessMediaGeorgia
SpaceBox - ეს არის ხელნაკეთი შოკოლადების მცირე საწარმო, რომელმაც სტარტი პანდემიის პერიოდში აიღო. თავდაპირველად კომპანიას წარმოება აუთსორსზე ჰქონდა, თუმცა მალევე გაზრდა და საკუთარი წარმოების ამოქმედებაც მოახერხეს. SpaceBox - ის მთავარი მიმდინარეობა კოსმოსის თემატიკაზე შექმნილი შოკოლადებია. ➡️ანუკა კაკაბაძე - SpaceBox-ის დამფუძნებელი #ახალიამბები #BusinessMediaGeorgia
წარმოგიდგენთ, 28 წლის წინ, ბნელ საქართველოში დაბადებულ კომპანიას, ყველასთვის საყვარელ "დიოს" - ანუ, დაუშვილების ოჯახის ბიზნესს, რომელიც სათავეს 1996 წლიდან იღებს და დღემდე კი ვხედავთ, რამდენად წარმატებულად მოვიდა და აგრძელებს მუდმივ განვითარებას. გიყვებით "დიოს" ერთ-ერთ თანადამფუძნებელზე, დაუშვილების შუათანა დაზე - თამარ დაუშვილზე, რომელმაც "დიოს" ფინანსური განყოფილება, ჯერ კიდევ, მაშინ ჩაიბარა, როცა ის 26 წლის გახლდათ და დღემდე ამ პოზიციის ერთგულად დარჩა. #ახალიამბები #BusinessMediaGeorgia
კოსმეტიკურ პროდუქციასთან დაკავშირებული საქმიანობა შესაძლოა, მარეგულირებელ ჩარჩოში მოექცეს. ჯანდაცვის სამინისტრო მუშაობს კანონპროექტზე, რომლის თანახმად, ტექნიკური რეგლამენტით განისაზღვრება ბაზარზე განთავსებამდე და განთავსების შემდეგ ადმინისტრირების საკითხები და მასზე პასუხისმგებელი უწყებები. კანონპროექტი ასევე ითვალისწინებს, ეკონომიკური ოპერატორების როლის და ვალდებულებების დარეგულირებასაც. #ახალიამბები #BusinessMediaGeorgia
საქართველოში რეგულირების ქვეშ ქიმწმენდის ობიექტების საქმიანობა მოექცევა. ობიექტების ფუნქციონირება წლების განმავლობაში უკონტროლო იყო. სექტემბრიდან კი ახალი წესები ამოქმედდება, რომელთა აღსრულებას შრომის ინსპექცია და გარემოს ზედამხედველობის სამსახური გააკონტროლებენ. მკაცრად გაკონტროლდება ობიექტების მიერ გამოყოფილი მავნე ნივთიერებების რაოდენობა და დასაქმებულთა უსაფრთხოებასთან დაკავშირებული სტანდარტები.ჯანმრთელობისთვის საშიში ნივთიერებების კონცენტრაციის მონიტორინგი მას შემდეგ გადაწყდა, რაც ქიმწმენდის თანამშრომლებისა და ახლოს მცხოვრები ადამიანების ინტოქსიკაციის არაერთი შემთხვევა დაფიქსირდა. #ახალიამბები #BusinessMediaGeorgia
გასული თვის მიწურულს, Berkshire Hathaway-ის აღმასრულებელმა დირექტორმა, მილიარდერმა, უორენ ბაფეტმა, აქციონერებისთვის განკუთვნილი ყოველწლიური წერილი გამოაქვეყნა. ინვესტორმა წლევანდელ მიმართვაში ყურადღება კომპანიის საქმიანობასა და სამომავლო გეგმებზე, რეკორდულ მოგებასა და საფონდო ბაზრის სპეკულაციებთან დაკავშირებით თავის ხედვაზე გაამახვილა. ამასთან, ბაფეტმა 152-გვერდიან ანგარიშში აქციონერებს რამდენიმე მნიშვნელოვანი რჩევაც გაუზიარა. #ახალიამბები #BusinessMediaGeorgia
საერთაშორისო ბრენდი Konica Minolta, რომელიც გლობალურ ბაზარზე ოპერირებს 150 წელს ითვლის, კავკასიის რეგიონში 2019 წლიდან გამოჩნდა და თბილისში ბეჭდვის სრულიად ახლებური დანადგარების წარმოება დაიწყო. 20 თებერვალს კი რეგიონულ ბაზარს ეტიკეტების ბეჭდვის უნიკალური და თანამედროვე ტექნოლოგია წარუდგინა. Konica Minolta Georgia-ს გუნდი "AdWise ჯგუფთან" თანამშრომლობით ციფრული ბეჭდვის ახალ მანქანაზე მუშაობას დაახლოებით ორი თვის წინ შეუდგა. სპეციალისტებმა უნგრეთის, ჩეხეთისა და უკრაინის ინჟინერთა გუნდის მხარდაჭერით AccurioLabel 400 roll-to-roll ციფრული ბეჭდვის მანქანა და MGI JETvarnish 3D აამოქმედეს. აღსანიშნავია, რომ მსგავსი დანადგარი მსოფლიოს მასშტაბით მხოლოდ რამდენიმე ქვეყანაშია წარმოდგენილი, კავკასიის რეგიონისთვის კი პირველია, რომელიც "AdWise"-ის სტამბაში დაინსტალირდა. სტუმრები: ➡️რევაზ ჯამაგიძე - „კონიკა მინოლტა საქართველო“, გენერალური დირექტორი; ➡️გიორგი გალუაშვილი - „კონიკა მინოლტა საქართველო“, სერვისისა და IPP მიმართულების ხელმძღვანელი; #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 10.03.2024 #ახალიამბები #BusinessMediaGeorgia
BMG-ი ბიურო სომხეთშიც (ერევანი) ამოქმედდა / “ბიზნესმედია საქართველო” საერთაშორისო წარმომადგენლობას აფართოებს; ზრდას BMG განაგრძობს. ვცდილობთ კიდევ ერთი ქართული ბრენდით შევავსოთ რეგიონის პალიტრა და დავფიქსირდეთ იმ ქვეყნებში, სადაც საქმიანი ურთიერთობები ქვეყნებში შორის გამორჩეულად აქტიურია და ინვესტირების პოტენციალიც დიდი. რამდენიმე კვირიანი სატესტო რეჟიმში მუშაობის შემდეგ, სრულფასოვნად ამუშავდა BMG-ის სომხეთის ბიურო ერევანში და მას გამორჩეული ჟურნალისტი, არშალუის მღდესიანი გაუძღვება. #ახალიამბები #BusinessMediaGeorgia
საინტერესოა, რა გარემოებასა და ვითარებაში აჩვენებენ ზრდას მსოფლიოს წამყვანი ბირჟები გათვალისწინებით იმისა რომ, არც ვითარება შეცვლილა ნორმალიზების კუთხით მიმდინარე ომების ფონზე და მეორეს მხრივ, სახეზეა პრობლემური ვითარებები მსოფლიოს წამყვან ეკონომიკებში, სადაც ზოგიერთ ქვეყანაში ეპიზოდური სტაგნაცია ფიქსირდება; რთულად და არაჯეროვნად იზრდება მსოფლიოს ნომერ მეორე ეკონომიკა ჩინეთის სახით. კიდევ ბევრი არჩევნები რჩება ჩასატარებელი მსოფლიოში, რომელიც წინააღმდეგობრივ შედეგებს დადებს. #ახალიამბები #BusinessMediaGeorgia
წარმოგიდგენთ, წამყვანი ქართული კომპანიების შედეგებს ლონდონის საფონდო ბირჟაზე და გასული კვირეულის მონაგარს: "საქართველოს ბანკის" (BGEO) აქციების ფასი 2.58%-ით გაიზარდა და ამჟამად ერთი აქციის ღირებულება 51.60 გირვანქა სტერლინგს შეადგენს. კომპანიის საბაზრო კაპიტალიზაცია ამჟამად 2.34 მილიარდ სტერლინგს აღწევს. TBC PLC-ის აქციების ღირებულება ერთკვირიან ჭრილში 4.27%-ით გაიზარდა. ბანკის ერთი აქცია 33.00 გირვანქა სტერლინგი ღირს. კომპანიის საბაზრო კაპიტალიზაცია ამჟამად 1.82 მილიარდ გირვანქა სტერლინგს შეადგენს. "საქართველოს კაპიტალის” (CGEO) აქციების ღირებულება 0.48%-ით გაიზარდა, შედეგად ერთი აქციის ფასი 12.60 გირვანქა სტერლინგი გახდა. შედეგად, კომპანიის საბაზრო კაპიტალიზაცია ამჟამად 534 მილიონ გირვანქა სტერლინგს შეადგენს. #ახალიამბები #BusinessMediaGeorgia
საქართველოს უძრავი ქონების ეროვნულ ასოციაციას ახალი პრეზიდენტი ჰყავს. ვაჟა მებაღიშვილი 1 წლიანი ვადით ნატო ბოჭორიშვილმა შეცვალა, რომელიც მმართველის საბჭოს მიერ ერთხმად იქნა არჩეული. ნატო ბოჭორიშვილი „ჯორჯიან ფროფერთი მენეჯმენტის“-ს გენერალური დირექტორი და კომპანია “გუმბათი ჰოლდინგი”-ს თანადირექტორია, მას უძრავი ქონების მართვის სფეროში 7 წლიანი მუშაობის გამოცდილება აქვს. ახლადშექმნილი საბჭოს არსებობის პირობებში, GNARE-მ უძრავი ქონების აგენტებისთვის პროფესიული სწავლების გაღრმავების მიმართულებითაც განაახლა კურსის შემუშავების პროცესი. სტანდარტების ამაღლების, პრაქტიკოსების გაძლიერებისა და სექტორში პოზიტიური ცვლილებების გამოწვევისთვის ორგანიზაციაში სრულ მზადყოფნას გამოთქვამენ. სტუმარი: ნატო ბოჭორიშვილი - უძრავი ქონების ეროვნული ასოციაციის პრეზიდენტი; თეონა ავსაჯანიშვილი - უძრავი ქონების ასოციაციის აღმასრულებელი დირექტორი; #ახალიამბები #BusinessMediaGeorgia
უძრავი ქონების შერჩევა და შეძენა ძალიან სკრუპულოზური პროცესია და საკმაოდ ნიუანსურ დაკვირვებას მოითხოვს. არასწორად შერჩეული უძრავი ქონება, არასწორად გადადგმული ნაბიჯი და ტყუილად გადაყრილი თანხაა. ბინის შეძენამდე უამრავი დეტალი უნდა იქნეს გათვალისწინებული და მათ შორის უმნიშვნელოვანესია სამართლებრივი ასპექტები.
უძრავი ქონების კვირის მიმოხილვა - #უძრავიქონებისპროსპექტი:
Galt & Taggart-მა, USAID-ის ეკონომიკური მმართველობის პროგრამის მხარდაჭერით, საქართველოში სეკურიტიზაციის განვითარების შესახებ კვლევის შედეგები წარადგინა, კვლევა მოიცავს სეკურიტიზაციის განვითარების ტენდენციებს, როგორც განვითარებულ, ისე განვითარებად ქვეყნებში და ამ ანალიზის საფუძველზე განიხილავს სეკურიტიზაციის პერსპექტივებს საქართველოში. ➡️თათია მამრიკიშვილი - Galt & Taggart, სექტორის უფროსი; ➡️თამთა გორგაძე - Galt & Taggart, საკონსულტაციო განყოფილების უფროსის მოადგილე; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
გასული კვირის ამბებმა, მორიგ ჯერზე გააღვივა თბილისსა და საქართველოს ბიზნეს საზოგადოებაში მსჯელობა სამთავრობო ცვლილებებზე, ირაკლი ღარიბაშვილზე, მის შემცვლელზე, გავლენებზე პარტიასა და თუ მთავრობაში, პარლამენტში და ბიზნესთან ურთიერთობაში. ეს თემატიკა, ალბათ, არასდროს ამოიწურება, რადგან არასდროს დასრულდება ცვლილებებიც, თუნდაც ისეთი კოსმეტიკური ან შესაძლოა, იმედი ვიქონიოთ სისტემური, რასაც ჰქონდა ადგილი გასული წლის 30 დეკემბრიდან მოყოლებული. #ახალიამბები #BusinessMediaGeorgia
ძველ თბილისში ხანძრები ხშირი იყო, ამ ხანძრებზე საუბარი კი უფრო ხშირი, რადგან ქალაქში კარგად იცოდნენ, თუკი ცეცხლი ამა თუ იმ შენობას მაგრად ჩაავლებდა კლანჭს, მისი გადარჩენა, ფაქტობრივად, შეუძლებელი იყო, რადგან ტფილისის ცეცხლის მქრობელი რაზმი ხანძრებს ვერას აკლებდა.ამას გარდა, საუბარი არ წყდებოდა იმაზეც, რომ თბილისელთა ნაწილი განზრახ უკიდებდა საკუთარ ქონებას ცეცხლს, ან გაკოტრება და გაღატაკება რომ დაემალათ, ან კიდევ სადაზღვევო კომპანიებისგან მიეღოთ სარგებელი, რადგან შენობები, რაღაც მანქანებით, ღირებულებაზე გაცილებით, გაცილებით ძვირად ჰქონდათ შეფასებული. ➡️გიორგი ჭეიშვილის საავტორო გადაცემა; #ახალიამბები #BusinessMediaGeorgia
"დუშეფი" ბაზარზე სამი წელია რაც ოპერირებს და მომხმარებელს ევროპულ, განსხვავებულ და კომპანიის შეფის რეცეპტებით შექმნილ საკონდიტრო ნაწარმს სთავაზობს. გარდა "დუშეფის" კაფესა, რომელიც თბილისში ორ მისამართზე მდებარეობს, ის სასწავლო სკოლასაც აერთიანებს. "დუშეფის" შეფმა, ხათუნა ბაკურაძემ, გადაწყვიტა ის ცოდნა და გამოცდილება, რომელიც ამ სფეროში 6 წლის განმავლობაში, მათ შორის, საზღვარგარეთ სწავლის პროცესში დააგროვა, სხვებისთვისაც სასარგებლო ყოფილიყო და სკოლა შექმნა. დღეს სკოლა წარმატებით ფუნქციონირებს და უამრავ ადამიანს ახალი პროფესიის ათვისებაში ეხმარება. აღსანიშნია, რომ "დუშეფის" საკონდიტრო სკოლაში გამოცდილი კონდიტრებიც ერთიანდებიან, რომლებიც კვალიფიკაციას იმაღლებენ. ➡️ხათუნა ბაკურაძე - „დუშეფი“, დამფუძნებელი; #ახალიამბები #BusinessMediaGeorgia
ბიზნეს ფედერაცია “ქალები მომავლისთვის” ამ გაერთიანებასთან ერთად, კიდევ ერთხელ წარმოგიდგენთ ამბავს საზოგადოებრივ კოლეჯზე, რომლის ისტორია სათავეს მე-19 საუკუნის სამოცდაათიანი წლებიდან იღებს, იმ პერიოდში მას "ოლღას საბებიო სკოლა" ერქვა, ხოლო დღეს საზოგადოებისთვის ცნობილია, როგორც "საზოგადოებრივი კოლეჯი პანაცეა". გიყვებით, 140 წლის ისტორიის მქონე საზოგადოებრივი კოლეჯის, "პანაცეას" და მისი თანადამფუძნებლის, მაია ჩიხლაძის შესახებ, რომელიც 30 წელზე მეტია კოლეჯს უდგას სათავეში და მის განვითარებაში ყოველდღიურ ფუნქციონირებას, საკუთარ რუტინულ პასუხისმგებლობად აქცევს. #ახალიამბები #BusinessMediaGeorgia
კერძო სკოლებში გადასახადი მუდმივად კორექტირდება. საფასურის ზრდას ქვეყანაში მიმდინარე ეკონომიკური პროცესები, განვითარება, ინფრასტრუქტურული ცვლილებები და სახელფასო ბიუჯეტის ზრდა განაპირობებს. საინტერესოა, რამდენად მზარდია მოსწავლეების რაოდენობა კერძო სკოლებში, რა რჩება დღემდე გამოწვევად და როგორ აფასებს ბიზნესი განათლების სექტორის განვითარებას? #ახალიამბები #BusinessMediaGeorgia
წარმოგიდგენთ, კომპანია "მეტი+ჯგუფს". კომპანიას პირველი ნაბიჯები მცირე წარმოებით და მოცულობებით აქვს დაწყებული, და სამომავლოდ უკვე რეგიონებშიც ფიქრობს წარმოებების გახსნას. ბაჩო რამიშვილისა და მისი გუნდის უდავო უპირატესობა წარმოების მობილურობაა, რომელიც "მეტი+ჯგუფს" შესაბამისი დაკვეთიდან გამომდინარე საშუალებას აძლევს ადგილზე, სამშენებლო მოედანზევე, გამართოს და ააწყოს წარმოებაც. ➡️ბაჩო რამიშვილი - "მეტი+ჯგუფი", მმართველი პარტნიორი ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
მსოფლიოში არ წყდება საუბრები ერთ საინტერესო ექსპერიმენტზე, რომელიც სამუშაო კვირეულის 5-დან, 4 სამუშაო დღემდე შემცირებას გულისხმობს. შეფასებები წინააღმდეგობრივია, ცხადია დამსაქმებლებს და დასაქმებულებს შორის. #ახალიამბები #BusinessMediaGeorgia
Heritage Foundation-ის კვლევების მიხედვით, ეკონომიკური თავისუფლების ინდექსში საქართველოს ქულა გაუარესდა, პოზიცია გაუმჯობესდა - ჯამში: მსოფლიო ქვეყნების ეკონომიკურ თავისუფლებას ორი ავტორიტეტული ამერიკული ორგანიზაცია იკვლევს: "ფრეიზერის ინსტიტუტი" და Heritage Foundation. კვლევებზე დაყრდნობით, ისინი ეკონომიკური თავისუფლების რეიტინგს ადგენენ. ამ ორი ორგანიზაციის რეიტინგია ყველაზე ავტორიტეტულად მიჩნეული და ის განახლებული კვლევის მიხედვით: საქართველოს ქულა 0,3 ქულით შემცირდა. არაჩვეულებრივი კვლევა დადო გლობალურ მონაცემთა სისტემა Numbeo-მ, რომელიც ყოველწლიურად მსოფლიოს ქალაქებში ცხოვრების ხარჯების ინდექსს აანალიზებს, ამჟამად 389 ქალაქის მონაცემები შეისწავლა და 2024 წლის ცხოვრების ხარჯების ინდექსი ისეთი ინდიკატორების საფუძველზე დათვალა, როგორიცაა: სამომხმარებლო საქონლის, ბინის ქირის, კვების, კაფეებისა და რესტორნებში ვიზიტების, ასევე სატრანსპორტო მომსახურების ხარჯები. თბილისის შემთხვევაში, 4-სულიანი ოჯახის ცხოვრების საშუალო თვიური ხარჯი, ქირის გარეშე, 6 026 ლარია, ანალოგიურ შემთხვევაში, ხარჯი ერთი ადამიანისთვის, კი 1668 ლარს შეადგენს. ბათუმის შემთხვევაში ირკვევა, რომ ოთხსულიანი ოჯახის ხარჯი ერთი თვის განმავლობაში 5435 ლარით განისაზღვრება, ხოლო ერთი ადამიანის ხარჯი 1523 ლარს შეადგენს. #ახალიამბები #BusinessMediaGeorgia
გასული კვირის მთავარი ამბებიდან ერთ-ერთი იყო პრემიერ მინისტრის შეხვედრა საქართველოს ბიზნეს ასოციაციის წევრებთან, რომელიც გარდა იმისა რომ უმსხვილესი ბიზნეს გაერთიანებაა, მისი წევრები საქართველოს ეკონომიკის 80% ზე მეტის შემოქმედები არიან. მას ცხადია უფრო ფორმალური დანიშნულება ჰქონდა. შეხვედრაზე იყო ბევრი პრეზენტაცია და პანელური დისკუსია, რომლიდანაც მხოლოდ ერთს დაესწრო ირაკლი კობახიძე, რაც აღნიშნა კიდეც კომენტარებისას. საუბარია, ბიზნეს ასოციაციის პრეზიდენტის, სოსო ფხაკაძის პრეზენტაციაზე. ცხადია, ბიზნესში პრობლემები გაცილებით მეტია ვიდრე მათი წარმომადგენლების მიერ საჯაროდ გაცხადებული პრობლემა სამუშაო ძალის დეფიციტზე, რაც ნამდვილად სერიოზული გამოწვევაა. #ახალიამბები #BusinessMediaGeorgia
ქართული კომპანიების წარმატებული რალი ლონდონის საფონდო ბირჟაზე გრძელდება, ფაქტია, რომ ინვესტორებმა ზე-დადებითად მიიღეს საქართველოს ბანკის მიერ სომხეთის წამყვანი ამერიაბანკის შეძენა, რაც მესამე კვირააა ზრდაში ამყოფებს წამყვანი ქართული კომპანიების აქციებს: "საქართველოს ბანკის" (BGEO) აქციების ფასი 10.09%-ით გაიზარდა და ამჟამად ერთი აქციის ღირებულება 50.20 გირვანქა სტერლინგს შეადგენს. ბიჯეოს საბაზრო კაპიტალიზაცია ამჟამად 2.46 მილიარდ სტერლინგს აღწევს. ბოლო ექვს თვეში "საქართველოს ბანკის" აქციების მატება 53%-ია. TBC PLC-ის აქციების ღირებულება ერთკვირიან ჭრილში 3.6%-ით გაიზარდა. ბანკის ერთი აქცია 31.65 გირვანქა სტერლინგი ღირს. კომპანიის საბაზრო კაპიტალიზაცია ამჟამად 1.74 მილიარდ გირვანქა სტერლინგს შეადგენს. ბოლო ექვს თვეში "თიბისის" აქციების ფასი 29%-ითაა გაზრდილი. "საქართველოს კაპიტალის” (CGEO) აქციების ღირებულება 0.49%-ით გაიზარდა, შედეგად ერთი აქციის ფასი 12.42 გირვანქა სტერლინგი გახდა. შედეგად, კომპანიის საბაზრო კაპიტალიზაცია ამჟამად 579 მილიონ გირვანქა სტერლინგს შეადგენს. ბოლო ექვს თვეში კომპანიის აქციების ფასი 34%-ითაა გაზრდილი. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 03.03.2024 #ახალიამბები #BusinessMediaGeorgia
დღეიდან "უძრავი ქონებს პროსპექტი" არქიტექტურულ კომპანია "ტასჰაბთან" პარტნიორობას იწყებს. ყოველი თვის ბოლო კვირის გადაცემაში, კომპანიის დამფუძნებელი სტუმრებთან ერთად იმ აქტუალურ თემებს მოუყრის თავს, რაც მნიშვნელოვანია როგორც სამშენებლო დეველოპერული სექტორისთვის, ისე ინდივიდუალური პირებისთვის, რომლებიც ამა თუ იმ ობიექტის აშენებას განიხილავენ. "ტასჰაბი," მომხმარებელს ყველა ტიპის საპროექტო დოკუმენტაციას ერთ სივრცეში სთავაზობს, რაც დაზოგილ ენერგიასთან და მოგებულ დროსთან ასოცირდება. კომპანია უკვე 5 წელია ბაზარზეა და ამ დროის განმავლობაში რამდენიმე ათეული პროექტი აქვს შესრულებული. რუბრიკის პირველი სტუმარია სამშენებლო-დეველოპერული კომპანია "არქის" გენერალური დირექტორი შიო ხეცურიანი; სტუმარი: შიო ხეცურიანი - "არქი" გენერალური დირექტორი; #ახალიამბები #BusinessMediaGeorgia
საქართველოში პირველი უძრავი ქონების ქრაუდფანდინგ პლატფორმაზე Propertyfy-ზე უნდა მოგიყვეთ, რომელიც საშუალებას გაძლევთ, უძრავ ქონებაში ინვესტიცია 5 000$-დან დაიწყოთ. ინვესტიციის განხორციელება ახალ დეველოპერულ პროექტებშია შესაძლებელი. კერძოდ, ბინებს მშენებლობის დასაწყისში ყიდულობთ, მის რეალიზებას კი პროექტის დასრულების შემდეგ, გაზრდილი ფასით ახორციელებთ, რაც საშუალოდ 30%-იანი მოგების შესაძლებლობას ქმნის. სტუმარი: გიორგი ყიფიანი Propertify-ის დამფუძნებელი; #ახალიამბები #BusinessMediaGeorgia
სამშენებლო-დეველოპერულ კომპანია ალიანს ჯგუფს, უმსხვილეს სასტუმროთა ქსელ Wyndham Hotels & Resorts-სა და ამერიკულ მმართველ კომპანია აიმბრიჯ ჰოსპიტალიტი ი ემ ი ე-სშორის, თანამშრომლობის მემორანდუმი გაფორმდა. მემორანდუმის თანახმად, ალიანს ჰაილაინის C თაუერში ვინდამის ყველაზე მაღალსეგმენტური, Wyndham Grand Residence-ის ბრენდული საინვესტიციო აპარტამენტები განთავსდება, ხოლო ლენდმარკ კომპლექსის მენეჯმენტს ეიმბრიჯ ჰოსპიტალიტი ი ემ ი ე უზრუნველყოფს. თბილისში პირველი წარმომადგენლობითა და ლიდერ სტუმარმასპინძლობის ბრენდებთან კოლაბორაციით, ამ ტიპის საინვესტიციო ბრენდული რეზიდენციის შეძენას ინვესტორები ექსკლუზიურად ალიანს ჰაილაინში შეძლებენ.
✈️ #საუბრებიავიაციაზე: საჰაერო კლუბები და მცირე ავიაცია - ინტერვიუ გიორგი კაკაშვილთან და მერაბ გუმბერიძესთან / 26.02.2024
"თიბისი & პარტნიორები" - 2024 წლის გეგმები / Construction Service ➡️გიორგი დარჩიაშვილი - "თიბისი", მსხვილი და საშუალო კორპორატიული კლიენტების მომსახურების დეპარტამენტის დირექტორი; ➡️გიორგი გაბუნია - Construction Service, დირექტორი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
"თიბისი & პარტნიორები" - 2024 წლის გეგმები / Alutech Georgia ➡️პაატა კოკაია - Alutech Georgia, დამფუძნებელი; ➡️დავით ჯანიაშვილი - Alutech Georgia, დირექტორი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
21 საუკუნის ამ დეკადის რეალობა. როცა ჩვენ გვიწევს თავისუფლებისთვის და დამოუკიდებლობისთვის ბრძოლა, გაცილებით მძიმე გამოწვევების წინაშე პირისპირ არის. ფაქტია, საქართველოს ეკონომიკას მოუწევს ზრდა იმ პირობებში, როცა არ დასრულებულა საქართველოს ოკუპაცია და რაიმე პოზიტიური მიმართება ამ კუთხით არ ჩანს. ფაქტია, არც ჩვენს რეგიონში დაესვა წერტილი, თუნდაც, სამშვიდობო მოლაპარაკებებით სომხეთსა, და აზერბაიჯანს შორის ტერიტორიულ დაპირისპირებას, რაც საბოლოოდ გამიჯნავს პრეტენზიებს ჩვენს ორ მთავარ მეზობელსა და სავაჭრო პარტნიორ ქვეყნებს შორის. გრძელვადიანი გამოდგა და გრძელდება ომი ჩვენს კიდევ ერთ პარტნიორ ქვეყანაში, უკრაინაში, რომელიც მედგრად დგას მაგრამ ამის ფასი უმძიმესია, ათიათასობით დაღუპული უკრაინელი და გამესამედებული უკრაინის ეკონომიკა. არ სრულდება ომი ახლო აღმოსავლეთში, ისრაელის ჰამასის დაპირისპირებას დაემატა ამერიკის და დასავლეთის კოალიციის სამხედრო იერიშები იემენზე სადაც, ბაზირებულია ჰუსიტების სამხედრო დაჯგუფება, რომელმაც დასაბამი მისცა წითელი ზღვის კრიზისს. #ახალიამბები #BusinessMediaGeorgia
საქართველოში ახალ რეგულაციებზე ფიქრობენ და ეს თემა ინფლუენსერებს, ანუ საზოგადოებისთვის მნიშვნელოვანი და აქტიური პირების რეგულაციას ეხება, თუმცა ღირს აღნიშვნად, რომ ამ რეგულაციას თავად ინფლუენსერებიც და ინდუსტრიის პროფესიონალები ერთხმად ნამდვილად არ ეწინააღმდეგებიან #ახალიამბები #BusinessMediaGeorgia
სოფიო მაჭარაშვილის წლების უკან დაწყებული პროფესიული კარიერა დღემდე განათლების სფეროს უკავშირდება. პროფესიით ექიმ-პედიატრი უნივერსიტეტის დასრულებისთანავე სამუშაოდ, მამის მიერ 1992 წელს დაფუძნებულ, პროფესიულ კოლეჯში წავიდა და ოჯახურ ბიზნესს განვითარების მეტი საშუალება მისცა. 2014 წლიდან კი დამოუკიდებლად საქმიანობის გაგრძელება გადაწყვიტა და დღეს ბიზნესისა და ტექნოლოგიების აკადემიის დამფუძნებლის რანგში გვევლინება. ➡️სოფიო მაჭარაშვილი - ბიზნესისა და ტექნოლოგიების აკადემიის დამფუძნებელი; ბიზნესის ადმინისტრირების დოქტორი; #ახალიამბები #BusinessMediaGeorgia
სამეგრელოში, მარტვილის სოფელ ტალერში მდებარეობს ავეჯის კომპანია "ალებური" რომელიც, მასიურ ხის ავეჯს აწარმოებს. ინფრასტრუქტურა საკმაოდ მძლავრია და ის ყველა საჭირო ტექნიკასა თუ ტექნოლოგიას ფლობს, ანუ წარმოებისთვის საჭირო ინვენტარ-დანადგარს, რაც მაღალი ხარისხის ავეჯის დამზადებისთვის არის საჭირო. მეგრულ ავეჯს საქართველოს შემდეგ უკვე ევროპა ელოდება. კონკრეტული ქვეყნისკენაც გეზი უკვე აღებული აქვთ. "ალებური" დღეს უკვე 70 ადგილობრივს ასაქმებს და კომპანიის ამბიციურ გეგმებთან და მიზნებთან ერთად, თანამშრომელთა რაოდენობაც მზარდია. ➡️გოგა სილაგავა - “ალებური” დირექტორი, თანადამფუძნებელი; #ახალიამბები #BusinessMediaGeorgia
კვირის მანძილზე დავიგეგმეთ და TBC-ს კორპორატიულ მიმართულებასთან ერთად გადავიწყვიტეთ და განვაახლეთ მათი ბიზნეს პარტნიორების მოკითხვა-მონახულება, იმ ბიზნეს პროექტების გაცნობა, რომელიც TBC მიერ არის დაფინანსებული. გიორგი დარჩიაშვილი ჩვეული ენთუზიაზმით ამყვა და ერთ დღეს, ერთდროულად რამდენიმე კომპანიას მივაკითხეთ. ➡️გიორგი დარჩიაშვილი - "თიბისი", მსხვილი და საშუალო კორპორატიული კლიენტების მომსახურების დეპარტამენტის დირექტორი; ➡️გიორგი გაბუნია - Construction Service, დირექტორი; ➡️პაატა კოკაია - Alutech Georgia, დამფუძნებელი; ➡️დავით ჯანიაშვილი - Alutech Georgia, დირექტორი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
მომავალი კვირა განსაკუთრებით დატვირთული ევროკავშირისთვის იქნება. ორშაბათს სიტყვით უნდა გამოვიდეს ევროპის ცენტრალური ბანკის ხელმძღვანელი კრისტინ ლაგარდი, რომელმაც მონეტარულ პოლიტიკაზე უნდა ისაუბროს. გარდა ამისა, მომავალ კვირას ცნობილი გახდება ევროზონის ინფლაციური სტატისტიკა. ანალიტიკოსების პროგნოზით, სამომხმარებლო ფასების დონე 2.5%-მდე იქნება შემცირებული. ასევე გავიგებთ იმას, თუ რა ბედი ეწია უმუშევრობის სტატისტიკას და გაიზარდა თუ არა დასაქმებულთა რაოდენობა. საინტერესო სტატისტიკურ მონაცემებს გაასაჯაროებენ გერმანიის, საფრანგეთის, იტალიის, ესპანეთის, პორტუგალიის და სხვა ევროპული სახელმწიფოების მთავრობებიც. საერთო ჯამში, შეძლება ითქვას, რომ მომავალი კვირა ევროპული სიახლეებით იქნება დატვირთული. #ახალიამბები #BusinessMediaGeorgia
კომპანია ,,აჭარისწყალი ჯორჯია’’, რომელიც ფლობს 187 მგვტ სიმძლავრის შუახევის ჰესების კასკადს, იყო პირველი კომპანია ქართულ ენერგო სექტორში, რომელმაც მაღალი კორპორაციული პასუხისმგებლობის სტანდარტი შექმნა. უფრო კონკრეტულად რომ ვისაუბროთ, კომპანიამ ჯერ კიდევ "შუახევი ჰესის" მშენებლობის დაწყებამდე შეისწავლა რეგიონის საჭიროებები და შედეგებზე დაყრდნობით შეიმუშავა გრძელვადიანი კორპორაციული პასუხისმგებლობის სტრატეგია, სადაც სამი მთავარი მიმართულება განსაზღვრა: განათლების მხარდაჭერა და ცნობიერების ამაღლება, ადგილობრივი თემების მხარდაჭერა - მცირე ბიზნესის დაფინანსება და ინფრასტრუქტურული განვითარება. შუახევის ჰესების კასკადის მშენებლობის დაწყებიდან ოპერირების ეტაპის ჩათვლით, ასობით სოციალური პროექტი განხორციელდა და რაც ყველაზე მნიშვნელოვანია, პირველი - ყველა პროექტი იყო გრძელვადიან მიზნებზე ორიენტირებული და მეორე - ყველა პროექტი იგეგმებოდა და ხორციელდებოდა უშუალოდ ადგილობრივი მოსახლეობისა და მუნიციპალიტეტების მონაწილეობით. #ახალიამბები #BusinessMediaGeorgia
Tax Justice Network-მა ქონების საიმედოდ და საიდუმლოდ შენახვის შესაძლებლობის მქონე ქვეყნების რეიტინგი გამოაქვეყნა. ორგანიზაცია ამ რეიტინგს ყოველ ორ წელიწადში ერთხელ აახლებს და ამჯერად ბოლო პუბლიკაცია, 2022 წლის მონაცემებს მიმოიხილავს. #ახალიამბები #BusinessMediaGeorgia
გასული წლის მონაცემებით, უკრაინამ საკუთარი ეკონომიკის მესამედი შესწირა სამამულო ომსა და დამოუკიდებლობისთვის ბრძოლას. მისი შემოსავლები მეტწილად სრულად დასავლეთის დახმარებაზეა ჩამოკიდებული. უკრაინა, უახლოეს დღეებში, სავალუტო ფონდისგან ვალუტის მხარდასაჭერად და მაკროეკონომიკური სტაბილურობისთვის დამატებით 900 მლნ დოლარს შეივსებს. უკრაინისთვის სამხედრო და ფინანსური დახმარების მნიშვნელოვანი ფონდებით გამოდიან - მარტო დანიის გადაწყვეტილება რად ღირს, რომელიც ფაქტობრივად სრულად, მის საკუთრებაში არსებულ საარტილერიო და მძიმე ტექნიკის არსენალს უკრაინას გადასცემს. რაც შეეხება, ოკუპანტი ქვეყნის ეკონომიკას, აქ ვითარება უფრო რთული და სიღრმისეულია. რუსეთი სრულად ეწყობა სამხედრო ეკონომიკის მოდელზე რაც ნიშნავს, რომ სწორედ სამხედრო წარმოება და სწორედ ამ მიმართულებით ინვესტირება ზრდის რუსეთის ეკონომიკას. #ახალიამბები #BusinessMediaGeorgia
კვირა სრულიად დამსახურებულად მნიშვნელოვანი ზრდით ჩახურეს ქართულმა კომპანიებმა ლონდონის საფონდო ბირჟაზე, ცხადია ლოკომოტივი ზრდისა საქართველოს ბანკია, რომელმაც დახურა გარიგება სომხეთის წამყვანი კომერციული ბანკის "ამერიაბანკის" 303 მლნ დოლარად შეძენის შესახებ. "საქართველოს ბანკის" (BGEO) აქციების ფასი 15.01%-ით გაიზარდა და ამჟამად ერთი აქციის ღირებულება 45.60 გირვანქა სტერლინგს შეადგენს. კომპანიის საბაზრო კაპიტალიზაცია ამჟამად 2.24 მილიარდ სტერლინგს აღწევს. ბოლო ექვს თვეში "საქართველოს ბანკის" აქციების მატება 43.6%-ია. TBC PLC-ის აქციების ღირებულება ერთკვირიან ჭრილში 7.01%-ით გაიზარდა. ბანკის ერთი აქცია 30.55 გირვანქა სტერლინგი ღირს. კომპანიის საბაზრო კაპიტალიზაცია ამჟამად 1.68 მილიარდ გირვანქა სტერლინგს შეადგენს. ბოლო ექვს თვეში "თიბისის" აქციების ფასი 21.7%-ითაა გაზრდილი. "საქართველოს კაპიტალის” (CGEO) აქციების ღირებულება 9.77%-ით გაიზარდა, შედეგად ერთი აქციის ფასი 12.36 გირვანქა სტერლინგი გახდა. შედეგად, კომპანიის საბაზრო კაპიტალიზაცია ამჟამად 575 მილიონ გირვანქა სტერლინგს შეადგენს. ბოლო ექვს თვეში კომპანიის აქციების ფასი 37.6%-ითაა გაზრდილი. #ახალიამბები #BusinessMediaGeorgia
"#ბიზნესისკვირეული - გიორგი ისაკაძის პროლოგი / 25.02.2024 #ახალიამბები #BusinessMediaGeorgia