2026 წლის პირველ კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი 1.8 პროცენტით გაიზარდა, ხოლო ინდექსის წლიურმა ზრდამ 3.0 პროცენტი შეადგინა. 2020 წლის საშუალოსთან შედარებით ინდექსი 62.3%-იან ზრდას აფიქსირებს. მიმდინარე წლის პირველ კვარტალში, წინა კვარტალთან შედარებით ფასების ზრდა დაფიქსირდა, როგორც საცხოვრებელი ბინების სეგმენტში (2.0 პროცენტი), ისე კერძო სახლების სეგმენტში (1.1 პროცენტი). 2025 წლის პირველ კვარტალთან შედარებით ფასების ზრდა დაფიქსირდა ორივე სეგმენტში - ბინებზე 3.3 პროცენტით, ხოლო კერძო სახლებზე 1.8 პროცენტით. უფრო დეტალურ მონაცემებსაც თუ ჩავხედავთ, ვნახავთ, რომ კერძო სახლები ყველაზე ძვირი კვლავ მთაწმინდაზე ღირდა, სადაც ფასი 1 კვ.მ-ზე საშუალოდ 4 835 ლარს შეადგენდა. ამავე პერიოდში 1 კვ.მ კერძო სახლის ფასი ყველაზე დაბალი ნაძალადევში იყო და ის 2 594 ლარით განისაზღვრებოდა. თითქმის ყ7ველა უიბანში ზრდა ფიქსირდება, გამონაკლისია ისანი, გლდანი და ნაძალადევი. კერძოდ, „საქსტატის“ მონაცემები აჩვენებს, რომ ისანში 1 კვ.მ-ის კერძო სახლის ფასი წლიურად უცვლელი დარჩა. გლდანის შემთხვევაში ფიქსირდება ფასების 6.2%-იანი, ხოლო ნაძალადევში 6.3%-იანი კლება. მიმდინარე წლის პირველ კვარტალში 1 კვ.მ კერძო სახლის საშუალო ფასები ასე გამოიყურებოდა: მთაწმინდა - 4 835 ლარი; ვაკე - 4 500 ლარი; დიდუბე - 4 242 ლარი; საბურთალო - 3 471 ლარი; ჩუღურეთი - 3 249 ლარი; ისანი - 3 172 ლარი; სამგორი - 3 164 ლარი; კრწანისი - 3 164 ლარი; გლდანი - 2 596 ლარი; ნაძალადევი - 2 594 ლარი. ფასები იზრდება მრავალსართულიან ბინებზეც და ახლო აღმოსავლეთში არსებული კრიზისის და გართულებული ლოგისტიკის ხარჯზე მოსალოდნელია, რომ წლის მოერ ეკვარტალში დაგეგმილზე მეტად გაირზდება. სხვადასხვა კვლევითი ორგანიზაციების მიერ დათვლილი შედეგებით წლის 3 თვეში მოთხოვნის 15-20%-იანი და ფასის 5%-იანი ზრდა გვქონდა. რა მონაცემები აქვს კოლიერს ჯორჯიას? სტუმარი: ეთუნა მუნჯიშვილი - "კოლიერს ჯორჯიას" დეველოპმენტ კონსალტინგის ხელმძღვანელი #ახალიამბები #BusinessMediaGeorgia
გასული კვირის ბოლოს ოცნების მთავრობამ ახალი პროგრამა - „აგროთანადაფინანსების სახელმწიფო პროგრამა“ წარადგინა, რომელიც მათი თქმით, აგროსექტორის მხარდაჭერის განახლებულ და თანამედროვე მიდგომას ეფუძნება. პროგრამის პრეზენტაციაზე დავით სონღულაშვილმა ბოლო ათწლეულში სახელმწიფოს პოლიტიკის შედეგებზე გაამახვილა ყურადღება და აღნიშნა, რომ ამ პერიოდში მნიშვნელოვნად გაფართოვდა აგროსექტორის მხარდაჭერის ინსტიტუციური, ინფრასტრუქტურული, ფინანსური და ტექნიკური მექანიზმები, რაც უკვე ნათლად აისახა როგორც წარმოების, ისე ექსპორტის ზრდაზე. ახლა კი მთავრობა ცალკეული პროგრამებიდან ერთიან მოდელზე გადადის, განისაზღვრება პრიორიტეტული სექტორები, სადაც სახელმწიფო მაქსიმუმ 2 მილიონი ლარის თანადაფინანსებაში შევა. ბევრი დეტალი ამ დროისთვის ცნობილი არ არის, ამიტომ დღეს გადავწყვიტეთ სექტორულად ფერმერების აზრი მოვისმინოთ, პირველ რიგში რა გაიგეს შეხვედრიდან და მერე მხრივ რა სჭირდებათ დარგებს რეალური განვითარებისთვის? სტუმარი: მერაბ ჭითანავა - „თხილის მწარმოებელთა ასოციაციის“ აღმასრულებელი საბჭოს თავმჯდომარე #ახალიამბები #BusinessMediaGeorgia
გარემოს დაცვისა და სოფლის მეურნეობის მინისტრმა დავით სონღულაშვილი ხორბლის სექტორის წარმომადგენლებთან დარგობრივი საბჭოს ფორმატში შეხვედრა გამართა, სადაც სექტორში არსებული გამოწვევები და განვითარების მიმართულებები განიხილეს. შეხვედრის მიზანი სექტორსა და სახელმწიფოს შორის კოორდინაციის გაძლიერება და ხორბლის წარმოების მდგრადი განვითარების ხელშეწყობა იყო - ინფორმაციას ამის შესახებ სამინისტრო ავრცელებს. მინისტრის განცხადებით, ხორბლის სექტორი სახელმწიფოსთვის ერთ-ერთ პრიორიტეტულ მიმართულებად რჩება და ამ მიმართულებით დამატებითი მხარდაჭერის მექანიზმების შემუშავება იგეგმება. უწყების ცნობით, შეხვედრაზე განსაკუთრებული ყურადღება სერტიფიცირებული თესლის ხელმისაწვდომობაზე, თანამედროვე ტექნიკისა და ტექნოლოგიების დანერგვის აუცილებლობაზე და მცირე და საშუალო ფერმერებისთვის სასაწყობე ინფრასტრუქტურის უზრუნველყოფაზე გამახვილდა. დისკუსიის ფარგლებში ასევე გამოიკვეთა კვალიფიციური სპეციალისტების დეფიციტი, რაც პირდაპირ აისახება პროდუქციის ხარისხსა და კონკურენტუნარიანობაზე. შეხვედრაზე აქცენტი გაკეთდა სარწყავი წყლის ხელმისაწვდომობასა და მართვაზე, მათ შორის საირიგაციო ტარიფების საკითხზე და სახელმწიფო სუბსიდირების მექანიზმების ეფექტიანობაზე. როგორ აფასებენ ფერმერები შეხვედრას და რა აწუხებთ მათ? სტუმარი: ელიზბარ იმერლიშვილი - ფერმერი #ახალიამბები #BusinessMediaGeorgia
ახლო აღმოსავლეთში მიმდინარე მოვლენების გამო, ევროპის საავიაციო სექტორი ბოლო ათწლეულის უმწვავესი კრიზისის წინაშეა. საწვავზე ფასების რეკორდული ზრდის ფონზე, წამყვანი ავიაკომპანიები მოკლე დისტანციის ათიათასობით ფრენას აუქმებენ, ავიაბილეთების ღირებულება კი ორმაგდება და სამმაგდება. როგორ აისახება გლობალური არასტაბილურობა რიგით მოგზაურებზე, რა ალტერნატივებს გვთავაზობენ სპეციალისტები და როგორ უნდა დავგეგმოთ ევროპაში მოგზაურობა გაუთვალისწინებელი ფინანსური ზარალის თავიდან ასაცილებლად? #ახალიამბები #BusinessMediaGeorgia
#ავიაციისსიახლეები: ✈️ საწვავის დაზოგვის მიზნით, Lufthansa-მ 20 ათასამდე რეისი გააუქმა ✈️ Air Canada რიგ ფრენებს აჩერებს ✈️ წინა კვირასთან შედარებით საავიაციო საწვავი გაიაფდა, მაგრამ წლიურ ჭრილში ფასი გაორმაგებულია ✈️ თბილისის და ბათუმის აეროპორტებიდან ახლო აღმოსავლეთში ფრენები 8 მიმართულებით არ სრულდება ✈️ Pegasus-ი ქუთაისიდან ოპერირებას აგრძელებს, ფრენები მაისში გაუქმდა - GASA-ს განმარტება ✈️ Condor-ი საქართველოს მიმართულებით რეგულარულ ფრენებს აახლებს ✈️ ტრამპის ადმინისტრაცია Spirit Airlines-ის $500-მილიონიანი ფინანსური დახმარების პაკეტს ამზადებს #ავიაცია #ავიამიმოსვლა #ახალიამბები #BusinessMediaGeorgia
ინტერიერი დეტალებში სტუმარი: სალომე დადუნაშვილი - "ინტერიერი სალომე დადუნაშვილთან ერთად", ავტორი&წამყვანი #ახალიამბები #BusinessMediaGeorgia
მსოფლიოში ერთ-ერთი ყველაზე მასშტაბური და გავლენიანი მუსიკალური ფესტივალი Coachella ყოველწლიურად არა მხოლოდ მუსიკალური შოუს, არამედ უზარმაზარი ფინანსური პროექტის სახეს იღებს. 2026 წელს ფესტივალმა რეკორდული მასშტაბები აჩვენა: საერთო შემოსავალმა 200 მილიონ დოლარს გადააჭარბა, რაც იმას ნიშნავს, რომ მისი ორგანიზებაც კოლოსალურ რესურსებს მოითხოვდა. ფესტივალის ეკონომიკური გავლენა კიდევ უფრო ფართოა, მხოლოდ ტურისტების ხარჯვით ადგილობრივ ეკონომიკაში 20 მილიონ დოლარზე მეტი გენერირდება. ამ ყველაფერს თუ დავუმატებთ სპონსორებს, ბრენდების აქტივაციებსა და ინფრასტრუქტურულ ხარჯებს, ნათელია, რომ Coachella უკვე დიდი ხანია აღარ არის უბრალოდ მუსიკალური ღონისძიება - ეს არის მრავალმილიონიანი ინდუსტრია, სადაც შოუს უკან უზარმაზარი ფინანსური მანქანა დგას. #ახალიამბები #BusinessMediaGeorgia
Tbilisi Open Air 2026-ის ლაინაფი ცნობილია, ამაზე უფრო დეტალურად ჩვენი სტუმარი მოგვახსენებს, იქამდე კი მე გეტყვით, რომ ფესტივალი 4 და 5 ივლისს ტრადიციულ ლოკაციაზე, Lisi Wonderland-ში გაიმართება, სადაც 3 სცენა იქნება წარმოდგენილი. ასევე, ადგილზე ფეხბურთის გულშემატკივრებისთვის მოეწყობა სპეციალური სივრცე, სადაც დიდ ეკრანზე მსოფლიო ჩემპიონატის ოთხი მერვედფინალის ჩვენება გაიმართება. გარდა ამისა, იქნება ღვინის ფესტივალი და მოეწყობა არაერთი გასართობი სივრცე. სტუმარი: სოფო ებრალიძე - Tbilisi Open Air, წარმომადგენელი #ახალიამბები #BusinessMediaGeorgia
„თეგეტა ჰოლდინგმა“ სადისტრიბუციო და საცალო ბიზნესს ფლიტ მენეჯმენტის ახალი, კომპლექსური მოდელი წარუდგინა - სერვისი, რომელიც ავტოპარკის მართვას სრულად ერთ ეკოსისტემაში აერთიანებს. ღონისძიებაზე 70-ზე მეტი კომპანიის წარმომადგენელს 360-გრადუსიანი მომსახურება გააცნეს, რომელიც ავტოპარკის შერჩევას , ოპერაციულ მართვას, ტექნიკურ მხარდაჭერას, დაზღვევას, ტელემატიკურ კონტროლსა და საჭიროების შემთხვევაში ჩანაცვლების სერვისსაც მოიცავს. აქცენტი გაკეთდა იმაზე, რომ ფლიტ მენეჯმენტი მხოლოდ ტექნიკური მომსახურება აღარ არის და ბიზნესის ეფექტიანობის მართვის ინსტრუმენტად ყალიბდება. #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
26 აპრილს „ავერსი-ფარმას“ თანამშრომლებისთვის პადელის ტურნირი გაიმართა. ინიციატივა კომპანიის კორპორაციული სოციალური პასუხისმგებლობის ფარგლებში ხორციელდება და მიზნად ჯანსაღი ცხოვრების წესის პოპულარიზაციასა და თანამშრომლებს შორის გუნდური სულისკვეთების გაძლიერებას ისახავს. #ახალიამბები #BusinessMediaGeorgia
25 აპრილს, „გრანდ ავენიუს“ სივრცეში „არქი იასამნების“ დიდი ფასდაკლების დღე გაიმართა. ერთ დღეში გაყიდული 291 ბინა - ასეთია ღონისძიების შედეგი, რომლის მიმართაც ინტერესი უპრეცედენტოდ მაღალი იყო. წინასწარი რეგისტრაცია 20 ათასზე მეტმა ადამიანმა გაიარა, მომხმარებლებმა კი ბინები სპეციალური პირობებით შეიძინეს. როგორ ჩაიარა დიდმა ფასდაკლების დღემ და რა შეთავაზებები დახვდათ მომხმარებლებს #ახალიამბები #BusinessMediaGeorgia
ძველ თბილისში, ჩუღურეთში, საცხოვრებელი კომპლექსის Garden Hills-ის მშენებლობა დასკვნით ეტაპზეა. 30 ათას კვადრატულ მეტრზე განვითარებულ პროექტში, რომელიც ერთ-ერთ მსხვილ ურბანულ განახლებად განიხილება, კომპანიის ინფორმაციით, ბინების 90%-ზე მეტი უკვე გაყიდულია. პროექტის დასკვნით ეტაპზე კომპლექსის ტერიტორიაზე სიმბოლური ღონისძიებაც გაიმართა - სივრცეში აღიმართა ჯვარი, როგორც სულიერი ერთიანობის სიმბოლო, ღონისძიებას კი მუსიკალურად ანსამბლი „ერისიონი“ აფორმებდა. როგორ მიმდინარეობს პროექტის ბოლო ეტაპი? #ახალიამბები #BusinessMediaGeorgia
#საქმიანიდილა - 27 აპრილი - პროლოგი #ახალიამბები #BusinessMediaGeorgia
ხელოვნება, როგორც მაღალმოგებიანი საინვესტიციო აქტივი - რატომ ირჩევენ მსოფლიოს უმდიდრესი ადამიანები კაპიტალის დასაბანდებლად ტრადიციული ბაზრების ნაცვლად უნიკალურ შედევრებს. გაიცანით მილიარდერი კოლექციონერები, რომელთა პორტფელებში კულტურული მემკვიდრეობა მრავალმილიარდიან ფინანსურ ინსტრუმენტად იქცა. ვინ ფლობს მსოფლიოს ყველაზე ძვირადღირებულ კერძო კოლექციებს? #ახალიამბები #BusinessMediaGeorgia
ხელოვნების აუქციონების ბაზარი - პირველი კვარტლის მიმოხილვა სალომე ზაალიშვილი - BMG, რეპორტიორი #ახალიამბები #BusinessMediaGeorgia
პაშა ბანკი საქართველომ 3 წლის წინ სტრატეგიული ცვლილება განახორციელა და სრულად კორპორატიულ საბანკო მომსახურებაზე გადავიდა. როგორ აისახა ეს ცვლილება ფინანსური ინსტიტუტის შედეგებზე, როგორი იყო მისთვის განვლილი წელი და როგორია სამომავლო გეგმები? ინტერვიუ: რამილ იმამოვი - "პაშა ბანკი საქართველო", გენერალური დირექტორი; ინტერვიუერი: ერეკლე ფოლადიშვილი - BMG, ჟურნალისტი #ახალიამბები #BusinessMediaGeorgia
თითქმის ორი თვის შემდეგ, რაც ირანთან დაკავშირებული ესკალაცია დაიწყო, საქართველოს ეკონომიკაზე მისი გავლენა თავდაპირველ მოლოდინებთან შედარებით უფრო მსუბუქი აღმოჩნდა- ასეთია Galt & Taggart-ის შეფასება, რომელსაც განახლებულ პუბლიკაციაში სახელწოდებით ,,ირანის ესკალაცია: 50 დღის შემდეგ - საქართველოს მდგრადობის შეფასება” - აქვეყნებს. საინვესტიციო ბანკის მონაცემებით, მარტში საქონლის ექსპორტი და ფულადი გზავნილები წლიურად კვლავ გაიზარდა; საგადასახადო შემოსავლები და დღგ-ის ბრუნვა მაღალ ნიშნულზე ნარჩუნდება, ხოლო ლარი მარტის შუა პერიოდიდან კვლავ გამყარების ტენდენციას დაუბრუნდა. ამ ინდიკატორებზე და ეკონომიკური ზრდის მაჩვენებლების გათვალისწინებით პირველი კვარტალი ძლიერი გამოვიდა და საინვესტიციო ბანკის პროგნოზია, რომ რომელ წელს ეკონომიკა 6.0%-იან ზრდას დააფიქსირებს. სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
ევროპა უპრეცედენტო გეოეკონომიკური გამოწვევის წინაშეა - კონტინენტს ჩინური ინვესტიციების 12-მილიარდიანი ტალღა დაატყდა თავს. მიუხედავად იმისა, რომ ევროკავშირის ქვეყნებს საკუთარი წარმოების სტიმულირებისთვის აზიური ფინანსები და ტექნოლოგიები სასიცოცხლოდ სჭირდებათ, ბრიუსელში ფიქრობენ, რომ ეკონომიკური ხსნის უკან რეალური პოლიტიკური ხაფანგი იმალება. ევროპული ელიტა შიშობს, რომ კონტინენტი პეკინისთვის მხოლოდ რიგით ამწყობ საამქროდ არ გადაიქცეს და საპასუხოდ, ჩინურ ექსპანსიას სრულიად ახალ, ხისტ საკანონმდებლო სტრატეგიას უპირისპირებს. როგორ ცდილობს ევროკავშირი უცხოური მილიარდების მოთოკვას და რა ბედი ელით დასავლურ ბაზარზე შესულ აზიურ გიგანტებს? #ახალიამბები #BusinessMediaGeorgia
ჩინეთის გლობალური დომინაცია ელექტრომობილების ბაზარზე შემთხვევით არ მომხდარა, ეს მკაცრად გათვლილი სტრატეგიის შედეგია. ნედლეულის კონტროლიდან უმსხვილეს მეგაქარხნებამდე: როგორ შეცვალა აზიურმა სახელმწიფომ გლობალური წარმოების წესები და რა უპირატესობებს სთავაზობს ის მსოფლიო ბრენდებს? #ახალიამბები #BusinessMediaGeorgia
თვითმფრინავის საკვები წლების განმავლობაში იძულებით კომპრომისად აღიქმებოდა, რადგან ფრენის სპეციფიკური კლიმატი და დაბალი წნევა გემოს რეცეპტორებს ბლოკავს, ლოგისტიკა კი ახლადმომზადებული კერძის მიწოდებას გამორიცხავს. თუმცა, დღეს გლობალური ავიაციის ლიდერები ამ მოცემულობას სრულიად ცვლიან და მგზავრებს ცაში უმაღლესი კლასის გასტრონომიას სთავაზობენ. ექსპერტების შეფასებით, რომელი კომპანიები ლიდერობენ გლობალურ რეიტინგში და როგორ გადაიქცა ურთულესი ლოგისტიკური გამოწვევა ექსკლუზიურ სერვისად? #ახალიამბები #BusinessMediaGeorgia
1948 წლის 16 აპრილს ევროპის ეკონომიკური თანამშრომლობის ორგანიზაცია დაფუძნდა, რომლის მთავარი მიზანიც მეორე მსოფლიო ომისგან განადგურებული რეგიონის აღდგენა, მარშალის გეგმით გათვალისწინებული ფინანსური დახმარების ქვეყნებს შორის გადანაწილება და კოორდინაცია, ევროპული ქვეყნების სავაჭრო ურთიერთობების ერთმანეთთან თანხვედრა და არსებულ გამოწვევებთან ბრძოლის ერთობლივი გზების შემუშავება იყო. წლების შემდეგ, როდესაც ორგანიზაციამ და მარშალის გეგმამ თავისი მისია შეასრულეს, ევროპის ქვეყნების ეკონომიკებმა აღდგენა და განვითარება დაიწყო, უფრო მასშტაბური და გლობალური ორგანიზაციის შექმნის აუცილებლობაც დადგა და ევროპის ეკონომიკური თანამშრომლობის ორგანიზაცია ეკონომიკური თანამშრომლობისა და განვითარების ორგანიზაციად გარდაიქმნა, რომელიც დღემდე ფუნქციონირებს და მსოფლიოს 38 ქვეყანას აერთიანებს. #ახალიამბები #BusinessMediaGeorgia
ამერიკული საზღვაო ბლოკადა სპარსეთის ყურეში გლობალური ეკონომიკისთვის უმძიმეს მოცემულობას ქმნის. ჰორმუზის სრუტის ჩაკეტვით ვაშინგტონმა თეირანი ფინანსური კოლაფსის პირას მიიყვანა, რამაც პაკისტანში დაგეგმილი ისტორიული სამშვიდობო დიალოგიც საბოლოოდ ჩაშალა. სატრანზიტო კრიზისი უკვე პირდაპირ ურტყამს ჩინეთის ენერგოუსაფრთხოებას და ახლო აღმოსავლეთის ქვეყნებს ალტერნატიული მარშრუტების სასწრაფო ძიებას აიძულებს. თუმცა, სანამ შავი ოქროს ფასი იზრდება და რეგიონი ლოგისტიკურ კრიზისშია, ამერიკული საფონდო ბირჟები ომის რისკებს არ იმჩნევენ და ინდექსების ისტორიულ მაქსიმუმებზე ვაჭრობენ. რა უჯდება ირანს ყოველდღიურად დაწესებული შეზღუდვები, როგორ კარგავს თეირანი მთავარ სატრანზიტო კოზირს და რატომ რჩება ფინანსური ელიტა სრულიად გულგრილი გლობალური საფრთხეების მიმართ? #ახალიამბები #BusinessMediaGeorgia
#საქმიანიდილა - 24 აპრილი - პროლოგი #ახალიამბები #BusinessMediaGeorgia
ირანში მიმდინარე მოვლენების გამო მიმდინარე წელს სამშენებლო მასალები სავარაუდოდ გაძვირდება - ამის შესახებ Galt & Taggart-ის მიერ გამოქვეყნებული ანგარიშში წერია.არსებული პროგნოზით, 2026 წელს სამშენებლო მასალების ფასები 8%-ით გაიზრდება, მაშინ როდესაც 2025 წელს ეს მაჩვენებელი მხოლოდ 1% იყო. კონფლიქტის ფონზე, გაძვირება შეეხება ძირითად სამშენებლო მასალებს. ცემენტი: 2025 წელს ფასების სტაბილიზაციის შემდეგ, 2026 წელს მოსალოდნელია მისი 7%-იანი გაძვირება. ბეტონი: ფასის ზრდა პროგნოზირებულია 10%-ის ფარგლებში. არმატურა: მოსალოდნელია ღირებულების 6%-იანი მატება. ირანთან ვაჭრობის შედეგებს თუ შევხედავთ, ვნახავთ რომ 2025 წლის მონაცემებით, ირანზე მოდის სამშენებლო და სარემონტო მასალების მთლიანი იმპორტის 5.0%. ხოლო სარემონტო მასალების მიმართულებით, ირანის წილი იმპორტში 4.1%-ს შეადგენს. რა გავლენა აქვს მიმდინარე მოვლენებს ადგილობრივ ბაზარზე? სტუმარი: ზუკა თავყელიშვილი - Galt & Taggart-ის ასოცირებული მკვლევარი #ახალიამბები #BusinessMediaGeorgia
12 ივნისი, ბათუმი, სასტუმრო COURTYARD BY MARRIOTT- ეს არის კონფერენცია გრემოს ჩატარების მორიგი დრო და ადგილი. BMG და გაყიდვების კომპანია PROSOECT ერთობლივი გადაცემა „უძრავი ქონების პროსპექტის“ ქვეშ, მეოთხე სექტორულ შეხვედრას გამართავს. თუმცა თავად კონფერენცია 2021 წლიდან არსებობს და უკვე მეშვიდედ გააერთიანებს დეველოპერებს, ინვესტორებსა და ინდუსტრიის ექსპერტებს, რათა ერთად იმსჯელონ საქართველოს უძრავი ქონების ბაზრის განვითარების სტრატეგიულ მიმართულებებზე. წლევანდელ თემად შერჩეულია მაღალი კლასის კურორტების შექმნა საქართველოში. განსაკუთრებული ყურადღება დაეთმობა აჭარისა და საქართველოს ზღვისპირეთის გარდაქმნას პრემიუმ ტურისტულ მიმართულებად, რაც მოიაზრებს მაღალი შემოსავლის მქონე ტურისტების მოზიდვის სტრატეგიებს, საერთაშორისო გამოცდილებას გაზიარებას და თანამედროვე დეველოპერულ ტენდენციებსა და ინოვაციებს. სტუმარი: გუგა კობახიძე - Prospect, დამფუძნებელი, GREMO თანაორგანიზატორი #ახალიამბები #BusinessMediaGeorgia
საკრუიზო ტურიზმის უპირატესობები - როგორია COSTA-ს ფილოსოფია? ➡️ ინტერვიუ: მირკო ვასალო - Costa Crociere-ის საერთაშორისო გაყიდვების დირექტორი; ➡️ ინტერვიუერი: გიორგი ისაკაძე - BMG, გენერალური პროდიუსერი #ახალიამბები #BusinessMediaGeorgia
✈️ მოგზაურობა და ჯანმრთელობა - რა უნდა ვიცოდეთ გზაში? რუბრიკის ავტორი&წამყვანი: ანა კირკიტაძე - "ვინგლეთი", დამფუძნებელი; სტუმარი: მაკა ღუჭაშვილი - თოდუას კლინიკა, თერაპევტი; #ახალიამბები #BusinessMediaGeorgia
გლობალური სადაზღვევო ინდუსტრია დღეს ერთდროულად ორ ძლიერ წნეხს შორის ოპერირებს - ერთი მხრივ, ციფრული რევოლუცია, რომელიც თამაშის წესებს თავიდან წერს და ხელოვნური ინტელექტის, პერსონალიზებული პროდუქტებისა და სრულად ციფრული სერვისების ეპოქას ქმნის, ხოლო მეორე მხრივ, ახლო აღმოსავლეთში მიმდინარე ესკალაცია, რომელმაც გლობალური რისკები მნიშვნელოვნად გაზარდა, გააძვირა საზღვაო და საავიაციო დაზღვევა და გაზარდა მოთხოვნა ომისა და კიბერრისკების სპეციალიზებულ პოლისებზე; მიუხედავად ამისა, სექტორი ჯერ კიდევ ინარჩუნებს მდგრადობას და ცდილობს ახალ რეალობას ტექნოლოგიური და ფინანსური რესურსებით უპასუხოს. #ახალიამბები #BusinessMediaGeorgia
სადაზღვევო კომპანია ახალ სტრატეგიულ ეტაპზე გადასვლასთან ერთად საქმიანობის არეალს აფართოებს და მომხმარებელს დაცვის სისტემას სთავაზობს. რაც თავის თავში ჯანმრთელობის, ავტო, ქონების, მოგზაურობისა და ბიზნესის დაზღვევას ერთიან მოდელს გულისხმობს. როგორც კომპანიაში განმარტავენ, ეს ცვლილება პასუხობს მომხმარებლების რეალურ საჭიროებებს. რა განახლებები აქვს კომპანიას, რომელიც მონაცემების მიხედვით კერძო სექტორის ბაზრის ყველაზე დიდი წილს იკავებს და ყველაზე მეტი კორპორატიული დაზღვეული ჰყავს. სტუმარი: სერგო საყვარელიძე - იმედი L-ის გენერალური დირექტორი #ახალიამბები #BusinessMediaGeorgia
მსუბუქი და მძიმე კომერციული ტრანსპორტი ერთ სივრცეში, სრული ტექნიკური, საგარანტიო და არასაგარანტიო სერვისი, GPS მონიტორინგი და დეტალური რეპორტინგი, 24/7-ზე საგზაო დახმარება - ეს არის არასრული ჩამონათვალი იმ სერვისების, რომლითაც სადისტრიბუციო ბიზნესში ჩართულ კომპანიებს „თეგეტა“ ფლიტ-მენეჯმენტის ფარგლებში სარგებლობას სთავაზობს. „თეგეტასთან“ პარტნიორობით შესაძლებელი ხდება ბიზნესის დაწყება საწყისი კაპიტალის გარეშე და პროგნოზირებადი ხარჯით. შეძლებთ თავიდან აიცილო Downtime - დაყოვნების დღეები, რომელიც ბიზნესის სრულფასოვნად ფუნქციონირებისთვის მნიშვნელოვანია. რატომ უნდა ისარგებლონ სადისტრიბუციო ბიზნესში ჩართულმა კომპანიებმა ფლიტმენეჯმენტით? სტუმრები: ბექა ბერიძე - „თეგეტა ჰოლდინგის“ სატვირთო, კომერციული და ავტობუსების მიმართულების ხელმძღვანელი; ავთანდილ ლაბაძე - „თეგეტა ჰოლდინგის“ მსუბუქი ავტომობილების მიმართულების მთავარი ოფიცრის მოადგილე #თეგეტაბიზნესისთვის #ახალიამბები #BusinessMediaGeorgia
კერამიკის წარმოება, რომელიც ადამიანის ერთ-ერთი უძველესი საქმიანობაა, დღეს 250 მილიარდ დოლარზე მეტი მოცულობის გლობალურ ინდუსტრიად იქცა. სამშენებლო სექტორის სწრაფმა ზრდამ და ტექნოლოგიურმა პროგრესმა ბაზარზე მოთხოვნა სრულიად ახალ ნიშნულზე აიყვანა. ვინ ინაწილებს მსოფლიო ბაზარს, როგორ უწევენ კონკურენციას აზიური გიგანტები პრემიუმ კლასის ევროპულ წარმოებას? #ახალიამბები #BusinessMediaGeorgia
ქართული ანბანი, უნიკალურ კულტურულ მემკვიდრეობასთან ერთად, შთაგონების წყაროა. სწორედ ამ მთავარი იდეის გარშემო გაერთიანდა ბრენდი „საინი“, რომელმაც ეროვნულ საგანძურს სრულიად ახალი სიცოცხლე შესძინა. ბრენდი მომხმარებელს უნიკალური შინაარსის, ფორმის და დიზაინის მქონე პროდუქციას სთავაზობს, სადაც მთავარი გმირი ქართული ასო-ნიშნებია. სტუმარი: ნინა სლეპჩენკო - "საინის” თანადამფუძნებელი მარიამ იზორია - #მხოლოდქართული, ავტორი&წამყვანი; #ახალიამბები #BusinessMediaGeorgia
„ვისოლი“ საქართველოში ავტოსპორტის განვითარებას აგრძელებს და ახალი კამპანიით - „გზა შენია“ მრბოლელების პროფესიულ განვითარებაზე, ახალგაზრდა ტალანტების აღმოჩენაზე, მათ საერთაშორისო თუ ადგილობრივ წარმატებაზე, საავტომობილო შეჯიბრებების მხარდაჭერასა და ზოგადად ავტოსპორტის პოპულარიზაციაზე ახალი შემართებითა და ინოვაციური პლატფორმებით იზრუნებს. კომპანია 2012 წლიდან ავტოსპორტის აქტიური მხარდამჭერია და კამპანია „გზა შენიას" მეშვეობით სხვადასხვა საინტერესო ინიციატივებს გვთავაზობს, რომლებიც მრავალ საკომუნიკაციო შრეში გაიშლება. რა ინიციატივებსა და სიახლეებს გვთავაზობს ვისოლის ახალი კამპანია? #ახალიამბები #BusinessMediaGeorgia
ყოველწლიურად მსოფლიო ოკეანეებში მილიონობით ტონა პლასტიკი ხვდება, რაც გლობალურ ეკოსისტემას უდიდეს ზიანს აყენებს. თუმცა, ამ პრობლემის გადაჭრის გზას ახლა იაპონელი მეცნიერები გვთავაზობენ. მათ შექმნეს ინოვაციური მასალა, რომელიც მარილიან წყალში სულ რაღაც ორ-სამ საათში სრულად ქრება და უსაფრთხო ბიოკომპონენტებად იქცევა. მიუხედავად იმისა, რომ ახალი ტექნოლოგია ტრადიციულ პლასტიკს სიმტკიცით არ ჩამოუვარდება, მისი მასობრივი წარმოება მაღალი ხარჯების გამო ჯერ კიდევ დიდ ფინანსურ და ინდუსტრიულ გამოწვევებთან არის დაკავშირებული. რა ეტაპზეა ინოვაციის ტესტირება და როგორ შეცვლის წყალში ხრწნადი პლასტიკი გლობალურ ეკონომიკასა და ბიზნეს სტანდარტებს? #ახალიამბები #BusinessMediaGeorgia
გუშინ, 22 აპრილს, დედამიწის დღეს, ბათუმში, მდინარე ჭოროხის დელტაზე მასშტაბური დასუფთავების აქცია კომპანია „კოკა-კოლა ბოთლერს ჯორჯიასა“ და საქართველოს მწვანეთა მოძრაობა/დედამიწის მეგობრები - საქართველოს ორგანიზებით გაიმართა. დასუფთავების აქციის მიზანი იყო მდინარე ჭოროხის დელტას გაწმენდა პლასტიკისა და სხვა ფრაქციის ნარჩენებისგან. ნარჩენების დახარისხდება ადგილზე მოხდა, მათ შორის პლასტიკის ნარჩენი ცალკე გამოიყო. შეგროვებული პლასტიკი რეციკლირებისთვის გადამამუშავებელ ქარხანას მიეწოდა. დანარჩენი ნარჩენი კი ბათუმის დასუფთავების სამსახურის მიერ ნაგავსაყრელზე იქნა ტრანსპორტირებული. დასუფთავების აქციაში კომპანია „კოკა-კოლა ბოთლერს ჯორჯიას“ 76 ადგილობრივი თანამშრომელი, 150 სტუდენტი ბათუმის უნივერსიტეტისა და საზღვაო აკადემიიდან, ასევე ბათუმის მერიისა და დასუფთავების სამსახურის თანამშრომლები იღებდნენ მონაწილეობას. #ახალიამბები #BusinessMediaGeorgia
“ამბასადორი ჯგუფს” და ამერიკულ არქიტექტორულ კომპანია SHoP Architects შორის ხელი მოეწერა არქიტექტურული და ფასადური პროექტირების სახელმძღვანელო ხელშეკრულებას, რომელიც მოიცავს ერთიანი არქიტექტურული კონცეფციისა და დიზაინ-კოდის შემუშავებას, ამბასადორი აილენდ ბათუმის შემთხვევაში, ეს დოკუმენტი არის პროექტის არქიტექტურული კონსტიტუცია, რომელიც ადგენს მშენებლობის ერთიან ესთეტიკურ კოდს, უმაღლესი ხარისხის სისტემურ სტანდარტებს და უზრუნველყოფს კუნძულის, როგორც ერთიანი მსოფლიო დონის არქიტექტურული შედევრის, გრძელვადიან საინვესტიციო ღირებულებას. ეს განსაკუთრებით მნიშვნელოვანია, რადგან ამბასადორის კუნძულის სახით იქმნება ინოვაციური ურბანული ეკოსისტემა - მომავლის ქალაქი, რომელიც ტექნოლოგიურ პროგრესს, სმარტ-არქიტექტურას და ცხოვრების თანამედროვე ტემპს ერთ სივრცეში აერთიანებს. ამბასადორი აილენდ ბათუმის მეშვეობით, საქართველო მკვიდრდება იმ პრესტიჟულ გეოგრაფიულ არეალში, სადაც აქამდე მხოლოდ ნიუ-იორკი, ლონდონი, დუბაი ან სინგაპური დომინირებდნენ. #ახალიამბები #BusinessMediaGeorgia
ახალი ფინანსური კრიზისის ნიშნები უოლ-სტრიტზე უკვე გამოიკვეთა. მსხვილი ინვესტორები კერძო საკრედიტო ფონდებიდან საკუთარი კაპიტალის მასობრივად და სასწრაფოდ გამოტანას ცდილობენ. საუბარია 20 მილიარდ დოლარზე მეტ თანხაზე, რომლის უკან დაბრუნებასაც კლიენტები კატეგორიულად ითხოვენ, თუმცა სექტორის გიგანტებმა კაპიტალის გაცემაზე მკაცრი შეზღუდვები უკვე აამოქმედეს. ბაზრის მოთამაშეების ასეთი რადიკალური ქცევა და ლიკვიდურობის უეცარი პრობლემა ერთ მთავარ კითხვას აჩენს - სკდება თუ არა მორიგი საკრედიტო ბუშტი და რა საფრთხეების წინაშე დგას გლობალური ეკონომიკა. #ახალიამბები #BusinessMediaGeorgia
#საქმიანიდილა - 23 აპრილი - პროლოგი #ახალიამბები #BusinessMediaGeorgia
საქართველოს სტატისტიკის ეროვნული სამსახურის ინფორმაციით, 2025 წლის მეოთხე კვარტალში საქართველოში განათლების სექტორის საშუალო ხელფასი 1517 ლარია, საშემოსავლოს გამოკლებით კი 1214 ლარი, წლიური ცვლილება 8%-ს შეადგენს. საქართველოს მონაცემების პარალელურად კი საინტერესოა, რა მდგომარეობაა მსოფლიოში და კონკრეტულად მასწავლებლების ხელფასები სხვადასხვა ქვეყნებში როგორ გამოიყურება? #ახალიამბები #BusinessMediaGeorgia
მსოფლიოში უმაღლესი განათლება უკვე ნორმად ყალიბდება, თუმცა ეს შესაძლებლობა კვლავ არათანაბრად ნაწილდება - ოესიდის 2025 წლის მონაცემებით, ლიდერი კანადაა, სადაც ზრდასრულ მოსახლეობაში 63%-ს აქვს უმაღლესი განათლება, მაშინ როცა ირლანდია, იაპონია და სამხრეთ კორეა უკვე იმ ეტაპზე არიან, სადაც ეს მაჩვენებელი ნახევარს აჭარბებს; პარალელურად კი, ჩინეთი, ინდოეთი და ინდონეზია კვლავ მნიშვნელოვნად ჩამორჩებიან - განსხვავება, რომელიც ეკონომიკურ შესაძლებლობებს, განათლების ხელმისაწვდომობასა და შრომის ბაზრის მოთხოვნებს შორის არსებულ ბალანსს ასახავს და აჩვენებს, რომ განათლება დღეს უკვე არა მხოლოდ სოციალური, არამედ სტრატეგიული ეკონომიკური რესურსია. #ახალიამბები #BusinessMediaGeorgia
დღეს ძნელად მოიძებნება ტრანსპორტი, რომელიც ისე ორგანულად ითავსებს სიმარტივესა და მაღალ ტექნოლოგიებს, როგორც ველოსიპედი. ის, რაც ორი საუკუნის წინ მხოლოდ ელიტის გასართობ და უცნაურ ხის კონსტრუქციად ითვლებოდა, დღეს მულტიმილიარდიანი გლობალური ინდუსტრიაა, რომელიც ქალაქების ურბანულ დაგეგმარებასა და ჩვენს ცხოვრების წესს ძირეულად ცვლის. გზა მე-19 საუკუნის პრიმიტიული „თვითმგორავებიდან“, რომლებსაც პედლებიც კი არ ჰქონდა, თანამედროვე აეროდინამიკურ სრულყოფილებამდე - საკმაოდ დრამატული და საინტერესო აღმოჩნდა. რატომ გახდა ველოსიპედი 21-ე საუკუნის მთავარი პასუხი ეკოლოგიურ გამოწვევებზე და როგორ განვითარდა ეს ინდუსტრია 1800-იანი წლებიდან მოყოლებული? #ახალიამბები #BusinessMediaGeorgia
ერთი წელია, მშობლები, საქართველოს ხელისუფლებას, ქვეყანაში ძვირადღირებული მედიკამენტების შემოტანას სთხოვენ.დიუშენის კუნთოვანი დისტროფია (DMD) მძიმე გენეტიკური დაავადებაა და ის ლეტალურად მთავრდება. ამ დაავადებით სიცოცხლის საშუალო ხანგრძლივობა, საშუალოდ, 20 წელია. მკურნალობის თანამედროვე მეთოდები და ახალი მედიკამენტები პაციენტების სიცოცხლეს 30-40 წლამდე ახანგრძლივებს. გუშინ, ჯანდაცვის მინისტრს არაერთი განმარტების გაკეთება დასჭირდა და განმარტებების მიუხედავად უფრო მეტი ბუნდოვანება დატოვა მინისტრმა, ვიდრე პასუხები მიიღეს მშობლებმა, რომლებიც ერთი წელია მედიკამენტს ითხოვენ ბავშვებისთვის. დიუშენის კუნთოვანი დისტროფიით დაავადებული 100-მდე პაციენტისთვის მედიკამენტების შეძენა წლიურად საშუალოდ, 100 მილიონ ლარამდე დაჯდება. ამის შესახებ ჯანდაცვის მინისტრი მიხეილ სარჯველაძე აცხადებს. თუმცა, მისი თქმით, დაფინანსებაზე უარის მიზეზი არა თანხის დაზოგვა, არამედ სამედიცინო დასაბუთების ნაკლებობაა. რა არგუმენტები აქვთ მშობლებს მინისტრის გუშინდელ პრესკონფერენციაზე? სტუმრები: ქეთი ეხვაია - დიუშენის კუნთოვანი დისტროფიის მქონე პაციენტის მშობელი; აზა თავაძე - დიუშენის კუნთოვანი დისტროფიის მქონე პაციენტის ბებია #ახალიამბები #BusinessMediaGeorgia
27 აპრილს თბილისში ჰესინკის აუქციონის სახლში მნიშვნელოვანი კულტურული ღონისძიება ჩატარდება. აუქციონზე თანამედროვე ქართული ხელოვნების ნიმუშები იქნება წარმოდგენილი და ის თბილისთან ერთად, პლატფორმების მეშვეობით გლობალური აუდიტორიისთვისაც იქნება ხელმისაწვდომი. საერთაშორისო აუქციონამდე კი უკვე გაიხსნა წინა-სააუქციონო გამოფენა, რომელიც 26 აპრილის ჩათვლით გაგრძელდება. თბილისის თანამედროვე ხელოვნების მუზეუმში ნებისმიერ მსურველს საშუალება აქვს წინასწარ გაეცნოს 90-ივე ლოტს, რომელიც 27 აპრილს უკვე აუქციონზე წარდგება. #ახალიამბები #BusinessMediaGeorgia
საერთაშორისო განათლების ცენტრი 23 აპრილს მართავს EMA საერთაშორისო საზაფხულო პროგრამების და სკოლა-პანსიონების გამოფენას, რომელიც სასტუმრო რადისონ ბლუ ივერიაში გაიმართება და დამთვალიერებლებს საშუალებას მისცემს, უშუალოდ მიიღონ ინფორმაცია მსოფლიოს წამყვანი საგანმანათლებლო დაწესებულებების შესახებ. როგორც ცნობილია, საზაფხულო პროგრამები დღეს უკვე მხოლოდ არდადეგებთან აღარ ასოცირდება, ეს არის მნიშვნელოვანი ნაბიჯი საერთაშორისო განათლებისკენ. ასეთ პროგრამებში მონაწილეობა მოსწავლეებს ეხმარება არა მხოლოდ ინგლისური ენის ცოდნის გაუმჯობესებაში, არამედ აძლევს შესაძლებლობას შეიძინონ დამოუკიდებელი გამოცდილება, გაიცნონ სხვადასხვა კულტურა და ადაპტირდნენ საერთაშორისო სასწავლო გარემოსთან. სწორედ ამიტომ, განსაკუთრებულ მნიშვნელობას იძენს სწორი პროგრამისა და სკოლის შერჩევა. რა შესაძლებლობებს სთავაზობს აღნიშნული გამოფენა მოსწავლეებსა და მშობლებს, როგორ უნდა შევარჩიოთ სწორი საზაფხულო პროგრამა და რა ტენდენციებია დღეს საერთაშორისო განათლების მიმართულებით? სტუმარი: ნინო ჩინჩალაძე - საერთაშორისო განათლების ცენტრი, დირექტორი #ახალიამბები #BusinessMediaGeorgia
კიბერ უსაფრთხოებასთან ერთად, რომელიც ინტერნეტის მასშტაბური გავრცელების პარალელურად, სულ უფრო მნიშვნელოვანი გამოწვევა ხდება, საინტერესოა ისიც, რომელ ქვეყნებშია ინტერნეტზე ხელმისაწვდომობა ყველაზე გამარტივებული და ასევე, გართულებული. ანუ, იმ რეალობაში, როდესაც ონლაინ სივრცე ყოველდღიურობის განუყოფელ ნაწილად იქცა, რომელი ქვეყნები რჩებიან ისეთები, რომლებიც მასზე წვდომას კრძალავენ ან უბრალოდ, მკაცრად ზღუდავენ და სად არის ეს მიდგომები შედარებით მსუბუქი. #ახალიამბები #BusinessMediaGeorgia