12 ივლისს თელავი სტიქიას ებრძოდა. არსებული ცნობებით, ნაშუაღამევს ქალაქში, გადაუღებელი წვიმის შედეგად, თელავის ხევი ადიდდა და ქუჩებზე გადმოვიდა. მოვარდნილმა ღვარცოფმა რომელსაც ქვა-ღორღი მოჰყვა, - მთლიანად დაანგრია ორი ქუჩის დამაკავშირებელი ხიდი. სერიოზულად დაზიანდა კავკასიონისა და ალაზნის გამზირები. დაიტბორა საცხოვრებელი კორპუსების პირველი სართულები, კომერციული ფართები, აფთიაქები და მაღაზიები. დაზიანებულია ელექტროგადამცემი ხაზები, რის გამოც ათასობით აბონენტს ბუნებრივი აირი და ელექტროენერგია შეუწყდა. საბედნიეროდ სტიქიას მსხვერპლი არ მოჰყოლია, თუმცა ზარალი საკმაოდ დიდია. შედეგების სალიკვიდაციოდ ოპერატიული შტაბი შეიქმნა. შტაბის შემადგენლობაში როგორც საკანონმდებლო, ისე ადგილობრივი ხელისუფლების წარმომადგენლები შედიან. მათი ცნობით, განადგურებულია ქალაქის ინფრასტრუქტურა. დატბორილია სოფლებიც და ვენახების ნაწილიც. მოქალაქეთა უსაფრთხოების უზრუნველყოფის მიზნით, აუცილებელია გარკვეული ქუჩების მდგომარეობის დეტალური შესწავლა, რის გამოც აღნიშნულ უბნებზე საავტომობილო მოძრაობა ამ დრომდე აკრძალულია. რამ გამოიწვია სტიქია და შესაძლებელი იყო თუ არა მისი თავიდან არიდება?

სტუმარი: ლაშა სუხიშვილი - დედამიწის შემსწავლელი ინსტიტუტის გეოგრაფიის დეპარტამენტის უფროსი

#ახალიამბები #BusinessMediaGeorgia