მიმდინარე წლის 5 თვეში, თბილისში 18,296 ბინა გაიყიდა. ტრანზაქციების ჯამურმა ღირებულებამ კი 1.6 მლრდ დოლარი შეადგინა, რაც წლიურად 21.9%-ით გაზრდილი მაჩვენებელია. გალტ ენდ თაგარტის მაისის მონაცემებით, პირველად ბაზარზე მოთხოვნა უცვლელი დარჩა, რაც გასული წლის მაისის მაღალ ბაზას ასახავს. აღსანიშნავია ისიც, რომ გაყიდული ბინების რაოდენობა წლიურად მცირედით გაიზარდა, თუმცა გაყიდული ფართობი შემცირდა, რაც მაისში გაყიდული ბინების საშუალო ზომის შემცირებას უკავშირდება. გაყიდვები მნიშვნელოვნად გაიზარდა მეორად ბაზარზე და 2023 წლის შემდეგ მეხუთე ყველაზე მაღალ ნიშნულს მიაღწია.საჯარო რეესტრის მონაცემებით, მაისში თბილისში 3,748 ბინა გაიყიდა, აქედან მეორად ბაზარზე გაყიდვები წლიურად 12.4%-ით გაიზარდა და 1,924 შეადგინა, 5 თვეში წლიური ზრდა კი 14.7%-ია. 9,7%-იანი ზრდა დაფიქსირდა პირველად ბაზარზე და 1,824 შეადგინა, 5 თვეში კი წლიური ზრდა 12,9% იყო. რა ტენდენციებია უძრავი ქონების ბაზარზე და ვინ ქმნის მოთხოვნას? სტუმარი: ნატო ბოჭორიშვილი - “ჯორჯიან ფროფერთი მენეჯმენტის“ აღმასრულებელ დირექტორი / გუმბათი ჰოლდინგის თანადირექტორი #ახალიამბები #BusinessMediaGeorgia
"ლელო - ძლიერი საქართველო“ დედაქალაქში სიცოცხლისთვის საშიში ყველა ადგილის დაუყოვნებლივ ინსპექტირებას და მაღალი რისკის შემცველი ინფრასტრუქტურის უმოკლეს ვადაში აღმოფხვრას მოითხოვს. პარტიაში აცხადებენ, რომ უმოკლეს ვადაში უნდა აღმოიფხვრას მაღალი რისკის შემცველი ინფრასტრუქტურა, მათ შორის დაზიანებული ელექტროსადენები, ღია თხრილები, ავარიული შენობების ფასადები და სხვა საფრთხეები; საზოგადოებას წარედგინოს კონკრეტული სამოქმედო გეგმა მკაფიო ვადებითა და პასუხისმგებელი პირებით და ყველა იმ შემთხვევაში, სადაც უსაფრთხოების უზრუნველყოფის შესაძლო ჩავარდნამ შესაძლოა ადამიანის ჯანმრთელობა დააზიანოს, დადგეს როგორც სამართლებრივი, ისე პოლიტიკური პასუხისმგებლობის საკითხი. როგორ უნდა გახდეს დედაქალაქის ბიუჯეტი მოქალაქეების უსაფრთხოების უზრუნველყოფაზე ორიენტირებული? #ახალიამბები #BusinessMediaGeorgia
საქართველოს განათლების, მეცნიერებისა და ახალგაზრდობის მინისტრის ინფორმაციით, 2026 წელს ერთიან ეროვნულ გამოცდებზე დარეგისტრირებული 43 000-ზე მეტი აბიტურიენტიდან 79%-ზე მეტმა არჩევანი სახელმწიფოს მიერ დაფინანსებულ სახელმწიფო უნივერსიტეტებზე გააკეთა. შესაბამისად 20%-ზე ცოტა მეტმა გააკეთა პირველადი არჩევანი კერძო უნივერსიტეტებზე. როგორც გივი მიქანაძემ 30 ივნისს, პირდაპირ ეთერში საუბრისას განაცხადა, ამით გამოჩნდა საზოგადოების განწყობა მთავრობის გადაწყვეტილებაზე, რომლის თანახმადაც, სახელმწიფო უნივერსიტეტებში სწავლა უფასო გახდა. მინისტრმა კიდევ ერთხელ აღნიშნა, რომ წელს მთავრობამ უფასო სწავლებისთვის სახელმწიფო უმაღლეს სასწავლებლებში 21 600 ადგილი განსაზღვრა. რა იცვლება აბიტურიენტებისთვის, რომლებიც დღეს ერთიან ეროვნულ გამოცდებს აბარებენ? სტუმარი: გიორგი ჭანტურია - "განათლების პოლიტიკის ცენტრის" დირექტორი; #ახალიამბები #BusinessMediaGeorgia
საზოგადოებრივი კვების ობიექტებში პლასტმასის ბოთლებით სასმელების მიწოდების აკრძალვის ამოქმედება 2031 წლის 1 თებერვლამდე გადავადდა. შესაბამისი ცვლილება საქართველოს მთავრობის დადგენილებაში შევიდა. საუბარია „სურსათთან შეხებისთვის განკუთვნილი, პლასტმასისგან დამზადებული გარკვეული პროდუქციის წარმოების, იმპორტისა და ბაზარზე განთავსების აკრძალვის შესახებ“ 2026 წლის 12 მარტის №106 დადგენილებაზე. თავდაპირველი ვერსიით, აღნიშნული შეზღუდვა ძალაში დღეიდან, 2026 წლის 1-ელი ივლისიდან უნდა შესულიყო, თუმცა მთავრობის ახალი გადაწყვეტილებით, რეგულაციის ამოქმედების ვადამ თითქმის ოთხი წლით გადაიწია. როგორც ნორმატიულ აქტშია აღნიშნული, გადავადების გადაწყვეტილება კერძო სექტორთან, ბიზნესასოციაციებთან და სხვა დაინტერესებულ მხარეებთან დამატებითი კონსულტაციების საფუძველზე იქნა მიღებული, რათა ბიზნესს ახალ სტანდარტებთან ადაპტაციისთვის მეტი დრო მიეცეს. შეგახსენებთ, 2027 წლის 1 თებერვლიდან უნდა აკრძალულიყო პლასტმასის ბოთლებში სასმელების წარმოება (გარდა ექსპორტის მიზნით), იმპორტი და მათი ბაზარზე განთავსება. აპრილში სასმლის პლასტმასის ბოთლებით რეალიზაციის აკრძალვაც 4 წლით, 2031 წლამდე გადავადდა. სტუმარი: შოთა ბურჯანაძე - რესტორატორთა ასოციაციის თანადამფუძნებელი; #ახალიამბები #BusinessMediaGeorgia
საქართველოს ბიზნეს ასოციაცია წევრი კომპანიების რიგებს კიდევ უფრო აფართოებს. BAG-ს ამჯერად „ორკინი საქართველო“ შეუერთდა. კომპანია, რომელიც ამერიკული გლობალური ბრენდის ORKIN-ის ლიცენზირებული ფრენჩაიზია საქართველოში და უკვე ათი წელია ადგილობრივ ბაზარზე მავნებლების პრევენციისა და კონტროლის პროფესიონალურ მომსახურებას ახორციელებს. კომპანია საერთაშორისო სტანდარტებზე დაფუძნებულ სერვისებს სთავაზობს როგორც ფიზიკურ პირებს, ისე ბიზნესს, ხოლო მისი გაწევრიანება საქართველოს ბიზნეს ასოციაციაში კიდევ ერთი ნაბიჯია კერძო სექტორის გაძლიერებისა და ბიზნესგარემოს განვითარების მიმართულებით. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; ლადო საყვარელიძე - "ორკინი საქართველოს" თანადამფუძნებელი და გენერალური დირექტორი #ახალიამბები #BusinessMediaGeorgia
მარტის საჰაერო განგაშის სირენებიდან - მრავალმილიარდიან სტაბილიზაციის გეგმამდე. დუბაი გლობალური ინვესტორების ნდობის აღდგენას იწყებს. რეგიონულმა დაძაბულობამ სპარსეთის ყურის ფინანსურ ცენტრს კაპიტალის გადინება და სავაჭრო მარშრუტების ცვლილება მოუტანა. როგორ აპირებს საამიროების მთავრობა კრიზისის დაძლევას და რა ბედი ელის ქალაქის მასშტაბურ მეგა-პროექტებს? #ახალიამბები #BusinessMediaGeorgia
საქართველოს პრემიუმ კლასის მასპინძლობის ბაზარზე ახალი, გლობალური მოთამაშე შემოდის. „პეტრა ჯგუფმა“, მონაკოში დაფუძნებულ უმაღლესი კლასის მასპინძლობის კომპანია Maya Collection-თან სტრატეგიულ შეთანხმებას მოაწერა ხელი. პარტნიორობის შედეგად, ქართულ ბაზარზე საერთაშორისოდ აღიარებული ბრენდი MayaBay გამოჩნდება, რომელიც საქართველოს საზღვაო და სამთო კურორტებზე მსოფლიო დონის რესტორნებსა და სანაპირო კლუბებს გახსნის. სტუმრები: თინათინ კალანდარიშვილი - "პეტრა ჯგუფი", აღმასრულებელი დირექტორი; რიჩარდ მარია - Maya Collection, აღმასრულებელი დირექტორი საუბარს სინქრონულად თარგმნის NG Georgia #ახალიამბები #BusinessMediaGeorgia
ავტომომსახურების ახალი სტანდარტი საქართველოში, თეგეტა მოტორსის აღმაშენებლის №129-ში მდებარე ფილიალი სრულიად ახალ საოპერაციო მოდელზე გადავიდა, რომელიც საერთაშორისო პრაქტიკას ეფუძნება და მომხმარებლისთვის უფრო სწრაფ, გამჭვირვალე და კომფორტულ მომსახურებას ისახავს მიზნად. განახლებული მოდელის მთავარი სიახლე ის არის, რომ ვიზიტის დაჯავშნიდან ავტომობილის სერვისის დასრულებამდე მომხმარებელს ერთი პასუხისმგებელი პირი, სერვისის მრჩეველი ემსახურება, რაც მომსახურების პროცესს ამარტივებს და დროს მნიშვნელოვნად ამცირებს. ამასთან, ყოველი ავტომობილი გადის ხარისხის სავალდებულო შემოწმებას, რის შედეგადაც მომხმარებელი არა მხოლოდ კონკრეტულ მომსახურებას იღებს, არამედ რეკომენდაციებსაც ავტომობილის შემდგომი გამართული ექსპლუატაციისთვის. განახლებული საოპერაციო მოდელი თეგეტა მოტორსმა საერთაშორისო საკონსულტაციო კომპანია Brambourne-თან თანამშრომლობით დანერგა. რა შეიცვალა პრაქტიკაში, რა შედეგებს ელიან ამ ცვლილებებისგან და როგორია საერთაშორისო გამოცდილება? ინტერვიუ: ნათია ნასრაშვილი - “თეგეტა ჰოლდინგის “საოპერაციო პროცესების განვითარების ლიდი; ჯეიმს ბურნი - Brambourne Group -ის დამფუძნებელი და აღმასრულებელი დირექტორი #ახალიამბები #BusinessMediaGeorgia
ბერძნული იოგურტიდან ინოვაციურ ბიოტექნოლოგიამდე - სააფთიაქო ქსელმა „იმპექსმა“ ქართულ ბაზარზე "კორესის" უახლესი სამეცნიერო მიღწევა, "სმარტ იოგურტის" ტექნოლოგია ოფიციალურად შემოიტანა. 30 ივნისს გამართულ მასშტაბურ პრეზენტაციას, სადაც მგრძნობიარე კანის მოვლის სრულიად ახალი სტანდარტი წარადგინეს, პარტნიორებთან და სფეროს წარმომადგენლებთან ერთად, საქართველოში საბერძნეთის საელჩოს წარმომადგენლებიც ესწრებოდნენ. #ახალიამბები #BusinessMediaGeorgia
ქალი მეწარმეების ფინანსური და მმართველობითი უნარების გაძლიერების მიზნით, პროკრედიტ ბანკის „ქალები ბიზნესში“ პროგრამის ფარგლებში განხორციელებული ექვსთვიანი ჯგუფური საკონსულტაციო პროექტი დასრულდა. ინიციატივა მონაწილეებს პრაქტიკული ცოდნის გაღრმავებასა და ბიზნესის ეფექტიანად მართვაში დაეხმარა, ხოლო პროგრამა, რომელსაც პროკრედიტ ბანკი ევროპის რეკონსტრუქციისა და განვითარების ბანკთან პარტნიორობითა და ევროკავშირის მხარდაჭერით ახორციელებს, ქალი მეწარმეებისთვის მომავალშიც გაგრძელდება. #ახალიამბები #BusinessMediaGeorgia
გლობალური ბირჟების მიმოხილვა 2/7/2026 #ახალიამბები #BusinessMediaGeorgia
ოდესღაც სოციალური ქსელები მხოლოდ გართობის სივრცე იყო, დღეს კი მილიარდიანი ინდუსტრიაა, სადაც ერთი ვიდეო შეიძლება მრავალმილიონიან ბიზნესად იქცეს. რეკლამები, საკუთარი ბრენდები, სატელევიზიო პროექტები და გლობალური პარტნიორობები — თანამედროვე ინფლუენსერები უკვე მედია-იმპერიებს ქმნიან. ვინ არის 2026 წლის ყველაზე შემოსავლიანი ინფლუენსერი? როგორ გამოიმუშავა ასობით მილიონი დოლარი, რა დგას მისი წარმატების უკან და როგორ შეიცვალა კონტენტ-შემქმნელების ეკონომიკა ისე, რომ მსოფლიოს 50 ყველაზე გავლენიანმა ინფლუენსერმა ერთ წელიწადში ჯამურად მილიარდ დოლარზე მეტი გამოიმუშავა? #ახალიამბები #BusinessMediaGeorgia
#საქმიანიდილა - 2 ივლისი - პროლოგი #ახალიამბები #BusinessMediaGeorgia
24 ივნისს ანტიკრიზისულმა პლატფორმამ საერთაშორისო სავაჭრო პალატა საქართველოში წევრებთან სამუშაო შეხვედრა გამართა, სადაც პლატფორმის წევრებმა წარადგინეს ანტიკრიზისული ხედვა. შეხვედრის ფარგლებში განიხილეს ქვეყნის წინაშე არსებული ეკონომიკური და ინსტიტუციური გამოწვევები, ნდობის აღდგენის მექანიზმები, ბიზნესისთვის უფრო პროგნოზირებადი გარემოს შექმნის გზები და საერთაშორისო გამოცდილება, რომელიც საქართველოსთვის განსაკუთრებით რელევანტურად მიიჩნევა. ფორმატი ინტერაქციული იყო და ბიზნესის წარმომადგენლებს საკუთარი მოსაზრებების დაფიქსირების შესაძლებლობაც ჰქონდათ. სტუმრები: კოტე გელაშვილი - ანტიკრიზისული პლატფორმის წარმომადგენელი; კახა წიქარიშვილი - ანტიკრიზისული პლატფორმის წარმომადგენელი #ახალიამბები #BusinessMediaGeorgia
ბიზნესისთვის ერთ-ერთი ყველაზე დიდი საფრთხე სწორედ ის რისკებია, რომელთა წინასწარ პროგნოზირება შეუძლებელია. ხანძარი, სტიქიური მოვლენები, ქურდობა თუ სხვა გაუთვალისწინებელი შემთხვევები შესაძლოა კომპანიას სერიოზული ფინანსური ზარალი და საქმიანობის შეფერხება დაუტოვოს. როგორ იცავს ქონების დაზღვევა ბიზნესის უწყვეტობას, რატომ იზრდება ამ მიმართულებით ცნობიერება საქართველოში და რა მიდგომებს სთავაზობს კორპორატიულ მომხმარებლებს „იმედი L“? #ახალიამბები #BusinessMediaGeorgia
ტასჰაბი - პროექტირებისა და შეთანხმების ჰაბი. 8-წლიანი გამოცდილების კომპანიის ბიზნეს პორტფელი მოიცავს არქიტექტურის, ურბანისტიკის, საინჟინრო და სატრანსპორტო მიმართულებების სერვისებს და ასევე დენდროლოგიასა და გარემოს დაცვას. უფრო კონკრეტულად ამ სერვისებისა და მათ მიერ განხორციელებული პროექტების შესახებ. სტუმარი: სერგი გიორგაია - "ტასჰაბის" დამფუძნებელი #ახალიამბები #BusinessMediaGeorgia
საქართველოს საფონდო ბირჟის ჯგუფმა ინსტიტუციური ინვესტორების საბჭოს შექმნის ინიციატივა წარადგინა, რომელმაც კაპიტალის ბაზრის მთავარი მონაწილეები საერთო ხედვისა და მჭიდრო თანამშრომლობისთვის უნდა გააერთიანოს. ინიციატივის მიზანია ბაზრის მონაწილეებს შორის კოორდინაციის გაძლიერება, ახალი საინვესტიციო შესაძლებლობების შექმნა და კაპიტალის ბაზრის განვითარების ხელშეწყობა. რა ფუნქცია ექნება ახალ საბჭოს, რა გამოწვევების გადაჭრას გეგმავს და როგორ შეიძლება აისახოს ეს ქვეყნის ფინანსური სექტორის მომავალზე? #ახალიამბები #BusinessMediaGeorgia
საქართველოს საგარეო პოლიტიკური არჩევანი, შუა დერეფნის გეოპოლიტიკური მნიშვნელობა და ევროკავშირში ინტეგრაციის პერსპექტივები - ამ და კიდევ რამდენიმე საკითხზე ვიმსჯელებთ საქმიან დილაში სტუმ ართან ერთად. საქმიან დილას შემოუერთდა, გერმანიაში საქართველოს ყოფილი ელჩი, ეკონომისტი ელგუჯა ხოკრიშვილი, რომელიც სოციალურ ქსელში გამოეხმაურა, საქართველოს საგარეო პოლიტიკურ კურსს და რეგიონში მიმდინარე გეოპოლიტიკურ პროცესებს. სტუმარი: ელგუჯა ხოკრიშვილი - CDGR-ის დამფუძნებელი დირექტორი #ახალიამბები #BusinessMediaGeorgia
26-27 ივნისს საქართველოს ეკონომიკის ასოციაციის მეორე საერთაშორისო კონფერენცია გაიმართა, რომელმაც აკადემიური და ფინანსური წრეების წარმომადგენლები გააერთიანა. ღონისძიებაში ადგილობრივი და მსოფლიოს წამყვანი უნივერსიტეტებისა და კვლევითი ინსტიტუტების 50-ზე მეტმა მომხსენებელმა მიიღო მონაწილეობა. კონფერენციის ფარგლებში განსაკუთრებული ყურადღება დაეთმო ფინანსური განვითარების, ეკონომიკური ზრდისა და მდგრადი განვითარების საკითხებს. 26 ივნისს გაიმართა პანელური დისკუსია თემაზე – „ფინანსური განვითარება და ეკონომიკური ზრდა“, სადაც მონაწილეებმა ფინანსური სექტორისა და ეკონომიკის ურთიერთკავშირი, არსებული გამოწვევები და განვითარების შესაძლებლობები განიხილეს. სტუმრები: ალექსანდრე ძნელაძე - საქართველოს საბანკო ასოციაცია, პრეზიდენტი; სანდრო შელეგია - საქართველოს ეკონომიკის ასოციაცია, საბჭოს თავმჯდომარე, პომპეუ ფაბრას უნივერსიტეტი, ასოცირებული პროფესორი #ახალიამბები #BusinessMediaGeorgia
თბილისის ზღვასთან, ივერთუბანში, თანამედროვე ეკოსისტემის მრავალფუნქციური დასვენებისა და მომსახურების კომპლექსი გაიხსნა, რომელიც ერთ სივრცეში აერთიანებს „ვისოლის“ ავტოგასამართ სადგურს, „სმარტის“ მარკეტს, Wendy’s®, Dunkin’®-ისა და Subway®-ის ამერიკულ რესტორნებს და „ამბოლის“ ავტომომსახურების ცენტრს. ახალი კომპლექსი მომხმარებლებს მგზავრობისა და დასვენებისთვის საჭირო ყველა ძირითად სერვისს ერთ ლოკაციაზე სთავაზობს და თანამედროვე ურბანული ინფრასტრუქტურის განვითარების კიდევ ერთ მნიშვნელოვან ეტაპს წარმოადგენს. #ახალიამბები #BusinessMediaGeorgia
ავტომოყვარულებისთვის და განსაკუთრებით უგზოობის მოყვარულთათვის გამორჩეული სიახლე გვაქვს. კომპანია E-MOTORS-მა, რომელიც საქართველოში Jetour-ის ოფიციალური და ავტორიზებული დილერია, საკუთარი მომხმარებლებისთვის ნამდვილი თავგადასავალი მოაწყო. ბელიაშვილის ქუჩიდან დაწყებული ავტოკოლონა, ბეთანიის გავლით, ულამაზეს „სათიბეში“ დასრულდა, სადაც ბრენდის ახალი, ყველაზე მძლავრი ფლაგმანის – Jetour G700-ის ოფიციალური პრეზენტაცია შედგა. 904 ცხენის ძალა, CDM-O ძალოვანი სისტემა, კლასიკური მზიდი ჩარჩო და ბიზნეს-კლასის სალონი – ეს არის ავტომობილი, რომელიც მზად არის ქართულ ბაზარზე სრულიად ახალი სტანდარტები დაამკვიდროს. როგორ ჩაიარა შთამბეჭდავმა პრეზენტაციამ, რა სპეციალურ საფასო პირობას სთავაზობს E-MOTORS-ი მომხმარებლებს 11 ივლისამდე და რატომ იქცა ეს მოდელი დღის მთავარ გმირად? #ახალიამბები #BusinessMediaGeorgia
Coinmania-ზე უკვე 1000-ზე მეტი კრიპტოაქტივია ხელმისაწვდომი გლობალური ბირჟების მიმოხილვა 1/7/2026 #ახალიამბები #BusinessMediaGeorgia
ლარი დოლართან და ევროსთან გამყარდა FXHUB by Foresight - სწრაფი, გამჭვირვალე და მომგებიანი კონვერტაცია #ახალიამბები #BusinessMediaGeorgia
პირველი ნაბიჯი იდეად იქცა, იდეა კი – მსოფლიოს ერთ-ერთ ყველაზე პრესტიჟულ სპორტულ მოვლენად. დღეს „ტურ დე ფრანსი“ მხოლოდ ველორბოლა აღარ არის – ეს ტრადიცია, გამძლეობის სიმბოლო და სპორტული სანახაობაა, რომელსაც ყოველ ზაფხულს მილიონობით ადამიანი ადევნებს თვალს. თუმცა, ცოტამ თუ იცის, რომ ამ ლეგენდარული რბოლის დაბადებას სპორტზე მეტად კონკურენცია, ბიზნესინტერესები და ერთი გაზეთის ტირაჟისთვის დაწყებული ბრძოლა დაედო საფუძვლად. როგორ შეიქმნა მსოფლიოს უდიდესი ველორბოლა და როგორ იქცა „ტურ დე ფრანსი“ საუკუნეზე მეტი ხნის განმავლობაში სპორტის ისტორიაში ერთ-ერთ ყველაზე ცნობილ მოვლენად. #ახალიამბები #BusinessMediaGeorgia
როგორ შეცვალა ქვეყნის გემო თემურ ჭყონიამ? - "კოკა-კოლა" საქართველოში 33 წლის გახდა თემურ ჭყონია - “კოკა-კოლა ბოთლერს ჯორჯია”, დამფუძნებელი #ახალიამბები #BusinessMediaGeorgia
#საქმიანიდილა - 1-ელი ივლისი - პროლოგი #ახალიამბები #BusinessMediaGeorgia
გამყვანი ტურიზმის დადებითი სტატისტიკის პარალელურად, შემომყვან ტურიზმში სერიოზული საკანონმდებლო და სტრუქტურული გამოწვევები რჩება. ქვეყნის იმიჯის ფორმირებაში, განსაკუთრებით საერთაშორისო დამთვალიერებლებისთვის, სერტიფიცირებული გიდების როლი შეუფასებელია, თუმცა, სფეროს წარმომადგენელთა ნაწილის მოსაზრებით, ბაზარზე არსებული განუკითხაობა პროფესიონალთა სერიოზულ უკმაყოფილებას იწვევს. შრომითი მიგრაციის კანონში განხორციელებული ცვლილებების მიუხედავად, უცხოელი გიდების არალეგალური საქმიანობა კვლავ მწვავე პრობლემად რჩება. ადგილობრივი პროფესიონალები აცხადებენ, რომ რეგულაციები მხოლოდ ქაღალდზე არსებობს და აღსრულების ბერკეტი ფაქტობრივად არ მუშაობს. ეს ქმნის არათანაბარ კონკურენციას, სადაც სერტიფიცირებული, ქართულ ისტორიასა და კულტურაზე პასუხისმგებელი გიდები დაუცველნი არიან არაკვალიფიციური უცხოელი კადრების მიერ ისტორიული ფაქტების დამახინჯების რისკების წინაშე. სტუმარი: ქეთი უგლავა - სერთიფიცირებული გიდი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ბრიტანული საერთაშორისო განათლება, IGCSE და A Level პროგრამები, მათი უპირატესობები, სწავლების თანამედროვე მიდგომები და საერთაშორისო აღიარება - სტუდიაში გვიერთდებიან ბაქსვუდის სკოლის საერთაშორისო პროგრამების ხელმძღვანელი მეგი კლდიაშვილი და ბაქსვუდის სკოლის A Level პროგრამის მოსწავლე ლუკა ახალაია. ისინი გვიამბობენ, რას მოიცავს Pearson Edexcel-ის საერთაშორისო პროგრამები, როგორ ამზადებენ ისინი ახალგაზრდებს წარმატებული საუნივერსიტეტო და პროფესიული მომავლისთვის და რატომ ირჩევს სულ უფრო მეტი ქართველი მოსწავლე ბრიტანულ განათლებას საქართველოში? დაინტერესების შემთხვევაში დაუკავშირდით ნომერზე: 577 992 993 სტუმრები: ლუკა ახალაია - ბაქსვუდის სკოლის A Level პროგრამის მოსწავლე; მეგი კლდიაშვილი - ბაქსვუდის სკოლის საერთაშორისო პროგრამების ხელმძღვანელი #ახალიამბები #BusinessMediaGeorgia
„თეგეტა ჰოლდინგმა“ საგზაო-სამშენებლო სექტორის წარმომადგენლებს ბიზნესისთვის განკუთვნილი უახლესი ტექნიკა, ინოვაციური სერვისები და დაფინანსების მოქნილი მექანიზმები გააცნო. რეგიონის ერთ-ერთ უმსხვილეს სერვისცენტრში გამართულ შეხვედრაზე განსაკუთრებული ყურადღება გამახვილდა ოპერაციული ეფექტიანობის ზრდაზე, პრემიუმ ტექნიკის გრძელვადიან უპირატესობებსა და FAW-ის ბრენდის მძიმე ტექნიკის ქართულ ბაზარზე ხელმისაწვდომობაზე. #ახალიამბები #BusinessMediaGeorgia
კომპანია Gulf-მა კორპორატიული მომხმარებლებისთვის ახალი B2B მიმართულება და პლატფორმა Gulf Business წარადგინა, რომელიც კომპანიებს საწვავისა და მასთან დაკავშირებული სერვისების მართვას კიდევ უფრო მოქნილსა და ეფექტიანს გახდის. რას მოიცავს ეს შეთავაზება, რა უპირატესობებს სთავაზობს ბიზნესს და როგორ მუშაობს ახალი პლატფორმა? სტუმრები: საბა ჯიშიაშვილი - Gulf Georgia-ს კომერციული დირექტორი; თეონა ონიკაძე - Gulf Georgia-ს გაყიდვების დეპარტამენტის უფროსი #ახალიამბები #BusinessMediaGeorgia
როცა ბიზნესს ერთი გაუთვალისწინებელი შემთხვევა მილიონიან ზარალთან და ოპერირების შეჩერებასთან აყენებს, გადარჩენის მთავარი ბერკეტი საიმედო ფინანსური პარტნიორია. სადაზღვევო კომპანია „ალდაგმა“ და ავეჯის კომპანია „კომფორტერმა“ წარმატებით დაამტკიცეს, რომ კრიზისის მართვა დაზღვევის სწორი მოდელით შესაძლებელია. როგორ მოახერხა „ალდაგმა“ ზარალის მყისიერი ანაზღაურება და როგორ დაეხმარა ეს „კომფორტერს“ მასშტაბური კრიზისისგან სრულად გამოსვლაში? #ახალიამბები #BusinessMediaGeorgia
გლობალური ბაზრები&ბირჟები - Galt & Taggart-ის მიმოხილვა / Global Markets Weekly Update სტუმარი: მარიამ ნატროშვილი - Galt & Taggart, კაპიტალის ბაზრების ანალიტიკოსი #გალტენდტაგარტი #GaltTaggart #ბირჟები #მიმოხილვა #გლობალურიინდექსები #Indexes
რატომ კარგავს კანი ასაკთან ერთად სიმკვრივესა და ელასტიკურობას, რა იწვევს ნაოჭების წარმოქმნას და როგორ შეიძლება მათი შემცირება; რა აჩქარებს დაბერების პროცესს და როგორ გავუმკლავდეთ ნაადრევი დაბერების პრობლემას? რუბრიკის ავტორი&წამყვანი: ლალი ბრეგვაძე - „ავერსის“ საზოგადოებასთან ურთიერთობის სამსახურის ხელმძღვანელი; სტუმარი: თაკო ლოლუა - დერმატოვენეროლოგი #ახალიამბები #BusinessMediaGeorgia
26 ივნისს, „კომბინატის“ სივრცეში სოციალური საწარმო „სადგურის“ ინიციატივითა და კერძო ბიზნესის ჩართულობით, საქართველოში რიგით მეორე მდგრადი ტრანსფორმაციის გამოფენა „გაცვლა 2026“ გაიმართა. გამოფენაზე წარმოდგენილი იყო მხარდამჭერი კომპანიების გამოუსადეგარი მასალებისგან სპეციალურად ამ პროექტისთვის შექმნილი უნიკალური ნამუშევრები, რომლებმაც მათი მიმდინარე კამპანიების გზავნილები ახალი ფორმით წარმოაჩინეს. ღონისძიების მხარდამჭერი კომპანია ქარვა გახლდათ. ქარვას ინსტალაციასთან ერთად კომპანიამ ღონისძიებაზე ახალი ლიმიტირებული სერიაც წარადგინა, რომლითაც მისულ სტუმრებს გაუმასპინძლდა. #ახალიამბები #BusinessMediaGeorgia
ბოლო პერიოდში, ლისის ტბის მიმდებარე ტერიტორია თბილისის ერთ-ერთ ყველაზე მიმზიდველ ადგილად იქცა, სადაც ულამაზეს ხედებთან ერთად განსაკუთრებული კულინარიული სივრცეები იქმნება. სწორედ აქ მდებარეობს გასტროსივრცე „სხვა“, რომელიც მომხმარებლებს როგორც ესთეტიკურად მიმზიდველ გარემოს, ისე განსაკუთრებულ კულინარიულ გამოცდილებას ჰპირდება. #ახალიამბები #BusinessMediaGeorgia
კომპანია “კოკა-კოლა ბოთლერს ჯორჯიაში, 29 ივნისს, კომპანიისა და საქართველოში ამერიკის შეერთებული შტატების საელჩოს წარმომადგენლებს შორის გარემოს დაცვის საკითხებთან დაკავშირებით გაცნობითი ხასიათის შეხვედრა გაიმართა, რომლის დროსაც მთავარი თემა, საქართველოში ნარჩენების მართვისა და გადამუშავების სისტემების განვითარება იყო, რაც თავის მხრივ ქვეყანაში ახალი ინფრასტრუქტურის უზრუნველყოფას, არსებულის გაძლიერებასა და საერთო ჯამში შეფუთვის ნარჩენების ეფექტიან მართვას ისახავს მიზნად. შეხვედრაზე იმ მიმართულებებზე და პროექტებზე იყო საუბარი, რომლებზეც კომპანია “კოკა-კოლა ბოთლერს ჯორჯია” მვო„ჯორჯია ფლასთან” თანამშრომლობით ახორციელებს. შეხვედრის შემდეგ საელჩოს წარმომადგენლებმა, მუხრანის ველზე, კოკა-კოლას ქარხანაში არსებული ნარჩენების მართვის ცენტრი და ნარჩენების დროებითი საწყობი მოინახულეს. კომპანია “კოკა-კოლა ბოთლერს ჯორჯია”, ააიპ „ჯორჯია ფლასთან” ერთად საქართველოში მწარმოებლის გაფართოებული ვალდებულების - EPR სისტემის დანერგვასა და განვითარებაში აქტიურად მონაწილეობს. კომპანია მხარს უჭერს ისეთ ინიციატივებს, რომლის მიზანია შეფუთვის ნარჩენების ეფექტიანი შეგროვება და გადამუშავება. #ახალიამბები #BusinessMediaGeorgia
გლობალური ბირჟების მიმოხილვა 30/6/2026 #ახალიამბები #BusinessMediaGeorgia
მუნდიალის ისტორიაში ყველაზე შთამბეჭდავი ამბები ყოველთვის ფავორიტებზე არ იწერება. ზოგჯერ ფეხბურთის უდიდეს სცენაზე ადგილს პატარა ქვეყანაც იმსახურებს, რომელიც საკუთარი ოცნებისკენ წლების განმავლობაში დაუღალავად მიდიოდა. ნახევარ მილიონზე მეტი მოსახლეობით, ატლანტის ოკეანეში გაბნეულმა კუნძულებმა, რომელსაც კაბო ვერდეს სახელით ვიცნობთ, შეუძლებელი შეძლეს – „ლურჯმა ზვიგენებმა“ პირველად მოიპოვეს მსოფლიოს ჩემპიონატის საგზური, ამას არ დასჯერდნენ და ურთულეს ჯგუფში სადაც ორი მსოფლიო ჩემპიონი ჰყავდათ ესპანეთისა და ურუგვაის სახით, მეორე ადგილი დაიკავეს, ჯგუფიდან გავიდნენ და ახლა მოქმედ მსოფლიო ჩემპიონ არგენტინას ელოდებიან. როგორ იქცა კაბო ვერდე აფრიკული ფეხბურთის ყველაზე ლამაზ ზღაპრად, ვინ დგას ამ ისტორიული წარმატების უკან და რატომ საუბრობს დღეს მთელი საფეხბურთო სამყარო „ლურჯ ზვიგენებზე“? #ახალიამბები #BusinessMediaGeorgia
ბათუმმა მსოფლიო მოზარდ მოჭადრაკეთა ერთ-ერთ ყველაზე პრესტიჟულ საერთაშორისო ტურნირს - კადეტთა მსოფლიო თასს უმასპინძლა. წელს პირველად, ჩემპიონატი „ფიდეს“ მიერ დანერგილი ახალი ფორმატით ჩატარდა და მასში 67 ქვეყნის 700-მდე მოჭადრაკე მონაწილეობდა. ბავშვთა ჭადრაკის მხარდამჭერია „პაშა ბანკი“, რომლისთვისაც ჭადრაკის განვითარების ხელშეწყობა კორპორაციული სოციალური პასუხისმგებლობის ერთ-ერთი პრიორიტეტული მიმართულებაა. #ახალიამბები #BusinessMediaGeorgia
#საქმიანიდილა - 30 ივნისი - პროლოგი #ახალიამბები #BusinessMediaGeorgia
რაჭის ტურისტული პოტენციალის სრულფასოვანი რეალიზებისთვის რეგიონს მასშტაბური და კომპლექსური განვითარების გენერალური გეგმა სჭირდება. ადგილობრივ მუნიციპალიტეტებს კი შესაბამისი მოცულობის ბიუჯეტი არ გააჩნია. ადგილობრივი ტურისტული სექტორის წარმომადგენლები ფიქრობენ, რომ დღის წესრიგში დგება ცენტრალური ხელისუფლების მხრიდან მიზნობრივი დაფინანსების გამოყოფა და მსხვილი ინვესტორების მოზიდვის აუცილებლობა. სექტორის წარმომადგენლები და ექსპერტები მიიჩნევენ, რომ რაჭაში გარკვეული „შოკური თერაპიის“ მსგავსი ღონისძიებებია გასატარებელი, რაც როგორც ინფრასტრუქტურის, ისე რეგიონის პიარკამპანიის მიმართულებით სოლიდური ფინანსური რესურსის ერთდროულად დაბანდებას გულისხმობს. რა ხდება რეგიონში 2026 წლის ზაფხულის ტურისტული სეზონისთვის და რა სჭირდება რაჭას იმისთვის რომ უფრო მეტი საერთაშორისო ვიზიტორი მოიზიდოს? სტუმარი: თამარ დავითულიანი - “გარემო”, დამფუძნებელი #ახალიამბები #BusinessMediaGeorgia
საქართველოში თხილის აღების სეზონი ახლოვდება. სექტორის წარმომადგენლები წელს გაზრდილ რაოდენობას, თუმცა შემცირებულ ფასს ელიან. რა გავლენას ახდენს კლიმატური ცვლილებები სოფლის მეურნეობაზე, კერძოდ კი ერთ-ერთ მთავარ საექსპორტო პროდუქციაზე? სტუმარი: ლევან ქარდავა - თხილის გადამმუშავებელთა და ექსპორტიორთა ასოციაციის აღმასრულებელი დირექტორი #ახალიამბები #BusinessMediaGeorgia
რა გავლენას ახდენს კლიმატის ცვლილება ჯანმრთელობაზე და რა უნდა გავითვალისწინოთ მაღალი ტემპერატურის პირობებში? სტუმარი: ზაზა წერეთელი - საზოგადოებრივი ჯანდაცვის საერთაშორისო სპეციალისტი #ახალიამბები #BusinessMediaGeorgia
კლიმატის ცვლილება და საქართველო - რას უნდა ველოდოთ? სტუმარი: ზურაბ ჯავახიშვილი - სეისმოლოგი, ილიას უნივერსიტეტის პროფესორი; #ახალიამბები #BusinessMediaGeorgia
#ავიაციისსიახლეები: ✈ მსოფლიოში ყველაზე ხანგრძლივი პირდაპირი ფრენა სტარტს 2027 წელს აიღებს ✈ მსოფლიოში ყველაზე ხანგრძლივი პირდაპირი ფრენა Singapore Airlines ✈ ვვარაუდობთ, რომ ვაზიანის აეროპორტის მშენებლობა 2027 წლის ბოლოდან დაიწყება - კობახიძე ✈ თელავის აეროპორტის მშენებლობა ოქტომბერში დაიწყება ✈ 18 ავიაკომპანიასთან მიმდინარეობს მოლაპარაკება ახალი მიმართულებების დამატებაზე ✈ თბილისი-ბათუმის რეგულარული ფრენები კვირაში 4 სიხშირით სრულდება ✈ ბათუმიდან მილანში ფრენების დაწყებაზე Georgian Airways-სთან მოლაპარაკებები გვაქვს - Tav Georgia ✈ TAV Georgia ბათუმის აეროპორტის გაფართოებაში $5 მილიონის ინვესტიციას დებს ✈ სახელმწიფო Norwegian Air-ს თბილისი-კოპენჰაგენის რეისზე თითოეულ ჩამოყვანილ მგზავრზე €60-ს გადაუხდის ✈ თბილისიდან კოპენჰაგენის მიმართულებით პირდაპირი ფრენები დაიწყო კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით; #ავიაცია #ავიამიმოსვლა #ახალიამბები #BusinessMediaGeorgia
“ინტერიერი დეტალებში” სალომე დადუნაშვილთან ერთად #ახალიამბები #BusinessMediaGeorgia
რეგიონში კაპიტალის ბაზრები სულ უფრო აქტიურად ვითარდება და ამ პროცესში ერთ-ერთი გამორჩეული მოთამაშე სწორედ თიბისი კაპიტალია, რომელიც უკვე დიდი ხანია ლოკალური ბაზრის ფარგლებს გასცდა და რეგიონული მასშტაბის საინვესტიციო ბანკად ჩამოყალიბდა. ამის ერთ-ერთი ყველაზე ნათელი მაგალითი 24 ივნისს ბაქოში განხორციელებული ისტორიული ტრანზაქციაა, PASHA Bank-ის IPO, რომლის ექსკლუზიური ფინანსური მრჩეველი სწორედ თიბისი კაპიტალი იყო. ტრანზაქციის ფარგლებში ბანკმა კაპიტალის 5%-ის შესაბამისი აქციები განათავსა და დაახლოებით 30.2 მილიონი დოლარი მოიზიდა. ეს მნიშვნელოვანი მოვლენაა არა მხოლოდ აზერბაიჯანის, არამედ მთლიანად რეგიონის კაპიტალის ბაზრისთვის. აზერბაიჯანის შემდეგ, თიბისი კაპიტალი აქტიურად მონაწილეობს უზბეკეთის კაპიტალის ბაზრის განვითარებაშიც, როგორც საკანონმდებლო რეფორმების მხარდაჭერით, ისე ობლიგაციების განთავსებისა და IPO-ების განხორციელებით. როგორ მოახერხა ქართულმა საინვესტიციო ბანკმა რეგიონში ასეთი პოზიციის დამკვიდრება, რა შესაძლებლობებს ქმნის ეს კომპანიებისა და ინვესტორებისთვის და რა არის განვითარების შემდეგი ეტაპი? სტუმარი: ოთარ შარიქაძე - თიბისი კაპიტალი, დირექტორი #ახალიამბები #BusinessMediaGeorgia
გლობალურ ფინანსურ ბაზარზე ნდობის კრიზისია. მსოფლიოს უმსხვილესმა ცენტრალურმა ბანკებმა აშშ-ისა და ბრიტანეთის საცავებიდან საკუთარი ოქროს რეზერვების მასიური გატანა და სამშობლოში დაბრუნება დაიწყეს. გეოპოლიტიკურმა დაძაბულობამ და სანქციების მზარდმა რისკმა სახელმწიფოებს აჩვენა, რომ უცხოურ იურისდიქციაში სუვერენული კაპიტალის შენახვა უკვე სერიოზულ საფრთხეს წარმოადგენს. როგორ იცვლება სარეზერვო მენეჯმენტის გლობალური წესები და ვინ სარგებლობს ტრადიციული ცენტრებიდან ოქროს გადინებით? #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს