თეგეტა ბიზნესის რუბრიკის ფარგლებში Europcar Georgia-ზე გიყვებით, რომელიც ავტომობილების გაქირავებისა და საოპერაციო ლიზინგის მიმართულებით ერთ-ერთი წამყვანი კომპანიაა. „თეგეტა ჰოლდინგში“ შემავალი კომპანია დღეს ორი საერთაშორისო ბრენდის - Europcar-ისა და GoldCar-ის ექსკლუზიური წარმომადგენელია. მისი სერვისი ხელმისაწვდომია თბილისში, ქუთაისსა და ბათუმში, ხოლო ქვეყნის ფარგლებს გარეთ - უზბეკეთსა და სომხეთში. კომპანიის საქმიანობა მოიცავს ავტომობილების როგორც დღიურ გაქირავებას, ისე საოპერაციო ლიზინგს გრძელვადიანი საჭიროებისთვის. Europcar Georgia ზრდას მნიშვნელოვნად განაპირობებს ის ფაქტიც, რომ ბრენდს ზურგს უმაგრებს „თეგეტა ჰოლდინგის“ 30-წლიანი გამოცდილება. სწორედ ეს მხარდაჭერა განსაზღვრავს ფართო შესაძლებლობებს, პარტნიორების მაღალ ნდობასა და მდგრად განვითარებას, მათ შორის კორპორაციულ სექტორში.

სტუმარი: ნინო პატარაია - Europcar Georgia-ს საოპერაციო დირექტორი

#ახალიამბები #BusinessMediaGeorgia