⚡ რატომ იზრდება Data-ცენტრების ენერგომოხმარება რეკორდულად? #TechInform 02.10.2024 #ახალიამბები #BusinessMediaGeorgia
ამერიკის შეერთებული შტატების საერთაშორისო განვითარების სააგენტომ, ზაზა ფაჩულიას კალათბურთის აკადემიამ და საქართველოს გაეროს ასოციაციამ დაიწყო საკომუნიკაციო კამპანია ჯანსაღი ცხოვრების წესის შესახებ USAID „ერთიანობა მრავალფეროვნებაშია“ პროგრამის ფარგლებში. საკომუნიკაციო კამპანიის დაწყების შესახებ ღონისძიება ზაზა ფაჩულიას კალათბურთის აკადემიაში გაიმართა და მასში მონაწილეობა მიიღეს ამერიკის შეერთებული შტატების ელჩმა რობინ დანიგანმა, ზაზა ფაჩულიამ, და კერძო სექტორის წარმომადგენლებმა. საკომუნიკაციო კამპანია ჯანსაღი ცხოვრების წესის შესახებ მიზნად ისახავს ახალგაზრდებსა და მოზარდებში ჯანმრთელობის, ფიტნესის, სპორტისა და აქტიური ცხოვრების წესის პოპულარიზაციას. ინიციატივა გააერთიანებს კერძო და საერთაშორისო სექტორს, სპორტსმენებს და საზოგადოებისთვის ცნობილ სახეებს სხვა და სხვა სფეროდან. #ახალიამბები #BusinessMediaGeorgia
“ნაბეღლავმა” UFC-ის ჩემპიონს, მერაბ დვალიშვილს უმასპინძლა
#საქმიანიდილა - 3 ოქტომბერი - პროლოგი #ახალიამბები #BusinessMediaGeorgia
აშშ-ის ყოფილმა პრეზიდენტმა, და ახლა უკვე კანდიდატმა დონალდ ტრამპმა გადაწყვიტა, ადამიანისთვის ყველაზე ძვირფასი – დრო, საკუთარ თავს დაუკავშიროს და ახლახან წარმოადგინა ძვირადღირებული საათების კოლექცია. ეს ხუმრობით და რეალობა ისაა, რომ ახალი Trump Watches სერია არ არის წარმოებული თავად ტრამპის გუნდის მიერ, უბრალოდ კომპანია The Best Watches on Earth-მა მოიპოვა მისი სახელის გამოყენების ლიცენზია. კოლექციაში ლიდერობს 100,000 აშშ დოლარის ღირებულების Victory Tourbillon, რომლის 122 ბრილიანტით მორთულ ციფერბლატზე ტრამპის სახელია გამოსახული. ტრამპის სახელობის საათების სერია შეზღუდული რაოდენობით გამოვა და მხოლოდ 147 ერთეულს მოიცავს. თითოეული მათგანი 200 გრამ 18-კარატიან ოქროს შეიცავს. საათი მექანიკურია და ერთი დამუხტვით, 4 დღეზე მეტი ხნის განმავლობაშია შესაძლებელი მისი გამოყენება და ვისაც სურვილი გაქვთ ტრამპის სახელობის საათის მფლობელების სიაში აღმოჩნდეთ, ისიც უნდა იცოდეთ რომ საათის შეძენისას, თითოეულ საათს მოჰყვება ორი ყუთი – პირველში ტრამპის პერსონალური მადლობის წერილი დევს, მეორე კი საათის რთულ მექანიკას ასახავს. #ახალიამბები #BusinessMediaGeorgia
ქვეყნის მასშტაბით განთავსების ობიექტებში დატვირთულობის კოეფიციენტი დაახლოებით 20%-ით გაიზარდა. სასტუმროების ფედერაციის ინფორმაციით, ზაფხული განსაკუთრებით წარმატებული აჭარის რეგიონისთვის გამოდგა, სადაც სასტუმროებში დატვირთულობის მაჩვენებელმა 90%-ს გადააჭარბა. 20-25%-იანი მატება დაფიქსირდა თბილისის სასტუმროებში, კახეთის რეგიონში კი საშუალო ზრდა 15-20%-ია. კერძო სექტორში ამბობენ, რომ სასტუმროების სეგმენტში მიწოდების სიჭარბეა, გაზრდილია კონკურენცია, რადგან ბაზარზე ბევრი სასტუმრო გაიხსნა და იხსნება, რაც ფასს ქვემოთ წევს. ფასების კლების ფონზე კი განსაკუთრებით 3-4 ვარსკვლავიანი სასტუმროების დატვირთვის პრობლემაა. სასტუმროებთან კონკურენციაშია Airbnb-ის, ანუ ბინების სეგმენტი. რა გამოწვევებია სასტუმრო სექტორში? სტუმარი: მაია წერეთელი - სასტუმროების მენეჯმენტკომპანია McInerney Hospitality International-ის ვიცე-პრეზიდენტი; #ახალიამბები #BusinessMediaGeorgia
ინფორმაციისა და კომუნიკაციის სექტორი ქვეყანაში ერთ-ერთ მზარდ დარგად ჩამოყალიბდა. საქსტატის მონაცემებით, 2024 წლის მეორე კვარტლის მდგომარეობით, გაზრდილია ამ სექტორში დასაქმებულთა საშუალო ანაზღაურებაც. კერძოდ, ინფორმაცია და კომუნიკაციის სექტორში საშუალო ანაზღაურება 3 963 ლარია, რაც წლიურად 4.3%-იან ზრდას წარმოადგენს. აღსანიშნია, რომ კომპანიების რელოკაციის შემდეგ საშუალო ხელფასი IT სექტორში გაორმაგდა, ეს პროცესი კი განსაკუთრებით 2022 წლიდან დაჩქარდა. 2023 წლის განმავლობაში საქართველოს IT სექტორმა 784 მილიონი დოლარის შემოსავალი მიიღო. 2022 წლის ანალოგიურ პერიოდთან შედარებით ეს თანხა 283 მილიონით, ანუ 53%-ით მეტია. თუკი 2021 წლის ბოლოს ინფორმაციისა და კომუნიკაციის სექტორში 30.6 ათასი ადამიანი იყო დასაქმებული, ეს 2022 წელს ჯერ 39 ათასამდე გაიზარდა, 2023 წლის მეოთხე კვარტალის მდგომარეობით კი 47 ათასს მიაღწია. რა ტენდენციებია IT სექტორში დღეს, რამდენად საინტერესოა უცხოური კომპანიებისთვის საქართველოს ბაზარი და რა გამოწვევები გამოიკვეთა ინფორმაციისა და კომუნიკაციის სექტორში? სტუმარი: თორნიკე თოხაძე - ინფორმაციული ტექნოლოგიების ასოციაციის თავმჯდომარე #ახალიამბები #BusinessMediaGeorgia
მოსახლეობის დაბერების საკითხი მთელს მსოფლიოში და მათ შორის საქართველოშიც მნიშვნელოვან გამოწვევას წარმოადგენს. გაეროს მოსახლეობის ფონდის მიხედვით, საქართველოს მოსახლეობის წილი, რომლის ასაკი 65 და ზემოთაა, თუ 2015 წლის მდგომარეობით 14%-ს შეადგენდა 2030 წლისთვის 21%-მდე გაიზრდება. ბუნებრივია, ასაკის მატებასთან ერთად ხანგრძლივი მოვლის საჭიროების რისკიც იზრდება. სამწუხაროდ, დღესდღეობით ხანდაზმული ადამიანები საზოგადოების ერთ-ერთ ყველაზე ნაკლებად დაცულ ჯგუფს წარმოადგენს, მოწყვლადობა კიდევ უფრო მაღალია მათ შორის, ვისაც აქვს ჯანმრთელობის სხვადასხვა პრობლემები. მიუხედავად იმისა, რომ ხანდაზმულთა სოციალური დაცვის უზრუნველყოფა მთავრობის პრიორიტეტებშია, საქართველოში ხანდაზმულთა სახლების და ზოგადად ზრუნვის დაწესებულებების პრაქტიკა არ არის ფართოდ განვითარებული და დანერგილი, მაშინ როცა განვითარებულ ქვეყნებში ხანდაზმულთა სახლებს დიდი ხნის ისტორია აქვთ. საქართველოში კი ხანდაზმულთა სახლები არასისტემურად, ქაოტურად არსებობს და ინერციით ვითარდება. ხანდაზმულთა ზრუნვის ის სერვისები, რაც კარგად გამოცდილი პრაქტიკის ნაწილია განვითარებულ ქვეყნებში ძალიან მალე ხელმისაწვდომი იქნება საქართველოშიც. 20 ოქტომბერს მცხეთაში ლელიანი იხსნება. ეს იქნება ოჯახური ტიპის სამედიცინო-სოციალური ზრუნვის 24 საათიანი დაწესებულება 50 ბენეფიციარისთვის, სადაც იქნება შერეული - რეზიდენციული ანუ ხანგრძლივი მოვლის, ასევე საექთნო და პალიატიური მომსახურება 60 წელს ზევით პირებისთვის. რა აქტივობებს შესთავაზებს ლელიანი მის მაცხოვრებლებს? სტუმრები: ნიკოლოზ გამყრელიძე - "ლელიანის" დამფუძნებელი; ნინო კიკნაძე - "ლელიანის" დამფუძნებელი #ახალიამბები #BusinessMediaGeorgia
რატომ არ მუშაობს Agile საჯარო სექტორში? სტუმარი: ალექსი გიჯაშვილი - AgileSchool-ის აღმასრულებელი დირექტორი; #ახალიამბები #BusinessMediaGeorgia
1 ოქტომბერს თიბისი ბიზნესისა და რითეილ ასოციაციის წარმომადგენლებმა ხელი მოაწერეს ურთიერთთანამშრომლობის მემორანდუმს, რომელიც ითვალისწინებს მცირე და საშუალო ბიზნესის მხარდაჭერას მრავალ ასპექტში. დღეს SME სექტორისთვის დიდი გამოწვევას წარმოადგენს გაყიდვების არხების სწორედ შერჩევა და მსხვილ, საცალო გაყიდვების ქსელებთან მოლაპარაკება. ერთ მხარეს არიან მცირე მეწარმეები, რომელთაც მასობრივ სეგმენტზე გასასვლელად სჭირდებათ სწორი გაყიდვების არხები, ხოლო მეორე მხარეს მსხვილი სუპერმარკეტები, რომელთან პროდუქციის დიდი ნაწილის იმპორტი უწევთ, რადგან ადგილობრივი მეწარმეები ვერ ახერხებენ მათი მოთხოვნების დაკმაყოფილებას შესაბამისი ხარისხით. მეწარმეების მხარეს იკვეთება ისეთი პრობლემები, როგორიცაა არასწორად შერჩეული არხები, მიწოდების არაკონსისტენტური ვადები, ხარისხის კლება ქსელში შესვლის შემდეგ და ა.შ. ორმხრივი თანამშრომლობის მიზანია ამ პრობლემის მოგვარება, მეწარმეებში ცნობადობის ზრდისა და მათთვის სწორი ინსტრუმენტების მიწოდების გზით. სტუმრები: ანკა თოთიბაძე - თიბისის მცირე და საშუალოს ბიზნესის მიმართულების ასოცირებული პარტნიორი; სოფო ქაშაკაშვილი - რითეილ ასოციაციის აღმასრულებელი დირექტორი; #ახალიამბები #BusinessMediaGeorgia
თიბისი, Kovzy, VISA E-commerce და GLOVO განვითარების მიზნით ერთობლივ პროექტს განახორციელებენ და ეს ამბავი უნდა მოგიყვეთ. “E-commerce in a box” ეს გახლავთ ერთობლივი პროექტი, რომელიც მიზნად ისახავს მცირე და საშუალო ზომის საკვები ინდუსტრიის/სარესტორნო ბიზნესების ხელშეწყობას, მათი ონლაინ აქტიურობისა და ელექტრონული კომერციის შესაძლებლობების შექმნასა და გაზრდას. პროგრამა მონაწილე ბიზნესებს სთავაზობს წვდომას მრავალფეროვან რესურსებსა და ინსტრუმენტებზე, მათ შორის ონლაინ მაღაზიის შექმნაზე, გადახდის დამუშავების გადაწყვეტებსა და მარკეტინგულ მხარდაჭერაზე. როგორ ინტეგრირდება ოთხი კომპანია ერთ პროექტში და როგორ ისარგებლებს ერთის მხრივ ბიზნესი და მეორეს მხრივ მომხმარებელი. სტუმრები: სალომე პეტრიაშვილი - თიბისის ელექტრონული კომერციის მართვის სერვის ექსპერტი; ალექსანდრე ცინცაძე - Kovzy-ის თანადამფუძნებელი და კომერციული დირექტორი #ახალიამბები #BusinessMediaGeorgia
საქართველოს საბანკო სექტორის პარამეტრები, 2024 წლის აგვისტოს მდგომარეობით. სტატისტიკის მიხედვით, აგვისტო საბანკო სექტორის ზრდის მიმართულებით დადებითი თვე აღმოჩნდა. სისტემამ დაიბრუნა ტრადიციული ზრდის ტრენდი და 8 თვის მონაცემებით ორნიშნა, 10.3%-იანი ზრდა აჩვენა. სტუმარი: ალექსანდრე ძნელაძე - საქართველოს საბანკო ასოციაციის პრეზიდენტი; #ახალიამბები #BusinessMediaGeorgia
თბილისში ,,თომას ედისონის ელექტროენერგეტიკის საზოგადოებრივი ცენტრის’’ ორგანიზებით საერთაშორისო კონფერენცია გაიმართა. ღონისძიება ექსპოჯორჯიაში შედგა. ენერგეტიკის სექტორში ეს არის ერთ-ერთი პირველი შემთხვევა, როდესაც ენერგეტიკის საერთაშორისო კონფერენციის ორგანიზატორად კერძო ბიზნესი გვევლინება. ,,თომას ედისონის ელექტროენერგეტიკის საზოგადოებრივმა ცენტრმა’’ ოპერირების შესახებ განაცხადი ორი თვის წინ გააკეთა და უკვე საერთაშორისო კონფერენციის ორგანიზატორობა ითავა. კონფერენციას ლატვიიდან მოწვეული სტუმრები ესწრებოდნენ, რომლებმაც აუდიტორიას ის მნიშვნელოვანი გამოცდილება და პრაქტიკა გაუზიარეს, რითაც ლატვია ელექტროენერგეტიკის სექტორში ევროპულ სტანდარტებს დაუახლოვდა. აღსანიშნავია, რომ კონფერენცია 4 ოქტომბერს უკვე ბათუმში ჩატარდება. ბათუმის სწრაფი განვითარების პირობებში, მნიშვნელოვანია ყურადღება გამახვილდეს იმაზე თუ რამდენად მაღალი სტანდარტების დაცვით მიმდინარეობს ელექტრო ქსელის მოწყობა. სწორედ ამ თემაზე გაამახვილებს ,,თომას ედისონის ელექტროენერგეტიკის საზოგადოებრივი ცენტრი“ კონფერენციაზე ყურადღებას. 4 ოქტომბრის ღონისძიებაზე დასასწრებად, მსურველებმა თომას ედისონის სოციალურ ქსელებში არსებულ ბმულზე - უნდა გაიარონ, ელექტრონულად რეგისტრაცია - https://shorturl.at/bKEBM; ღონისძიება ბათუმში, სასტუმრო რუმსში ჩატარდება. #ახალიამბები #BusinessMediaGeorgia
საქართველოს ბანკი თავისი გამორჩეული პროექტის, იდეათეკის განხორციელებას აგრძელებს. ამჯერად ჯერი ქუთაისზე, კერძოდ ამ ქალაქის ისტორიულ, კულტურული მემკვიდრეობით სავსე, აკაკი წერეთლის სახელობის პირველ საჯარო სკოლაზე მიდგა, სადაც ბანკმა, თავის მხარდამჭერებთან ერთად რიგით 24-ე იდეათეკა გახსნა. #ახალიამბები #BusinessMediaGeorgia
ყოველი წლის 29 სექტემბერს გულის მსოფლიო დღე აღინიშნება! მისი მიზანია გულ-სისხლძარღვთა სისტემის დაავადებებით გამოწვეული რისკებისა და პროფილაქტიკური ღონისძიებების შესახებ მოსახლეობაში ცნობიერების ამაღლება. დღესდღეობით, კარდიოვასკულური დაავადებები მსოფლიოში სიკვდილობის #1 მიზეზს წარმოადგენს. ყოველწლიურად, ამ დაავადებების შედეგად დაახლოებით 17,9 მლნ. ადამიანი იღუპება. აქედან 82% საშუალო და დაბალი ეკონომიკური განვითარების ქვეყნებზე მოდის. გულის მსოფლიო დღის აღნიშვნას ყოველწლიურად 90-ზე მეტი ქვეყანა უერთდება და ამ დღეს დაგეგმილი ღონისძიებების მეშვეობით კარდიოვასკულური დაავადებების შესახებ ინფორმაცია ეფექტურად ვრცელდება. გულის მსოფლიო დღე არის მნიშვნელოვანი შესაძლებლობა ფოკუსირება მოვახდინოთ გულ-სისხლძარღვთა სისტემის ჯანმრთელობის შენარჩუნებასა და დაავადებათა პრევენციის გზებზე. ჩვენი პასუხისმგებლობაა, გამოვიყენოთ ყველა შესაძლებლობა, რათა უზრუნველვყოთ ჩვენი ოჯახის და გარშემომყოფთა ჯანმრთელობა. უფასო გასინჯვების კამპანია თბილისში, რუსთავში, ბოლნისში, თელავში, გორში, ქედაში, ფოთსა და ვანში მიმდინარეობს. #ახალიამბები #BusinessMediaGeorgia
მაკდონალდს საქართველო არ ჩერდება. ვითარდება, იზრდება და უმაღლეს სტანდარტებს ყოველდღიურად ნერგავს. ეკო სოციალური პასუხისმგებლობაც მაკის გუნდში მნიშვნელოვან როლს თამაშობს. კომპანიაში სჯერათ, რომ მცირე ქმედებებს ბუნებასა და საზოგადოებაზე პოზიტიური გავლენის მოხდენა შეუძლიათ. აი, ამ უკეთესი ცვლილებებისკენ გზაზე კი ამჯერად, თბილისს „მაკდონალდს საქართველოს“ უახლესი ეკო სტანდარტებით აღჭურვილი კიდევ ორი რესტორანი შეემატა, რომელიც გოთუას ქუჩის #7-ში და ვაჟა ფშაველას გამზირის #71 შია განთავსებული. მაკდონალდსის ორი ახალი სივრცე, სხვა რესტორნების მსგავსად, მომხმარებელს სწრაფ და ხარისხიან მომსახურებას სთავაზობს. და რაც ყოველთვის გამოარჩევს მაკდონალდსს, ლოიალურობა - , გახსნის ცერემონიაზეც რესტორანმა განსაკუთრებული საჭიროების მქონე ბავშვთა ცენტრის პირამიდას აღსაზრდელებს უმასპინძლა და მათ სხვადასხვა სახალისო და გასართობი აქტივობა შესთავაზა. #ახალიამბები #BusinessMediaGeorgia
თიბისი ლიზინგმა CDP-ისგან 10 მილიონი ევროს საკრედიტო რესურსი მოიზიდა, რაც იტალიის უმსხვილესი საფინანსო ინსტიტუტის პირველი ინვესტიციაა საქართველოში. როგორც ამ სტრატეგიულ პარტნიორობაში თანამონაწილე მხარეები განმარტავენ, CDP-ის თიბისი ლიზინგში ინვესტიციის განხორციელების გადაწყვეტილება კომპანიის მყარი ფინანსური მაჩვენებლების, საოპერაციო სიმძლავრისა და სტრატეგიული ხედვისადმი ნდობას ასახავს. ამასთან, ეს თანამშრომლობა ქმნის სტრატეგიულ გზას სხვა ქართულ კომპანიებისთვის, რომ მათაც შეძლონ CDP-ისგან დაფინანსების მოზიდვა, რაც თავის მხრივ გააძლიერებს ინვესტიციების ლანდშაფტს და ხელს შეუწყობს საქართველოს ეკონომიკის გრძელვადიან განვითარებას. #ახალიამბები #BusinessMediaGeorgia
#საქმიანიდილა - 2 ოქტომბერი - პროლოგი #ახალიამბები #BusinessMediaGeorgia
ირანმა ისრაელის მიმართულებით ბალისტიკური რაკეტები გაუშვა #ახალიამბები #BusinessMediaGeorgia
ჯანსაღი სასმელების მწარმოებელმა კომპანიამ „ჰენკა კომბუჩა" ახალი, ინოვაციური პროდუქტი, წყალი D ვიტამინით გამოუშვა, - ამის შესახებ კომპანიის დირექტორმა გიორგი ჯირკვალიძემ BM.GE-სთან განაცხადა. მისი ინფორმაციით, მსოფლიოში გავრცელებულმა D ვიტამინის დეფიციტმა, კომპანიას ამ ინოვაციური პროდუქტის შექმნა გადააწყვეტინა და საქართველოში პირველად, პირველი ფუნქციური წყალი გამოუშვა, რომელიც მიმდინარე კვირაში ქსელურ მარკეტებში გამოჩნდება. სტუმარი: გიორგი ჯირკვალიძე - ''ჯანსაღი სასმელების კომპანია'' დირექტორი; #ახალიამბები #BusinessMediaGeorgia
"წყალტუბოსთვის მიგრაცია ერთ-ერთი ყველაზე დიდი გამოწვევაა“, - ამის შესახებ „წყალტუბოს განვითარების ჯგუფის“ აღმასრულებელმა დირექტორმა თეონა ქობულაძემ განაცხადა. როგორც მან აღნიშნა, განსაკუთრებით პრობლემურია მუნიციპალიტეტიდან ახალგაზრდების გადინება. მათი ნაწილი მიდის დედაქალაქში, ან საერთოდ ტოვებს ქვეყანას. ეს პრობლემა არამხოლოდ წყალტუბოსთვის, არამედ საქართველოს სხვა ქალაქებისა და დაბებისთვის მნიშვნელოვანი გამოწვევაა. სტუმარი: თეონა ქობულაძე - „წყალტუბოს განვითარების ჯგუფის“ აღმასრულებელი დირექტორი #ახალიამბები #BusinessMediaGeorgia
საქართველოს ჩემპიონატის სამი ეტაპი წრიულ მოტორბოლაში დასრულებულია. ტრანსპორტერ ბაიკერს კლუბის მხარდაჭერით გამართული ეტაპები განსაკუთრებით საინტერესო და სანახაობრივი გამოდგა. ზოგადად, რამდენიმე თვის წინ კომპანია ტრანსპორტერის ინიციატივით შექმნილი კლუბი, მოტომოყვარულების და პროფესიონალების ნამდვილ თავშეყრის ადგილად იქცა და მცირე დროში, 4 მასშტაბური ღონისძიების გამართვაც მოახერხა. სტუმარი: გეგა მეთეფშიშვილი - "ტრანსპორტერის" ბიზნეს განვითარების დირექტორი #ახალიამბები #BusinessMediaGeorgia
European Alternative Fuels Observatory-ის ახალი კვლევის თანახმად, ისლანდიასა და პორტუგალიაში ელექტრომობილების დამუხტვა ყველაზე იაფი ჯდება, ნორვეგიასა და სლოვენიაში კი ეს მომსახურება ყველაზე ძვირია. EAFO-ს მკვლევრებმა შეისწავლეს 25-წუთიანი პერიოდი, რა დროშიც ელექტრომობილის ბატარეა 10%-დან 80%-მდე იმუხტება. საჯარო სადგურებიდან ტარიფების შესახებ კი ინფორმაცია პროვაიდერებისგან გამოითხოვეს. აღმოჩნდა, რომ Tesla Model 3-ის დამუხტვა ყველაზე იაფი ისლანდიაში ჯდება, სადაც ყოველ 100 კმ-ზე ფასი €2.89-ია, რაც შეეხება პორტუგალიას, აქ 100 კმ-ს დაფარვა €3.18 დაგიჯდებათ. TOP სამეულს ფინეთი ხურავს, სადაც იგივე დისტანციის გასავლელად სწრაფი დამუხტვის სადგურით €4.63-ად ისარგებლებთ. ამავე დროს, ელექტრომობილის დატენვა ნორვეგიაში 6-ჯერ უფრო ძვირი ჯდება, ვიდრე ისლანდიაში. 100 კმ დისტანციის დასაფარად აქ €18.93 დაგჭირდებათ, სლოვენიაში კი ღირებულება €17.02-მდე მცირდება. ტარიფებს შორის ასეთი დრამატული განსხვავება რამდენიმე ფაქტორით აიხსნება, რომელთა შორისაცაა ელექტროენერგიის ფასები, სახელმწიფო გადასახადები, სამთავრობო პოლიტიკა და, მათ შორის, განახლებად ენერგორესურსებზე წვდომაც. კვლევაში საუბარია დამტენი სადგურების რაოდენობაზეც, რაშიც ევროპის ლიდერი ნიდერლანდებია, სადაც საჯაროდ ხელმისაწვდომი 154 000 ელექტროდამტენია დამონტაჟებული. მეორე ადგილზე გერმანიაა 130 828 დამტენით, სამეულს კი საფრანგეთი 127 530 სადგურით ხურავს. დამტენი სადგურების რაოდენობა იზრდება საქართველოს გეოგრაფიაშიც, ისევე როგორც იზრდება ელექტრომობილების იმპორტის მაჩვენებლები, რამდენად თანაზომიერია ზრდა, რა ხდება ბაზარზე ამ მიმართულებით და როგორია მოლოდინები? სტუმარი: დავით იოსავა - "ი-სპეისის" გენერალური დირექტორი #ახალიამბები #BusinessMediaGeorgia
აგვისტოში საქართველოს ეკონომიკა 12%-ით გაიზარდა, ხოლო რვა თვის საშუალო ზრდა 10%-ია. საქსტატის მონაცემებით, 14%-ზე მეტად გაიზარდა მსხვილ კომპანიათა ბრუნვა, რამაც 14.5 მლრდ ლარს გადააჭარბა. მაღალი ეკონომიკური ზრდის შენარჩუნების ფონზე, მთავრობამ მიმდინარე წლის ზრდის პროგნოზი უკვე გაზარდა 8.2%-მდე. ეკონომისტების შეფასებით, კი მიუხედავად იმისა, რომ ზრდის ტემპი მაღალ ნიშნულზე ნარჩუნდება, არსებობს არაერთი რისკი, რამაც შესაძლოა, მომდევნო პერიოდში ტემპი შეანელოს. #ახალიამბები #BusinessMediaGeorgia
Galt & Taggart: გლობალური ბაზრების ყოველკვირეული მიმოხილვა / Global Markets Weekly Update სტუმარი: ნიკა მაზანაშვილი - Galt & Taggart-ის საბროკერო მიმართულების გაყიდვების დეპარტამენტის ხელმძღვანელი; #ახალიამბები #BusinessMediaGeorgia
✅ აჭარის ეკონომიკის სექტორები - Galt & Taggart - გალტ & თაგარტიის კვლევა; ✅ საქართველოს ეკონომიკის მიმოხილვა Galt & Taggart-ისგან; სტუმარი: ევა ბოჭორიშვილი - Galt & Taggart-ის კვლევების დეპარტამენტის უფროსი; #ახალიამბები #BusinessMediaGeorgia
სხვადასხვა ქვეყანაში განსხვავებული ჯანმრთელობის დონე ფიქსირდება, რაც პირველ რიგში მოსახლეობის სიცოცხლის ხანგრძლივობით, ჯანსაღი ცხოვრების სტილით, გარემოს სიჯანსაღითა და ჯანდაცვის სისტემის გამართულობით განისაზღვრება. #ახალიამბები #BusinessMediaGeorgia
მედ დიაგნოსტიკა გამოირჩევა სანდოობით, დროულობითა და სიზუსტით, მომხმარებელს პროფესიონალი ექიმების კონსულტაციებსა და სერვისებს სთავაზობს. სწორედ ამიტომ დღეს ჩვენი სტუმარია მედ დიაგნოსტიკის უროლოგიური მიმართულების ხელმძღვანელი ალექსანდრე ხელაია, რომელიც გამოირჩევა თავისი პროფესიონალიზმითა და წარმატებული სამედიცინო პრაქტიკით და მედ დიაგნოსტიკის დირექტორი კახა ვანიშვილი. სტუმრები: კახა ვანიშვილი - "მედ დიაგნოსტიკა", დირექტორი; ალექსანდრე ხელაია - "მედ დიაგნოსტიკა", უროლოგიური მიმართულების ხელმძღვანელი; #ახალიამბები #BusinessMediaGeorgia
დღესდღეობით ჰიპ-ჰოპი ერთ-ერთი ყველაზე პოპულარული და მოთხოვნადი ჟანრია მუსიკალურ ინდუსტრიაში, რომელსაც საზოგადოების უდიდესი ნაწილი უსმენს. მისი ჩამოყალიბების პროცესში უამრავი გენიალური არტისტი და პროდიუსერი მონაწილეობდა, რომელთა შორისაც განსაკუთრებულ ადგილს იკავებს შონ კომბსი, რომელსაც ფართო საზოგადოება Puff Diddy-ის სახელით იცნობს. ლეგენდარული ჰიპ-ჰოპ ფიგურა რამდენიმე დღეა, რაც სერიოზულ სამართლებრივ სკანდალშია გახვეული, რამაც მსოფლიოს დიდი ნაწილი მოიცვა. ირაკლი მოდებაძე - #BMG-ის რეპორტიორი; #ახალიამბები #BusinessMediaGeorgia
4 ოქტომბერს, ქობულეთში , სასტუმრო Georgia & Palace-ში სადაზღვევო კომპანია „ჯიპიაი ჰოლდინგის“ ორგანიზებით სატრანსპორტო ინდუსტრიაში ერთ-ერთი ყველაზე მასშტაბური და მნიშვნელოვანი ღონისძიება - საქართველოს სატრანზიტო პოტენციალი - იმართება. კონფერენცია ტარდება საქართველოს ბაზარზე მოქმედი სატრანსპორტო და სატრანზიტო კომპანიებისთვის. რა თემები იქნება ძირითადად განსახილველი კონფერენციის მიმდინარეობისას და როგორ ხედავს ჯიპიაი ჰოლდინგი განვითარების შესაძლებლობებს? სტუმარი: კონსტანტინე მანჯგალაძე - „ჯიპიაი ჰოლდინგის“ NLI ბაზარზე განვითარების დირექტორის მოადგილე; #ახალიამბები #BusinessMediaGeorgia
რუსული სამხედრო ძალების უკრაინაში შეჭრისა და სრულმასშტაბიანი ომის დაწყების შემდეგ, საერთაშორისო საზოგადოებამ რუსეთის ფედერაციის წინააღმდეგ არაერთი სადამსჯელო ზომა მიიღო, მათ შორის, ევროკავშირმა სანქციების ათობით პაკეტი წარადგინა, ამერიკის შეერთებულმა შტატებმა, კანადამ, იაპონიამ და გაერთიანებულმა სამეფომ, ასევე რიგმა საერთაშორისო მოთამაშეებმა ანალოგიური შემზღუდავი რეგულაციები მიიღეს. მართალია, სანქციები დროთა განმავლობაში მეტად გამკაცრდა და ფართო მასშტაბები შეიძინა, თუმცა, ამის მიუხედავად რუსეთი ევროპასთან ვაჭრობის შესანარჩუნებლად სხვადასხვა გზის ძიებას განაგრძობს - როგორ და რა ხერხებით ცდილობს რუსეთი ამ ყოველივეს და ყველაზე მეტად, რომელი ქვეყანა ეხმარება მას ამ პროცესში? ლიკა მეგუთნიშვილი - BMG-ის რეპორტიორი; #ახალიამბები #BusinessMediaGeorgia
თბილისობა 2024 - როგორ შეიცვლება გადაადგილების სქემა თბილისში? #ახალიამბები #BusinessMediaGeorgia
ერთ რეგიონში მდებარე ქვეყნებს ხშირ შემთხვევაში ერთმანეთთან ძალიან ცოტა საერთო აქვთ, განსაკუთრებით მაშინ, თუ კი საქმე ეკონომიკურ მაჩვენებლებს ეხება. რამდენიმე მეზობელი ქვეყნის მაგალითი უნდა გაგიზიაროთ ახლა, რომლებიც მიუხედავად ერთმანეთის გვერდით მდებარეობისა, ეკონომიკური მაჩვენებლებითა და სიმდიდრით სრულიად განსხვავდებიან. #ახალიამბები #BusinessMediaGeorgia
გასულ უქმეებზე, ლოვენბრაუს ორგანიზებით, დედაენის ბაღში ოქტობერფესტი ჩატარდა. მუსიკა, გემრიელი კერძები და სხვადასხვა გასართობი აქტივობები - ეს ის მცირე ჩამონათვალია, რამაც უამრავი ადამიანი გააერთიანა და ამ მასშტაბურ ზეიმში ჩართო. ლოვენბრაუს ორგანიზებულ ოქტობერფესტზე - კონკურსიც ჩატარდა. სახალისო თამაშებით გამარჯვებული გამოვლინდა, რომელიც გერმანიაში - მიუნხენში წლევანდელ ოქტობერფესტს დაესწრება. #ახალიამბები #BusinessMediaGeorgia
#საქმიანიდილა - 1-ელი ოქტომბერი - პროლოგი #ახალიამბები #BusinessMediaGeorgia
ამერიკის შეერთებული შტატების მეცნიერებმა, კონკრეტულად კი სიმსივნის, კიბოს კვლევის ამერიკულმა ასოციაციამ გამოაქვეყნა კვლევა სადაც ფიქსირდება რომ ალკოჰოლის გადაჭარბებული მიღება არის ორგანიზმში სიმსივნის გავრცელების ერთ-ერთი განმაპირობებელი, და 6 სახის სიმსივნის წარმოქმნას უწყობს ხელს : ეს არის სიმსივნე თავსა და ყელზე, საყლაპავზე, სარძევე ჯირკვლებზე, ასევე სწორ ნაწლავზე, ღვიძლზე, ნაღვლის ბუშტზე. ინფორმაცია, ამერიკის კიბოს კვლევით ასოციაციაზე დაყრდნობით ამერიკულმა გავლენიანმა ტელეარხმა, ფოქს ნიუსმა გაავრცელა სადაც აღნიშნა, რომ კვლევებით დასტურდება სიმსივნით დაავადების შემთხვევების 5 % სწორედ ალკოჰოლის გადაჭარბებული მიღებით არის პროვოცირებული და ალკოჰოლზე უარის თქმა ან მისი შემცირება შეიძლება 8% ით შეამციროს სიმსივნის სხვადასხვა სახეობის წარმოქმნა. #ახალიამბები #BusinessMediaGeorgia
“უძრავი ქონების პროპსექტმა” კონფერენციას უმასპინძლა #ახალიამბები #BusinessMediaGeorgia
თბილისში ტექნიკური ინსპექტირება ლიფტების მხოლოდ მესამედს აქვს გავლილი. თბილისის მერიის ტექნიკური და სამშენებლო ზედამხედველობის სააგენტოს ინფორმაციით, 15 ათასიდან ასეთი მხოლოდ 5 047 ერთეულია. ლიფტის მოდერნიზაციის ფასი დაახლოებით 10 ათასი ლარია, ახალი ლიფტების მონტაჟი კი 20 ათასი დოლარიდან იწყება. როგორია მოთხოვნა ამხანაგობების მხრიდან და რა გვასწავლა ტრაგიკულმა შემთხვევებმა? სტუმარი: სანდრო შელია - "სი ეი ინთერნეიშენალის" გენერალური დირექტორი; #ახალიამბები #BusinessMediaGeorgia
გასული კვირის მიწურულს ორგანიზაცია Animal Project-ის ორგანიზებით, ცხოველთა კეთილდღეობის სტანდარტების შესახებ, პრეზენტაცია და პანელური დისკუსია გაიმართა. ღონისძიების ფარგლებში, ორგანიზაციამ სარეკომენდაციო სახელმძღვანელო წარადგინა, რომელიც ცხოველთა კეთილდღეობისა და უსაფრთხოების დასავლური სტანდარტებსა და საქართველოს ამჟამინდელ კანონმდებლობას მიმოიხილავდა. რა ტიპის გამოწვევები არსებობს და როგორია გადაჭრის გზები? სტუმარი: ნათია ჩიქოვანი - "პროექტი ცხოველებისთვის" თანადამფუძნებელი; #ახალიამბები #BusinessMediaGeorgia
"სამშენებლო & დეველოპერული სექტორები - ტენდენციები, გამოწვევები" - ამ სახელწოდებით სასტუმრო "შერატონ გრანდ თბილისი მეტეხი პალასში" BMG-ის გადაცემა "უძრავი ქონების პროსპექტმა" საკონსულტაციო კომპანია "პროსპექტთან" პარტნიორობით კონფერენცია გამართა. ღონისძიების პირველი ნაწილი მთავარი პარტნიორის, “თიბისი კაპიტალის” პრეზენტაციას დაეთმო. კომპანიამ სტუმრებს უძრავი ქონების ბაზრის კვლევა წარუდგინა და იმ პოტენციალზე ისაუბრა, რაც სექტორს გააჩნია. საინტერესოა რომ წლის 8 თვიანი შეჯამების მიხედვით, პიკური პერიოდის გადავლის ფონზე გაყიდვების კლება მხოლოდ 2%-ია. მათი პროგნოზით, წელი თბილისში 4-5%-იანი კლებით დასრულდება და ბაზარი დასტაბილურებას გააგრძელებს 2025 წელსაც. რაც შეეხება ბათუმს, აქ კლება უფრო დიდია, - 14%-იანი და მოლოდინია, რომ აჭარის უძრავი ქონების ბაზარი წელს 10-15%-იანი შემცირებით დაასრულებს. მიზეზი კი გახლავთ ის, რომ ბათუმში მყიდველების 71% არიან ინვესტორები და ისინი მიმდინარე გარე და შიდა ფაქტორებზე უფრო მეტად რეაგირებენ. სხვათა შორის თბილისში მყიდველების 70% ადგილობრივია და მიზნობრიობა არის საცხოვრებელი, მაშინ როცა ბათუმში 85% ბინას საინვესტიციო მიზნებისთვის ყიდულობს. წლიურ ჭრილში კვლავ მოთხოვნადია მცირე ზომის ბინები, 50-75კვ. ბათუმში კიდევ უფრო პატარა სახლებს ეძებენ და ეს არის 35კვ-მდე. მიუხედავად ამ კლების ტენდენციებისა, თიბისი კაპიტალში ამბობენ, რომ გაიაფების ობიექტური საფუძვლები არ არსებობს და მეტიც, იმის გათვალისწინებით, რომ ევროპულ და მეზობელ ქვეყნებთან შედარებითაც კი საქართველოში არსებული ქონება ბევრად იაფია, ეს გრძელვადიან პერსპექტივაში ფასების გაცილებით დიდ ზრდას გამოიწვევს. #ახალიამბები #BusinessMediaGeorgia
“ვინგლეთისა” და e-Consul-ის ტურისტული რუბრიკა როგორ უნდა ვიმოგზაუროთ დიდ ბრიტანეთში? როგორ გამოვიყენოთ “მობინექსის” ინტერნეტი საზღვარგარეთ? სტუმრები: ანა კირკიტაძე - "ვინგლეთის" დამფუძნებელი; თინათინ გოგუაძე - e-Consul-ს დამფუძნებელი; რატი ახვლედიანი - "მობინექსის" თანადამფუძნებელი და მმართველი პარტნიორი; #ახალიამბები #BusinessMediaGeorgia
რითეილ ასოციაციის თასის გათამაშება 29 სექტემბერს ნიკორას გამარჯვებით დასრულდა. ტურნირში 8 სუპერმარკეტის გუნდი მონაწილეობდა, ხოლო ნიკორა წელსაც, წინა სამი გათამაშების მსგავსად უძლიერესი აღმოჩნდა. რითეილ ასოციაციის უმთავრეს მიზანს ჯანსაღი გარემოს შექმნა და ჯანმრთელი ცხოვრების წესის დანერგვა წარმოადგენს. #ახალიამბები #BusinessMediaGeorgia
თიბისის კამპუსი - ახალი საგანმანათლებლო ინიციატივა უნდა გაგაცნოთ გადაცემის ამ ნაწილში. თიბისი ზრდის განათლებაზე ხელმისაწვდომობას და ამჯერად, სტუდენტებისთვის, ახალი საგანმანათლებლო პლატფორმა თიბისი კამპუსი დააარსა. თიბისის კამპუსი სტუდენტებს, ბიზნესის მიმართულებით, სრულად დაფინანსებულ, სხვადასხვა ონლაინ სასწავლო კურსებს სთავაზობს. პროგრამა განკუთვნილია საქართველოს ნებისმიერ რეგიონში მცხოვრები 18-24 წლის ახალგაზრდებისთვის. რეგისტრაციის დასრულებამდე კი 10 დღეა დარჩენილი. სტუმარი: მაკუნა თავბერიძე - თიბისის ბრენდის გამოცდილების და მარკეტინგის ხელმძღვანელი; #ახალიამბები #BusinessMediaGeorgia
BMG და Tegeta Holding-ი წარმოგიდგენთ #BMGAuto-ს:
USAID-ის ფინანსური ინოვაციების პროგრამის ორგანიზებით, გასული კვირის ბოლოს, 27 სექტემბერს თბილისში მასშტაბური ღონისძიება სახელწოდებით „ბიზნეს კავშირები კაპიტალსა და ინოვაციურ ფინანსებზე ხელმისაწვდომობისთვის“ გაიმართა. ღონისძიების მიზანი ქართული კომპანიებისთვის ინოვაციური ფინანსური პროდუქტების წარდგენა და ასევე მათი მხარდაჭერა იყო ბიზნეს კავშირების დამყარებაში ფინანსურ მრჩევლებთან და ინვესტორებთან. USAID-ის ფინანსური ინოვაციების პროგრამა გასული წლის განმავლობაში საპილოტე რეჟიმში ფუნქციონირებდა და ფინანსური მრჩევლების ჩართულობით, არაერთ კომპანიას დაეხმარა ინვესტიციების და ფინანსების მოზიდვაში. მიღებული გამოცდილების საფუძველზე, მიმდინარე წლის 1 ოქტომბრიდან, პროექტი განახლებული კონცეფციით დაეხმარება ქართულ კომპანიებს გამოიყენონ წამყვან ფინანსურ მრჩეველთა მომსახურება, რაც, წინა წლის მსგავსად, დიდწილად დაფინანსდება USAID-ის ფინანსური ინოვაციების პროგრამის მიერ. სტუმრები: გიორგი დარჩია - USAID-ის ფინანსური ინოვაციების პროგრამის ხელმძღვანელის მოადგილე; თამუნა ბიბილური - USAID-ის ფინანსური ინოვაციების პროგრამის კერძო სექტორის განვითარების მენეჯერი #ახალიამბები #BusinessMediaGeorgia
შვეიცარიულ აგრარულმა სკოლა კავკასიამ დმანისის რაიონში, სოფელ სარკინეთში ახალი ტრენინგ ცენტრი გახსნა, რომელიც ყველა დაინტერესებულ ფერმერს საჭირო უნარ ჩვევების გამომუშავებაში დაეხმარებათ. ახალ ტრენინგ ცენტრშივე სკოლამ კურსდამთავრებულების მეორე ნაკადის დამამთავრებელ ღონისძიებასაც უმასპინძლა. #ახალიამბები #BusinessMediaGeorgia
გალტ & თაგარტმა ბათუმში აჭარის ეკონომიკის და სექტორული ტენდენციების შესახებ კონფერენციას უმასპინძლა, რომლის ფარგლებშიც, ბიზნეს სექტორის წარმომადგენლებს აჭარაში მიმდინარე ეკონომიკური და სექტორული ტენდენციები გააცნეს. აჭარა ყველაზე სწრაფად მზარდი ეკონომიკაა საქართველოს რეგიონებს შორის. თბილისის შემდეგ ბათუმს ყველაზე მაღალი, 10%-იანი წილი აქვს ქვეყნის ეკონომიკაში. აჭარის ეკონომიკაში დომინანტური როლი აქვს ტურიზმს და მასთან დაკავშირებულ დარგებს. გალტ & თაგარტის მიხედვით, ტურისტული ნაკადების შემდგომი ზრდა, ინფრასტრუქტურის გაუმჯობესება და ასევე სხვადასხვა დარგებში პოტენციალის ათვისება მომდევნო წლებში ზრდის მაღალი ტემპების შენარჩუნებას შეუწყობს ხელს. აღსანიშნავია, რომ ჯამურად ქვეყანაში არსებული ტენდენციის საპირისპიროდ, აჭარაში მოსახლეობა იზრდება, ასევე გაუმჯობესებულია დასაქმების დინამიკა და იზრდება მოსახლეობის მსყიდველუნარიანობა, რაც ბიზნესის წარმოებისთვის აჭარის რეგიონის მიმზიდველობას უწყობს ხელს. #ახალიამბები #BusinessMediaGeorgia
რედისონ ბლუ ივერიაში ლისი დეველოპმენტის და ონლაინ ჟურნალის Homeis.ge ორგანიზებით, არქიტექტურის და დიზაინის ღონისძიება „Homeis Gathering“ გაიმართა. 600 მდე არქიტექტორი და სფეროს პროფესიონალი ღონისძიების მთავარი თემის- „ანაბეჭდის“ გარშემო გაერთიანდა. ანაბეჭდი როგორც ადამიანის ინდივიდუალობის განმსაზღვრელია, ასევე არქიტექტურასა და ინტერიერის დიზაინში „ანაბეჭდი“ პროექტის ავტორის უნიკალურობაზე მეტყველებს. ღონისძიების მთავარი მხარდამჭერი ლისი დეველოპმენტია, კომპანია რომლის ანაბეჭდი უძრავი ქონების სფეროში საკმაოდ შთამბეჭდავია. კომპანია 14 წელია მწვანე მიდგომებს ნერგავს და ქვეყანაში განსხვავებული არქიტექტურის და კონცეფციის პროექტებს ქმნის. წლევანდელი ღონისძიების გამომსვლელების სია საკმაოდ შთამბეჭდავი იყო. ადგილობრივ წამყვან არქიტექტორებთან ერთად, ღონისძიებაზე მონაწილეობდნენ ისეთი ცნობილი არქიტექტურული კომპანიები, როგორიცაა რიკარდო ბოფილის არქიტექტურული სტუდია, ჰოლანდიური კომპანია UN Studio და ბრიტანული არქიტექტურული კომპანია Architects of Invention. #ახალიამბები #BusinessMediaGeorgia
2023 წლის მეორე ნახევრიდან ჯივიპის მფლობელმა, ესპანურმა კომპანია Aqualia-მ, თბილისის, რუსთავისა და მცხეთის წყალმომარაგების სისტემის ტექნოლოგიური განახლება და ევროპული სტანდარტების დანერგვა აქტიურად დაიწყო. სწორედ წყალმომარაგების სისტემის მართვის ევროპული მოდელის დანერგვის მიმდინარე შედეგები და ტექნოლოგიური განახლებები იყო ის მთავარი თემა, რის შესახებაც ჯივიპიმ 27 სექტემბერს საზოგადოებას ანგარიში წარუდგინა და მიმდინარესთან ერთად, სამომავლო პროექტებიც გააცნო. #ახალიამბები #BusinessMediaGeorgia