Intel-მა AI-სტარტაპი SambaNova $1.6 მილიარდად იყიდა #ახალიამბები #BusinessMediaGeorgia
ბათუმი, ფოთი, ბორჯომი - სითი ინსტიტუტი ამჟამად სამი ქალაქის გენერალურ გეგმაზე მუშაობას, თუმცა 2026 წლისთვის ვერცერთი მათგანის მიღება ვერ ესწრება. პრობლემები და მიმდინარეობა ყველა ქალაქისთვის განსხვავებულია, ამასობაში კი კურორტების იერსახე მნიშვნელოვანწილად ზიანდება. რა უშლის ხელს გენგეგმების მიღებას და რას ფიქრობენ ორგანიზაციაში ფასადების იერსახის რეგულაციაზე? სტუმარი: ანდრო ქორთუა - „სითი ინსტიტუტი საქართველო“ პროექტის კოორდინატორი, ურბანისტი #ახალიამბები #BusinessMediaGeorgia
"ტურიზმის სექტორში მონოპოლია კვლავ უცხო ქვეყნის მოქალაქეებს აქვთ" - ამის შესახებ ადგილობრივი გიდები საუბრობენ. როგორც ინდუსტრიის წარმომადგენლები აცხადებენ უცხოელი გიდები საქართველოში ფლობენ ტურისტულ კომპანიებსა და სასტუმროებს, მომსახურებას უწევენ ტურისტებს, შედეგად კი ქვეყნიდან ტურიზმიდან მიღებული შემოსავლებს დიდი ნაწილი გაედინება. როგორ წარმოუდგენია სექტორს პრობლემის გადაჭრა და რამდენად აქტიურია ზამთრის სეზონი? სტუმარი: ალექსანდრე გიორგიძე - გიდი, ტურისტული კომპანია AG TRAVEL & ADVENTUR-ის დამფუძნებელი #ახალიამბები #BusinessMediaGeorgia
საქართველოში ფსიქიკური ჯანმრთელობის პრობლემის მქონე პირთა ბაზა შეიქმნება - აღნიშნულს „იარაღის შესახებ“კანონში ცვლილებების პაკეტი ითვალისწინებს, რომელიც პარლამენტმა უკვე მიიღო. როგორც პროექტის განმარტებითი ბარათში წერია, ამ დრომდე არ არსებობს ფსიქიკური ჯანმრთელობის პრობლემების მქონე პირთა შესახებ ერთიანი საინფორმაციო ბაზა, სადაც სრულყოფილი და სანდო მონაცემები იქნება შეყვანილი. ამ მიზნით უწყებას ვადა 2026 წლის 1 მარტამდე განესაზღვრა. ცვლილებებს მწვავე კრიტიკა მოჰყვა დარგის სპეციალისტების მხრიდან. ფსიქოლოგები და ფსიქიატრები მიიჩნევენ, რომ ცენტრალიზებული მონაცემთა ბაზები, რომელშიც აღნიშნული ინფორმაცია მოიყრის თავს, უკიდურესად მაღალი რისკის მატარებელია და ასეთი სისტემა სამომავლოდ შესაძლოა გამოყენებული იქნას მოქალაქეების კონტროლისთვის, დისკრიმინაციისთვის, დასაქმების, განათლებისა და სხვა უფლებების შეზღუდვისთვის. ვის და რაში შეიძლება სჭირდებოდეს მსგავსი ბაზის არსებობა, რას შეცვლის ის მსგავსი პრობლემების მქონე მოქალაქეებისთვის? სტუმარი: მაია ცირამუა - ფსიქოლოგი #ახალიამბები #BusinessMediaGeorgia
UG სკოლა კიდევ ერთ მნიშვნელოვან ეტაპს აღნიშნავს - სკოლამ ამჯერად Council of British International Schools ხარისხის უზრუნველყოფის პროცესი წარმატებით გაიარა და ოფიციალურად გახდა ორგანიზაციის სრულუფლებიანი წევრი. COBIS ერთ-ერთი ყველაზე პრესტიჟული საერთაშორისო ბრიტანული სკოლების ქსელია, რომელიც მსოფლიოს 80 ქვეყანაში 300-ზე მეტ სკოლას აერთიანებს. წევრობა სკოლას იმ შემთხვევაში ენიჭება თუკი ის უმაღლეს აკადემიურ, ადმინისტრაციულ, უსაფრთხოების და ლიდერული სტანდარტებს აერთიანებს. ის UG-ის მასწავლებლებს უახლეს პროფესიულ ტრენინგებსა და სერტიფიკაციებს, ხოლო მოსწავლეებს — საერთაშორისო ოლიმპიადებში, დებატებში და გაცვლით პროგრამებში მონაწილეობას სთავაზობს. სტუმრები: თინათინ თოფურია - UG სკოლის ადმინისტრაციის უფროსი; მანანა თევზაძე - UG სკოლის საერთაშორისო პროგრამების დანერგვისა და ადმინისტრირების ხელმძღვანელი #ახალიამბები #BusinessMediaGeorgia
#ავიაციისსიახლეები:
“ინტერიერი დეტალებში” სტუმარი: სალომე დადუნაშვილი - გადაცემა “ინტერიერი სალომე დადუნაშვილთან ერთად”, ავტორი&წამყვანი #ახალიამბები #BusinessMediaGeorgia
კომპანია სქაიტელმა, რომელიც ქართულ ბაზარზე ათწლეულზე მეტია ოპერირებს, ახალი სერვისი აამოქმედა, რომლის ფარგლებშიც კორპორატიულ კლიენტებს ეგრეთ წოდებულ დედო შეტევებისგან პრევენციის მექანიზმს სთავაზობს. როგორც კომპანიაში აცხადებენ, კლასიკური სერვისისგან სქაიტელის სერვისი ერთი მთავარი მახასიათებლით განსხვავდება - კლიენტ ორგანიზაციას საკუთარ დატა ცენტრში ინფრასტრუქტურის აწყობა და ინვესტიციის გაღება აღარ მოუწევს, ამაზე პასუხისმგებლობას კი ჩეხეთში რეგისტრირებული საერთაშორისო კომპანია, "ქურატორი" აიღებს, რომელსაც მთელი მსოფლიოს მასშტაბით 14 სკრაბინგ ცენტრი აქვს, რომელთა რიცხვსაც ახლა საქართველოც შეემატება, მისი ოფიციალური პარტნიორი საქართველოში კი კომპანია სქაიტელია. #ახალიამბები #BusinessMediaGeorgia
www. gifthub.ge, ეს არის პირველი ქართული პლატფორმა, რომელიც აერთიანებს ქართველ მეწარმეებს, არტისტებსა და ხელოვანებს. პლატფორმაზე ყველა დღესასწაულისთვის მოიძებნება განსაკუთრებული საჩუქრები, ეს იქნება დაბადების დღე, წვეულება, ქორწილი თუ სხვა, რაც ამ პლატფორმას გამოარჩევს, ყველა პროდუქტი არის ქართული წარმოების, მაღალი ხარისხისა და განსხვავებული შეფუთვით. როგორ ვისარგებლოთ პლატფორმით და რა შესაძლებლობებს ქმნის ქართველი მეწარმეებისთვის ახალი პლატფორმა? სტუმრები: სოფო ხუნწარია - კომპანია gifthub.ge-ს დამფუძნებელი; თიკა კობახიძე - ინტერიერის და სამკაულების დიზაინერი, კომპანია "ბლინგი"; მარიამ ჩალაძე - საბავშვო ჭურჭლის ბრენდი "ფია"-ს დამფუძნებელი #ახალიამბები #BusinessMediaGeorgia
ავტომობილის მართვისას ჩვენს უსაფრთხოებასა და გზას შორის მხოლოდ რამდენიმე სანტიმეტრია — ეს საბურავებია. ჩვენ ხშირად ვხარჯავთ დიდ რესურსს პრემიუმ კლასის საბურავების შესაძენად, თუმცა იშვიათად ვფიქრობთ იმაზე, თუ როგორ მოქმედებს მათ ხარისხზე არასწორი შენახვა სეზონებს შორის. სინესტე, მზის პირდაპირი სხივები ან უბრალოდ არასწორი პოზიცია ავტოფარეხში — ეს ის ფაქტორებია, რომლებსაც შეუძლიათ საბურავის რესურსი მნიშვნელოვნად შეამცირონ და ის უსაფრთხოებიდან საფრთხის წყაროდ აქციონ. დღეს გვინდა გაჩვენოთ, როგორ მუშაობს საქართველოში ე.წ. „საბურავების სასტუმრო“. ჩვენს ინტერვიუში „თეგეტა მოტორსის“ წარმომადგენელთან ერთად განვიხილავთ: რატომ არის საბურავის შენახვა ცალკე ინდუსტრია? როგორია საერთაშორისო სტანდარტები: როგორ არეგულირებს ტემპერატურა და ტენიანობა საბურავის „სიცოცხლის ხანგრძლივობას“ და რატომ ირჩევს უკვე 5 000-ზე მეტი ავტომფლობელი პროფესიონალურ საცავს? #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
აშშ-ის პრეზიდენტის, დონალდ ტრამპის განცხადებით, CNN-ი უნდა გაიყიდოს. მისი აზრით, მაუწყებლის გაყიდვა უნდა მოხდეს მისი მშობელი კომპანიის, Warner Bros-ის გაყიდვასთან ერთად, რომლის შესაძენადაც Netflix-სა და Paramount-ს შორის ომი მიმდინარეობს. მისივე განცხადებით, არხს ახალი მესაკუთრეები სჭირდება. აქვე ისიც უნდა აღვნიშნოთ, რომ, Netflix-ს, რომელიც Warner Bros. Discovery-ის ყიდვას ცდილობს, CNN-ისადმი ინტერესი არ გააჩნია. თუმცა Paramount-ის შემთხვევაში, მათი $108.4 მილიარდიანი შეთავაზება ტელეარხის შეძენასაც მოიცავს. ამ რეალობიდან გამომდინარე, როცა პლანეტის ერთ-ერთი ყველაზე გავლენიანი არხი ფაქტობრივად გადარჩენისთვის და არსებული სარედაქციო პოლიტიკის შენარჩუნებისთვის იბრძვის როგორია CNN-ის გზა დღევანდელობამდე? #ახალიამბები #BusinessMediaGeorgia
მსოფლიოს ქვეყნების რეიტინგი (2025) - ყველაზე მეტი მიშელინის რესტორნები #ახალიამბები #BusinessMediaGeorgia
#საქმიანიდილა - 15 დეკემბერი - პროლოგი #ახალიამბები #BusinessMediaGeorgia
აპექს დეველოპმენტში საახალწლო შეთავაზებები ამოქმედდა - კერძოდ, მომხმარებლები, რომლებიც აპექსის პროექტებში საცხოვრებელ ან კომერციულ ფართს შეიძენენ და თანხას ერთიანად გადაიხდიან, 20%-იანი ფასდაკლებით ისარგებლებენ. შეღავათი იმოქმედებს წინასწარი შენატანის შემთხვევაშიც და ასევე, კომპანიის პარტნიორი ბაზის ბანკის მხარდაჭერით, ნუცუბიძის პროექტში ბინის შეძენისას, ასევე 20%-იანი ფასდაკლება იმოქმედებს. #ახალიამბები #BusinessMediaGeorgia
ხელოვნური ინტელექტის ეპოქაში ციფრული მიმართულებით ტრანსფორმაცია გარდაუვალი ეტაპია ნებისმიერი ზომის კომპანიებისთვის და ეს პროცესი ფუნდამენტურად ცვლის ბიზნესის ოპერირებისა და მომხმარებლებისთვის ღირებულების მიწოდების გზებს. ციფრული ტრანსფორმაცია ბიზნესში კულტურული ცვლილებაა, რომელიც ორგანიზაციებში მნიშვნელოვან რესურსს მოითხოვს და სრულიად ახალ გარემოებებს აჩენს. საქმიანი დილას ამ ნაწილში კვლევაზე უნდა გავაგრძელოთ საუბარი, სახელით: ციფრული ტრანსფორმაციის შესახებ განწყობისა და საჭიროებების ანალიზი სამშენებლო სექტორში, რომლის მიზანიც სამშენებლო სფეროში მოღვაწე კომპანიების მიერ ციფრული ტექნოლოგიების გამოყენების მიმდინარე მდგომარეობის, საჭიროებების, განწყობებისა და მოლოდინების შესწავლაა იყო. რა შედეგზე გავიდა ეს კვლევა? სტუმრები: ნინო დავითაშვილი - კვლევითი და საკონსულტაციო კომპანია იქსფირიენსის დამფუძნებელი, მმართველი პარტნიორი; თორნიკე თოხაძე - ITAG (საქართველოს ინფორმაციული ტექნოლოგიების ასოციაციის) თავმჯდომარე და SKYHI აღმასრულებელი დირექტორი #ახალიამბები #BusinessMediaGeorgia
#ბრენდისხმა - Gastronome • გასტრონომი გიორგი თენაძე - "გასტრონომი", დამფუძნებელი #BrandVoice #ახალიამბები #BusinessMediaGeorgia
დეველოპერულ კომპანია სფერა თბილისში ორ პროექტს აერთიანებს. ბაგებში მდებარე პროექტი უკვე ექსპლუატაციაშია და მას კმაყოფილი მობინადრეებიც ჰყავს, მიმდინარე კი ნუცუბიძეზე მდებარე კომპლექსია, რომელიც საცხოვრებელ სივრცესთან ერთად რეკრეაციული ზონებით არის დატვირთული. მნიშვნელოვანია ისიც, რომ სფერას ერთ-ერთი პრიორიტეტი მდგრადობაა, სწორედ ამიტომ ორივე კომპლექსის სახურავზე მზის პანელებია განთავსებული. მთავარი სიახლეა ახალი წლის შეთავაზებები, რომელიც სფერას მიმდინარე კომპლექსში მთელი დეკემბრის განმავლობაში გაგრძელდება. დეველოპერული კომპანია „სფერა“ ბაზარზე 5 წლის წინ გამოჩნდა, კომპანიის შესახებ წაკითხულ რეზიუმეებში ვცდილობთ მისიას რომელიც საკმაოდ მკაფიო მიზანს აღწერს:როდესაც ადამიანი სფერას პროექტში შეძენილ ბინას ყიდულობს, დარწმუნებული უნდა იყოს, რომ სანაცვლოდ მაღალი ხარისხის საცხოვრებელს იღებს. ასევე, კომპანია ყოველთვის დიდ ყურადღებას უთმობს ადგილმდებარეობას, ვინაიდან უპირატესობას ანიჭებს რეკრეაციულ ზონას, სადაც მობინადრეები განტვირთვას და სუფთა ჰაერზე დასვენებას შეძლებენ. სტუმარი: ეთუკა ცხაკაია - “სფერას” მარკეტინგის მენეჯერი #ახალიამბები #BusinessMediaGeorgia
ხელოვნური ინტელექტი, თამამად შეიძლება ითქვას, რომ ის ბოლო დროის ყველაზე დიდი ტექნოლოგიური წინ გადადგმული ნაბიჯია.ხელსაწყო, რომელიც არასრულ 3 წელიწადში , ჩვენს ცხოვრებაში იმაზე ჩუმად და ღრმად შემოიჭრა, ვიდრე წარმოგვედგინა. დღეს ის უკვე აღარ არის მომავლის ტექნოლოგია, ის აწმყოა, რომელმაც კარდინალურად შეცვალა სამყარო - დაწყებული იმით, თუ როგორ ვმკურნალობთ და ვსწავლობთ, დამთავრებული იმით, თუ როგორ ვმუშაობთ. რა გზა გაიარა ამ უჩინარმა ძალამ ჩვენამდე და როგორ გვეხმარება ის ცხოვრების გაუმჯობესებაში? #ახალიამბები #BusinessMediaGeorgia
2010 წლის შემდეგ სახელმწიფო უნივერსიტეტების ნაწილმა ქონება დაირეგისტრირა, თუმცა ის კვლავ სახელმწიფოს საკუთრებაში რჩება - ამის შესახებ განათლების მინისტრის მოადგილემ, ზვიად გაბისონიამ 9 დეკემბერს, განათლების კომიტეტის სხდომაზე ოპოზიციონერი დეპუტატის კითხვის საპასუხოდ განაცხადა. ბატონი გაბისონია განმარტავს, რომ საკითხთან დაკავშირებით გავრცელებული ინტერპრეტაციები კონსტიტუციის 27-ე მუხლის დარღვევასთან მიმართებით მცდარია და საჭიროების შემთხვევაში მზადყოფნას გამოთქვამს დამატებითი სამართლებრივი განმარტებებისთვის. იზიარებენ თუ არა უწყების პოზიციას კონსტიტუციონალისტები და ვის ეკუთვნის სახელმწიფო უნივერსიტეტების ქონება? #ახალიამბები #BusinessMediaGeorgia
საინჟინრო კომპანია ბაუმერის საგანმანათლებლო პროექტი - ბაუმერის აკადემია განვითარების ახალ ეტაპზე გადადის. საქართველოს ტექნიკური უნივერსიტეტისა და ბაუმერის თანამშრომლობის შედეგად, გუშინ უნივერსიტეტში ბაუმერის აკადემიის დამატებითი სადემონსტრაციო სივრცე ოფიციალურად გაიხსნა და ახალი სივრცე სტუდენტებსა და აკადემიის ტრენინგის მონაწილეებს შესაძლებლობას მისცემს, რომ საინჟინრო მიმართულების თანამედროვე სტანდარტებს, ტექნოლოგებსა და სამუშაო პროცესის დეტალებს პრაქტიკაში გაეცნონ. #ახალიამბები #BusinessMediaGeorgia
ცოტა ხნით ნიუ იორკში უნდა გამოგზაუროთ, იქ, სადაც ყველაზე მეტად იგრძნობა შობაც და ახალი წელიც. ზუსტად 110 წლის წინ, დღევანდელ დღეს, 12 დეკემბერს ლეგენდარული ხმით და ნიჭით დაჯილდოებული ადამიანი დაიბადა. ვისთანაც ყველაზე მეტად ასოცირდება შობა და დიახ - ეს ფრენსის ალბერტ სინატრაა, თქვენთვის კარგად ნაცნობი ფრენკ სინატრა. მან საკუთარი თავით შექმნა ისეთი ბრენდი, რომელსაც საუკუნის შემდეგაც წლიური 20 მლნ დოლარის შემოსავალი აქვს და რომელსაც დეკემბრიდან იანვრის ბოლომდე, ანუ საახალწლო პერიოდში, ასობით მილიონი გამომწერი ემატება, რაც თავისთავად საბოლოოდ ფულში და შემოსავლებში ითარგმნება. როგორია ერთ-ერთი ყველაზე ცნობილი ხმის პატრონის - ფრენკ სინატრას ისტორია სცენიდან, საკუთარ ბიზნესამდე და შემდეგ უკვე პოლიტიკურ გავლენამდე? #ახალიამბები #BusinessMediaGeorgia
2 იანვრიდან, საქართველოს კინოთეატრებში კოკა კოლა ბოთლერს ჯორჯიას პარტნიორობით ფილმი „ლირიკა“ გამოვა. ეს არის საახალწლო ქალაქური თავგადასავალი არჩევანსა და მეორე შანსზე, რომლის სიუჟეტიც ზამთრის თბილისში ვითარდება. აღსანიშნავია, რომ 10 წლიანი პაუზის შემდეგ დიდ ეკრანზე ქართველი მაყურებლებისთვის საყვარელი მსახიობი მიშა მესხი ბრუნდება, რომელთან ერთადაც ნამუშევარში არაერთ ცნობილ სახესაც შეხვდებით. ფილმი არის საახალწლო იგავი იმაზე, რომ ფსკერზე ყოფნის დროსაც კი, ცხოვრება გვაძლევს შანსს, რომ ხელახლა ავირჩიოთ და მოვძებნოთ საკუთარი თავი და შევიცვალოთ. #ახალიამბები #BusinessMediaGeorgia
#საქმიანიდილა - 12 დეკემბერი - პროლოგი #ახალიამბები #BusinessMediaGeorgia
BMW-ს ახალი დირექტორი ეყოლება – ვინ არის მილან ნედელკოვიჩი? #ახალიამბები #BusinessMediaGeorgia
2025 წლის 1 დეკემბრის მდგომარეობით, ქვეყნის საკადასტრო აზომვები 95%-ზე მეტია; სისტემური რეგისტრაციის ფარგლებში აიზომა 2 094 707 მიწის ნაკვეთი. 2022-2025 წლებში მიწის მესაკუთრე1 469 581 მოქალაქე გახდა. რეფორმის პრაქტიკამ აჩვენა, რომ რეგისტრირებული ნაკვეთების 70%-ზე გახდა საჭირო საზღვრების გასწორება და მონაცემების დაზუსტება, რაც მიუთითებს ადრე არსებული სისტემური ხარვეზების მასშტაბურობაზე - ამის შესახებ საქართველოს იუსტიციის სამინისტროს მიერ წარდგენილი საკანონმდებლო ცვლილებების პაკეტის განმარტებით ბარათში წერია, რომლის მიხედვითაც 2016 წელს დაწყებული და 2022-2025 წლებში გაგრძელებული მიწის სისტემური რეგისტრაციის რეფორმა მნიშვნელოვანი შედეგებით სრულდება და 2026 წლიდან კანონში უკვე არსებითი სიახლეები შევა. პირველ რიგში მნიშვნელოვანია ის რომ მიწის სისტემური რეგისტრაციის პროცესი 2026 წლის 1 იანვარს სრულდება. კანონპროექტის ყველაზე მნიშვნელოვანი ცვლილება ეხება უფლებების აღიარების პროცესის გახანგრძლივებას. კერძოდ, 2026 წლის 1 იანვრიდან 2027 წლის 1 იანვრამდე პერიოდში საჯარო რეესტრის ეროვნული სააგენტო გააგრძელებს მიწის სპორადულ რეგისტრაციას (ინდივიდუალური განაცხადის საფუძველზე). და ამ ერთი წლის განმავლობაში, სააგენტოს მიენიჭება უფლებამოსილება, მუნიციპალიტეტებში უზრუნველყოს თვითნებურად დაკავებულ მიწის ნაკვეთზე საკუთრების უფლების აღიარება. დოკუმენტის მიხედვით, ეს ღონისძიება მიზნად ისახავს იმ პირებისთვის შესაძლებლობის მიცემას, რომლებმაც სისტემური რეგისტრაციის პერიოდში ვერ მოახდინეს საკუთრების უფლების რეალიზება. აღნიშნული ცვლილებების ძალაში შესვლის პერიოდში (2027 წლის 1 იანვრამდე) შეჩერდება შესაბამისი მუნიციპალიტეტის აღმასრულებელ ორგანოსთან არსებული თვითნებურად დაკავებულ მიწაზე საკუთრების უფლების აღიარების კომისიის უფლებამოსილებები. სააგენტოს მიერ თვითნებურად დაკავებულ მიწაზე საკუთრების უფლების აღიარების საფასური კი საქართველოს მთავრობის დადგენილებით განისაზღვრება. რა ეფექტი ჰქონდა მიწის სისტემურ რეგისტრაციას? სტუმარი: უჩა ზაქაშვილი - სამშენებლო სამართლის სპეციალისტი #ახალიამბები #BusinessMediaGeorgia
კომპანია Moore, რომელიც 100 წლოვანი Moore Global-ის წევრია საქართველოში მოღვაწეობის 17 წელს ითვლის და ბიზნესებს სრულფასოვან აუთსორს საბუღალტრო მომსახურებას სთავაზობს. ეს სერვისი განსაკუთრებით საინტერესოა მათთვის, ვისაც სანდო, გამჭვირვალე და ეფექტური ფინანსური აღრიცხვა სრული შტატის ბუღალტერთა გუნდის შენახვის გარეშე სურს. კომპანიის მომსახურება მოიცავს სრულ საბუღალტრო აღრიცხვას ან კონკრეტული ბლოკების დაფარვას; ასევე დეკლარაციებისა და რეპორტების ზუსტ და დროულ მომზადებას; პირველადი დოკუმენტების მრავალსაფეხურიან კონტროლს; ხელფასებისა და საგადასახადო საკითხების სრულ მხარდაჭერას და ასევე ქლაუდ ბუღალტერიას, რომელიც ნებისმიერ მოწყობილობიდან მონაცემებზე წვდომას იძლევა. კომპანია ფლობს ISO სერტიფიკატს, რაც ხარისხიან, სტანდარტიზებულ და გამჭვირვალე პროცესებს უზრუნველყოფს. სტუმრები: თეონა აბდუშელიშვილი - Moore -ის პარტნიორი; სოფო აბაიაძე - Moore -ის პარტნიორი #ახალიამბები #BusinessMediaGeorgia
ქართული ოცნების პრემიერ-მინისტრისთვის განათლების რეფორმასთან მიმართებით საფუძვლიანი კრიტიკა არ ისმის. ირაკლი კობახიძის შეფასებით ადგილი აქვს მხოლოდ ცარიელ სპეკულაციებს და სინამდვილეში მომავალ სტუდენტებს ფართო არჩევანს და ხარისხიან განათლებას ჰპირდებიან. რას უწუნებენ სექტორის წარმომადგენლები დაანონსებულ ცვლილებებს? #ახალიამბები #BusinessMediaGeorgia
კვლავ განათლების თემაზე უნდა ვისაუბროთ, რომელიც ბევრი კომპონენტის გათვალისწინებით აქტუალობას არ კარგავს. ერთ-ერთი მნიშვნელოვანი საკითხი კი სახელმწიფო უნივერსიტეტების ქონებას ეხება. განათლების მინისტრის მოადგილემ ზვიად გაბისონიამ განმარტა, რომ სახელმწიფო უნივერსიტეტების უძრავი ქონება სახელმწიფოს „ორსაფეხუროვანი საკუთრების უფლებით“ ეკუთვნის, რადგან ეს უნივერსიტეტები განათლების სამინისტროს დაქვემდებარებული საჯარო სამართლის იურიდიული პირები არიან. მისი თქმით, 2010 წლამდე ყველა სახელმწიფო უნივერსიტეტის ქონება სახელმწიფოს საკუთრებაში იყო და ისინი მხოლოდ უზუფრუქტის უფლებით სარგებლობდნენ. 2010 წლის შემდეგ კი რამდენიმე უნივერსიტეტმა ქონება საკუთარ სახელზე დაარეგისტრირა, თუმცა ეს მათ სტატუსს არ ცვლის და ისინი კვლავ სახელმწიფო საკუთრებაში რჩებიან. გაბისონია განმარტავს, რომ ამ საკითხთან დაკავშირებით გავრცელებული ინტერპრეტაციები 27-ე მუხლის მესამე პუნქტის დარღვევასთან მიმართებით მცდარია და სინამდვილეში აკადემიურ თავისუფლებაც და უნივერსიტეტების ავტონომიაც უზრუნველყოფილი და შენარჩუნებულია როგორც მან აღნიშნა, საუბარი მხოლოდ სახელმწიფო უნივერსიტეტებს ეხება და კერძო დაწესებულებების ავტონომიაზე კითხვა არ არსებობს. მისივე თქმით, ევროკავშირის და სტრასბურგის სასამართლოების პრაქტიკა ადასტურებს, რომ მსგავსი სამართლებრივი საკითხები სხვა ქვეყნებში შიდა სასამართლო გადაწყვეტილებებით განიმარტება. საჭიროების შემთხვევაში, სამინისტრო მზად არის დამატებითი კომენტარებისა და სამართლებრივი განმარტებებისთვის. სტუმარი: გიგი თევზაძე - ილიას სახელმწიფო უნივერსიტეტი, პროფესორი #ახალიამბები #BusinessMediaGeorgia
მსოფლიოში ერთ-ერთ ყველაზე მდიდრულ და გავლენიან პარფიუმერიულ ბრენდზე უნდა მოგიყვეთ. საუბარია L’oreal-ზე, ორ ოთახში დაწყებულ ბიზნესზე, რომელიც გლობალურ იმპერიად იქცა. ბრენდის პირველი პროდუქტი იყო თმის საღებავი, იმ დროისათვის ინოვაცია რომელმაც სილამაზის ინდუსტრია გარდაქმნა. როგორ გადაიქცა ერთი მცირე ლაბორატორია მრავალმილიარდიან კომპანიად? #ახალიამბები #BusinessMediaGeorgia
2024 წლის ფინანსური მაჩვენებლებით ვიგებთ, რომ მთლიანობაში სექტორის სამი უმსხვილესი კომპანიის გაყიდვებმა 159 მილიონი ლარი შეადგინა, რაც 2023 წელთან შედარებით 35.1 მილიონი ლარით, ანუ 28%-ით მეტი იყო. აეროპორტებში განთავსებული Duty Free მაღაზიების ჩათვლით კი საქართველოში პარფიუმერიის ბაზრის მოცულობა 200 მილიონ ლარს აღემატებოდა. მარიამ იზორია - BMG, რეპორტიორი #ახალიამბები #BusinessMediaGeorgia
NFPT, ანუ იგივე Nano Fire Protection Technology, რომელიც ხანძარსაწინააღმდეგო ნანო ტექნოლოგიების შექმნას, განვითარებას და წარმოებას გულისხმობს, გაერთიანებულ საემიროებში ოპერირებადი კომპანია გახლავთ და ჩვენი დაინტერესების მიზეზი ისაა რომ კომპანია საქართველოთი დაინტერესდა და ახალ ეტაპს სწორედ ჩვენს ქვეყანაში იწყებს. თარიღიც მონიშნულია, უკვე იანვრიდან საქართველოში გაიხსნება ქარხანა, სადაც წარმოება ადგილობრივად დაიწყება. პროდუქცია გათვლილია როგორც შიდა ბაზარზე, ასევე ექსპორტზე, რაც ამ სექტორში საქართველოს რეგიონულ ჰაბად ჩამოყალიბების შესაძლებლობას ქმნის. პროექტს საქართველოში ახორციელებს ლიელ 2019. სტუმარი: გიორგი ჭანტურია - "ლიელ 2019"-ის დამფუძნებელი #ახალიამბები #BusinessMediaGeorgia
2025 წელი გლობალური საავტომობილო ინდუსტრიისთვის წყალგამყოფი პერიოდი. მიმდინარე წლის პირველი ნახევრის შედეგები ნათლად აჩვენებს ფუნდამენტურ დაპირისპირებას ტრადიციულ ძველ გვარდიასა და ელექტრომობილების მწარმოებელ ახალ, აგრესიულ მოთამაშეებს შორის. მაშინ, როცა ინდუსტრიის გიგანტები პოზიციების შენარჩუნებას ცდილობენ, ბაზარზე ჩნდება ძალთა ახალი გადანაწილების ტენდენცია, სადაც აზიური, კერძოდ კი ჩინური ავტოკონცერნების დომინაცია სულ უფრო თვალსაჩინო ხდება. უფრო კონკრეტულად, რას სურათს ხატავს წლის პირველი ნახევრის გაყიდვები და შედეგებით, რომელი ბრენდები გევლინებიან ლიდერის პოზიციაში? #ახალიამბები #BusinessMediaGeorgia
გაყიდვების შემდგომი მომსახურება ისეთივე მნიშვნელოვანია, როგორც თავად პროდუქტის ხარისხი. განსაკუთრებით კი მაშინ როცა სპეცტექნიკის სერვისზეა საუბარი და ე. წ დაყოვნების თითოეული დღე დამატებითი ხარჯია ბიზნესისთვის. გაყიდვების შემდგომი მომსახურება ერთ-ერთი პრიორიტეტული მიმართულებაა თეგეტა მოტორსისთვის. რას სთავაზობს კომპანია ბიზნესს? სტუმარი: ზვიად ახლოური - „თეგეტა მოტორსის“ სპეცტექნიკის პროდუქტების უფროსი ოფიცერი #ახალიამბები #BusinessMediaGeorgia
“ევროკოდების შესწავლა სამშენებლო ინდუსტრიის განვითარებისთვის ” - ასე ჰქვია პროექტს, რომელსაც "ელემენტ ჰოლდინგი" გერმანიის საერთაშორისო თანამშრომლობის საზოგადოებასთან თანამშრომლობით იწყებს. როგორც ცნობილია, პროექტი GIZ-ის პროგრამის - "უკეთესი პროდუქტი, უკეთესი მომსახურების" მხარდაჭერით ხორციელდება და მისი მიზანი სამშენებლო სექტორში ხარისხისა და კონკურენტუნარიანობის ამაღლების ხელშეწყობაა. რა იგეგმება "ელემენტ ჰოლდინგისა" და GIZ-ის ერთობლივი პროექტის ფარგლებში? #ახალიამბები #BusinessMediaGeorgia
5 დეკემბერს, მსოფლიო კონკურენციის საერთაშორისო დღეს აღნიშნავს, რასაც მათ შორის უერთდება საქართველოც. ამ დღის მიზანია, საზოგადოებისთვის იმის შეხსენება, რომ ძლიერი ეკონომიკა იქმნება მაშინ, როდესაც სახელმწიფო იცავს მომხმარებელს, ბიზნესი მოქმედებს კეთილსინდისიერად, ხოლო ბაზარი ინარჩუნებს ღიაობას, მრავალფეროვნებას, შესაძლებლობებსა და თავისუფლებას. კონკურენცია კი არა ომი, არამედ წესების პატივისცემა სამართლიანობა და თანაბარი გარემოს შექმნაა ყველასთვის, მათ შორის, ნებისმიერ ზომის, წონისა და ბრუნვის მქონე ბიზნესისთვის. როგორ და რატომ დაფუძნდა კონკურენციის საერთაშორისო დღე და როგორ აღინიშნება ის მსოფლიოში? #ახალიამბები #BusinessMediaGeorgia
11 დეკემბერი გაეროს მიერ დაარსებული ერთ-ერთი ორგანიზაციის - იუნისეფის შექმნის თარიღია. 75 წელზე მეტი ხნის განმავლობაში, იუნისეფი მსოფლიოს ბავშვების საჭიროებებთან ერთად იცვლება - ორგანიზაციის ისტორია კი იმ მილიონობით ბავშვის ისტორიას ეხმიანება, რომელსაც დახმარება სჭირდება. ყველაფერი 1946 წლის დეკემბერში დაიწყო, როცა მეორე მსოფლიო ომისგან განადგურებულ ევროპასა და ჩინეთში გადაუდებელი დახმარება აუცილებელი გახდა. დროებითი სამაშველო მისია მალევე გადაიქცა გაეროს მუდმივ სტრუქტურად და „გაეროს ბავშვთა ფონდად“, რომელსაც დღეს უკვე გლობალური განვითარების, განათლების, ჯანდაცვისა და უფლებების დაცვის ფართო მანდატი აქვს. #ახალიამბები #BusinessMediaGeorgia
ბიზნესი & ადამიანის უფლებები / საუბრები ბიზნესსა და ევროკავშირზე რუბრიკის წამყვანი: თამარ ღუნაშვილი - გაეროს გლობალური შეთანხმების საქართველოს ქსელის სტრატეგიული კომუნიკაციების ხელმძღვანელი; სტუმრები: სოფი ბრეგვაძე — Hilton Garden Inn Tbilisi Riverview-ის საოპერაციო მენეჯერი; ნათია ბარამიძე - მინისოს HR მენეჯერი #ახალიამბები #BusinessMediaGeorgia
იაშვილის ბავშვთა ცენტრალურ საავადმყოფოში პედიატრიული ეპილეფსიის ქირურგიის მიმართულებით მნიშვნელოვანი ეტაპი განხორციელდა. საავადმყოფოს ნეირომეცნიერებისა და ნეიროქირურგიის დეპარტამენტს სამუშაო ვიზიტით ეწვია ვენის საუნივერსიტეტო კლინიკის ცნობილი ნეიროქირურგი, პროფესორი კრისტიან დოლფერი. ვიზიტის მთავარი მიზანი საქართველოში ეპილეფსიის ქირურგიული მკურნალობის თანამედროვე პრაქტიკის დანერგვა იყო.მოწვეულმა ქირურგმა, იაშვილის ბავშვთა ცენტრალური საავადმყოფოს ნეიროქირურგიული სამსახურის ხელმძღვანელ ლადო წიქარიშვილთან ერთად, შეაფასა პაციენტები და შეარჩია ეპილეფსიის ქირურგიის კანდიდატები. ამ თანამშრომლობის ფარგლებში, საქართველოსა და კავკასიის რეგიონში პირველად, იაშვილის ბავშვთა ცენტრალურ საავადმყოფოში ჩატარდა ბავშვთა ეპილეფსიის ქირურგიის უახლესი და ინოვაციური ოპერაცია - უკანა კვადრანტული დისკონექცია.ეს ნეიროქირურგიული ჩარევა წარმატებით განხორციელდა ორ პედიატრიულ პაციენტთან. ოპერაციები ჩატარდა იაშვილის კლინიკის ნეიროქირურგიული გუნდის მიერ, საერთაშორისო სპეციალისტის უშუალო ჩართულობით. #ახალიამბები #BusinessMediaGeorgia
#საქმიანიდილა - 11 დეკემბერი - პროლოგი #ახალიამბები #BusinessMediaGeorgia
"ქუჩის ბოლოს მოლოდინი დგას" - სიყვარული ბრუნდება, მთავარია გჯეროდეს… #ახალიამბები #BusinessMediaGeorgia
ასე მალე გავიდა 15 წელი. კომპანია ვინტოს 15 წლიანი განვითარების გზას გიყვებით საქმიანი დილას მაყურებლებს. კომპანია ვინტო 2010 წლიდან ავტომომსახურების ლიდერებს შორისაა 25-ზე მეტი საერთაშორისო ბრენდის წარმომადგენლობით საქართველოს ბაზარზე. იუბილესთან დაკაშირებით კამპანიაც დაიგეგმა, სახელწოდებით ასე მალე, რომელიც ზუსტად პასუხობს მომსახურების სისწრაფეს და ხარისხს. როგორია ვინტოს 15 წლიანი ისტორია და გეგმები? სტუმარი: ნიკოლოზ ხოდელი - "ვინტოს" აღმასრულებელი დირექტორი #ახალიამბები #BusinessMediaGeorgia
უნდა ვისაუბროთ ჰაერის სისუფთავეზე, აქედან მომდინარე ჩვენს ჯანმრთელობაზე და შესაბამისად, გაგაცნობთ იმ ტექნიკურ საშუალებებს, რომელიც ჰაერის სისუფთავის უზრუნველსაყოფად შენობების შიდა სივრცეებშია საჭირო. რადგან ჰაერის დამაბინძურებლები თვალით უხილავია და სამწუხაროდ საზოგადოებაში ცნობადობაც დაბალია, გადავწყვიტეთ, გაგაცნოთ კომპანია ტესკო, რომელიც საქართველოში ჰაერის ფილტრების გავრცელებაზე ზრუნავს. მისი თანადამფუძნებელი, მამუკა ლოლაძე, სამედიცინო აპარატურის ინჟინერია, თუმცა კლინიკებთან მუშაობის პროცესში მალე გამოიკვეთა, რომ ჯანმრთელობის დაცვა მხოლოდ თანამედროვე სამედიცინო ტექნიკით არ შემოიფარგლება - ჰაერის სისუფთავე ისეთივე მნიშვნელოვანი ფაქტორია, როგორც ზუსტი დიაგნოსტიკა. სტუმარი: მამუკა ლოლაძე - "ტესკო", თანადამფუძნებელი და აღმასრულებელი დირექტორი #ახალიამბები #BusinessMediaGeorgia
Jay Z - როგორ ააშენა შონ კარტერმა მილიარდიანი იმპერია #ახალიამბები #BusinessMediaGeorgia
2022 წლის 30 ნოემბერი გლობალური ფინანსური კალენდრის ერთ-ერთი გარდამტეხი თარიღია. სწორედ ამ დღეს, გენერაციული ხელოვნური ინტელექტის პლატფორმის, ChatGPT-ის დებიუტმა, გამოიწვია ისეთი მასშტაბის საინვესტიციო ციკლი, რომელმაც აშშ-ის საფონდო ბაზრის სტრუქტურა ფუნდამენტურად შეცვალა. ინვესტორთა კაპიტალი უპრეცედენტო სისწრაფით მიემართა იმ კომპანიებისკენ, რომლებიც AI-ის ინფრასტრუქტურის, ღრუბლოვანი სერვისებისა და ციფრული ტექნოლოგიების შექმნის სათავეში დგანან. როგორ მოახდინა ტექნოლოგიურმა პროგრესმა ბაზრის ლიდერების სრული გადალაგება და შექმნა დიამეტრული განსხვავება AI-ზე ორიენტირებულ და ტრადიციულ სექტორებს შორის? #ახალიამბები #BusinessMediaGeorgia