ბათუმში მობილური ტელეფონების დამტენების გაზიარების სერვისი გამოჩნდა, ხოლო კვირის ბოლომდე დამტენი სადგურები თბილისშიც განთავსდება.მობილურების დამტენების გაზიარების სერვისის შემომყვანი კომპანია “ბინეს” გენერალური მენეჯერი მიშა მაისურაძე BM.GE-სთან საუბრისას აღნიშნავს, რომ ბათუმში ამ ეტაპზე 50 დამტენი სადგური განთავსდა, ხოლო 50 სადგური თვის ბოლომდე დამონტაჟდება. რაც შეეხება თბილისს, დედაქალაქში ამ თვეში 50 სადგური განთავსდება, ხოლო თვის ბოლომდე მისი რაოდენობა ჯამში 300-ს შეადგენს. #ახალიამბები #BusinessMediaGeorgia
სურსათის ეროვნულმა სააგენტომ, სურსათში “სუდანის” ჯგუფის საღებავების გამოვლენის მიზნით, ნიმუშები აიღო და აკრედიტებულ ლაბორატორიაში გამოიკვლია. ლევან სამხარაულის სახელობის სასამართლო ექსპერტიზის ეროვნულ ბიუროს ქიმიური ექსპერტიზის დასკვნით, საწებლისა და წიწაკის 2 ნიმუშში “სუდანის” ჯგუფის აკრძალული საღებავი გამოვლინდა. შედეგად ზემოაღნიშნული პროდუქცია უკვე გამოთხოვილია სარეალიზაციო ქსელიდან ბიზნეს ოპერატორები კი დაჯარიმდნენ. სტუმარი: ვასილ ბასილაძე - სურსათის ეროვნული სააგენტოს უფროსის მოადგილე; #ახალიამბები #BusinessMediaGeorgia
Stopcov.ge-ზე ბოლო განახლებული მონაცემების მიხედვით, ამ დრომდე ქვეყანაში კორონავირუსის დადასტურებული შემთხვევების როადნეობა 1 655 221 იყო, მათგან გამოჯანმრთელდა 1 637 293 ადამიანი. ბოლო 24სთ-ის განმავლობაში 51 ახალი შემთხვევა დაფიქსირდა. სტაციონალში მეთვალყურეობის ქვეშ კი 286 პირი რჩება. როგორია ქვეყანაში ეპიდვითარება და რა ვირუსები ცირკულირებს მიმდინარე პერიოდში? სტუმარი: მაია ჩხაიძე - "ი.ციციშვილის სახელობის ბავშვთა კლინიკის" სამედიცინო დირექტორი #ახალიამბები #BusinessMediaGeorgia
საქართველოს რეზიდენტი და არარეზიდენტი ფიზიკური პირები, რომელთა ოჯახის ჯამური შემოსავალი საგადასახადო წლის განმავლობაში 40,000 ლარს შეადგენს და საქართველოს ტერიტორიაზე საგადასახადო კოდექსით გათვალისწინებული დასაბეგრი ქონება აქვთ, ქონების გადასახადის გადამხდელები არიან. აღნიშნულ პირებს არაუგვიანეს 1 ნოემბრისა დეკლარაციის წარდგენის, ხოლო არაუგვიანეს 15 ნოემბრისა დარიცხული გადასახადის გადახდის ვალდებულება აქვთ. ვალდებულების შეუსრულებლობა ადმინისტრაციული წესით დაჯარიმებას ითვალისწინებს. ფიზიკური პირისათვის ქონების გადასახადით დაბეგვრის ობიექტია გასული საგადასახადო წლის მდგომარეობით: საკუთრებაში არსებული უძრავი ქონება (მათ შორის, დაუმთავრებელი მშენებლობა, შენობა-ნაგებობა ან მათი ნაწილი), იახტები, შვეულმფრენები, თვითმფრინავები და 2017 წლიდან – მსუბუქი ავტომობილები; ფიზიკური პირის დასაბეგრ ქონებაზე გადასახადის წლიური განაკვეთი დიფერენცირებულია და სხვადასხვა ოდენობით განისაზღვრება, რომლის გადახედვის ინიციატივით გამოდის Kudos Georgia. სტუმარი: ირაკლი ჟვანია - Kudos Georgia -ს მმართველი პარტნიორი; #ახალიამბები #BusinessMediaGeorgia
Tegeta Truck & Bus-მა თბილისში MAN-ის უახლესი თაობის სატვირთოები წარადგინა. სრულიად ახალი სტანდარტის სატვირთო ავტომობილების პრეზენტაცია საქართველოს დედაქალაქში, ინდუსტრიულ საექსპოზიციო სივრცეში გაიმართა. მომხმარებელსა და პარტნიორებს MAN TGS და MAN TGX მოდელები წარუდგინეს, რომელიც გერმანული მწარმოებლის ამბიციური პროექტის ფარგლებში შეიქმნადა მასზე MAN-ის 2100 თანამშრომელი მუშაობდა. MAN-ის აღნიშნულ მოდელებზე 2 100 თანამშრომელი 12 მლნ სთ-ის განმავლობაში მუშაობდა, აქედან დიზაინზე მუშაობას 167ათასი სამუშაო სთ დაეთმო, პროგრამული უზრუნველყოფისთვის კი 2 800 000 კოდი დაიწერა. ახალი თაობის სატვირთოებში ხელმისაწვდომია 8 სხვადასხვა ზომის კაბინა. კონფიგურატორის მეშვეობით შესაძლებელია ზუსტად ისეთი კომპლექტაციით შეკვეთა, როგორიც მომხმარებელ კომპანიას სურს, მის ჩამოყვანას კი საქართველოში კომპანია Tegeta Truck & Bus უზრუნველყოფს, რომელიც „თეგეტა ჰოლდინგის“ შვილობილი კომპანიაა და საქართველოში სატვირთო ავტომობილებისა და ავტობუსების მწარმოებელ უმსხვილეს გერმანულ ბრენდს, MAN-ს, წარმოადგენს. სტუმარი: ბექა ბერიძე - Tegeta Truck & Bus-ის დირექტორი; #ახალიამბები #BusinessMediaGeorgia
#ავიაციისსიახლეები: Wizz Air-ის გენერალური დირექტორი საქართველოს სამუშაო ვიზიტით ესტუმრა; Pegasus Airlines-ი რეგულარულ ფრენებს ახალი მიმართულებით შეასრულებს; Costa Coffee თბილისის საერთაშორისო აეროპორტში; Qatar Airways-ი 18 მიმართულებაზე ტევადობას ამცირებს; Lufthansa 2022 წლის მოგების სამიზნე მაჩვენებელს აორმაგებს აშშ-ის სავაჭრო დეპარტამენტმა Ural Airlines-ს ექსპორტი და რეექსპორტი აუკრძალა; კვირის ყველაზე მნიშვნელოვანი და საინტერესო სიახლეები საავიაციო სექტორიდან - თათია კაკიაშვილი მიმოხილვით #ავიაცია #ავიამიმოსვლა #საქმიანიდილა #ბიზნესმედია #საქმიანები
თიბისის წლევანდელ ბიზნეს დაჯილდოებაზე განაცხადების მიღება რეკორდული, 412 კომპანიის რეგისტრაციით დასრულდა. წლევანდელ ღონისძიებაზე ტრადიციულ ნომინაციებთან ერთად გამარჯვებული „გამორჩეული სამომხმარებლო გამოცდილების“ ნომინაციაშიც დასახელდება. ნაწილობრივ შეიცვალა გამარჯვებულების გამოვლენის წესიც წელს პირველად, გამარჯვებულების შეფასების პროცესში მომხმარებლებიც ჩაერთვებიან. სტუმრები: მაკა ბოჭორიშვილი - თიბისის გარემოს დაცვის, სოციალური და მმართველობის საკითხების კოორდინატორი; ანა ფაშალიშვილი - გაეროს ქალთა ორგანიზაციის პროექტების მენეჯერი. #ახალიამბები #BusinessMediaGeorgia
საქართველოს ბანკი საინტერესო და საჭირო ღონისძიებების მხარდაჭერას განაგრძობს. ამ მიზნით, ბანკთან პარტნიორობით და DeGameFi-ს ორგანიზებით, 22-23 ოქტომბერს, თბილისი შერატონ მეტეხ პალასში, პირველი საერთაშორისო web3 კონფერენცია ჩატარდა. DeGameFi ქართული კომპანიაა, რომელიც 2022 წლის მარტიდან ოპერირებს ქართულ და საერთაშორისო ბაზარზე. კომპანიის მიზანია, რეგიონში დეცენტრალიზებული სისტემის პოპულარიზაცია, ერთიანი საზოგადოების შექმნა და ზოგადად, web3 პროექტების მხარდაჭერა. #ახალიამბები #BusinessMediaGeorgia
საქართველოს ენერგეტიკის სექტორში ქალთა მაღალი ჩართულობის უზრუნველყოფას სხვადასხვა პროექტების მეშვეობით, რომლებიც მიმართული იქნება სკოლის მოსწავლე გოგოებში ენერგეტიკის დარგის შესახებ ცნობიერების ამაღლებაზე, პროფილური უმაღლესი სასწავლებლების სტუდენტების მხარდაჭერასა და ენერგეტიკის სექტორში დასაქმებულ ქალთა შორის მჭიდრო კავშირების დამყარებაზე. - ეს არის მიზანი GREDA-სი რომელიც აშშ-ის საელჩოს მხარდაჭერით ახალ ინიციატივას - „ქალები ენერგეტიკაში“ ახორციელებს და რომლის წარდგენაც გასული კვირის მიწურულს იყო. სტუმარი: ირინა პეტრიაშვილი - GREDA-ს აღმასრულებელი დირექტორის მოადგილე; #ახალიამბები #BusinessMediaGeorgia
საცობების გამო ელექტროსკუტერებზე მოთხოვნა გაიზარდა #ახალიამბები #BusinessMediaGeorgia
„ჯიპიაი ჰოლდინგმა“ სადაზღვევო ბაზარზე ავტო დაზღვევის განახლებული სერვისი დანერგა. მომსახურების ახალი სქემის მიხედვით, თუ მანქანა ჯიპიაიში გყავს დაზღვეული, ეს ნიშნავს რომ ავტოსაგზაო შემთხვევიდან მანქანის შეკეთებამდე პროცესს ჯიპიაის ასისტენტები დააკვირდებიან, უწყვეტ რეჟიმში მოგაწვდიან ინფორმაციას და მანქანას შენთვის მისაღებ ფასად, ხარისხიანად შეგიკეთებენ. სტუმარი: თამთა ყიფიანი - "ჯიპიაი ჰოლდინგის" საზოგადოებასთან ურთიერთობის მენეჯერი; #ახალიამბები #BusinessMediaGeorgia
USAID-ის ეკონომიკური უსაფრთხოების პროგრამამ ამერიკულ ტექნოლოგიური კომპანია Lineate-სა და საქართველოს წამყვან უნივერსიტეტებს უმასპინძლა. შეხვედრის მიზანი ტექნოლოგიური ეკოსისტემის შექმნა და ქართულ უნივერსიტეტებთან და სხვა დაინტერესებულ მხარეებთან თანამშრომლობაა. ორმხრივი თანამშრომლობის ფარგლებში, ამერიკულ კომპანია Lineate-ს საქართველოს, როგორც რეგიონული ტექნოლოგიური ჰაბის ჩამოყალიბება სურს, რომლის ფარგლებშიც კომპანია მაღალანაზღაურებადი დასაქმების ხელშეწყობას გეგმავს. თავის მხრივ, USAID-ის ეკონომიკური უსაფრთხოების პროგრამა აქტიურად თანამშრომლობს ადგილობრივ უნივერსიტეტებთან, რათა ხელი შეუწყოს სტუდენტების კვალიფიციურ მომზადებას ისეთ აკრედიტებულ პროგრამებზე, რომლებიც ელექტრონული კომერციის, საკომუნიკაციო ტექნოლოგიებისა და ინოვაციების ინდუსტრიასთანაა კავშირში. #ახალიამბები #BusinessMediaGeorgia
ყველაზე მოთხოვნადი მედიკამენტების ფასები #ახალიამბები #BusinessMediaGeorgia
ქალაქების რეიტინგი იპოთეკური სესხის მიხედვით #ახალიამბები #BusinessMediaGeorgia
სულ უფრო ცოტა დრო რჩება ევროკავშირის და მსოფლიო ბანკი ბუღალტრული აღრიცხვის, ანგარიშგების და აუდიტის რეფორმების მხარდაჭერის ეროვნულ ფონდთან პარტნიორობით 2022 წლის კონკურსის საუკეთესო წლიური ანგარიშის და გამჭვირვალობის ჯილდოსთვის რეგისტრაციის დასრულებამდე. წლევანდელი BARTA ღიაა საზოგადოებრივი დაინტერესების მქონე ყველა პირისთვის, რომელთა შორის არიან A და B სალისტინგო კატეგორიებში შემავალი კომპანიები, ბანკები თუ სადაზღვევო კომპანიები. აღსანიშნავია, რომ ამ კონკურსის მიზანი ქართული კომპანიების ანგარიშგების და გამჭვირვალობის ხარისხის ამაღლებაა. გიორგი ისაკაძემ ჩაწერა, ბუღალტრული აღრიცხვის, აუდიტის და ანგარიშგების რეფორმების მხარდაჭერის ეროვნული ფონდის საბჭოს საკონსულტაციო ჯგუფის წევრთან და ბუღალტერთა და აუდიტორთა ევროპული ფედერაციის დირექტორთან ინტერვიუ, რომლის ორიგინალის ხილვის შესაძლებლობა ჩვენს მაყურებელს ბიემჯიტივიზე The Checkpoints-ის ეთერში უკვე ჰქონდა. პოლ თომფსონი - ბუღალტრული აღრიცხვის, აუდიტის და ანგარიშგების რეფორმების მხარდაჭერის ეროვნული ფონდის საბჭოს საკონსულტაციო ჯგუფის წევრი და მსს ბუღალტერთა და აუდიტორთა ევროპული ფედერაციის დირექტორი; #ახალიამბები #BusinessMediaGeorgia
#საქმიანიდილა - 24 ოქტომბერი - პროლოგი #ახალიამბები #BusinessMediaGeorgia
სამთო-სათხილამურო კურორტები 2023 წლის ზამთრის ტურისტული სეზონისთვის ემზადებიან. როგორც სასტუმროების წარმომადგენლები აცხადებენ, ფასები ახალ ტურისტულ სეზონზე 10-15%-ის ფარგლებში კიდევ გაიზრდება. რაც შეეხება ტურისტულ ნაკადებს და ჯავშნებს, მათი ინფორმაციით, ამ ეტაპზე აქტიურობა ისრაელიდან და ტაილანდიდან შეინიშნება, ზამთრის ჯავშნები კი უმეტესად ბალტიისპირეთის ქვეყნებზე მოდის. #ახალიამბები #BusinessMediaGeorgia
#Forbes 30/30-ის გამარჯვებულმა, ლუკა რამიშვილმა, #Google-ისგან შეთავაზება მიიღო #ახალიამბები #BusinessMediaGeorgia
ევროკავშირის, ავსტრიისა და შვედეთის მხარდაჭერით რაჭაში კომპოსტის წარმოება დაიწყო. “GEOFLOWER” საწარმო პირველია რეგიონში, რომელმაც აქცენტი უნარჩენო წარმოებაზე გააკეთა. წელს კომპანიამ კომპოსტის პირველი საცდელი პარტია აწარმოა. “GEOFLOWER”-ში აცხადებენ, რომ პროექტმა “#GRETA”-მ მათ სწორი სწორი მიმართულება მისცა და შესაბამისი აღჭურვილობითაც მოამარაგა. “GEOFLOWER” წარმოებული კომპოსტის გამოყენებას თავისივე ჩაის პლანტაციებში გეგმავს. უფრო მეტიც, მათი თქმით, მომავალ წლებში გეგმაშია კომპანიის ტერიტორიაზე წარმოებული კომპოსტის რეალიზაციაც. #ახალიამბები #BusinessMediaGeorgia
ჯანდაცვის სამინისტრო კლინიკების დაფინანსების სისტემას ცვლის. DRG-ის, იგივე მომსახურების დიაგნოზთან შეჭიდული ჯგუფების დაფინანსების ახალი მოდელი და მისი ამოქმედების ვადები ჯანდაცვის სამინისტრომ კლინიკებს შემაჯამებელ შეხვედრაზე დღეს წარუდგინა. მართალია ჯანდაცვის მინისტრმა ორი კვირის წინ თქვა, რომ კლინიკების დაფინანსების ახალ სისტემაზე გადასვლა კლინიკებისვე თხოვნით გადადო, თუმცა ფაქტია აზარაშვილის უწყება კვლავ პირვანდელ პოზიციაზე რჩება. დაახლოებით 2 კვირაში საყოველთაო ჯანდაცვის პროგრამის მონაწილე ყველა კლინიკა დაფინანსების ახალ სისტემაში ჩაერთვება. თუ აქამდე სახელმწიფო კლინიკას კონკრეტულ შემთხვევაზე წლების წინ დადგენილი ტარიფების მიხედვით უხდიდა ანაზღაურებას, 1 ნოემბრიდან პაციენტისთვის გაწეული მომსახურება დიაგნოზის მიხედვით ანაზღაურდება. DRG-ის არსი სწორედ იმაში მდგომარეობს, რომ დიაგნოზით მსგავსი სტაციონარული შემთხვევების ტიპების კლასიფიკაცია ჯგუფებად ხდება. როგორც ჯანდაცვის სამინისტროს მესვეურები განმარტავენ, დაფინანსების ასეთი მოდელის მიხედვით ჯამში 608 DRG ჯგუფი და 26 დიაგნოსტიკური კატეგორია შეირჩა. თითოეული დიაგნოზისთვის DRG-ის ფასი ორი კომპონენტისგან შედგება. ესაა საბაზისო ტარიფი და ღირებულებითი წონა. DRG-ის მოდელი, რომელსაც საქართველო ნერგავს, ძირითადად ლატვიის მოდელს ეყრდნობა. რატომ ლატვია, ამაზე სამინისტრო განმარტავს, რომ იქ ეს სისტემა 2014 წლიდან მუშაობს და ლატვიის ღირებულებითი წონები, რომელიც DRG-ის კოდის ფასის გამოთვლის ერთ-ერთ მნიშვნელოვანი კომპონენტია, ქართულ რეალობასთან ყველაზე ახლოს იყო. სტუმარი: ზურაბ ქიტოშვილი - "ჯეო ჰოსპიტალსის" გენერალური დირექტორი; #ახალიამბები #BusinessMediaGeorgia
ტურიზმი 2022 წელს თითქმის ყველგან ერთნაირად სწრაფად აღდგა, მათ შორის ევროპასა და მეზობელ თურქეთში. საქართველო ოდნავ ჩამორჩება გლობალური ტურიზმის აღდგენის დინამიკას, რადგან რუსეთ-უკრაინის ომმა შეასუსტა ტურისტების ჩამოსვლა, ძირითადად ევროკავშირის ქვეყნებიდან – ასეთია GALT&TAGGART;-ის კვლევის შეფასება, რომელიც 2022 წლის სექტემბრის მიმოხილვას ეყრდნობა. პროგნოზი ასეთია: ტურიზმის შემოსავლები სრულად აღდგება 2022 წელს პანდემიამდელ დონესთან შედარებით, ხოლო 2023 წელს იქნება 10%–იანი ზრდა. ეს იმის გათვალისწინებით, ცხადია, რომ რეგიონში მიმდინარე გეოპოლიტიკური კონფლიქტები სექტორის მთავარ გამოწვევად რჩება. სამომავლო ხედვა ასეთია: მაღალმხარჯველი ტურისტების მოსაზიდად საქართველოს ტურისტულმა სექტორმა ფოკუსირება უნდა მოახდინოს ისეთ ტურისტულ მიმართულებებზე, როგორიცაა ზამთრის, ღვინის, სამედიცინო და MICE ტურიზმი. სტუმარი: ვალერი ჩეხერია - "სლოუ ჯგუფის" პარტნიორი და ბიზნესის განვითარების დირექტორი; #ახალიამბები #BusinessMediaGeorgia
ტერაბანკი მცირე და საშუალო ბიზნესის მხარდაჭერას არ წყვეტს და გაცხადებული ხელშეწყობის სურვილი საქმეში რამდენიმე მიმართულებით SME-ი ბიზნესისათვის ინდივიდუალურ საჭიროებებზე მორგებულ საბანკო პროდუქტებისა და სერვისების შეთავაზებაში გამოიხატება. მათ შორის მცირე და საშუალო ბიზნესის მხარდაჭერის ერთ-ერთი მნიშვნელოვანი ნაწილი ტერაბანკისა და დაფინანსების სახელმწიფო პროგრამების პარტნიორობაა. ამ პარტნიორობის ფარგლებში, ბანკი სააგენტოსთან „აწარმოე საქართველოში“ და, ასევე, სოფლის განვითარების სააგენტოსთან თანამშრომლობს, რომელთა მიერ განხორციელებული სახელმწიფო პროგრამებიც ბიზნესებისთვის სესხის პროცენტის სუბსიდირებასა და გირაოს მხარდაჭერას გულისხმობს. რა უნდა გააკეთონ მომხმარებლებმა ამ პროდუქტებით სარგებლობისთვის? რა რესურსებზე წვდომის შესაძლებლობაა მათთვის სახელმწიფოსთან ერთად კერძო სექტორის მხარდაჭერისას? სტუმრები: კონსტანტინე მაქაცარია - "ტერაბანკის" მიკრო, მცირე და საშუალო ბიზნესის მართვის განყოფილების უფროსი; ირაკლი გაბრიაძე - "აწარმოე საქართველოში", დირექტორის მოადგილე საკონტაქტო; ილია თამარაშვილი - სოფლის განვითარების სააგენტოს დირექტორი. #ახალიამბები #BusinessMediaGeorgia
რას შეცვლის მომხმარებლებისთვის და ბიზნესისთვის მედიკამენტებზე რეფერენტული ფასის დაწესება? რეგულაციაზე ჯანდაცვის სამინისტრო მუშაობს და როგორც დაანონსებული სი უახლოეს მომავალში უნდა ამოქმედდეს. PSP-ს ადმინისტრაციული დირექტორი ფიქრობს, რომ კონსულტაციების და ყველა რისკის დაზღვევის გარეშე სიახლის დანერგვა შესაძლოა გარკვეულ რისკებს შეიცავდეს, მათ შორის, დეფიციტს მედიკამენტებზე, შავი ბაზრის გაჩენის საფრთხეს და ასე შემდეგ. BMGDRIVE-ის მგზავრი: მამუკა ბრეგვაძე - psp-ს ადმინისტრაციული დირექტორი; #ახალიამბები #BusinessMediaGeorgia
კომპანია "არემჯი" კორპორაციული სოციალური პასუხისმგებლობის ფარგლებში საქართველოს ტექნიკური უნივერსიტეტის და არამხოლოდ, სტუდენტებისათვის სხვა და სხვა შესაძლებლობების შეთავაზებას განაგრძობს პროფესიული განვითარების თუ საგანმანათლებლო პროექტების ფარგლებში. კომპანიისთვის დატვირთული გამოდგა გასული რამდენიმე კვირა, საქართველოს ტექნიკური უნივერსიტეტის 100 წლისთავისადმი მიძღვნილი საიუბილეო ღონისძიებების კუთხით. ყველა ამ ღონისძიებაში „არემჯი“ აქტიურად მონაწილეობდა, როგორც სამთო-გეოლოგიური მიმართულების აქტიური მხარდამჭერი. სტუმარი: გიორგი ჩხეიძე - "არემჯის" აღმასრულებელი დირექტორის მოადგილე HR საკითხებში; #ახალიამბები #BusinessMediaGeorgia
ტურიზმის ეროვნული ადმინისტრაციის ინფორმაციით სექტემბერში საერთაშორისო მოგზაურებიდან ქვეყანამ 375,615,194 დოლარის შემოსავალი მიიღო, რაც პანდემიამდელ 2019 წლის ანალოგიურ მაჩვენებელს +17.9%-ით აჭარბებს. წელს 9 თვეში, საერთაშორისო მოგზაურობიდან ქვეყანამ 2.5 მილიარდი დოლარის შემოსავალი მიიღო, ამ შემთხვევაში 2019 წელთან შედარებით აღდგენა 97.5%-იანია. თუ შემოსავლებში აღდგენა თითქმის 100%-ს უტოლდება რაოდენობრივად პანდემიამდელ მაჩვენებლებს ჯერ შედარებით ჩამოვრჩებით. მონაცემები შემოსავლებთან დაკავშირებით ტურიზმის ადმინისტრაციამ გუშინ განაახლა, კონკრეტულ რიცხვებთან ერთად როგორია ტურიზმის აღდგენის დინამიკა და რის ხარჯზე გვაქვს შედეგები? სტუმარი: ირინა კვახაძე - "თიბისი კაპიტალის" კვლევების სამსახურის უფროსი; #ახალიამბები #BusinessMediaGeorgia
“გმირობის ნაყოფი” ქსელურ ჰიპერმარკეტებში სტუმრები: ეკატერინე ხოდელი - ფერმერი; დავით გელუტაშვილი - ფერმერი ; მაკა ქვრივიშვილი - ფერმერი; ლერი სანებლიძე - ფერმერი; ჯოდნო ჯახველაძე - ფერმერი; იური კოპაძე - ფერმერი; #ახალიამბები #BusinessMediaGeorgia
გუშინ საღამოს, თბილისში, გლობალური შეთანხმების საქართველოს ქსელის ორგანიზებით, კორპორაციული პასუხისმგებლობის ჯილდოს, “ბიზნესი მდგრადი განვითარებისთვის” ცერემონია გაიმართა. ღონისძიებაზე გამარჯვებულები შვიდ ნომინაციაში გამოვლინდნენ. გამარჯვებულთა შორის იყო თიბისი ბანკიც, რომელიც მშვიდობის, სამართლიანობისა და ძლიერი ინსტიტუტების მიმართულებით დაჯილდოვდა. დაჯილდოებას დიპლომატიური კორპუსის წარმომადგენლები, ევროპის რეკონსტრუქციისა და განვითარების ბანკის რეგიონული დირექტორი კავკასიაში, კატარინა ბიორლინ ჰანსენი ესწრებოდნენ. კორპორაციული პასუხისმგებლობის ჯილდო გლობალური შეთანხმების საქართველოს ქსელის მიერ შვედეთის მთავრობის და USAID-ის სამოქალაქო ჩართულობის პროგრამის მხარდაჭერით იმართება . #ახალიამბები #BusinessMediaGeorgia
#საქმიანიდილა - 21 ოქტომბერი - პროლოგი #ახალიამბები #BusinessMediaGeorgia
როგორ აფასებენ დიპლომატები საქართველოს საინვესტიციო გარემოს? #ახალიამბები #BusinessMediaGeorgia
მდიდრული ავტომობილების მწარმოებელმა ბრიტანულმა კომპანია Rolls-Royce-მა თავისი პირველი ელექტრომობილი, სახელწოდებით Spectre-ი წარმოადგინა. აღსანიშნავია, რომ ოფიციალურ საჯარო წარდგენამდე, მას უკვე სამასზე მეტი მსურველი ჰყავდა ამერიკაში, – ამის შესახებ ამერიკული Forbes-ი წერს. როგორც ირკვევა, ზოგიერთმა მსურველმა ავტომობილი Rolls-Royce-ის სათავო ოფისში ნახა, მაგრამ არიან ისეთებიც, ვინც დეპოზიტი მანქანის უნახავად დატოვა. Rolls-Royce-ის უახლესი, ორკარიანი ელექტრომობილი აღნიშნულ სექტორში ყველაზე ძვირად ღირებული ავტომობილია – მისი საწყისი ფასი $413 ათასია, მაგრამ არ უნდა დაგვავიწყდეს, რომ აღნიშნული თანხა თითქმის ყველა შემთხვევაში იზრდება, რადგან Rolls-Royce-ის ყველა ავტომობილი მომხმარებლის გემოვნებას და მოთხოვნებს ერგება. #ახალიამბები #BusinessMediaGeorgia
საქართველოდან ელექტროენერგიის ექსპორტი რეკორდულად გაიზარდა. საქსტატის წინასწარი მონაცემებით, 2022 წლის იანვარ-სექტემბერში ქვეყანამ 84,338 მლნ დოლარის ღირებულების ელექტროენერგია გაყიდა, რაც წინა წლის ანალოგიურ პერიოდთან შედარებით 467.9%-ით მეტია. შარშან, საანგარიშო პერიოდში დენის ექსპორტიდან შემოსავალმა 14,851 მლნ დოლარი შეადგინა. შესაბამისად, წელს, უკვე მესამე თვეა ელექტროენერგია ადგილობრივი პროდუქციის ექსპორტის ათეულში ხვდება. იანვარ-სექტემბერში მთლიან ადგილობრივ ექსპორტში დენის წილი 3%-ს შეადგენდა. რაც შეეხება საექსპორტო ქვეყნებს, 2022 წლის 9 თვეში საქართველომ ყველაზე დიდი მოცულობით ელექტროენერგია თურქეთში გაყიდა - 79,553 მლნ დოლარის ღირებულების, მეორე ადგილზეა სომხეთი - 4,215 მლნ დოლარი, მესამეზე კი აზერბაიჯანი - 569.7 ათასი დოლარი. რაც შეეხება რუსეთს, იქ წელს 0,97 ათასი დოლარის ღირებულების დენი გავყიდეთ. ამასთან, საქსტატის ცნობით, წელს საქართველომ მხოლოდ 34,745 მლნ დოლარის ღირებულების ელექტროენერგია იყიდა და ისიც ძირითადად, ზამთრის და გაზაფხულის პერიოდში. რას უკავშირდება იმპორტის ზრდა და რა რესურსი აქვს ქვეყანას? სტუმარი: მარიამ ჩახვაშვილი - Galt&Taggart;-ის უფროსი ანალიტიკოსი; #ახალიამბები #BusinessMediaGeorgia
დღეს სასტუმროში - „პულმან თბილისი აქსის თაუერსი“, გლობალური შეთანხმების საქართველოს ქსელის ორგანიზებით, კორპორაციული პასუხისმგებლობის ჯილდო 2022-ის „ბიზნესი მდგრადი განვითარებისთვის“ ცერემონია გაიმართება. ღონისძიებას ამერიკის შეერთებული შტატების ელჩი საქართველოში კელი დეგნანი და შვედეთის სამეფოს ელჩი, ულრიკ ტიდესტრომი გახსნიან. ღონისძიებას კონკურსში მონაწილე კომპანიების, დიპლომატიური კორპუსის, საერთაშორისო ორგანიზაციების, სხვადასხვა უწყებისა და მედიის წარმომადგენლები დაესწრებიან. კორპორაციული პასუხისმგებლობის ჯილდო საქართველოში მოქმედ კომპანიებს უკვე მეხუთედ გადაეცემათ. უკვე მესამედ იმართება მედიის წარმომადგენლების დაჯილდოება - მედია პასუხისმგებლობიანი ბიზნესისთვის საქართველოში. მიმდინარე წელს გამართული კონკურსის შედეგად გამარჯვებულები ორ ნომინაციაში გამოვლინდებიან - კორპორაციული პასუხისმგებლობის თემაზე შექმნილი საუკეთესო სატელევიზიო/რადიო სიუჟეტი და ციფრული/ბეჭდური სტატია. კორპორაციული პასუხისმგებლობის ჯილდო იმართება გლობალური შეთანხმების საქართველოს ქსელის მიერ შვედეთის მთავრობის და USAID-ის სამოქალაქო ჩართულობის პროგრამის მხარდაჭერით. სტუმარი: სალომე ზურაბიშვილი - გლობალური შეთანხმების საქართველოს ქსელის ხელმძღვანელი; #ახალიამბები #BusinessMediaGeorgia
ქსელურ მარკეტებამდე უვნებელი, უსაფრთხო და შემოწმებული პროდუქციის მიწოდების მიზნით, რითეილ ასოციაციასა და USAID-ის სოფლის მეურნეობის პროგრამას შორის თანამშრომლობა გრძელდება. მიზნის მისაღწევად ასოციაცია ერთვება ინფორმაციის გავრცელებაში და ცნობიერების ამაღლებაში მიწოდების ჯაჭვის ყველა რგოლთან ურთიერთ თანამშრომლობის გზით, იქნება ეს ფერმერი, კერძო ბიზნესი თუ საჯარო უწყება. USAID-ის სოფლის მეურნეობის პროგრამის ერთ-ერთი პრიორიტეტი სწორედ აგრო საწარმოებში სურსათის უვნებლობის სისტემის დანერგვის ხელშეწყობაა. პროგრამა დახმარებას უწევს მიწოდების ჯაჭვის ყველა რგოლს, როგორც მწარმოებლებს, ისე იმ ცენტრებს რომლებიც პროდუქციის მოსავლის აღების შემდგომ დამუშავებას და შენახვას უზრუნველყოფენ, ასევე გადამამუშავებელ საწარმოებს, იმისათვის რომ მათ დანერგონ სურსათის უვნებლობის მართვის სისტემა, რაც დადებითად აისახება პროდუქციის ხარისხზე და უზრუნველყოფს უვნებელი პროდუქტის მიწოდებას საბოლოო მომხმარებლისთვის. სტუმრები: მირანდა მანჯგალაძე - „რითეილ ასოციაციის“ გამგეობის თავმჯდომარე; მაკა თევდორაძე - USAID-ის სოფლის მეურნეობის პროგრამის ბიზნესსერვისების კომპონენტის ხელმძღვანელი; #ახალიამბები #BusinessMediaGeorgia
სახელმწიფო კანცელარიაში გუშინ საინვესტიციო საბჭო შეიკრიბა, რაც წელს მეორედ მოხდა და ტრადიციულად ამ შეკრებას მთავრობის წევრებთან ერთად ბიზნესასოციაციებისა და საერთაშორისო საფინანსო ინსტიტუტების წარმომადგენლები ესწრებოდნენ. 7-პუნქტიანი დღის წესრიგიდან ერთ-ერთის ინიციატორი და მომხსენებელი საქართველოს ბიზნეს ასოციაციის აღმასრულებელი დირექტორი ლევან ვეფხვაძე იყო. სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; #ახალიამბები #BusinessMediaGeorgia
ორთაჭალა ჰილსის ამბებით უნდა გავაგრძელოთ საქმიანი დილას ეთერი. პროექტი, რომელიც სამშენებლო დეველოპერული კომპანიების „თი ისთეითის“ და „მარდიელის“ ერთობლივი პროექტია , რომელიც 15 და 8 სართულიან 4 საცხოვრებელ ბლოკთან ერთად, კომერციულ სივრცეებს, სპორტულ და გასართობ ინფრასტრუქტურას აერთიანებს. პროექტი რომელიც სრულად 2026 წლისთვის უნდა დასრულდეს ერთ სივრცეში 3000 კვ.მ ფართობზე გაშენებული რეკრეაციული ზონას, სასეირნო ბილიკებს, მოსასვენებელ სივრცეებს, საბავშვო სკვერებს, ეზოს, ველობილიკები, სუპერმარკეტი, აფთიაქი, ბანკი, გასტროსივრცე, ავტომობილების სამრეცხაო და სილამაზის ცენტრი. სტუმარი: თამარ კანთელაძე - სამშენებლო დეველოპერული კომპანია "თი ისთეითის" გაყიდვების სამსახურის ხელმძღვანელი; #ახალიამბები #BusinessMediaGeorgia
#საქმიანები: "არ იწუწუნო, უბრალოდ დაიწყე" - ჩირიფრუტის ისტორია მარიამ ჯიქია - "ჩირიფრუტის" დამფუძნებელი; მაია ჯიქია - "ჩირიფრუტის" დამფუძნებელი; სოფო ჯიქია - ჩირიფრუტის დამფუძნებელი; ავტორები: მანანა მანჯგალაძე; ედგარ ყაზახაშვილი; ლადო ცხადაია #ახალიამბები #BusinessMediaGeorgia
საქართველოში ლიდერობის განვითარების ინსტიტუტი დაფუძნდა. სპეციალურად ამ ღონისძიებისთვის, LPI-ის აღმასრულებელი ვიცე პრეზიდენტი, ანდერს იბსენი საქართველოს ეწვია და ლიდერობის განვითარებაზე მასტერკლასი გამართა. იბსენმა აუდიტორიას LPI-ის უახლესი კვლევები და პრაქტიკული გამოცდილება გაუზიარა. სტუმრები: საშა კაცმანი - ლიდერობის განვითარების ინსტიტუტის LDI თანადამფუძნებელი; ანდერს იბსენი - Leadership pipeline Institute-ის ვიცე პრეზიდენტი; #ახალიამბები #BusinessMediaGeorgia
#საქმიანიდილა - 20 ოქტომბერი - პროლოგი როდის გვექნება კიბოს საწინააღმდეგო ვაქცინა? Google-ის და Coinbase-ის თანამშრომლობა; Amazon-ი სატელიტებს დედამიწის ორბიტაზე გაუშვებს; რა დარგებში უნდა ითანამშრომლოს საქართველომ იაპონიასთან? “შქმერულის” პოპულარობა იაპონიაში; ქართული ექსპორტის პერსპექტივა იაპონიაში; ინდოელი მილიარდერების რეიტინგი; ამერიკელი მილიარდერის სამშვიდობო გეგმა; ბერლუსკონი პუტინთან ურთიერთობაზე; რუსული მედია საქართველოში ფულად გადარიცხვებზე. #ახალიამბები #BusinessMediaGeorgia
იმპოსტი მეპ", სწრაფად მზარდი კომპანიაა, რომელიც მომხმარებელს საინჟინრო სისტემების პროექტირებასა და მოწყობას მაღალი ხარისხის პროდუქციით, მაღალტექნოლოგიური მიდგომებითა და თანამედროვე სტანდარტების დაცვით სთავაზობს. რამდენიმე თვის წინ „ჯორჯიან თაიმსის“ XXII ბიზნეს რეიტინგის დაჯილდოებაში მონაწილე საუკეთესო კომპანიებს შორის ნომინაციაში „საერთაშორისო სტანდარტების ინიციატორი, სახანძრო უსაფრთხოების სისტემების მოწყობის საიმედო და სტაბილური პარტნიორი” - საინჟინრო კომპანია იმპოსტი მეპ (IMEP) დასახელდა. რა მიმართულებებით მუშაობს კომპანია და როგორია მათი ხედვა? #ახალიამბები #BusinessMediaGeorgia
მადრიდის რეალის ფორვარდი, კარიმ ბენზემა ოქროს ბურთის მფლობელი გახდა, და ეს მოხდა ჟურნალი ფრანს ფუტბოლის ვერსიით, რაც ნიშნავს მსოფლიოს საუკეთესო ფეხბურთელის სტატუსს. ბენზემა გასულ სეზონში შეუდარებელი იყო მადრიდის სამეფო კლუბში და ესპანეთის ჩემპიონატი იყო თუ ჩემპიონთა ლიგა, ერთგან 27 და ლიგაზე, 15 გოლი შეაგდო. #ახალიამბები #BusinessMediaGeorgia
რა უჯდებათ ამერიკელებს ჰელოუინი? #ახალიამბები #BusinessMediaGeorgia
2023 წლიდან სოფლის მოსახლეობა შეშას ტყეში ვეღარ მოჭრის და საშეშე მასალის ყიდვა ე.წ საქმიან ეზოებში მოუწევს. აღნიშნულს ტყითსარგებლობის წესი ითვალისწინებს, რომელიც მთავრობამ გასულ წელს მიიღო. წარმოდგენილი ცვლილებებით საშეშე და სამასალე მერქნის დამზადებას მხოლოდ ტყის მართვის ორგანოები შეძლებენ, შესაბამისი წესით დაახარისხებენ და განათავსებენ დასაწყობების ადგილებზე ე.წ საქმიან ეზოებში, რომელიც საქართველოს ყველა მუნიციპალიტეტში იფუნქციონირებს. აღნიშნული წესი შესაბამისობაშია 2020 წლის მაისში საქართველოს პარლამენტის მიერ დამტკიცებულ ახალი ტყის კოდექსის პრინციპებთან, რომელმაც ტყის მართვასთან დაკავშირებით არაერთი სიახლე შემოგვთავაზა. მათ შორის საინვესტიციო წინადადების შემთხვევაში რა მიზნით შეიძლება ტყეს სტატუსი შეუწყდეს. სტუმარი: დავით დამენია - "ეროვნული სატყეო სააგენტოს იურიდიული სამსახურის უფროსი; #ახალიამბები #BusinessMediaGeorgia
თბილისში "არბიტრაჟის დღეების" რიგით მეცხრე, ყოველწლიური კონფერენცია ჩატარდა. დარგის მთავარი პროფესიული ღონისძიების ორგანიზატორი ტრადიციულად საქართველოს საერთაშორისო საარბიტრაჟო ცენტრი, ხოლო მისი ფინანსური მხარდამჭერი და პარტნიორი USAID სამართლის უზენაესობის პროგრამა იყო. ორდღიანი კონფერენციის ფარგლებში, სფეროს წამყვანი პრაქტიკოსები და ექსპერტები საერთაშორისო არბიტრაჟის ახალ განვითარებებზე, საარბიტრაჟო ინსტიტუტებს შორის თანამშრომლობაზე და კონკურენციაზე, მრავალსაფეხურიან საარბიტრაჟო დათქმებზე, უზრუნველყოფის ღონისძიებებზე იმსჯელეს. ღონისძიებას 150-მდე ადგილობრივი და საერთაშორისო არბიტრი, მოსამართლე, იურისტი და აკადემიური სფეროს წარმომადგენელი დაესწრო. როგორ ჩაიარა კონფერენციამ, სად არის საქართველო არბიტრაჟის განვითარების მხრივ და რა აბრკოლებს დავების ამ გზით გადაწყვეტის ეფექტიანობას? სტუმრები: გიორგი ჩხეიძე - USAID-ის სამართლის უზენაესობის პროგრამის ხელმძღვანელი; ბექა ინჯია - საქართველოს საერთაშორისო საარბიტრაჟო ცენტრის გენერალური მდივანი; #ახალიამბები #BusinessMediaGeorgia
ტურიზმის შესახებ საკანონმდებლო ცვლილებებმა, რომელზეც წლების წინ დაიწყო მუშაობა, საბოლოო სახე მიიღო და ის პარლამენტს საშემოდგომო სესიაზე წარედგინება. ამის შესახებ ბიზნეს მედიას დარგობრივი ეკონომიკური პოლიტიკის კომიტეტის თავმჯდომარე დავით სონღულაშვილმა განუცხადა. ეკონომიკის სამინისტროს შემდეგ სწორედ დარგობრივი ეკონომიკის კომიტეტი ასრულებს მთავარ როლს კანონპროექტის მომზადების პროცესში. სონღულაშვილი ამბობს, რომ პროექტი კერძო სექტორის აქტიური ჩართულობით მომზადდა, თუმცა ფართო საზოგადოება ჯერ დოკუმენტის სახით წარმოდგენილ საკანონმდებლო ცვლილებებს არ იცნობს. რას შეცვლის ტურიზმის სექტორის მარეგულირებელი დოკუმენტი და გათვალისწინებულია თუ არა მასში ბიზნესის შენიშვნები? სტუმარი: ნატალია ბახტაძე - ეკოტურიზმის ასოციაციის თანამაფუძნებელი; #ახალიამბები #BusinessMediaGeorgia
თითქმის ორწლიანი პაუზის შემდეგ პარლამენტში „სატელეკომუნიკაციო ინფრასტრუქტურისა და სატელეკომუნიკაციო მიზნებისთვის გამოყენებადი ინფრასტრუქტურის გაზიარების შესახებ“ კანონპროექტის განხილვები დაიწყო. ცვლილებები, რომლის მიღებას ქვეყანას ევროკავშირთან ასოცირების შეთანხმება ავალდებულებს, ეკონომიკის სამინისტრომ 2020 წელს მოამზადა. კანონპროექტის მიღების შემდეგ ტელეკომოპერატორებს საშუალება ექნებათ ფართოზოლოვანი ქსელის განსავითარებლად უკვე არსებული იმ ინფრასტრუქტურით ისარგებლონ, რომელსაც სხვა სფეროში მოქმედი კომპანიები ფლობენ, თუმცა სატელეკომუნიკაციო მიზნებისთვის გამოიყენება. ასეთი შეიძლება იყოს როგორც გაზის, ისე ელექტროენერგიის, წყლის, ტრანსპორტისა და სხვა სექტორებში მოქმედი კომპანიების პასიური ინფრასტრუქტურა. წარმოდგენილი დოკუმენტის კანონად ქცევის შემდეგ ტელეკომოპერატორები ახლადაშენებულ მრავალბინიან და მრავალფუნქციური შენობების შიდა ინფრასტრუქტურაზე დაშვების უფლებასაც მიიღებენ. საზოგადოებრივი დანიშნულების სამშენებლო სამუშაოებში ჩართვის შემთხვევაში ტელეკომოპერატორებს თავად მოუწევთ დაფარონ ქსელის განვითარების ხარჯები, თუმცა აღნიშნული დაკავშირებულია მათ ბიზნეს საქმიანობასთან, რის შესახებაც გადაწყვეტილების მიღება მათსავე დისკრეციას წარმოადგენს. მიუხედავად იმისა, რომ სამინისტროს კერძო სექტორმა საკუთარი შენიშვნები ჯერ კიდევ 2 წლის წინ გაუზიარა, დარგობრივ კომიტეტზე სატელეკომუნიკაციო სფეროში მოქმედი კომპანიები აღნიშნავდნენ, რომ წარმოდგენილ დოკუმენტში მათი შენიშვნების დიდი ნაწილი გათვალისწინებული არ არის. ერთ-ერთი შენიშვნა, რაც საკომიტეტო მოსმენაზე გაჟღერდა, ეხება იმას, თუ რატომ არ ვრცელდება დაშვების უფლება სახელმწიფო ქონებაზე. სტუმარი: უჩა სეთური - “მცირე და საშუალო ტელეკომ ოპერატორების ასოციაციის” აღმასრულებელი დირექტორი; #ახალიამბები #BusinessMediaGeorgia
“ინფრასტრუქტურის მშენებელთა ასოციაციამ” წევრი კომპანიებისთვის ტრადიციული შეხვედრა გამართა. ღონისძიების ფარგლებში, ასოციაციის ახალი წევრი კომპანიების პრეზენტაციაც გაიმართა. საუბარი შეეხო დარგში არსებულ გამოწვევებსა და სამომავლო გეგმებსაც. სტუმრები: ანა საბახტარაშვილი - "ინფრასტრუქტურის მშენებელთა ასოციაციის" აღმასრულებელი დირექტორი; ზვიად თოიძე - "ინფრასტრუქტურის მშენებელთა ასოციაციის" გამგეობის თავმჯდომარე, "ინსის" გენერალური დირექტორი; #ახალიამბები #BusinessMediaGeorgia
საქართველოს ციხე-სიმაგრეებმა, კოშკებმა და გალავნებმა შესაძლოა, ახალი სიცოცხლე შეიძინონ. პარლამენტის თემატური მოკვლევის ჯგუფი საქართველოს საფორტიფიკაციო მემკვიდრეობის ბიზნესისთვის იჯარით გადაცემის ინიციატივით გამოდის. „საქართველოს ციხე-სიმაგრეები - ახალი შინაარსის მოლოდინში“ - ამ სახელწოდებით პარლამენტში პროექტის პრეზენტაციაც გაიმართა, სადაც თემატური მოკვლევის ჯგუფმა საზოგადოებას კულტურული მემკვიდრეობის მდგომარეობა და სამომავლო პერსპექტივები გააცნო. რა ახალი შინაარსითა და ფუნქციით დაიტვირთება საქართველოს კულტურულ-ისტორიული ძეგლები და რა ვალდებულებები დაეკისრება ბიზნესს? სტუმარი: ალექსანდრე ელისაშვილი - პარლამენტარი #ახალიამბები #BusinessMediaGeorgia
“თიბისი სტარტაპერის” პარტნიორი - “ბლოდროფი” სტუმარი: ირაკლი ვერულაშვილი - „ბლუდროფის“ დამფუძნებელი #ახალიამბები #BusinessMediaGeorgia
ეროვნული ბანკი მომხმარებელს აფრთხილებს, რომ ბოლო პერიოდში გახშირდა შემთხვევები, როდესაც მომხმარებლებს სხვადასხვა ვებგვერდზე მათი პირადი ინფორმაციის შევსების სანაცვლოდ, გარკვეული ფულადი თუ სხვა პრიზების მოგების დაპირებით, გათამაშებაში მონაწილეობის მიღებას სთავაზობენ.ამასთან, რამდენიმე შემთხვევაში, გათამაშების შესახებ ინფორმაცია საქართველოს ეროვნული ბანკის სახელითაც გავრცელდა. მათ შორის, მომხმარებლებს ამ შეთავაზებების სხვა პირებთან გავრცელებისკენ უბიძგებდნენ. ხაზგასმით აღვნიშნავთ, რომ ეროვნული ბანკი არანაირი მსგავსი სახის ონლაინ გათამაშების ორგანიზებას არ ახდენს. საქართველოს ეროვნული ბანკი კიდევ ერთხელ მოუწოდებს მოქალაქეებს, განსაკუთრებული ყურადღება და სიფრთხილე გამოიჩინონ ინტერნეტ სივრცეში ფინანსური თუ პირადი მონაცემების მითითებისას, პირველ ყოვლისა, გადაამოწმონ და კარგად დააკვირდნენ ვებგვერდის მისამართს, სადაც შეჰყავთ ინფორმაცია, მოიძიონ აღნიშნული კომპანიის სანდოობისა და საქმიანობის შესახებ მონაცემები, ხოლო თუ კომპანია, ერთი შეხედვით, სანდო და ნაცნობია, გადაამოწმონ შეთავაზების ნამდვილობა. საქართველოს ეროვნულმა ბანკმა, მსოფლიო ბანკის ექსპერტთა ჩართულობით, ფინანსური ორგანიზაციებისთვის გამჭვირვალობისა და გამჟღავნების ახალი მოთხოვნები შეიმუშავა, რომელთა მთავარი მიზანი კომბინირებულად გაყიდვადი საფინანსო პროდუქტების ფასების გამჭვირვალობა, მომხმარებელთა მიერ მაქსიმალურად ინფორმირებული გადაწყვეტილების მიღება და ბაზარზე კონკურენციის წახალისებაა. ცვლილების მიხედვით, მომხმარებლებისთვის საფინანსო პროდუქტების კომბინირებულად შეთავაზებისას, ფინანსურმა ორგანიზაციებმა უნდა უზრუნველყონ შეთავაზებაში შემავალი თითოეული საფინანსო პროდუქტის ფასის გამჭვირვალედ მითითება და მომხმარებლებისთვის სათანადო გამჟღავნება. კერძოდ, ფინანსურმა ორგანიზაციამ უნდა მიუთითოს და მომხმარებელს მიაწოდოს ინფორმაცია როგორც კომბინირებული შეთავაზების ფარგლებში საფინანსო პროდუქტისთვის მინიჭებული, ისე საფინანსო პროდუქტის როგორც დამოუკიდებელ პროდუქტად სარეალიზაციო ფასების შესახებ. აღნიშნული ცვლილებით, მომხმარებლებს შესაძლებლობა ექნებათ მოახდინონ ერთი ან რამდენიმე ფინანსური ორგან #ახალიამბები #BusinessMediaGeorgia