რეგიონის ქვეყნებთან თანამშრომლობა და სტრატეგიული პარტნიორობა საქართველოს, როგორც სატრანზიტო ჰაბის, პოზიციების გასაძლიერებლად განსაკუთრებულ მნიშვნელობას იძენს. თიბისის ფინანსური პარტნიორობით ზეტ ტრანს გრუპმა 100 ახალი ვაგონი შეიძინა, რომელიც აზერბაიჯანული ტვირთის ბათუმის პორტის ტერმინალში ტრანსპორტირებას უზრუნველყოფს. ინვესტიციის ჯამური მოცულობა 7 მილიონი დოლარია, რომელიც სრულად თიბისიმ დააფინანსა. სავაგონე ინფრასტრუქტურის განახლება კომპანიის მხრიდან გაზრდილ ტვირთბრუნვაზე პასუხია, რაც ზეტ ტრანსს შესაძლებლობას მისცემს პარტნიორებს განახლებული სიმძლავრეებით მოემსახუროს. ბიემჯის შესაძლებლობა ჰქონდა ბათუმის პორტის ტერმინალში აზერბაიჯანიდან შემოსული ტვირთის გადმოტვირთვის პროცესს დასწრებოდა და პროექტის მთავარი გმირებისგან მოესმინა რას ცვლის აღნიშნული პროექტი ბაზარზე? სტუმრები: დავით კონცელიძე - თიბისი, ვიცე პრეზიდენტი, კორპორატიული საბანკო ბიზნესის მართვა; ალექსი ნიკოლაიშვილი - Zet Trans, დამფუძნებელი ინტერვიუერი: ელენე გოგბერაშვილი - BMG, ჟურნალისტი; #ახალიამბები #BusinessMediaGeorgia
საქართველო და სომხეთი უპრეცედენტო საგანმანათლებლო ინიციატივის გარშემო გაერთიანდნენ. ევროკავშირის Erasmus+-ის მხარდაჭერით, საფუძველი ეყრება მშვიდობის განათლების ახალ, საერთაშორისო სტანდარტს. საქმიანი დილას ეთერში გიყვებით პროექტზე PROVE, რომელიც პასუხობს უმთავრეს გამოწვევას: როგორ ვასწავლოთ მომავალ თაობებს კრიტიკული აზროვნება, დილემების გადაჭრა და მშვიდობიანი თანაცხოვრება? საუბარია უნიკალურ მოდელზე, რომელიც მომავალ მასწავლებლებს ეხმარება რეალური სოციალური და მორალური დილემების განხილვით განავითარონ ტოლერანტობა და ემპათია. საქართველოსა და სომხეთის 5 წამყვან უნივერსიტეტში პირველმა კურსებმა პილოტირების ფაზა უკვე წარმატებით გაიარეს, ხოლო უკვე ამ შემოდგომიდან, 2026 წლის სასწავლო სემესტრიდან, პროექტი ყველაზე მასშტაბურ ფაზაში შედის. რა გავლენას მოახდენს ეს რეფორმა ჩვენს სკოლებსა და მომავალ თაობებზე? სტუმარი: თამარ მოსიაშვილი - განათლების სპეციალისტი, მკვლევარი, ილიაუნის ლექტორი #ახალიამბები #BusinessMediaGeorgia
გუშინ, 12 ივლისს რუსთავის საერთაშორისო ავტოდრომზე საქართველოს საავტომობილო სპორტის ფედერაციის (GASF) ორგანიზებით წრიული რბოლის ჩემპიონატის III ეტაპი გაიმართა, რომლის მხარდამჭერიც „თეგეტა მოტორსი“ იყო. ბიემჯი ავტო არც ამ ღონისძიებას გამოჰკლებია, მითუმეტეს სანახაობასთან ერთად რომელიც რუსთავის საერთაშორისო ავტოდრომზე მოეწყო ავტომოყვარულებისათვის ფაქტობრივად შოურუმი იყო მოწყობილი „თეგეტა მოტორსის“ პარტნიორი საერთაშორისო ბრენდების - Bridgestone, Michelin, Petronas, Shell, Motul, Varta, ATE და Champion-ის. #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
10–12 ივლისს ბათუმმა რიგით მე-19 შავი ზღვის ჯაზფესტივალს უმასპინძლა. წლევანდელი ფესტივალი ჯაზის ლეგენდის, მაილს დევისის დაბადებიდან 100 წლის იუბილეს მიეძღვნა და პროგრამის მთავარი ხაზიც სწორედ მის მუსიკალურ მემკვიდრეობას დაეთმო. სამი დღის განმავლობაში ბათუმის სცენაზე მსოფლიო დონის მუსიკოსები წარდგნენ. ფესტივალი Miles Electric Band-ის სპეციალური საიუბილეო პროექტით გაიხსნა, 11 ივლისს მსმენელის წინაშე ამერიკელი R&B-ის ვარსკვლავი ერიკ ბენე წარდგა, ხოლო დასკვნით საღამოს ფესტივალი ფანკ-ჯაზ ბენდმა Ghost-Note-მა დაასრულა. ფესტივალის ფარგლებში კლუბ „Take Five“-ში ყოველ საღამოს აფთერ-ფართებს 11 გრემის ჯილდოს მფლობელი ფილიპ ლასიტერი უძღვებოდა. შავი ზღვის ჯაზფესტივალის ოფიციალური გამაგრილებელი სასმელი „კოკა-კოლა“ იყო, რომელიც ღონისძიების პარტნიორის სტატუსით იყო წარმოდგენილი. #ახალიამბები #BusinessMediaGeorgia
ბათუმში ახალი მულტიფუნქციური საცხოვრებელი პროექტის Opus Signature-ის წინასწარი გაყიდვები ოფიციალურად დაიწყო. პროექტი პრემიუმ კლასის საცხოვრებელ გარემოს მრავალფეროვან კომერციულ, ბიზნეს და რეკრეაციულ ინფრასტრუქტურასთან აერთიანებს და დეველოპერის შეფასებით, ქალაქისთვის ახალი ურბანული კონცეფციის შექმნას ისახავს მიზნად. რა შესაძლებლობებს სთავაზობს Opus Signature მომავალ მაცხოვრებლებსა და ინვესტორებს, როგორია პროექტის კონცეფცია და რა გამოხმაურება აქვს წინასწარი გაყიდვების პირველ დღეებს? #ახალიამბები #BusinessMediaGeorgia
გლობალური ბირჟების მიმოხილვა 13/7/2026 #ახალიამბები #BusinessMediaGeorgia
ვის ხელშია დღეს პლანეტის მთავარი ფინანსური რესურსი და სად მიედინება ყველაზე დიდი კაპიტალი? UBS-მა გლობალური სიმდიდრის 2026 წლის ახალი ანგარიში გამოაქვეყნა, რომელიც ფულის მოძრაობის განახლებულ გეოგრაფიას გვიჩვენებს. სანამ მსოფლიო ეკონომიკა სხვადასხვა სტრუქტურულ გამოწვევას უმკლავდება, მდიდართა კლუბი სარეკორდო სისწრაფით ფართოვდება და პლანეტაზე ახალ ფინანსურ ეპიცენტრებს აჩენს. რომელ ქვეყნებში იქმნება დღეს ყველაზე მარტივად კერძო ქონება, როგორ იყოფენ გავლენებს სუპერსახელმწიფოები და სად ცხოვრობს რეალურად მსოფლიოს ფული? #ახალიამბები #BusinessMediaGeorgia
საუდის არაბეთი რომელიც ერთის მხრივ ეპიცენტრშია ომისა შეერთებულ შტატებს ისრაელს და ირანს შორის, და მეორეს მხრივ იცლის სრულიად ფანტასტიური პროექტებისთვის: საუდის არაბეთი წითელი ზღვის სანაპიროზე ერთ-ერთ ყველაზე მასშტაბურ ტურისტულ პროექტს ავითარებს, რომელიც მდიდრული დასვენების, გარემოს დაცვისა და ეკონომიკური დივერსიფიკაციის იდეებს აერთიანებს. როგორ უნდა იქცეს The Red Sea ახალი თაობის გლობალურ საკურორტო მიმართულებად და რა განასხვავებს მას მსოფლიოში უკვე ცნობილ პრემიუმ კურორტებისგან? #ახალიამბები #BusinessMediaGeorgia
#საქმიანიდილა - 13 ივლისი - პროლოგი #ახალიამბები #BusinessMediaGeorgia
ანაკლიის პორტს ჩვენ - გადასახადების გადამხდელები ავაშენებთ. ეს გადაწყვეტილება მიიღო საქართველოს მთავრობამ და კერძო-საჯარო პარტნიორობის მოდელი უკვე მესამედ შეცვალა. ლენდლორდის მოდელი - სადაც 100%-ის მფლობელი სახელმწიფოა, ხოლო ინვესტორები პროექტში გრძელვადიანი იჯარით შემოდიან. ეკონომიკის მინისტრმა გვითხრა, რომ ყველაზე ეროვნულ მოდელზე შეჯერების გადაწყვეტილება ჩინურ კომპანიასთან ერთად მიიღო. რა ბედი ელის ანაკლიას? სტუმარი: გია ხუხაშვილი - ანალიტიკოსი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
BMG & MG Motor Georgia წარმოგიდგენთ #BMGDRIVE-ს: ამერიკული ფეხბურთის ქართული ისტორია და მომავალი I American Football Federation of Georgia #BMGDrive-ის მგზავრი: დავით ფალავანდიშვილი - ამერიკული ფეხბურთის ფედერაციის პრეზიდენტი ავტორები: ბექა ბაციკაძე, გიორგი მაისურაძე, ზვიად ბარათელი #ახალიამბები #BusinessMediaGeorgia
AIBLE - არის ინოვაციური AI პლატფორმა, რომელიც ორგანიზაციებს თანამშრომლების პრაქტიკული უნარების განვითარებაში ეხმარება. როგორც მისი შემქმნელები განმარტავენ, ტრადიციული ონლაინ სწავლებისგან განსხვავებით, AIBLE მონაწილეებს მხოლოდ თეორიულ ცოდნას არ აწვდის და ქმნის რეალისტურ სამუშაო გარემოს, სადაც მათ ხელოვნურ ინტელექტთან ინტერაქციით ვარჯიში შეუძლიათ. უფრო დეტალურად რას წარმოადგენს პლატფორმა? სტუმარი: მარიამ დულსკიენე - „დეველორ საქართველო“, მმართველი დირექტორი #ახალიამბები #BusinessMediaGeorgia
მსხვილი კორპორაციები თუ მცირე საწარმოები ძვირადღირებული ტექნიკის პირდაპირ შესყიდვაზე უარს უკვე მასობრივად ამბობენ. მიზეზი არა ფინანსური კრიზისი, არამედ ინოვაციების განვითარების უსწრაფესი ტემპია. გლობალურ ბაზარზე სრულიად ახალი ეკონომიკური მოდელი მკვიდრდება, სადაც კომპანიები რობოტებს უბრალოდ ყოველთვიური სააბონენტო გადასახადით ქირაობენ. როგორ ცვლის ეს საიჯარო მიდგომა ინდუსტრიის თამაშის წესებს და რატომ უღირს ბიზნესს მექანიკური დამხმარეების მხოლოდ დროებით სარგებლობაში აყვანა? #ახალიამბები #BusinessMediaGeorgia
საქართველოს დასავლეთიდან, და კერძოდ ფოთიდან ბოლო პერიოდში კარგი ამბები მოგვდის და ინებეთ კიდევ ერთი: მაშ ასე-ფოთი წყალსათხილამურო სპორტის ორ საერთაშორისო ტურნირს უმასპინძლებს. 20-21 ივლისს ჩატარდება Poti Pro-Am International Water Ski Tournament და 24-დან 26 ივლისის ჩათვლით წყალსათხილამურო სპორტის ევროპის და აფრიკის ღია ჩემპიონატია ჩანიშნული. ორივე ღონისძიება International Waterski & Wakeboard Federation პატრონაჟით უნდა ჩატარდეს და მასში მონაწილეობას მსოფლიოს ხუთი კონტინენტის სპორტსმენები, მათ შორის მსოფლიო რეიტინგის ლიდერები მიიღებენ ფოთმა კიდევ ერთხელ უმაღლეს დონეზე უმასპინძლოს ამ მასშტაბურ საერთაშორისო სპორტულ ღონისძიებას. სტუმარი: კოკი ოსიპოვი - ,,ფოთის ტბის კლუბის" მფლობელი #ახალიამბები #BusinessMediaGeorgia
როგორ ვითარდება ჯანსაღი ხემსების გლობალური ბაზარი? #ახალიამბები #BusinessMediaGeorgia
მხოლოდ ქართულის რუბრიკაში დღეს გიყვებით ქართულ სნექზე, რომელიც სულ ცოტა ხნის წინ ინოვაციური პროდუქტი BITE წარადგინა. Taste Lab-ის მიზანი ტრადიციული ქართული ინგრედიენტებისა და თანამედროვე კვების ტექნოლოგიების გაერთიანებით ჯანსაღი, ფუნქციური სნექების ახალი კატეგორიის შექმნაა. კომპანიაზე Taste Lab-ის პირველი პროდუქტიც სახელად BITE იოგურტსა და მაწონზე დაფუძნებული ხრაშუნა სნექია, რომელიც სუბლიმაციის, ანუ სწრაფი გაყინვისა და შრობის ტექნოლოგიით მზადდება. სტუმარი: სანდრო კანდელაკი - Taste lab, თანადამფუძნებელი მარიამ იზორია - #მხოლოდქართული, ავტორი&წამყვანი; #ახალიამბები #BusinessMediaGeorgia
სასტუმრო აფიშამ გუშინ, 9 ივლისს, პარტნიორებს უმასპინძლა. აქ თავი როგორც ტურისტული კომპანიების, ისე საერთაშორისო ორგანიზაციების წარმომადგენლებმა და სასტუმროს სხვა მხარდამჭერებმა მოიყარეს. მიზანი კი მათთვის აფიშას სიახლეების გაცნობა, ახალი გემოების დეგუსტაცია და უბრალოდ, ამ ლამის ორ წლიანი პარტნიორობის დაფასება იყო. სასტუმრომ, რომელიც განსხვავებული, კინოსთან დაკავშირებული კონცეფციით ოპერირება არც თუ ისე დიდი ხნის წინ დაიწყო, უკვე პარტნიორების მრავალრიცხოვანი რაოდენობის დაგროვება მოახერხა, ეს კი იმ სერვისით მოახერხა, რომელსაც ამ პერიოდის განმავლობაში ქმნის და ავითარებს. როგორ ჩაიარა გუშინდელმა საღამომ აფიშაში? #ახალიამბები #BusinessMediaGeorgia
საქართველოს ბანკის მხარდაჭერით, მცირე და საშუალო ბიზნესისთვის გაიმართა შეხვედრა თემაზე „მზის ენერგიის სექტორის განვითარება: ბაზრის ტენდენციები და პრაქტიკული ინსტრუმენტები“. ღონისძიება მიზნად ისახავდა განახლებადი ენერგეტიკის სფეროში არსებული შესაძლებლობების, დაფინანსების ინსტრუმენტებისა და ბაზრის მიმდინარე ტენდენციების გაზიარებას. შეხვედრაზე განიხილეს მცირე და საშუალო ბიზნესისთვის ელექტროენერგიის ხარჯების შემცირების გზები, მიკროსიმძლავრის ელექტროსადგურების მიმართულებით არსებული ტენდენციები, კაპიტალის მოზიდვის შესაძლებლობები და ბიზნესის პრაქტიკული გამოცდილება. აღსანიშნავია, რომ ღონისძიებაზე მცირე და საშუალო ბიზნესის წარმომადგენლები პირველები გაეცნენ საქართველოს ბანკისა და რეგიონებში მცირე და საშუალო საწარმოების განვითარების პროექტის თანამშრომლობით შექმნილ ინსტრუმენტს, მზის პანელის სესხის კალკულატორს, რომელიც ბიზნესებს შესაძლებლობას აძლევს, გამოთვალონ დაზოგილი თანხა მზის პანელების ინსტალაციის და საკუთარი განახლებადი ენერგიის წარმოების შემთხვევაში. #ახალიამბები #BusinessMediaGeorgia
გლობალური ბაზრების მიმოხილვის შემდეგ, ჩვენი მომდევნო სიუჟეტით, რომელიც გუნდმა მოამზადა, გაიგებთ, სად მიემართება კაპიტალი მაშინ, როცა მსოფლიოში გეოპოლიტიკური რისკები იზრდება. სამხედრო კონფლიქტები და ეკონომიკური გაურკვევლობა ინვესტორების გადაწყვეტილებებს ყოველთვის ცვლის. თუ წლების განმავლობაში ასეთ ვითარებაში მთავარი უსაფრთხო აქტივი ოქრო იყო, დღეს ფინანსური ბაზრები განსხვავებულად რეაგირებენ. მაშ ასე, გავიგოთ, რატომ გახდა ამერიკის სახელმწიფო ობლიგაციები უსაფრთხო აქტივებს შორის ერთ-ერთი მთავარი არჩევანი ინვესტორებისთვის და რა შეიცვალა გლობალურ საინვესტიციო გარემოში? #ახალიამბები #BusinessMediaGeorgia
გლობალური ბირჟების მიმოხილვა 10/7/2026 #ახალიამბები #BusinessMediaGeorgia
ექსტრემალური სიცხე უკვე ეკონომიკას, შრომის ბაზარსა და ბიზნესის ყოველდღიურ საქმიანობასაც სერიოზულ გამოწვევებს უქმნის. პროდუქტიულობის შემცირება, გადახურებული სამუშაო გარემო, ინფრასტრუქტურის შეფერხება და დასაქმებულთა ჯანმრთელობის გაზრდილი რისკები ახალ რეალობად იქცა. როგორ უმკლავდებიან ამ გამოწვევას ევროპის ქვეყნები და რა ეკონომიკურ ფასს იხდის კონტინენტი კლიმატის ცვლილების ფონზე? #ახალიამბები #BusinessMediaGeorgia
მარიჯანის ქუჩის N2-ში ძლიერი წვიმის შედეგად სამშენებლო მოედანზე ქვაბულის ფერდის ჩამოშლის შემდეგ, თბილისში მიმდინარე და დასრულებულ საცხოვრებელ ობიექტებში უსაფრთხოებაზე პასუხისმგებლობის საკითხი კიდევ ერთხელ მოექცა ყურადღების ცენტრში. ვის ეკისრება უსაფრთხოების უზრუნველყოფის ვალდებულება და როგორ ნაწილდება პასუხისმგებლობა მობინადრეებს, სამშენებლო კომპანიასა და ადგილობრივ ხელისუფლებას შორის? #ახალიამბები #BusinessMediaGeorgia
#საქმიანიდილა - 10 ივლისი - პროლოგი #ახალიამბები #BusinessMediaGeorgia
მსოფლიოს უდიდესი სარკინიგზო სადგური - "ჩუნცინი-აღმოსავლეთი" (ჩინეთი) 38 თვეში აშენდა #ახალიამბები #BusinessMediaGeorgia
ჩინურმა DeepSeek-მა საკუთარი ჩიპების გამოშვება გადაწყვიტა #ახალიამბები #BusinessMediaGeorgia
გარემოს დაცვისა და სოფლის მეურნეობის სამინისტროს ინფორმაციით, რეგიონებში ჰიპერპოპულაციის მართვის პროგრამის ფარგლებში, კერძო ვეტერინარული კლინიკები პატრონიანი ძაღლების უფასო სტერილიზაციას, ერთიან ელექტრონულ ბაზაში რეგისტრაციასა და ჩიპირებას უზრუნველყოფენ. აღნიშნულ საკითხთან დაკავშირებით, სურსათის ეროვნულ სააგენტოში პროგრამაში ჩართულ კლინიკებთან სამუშაო შეხვედრა უკვე გაიმართა. პროექტის მთავარი მიზანი ადამიანის ჯანმრთელობის დაცვა, საზოგადოებრივი უსაფრთხოების უზრუნველყოფა და ცხოველთა პოპულაციის კონტროლია. სააგენტოს ხელმძღვანელობის განცხადებით, უპატრონო და მიკედლებული ცხოველების გარდა, აუცილებელია პატრონიანი ძაღლების იდენტიფიკაცია-რეგისტრაციაც. ვინ და როგორ ახორციელებს პროექტს? სტუმარი: გიორგი ჭურღულია - ექიმი ვეტერინარი;კლინიკა ,,ვეტჰელს ზუგდუდი" ხელმძღვანელი #ახალიამბები #BusinessMediaGeorgia
საქართველოში მოქმედი რეგულაციებით, სავალდებულო პერიოდულ ინსპექტირებას მხოლოდ მომეტებული საფრთხის შემცველი, დიდი ზომის ატრაქციონები ექვემდებარება. არსებული ხისტი კრიტერიუმების მიხედვით, ტექნიკური შემოწმება სავალდებულოა მხოლოდ იმ დანადგარებისთვის, რომელთა სიმაღლე 7 მეტრს, ხოლო სიგანე 3.5 მეტრს აჭარბებს (მაგალითად, ეშმაკის ბორბალი). ამ სტანდარტების გამო, ქვეყნის მასშტაბით ინსპექტირებას მხოლოდ 40-45 მსხვილი ატრაქციონი გადის. სპეციალისტების განმარტებით, სტატისტიკა აჩვენებს, რომ უბედური შემთხვევების უმრავლესობა სწორედ ისეთ მცირე ზომის ატრაქციონებსა და სკვერებში განთავსებულ სათამაშო მოედნებზე ხდება, რომლებიც კონტროლის მიღმაა დარჩენილი. ვის პასუხისმგებლობაშია ზედამხედველობა და რა მექანიზმები შეიძლება გამოიყენებოდეს საზოგადოებრივი სივრცეების პერიოდული მონიტორინგისთვის? სტუმარი: სანდრო შელია - "სი ეი ინთერნეიშენალის“ გენერალური დირექტორი #ახალიამბები #BusinessMediaGeorgia
2026 წლის 1-ელი ივლისიდან ამოქმედებული „აგროთანადაფინანსების სახელმწიფო პროგრამა“ სექტორში სერიოზულ ბარიერებს აჩენს. დარგის სპეციალისტების შეფასებით, ახალი მოდელი, რომელმაც „შეღავათიანი აგროკრედიტის“ გაცემის წესიც შეცვალა, პროცედურულად საგრძნობლად გართულებულია და მცირე და საშუალო ფერმერების რეალურ შესაძლებლობებს არ შეესაბამება. მთავარ შემაფერხებელ ფაქტორად ფინანსირების ახალი პრინციპი სახელდება, რომლის მიხედვითაც ფერმერმა ხარჯი თავდაპირველად საკუთარი სახსრებით უნდა გაიღოს, სახელმწიფო კი თანხას მხოლოდ პროექტის სრულად დასრულების შემდეგ აანაზღაურებს. ეს მიდგომა საწყისი კაპიტალის მოზიდვის აუცილებლობას აჩენს, რაც საბანკო კრედიტებზე დამოკიდებულებას ზრდის. ამასთანავე, სესხები მნიშვნელოვნად ძვირდება, რადგან საპროცენტო განაკვეთის მხარდაჭერა რეფინანსირების განაკვეთზე მიება, რაც აქამდე არსებულ ფიქსირებულ შეღავათიან პირობებთან შედარებით ფერმერებისთვის ფინანსურ ტვირთს ზრდის. ანალიტიკოსები მიუთითებენ, რომ პროგრამა ძირითადად მსხვილ, ინტენსიურ მეურნეობებზეა ორიენტირებული. შესაბამისად, მცირე და საშუალო ფერმერები, პროგრამის მიღმა რჩებიან, ეს კი ქვეყანაში ფერმერული მეურნეობების ისედაც კლებად დინამიკას კიდევ უფრო დააჩქარებს. სტუმარი: რატი კოჭლამაზაშვილი - ფერმერთა ასოციაციის თავმჯდომარის მოადგილე #ახალიამბები #BusinessMediaGeorgia
რუსთავში ახალ მშენებლობებზე მოთხოვნის მკვეთრი ზრდის ფონზე, ქალაქისთვის განახლებული გენერალური გეგმის არსებობა კრიტიკულად მნიშვნელოვანი ხდება. სპეციალისტების შეფასებით, სამშენებლო ბუმისა და დაგროვილი გამოწვევების ფონზე, ახალმა დოკუმენტმა დროულად უნდა უპასუხოს არსებულ რეალობას, რათა თავიდან იქნას აცილებული ქალაქის ქაოტური განაშენიანება. დედაქალაქში სამშენებლო რესურსის ამოწურვასთან ერთად, დეველოპერები ინტერესს სულ უფრო მეტად პერიფერიებისა და ისეთი სატელიტი ქალაქების მიმართ იჩენენ, როგორიც რუსთავია. თბილისთან სიახლოვის გამო, რუსთავს განსხვავებული ფუნქციური დატვირთვა გააჩნია, რაც ზრდის რისკს, რომ სათანადო რეგულაციების გარეშე, ქალაქი თბილისის ქაოტური განაშენიანების პატარა ანალოგად იქცეს. შესაბამისად, დღის წესრიგში დგება ამ ორ ქალაქს შორის სამომავლო ურბანული ურთიერთობის განსაზღვრა და მათი ფიზიკური შეერთების საფრთხეების პრევენცია. ურბანისტების განმარტებით, რუსთავს აქვს მოქმედი გენგეგმა, თუმცა წლების განმავლობაში შეცვლილი გარემოებები დოკუმენტის გადახედვას მოითხოვს. გენერალურმა გეგმამ უნდა დაასწროს სამშენებლო პროცესებს და დააწესოს კონკრეტული შეზღუდვები: მკაფიოდ მიანიშნოს დეველოპერებს, თუ სად არის შესაძლებელი და საჭირო ახალი პროექტების განვითარება და სად - არა. როგორ უნდა მოხერხდეს პროცესის ორგანიზებულ, მართვად ჩარჩოებში მოქცევა? სტუმარი: მამუკა სალუქვაძე - „სითი ინსტიტუტ საქართველოს“ ხელმძღვანელი #ახალიამბები #BusinessMediaGeorgia
ჯილი ცენტრი თეგეტამ ბაზარს ჯილი ჰოლდინგში შემავალი კიდევ ერთი ახალი ბრენდი - Farizon - წარუდგინა. ეს არის სრულად კომერციული ხაზი, რომელიც ბიზნესს, მათ შორის სადისტრიბუციო კომპანიებს, ჰიპერმარკეტებსა და სუპერმარკეტებს, სპეციალიზებულ ელექტრომობილებს სთავაზობს. Farizon-ის ელექტრომობილის შეძენის შემთხვევაში ბიზნესს ფლობის ჯამური ღირებულება მინიმუმ სამჯერ უმცირდება. კიდევ რა ბენეფიტებს სთავაზობს ახალი ბრენდი კომპანიებს? სტუმარი: გიორგი შაქარაშვილი - „ჯილი ცენტრი თეგეტას“ კომერციული დირექტორი #ახალიამბები #BusinessMediaGeorgia
საქართველოს ბანკის PLUS უკვე წლებია ერთ-ერთი ყველაზე მასშტაბური ლოიალობის პროგრამაა ქვეყანაში, რომელიც მომხმარებლებს ყოველდღიური გადახდებისას ქულების დაგროვებისა და მათი სასურველ პროდუქტებსა თუ მომსახურებაში გამოყენების შესაძლებლობას აძლევს. განსაკუთრებული ინტერესი ყოველწლიურად 5 ივლისს, PLUS-ის დაბადების დღეს იჩენს თავს, როდესაც დაგროვებული ქულების გამოყენების შესაძლებლობა კიდევ უფრო მიმზიდველი ხდება და ათასობით მომხმარებელი სხვადასხვა პარტნიორ ობიექტში შოპინგს სწორედ PLUS ქულებით აკეთებს. როგორ ჩაიარა წლევანდელმა კამპანიამ, რა შედეგები დაფიქსირდა? სტუმარი: ლევან კობახიძე - საქართველოს ბანკის გადახდების ბიზნეს მიმართულების ხელმძღვანელი #ახალიამბები #BusinessMediaGeorgia
ბოლო დღეებში თბილისში მოსულმა ძლიერმა წვიმამ კიდევ ერთხელ შეგვახსენა, რომ ექსტრემალური ამინდი უკვე ყოველდღიურ გამოწვევად იქცა. მსგავსი მოვლენები მსოფლიოს მრავალ ქალაქშიც სულ უფრო ხშირად მეორდება, რის გამოც კლიმატის ცვლილება მხოლოდ გარემოსდაცვითი საკითხი აღარ არის, ის ქალაქების ინფრასტრუქტურას, ეკონომიკასა და განვითარების გეგმებსაც ცვლის. როგორ ერგებიან მსოფლიოს ქალაქები ახალ კლიმატურ რეალობას და რა გადაწყვეტილებებს იღებენ რეკორდულ სიცხეებთან, წყალდიდობებსა და სხვა ექსტრემალურ მოვლენებთან გასამკლავებლად? #ახალიამბები #BusinessMediaGeorgia
ინტენსიურმა ნალექმა კიდევ ერთხელ დაგვანახა და გააჩინა კითხვა, რამდენად მზად არის თბილისი მსგავსი მასშტაბის წვიმებისთვის. დაიტბორა არაერთი ქუჩა, რამდენიმე ადგილზე განვითარდა მეწყრული პროცესები და კლდის მასების ჩამოშლა, რამაც ქალაქში გადაადგილების პრობლემებიც შექმნა. კახა კალაძისთვისაც ეს თემა ერთ-ერთი იყო გუშინდელ სხდომაზე. მისი შეფასებით, პრობლემის მთავარი მიზეზებია როგორც სანიაღვრეების გაჭედვა, ისე მიწისქვეშა ინფრასტრუქტურის მოძველება და სანიაღვრე ქსელების არასაკმარისი განვითარება. პარალელურად, თბილისის მერიამ უკვე გამოაცხადა ტენდერი დედაქალაქის წყალსადენის, სანიაღვრე, სადრენაჟე და საკანალიზაციო ქსელების საპროექტო დოკუმენტაციის მოსამზადებლად. რამდენად არის ეს მხოლოდ ინფრასტრუქტურის, მოძველებული სანიაღვრე სისტემის პრობლემა და რა გავლენას ახდენს კლიმატის ცვლილება, ასეთი ექსტრემალური ნალექის გახშირებაზე? სტუმარი: არჩილ მაღალაშვილი - გეოლოგი, ილიას უნივერსიტეტის პროფესორი #ახალიამბები #BusinessMediaGeorgia
საქართველოს ბიზნეს ასოციაცია წევრ კომპანიებში ვიზიტების ტრადიციას აგრძელებს. BAG-ის წარმომადგენლები ამჯერად ციფრული ტექნიკის ბაზრის ერთ-ერთ ლიდერს, კომპანია ზუმერს ესტუმრნენ. სამუშაო ფორმატის შეხვედრაზე მხარეებმა სექტორული დინამიკა, ქსელური გაფართოების სტრატეგია და ის ერთობლივი ნაბიჯები განიხილეს, რომლებიც ადგილობრივ ეკონომიკურ დოვლათს ქმნის. რა ინოვაციებს ნერგავს ბაზარზე BAG-ის წევრი კომპანია და რა ბენეფიტების მომტანია მისთვის ქვეყნის უმსხვილესი ბიზნეს გაერთიანების წევრობა? #ახალიამბები #BusinessMediaGeorgia
დედაქალაქში მიმდინარე აქტიური განაშენიანების ფონზე, მომხმარებლისთვის სულ უფრო მნიშვნელოვანი ხდება ისეთი საცხოვრებელი სივრცის შერჩევა, რომელიც ქალაქის რიტმთან სიახლოვეს და, ამავდროულად, მშვიდ, ეკოლოგიურად ჯანსაღ გარემოს აერთიანებს. სწორედ ამ კონცეფციას ეფუძნება ახალი დეველოპერული პროექტი „ისტორია“, რომელიც მოსკოვის გამზირზე ხორციელდება. გამოცდილი გუნდის მიერ შექმნილი ბუტიკური ტიპის კომპლექსი დაბალი განაშენიანებით, ენერგოეფექტური ტექნოლოგიებითა და 4000 კვადრატულ მეტრზე გადაჭიმული გამწვანებული ეზოთი გამოირჩევა. რა ინფრასტრუქტურას აერთიანებს პროექტი და რა უპირატესობებს სთავაზობს ის მომავალ მობინადრეებს? #ახალიამბები #BusinessMediaGeorgia
გლობალური ბირჟების მიმოხილვა 9/7/2026 #ახალიამბები #BusinessMediaGeorgia
კონდიციონერი: შემთხვევითი გამოგონება, რომელმაც ეკონომიკა შეცვალა #ახალიამბები #BusinessMediaGeorgia
210 წლის წინ, 1816 წლის 9 ივლისს სამხრეთ ამერიკის გულში ისტორიული გადაწყვეტილება მიიღეს, რომელმაც არა მხოლოდ ესპანეთის კოლონიური მმართველობა დაასრულა, არამედ საფუძველი ჩაუყარა თანამედროვე არგენტინის სახელმწიფოს შექმნას. თუმცა თავისუფლების მოპოვება მხოლოდ დასაწყისი იყო — ქვეყანამ გაიარა სამოქალაქო ომები, პოლიტიკური კრიზისები, ეკონომიკური აღმავლობა და მძიმე გამოწვევები, სანამ დღევანდელ სახეს მიიღებდა. როგორ დაიბადა თანამედროვე არგენტინა, ვინ იდგა მისი დამოუკიდებლობის სათავეში და რა მემკვიდრეობა დატოვა ამ ისტორიულმა მოვლენამ ქვეყნისა და მთელი ლათინური ამერიკისთვის? ცნობისთვის, სწორედ არგენტინა იყო მსოფლიოში პირველი სახელმწიფო, რომელმაც 1919 წლის 15 სექტემბერს დამოუკიდებელი საქართველოს რესპუბლიკა იურიდიულად ცნო. ამ ისტორიული მოვლენის დეკრეტი არგენტინის საგარეო უწყებაში არის დაცული. #ახალიამბები #BusinessMediaGeorgia
✔️ რას საქმიანობს DMG ჯგუფი?/ინტერვიუ:კახი ჟორდანია-DMG Group, დამფუძნებელი ✔️ DMG ჯგუფის პირველი ინვესტიცია: „რუსთავოილის“ წილის შეძენა ✔️ „რუსთავოილი“ საქართველოს ბიტუმის ბაზრის 50%-ზე მეტს ამარაგებს ✔️ რას საქმიანობს DMG ჯგუფი?/ინტერვიუ:კახი ჟორდანია-DMG Group, დამფუძნებელი ✔️ “Immobiliare” - DMG Group-ის ახალი დეველოპერული ბრენდი ✔️ კოსტავა 49-Immobiliare/ქალაქის რიტმში გამოკვეთილი არქიტექტურა ✔️ რიკარდო ბოფილის ხედვა/ ესპანელი არქიტექტორი პროექტზე “კოსტავა 49” ✔️ რიკარდო ბოფილის ხედვა & შემოქმედება ✔️ საერთაშორისო პარტნიორები “Immobiliare” პროექტებში / რიკარდო ბოფილის ხედვა & შემოქმედება ✔️ როგორია “ლაგუნა ვერეს” განვითარების კონცეფცია? ✔️ “ახალი ურბანული პროექტი DMG ჯგუფისგან ✔️ “Immobiliare”-ს მოზიდული ინვესტიციების მოცულობა ✔️ DMG Group-სამომავლო გეგმები&პროექტები კახი ჟორდანია - DMG Group, დამფუძნებელი პაბლო ბოფილი - CEO, Ricardo Bofill Taller de Arquitectura #ახალიამბები #BusinessMediaGeorgia
ზაფხულის ტურისტული სეზონი ჩვენი ქვეყნის ყველა რეგიონში აქტიურ ფაზაშია. ხანგრძლივი უამინდობის მიუხედავად, როგორც ზღვისპირეთში, ისე მთიან რეგიონებშიც, დატვირთვა ეტაპობრივად იზრდება. როგორია სხვადასხვა რეგიონში არსებული ვითარება? თიკო ნატმელაძე - #BMG, რეპორტიორი #ახალიამბები #BusinessMediaGeorgia
თუ მსოფლიოს ფინანსურ ბაზრებს ერთი გაზეთი უნდა წარმოადგენდეს, ბევრი არჩევანს სწორედ The Wall Street Journal-ზე შეაჩერებს. გამოცემა, რომელიც პატარა ფინანსური ბიულეტენიდან დაიწყო, დღეს ბიზნესისა და ეკონომიკის სფეროში სანდოობის, გავლენისა და ხარისხიანი ჟურნალისტიკის ეტალონად ითვლება. როგორ მოახერხა The Wall Street Journal-მა, რომ საუკუნეზე მეტი ხნის განმავლობაში ინვესტორების, პოლიტიკოსებისა და მსოფლიოს უმსხვილესი კომპანიების ერთ-ერთ მთავარ საინფორმაციო წყაროდ ქცეულიყო? რა გზა გაიარა გამოცემამ და როგორ შეცვალა ბიზნეს ჟურნალისტიკის სტანდარტები? #ახალიამბები #BusinessMediaGeorgia
3000-ზე მეტი შემთხვევა & ₾6 მლნ-ის ზარალი - როგორ გაუმკლავდა თიბისი დაზღვევა 20 ივნისის სტიქიას? სტუმრები: დავით კიღურაძე - "თიბისი დაზღვევა", გენერალური დირექტორი; ივანე კახიძე - "თიბისი დაზღვევა", საცალო, მცირე და საშუალო ბიზნესის დირექტორი #ახალიამბები #BusinessMediaGeorgia
როგორ უმკლავდება თიბისი დაზღვევა 20 ივნისის ძლიერი სეტყვის შემდეგ უპრეცედენტოდ გაზრდილ სადაზღვევო შემთხვევებს. შეგახსენებთ, რომ 20 ივნისის ძლიერმა სეტყვამ თბილისში ათასობით ავტომობილი დააზიანა. სტიქიის შემდეგ სადაზღვევო კომპანიებმა მოკლე დროში რეკორდული რაოდენობის მიმართვა მიიღეს. მხოლოდ თიბისი დაზღვევის მონაცემებით, მომხმარებლების ზარალი უკვე 6 მილიონ ლარს აჭარბებს, ხოლო დაფიქსირებული სადაზღვევო შემთხვევების რაოდენობა 3000-ს აჭარბებს. როგორ მიმდინარეობს ზარალის შეფასებისა და ანაზღაურების პროცესი, რა გამოწვევების წინაშე აღმოჩნდა კომპანია და რას ნიშნავს მსგავსი მასშტაბის სტიქია როგორც მომხმარებლებისთვის, ისე დაზღვევის სისტემისთვის? #ახალიამბები #BusinessMediaGeorgia
საქართველოში ყველაზე მაღალოქტანიანი საწვავი A1 ხელმისაწვდომი ხდება. ვისოლი Luxury და Sport კატეგორიის ავტომობილების მფლობელებისთვის ახალი პრემიუმ საწვავის იმპორტს საბერძნეთიდან იწყებს. რას სთავაზობს კომპანია მომხმარებლებს, რატომ იზრდება მოთხოვნა მაღალოქტანიან საწვავზე და რა მნიშვნელობა აქვს მას თანამედროვე მაღალი წარმადობის ავტომობილებისთვის? სტუმრები: ვასილ ხორავა - "ვისოლის" გენერალური დირექტორი ჯაბა ბოკუჩავა - "ვისოლის" მარკეტინგის დირექტორი #ახალიამბები #BusinessMediaGeorgia
თანამედროვე ბიზნესი გლობალური ქსელის გარეშე წარმოუდგენელია, თუმცა მასზე წვდომის ღირებულება მსოფლიოში მნიშვნელოვნად განსხვავდება. სანამ რიგ სახელმწიფოებში ინტერნეტი ასობით დოლარი ჯდება და ფუფუნების საგნად ითვლება, საქართველო ყველაზე იაფი ტარიფების მქონე ქვეყნების ოცეულშია. რა ფაქტორები მართავს ციფრულ ფასებს და როგორია ჩვენი რეგიონის პოზიცია გლობალურ რუკაზე? #ახალიამბები #BusinessMediaGeorgia
მიმზიდველი, დაბალი ფასები და ტრენდული ტანსაცმელი - ეს „სწრაფი მოდის“, ანუ ე.წ. Fast Fashion-ის მთავარი მახასიათებელია. თუმცა, ამ იაფი პროდუქციის მიღმა ადამიანის ჯანმრთელობისთვის საშიში, ტოქსიკური რეალობა იმალება. ევროკავშირი გამოწვევის წინაშეა - ულტრა-სწრაფი მოდის ინდუსტრიის მიერ წარმოებული ტანსაცმელი და ნივთები ხშირად საშიშ ქიმიკატებს შეიცავს, შესაბამისად ევროპის ქვეყნები კონტროლის მექანიზმების გამკაცრებას აპირებენ. რა საფრთხეს გვიქმნის იაფფასიანი სამოსი და როგორ აპირებს ევროპა ამ პრობლემასთან გამკლავებას მუდმივი საბაჟო კონტროლითა და ახალი რეგულაციებით? #ახალიამბები #BusinessMediaGeorgia
ახალგაზრდებისთვის განათლების და აღმოჩენების შესაძლებლობების შესაქმნელად, საქართველოს ბანკი ინიციატივების განხორციელებას განაგრძობს. სწორედ ამ მიზნით, ბანკი საქართველოს მასშტაბით, სხვადასხვა რეგიონის სკოლებში თანამედროვე ბიბლიოთეკებს - იდეათეკებს ქმნის. თანამედროვე ბიბლიოთეკები ახალგაზრდებს აძლევს შესაძლებლობას, ისარგებლონ 2000-მდე წიგნით, შემეცნებისთვის საჭირო თანამედროვე ინსტრუმენტებით - კომპიუტერებითა და პროექტორებით. ახალ სივრცეში მოსწავლეებს აქვთ შესაძლებლობა, აღმოაჩინონ STEM კუთხეც, სადაც გაეცნობიან მომავლის პროფესიების და STEM მეცნიერების საფუძვლებს. საქართველოს ბანკის რიგით 29-ე იდეათეკა ქართული წიგნის ინსტიტუტთან და Monarch Hotel-თან თანამშრომლობით სოფელ ჭვანის საჯარო სკოლაში აშენდა. #ახალიამბები #BusinessMediaGeorgia