ერთ დროს ხელმისაწვდომი ავტომობილი ხალხისთვის, დღეს კი გლობალური ავტოგიგანტი, რომელიც მსოფლიოს თითქმის ყველა გზაზე გვხვდება. დღევანდელ დღეს ლეგენდარული ავტომობილი ფოლკსვაგენი შეიქმნა. როგორ დაიწყო ყველაფერი პატარა იდეით, რომელიც „ხალხის მანქანის“ შექმნას ემსახურებოდა? როგორ გადაურჩა კომპანია ომს, კრიზისებსა და სკანდალებს, და როგორ იქცა მრავალმილიარდიან ავტოიმპერიად? #ახალიამბები #BusinessMediaGeorgia
“დიდი ბრიტანეთის საუკეთესო შედეგების მქონე ბანკი არ არის ის, რომელიც თქვენ გგონიათ”, - ასე იწყება Financial Times-ის სტატია, რომელშიც გავლენიანი ბრიტანული გამოცემა ლონდონის საფონდო ბირჟაზე ერთ-ერთ ყველაზე წარმატებულ საბანკო ჯგუფად, დიახ, ქართულ ფინანსურ ინსტიტუტს ასახელებს. ლონდონის საფონდო ბირჟაზე წარმოდგენილი ბანკების უმეტესობისთვის ბოლო წლები წარმატებული აღმოჩნდა, თუმცა საუკეთესო შედეგის მქონე საბანკო ჯგუფი ბრიტანეთის არც ერთ მთავარ ქუჩაზე არ მდებარეობს. საუბარია Lion Finance Group-ზე - ფინანსურ ჯგუფზე, რომელმაც მიმდინარე წელს FTSE 100-ის ინდექსშიც დაიკავა ადგილი. #ახალიამბები #BusinessMediaGeorgia
#საქმიანიდილა - 28 მაისი - პროლოგი #ახალიამბები #BusinessMediaGeorgia
რესტორნის ხარისხს გემრიელ კერძებთან და მასპინძლობის კულტურასთან ერთად ბევრი სხვა კრიტერიუმი განსაზღვრავს - ყველა დეტალის გათვალისწინებით კი პერიოდულად გამორჩეული რესტორნების რეიტინგი დგება, რომელიც მსოფლიოს გასტრონომიულ კერებს აერთიანებს. #ახალიამბები #BusinessMediaGeorgia
თბილისი და კახეთი კიდევ ერთხელ იქცევა მსოფლიო გასტრონომიის ცენტრად, 31 მაისიდან 7 ივნისის ჩათვლით საქართველო საერთაშორისო ფესტივალს Tbilisi Gastro Week 2026-ს უმასპინძლებს. საიუბილეო, მეხუთე სეზონი განსაკუთრებული მასშტაბით ბრუნდება, საქართველო უმასპინძლებს Michelin-ის ვარსკვლავის მქონე შეფებს, ცნობილი სომელიეებს, 7 დღის განმავლობაში გაიმართება ექსკლუზიური კულინარიული კოლაბორაციები და ქართული ღვინის და გასტრონომიის საერთაშორისო პოპულარიზაციაზე ორიენტირებული პროგრამა. რას უმზადებს ფესტივალი სტუმრებს წელს და რატომ იზრდება Tbilisi Gastro Week-ის საერთაშორისო მნიშვნელობა? სტუმარი: ირაკლი ნადარეიშვილი - Tbilisi Gastro Week, იდეის ავტორი და ორგანიზატორი #ახალიამბები #BusinessMediaGeorgia
TransLogistica 2026-ზე გიყვებით, რომელიც ნოემბერშია ჩანიშნული და მასპინძელი უზბეკეთის დედაქალაქი ტაშკენტია. გამოფენაზე ქართული კომპანიები ერთიანი პავილიონებით წარდგებიან. პროექტს Savvy უწევს ორგანიზებას და მისი მიზანია, ქართულმა ლოგისტიკურმა და სატრანსპორტო სექტორმა ახალი საერთაშორისო პარტნიორები მოიზიდოს, გააძლიეროს საკუთარი პოზიციები შუა დერეფანში და სწრაფად მზარდ ცენტრალური აზიის ბაზარზე ახალი შესაძლებლობები გამოიყენოს. რას მისცემს ეს პლატფორმა ქართულ ბიზნესს და რატომ იზრდება რეგიონის მიმართ ინტერესი? სტუმარი: გიორგი გუდაბანძე - SavvY, ასოცირებული პარტნიორი #ახალიამბები #BusinessMediaGeorgia
სოციალური მედია დღეს უკვე მხოლოდ კომუნიკაციის საშუალება აღარ არის — პლატფორმების მასშტაბები ბევრ ქვეყანასაც კი უტოლდება და რამდენიმე აპლიკაცია მილიარდობით მომხმარებელს აერთიანებს. გლობალურ ბაზარზე დომინაციას კვლავ მეტა ინარჩუნებს, თუმცა ბოლო წლებში ჩინური ტექნოლოგიური გიგანტებიც სწრაფად აძლიერებენ გავლენას. როგორ გადანაწილდა სოციალური მედიის ძალაუფლება მსოფლიოს უდიდეს პლატფორმებს შორის, რომელი აპლიკაციები ლიდერობენ მომხმარებლების რაოდენობით და როგორ იქცა სოციალური მედია გლობალური ეკონომიკისა და ყოველდღიური ცხოვრების განუყოფელ ნაწილად? #ახალიამბები #BusinessMediaGeorgia
MyCellfie საუკეთესო მობილურ აპლიკაციად დასახელდა და Best Mobile App Awards-ის გამარჯვებულია, როგორც ერთ-ერთი ყველაზე მარტივი, ინოვაციური და მომხმარებელზე მორგებული მობილური პლატფორმა. რა განაპირობებს აპლიკაციის პოპულარობას, როგორ იქცა ყოველდღიური სერვისების ერთიან სივრცედ და რა სიახლეებს სთავაზობს მომხმარებლებს სელფი მობაილი? სტუმარი: ია კუპატაძე - სელფი მობაილი, ციფრული მიმართულებების და ინოვაციების განყოფილების ხელმძღვანელი #ახალიამბები #BusinessMediaGeorgia
უკვე 2 კვირაზე მეტია თიბისის მომხმარებლებს კრიპტოს შეძენა პირდაპირ მობაილბანკიდან შეუძლიათ - სწრაფად და მარტივად. პროექტი თიბისიმ მსოფლიოში წამყვან საერთაშორისო კრიპტოპლატფრორმა - Bybit-თან ერთად განახორციელა. როგორ ვითარდება პროდუქტი თიბისიში? სტუმრები: გიორგი ყანჩაველი - თიბისის ციფრული ბიზნესის განვითარების ლიგის ლიდერი; შოთა ლომთაძე - Bybit Georgia-ს დირექტორი #ახალიამბები #BusinessMediaGeorgia
როგორ ვითარდება რუსთავის უძრავი ქონების ბაზარი? ➡️ ჯეირან მოწყობილი - დეველოპერული პროექტების აუთსორსინგული მართვის კომპანია JMC, დამფუძნებელი; ➡️ დავით მანსვეტაშვილი - Address Development, გაყიდვების მენეჯერი ; თათია ჩაფიჩაძე - “უძრავი ქონების პროსპექტის” ავტორი&წამყვანი #ახალიამბები #BusinessMediaGeorgia
40 მილიარდ დოლარზე მეტი - ეს ბიჟუტერიის გლობალური ბაზრის დღევანდელი მოცულობაა. ინდუსტრია, რომელიც ოდესღაც იაფფასიან იმიტაციად აღიქმებოდა, დღეს იმდენად გავლენიანია, რომ მასში პრემიუმ კლასის ბრენდებიც აქტიურად ერთვებიან.როგორ იქცა ხელმისაწვდომი სამკაული მასშტაბურ ეკონომიკურ მექანიზმად და სად იწარმოება მსოფლიო მარაგის უდიდესი ნაწილი? #ახალიამბები #BusinessMediaGeorgia
"მხოლოდ ქართულის" რუბრიკაში ქართული სამკაულის ბრენდის "ბიზუ" მოხვდა, რომელიც ბაზარზე სულ ერთი წელია გამოჩნდა და არამხოლოდ ქართული, არამედ საერთაშორისო ბაზრებიც აითვისა. როგორც თავად ჰყვებიან, სამკაულზე მეტად ემოციას ქმნის - განწყობას და თავდაჯერებას ადამიანებისთვის, რომლებიც ამ სამკაულებს ირგებენ. ბიზუ სრულად ქართული იდეით, ქართველ დამფუძნებლებთან ერთად იქმნება, თუმცა წარმოება საფრანგეთში, ფრანგი დიზაინერის კურატორობით მიმდინარეობს და მხოლოდ ესეც არაა, ბიზუმ არამხოლოდ ფრანგული, არამედ ამერიკული ბაზარიც აითვისა - სან ფრანცისკოში თავისი შოუ რუმებით წარსდგა და იქაურ მომხმარებელსაც თავი დაამახსოვრა. როგორ გამოიყურება ბიზუს შექმნის ისტორია და კონცეფცია? თიკო ნატმელაძე - #მხოლოდქართული, ავტორი; სტუმარი: ანა ხაჩიძე - “ბიზუს” დამფუძნებელი #ახალიამბები #BusinessMediaGeorgia
✔️ მსოფლიო საფონდო ბირჟები& ინდექსები 27/5/26 ✔️ ტაივანის საფონდო ბირჟამ ინდოეთს გაუსწრო და V ადგილზე გადავიდა ✔️ როგორ იცვლება ინვესტირების ანატომია ბირჟებზე? #ახალიამბები #BusinessMediaGeorgia
სწრაფი მოდისა და მაღალი მოდის გადაკვეთა თანამედროვე რითეილის ერთ-ერთ ყველაზე მომგებიან ფენომენად იქცა. მას-მარკეტ გიგანტები, როგორიცაა H&M, Zara და Uniqlo, წლებია ტრადიციული წარმოების ჩარჩოებს სცილდებიან და ექსკლუზიური კოლაბორაციებით ბრენდის აღქმას რადიკალურად ცვლიან. რა დგას ამ მილიონიანი პარტნიორობების მიღმა? #ახალიამბები #BusinessMediaGeorgia
ფერარიმ თავისი პირველი ელექტრომობილი წარმოადგინა სახელად ფერარი ლუჩემ. ის 550.000 ევრო ღირს. ფერარის პირველი ელექტრო მანქანის დიზაინი შქმნა ეპლის ყოფილმა მთავარმა დიზაინერმა ჯონი აივამ, და მისი პირმშო ჯოჯოხეთის ცეცხლში გაატარეს. ბრენდის სირცხვილი, ენცოს ხსოვნის შებღალვა, დიფ სთეითი, რატომ ატრიალებდი თეფშს პანტიანში და კლავდი შავ დედალს მუხრანში - მოკლედ, რა არ დააბრალეს საწყალ დიზაინერს. თვით ფერარიმაც კი აღიარა რომ ახალი ელექტრომობილის ირგვლივ მძაფრი დისკუსია და კამათია, თუმცა კომპანია აცხადებს: როცა იყენებ ტენოლოგიებს რომელიც არის ნახტომი, მაშინ დიზაინიც უნდა იყოს შესატყვისი ამ ნახტომისა წინ. #ახალიამბები #BusinessMediaGeorgia
#საქმიანიდილა - 27 მაისი - პროლოგი #ახალიამბები #BusinessMediaGeorgia
განსაკუთრებული სიამაყით წარმოგიდგენთ პროგრამას Technovation Girls, საერთაშორისო ინიციატივას, რომელიც უკვე წლებია გოგონებს ტექნოლოგიების, ინოვაციების და ლიდერობის მიმართულებით განვითარების შესაძლებლობას აძლევს. პროგრამაში 13-18 წლის მოზარდები მონაწილეობენ, რომლებიც ქმნიან მობილურ აპლიკაციებს და ტექნოლოგიური იდეებით სხვადასხვა სოციალურ პრობლემას ეძებენ გამოსავალს. საქართველო ამ გლობალური მოძრაობის ნაწილი 2019 წლიდან გახდა და მას შემდეგ არაერთი წარმატებული პროექტი განხორციელდა. ქართველი მონაწილეები აქტიურად ერთვებიან საერთაშორისო კონკურსებში, ქმნიან საინტერესო ინიციატივებს და ღირსეულად წარმოაჩენენ ქვეყანას მსოფლიო ასპარეზზე. სტუმრები: ნანა დიხამინჯია - საქართველოს უნივერსიტეტის რექტორის მრჩეველი ტექნოლოგიების მიმართულებით; ნია ჯანაშია - ზალდასტანიშვილის სკოლის მოსწავლე; თაკო თუმანიშვილი - ზალდასტანიშვილის სკოლის მოსწავლე #ახალიამბები #BusinessMediaGeorgia
შუაგულ ნიუ იორკში, 2026 წლის 15 მაისს - საქართველომ ისტორიულ წარმატებას მიაღწია გლობალური შემოქმედებითი ინდუსტრიის ერთ-ერთ ყველაზე პრესტიჟულ სცენაზე - PSP-ს მარკეტინგის დირექტორი, ანო გოგიჩაძე, The One Show-ის მიერ წლის შემოქმედებით მარკეტერად დასახელდა. აღნიშნული ჯილდო მას გადაეცა კამპანიისთვის „ჩიტებს ფრენა არ ავიწყდებათ“, რომელიც სააგენტო Playmakers-მა პსპ-სთვის შექმნა და რომელიც უკვე საქართველოს ისტორიაში ერთ-ერთ ყველაზე საერთაშორისო აღიარების მქონე სარეკლამო ნამუშევრად იქცა. The One Show-ს ფესტივალს ნიუ-იორკში დაფუძნებული ორგანიზაცია - The One Club for Creativity უკვე 50 წელზე მეტია ყოველწლიურად მართავს. ეს მსოფლიოში ერთ-ერთ ყველაზე გავლენიან შემოქმედებით ფესტივალად ითვლება. „ჩიტებს ფრენა არ ავიწყდებათ“ საერთაშორისო ყურადღების ცენტრში თავისი ემოციური და ადამიანური მნიშვნელობით მოექცა. კამპანია თავისუფლების, გამძლეობისა და შემოქმედებითი გამოხატვის შეუზღუდაობის შესახებ ჰყვება, რომელიც შეიქმნა პატიმრობაში მყოფ რეჟისორ გიორგი ოკმელაშვილთან და მსახიობ ანდრო ჭიჭინაძესთან თანამშრომლობით. სტუმრები: ამირან გამყრელიძე - ჯანდაცვის ექსპერტი; "ჯანდაცვის სტანდარტის" ავტორი&წამყვანი; ანო გოგიჩაძე-PSP-ის მარკეტინგის დირექტორი; კოკა ქამუშაძე-Playmakers-ის მმართველი პარტნიორი #ახალიამბები #BusinessMediaGeorgia
Change Inspire 2026 - 1 ივლისს გაიმართება სტუმარი: ნინო გვაზავა - HT Solutions-ის მმართველი პარტნიორი #ახალიამბები #BusinessMediaGeorgia
დღეს, თავისუფლების მოედანი ქვეყნის მთავარი სადღესასწაულო სივრცეა, სადაც მთელი დღის განმავლობაში დაგეგმილია საზეიმო ღონისძიებები, სამხედრო ტექნიკის გამოფენა, სხვადასხვა შემეცნებითი და კულტურული აქტივობა, ასევე მოქალაქეებს შესაძლებლობა ექნებათ, უფრო ახლოს გაეცნონ საქართველოს თავდაცვის ძალების შესაძლებლობებს, ხოლო დღის ერთ-ერთი მთავარი ნაწილი ფიცის დადების ოფიციალური ცერემონია იქნება. ლიკა მეგუთნიშვილი - #BMG, რეპორტიორი #ახალიამბები #BusinessMediaGeorgia
ასთენია და კოგნიტიური დარღვევები - „ავერსის” რუბრიკა “საქმიან დილაში” რუბრიკის ავტორი&წამყვანი: ლალი ბრეგვაძე - „ავერსის“ საზოგადოებასთან ურთიერთობის სამსახურის ხელმძღვანელი; სტუმარი: მაია გოდერძიშვილი, "ავერსის კლინიკის" ნევროლოგი #ახალიამბები #BusinessMediaGeorgia
26 მაისს ლოგიკური იქნება თუ თვალს გადავავლებთ ქვეყნის ეკონომიკურ ისტორიასაც, რომლის სიძლიერე პირდაპირ კავშირშია საქართველოს დამოუკიდებლობასთან. რა გზა განვლო ქვეყნის ეკონომიკამ 1991 წლიდან დღემდე? მარიამ იზორია - BMG, რეპორტიორი თიკო ნატმელაძე - BMG, რეპორტიორი #ახალიამბები #BusinessMediaGeorgia
მომავალი მოდის, სწრაფი ნაბიჯებით და შეუჩერებლად, მაგრამ არ უნდა დაგვავიწყდეს 1918-1921 წლები პერიოდი, როდესაც საქართველო მხოლოდ დამოუკიდებლობისთვის კი არა, ეკონომიკური გადარჩენისთვისაც იბრძოდა. ომის, ფინანსური კრიზისა და ბლოკადის ფონზე, რამდენიმე პროფესიონალმა ქვეყნის ნანგრევებზე ევროპული ტიპის ეკონომიკური სისტემა შექმნა - შემოიღეს ეროვნული ვალუტა, აამოქმედეს პორტები და რკინიგზა, დაიწყეს ქართული პროდუქციის ევროპაში გატანა და დამოუკიდებელი საქართველოს პირველი ეკონომიკური ისტორია დაწერეს. ვინ იყვნენ ადამიანები, რომლებმაც სახელმწიფოს ეკონომიკური არქიტექტურა შექმნეს და როგორ აშენებდნენ ქვეყანას კრიზისის უწყვეტ რეჟიმში? #ახალიამბები #BusinessMediaGeorgia
26 მაისი საქართველოს დამოუკიდებლობის დღეა - თარიღი, რომელიც გვახსენებს, რომ თავისუფლება და ძლიერი სახელმწიფო ყოველდღიურ პროგრესზე, განვითარებასა და მდგრად ეკონომიკაზე დგას. ამ პროცესის მთავარი მამოძრავებელი ძალა კი ის წარმატებული ბრენდებია, რომლებიც ასაქმებენ ათასობით მოქალაქეს, ქმნიან მაღალ სტანდარტს და ზრუნავენ ჩვენს ჯანმრთელობაზე, ტრადიციებსა თუ ჯანსაღ მომავალზე. როგორ უწყობს ხელს წამყვანი ქართული ბიზნესების მასშტაბირებას და მათ მომხმარებელთან უსწრაფეს კავშირს ტექნოლოგიური პლატფორმა Wolt-ი და როგორ ერთიანდებიან ისინი საერთო ეროვნული იდეის გარშემო? #ახალიამბები #BusinessMediaGeorgia
პოლიტიკური ბრძოლების მიღმა, საქართველოს პირველ დემოკრატიულ რესპუბლიკას კიდევ ერთი, სასიცოცხლოდ მნიშვნელოვანი საყრდენი ჰქონდა-ევროპულ ბაზარზე ორიენტირებული ეკონომიკა. სანამ მთავრობა დამოუკიდებლობის შენარჩუნებას ცდილობდა, მეწარმეების ნაწილმა საკუთარი კაპიტალით სახელმწიფოს შენება პრაქტიკულად დაიწყო. ეროვნული უნივერსიტეტის დაფინანსება, ფლოტის შეძენა და საერთაშორისო სავაჭრო გზების გაჭრა სწორედ იმ ბიზნესელიტის დამსახურებაა, რომელმაც 1918-1921 წლებში ქვეყნის ფინანსური ხერხემალი შექმნა. ვინ იყვნენ ადამიანები, რომლებმაც კაპიტალი ეროვნულ იდეად აქციეს და როგორ გაანადგურა საბჭოთა ოკუპაციამ მათი მემკვიდრეობა? #ახალიამბები #BusinessMediaGeorgia
1986 წლის, 26 მაისს ევროპული ერთიანობის ერთ-ერთი ყველაზე ცნობილი სიმბოლო, ლურჯ ფონზე 12 ოქროს ვარსკვლავით გამოსახული ევროპის დროშა - ოფიციალურად გამოჩნდა ევროპული ინსტიტუტების შენობებზე. თუმცა მისი ისტორია ბევრად ადრე, 1955 წელს იწყება, როდესაც დროშა პირველად ევროპის საბჭომ მიიღო. მოგვიანებით, ის ევროპული თანამეგობრობის, დღევანდელი ევროკავშირის, მთავარ სიმბოლოდ იქცა და ერთიანობის, სოლიდარობისა და საერთო ღირებულებების ნიშნად დამკვიდრდა. რატომ არის დროშაზე ზუსტად 12 ვარსკვლავი და რას ნიშნავს ევროპის ერთ-ერთი ყველაზე ცნობადი სიმბოლო? #ახალიამბები #BusinessMediaGeorgia
კვანტური კომპიუტერები – ახალი ტექნოლოგიური რევოლუცია? #ახალიამბები #BusinessMediaGeorgia
✈️ #საუბრებიავიაციაზე: SkyCab-ის საქმიანობა და პერსპექტივები გიორგი მოლოდინაშვილი- “საუბრები ავიაციაზე,” ავტორი&წამყვანი; სტუმრები: გიორგი კაკაშვილი - SkyCab-ის დამფუძნებელი; მერაბ გუმბერიძე - SkyCab-ის დამფუძნებელი #ახალიამბები #BusinessMediaGeorgia
როცა ქვეყანაში კრიზისი ნორმად იქცევა, ბიზნესი გადარჩენის რეჟიმზე გადადის, ადამიანები ქვეყნიდან მიდიან, ინსტიტუტების მიმართ ნდობა კი ქრება. არსებობს თუ არა ამ ჩაკეტილი წრიდან გამოსვლის რეალისტური გზა? სტუმრები: დაჩი იორამაშვილი - ანტიკრიზისული პლატფორმის წარმომადგენელი; ლაშა ნავერიანი - ანტიკრიზისული პლატფორმის წარმომადგენელი; #ახალიამბები #BusinessMediaGeorgia
საზოგადოება სიცოცხლისთვის - მიეცით ბავშვებს წამალი! სტუმრები: გიორგი კეკელიძე - მწერალი; ია გელიტაშვილი - სულაკაურის გამომცემლობის კორპორატიული კომუნიკაციების მენეჯერი ; ალექს რიგვავა - "დაიცავი ილიაუნი", წევრი, მარათონის ორგანიზატორი #ახალიამბები #BusinessMediaGeorgia
“ინტერიერი დეტალებში” სტუმარი: სალომე დადუნაშვილი - გადაცემა “ინტერიერი” - ავტორი&წამყვანი #ახალიამბები #BusinessMediaGeorgia
არქი ჯგუფი BI Group-თან პარტნიორობას იწყებს ✔️ რას წარმოადგენს ჰოლდინგი BI Group? ✔️ BI Group-ის საერთაშორისო სტრატეგია და პარტნიორობა „არქისთან“ ✔️ საქართველოს ეკონომიკური და საინვესტიციო მიმზიდველობა ✔️ როგორია BI Group-ის ხელწერა? ✔️ BI Group-ის მშენებლობის მასშტაბები და მუდმივი განვითარება გიორგი ისაკაძე - BMG, გენერალური პროდიუსერი ამანგელდი ომაროვი - BI Development International, აღმასრულებელი დირექტორი #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
ავერსი ქსელის ექსპანსიას განაგრძობს -კომპანიამ რუსთავში სრულიად ახალი კონცეფციის ფილიალი გახსნა. ქალაქისთვის რიგით მე-11 და გამორჩეული მასშტაბის სააფთიაქო სივრცე, მომხმარებელს ამიერიდან რუსთავი მოლში ელოდება. რა სიახლეებს სთავაზობს ბრენდი სტუმრებს და როგორ გამოიყურება ჯანმრთელობაზე ზრუნვის თანამედროვე სტანდარტი? #ახალიამბები #BusinessMediaGeorgia
21–22 მაისს კომპანია „კოკა-კოლა ბოთლერს ჯორჯიამ“ რეგიონალური გაყიდვებისა და მარკეტინგის გუნდების წარმომადგენლებს - სუპერვაიზერებსა და მარკეტინგის მენეჯერებს - მუხრანის ველზე, კომპანია “კოკა-კოლა ბოთლერს ჯორჯიას” ქარხანაში ორდღიან ტრენინგზე უმასპინძლა. ტრენინგში, კომპანიის 10 რეგიონალურმა წარმომადგენლობამ მიიღო მონაწილეობა. კომპანია „კოკა-კოლა ბოთლერს ჯორჯია“ თანამშრომლების პროფესიულ განვითარებას, უსაფრთხო სამუშაო გარემოს შექმნას, გუნდური მუშაობისა და მომხმარებლებზე ორიენტირებული მიდგომების გაძლიერებას განსაკუთრებულ ყურადღებას უთმობს. #ახალიამბები #BusinessMediaGeorgia
საფეხბურთო მოედნიდან მილიარდიან იმპერიამდე. როგორ მოახერხა ბიჭმა ლონდონის გარეუბნიდან, მსოფლიოს ერთ-ერთ ყველაზე გავლენიან სპორტულ ბრენდად ქცეულიყო? დევიდ ბექჰემი - სახელი, რომელიც ფეხბურთს გაცდა და ბიზნესის, მოდის, რეკლამისა და გლობალური გავლენის სიმბოლოდ იქცა. ბრწყინვალე კარიერა, მრავალმილიონიანი კონტრაქტები, თანამშრომლობა მსოფლიოს უმსხვილეს ბრენდებთან და წარმატებული ინვესტიციები, როგორ აქცია ინგლისის ლეგენდამ საკუთარი პოპულარობა მრავალმილიარდიან შესაძლებლობად? რა როლი ითამაშა მის ცხოვრებაში ოჯახმა, იმიჯმა და სწორად მიღებულმა ბიზნესგადაწყვეტილებებმა? როგორ გახდა დევიდ ბექჰემი არა მხოლოდ ფეხბურთის ხატი, არამედ პირველი ინგლისელი სპორტსმენი, რომელმაც მილიარდიან ნიშნულს გადააბიჯა? #ახალიამბები #BusinessMediaGeorgia
რატომ ვებრძვით გვერდში დგომას? - გიორგი ისაკაძის საავტორო პროლოგი #ახალიამბები #BusinessMediaGeorgia
რამდენიმე დღის განმავლობაში ახალგაზრდა სპორტსმენებმა საკუთარი შესაძლებლობები პროფესიონალი მწვრთნელებისა და უცხოელი სპეციალისტების წინაშე წარმოაჩინეს. კემპს განსაკუთრებულ მნიშვნელობას იტალიელი სკაუტების დასწრება სძენდა, ისინი ნიჭიერ და პერსპექტიულ კალათბურთელებს აკვირდებოდნენ, რათა საუკეთესოები შეერჩიათ. შერჩეული მოთამაშეები კი სრული დაფინანსებით იტალიაში გაემგზავრებოდნენ, სადაც მათ საერთაშორისო გამოცდილების მიღებისა და პროფესიულ გარემოში განვითარების შესაძლებლობა ექნებათ. #ახალიამბები #BusinessMediaGeorgia
წლის ყველაზე გრანდიოზული კულტურული და მოდის მოვლენა დასრულებულია - ნიუ-იორკმა „მეტ გალა 2026“-ს უმასპინძლა. თუმცა, შოუბიზნესისა და მოდის ელიტის წითელ ხალიჩაზე გავლის მიღმა, უზარმაზარი ეკონომიკური სტრატეგია დგას. 75 ათასი დოლარი მხოლოდ ერთი ბილეთისთვის, 350 ათასი დოლარი მაგიდის დასაჯავშნად და ანა ვინტურის მკაცრი კონტროლი - ეს ის ფასია, რომელსაც გლობალური ბრენდები ექსკლუზიურ წვეულებაზე მოსახვედრად იხდიან. რა უჯდებათ ორგანიზატორებს „მოდის ოსკარებად“ წოდებული ღონისძიების მოწყობა, რა რეკორდული შემოსავალი მიიღო წელს მეტროპოლიტენის მუზეუმმა და რატომ იზრდება ყოველწლიურად ამ მოვლენის ეკონომიკური ეფექტი? #ახალიამბები #BusinessMediaGeorgia
მილანის „სალონე დელ მობილე 2026“ დასრულებულია, რომელსაც რეკორდული, 316 000-ზე მეტი ვიზიტორი დაესწრო. როგორ პასუხობს დიზაინის სამყარო გეოპოლიტიკურ არასტაბილურობას და რა სიახლეები მოიტანა წლევანდელმა ექსპერიმენტულმა პლატფორმებმა? ჩვენ სტუმართან ერთად დეტალურად განვიხილავთ „სალონის“ ტრანსფორმაციას, რემ კულჰაასის ახალ ხედვებსა და საგანმანათლებლო პროექტებს, რომლებშიც 14 000-ზე მეტი სტუდენტი იყო ჩართული. რა როლი აქვს საქართველოს გლობალურ კონტექსტში და რა შესაძლებლობებს უხსნის მილანის კვირეული ქართულ დიზაინს? სტუმარი: ლენა კილაძე - თბილისის არქიტექტურის, დიზაინის და კრეატიული ინდუსტრიების ცენტრის დამფუძნებელი, დირექტორი #ახალიამბები #BusinessMediaGeorgia
ტრადიციული ქიმიური აბების ეპოქა ფარმაცევტულ ბაზარზე ოფიციალურად სრულდება. გლობალური სამედიცინო გიგანტები ახლა უკვე პერსონალიზებულ მედიცინასა და ადამიანის გენეტიკური კოდის რედაქტირებაში ასეულობით მილიარდ დოლარს აბანდებენ. წონის კლების ინოვაციური პრეპარატებიდან დაწყებული, ალცჰაიმერისა და ონკოლოგიური დაავადებების სამკურნალო ინდივიდუალური ვაქცინებით დასრულებული - კვლევითი ლაბორატორიები ხელოვნური ინტელექტის დახმარებით სრულიად ახალ სამეცნიერო სტანდარტს ამკვიდრებენ. კონკრეტულად რა ახალი თაობის მედიკამენტებს ქმნის ინდუსტრია და რაში ხარჯავს ტრილიონობით დოლარს ბიგ ფარმა? #ახალიამბები #BusinessMediaGeorgia
გლობალური ეკონომიკის ერთ-ერთ ყველაზე მძლავრ მამოძრავებელ ძალას დღეს ფარმაცევტული ინდუსტრია წარმოადგენს. უმკაცრესი კომერციული კონკურენციისა და შეზღუდული პატენტების პირობებში, კორპორაციები ბაზარზე ლიდერობას მხოლოდ უწყვეტი ინოვაციებითა და მილიარდობით დოლარის კვლევებში ინვესტირებით ახერხებენ. როგორ იქცნენ მოკრძალებული ლაბორატორიები მსოფლიოს ყველაზე ძვირადღირებულ ბიზნესიმპერიებად, რას წარმოადგენს და რა კომერციული ლოგიკით იმართება ბიგ ფარმა? #ახალიამბები #BusinessMediaGeorgia
ხელოვნური ინტელექტი უკვე აქტიურად ცვლის ბიზნესის მუშაობის მოდელს, კომპანიებს აძლევს შესაძლებლობას, პროცესები უფრო ეფექტიანი გახადონ, შექმნან საკუთარ საჭიროებებზე მორგებული ინსტრუმენტები და ყოველდღიურ საქმიანობაში ტექნოლოგიური გადაწყვეტილებები სწრაფად დანერგონ. სწორედ ამ მიმართულებით მუშაობს ჯეოლაბიც, რომელიც ბიზნესის წარმომადგენლებისთვის ხელოვნური ინტელექტის პრაქტიკულ ვორქშოფებს ატარებს. როგორ იცვლება სამუშაო გარემო AI-ის ეპოქაში, რა შესაძლებლობებს აჩენს ტექნოლოგია მცირე და საშუალო ბიზნესისთვის და რამდენად მზად არიან კომპანიები ამ ტრანსფორმაციისთვის? სტუმრები: სანდრო ასათიანი - ილიას უნივერსიტეტის ასოცირებული პროფესორი; ლანა ლაბაძე - ჯეოლაბის დირექტორი #ახალიამბები #BusinessMediaGeorgia
თბილისის ურბანულ განვითარებაში ახალი ეტაპი იწყება - ისანში ე.წ. 15-წუთიანი ქალაქის კონცეფციის მასშტაბური პროექტის მშენებლობა დაიწყო. ტრადიციული, იზოლირებული საცხოვრებელი კორპუსების ნაცვლად, დედაქალაქში იქმნება სრულიად ახალი, დამოუკიდებელი უბანი, სადაც ბინებთან, ოფისებთან და დიდ სარეკრეაციო ზონებთან ერთად, პირველად გლობალური საგანმანათლებლო ქსელი GEMS Education შემოდის. რას გულისხმობს მრავალფუნქციური სივრცის იდეა, რომელიც ადამიანებს ქალაქში გადაადგილების დამატებითი საჭიროებისგან გაათავისუფლებს და როგორ აპირებს "ომნია" ქართულ ბაზარზე ცხოვრების ახალი სტანდარტის დამკვიდრებას? სტუმრები: ნინო მაღრაძე - Cushman & Wakefield Veritas, სტრატეგიული განვითარებისა და კვლევების მიმართულების ხელმძღვანელი; რობერტ ტარნი - GEMS School Management, აღმასრულებელი დირექტორი საუბარს სინქრონულად თარგმნის NG Georgia #ახალიამბები #BusinessMediaGeorgia
კიბერდანაშაული მხოლოდ ჰაკერულ თავდასხმებს სცდება, ის გლობალურ ეკონომიკაზე, კომპანიების ფინანსურ მდგრადობასა და ბიზნესპროცესების უსაფრთხოებაზე პირდაპირ მოქმედებს. მილიარდობით დოლარის ზარალი, ონლაინ თაღლითობა, გამოსასყიდი პროგრამები და ბიზნეს ელფოსტის კომპრომეტირება თანამედროვე კიბერკრიმინალის ყველაზე მასშტაბურ საფრთხეებად ყალიბდება. როგორ იცვლება კიბერდანაშაულის გლობალური ეკოსისტემა, რომელი მიმართულებები ქმნის ყველაზე დიდ ფინანსურ რისკს და რატომ გადადის კომპანიებისთვის მთავარი აქცენტი ტექნოლოგიური დაცვიდან პროცესებისა და ფინანსური კონტროლების გაძლიერებაზე? #ახალიამბები #BusinessMediaGeorgia
ინტერნეტსივრცეში გაჩნდა კიდევ ერთი პოდკასტი სახელად მოსაწყენი პოდკასტი, რომელსაც საქართველოს საბანკო ასოციაცია ამზადებს. მას გიორგი მირზიკაშვილი და ალექსანდრე ძნელაძე უძღვებიან. ბოლო გადაცემის სტუმარი სწორედ ინგა ქარჩავა იყო, რიგით მეხუთე პოდკასტი კიბერუსაფრთხოების თემებს დაეთმო, ყველას გირჩევთ თვალყური ადევნოთ საკმაოდ საინტერესოდ გადმოცემულ ამბებს ფინანსების სამყაროზე. სტუმარი: ინგა ქარჩავა - საქართველოს საბანკო ასოციაცია, კიბერუსაფრთხოების მიმართულების კოორდინატორი #ახალიამბები #BusinessMediaGeorgia
ფიზიკის რთული კანონები და ფორმულები, რომლებიც სკოლაში ხშირად ნამდვილ თავსატეხად იქცევა ხოლმე, ერთ კონკრეტულ სივრცეში სახალისო თამაშად და ხელშესახებ რეალობად გარდაიქმნება. უკვე 10 წელია, სამეცნიერო მუზეუმი „ექსპერიმენტორიუმი“ ბავშვებს მეცნიერების სამყაროში ეპატიჟება. სივრცეში, სადაც ექსპონატებზე ხელის ხლება ნებადართულია, სიჩუმეს კი არავინ ითხოვს, მოზარდები სამყაროს შეცნობას დამოუკიდებელი აღმოჩენებით სწავლობენ. როგორ განვითარდა თავდაპირველად უცხო იდეა 10 წლის განმავლობაში და რა გეგმებით ხვდება მუზეუმი იუბილეს? #ახალიამბები #BusinessMediaGeorgia
ვინაცვლებთ ჩინეთში, სადაც BMG-ის ჟურნალისტი საქართველოდან მიწვეულ სხვა სტუმრებთან ერთად, ქალაქ ჯენჯოუში იმყოფება, მიზეზი განსაკუთრებულია ქართული ბიზნესისთვის. კომპანია GT Group ჩინური ელექტრომობილების უმსხვილესი მწარმოებლის, BYD-ის ოფიციალური წარმომადგენელი გახდა და ამ წუთებშიც ჯენჯოუში მასშტაბური ღონისძიება BYD E-JOURNEY 2026 იმართება. ვიზიტის ფარგლებში დაგეგმილია, როგორც უმსხვილესი ჩინური მწარმოებლის BYD-ის ქარხანასა და შოურუმში ვიზიტი, ასევე უახლესი მოდელების ტექსტ დრაივები. რას ნიშნავს ქართველი მომხმარებლებისთვის ადგილობრივ ბაზარზე BYD-ის ოფიციალური წარმომადგენლის გაჩენა, რას შესთავაზებს GT Group მათ და რას უნდა ელოდოს ჩვენი მაყურებელი BYD E-JOURNEY 2026-სგან? #ახალიამბები #BusinessMediaGeorgia
საქართველოს ავტოიმპორტის ბაზარზე მოცემულობა შეიცვალა. American Auto Sale-ისა და CG Luxury Autos-ს დამფუძნებლის, გიორგი წურწუმიას განცხადებით, მან ადგილობრივი კომპანიების დიდ ნაწილს CARFAX-ზე წვდომა შეუზღუდა, რადგან ისინი წლების განმავლობაში სწორედ მისი ინფრასტრუქტურით სარგებლობდნენ. თუმცა, ტექნიკური შეზღუდვების გარდა, სექტორში მწვავედ დგას ფინანსური თაღლითობის რისკიც, რაც ერთ-ერთი დილერის მიერ ნახევარი მილიონი დოლარის მითვისების ახალმა სკანდალმაც დაადასტურა. როგორც თავად ავტოდილერი აფასებს, საეჭვოდ დაბალი ფასი სწორედ თაღლითობის პირდაპირი ინდიკატორია. როგორ მუშაობს რეალური ამერიკული ეკოსისტემა შუამავლების გარეშე და როგორ უნდა დავიზღვიოთ თავი ფულის დაკარგვისგან? #ახალიამბები #BusinessMediaGeorgia
მანჰეტენის ცათამბჯენები, 1.4 მილიარდი დოლარის კაპიტალი და უძრავი ქონების გიგანტური იმპერია, რომლის ფესვებიც თბილისში, ხოდაშენის ქუჩაზე იწყება. გლობალურ ბიზნესში დღემდე ერთ-ერთ ყველაზე საინტერესო ქეისად რჩება, თუ როგორ შეძლო ქართველმა ემიგრანტმა, თემურ სეფიაშვილმა, იგივე ტამირ საპირმა, ცივი ომის წლებში დასავლური ფინანსური წესების სათავისოდ გამოყენება. საიდუმლო ბარტერები საბჭოთა ელიტასთან, ფარული თამაშები ამერიკულ სპეცსამსახურებთან და გადაკვეთილი საქმიანი ინტერესები დონალდ ტრამპთან - ეს იმ მოვლენების მხოლოდ არასრული ჩამონათვალია, რაც ქართველი ებრაელის დაუჯერებელმა ცხოვრების გზამ დაიტია. #ახალიამბები #BusinessMediaGeorgia