#საქმიანიდილა - 31 მარტი - პროლოგი #ახალიამბები #BusinessMediaGeorgia
ავიაციის მომავალი თაობა რუბრიკის ავტორი&წამყვანი: გიორგი მოლოდინაშვილი - საავიაციო საკონსულტაციო ჯგუფის მმართველი პარტნიორი & საავიაციო კომიტეტის ხელმძღვანელი; სტუმრები: თაზო კაბულაშვილი - Young Wings, დამფუძნებელი მარიამ მამუჩიშვილი - Young Wings, HR #ახალიამბები #BusinessMediaGeorgia
#ავიაციისსიახლეები: ✈ აეროპორტების აეროდრომებისთვის ამინდზე დაკვირვების შესყიდვაზე ტენდერი გამოცხადდება ✈ ირანში ომის გამო, ევროპული ავიაკომპანიები ბილეთების გაძვირებაზე საუბრობენ ✈ United Airlines-ი ფრენებს ამცირებს ✈ ახლო აღმოსავლეთში კონფლიქტმა რუსებისთვის ტრანზიტული მარშრუტების მესამედი მიუწვდომელი გახადა ✈ საქართველოს ავიაბაზარზე ავიაკომპანია Norwegian Air Sweden შემოდის - რა სიხშირით იფრენს? ✈ ქუვეითის აეროპორტზე დრონებით თავდასხმის შედეგად რადარების სისტემა დაზიანდა კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #ახალიამბები #BusinessMediaGeorgia
საქართველოს ენერგეტიკისა და წყალმომარაგების მარეგულირებელი ეროვნული კომისია ელექტროენერგიის ტარიფს დღევანდელ სხდომაზე დაადგენს. სხდომა 12სთ-ზე დაიწყება, დღის წესრიგში განსახილველ საკითხებს შორის კი „ენერგო-პრო ჯორჯიასთვის“ ელექტროენერგიის განაწილების ტარიფების დადგენა, შპს „თბილისის ელექტრომიმწოდებელი კომპანიისთვის" და „ეპ ჯორჯია მიწოდებისთვის“ ელექტროენერგიის მიწოდების ტარიფების დადგენა განიხილება. გამომდინარე იქიდან, რომ ბოლო 3 თვეა მთავრობასთან კომუნიკაციის ხარჯზე დროებითი ტარიფი მოქმედებს, მოლოდინია, რომ დენის საფასური დღეს გაიზრდება. ფასების ზრდის მთავარი მოტივი ის ხუთ წლიანი საინვესტიციო გეგმაა, რომელიც სემეკმა ენერგოკომპანიებს ჯერ კიდევ, შარშან, 12 დეკემბერს განუსაზღვრა. აღნიშნული გეგმის მიხედვით "ენერგო-პრო ჯორჯიამ" 1.5 მილიარდი ლარი, ხოლო "თელასმა“ ენერგეტიკული ინფრასტრუქტურის გაუმჯობესებისთვის 400 მილიონი ლარი უნდა დახარჯოს, რაც ლოგიკურად დენის ტარიფში აისახება. სტუმარი: გია არაბიძე - ენერგეტიკოსი; #ახალიამბები #BusinessMediaGeorgia
12 მარტს ტყიბულის მუნიციპალიტეტის სოფელ კურსებში მეწყრული პროცესების განვითარების გამო 5 სახლი დაინგრა, 46 ოჯახი კი სოფლის ორი უბნიდან არსებული საფრთხეებიდან გამომდინარე გაიყვანეს. მეწყერმა ჯამში 60 ჰა ტერიტორია მოიცვა. გაყვანილი ოჯახები ტყიბულის მერიამ პირველ ეტაპზე 6 თვის საცხოვრებელი ქირით უზრუნველყო, ერთჯერადი დახმარების სახით კი თითო ადამიანზე 500 ლარიანი დახმარება გაიცა. რა ბედი ელით დაზარალებულებს და რა ვითარებაა ადგილზე სტიქიიდან არასრული სამი კვირის შემდეგ? სტუმრები: ხატია ბეროძე - სოფელ კურსების მცხოვრები; ზურაბ ჯავახიშვილი - სეისმოლოგი, ილიას უნივერსიტეტის პროფესორი #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
“ინტერიერი დეტალებში” სტუმარი: სალომე დადუნაშვილი - “ინტერიერი სალომე დადუნაშვილთან ერთად” ავტორი&წამყვანი #ახალიამბები #BusinessMediaGeorgia
“თიბისი კაპიტალი”-ს საერთაშორისო კონფერენცია - მიზანი და შედეგები
3–4 აპრილს თბილისში Touch Platform-ის ორგანიზებით, რიგით მესამე საერთაშორისო ციფრული დიზაინის ფესტივალი, Touch RGB გაიმართება. ფესტივალის საბოლოო დღის წესრიგი უკვე მზად არის. ორდღიანი სამიტის ფარგლებში დაგეგმილია 20-ზე მეტი საერთაშორისო სპიკერის გამოსვლა, 30-ზე მეტი თემატური სესია და 10 პრაქტიკული ვორქშოფი. ორგანიზატორების განცხადებით ინდუსტრიის წარმომადგენლებისთვის ეს არის სტრატეგიული პლატფორმა ცოდნის გასაღრმავებლად, პროფესიული კავშირების გასაფართოებლად და საერთაშორისო კონტაქტების დასამყარებლად, რაც მომავალში მსხვილ კოლაბორაციულ ბიზნეს-პროექტებში უნდა გადაიზარდოს. ვინ არიან წელს პლატფორმაზე წარმოდგენილები და რა თემებზე გაკეთდა ფოკუსი? სტუმარი: ბექა ქვარცხავა - Touch Platform-ის დამფუძნებელი #ახალიამბები #BusinessMediaGeorgia
ბავშვთა ნევროლოგთა და ნეიროქირურგთა ასოციაციის ორგანიზებით, თბილისში ნერვ-კუნთოვანი დაავადებების შესახებ ორდღიანი საერთაშორისო კონფერენცია გაიმართა. ღონისძიებამ ქართველ პროფესიონალებთან ერთად, ევროპის არაერთი ქვეყნის წამყვანი სპეციალისტი გააერთიანა. ფართო კლინიკური გამოცდილების მქონე მოწვეულმა ექსპერტებმა, ქართველ კოლეგებს საკუთარი ცოდნა გაუზიარეს და ისეთი იშვიათი დიაგნოზების მკურნალობის თანამედროვე მეთოდებზე იმსჯელეს, როგორიცაა დუშენის კუნთოვანი დისტროფია და სპინალურ-კუნთოვანი ატროფია. რა გამოწვევების წინაშე დგას დღეს მედიცინა ამ მიმართულებით და რა იცვლება პაციენტებისთვის? #ახალიამბები #BusinessMediaGeorgia
27 მარტს ავერსისა და აზროვნების აკადემიის ერთობლივი პროექტის ფარგლებში ბექნუ ქაფიანიძის პოეზიის საღამო გაიმართა, რომელიც გაზაფხულის დღესასწაულებს მიეძღვნა. ეს იყო ავერსის გაზაფხულის კამპანიის გაგრძელება და დამსწრე აუდიტორიისთვის სიტყვის, ემოციისა და ცოცხალი შესრულების ერთ სივრცეში თავმოყრა. #ახალიამბები #BusinessMediaGeorgia
„ნოვა“ უკვე ზესტაფონშია! - სამშენებლო და სარემონტო მასალების კომპანიამ, რომელიც ბაზარზე 2006 წლიდან ოპერირებს, ზესტაფონში ფრანჩიზით ახალი ფილიალი ადგილობრივ ბიზნესთან თანამშრომლობით გახსნა და 30-ზე მეტ ადგილობრივს დასაქმების შესაძლებლობა მისცა. ფილიალში მომხმარებელს 10 000 დასახელების პროდუქცია დახვდა, როგორც ნოვას საკუთარი წარმოების, ისე იმპორტირებული და ექსკლუზიური ბრენდები. #ახალიამბები #BusinessMediaGeorgia
27 მარტს, საქართველოს უნივერსიტეტში აკადემიური ნაშრომის - რუსული ოკუპაციის ისტორია საქართველოში“ - პრეზენტაცია გაიმართა. წიგნის ავტორი უნივერსიტეტის პროფესორი და თამაზ ბერაძის სახელობის ქართველოლოგიის ინსტიტუტის ისტორიის დეპარტამენტის ხელმძღვანელი დოდო ჭუმბურიძეა. წიგნი მოიცავს საქართველოს ისტორიის ერთ-ერთ ყველაზე მნიშვნელოვან და კომპლექსურ პერიოდს - 1801 წლიდან დღემდე რუსული ოკუპაციის პროცესს. ნაშრომში გაანალიზებულია იმპერიული ძალაუფლების დამკვიდრების მექანიზმები, ოკუპაციის პოლიტიკური, სოციალური და კულტურული შედეგები, ასევე მისი გავლენა ქართველი ხალხის ეროვნულ იდენტობასა და საზოგადოებრივ ცხოვრებაზე. წიგნი წარმოადგენს მნიშვნელოვან წვლილს საქართველოს ისტორიისა და ოკუპაციის კვლევის მიმართულებით და როგორც ავტორი ამბობს, საინტერესო იქნება როგორც აკადემიური წრეებისთვის, ისე ფართო საზოგადოებისთვის. პრეზენტაციის ფარგლებში საჯარო დისკუსია შედგა, სადაც რუსული ოკუპაციის საკითხი სხვადასხვა პერსპექტივიდან – ისტორიული, პოლიტიკური, იურიდიული და სოციო-კულტურული კონტექსტების გათვალისწინებით - განიხილეს. #ახალიამბები #BusinessMediaGeorgia
გასულ უქმეებზე „ტერმინალში“ ჟურნალისტისა და ავტორის ნინო სამყურაშვილის ახალი წიგნის - „სხვისი კლასის“ - პრეზენტაცია გაიმართა. წიგნი გამომცემლობა „ინტელექტმა“ გამოსცა, რომელიც დამწყები ავტორების მხარდაჭერით გამოირჩევა. წლების განმავლობაში „ინტელექტმა“ არაერთი ახალი ავტორი აღმოაჩინა და მათ სამწერლობო ასპარეზზე გზა გაუხსნა. წიგნის პრეზენტაცია დისკუსიის რეჟიმში წარიმართა. დამსწრეებს შესაძლებლობა ჰქონდათ წიგნის ავტორისა და აუდიტორიისთვის საკუთარი მოსაზრებები და კითხვები გაეზიარებინათ. წიგნი „სხვისი კლასი“ ქალთა უფლებებს ეხება და რამდენიმე მნიშვნელოვან სოციალურ პრობლემას აერთიანებს: ფემიციდი, ოჯახური ძალადობა, კრიმინალური სუბკულტურა და ემიგრაცია. ყველა ეს პრობლემა საქართველოში მტკივნეული და აქტუალური საკითხია და ავტორი მათ ძალიან მგრძნობიარე, ადამიანის ამბებით სავსე ხედვით წარმოაჩენს. „სხვისი კლასი“ ნინო სამყურაშვილის რიგით მეორე წიგნია. პირველი წიგნი „ჯავშანი“, 2021 წელს ასევე გამომცემლობა „ინტელექტმა“ გამოსცა. #ახალიამბები #BusinessMediaGeorgia
#საქმიანიდილა - 30 მარტი - პროლოგი #ახალიამბები #BusinessMediaGeorgia
წარმოიდგინეთ ახლა ტერიტორია დედამიწაზე, რომელიც დღეს ტრილიონობით დოლარის ბუნებრივ რესურსებს ფლობს, ერთ დროს სულ რაღაც 7.2 მილიონ დოლარად გაიყიდა. გარიგება, რომელსაც ბევრმა მაშინ "სიგიჟე“ უწოდა, დღეს კი ისტორიაში ერთ-ერთ ყველაზე მომგებიან გადაწყვეტილებად მიიჩნევა. საუბარია ალასკის შესყიდვაზე, მომენტზე, როცა ამერიკის შეერთებულმა შტატებმა რუსეთის იმპერიისგან უზარმაზარი, მაგრამ მაშინ ნაკლებად დაფასებული ტერიტორია შეიძინა. მაშინ ამერიკაში ბევრს ეს გადაწყვეტილება აბსურდულად მოეჩვენა. ალასკას "სიუარდის სიგიჟეს“ და " ყინულის ყუთს“ ეძახდნენ. მაგრამ დრო გავიდა და ყველაფერი შეიცვალა. ოქრო, ნავთობი, ბუნებრივი აირი ალასკა აღმოჩნდა ნამდვილი საგანძური. რეგიონი, რომელიც არა მხოლოდ ეკონომიკურად, არამედ სტრატეგიულადაც უმნიშვნელოვანესი გახდა. დღეს კი ეს ისტორია გვახსენებს ერთ მარტივ ჭეშმარიტებას, ზოგჯერ ყველაზე გაბედული გადაწყვეტილებები, თავდაპირველად ყველაზე დაუჯერებლადაც კი ჩანს. #ახალიამბები #BusinessMediaGeorgia
"ინვესტირება ხალხში" - როგორ გამოიყურება ჩინეთის ეკონომიკის "გაცოცხლების" ახალი მექანიზმი? #ახალიამბები #BusinessMediaGeorgia
საქართველოს მთავრობის გადაწყვეტილებით, 2028-2029 სასწავლო წელს სახელმწიფო უნივერსიტეტებში სტუდენტთა მიღების კვოტები გაორმაგდება, ვინაიდან მე-11 და მე-12 კლასების მოსწავლეები სკოლებში სწავლას ერთდროულად დაასრულებენ. განათლების სამინისტროს ცნობით, ცვლილება ასევე შეეხება მაგისტრატურის საფეხურს – რადგან საბაკალავრო პროგრამების უმეტესობა 3-წლიანი სწავლების მოდელზე გადავიდა, 2027-2028 სასწავლო წელს საბაკალავრო პროგრამებს დაასრულებს, როგორც 2024, ისე 2025 წელს ჩარიცხული სტუდენტების უდიდესი ნაწილი. შესაბამისად, 2028-2029 სასწავლო წლისთვის სახელმწიფო უნივერსიტეტებში სამაგისტრო პროგრამებზე მისაღები სტუდენტების ოდენობაც გაიზრდება. სტუმრები: ნანა დიხამინჯია - საქართველოს უნივერსიტეტის რექტორის მრჩეველი ტექნოლოგიების მიმართულებით; ვანო წერეთელი - „კოალიცია ცვლილებისთვის“, წევრი; თსუ-ს პროფესორი სიმონ ჯანაშია - "თავისუფლების მოედანი", ეროვნული საბჭოს წევრი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ახლო აღმოსავლეთში მიმდინარე კონფლიქტის ფონზე საქართველოში უძრავი ქონებაში ინვესტირებაზე მოთხოვნა გაიზარდა ამას ამბობენ საერთაშორისო ბაზრებზე მომუშავე ბროკერები, რომელთა დაკვირვებითაც ომის დაწყების შემდეგ საინვესტიციო მიზნით უძრავი ქონების შეძენის მსურველების რიცხვი გაზრდილია ისრაელიდან, ახლო აღმოსავლეთის ქვეყნებიდან და მათ შორის ევროპიდანაც. რას ამბობენ უძრავი ქონების აგენტები, როგორია ადგილობრივად მომუშავე დეველოპერების შეფასება და რა პერსპექტივა აქვს საქართველოს უძრავი ქონების ბაზარს ახლო აღმოსავლეთში მიმდინარე საომარი მოქმედებების ფონზე? #ახალიამბები #BusinessMediaGeorgia
დღეიდან თვეში ერთხელ თიბისი კაპიტალთან ერთად თვის მაკრო დაიჯესტი უნდა შემოგთავაზოთ ხოლმე. რა თქმა უნდა ირანში ომს ვერაფრით ავუვლიდით გვერდს და სწორედ ამ თემაზე მსჯელობით ვგეგმავთ პირველი ეთერის გახსნას, რისთვისაც თიბისი კაპიტალის უფროსი ანალიტიკოსი რატი წიკლაური შემოგვიერთდა სტუდიაში. დილა მშვიდობისა, რატი, მიხარია რომ ფაქტობრივად თანაწამყვანის ამპლუაში შემოგვიერთდი თან ისეთი ამბებია ახლო აღმოსავლეთში ამ მხრივ მიმოხილვა ვფიქრობ, ყველასთვის საინტერესო უნდა იყოს და უკვე საფუძვლიანი ეჭვი ჩნდება რომ ირანში ომის გავლენებზე საუბარი რამდენიმე თვე კიდევ მოგვიწევს, მით უფრო რომ ნავთობის მიწოდების ჯაჭვის დარღვევა და შავი ოქროს ფასი ბაზარზე ბევრ მიმართულებას გადაეცემა. სტუმარი: რატი წიკლაური - თიბისი კაპიტალი, უფროსი ანალიტიკოსი https://tbccapital.ge/ge/publications/all-publications #ახალიამბები #BusinessMediaGeorgia
BMG & Changan Georgia წარმოგიდგენთ #BMGDRIVE-ს: ✔️ AI-ს როლი ციფრულ მარკეტინგში და გამოყენების ხელსაწყოები ✔️ რას ვიყიდით ხვალ? #BMGDrive-ის მგზავრი: ელენე ბიბილეიშვილი (Elene Bibileishvili) - Hapttic-ის აღმასრულებელი დირექტორი; ავტორები: ბექა ბაციკაძე, გიორგი მაისურაძე, ზვიად ბარათელი #ახალიამბები #BusinessMediaGeorgia
საქართველოს კაპიტალის ბაზარი განვითარების ახალ ეტაპზე გადადის და ბიზნესისთვის დაფინანსების მძლავრ, სტრატეგიულ ალტერნატივად ყალიბდება. ქვეყანაში კორპორაციული ობლიგაციების ბაზრის მასშტაბი უკვე თითქმის 3 მილიარდ ლარს უტოლდება, განთავსებების წლიურმა ზრდამ კი შთამბეჭდავი 19% შეადგინა. რეგიონში არსებული რთული გეოპოლიტიკური ფონის მიუხედავად, ობლიგაციების ემისია ქართული კომპანიებისთვის აღარ არის ერთჯერადი ექსპერიმენტი. ეს იქცა გრძელვადიან არჩევანად, რომელსაც ბიზნესისთვის არა მხოლოდ ახალი ფინანსები, არამედ მეტი გამჭვირვალობა და სანდოობა მოაქვს. როგორ ვითარდება კაპიტალის ბაზარი და როგორია ემიტენტების აქტივობა? #ახალიამბები #BusinessMediaGeorgia
საქართველოს ბანკმა 2025 წლის მდგრადი განვითარების ანგარიში წარადგინა. ღონისძიებას ინვესტორები, საერთაშორისო საფინანსო ინსტიტუტების, მარეგულირებელი ორგანოებისა და პარტნიორი ორგანიზაციების წარმომადგენლები დაესწრნენ,რომელთა მონაწილეობითაც გაიმართება პანელური დისკუსიები მდგრადი და ინკლუზიური ეკონომიკის განვითარებაში საფინანსო სექტორის როლის შესახებ. სტუმარი: ანა ოსაძე - საქართველოს ბანკის ESG და მდგრადობის მიმართულების ხელმძღვანელი #ახალიამბები #BusinessMediaGeorgia
2026 წლის ArchDaily-ის, გავლენიანი არქიტექტურული პლატფორმის Building of the Year Awards-ის ხუთ პროექტი, რომლებიც მსოფლიოს სხვადასხვა კუთხიდან გამოარჩიეს და ერთმანეთისგან სრულიად განსხვავებულ კონცეფციებს აერთიანებს. როგორ ქმნის თანამედროვე არქიტექტურა სივრცეებს, რომლებიც ფუნქციურიცაა, ინოვაციურიც და ადამიანზე ორიენტირებული? #ახალიამბები #BusinessMediaGeorgia
ახალი დეველოპერული კომპანია „კოორდინატი“ დეველოპერულ სექტორში სულ ახლახან გამოჩნდა, პირველი მასშტაბური მულტიფუნქციური ბიზნესს კლასის საცხოვრებელი კომპლექსით რომელიც თბილისის ისტორიულ უბანში ორთაჭალაში იქნება. კოორდინატი საქართველოში ერთ-ერთი უმსხვილესი საინვესტიციო ჰოლდინგის ქისთოუნ ინვესთენთსის მიერ დაფუძნებული კომპანიაა. სტუმრები: ლევან ტაბუციძე - დეველოპერული კომპანია "კოორდინატი"-ს აღმასრულებელი დირექტორი; ნინო აბსანძე - საქართველოს უძრავი ქონების სააგენტო GREA, - დამფუძნებელი #ახალიამბები #BusinessMediaGeorgia
ზეიმობს იუნესკოს ეგიდით მოქმედი „თეატრის საერთაშორისო ინსტიტუტის საქართველოს ეროვნული ცენტრი“. ორგანიზაცია, რომელმაც 90-იან წლებში ქართულ ხელოვნებას პოსტსაბჭოთა იზოლაცია გაურღვია და თავისუფალ, დასავლურ სივრცეში ინტეგრაციის გზა გაუხსნა, დღეს უკვე ევროპასა და აღმოსავლეთს შორის მთავარ შემოქმედებით ხიდად არის აღიარებული. ასეულობით წარმატებული საერთაშორისო პროექტი, მსოფლიო სცენებზე გატანილი ქართული კულტურა და უმნიშვნელოვანესი გლობალური აღიარება - რა გზა გაიარა საქართველოს ცენტრმა დაარსებიდან დღემდე და რა მასშტაბურ ფესტივალებს უმასპინძლებს ქვეყანა უახლოეს მომავალში? #ახალიამბები #BusinessMediaGeorgia
ახლო აღმოსავლეთში მიმდინარე კრიზისი ტურიზმის არაერთ მომიჯნავე სექტორზე უარყოფითად აისახა. სასტუმროების, რესტორნებისა და სავაჭრო ცენტრების შემდეგ, შემცირებულ შემოსავლებზე სათამაშო ბიზნესის წარმომადგენლებიც საუბრობენ. განსაკუთრებით გავლენა აჭარის რეგიონს ეხება, სადაც აღნიშნული ინდუსტრია ტურიზმის მნიშვნელოვანი შემადგენელი ნაწილია. #ახალიამბები #BusinessMediaGeorgia
HR კომპანია Moorepay-ის კვლევის თანახმად, ევროპის 39 ქვეყნიდან 20-ში სახელმწიფო პენსია ვერ ფარავს ცხოვრებისთვის აუცილებელ ხარჯებს (ქირის გამოკლებით). მათ შორის ყველაზე ცუდი მდგომარეობა საქართველოში, ალბანეთსა და უკრაინაშია. ცხოვრების ღირებულების ნახევარზე ნაკლებს, 42%-ს ფარავს პენსია მოლდოვაშიც. 39 ევროპულ ქვეყანაში, მათ შორის ევროკავშირის წევრ ქვეყნებში, კანდიდატ ქვეყნებში, ევროპის თავისუფალი ვაჭრობის ზონის ქვეყნებსა და დიდ ბრიტანეთში, პენსიის მიერ ცხოვრების ღირებულების დაფარვის მაჩვენებელი მერყეობს საქართველოს 22%-დან ლუქსემბურგის 225%-მდე. რომ არ დაიბნეთ:ეს ნიშნავს, რომ საქართველოს შემთხვევაში პენსია თითოეული ადამიანის შემთხვევაში საჭირო ხარჯების ნახევარზე ნაკლებს, მხოლოდ 22%-ს ფარავს. და ვიდრე სიუჟეტი დაიწყება, მინდა იცოდეთ რომ რეიტინგში მაღალი მაჩვენებლით ლუქსემბურგი, იტალია და ფინეთი გამოირჩევა. #ახალიამბები #BusinessMediaGeorgia
ევროკავშირის მიერ გაყინული ფონდებისა და მზარდი სკანდალების ფონზე, უნგრეთის პრემიერ-მინისტრის უახლოესი გარემოცვა სახელმწიფო ბიუჯეტის ათვისებას უპრეცედენტო მასშტაბებით განაგრძობს. საერთაშორისო ანალიტიკური მონაცემებით ირკვევა, რომ ხელისუფლებაში ვიქტორ ორბანის მოსვლის შემდეგ, მის მეგობრებთან და ოჯახის წევრებთან დაკავშირებულმა კომპანიებმა ათეულობით მილიარდი ევროს სახელმწიფო შესყიდვები მიიღეს, თანაც ისე, რომ ტენდერების აბსოლუტურ უმრავლესობაში მათ კონკურენტი ფიზიკურად არ ჰყავდათ. როგორ მუშაობს კლეპტოკრატიის უნგრული მოდელი და რა სქემით ნაწილდება გადასახადების გადამხდელთა ფული პოლიტიკურ ელიტასთან დაახლოებულ ვიწრო წრეში? #ახალიამბები #BusinessMediaGeorgia
#საქმიანიდილა - 27 მარტი - პროლოგი #ახალიამბები #BusinessMediaGeorgia
ირანმა ჰორმუზის სრუტე "მეგობრებისთვის" გახსნა - რა შედეგს მოუტანს ცვლილება ნავთობის გლობალურ ბაზარს? #ახალიამბები #BusinessMediaGeorgia
ით გამოირჩევა 27 მარტი ისტორიაში? - გიორგი ისაკაძის საავტორო შესავალი #ახალიამბები #BusinessMediaGeorgia
სურსათის ეროვნული სააგენტო ქვეყანაში ცოცხალი ცხოველებისა და ხორცის იმპორტის კონტროლის მექანიზმებთან დაკავშირებით განმარტებას აკეთებს. უწყების ინფორმაციით, ეპიდემიოლოგიური კეთილსაიმედოობის უზრუნველყოფის მიზნით, საქართველოში ყოველწლიურად 6 მილიონამდე ვეტერინარული მანიპულაცია ხორციელდება. როგორც სააგენტოში BM.GE-ს კითხვის საპასუხოდ განაცხადეს, საქართველო, როგორც ცხოველთა ჯანმრთელობის დაცვის მსოფლიო ორგანიზაციის წევრი, აქტიურად აკვირდება რეგიონსა და მსოფლიოში სხვადასხვა დაავადების გავრცელების რისკებს. საქმე ის არის, რომ რუსეთის ნოვოსიბირსკის ოლქში ცხოველთა ინფექციური დაავადებების გამო ვითარება არასტაბილურია. რეგიონში გავრცელებული ცოფისა და პასტერელოზის გამო საგანგებო მდგომარეობაა გამოცხადებული. ბელარუსის რესპუბლიკამ რუსეთის ფედერაციის რიგი რეგიონებიდან პირუტყვის, ხორცისა და სხვა ცხოველური წარმოშობის პროდუქციის შემოტანაზე დროებითი შეზღუდვები დააწესა. გადაწყვეტილება ძალაში 2026 წლის 13 მარტიდან შევიდა. უნდა აღინიშნოს ისიც, რომ ბელარუსი, სადაც კარანტინი გამოცხადდა, საქართველოსთვის საქონლის ხორცის მთავარი იმპორტიორია. მიმდინარე მოვლენების გათვალისწინებით, ადგილობრივი ფერმერები მომდევნო პერიოდში ფასების ზრდას უკვე პროგნოზირებენ. მათი შეფასებით ხორცი 20-25%-ით გაძვირდება. ხომ არ ველოდებით სააღდგომო პერიოდში დეფიციტს და კონტროლის რა მექანიზმები აქვს სეს? სტუმარი: მიხეილ სოხაძე - FAO Georgia-ს პროექტის მენეჯერი #ახალიამბები #BusinessMediaGeorgia
მარტის განმავლობაში უცხოური ბარათებით განხორციელებული ხარჯები, რომლებიც ტურიზმიდან შემოსავლების ერთ-ერთ მნიშვნელოვან ინდიკატორად ითვლება, კლებას აჩვენებს. თიბისი კაპიტალის მაკროეკონომიკური მიმოხილვის მიხედვით, შემცირება ფიქსირდება როგორც სასტუმროებისა და ავიაბილეთების კატეგორიებში, ისე სხვა ტურისტულ სერვისებშიც, რაც არარეზიდენტი ვიზიტორების აქტივობის შენელებაზე მიუთითებს. სტუმრები: ანდრია ქურასბედიანი - "ბარბარესთან" გენერალური მენეჯერი; კოტე გაბრიჩიძე - საქართველოს რესტორატორთა ასოციაცია, პრეზიდენტი; ირაკლი კახიძე - რესტორატორი; "საბლე," თანადამფუძნებელი; #ახალიამბები #BusinessMediaGeorgia
მეტი ნაკლებ ფასად - რჩევები ავიაბილეთებსა და კომფორტულ ფრენებზე სტუმრები: ანა კირკიტაძე - “ვინგლეთი”, დამფუძნებელი, რუბრიკის ავტორი&წამყვანი; სალომე ბერაია - პეგას ტურისტიკის საქართველოს და აზერბაიჯანის გენერალური დირექტორი #ახალიამბები #BusinessMediaGeorgia
ირანში არსებული ვითარების გამო, ახლო აღმოსავლეთის, მთავარი - საავიაციო ჰაბები ახლაც ჩაკეტილია და ფრენები მასობრივად უქმდება. ომის დაწყებიდან დღემდე გლობალურმა ავიაციის სექტორმა უპრეცედენტო დანაკარგები განიცადა და ზარალი მილიარდ დოლარს აღწევს. რა დარტყმა მიაყენა საავიაციო სექტორს ირანის ომმა? #ახალიამბები #BusinessMediaGeorgia
საქართველოს ბიზნეს ასოციაციის წევრთა რიგებს ერთ-ერთი უმსხვილესი ტურისტული კომპანია, ჯუნი შეუერთდა. კომპანია, რომელიც უკვე ათწლეულზე მეტია ქართულ ბაზარზე ოპერირებს, დარგში ლიდერის პოზიციას ინარჩუნებს და ინოვაციური მიდგომებით გამოირჩევა. ჯუნი საქართველოს ბაზარზე ერთ-ერთი მნიშვნელოვანი მოთამაშეა, ის ისრაელის ავიახაზების ოფიციალური წარმომადგენელია და ბაზრის 30%-ზე მეტს ფლობს, რაც ყოველწლიურად დაახლოებით 150 000 ვიზიტორს გულისხმობს. ამ ეტაპზე კომპანია აქტიურად მუშაობს ახალი ბაზრების განვითარებაზე, მათ შორის ინდოეთზე, სადაც საქართველოს, როგორც ტურისტული მიმართულების პოპულარიზაციას ახორციელებს. სტუმრები: ლევან ვეფხვაძე -საქართველოს ბიზნეს ასოციაცია, აღმასრულებელი დირექტორი; ლაშა სეფერთელაძე - "ჯუნის" დირექტორი #ახალიამბები #BusinessMediaGeorgia
სატვირთო ავტომობილის მფლობელების საყურადღებოდ, თეგეტა მოტორსის გეზის ფილიალში დიზელის საწვავის სისტემების სათადარიგო ნაწილებზე ფასდაკლება მოქმედებს; ხოლო საცალო მომხმარებლებს ყველა ფილიალში ქეშბექით სარგებლობა შეეძლებათ. შეთავაზებები 30 აპრილის ჩათვლით გაგრძელდება. უფრო კონკრეტულად, რას სთავაზობს „თეგეტა ბიზნესი“ სატვირთო ავტომობილის მფლობელებს? სტუმარი: ვახტანგ ზივზივაძე - „თეგეტა მოტორსის“ გაყიდვების შემდგომი მომსახურების მიმართულების ხელმძღვანელი #ახალიამბები #BusinessMediaGeorgia
ჰუმანოიდი რობოტების ბაზარი სწრაფად იზრდება - 2025 წელს მიწოდებამ 14 500 ერთეულს გადააჭარბა და მასობრივი გავრცელება უკვე 2030 წლისთვისაა მოსალოდნელი. ინდუსტრიაში ლიდერი ჩინეთია, სადაც Unitree-ის მსგავსი კომპანიები წარმოებას სწრაფად ზრდიან, მაშინ როცა Tesla ჯერ კიდევ ჩამორჩება — ექსპერტების შეფასებით, სწორედ ჩინეთის ძლიერი ინდუსტრიული ბაზა განსაზღვრავს ამ სექტორის მომავალს. #ახალიამბები #BusinessMediaGeorgia
მომსახურების სფეროში ახლა მასშტაბური ტექნოლოგიური გარდატეხა მიმდინარეობს, რადგან მსხვილი გლობალური კომპანიები ქოლ-ცენტრებში ადამიანური რესურსის ავტომატიზებული სისტემებით ჩანაცვლებას უკვე აქტიურად იწყებენ. მილიონობით დოლარის დასაზოგად ბიზნესი სტანდარტული სატელეფონო ზარების მართვას რობოტებს სრულად ანდობს, თუმცა რთული და პრობლემური საკითხების მოსაგვარებლად მომხმარებელთა დიდი ნაწილი ცოცხალ ოპერატორებთან კომუნიკაციას მაინც ითხოვს. რა საფრთხეების წინაშე დგას ინდუსტრიაში დასაქმებული ათასობით ადამიანი, როგორ უმკლავდება ახალი თაობის პროგრამა გაბრაზებულ კლიენტებს და რა შემთხვევაში იტოვებს უპირატესობას ცოცხალი გონება? #ახალიამბები #BusinessMediaGeorgia
ss.ge მომხმარებლებს უძრავი ქონების მოძიებისა და ანალიზისთვის ახალ შესაძლებლობას სთავაზობს - პლატფორმაზე დაემატა AI ასისტენტი, რომელიც ძიების პროცესს კიდევ უფრო მარტივსა და სწრაფს, გადაწყვეტილების მიღებას კი - უფრო ინფორმირებულს ხდის. ეიაი ასისტენტი შექმნილია იმისთვის, რომ მომხმარებელს როგორ სასურველი უძრავი ქონების მოძიებაში, ისე უკვე ნაპოვნი განცხადებების უკეთ გაანალიზებაში, შედარებასა და შეფასებაში დაეხმაროს. ის მომხმარებელთან 24 საათიან რეჟიმში, ბუნებრივი ენით ურთიერთობს, მოთხოვნის კონტექსტი კარგად ესმის და გადაწყვეტილების მიღების თითოეულ ეტაპზე ეხმარება. AI ასისტენტი შექმნილია იმისთვის, რომ მომხმარებელს დაეხმაროს როგორც სასურველი უძრავი ქონების მოძიებაში, ისე უკვე ნაპოვნი განცხადებების უკეთ გაანალიზებაში, შედარებასა და შეფასებაში. ის მომხმარებელთან 24/7 რეჟიმში, ბუნებრივი ენით ურთიერთობს, კარგად ესმის მოთხოვნის კონტექსტი და ეხმარება მას გადაწყვეტილების მიღების თითოეულ ეტაპზე. სტუმარი: ილია გიჯაშვილი - ss.ge-ის ბიზნესისა და პროდუქტის განვითარების ხელმძღვანელი #ახალიამბები #BusinessMediaGeorgia
„ამბასადორი აილენდ ბათუმის“ გუნდმა მონაკოს საერთაშორისო საინვესტიციო ფორუმზე (MIIF) რეგიონული მნიშვნელობის პროექტი წარადგინა, რომელიც შავ ზღვაში ორი ხელოვნური ნახევარკუნძულისა და ერთი ხელოვნური კუნძულის შექმნას მოიაზრებს და რეგიონში ახლებურ საინვესტიციო სტანდარტის დამკვიდრებას ისახავს მიზნად. პროექტი, სრულად მდგრადი განვითარებისა და „ჭკვიანი ქალაქის“ (smart city) კონცეფციას ეფუძნება. ამ ეტაპზე, მიწის მოწყობით სამუშაოების 50%-ზე მეტი შესრულებულია და 84-ჰექტრიდან, 48 ჰექტარი უკვე შექმნილია. ორდღიანი ფორუმის განმავლობაში, რომელიც მონაკოს იახტ-კლუბში იმართებოდა კომპანიის წარმომადგენლებმა მონაწილეობა მიიღეს ინტენსიურ ბიზნესპროგრამაში, რომელშიც ჩართულნი იყვნენ, საერთაშორისო ინვესტიციებით დაინტერესებული პირები და კომპანიები. ღონისძიება მნიშვნელოვან პლატფორმას წარმოადგენდა ინვესტორებისა და სფეროს ლიდერებისთვის, რათა პირდაპირი კომუნიკაცია ჰქონოდათ პროექტის ხელმძღვანელებთან და სათანადოდ შეეფასებინათ პროექტის განსაკუთრებული პოტენციალი. მონაკომდე „ამბასადორი აილენდ ბათუმის“ პროექტი კანში, უძრავი ქონების საერთაშორისო ღონისძიებაზე - MIPIM-ზე იყო წარმოდგენილი, სადაც კომპანიის გუნდის წევრებმა საერთაშორისო აუდიტორიას პროექტის კონცეფციასა და საქართველოს საინვესტიციო პოტენციალი გააცნეს. ფესტივალის ფარგლებში კანში „ამბასადორი აილენდ ბათუმის“ პრეზენტაციაზე წარმოდგენილი იყო ხელოვნური კუნძულის არსი, ღირებულებები, მისი ურბანული კონცეფცია და ის საინვესტიციო შესაძლებლობები, რომელთაც პროექტი საერთაშორისო ინვესტორებს სთავაზობს. „ამბასადორი აილენდ ბათუმის“ პროექტს „ამბასადორი ჯგუფი“ საერთაშორისო პარტნიორებთან ერთად ახორციელებს. მათ შორის არიან ბრიტანული კომპანია Arup, რომელიც მსოფლიო მასშტაბით არაერთი ქალაქის გეგმარებაში მონაწილეობს, არქიტექტურული და საინჟინრო კომპანია Yüksel Proje, ასევე ამერიკული არქიტექტურული კომპანია SHoP Architects. #ახალიამბები #BusinessMediaGeorgia
,,ავერსი-ფარმასა" და ქალაქ თბილისის მუნიციპალიტეტის საკრებულოს შორის ურთიერთთანამშრომლობის მემორანდუმი გაფორმდა. აღნიშნული მემორანდუმის თანახმად “ავერსი-ფარმა“ ქალაქ თბილისის მუნიციპალიტეტში რეგისტრირებული მოქალაქეებისთვის მედიკამენტების შეღავათიანი ტარიფებით მიწოდების უზრუნველყოფს. კონკრეტულად კი შპს ,,ავერსი-ფარმა“ იღებს ვალდებულებას, რომ ქალაქ თბილისის მუნიციპალიტეტში რეგისტრირებული ბენეფიციარებისთვის კალკულაციები გასცეს ფასდაკლების დღეებში არსებული ფასებით, კვირის ნებისმიერ დღეს. მემორანდუმი ძალაში შედის მხარეთა მიერ მისი ხელმოწერის დღიდან და მოქმედებს 1 წლის ვადით. #ახალიამბები #BusinessMediaGeorgia
გუშინ, 25 მარტს, საქართველოს ბანკმა 2025 წლის მდგრადი განვითარების ანგარიში – Sustainability Report 2025: From Strategy to Impact – წარადგინა. ღონისძიებას დაესწრნენ ინვესტორები, საერთაშორისო საფინანსო ინსტიტუტების, მარეგულირებელი ორგანოებისა და პარტნიორი ორგანიზაციების წარმომადგენლები, რომელთა მონაწილეობითაც პანელური დისკუსიები შედგა მდგრადი და ინკლუზიური ეკონომიკის განვითარებაში საფინანსო სექტორის როლის შესახებ. #ახალიამბები #BusinessMediaGeorgia
ეკონომიკური სტაბილურობის მოლოდინი ნაადრევი აღმოჩნდა, ახლო აღმოსავლეთში მიმდინარე კონფლიქტმა და ნავთობზე ფასების მკვეთრმა ზრდამ მსოფლიო ახალი ინფლაციური შოკის წინაშე დააყენა. შექმნილი კრიზისის ფონზე, მსოფლიოს უმსხვილესმა ცენტრალურმა ბანკებმა, მათ შორის ამერიკის, ევროპის, დიდი ბრიტანეთისა და იაპონიის მარეგულირებლებმა, ერთხმად მიიღეს გადაწყვეტილება, დროებით შეაჩერონ მონეტარული პოლიტიკის შერბილება და საპროცენტო განაკვეთები არსებულ ნიშნულებზე დატოვონ. რატომ შეიკავეს თავი მთავარმა ფინანსურმა ინსტიტუტებმა ეკონომიკის სტიმულირებისგან, რა გავლენას მოახდენს ენერგეტიკული ბაზრების რყევა გლობალურ ფასებზე და დააწვება თუ არა ეს ტვირთი ისევ მთავრობების ბიუჯეტებს? #ახალიამბები #BusinessMediaGeorgia
1881 წლის 26 მარტს ლეგენდარული გუჩიო გუჩი დაიბადა. Gucci-ს ისტორია 1921 წელს იწყება, როდესაც Guccio Gucci-მ ფლორენციაში მცირე სახელოსნო გახსნა. ბრენდი ეტაპობრივად ჩამოყალიბდა, როგორც ხარისხიანი ტყავის ნაწარმის მწარმოებელი და დროთა განმავლობაში გლობალური ფუფუნების ინდუსტრიის მთავარ მოთამაშედ იქცა, დღეს წარმოადგენს Kering-ის პორტფელის ძირითადი ბრენდია და მნიშვნელოვან წილს იკავებს ჯგუფის შემოსავლებში. ბოლო წლების ბაზრის რყევების მიუხედავად, კომპანია ინარჩუნებს პოზიციებს და სტრატეგიულ განვითარებას აგრძელებს. 2025 წელს ბრენდში მნიშვნელოვანი ცვლილება მოხდა კრეატიულ დირექტორად დემნა გვასალია დაინიშნა, რაც Gucci-ს განვითარების ახალ ეტაპს უკავშირდება. #ახალიამბები #BusinessMediaGeorgia
“საქართველოში ხორცის გაძვირება გარდაუვალია” - რუსეთში ცხოველების დაავადების ეფექტი
ომი ახლო აღმოსავლეთში - არის თუ არა ფანჯარა საქართველოს უძრავი ქონებისთვის? სტუმარი: ლევან ბოლქვაძე - Reinvest-ის დამფუძნებელი #ახალიამბები #BusinessMediaGeorgia
საქართველოს უნივერსიტეტში დაინერგა ახალი საბაკალავრო პროგრამები - ქართული ტრადიციული მუსიკა და ქორეოგრაფია. რომელიც მიზნად ისახავს აუთენტიკურ შესრულებაზე დაფუძნებული, თანამედროვე მოთხოვნებთან თავსებადი ხელოვანების მომზადებას. პროგრამა აერთიანებს ქართულ ხალხურ მუსიკას, ცეკვას და გალობას, მოიცავს როგორც პრაქტიკულ, ისე თეორიულ სწავლებას და ეფუძნება მრავალწლიანი გამოცდილების მქონე აკადემიური გუნდის მუშაობას. პროგრამის მიზანია სტუდენტმა მიიღოს მრავალმხრივი ცოდნა, არა მხოლოდ შესრულების, არამედ სწავლებისა და კვლევის მიმართულებითაც, რაც მომავალში მისცემს შესაძლებლობას როგორც ანსამბლებში დასაქმების, ისე საკუთარი შემოქმედებითი პროექტების შექმნის. რა მნიშვნელობა აქვს ამ პროგრამის დანერგვას, როგორია მისი უნიკალურობა და რა არის საჭირო, იმისთვის რომ პროგრამაზე სტუდენტი ჩაირიცხოს? სტუმარი: გიორგი უშიკიშვილი - საქართველოს უნივერსიტეტის ასოცირებული პროფესორი #ახალიამბები #BusinessMediaGeorgia