თანამედროვე კვების ინდუსტრიაში ტრადიციული კერძები სულ უფრო ხშირად ტოვებს ოჯახურ სუფრას და ქუჩის კვების კულტურის ნაწილად იქცევა. ეს მხოლოდ ახალი კულინარიული ტენდენცია არ არის - ეს არის ეკონომიკური და ტურისტული სტრატეგია, რომელიც ეროვნულ სამზარეულოს ახალ სიცოცხლეს სძენს, მცირე ბიზნესს ავითარებს და ქვეყნის კულტურულ იდენტობას გლობალურ ბაზარზე კონკურენტულ პროდუქტად აქცევს. როგორ გარდაქმნეს სხვადასხვა ქვეყნებმა საკუთარი ტრადიციული კერძები წარმატებულ სთრით ფუდად და რა ეკონომიკური ეფექტი მოაქვს ამ მოდელს? #ახალიამბები #BusinessMediaGeorgia
გაგაცნობთ ქართულ სტრიტ-ფუდის ახალ ბრენდს, რომელმაც ბაზარზე გამოჩენიდან სულ რამდენიმე თვეში მომხმარებლის დიდი ინტერესი მიიქცია. ხინკლუკა ტრადიციულ ქართულ პროდუქტს თანამედროვე ფორმატში სთავაზობს მომხმარებელს, აფართოებს ქსელს და უკვე საერთაშორისო ბაზრებზეც ფიქრობს. 40 ათასი ლარის ინვესტიციით დაწყებული ბიზნესი დღეს უკვე რამდენიმე ლოკაციას აერთიანებს და გაფართოებას განაგრძობს. როგორ იქცა გუდაურში დაწყებული საცდელი იდეა სწრაფად მზარდ ქართულ ბრენდად, რა გეგმები აქვს კომპანიას და რატომ ხედავს საკუთარ მომავალს საერთაშორისო ბაზარზე? სტუმარი: მანო ქავთარაძე - “ხინკლუკას” დამფუძნებელი თიკო ნატმელაძე - #მხოლოდქართული, ავტორი; #ახალიამბები #BusinessMediaGeorgia
რაჭის ულამაზეს ბუნებაში, სოფელ უწერაში, „ტოიოტა კავკასიამ“ მასშტაბურ ტესტ-დრაივს უმასპინძლა, სადაც ავტომობილების ორ ლეგენდარულ მოდელს ერთდროულად მოუყარა თავი. ჩვენს გადაცემაში პირველად ნახავთ სრულიად ახალ, მე-9 თაობის Toyota Hilux-სა და ისტორიაში პირველ, უმძლავრეს Land Cruiser 300 Hybrid-ს. რაჭის უგზოობა, მძიმე ექსტრემალური მონაკვეთები და ამბროლაურის აეროპორტის ასაფრენ ზოლზე გამართული დრაგ-რეისი… #ახალიამბები #BusinessMediaGeorgia
სამუშაო ადგილები არის, თუმცა დასაქმების მსურველი - არა. ამერიკის შეერთებულ შტატებსა და ევროპის ნაწილში მცირე ბიზნესი სერიოზული გამოწვევის წინაშეა: კომპანიებს საქმის შემსრულებელი ფიზიკურად აღარ ჰყავთ. დამოუკიდებელი ბიზნესის ეროვნული ფედერაციის ახალი ანგარიშით, მეწარმეთა 51% კვალიფიციურ კადრს ვერ პოულობს, რაც 2024 წლის შემდეგ ყველაზე მაღალი მაჩვენებელია. შრომის ბაზარზე არსებული მწვავე დეფიციტის გამო, კომპანიები იძულებულნი არიან, ახალ შეკვეთებზე უარი თქვან და გაფართოება შეაჩერონ. რა იწვევს მუშახელის ნაკლებობას, რატომ ვერ ჭრის პრობლემას ხელფასების ზრდა და რატომ რჩება ვაკანსიები შეუვსებელი? #ახალიამბები #BusinessMediaGeorgia
გლობალური ბირჟების მიმოხილვა / 23.07.2026 #ახალიამბები #BusinessMediaGeorgia
ქართული მუსიკის ცოცხალი ლეგენდის, ნანი ბრეგვაძის 90 წლის იუბილე და სრულიად ახალი ჟღერადობა- შატო მუხრანმა მასშტაბურ კულტურულ მოვლენას უმასპინძლა. მარინა ბერიძისა და თეო ჯორბენაძის ავტორობით შექმნილ საღამოზე, რომლის მთავარი წარმდგენიც კოკა-კოლა ბოთლერს ჯორჯია იყო, ნიკოლოზ რაჭველმა და გამორჩეულმა ახალგაზრდა არტისტებმა კლასიკა, ჯაზი და ულტრათანამედროვე ელექტრონიკა ერთ სცენაზე ნანისთვის და ნანისთან ერთად გააერთიანეს. #ახალიამბები #BusinessMediaGeorgia
#საქმიანიდილა - 23 ივლისი - პროლოგი #ახალიამბები #BusinessMediaGeorgia
ევროპის პოპულარული კურორტები და ხმაურიანი პლაჟები მოგზაურებისთვის მიმზიდველობას ნელ-ნელა კარგავს. თანამედროვე ტურისტები ახლა სიმშვიდეს, ავთენტურ გარემოსა და აქამდე უცნობ მიმართულებებს ეძებენ. სწორედ ამ ტენდენციას ეხმაურება საერთაშორისო სამოგზაურო პლატფორმა Expedia-ს 2026 წლის ახალი კვლევა, რომლის მიხედვითაც, კუნძულებზე დასვენების მსურველთა რიცხვი რეკორდულად - 55%-ით გაიზარდა. კარიბის ზღვიდან ნორვეგიის ცივ ფიორდებამდე - სად მდებარეობს 2026 წლის 5 ყველაზე მოთხოვნადი და ტრენდული კუნძული, რომლებიც ხალხმრავალ მიმართულებებს ანაცვლებს? #ახალიამბები #BusinessMediaGeorgia
პროექტი ქართული ენის ციფრული მომავალი მიზნად ისახავს ქართული ენის როლის გაძლიერებას ხელოვნური ინტელექტისა და ციფრული ტექნოლოგიების ეპოქაში. პროექტის ფარგლებში შექმნილი ხმოვანი მონაცემები უკვე Mozilla Common Voice-ის ქართული მონაცემთა ბაზის მნიშვნელოვანი ნაწილი გახდა, რაც ქართული ენისთვის AI ტექნოლოგიების განვითარებას უწყობს ხელს. ასევე, Enagram.ai-ის ინიციატივით, პლატფორმაზე დაემატა აფხაზური, მეგრული და წოვა-თუშური ენებისთვის ხმოვანი მონაცემების შეგროვების შესაძლებლობა, რაც საქართველოს ენობრივი მრავალფეროვნების გაციფრულების მიმართულებით მნიშვნელოვანი ნაბიჯია. სტუმრები: თეა მეფარიშვილი - საგანმანათლებლო ტექნოლოგიის გუნდის დამფუძნებელი , AI საერთაშორისო სერთიფიცირებული ტრენერი; რატი სხირტლაძე - enagram.ia-ს შემქმნელი, კავკასიის უნივერსიტეტის ასოცირებული პროფესორი, AI პროგრამების ხელმძღვანელი #ახალიამბები #BusinessMediaGeorgia
“ბუკნარი”-ბუნება მთავარ როლში - ლისი დეველოპმენტის სასტუმრო შავ ზღვაზე ნიკა ხაზარაძე - "ლისი დეველოპმენტის" აღმასრულებელი დირექტორი #ახალიამბები #BusinessMediaGeorgia
კომპანია NK Consulting სამშენებლო პროექტების მართვის სფეროში ოპერირებს და კლიენტებს პროექტის სრული ციკლის განმავლობაში კომპლექსურ მომსახურებას სთავაზობს. კომპანია 2020 წელს დაფუძნდა და ამ დროისთვის 20-ზე მეტ მსხვილ სამშენებლო და დეველოპერულ პროექტზე მუშაობის გამოცდილება აქვს. მისი საქმიანობა მოიცავს საპროექტო პროცესის, პროექტების, შესყიდვების, სამშენებლო ზედამხედველობისა და ხარისხის მართვას, რაც პროექტების ეფექტიან, გამჭვირვალე და დროულ განხორციელებას უზრუნველყოფს. როგორია NK Consulting-ის მიმდინარე და სამომავლო გეგმები? სტუმარი: ალექს მაღლაკელიძე - NK Consulting, პარტნიორი #ახალიამბები #BusinessMediaGeorgia
ხვალიდან თბილისში რუსთაველის გამზირის სრული რეაბილიტაცია იწყება. პროექტზე, რომლის განხორციელებაც რამდენიმე მცდელობის შემდეგ გახდა შესაძლებელი, ტენდერები არაერთხელ ჩაიშალა, თუმცა ამჯერად გამარჯვებული კომპანია უკვე გამოვლენილია და სამუშაოების დაწყების გადაწყვეტილებაც მიღებულია. რუსთაველის გამზირისა და მერაბ კოსტავას ქუჩის ნაწილის რეაბილიტაციას კომპანია „სმარტ სოლუშენსი“ განახორციელებს. პროექტის ღირებულება დაახლოებით 20 მილიონი ლარია, სამუშაოები კი ოთხი თვის განმავლობაში გაგრძელდება. ამ დროის განმავლობაში გამზირზე სატრანსპორტო მოძრაობა შეიზღუდება. სტუმარი: რეზო მგალობლიშვილი - კომერციული უძრავი ქონების ლიცენზირებული სპეციალისტი, „თბილისის კომერციული სივრცე“, დამფუძნებელი თათია ჩაფიჩაძე - BMG, რეპორტიორი #ახალიამბები #BusinessMediaGeorgia
საქართველოს ბიზნეს ასოციაცია წევრ კომპანიებში სამუშაო ვიზიტებს განაგრძობს. ამჯერად, BAG-ის წარმომადგენლები მძიმე მრეწველობის ლიდერს და საკაბელო პროდუქციის ერთ-ერთ უმსხვილეს მწარმოებელს - „საქკაბელს“ ესტუმრნენ. როგორ ვითარდება ადგილობრივი ინდუსტრია, რა როლი აქვს ევროპულ სტანდარტებს საექსპორტო ბაზრების ათვისებაში და რა დამატებით შესაძლებლობებს უქმნის ბიზნესს ქვეყნის მთავარი ეკონომიკური გაერთიანების წევრობა? #ახალიამბები #BusinessMediaGeorgia
გლობალური ბირჟების მიმოხილვა / 22.07.2026 #ახალიამბები #BusinessMediaGeorgia
რამდენიმე დღის წინ, უკრაინის უპილოტო აპარატების მიერ შუაგულ რუსეთში კომპანია Wildberries-ის საწყობის დაბომბვა საკმაოდ მძიმე შემთხვევაა, რადგან გარდა იმისა რომ წმინდა ზარალი რამდენიმე მილიარდია, უმძიმეს მდგომარეობაში რუსეთის მცირე და საშუალო ბიზნესის, რომლის საქონელი, პროდუქცია და ნივთები ჩაიფერფლა Wildberries-ის ზომით მეორე საწყობზე თავდასხმის შემდეგ. ეს ის Wildberries-ია, რომლის გამოც რუსეთის ელიტაში ამ სიტყვის პირდაპირი მნიშვნელობით, ლამის მესამე მსოფლიო ომი იყო გაჩაღებული. საიდან მოდის და რა ფესვები აქვს რუსეთის უმსხვილესი ელექტრონული კომერციის პლატფორმის დაარსების ისტორიას? #ახალიამბები #BusinessMediaGeorgia
რას მოუტანს ესპანეთის ეკონომიკას მათი ეროვნული ნაკრების ასეთი გამარჯვება? ესპანეთის ეკონომიკაზე გეტყვით მეგობრებო რომ ესპანეთის ეკონომიკა ევროზონის ერთ-ერთი მთავარი მამოძრავებელი ძალაა, რომელიც მიმდინარე 2026 წელს ევროპის სხვა მსხვილ ეკონომიკებთან (მაგალითად, გერმანიასა და საფრანგეთთან) შედარებით ბევრად უფრო მაღალ და მდგრად ზრდას აჩვენებს. ქვეყნის ეკონომიკა მთლიანი შიდა პროდუქტის (მშპ) მოცულობით მე-4 ადგილზეა ევროზონაში და მე-12 ადგილზეა მსოფლიოში. #ახალიამბები #BusinessMediaGeorgia
#საქმიანიდილა - 22 ივლისი - პროლოგი #ახალიამბები #BusinessMediaGeorgia
ქვეყნები მიგრანტების მინიმალური/მაქსიმალური წილით: სად არის საქართველო? #ახალიამბები #BusinessMediaGeorgia
უძრავი ქონების რეგისტრაციის მიმართულებით მნიშვნელოვანი ცვლილებები ამოქმედდა. 2026 წლის 1-ლი იანვრიდან მიწის ნაკვეთების რეგისტრაცია მხოლოდ სპორადული წესით გაგრძელდა, ხოლო იმ მოქალაქეებისთვის, რომლებმაც სისტემური რეგისტრაციის ფარგლებში საკუთრების გაფორმება ვერ შეძლეს, რეგისტრაციისთვის განსაზღვრული ვადა 2027 წლის 1-ელ იანვრამდეა. რა გავლენას მოახდენს ეს ცვლილებები ქონების მესაკუთრეებზე, რა სამართლებრივი მნიშვნელობა აქვს მიწის რეგისტრაციას და რა ნაბიჯები უნდა გადადგან საკუთრების დასაცავად? სტუმარი: თამარ გოჩელაშვილი - საადვოკატო ბიურო „გოჩელაშვილი და პარტნიორების“ მმართველი პარტნიორი #ახალიამბები #BusinessMediaGeorgia
ეკონომიკური მერყეობისა და ინფლაციის ფონზე, ფიზიკური ოქრო კაპიტალის დაცვისა და სიმდიდრის შენარჩუნების უალტერნატივო სტანდარტად რჩება. დღეიდან ეს სტაბილურობა საქართველოში სრულიად ახალი ფორმითაა ხელმისაწვდომი. ქართულ ბაზარზე ახალი პლატფორმა Gold.ge გამოჩნდა, რომელიც მომხმარებელს საინვესტიციო კლასის, უმაღლესი სინჯის გერმანული და შვეიცარიული ოქროს შეძენას სთავაზობს. კომპანიაში LBMA-ს მიერ აკრედიტებული ქარხნებიდან საუკეთესო საინვესტიციო კლასის მონეტები და ზოდებია წარმოდგენილი. საგადასახადო კოდექსში შესული მნიშვნელოვანი ცვლილების შედეგად, საინვესტიციო ოქრო დღგ-სგან სრულად გათავისუფლდა, რამაც პლატფორმას საშუალება მისცა, ბაზარზე უპრეცედენტოდ დაბალი საოპერაციო პრემიუმი დაეწესებინა. კაპიტალის დივერსიფიკაციის გარდა, კომპანიის მიზანი საქართველოში საჩუქრის კულტურის ძირფესვიანად შეცვლაა. როგორ მუშაობს ინვესტირების ახალი ეკოსისტემა, სად და როგორ შეგვიძლია ფიზიკური ოქროს შეძენა? რა შესაძლებლობებს ქმნის პლატფორმა როგორც კერძო ინვესტორებისთვის, ისე ბაზრის განვითარებისთვის, როგორია მოთხოვნა და რა მოლოდინები აქვს კომპანიას რეგულაციური ცვლილებების ფონზე? სტუმარი: ნუგზარ ჭაჭიაშვილი - Gold.ge, დამფუძნებელი #ახალიამბები #BusinessMediaGeorgia
გლობალური ბაზრები&ინდექსები - Galt & Taggart-ის მიმოხილვა / Global Markets Weekly Update სტუმარი: მარიამ ზურაბაშვილი - Galt & Taggart-ის პორტფოლიო მენეჯერი #გალტენდტაგარტი #GaltTaggart #ბირჟები #მიმოხილვა #გლობალურიინდექსები #Indexes
“ავერსის” რუბრიკა “საქმიან დილაში” - როგორ მკურნალობს თანამედროვე ქირურგია თიაქარს? რუბრიკის ავტორი&წამყვანი: ლალი ბრეგვაძე, „ავერსის“ საზოგადოებასთან ურთიერთობის სამსახურის ხელმძღვანელი; სტუმრები: ვასილ აბულაძე - ბოჭორიშვილის კლინიკის ქირურგიული სამსახურის ხელმძღვანელი; მაკა სოლოღაშვილი - ბოჭორიშვილის კლინიკის სამეთვალყურეო საბჭოს თავმჯდომარე #ახალიამბები #BusinessMediaGeorgia
ქართული აგროსასურსათო სექტორის კიდევ ერთი მიმართულება, რომელიც სტრუქტურული ცვლილებები მოლოდინშია, ხორცის წარმოებაა. სექტორის წარმომადგენლები ერთიანდებიან და საქართველოში ხორცის მწარმოებელთა პირველი ასოციაცია იქმნება. მისი მიზანია ფერმერების, მწარმოებლების, იმპორტიორების, სავაჭრო ქსელებისა და სხვა მონაწილეების საერთო ინტერესების გაერთიანება, რათა დარგში არსებული გამოწვევები უფრო ეფექტურად გადაიჭრას. რატომ გახდა საჭირო ასეთი გაერთიანება და რა როლი ექნება ახალ ასოციაციას? #ახალიამბები #BusinessMediaGeorgia
2026 წელს გამოიკვეთა რომ მოგზაურებმა ტრადიციულ, წლების განმავლობაში აპრობირებულ მიმართულებებზე მოულოდნელად უარი თქვეს. სანამ დასავლეთის წამყვანი სახელმწიფოები დაკარგული პოზიციების აღდგენას ცდილობენ, სოლიდური ფინანსური ნაკადები ახლა სრულიად სხვა კონტინენტებისკენ მიედინება. რამ შეცვალა მნიშვნელოვნად გლობალური გემოვნება და რომელი ქვეყნები ხსნიან დღეს ინდუსტრიაში ახალ რეკორდებს? #ახალიამბები #BusinessMediaGeorgia
გლობალური ბირჟების მიმოხილვა / 21.07.2026 #ახალიამბები #BusinessMediaGeorgia
ლარი დოლართან და ევროსთან გამყარდა FXHUB by Foresight - ვალუტის სწრაფი, გამჭვირვალე და მომგებიანი გაცვლა #ახალიამბები #BusinessMediaGeorgia
#საქმიანიდილა - 21 ივლისი - პროლოგი #ახალიამბები #BusinessMediaGeorgia
ამინდის პროგნოზი (საქართველო) 21-23 ივლისი #ახალიამბები #BusinessMediaGeorgia
✈️ #საუბრებიავიაციაზე: Travel Collection – ახალი ციფრული ეკოსისტემა საქართველოში რუბრიკის ავტორი&წამყვანი: გიორგი მოლოდინაშვილი - “საუბრები ავიაციაზე”, ავტორი& წამყვანი; სტუმრები: ირინა სეფერთელაძე - “მერსი ქორფსის” კომუნიკაციების სპეციალისტი; თამარ თანდაშვილი - “მერსი ქორფსის” ინოვაციების და ბიზნესის განვითარების მიმართულების ხელმძღვანელი #ახალიამბები #BusinessMediaGeorgia
მსოფლიოში საავტომობილო გადაზიდვების მოცულობა უფრო სწრაფად იზრდება, ვიდრე პროფესიონალ მძღოლთა რაოდენობა. შედეგად, შორ მანძილზე მომუშავე სატვირთო ავტოტრანსპორტის მძღოლების დეფიციტი დარგის განვითარების შემაფერხებელ ფაქტორად იქცა. ამის შესახებ საერთაშორისო საავტომობილო ტრანსპორტის კავშირის ბოლო კვლევაშია აღნიშნული. მონაცემების თანახმად, მსოფლიოს სატრანსპორტო სექტორის 18 საკვანძო ბაზარზე 2.9 მილიონი მძღოლის ვაკანსია რჩება შეუვსებელი, რაც საშუალოდ დარგში დასაქმებულთა საერთო რაოდენობის 11%-ს შეადგენს. შესწავლილ ბაზრებს შორის სატვირთო ავტოტრანსპორტის მძღოლების დეფიციტის დონე ევროპაში 13%-ს, ჩინეთში – 10%-ს, ავსტრალიაში – 12%-ს, ბრაზილიაში – 11%-ს, მექსიკაში – 14%-ს შეადგენს. ყველაზე რთული ვითარება ევროპაშია 13%-იანი მაჩვენებლით, რომელიც ორგანიზაციის პროგნოზით, მომდევნო ხუთი წლის განმავლობაში კიდევ უფრო გაიზრდება, რადგანაც ევროპელი მძღოლების 20% საპენსიო ასაკს მიაღწევს. 2030 წლისთვის პენსიაზე გავა 4 მილიონი მძღოლი, რაც გლობალური სამუშაო ძალის საერთო რაოდენობის 12%-ს შეადგენს. მძღოლების დეფიციტი შეიმჩნევა საქართველოშიც, სადაც ასევე მაღალი დენადობის გამო მოსალოდნელია რომ დეფიციტი მომდევნო წლებში კიდევ უფრო გამწვავდება. რა უნდა გაკეთდეს ლოკალურად დეფიციტის ამოსავსებად? სტუმარი: პაატა ცაგარეიშვილი - “სატრანსპორტო დერეფნის კვლევის ცენტრის” ხელმძღვანელი; #ახალიამბები #BusinessMediaGeorgia
საწვავის დეფიციტის გამო რუსეთში ხორბლის უმსხვილესი მწარმოებლები მოსავლის აღებას ვერ ახერხებენ. ეს კი მაშინ, როცა საქართველოში იმპორტში რუსეთის წილი უდიდესია. სტატისტიკის ეროვნული სამსახურის მონაცემებით, 2026 წლის მხოლოდ პირველ ხუთ თვეში საქართველოში იმპორტირებული ხორბლის და მესლინის 90.6% რუსეთზე მოდიოდა. ჯამში საანგარიშო პერიოდში ქვეყანამ 36.7 მლნ დოლარზე მეტის 142 671 ტონა ხორბალი იყიდა, საიდანაც 33.3 მლნ დოლარზე მეტი ღირებულების 128 405 ტონა სწორედ რუსეთიდან შემოვიტანეთ. რა გამოწვევების წინაშე შეიძლება აღმოვჩნდეთ და რომელ ალტერნატიულ ბაზრებზე გადაწყობის შესაძლებლობა გვაქვს? სტუმარი: ლევან სილაგავა - ხორბლისა და ფქვილის ასოციაციის აღმასრულებელი დირექტორი; #ახალიამბები #BusinessMediaGeorgia
205 კერძო სკოლიდან 133-ს 300-ზე ნაკლები მოსწავლე ჰყავს, რის გამოც ბაზარი კვლავ ფრაგმენტირებული რჩება. Galt&Taggart;-ის მიერ მომზადებულ განათლების სექტორის მიმოხილვის მიხედვით, ასეთ პირობებში, მოსალოდნელია უფრო მასშტაბური და ინსტიტუციური ოპერატორების გაძლიერება, რადგან ისინი უკეთ უმკლავდებიან ხარჯობრივ, რეგულაციურ და ხარისხობრივ გამოწვევებს. ამასთან, აღსანიშნავია, რომ მაღალი პერსონალის ხარჯები კერძო სკოლების მომგებიანობის მთავარი შეზღუდვაა. ეფექტიანი ხარჯების სტრუქტურის მქონე სკოლები 15-37%-იან EBITDA მარჟას ინარჩუნებენ, ხოლო მაღალი დანახარჯების მქონე ოპერატორები ზღვრულ მომგებიანობაზე ან ზარალზე მუშაობენ. მზარდი სახელფასო ხარჯების პირობებში, კონკურენტული უპირატესობა მასშტაბურ და ეფექტიან ოპერატორებს ენიჭება, რაც სუსტი მოთამაშეების ბაზრიდან გასვლას დააჩქარებს. როგორ ვითარდება კერძო სკოლების ბაზარი საქართველოში? სტუმარი: ავთანდილ აბდუშელიშვილი - გიმნაზია “შავნაბადას" დამფუძნებელი #ახალიამბები #BusinessMediaGeorgia
2026 წლისთვის ჩინეთის ტურიზმის ბაზარი გლობალური ინდუსტრიის მთავარ მამოძრავებელ ძალად იქცა. რიცხვები შთამბეჭდავია: 130 მილიონზე მეტი საერთაშორისო მოგზაურობა და საზღვარგარეთ დახარჯული 300 მილიარდი დოლარი, რითაც ჩინეთი მსოფლიოში ყველაზე მსხვილი და მაღალმხარჯველუნარიანი ტურისტული ბაზრის სტატუსს მყარად ინარჩუნებს. რატომ არის მსოფლიოში ჩინელი ტურისტების ბუმი? #ახალიამბები #BusinessMediaGeorgia
#ავიაციისსიახლეები: ✈ თბილისის საერთაშორისო აეროპორტის გაფართოების პროექტი დაიწყო ✈ ივნისში აეროპორტებში მგზავრების 4%-იანი ზრდაა - იოსელიანი ✈ თბილისის აეროპორტში შანხაიდან პირველი რეგულარული ფრენა შესრულდა ✈ დაახლოებით 7 მლნ ლარის მარკეტინგული კამპანიები ჩაეშვა ჩინეთში - იოსელიანი ✈ FlyArystan-მა ბათუმიდან ატირაუს მიმართულებითაც დაიწყო ფრენები ✈ FLYONE-ი ბათუმიდან ფრენების სიხშირეს ზრდის ✈ სოხუმის აეროპორტში ახალი VIP ტერმინალი ამოქმედდა - TASS კვირის ყველაზე მნიშვნელოვანი და საინტერესო სიახლეები საავიაციო სექტორიდან - თიკო ნატმელაძე მიმოხილვით; #ახალიამბები #BusinessMediaGeorgia
ინტერიერი დეტალებში სტუმარი: სალომე დადუნაშვილი - “ინტერიერი სალომე დადუნაშვილთან ერთად” ავტორი&წამყვანი #ახალიამბები #BusinessMediaGeorgia
გლობალური ფინანსური ბაზრები წლის მეორე ნახევარს მაღალი მოლოდინებით, თუმცა არანაკლები გაურკვევლობით ხვდება. მიუხედავად იმისა, რომ აშშ-ის ფედერალურმა სარეზერვო სისტემამ საპროცენტო განაკვეთი უცვლელად დატოვა, საფონდო ინდექსები რეკორდულ ნიშნულებზეა, ხელოვნური ინტელექტის სექტორი კვლავ ზრდის მთავარი მამოძრავებელია, ხოლო გეოპოლიტიკური პროცესები ინვესტორებისთვის მნიშვნელოვან რისკად რჩება. რა განსაზღვრავს დღეს გლობალურ ბაზრებზე ინვესტორთა განწყობას და რა მოლოდინებია წლის მეორე ნახევრისთვის? სტუმარი: მარიამ ნატროშვილი - Galt & Taggart-ის კაპიტალის ბაზრების ანალიტიკოსი #ახალიამბები #BusinessMediaGeorgia
სამედიცინო ისტორიების ხელით დამუშავება და დამღლელი ბიუროკრატია კლინიკებში უკვე წარსულს ბარდება. მსოფლიოს წამყვანი ჰოსპიტლები მონაცემების სამართავად ხელოვნურ ინტელექტზე მასობრივად გადადიან. ახალი ალგორითმები ექიმებს რუტინული საქმისგან სრულად ათავისუფლებენ და მათ ყველაზე ძვირფას რესურსს - ადამიანის სიცოცხლის გადასარჩენად საჭირო დროს უზოგავენ. როგორ მუშაობს ტექნოლოგიური ინოვაცია პრაქტიკაში და რა სამართლებრივი რისკები ახლავს ამ პროცესს? #ახალიამბები #BusinessMediaGeorgia
გლობალური ბირჟების მიმოხილვა / 20.07.2026 #ახალიამბები #BusinessMediaGeorgia
დიდ ბრიტანეთში პოლიტიკური ცვლილებების შემდეგ, ქვეყნის მთავრობის ხელმძღვანელობას ენდი ბერნემი იბარებს. ლეიბორისტი პოლიტიკოსი, რომელსაც მრავალწლიანი პოლიტიკური გამოცდილება აქვს, წლების განმავლობაში ერთ-ერთ ყველაზე გავლენიან რეგიონულ ლიდერად ითვლებოდა. ვინ არის ახალი პრემიერ-მინისტრი და რა გზა გაიარა ქვეყნის უმაღლეს თანამდებობამდე? #ახალიამბები #BusinessMediaGeorgia
#საქმიანიდილა - 20 ივლისი - პროლოგი ✔️ ვითარება ახლო აღმოსავლეთში
Sotheby's-ის აუქციონზე Nvidia-ს აღმასრულებელი დირექტორის, ჯენსენ ჰუანგის ტყავის ქურთუკი 960 000 აშშ დოლარად გაიყიდა. აუქციონზე მიღწეული შედეგი მნიშვნელოვნად აღემატება ლოტის წინასწარ ფასს, რომელიც 40 000–60 000 აშშ დოლარს შეადგენდა.ტყავის ქურთუკი უკვე თითქმის 20 წელია ჯენსენ ჰუანგის იმიჯის განუყოფელი ნაწილია. Nvidia-ს ხელმძღვანელი საჯარო ღონისძიებებზე თითქმის ყოველთვის ტომ ფორდის შავ ტყავის ქურთუკს ატარებს, რომლის ფასიც 10 000 დოლარია. აუქციონზე გაყიდული ქურთუკი ჰუანგს 2023 წელს, Foxconn-ის ღონისძიებაზე, ტაიბეიში ეცვა. თავად ჰუანგიც ხშირად ხუმრობს საკუთარ სტილზე. 2016 წელს Reddit-ზე საკუთარ თავს მან „ტყავის ქურთუკიანი ბიჭი“ ("the guy in the leather jacket") უწოდა, 2023 წელს კი ერთ-ერთ პოდკასტში სტუმრობისას აღნიშნა, რომ მის ჩაცმულობაზე მეუღლე და ქალიშვილი ზრუნავენ. 2024 წელს კომპიუტერული გრაფიკის კონფერენციაზე ჰუანგმა თავისი ერთ-ერთი ქურთუკი Meta-ს აღმასრულებელ დირექტორს, მარკ ცუკერბერგს აჩუქა. ცუკერბერგმა ის მაშინვე მოირგო და ხუმრობით აღნიშნა: „ეს ქურთუკი უფრო ძვირი ღირს, რადგან უკვე ნატარებია.“ Sotheby's-ის განცხადებით, აუქციონიდან მიღებული თანხა სრულად გადაირიცხება ორგანიზაცია Edge Institute-ში, რომელიც ინოვაციების განვითარებას უწყობს ხელს. თანხა სტიპენდიებისა და საგრანტო პროგრამების დაფინანსებას მოხმარდება. #ახალიამბები #BusinessMediaGeorgia
LEGO-მ LEGO Art Masterpiece-ის სერიის ისტორიაში ყველაზე დიდი ნაკრები — Gustav Klimt – The Kiss (31221) — წარადგინა. მოდელი ავსტრიელი მხატვრის, გუსტავ კლიმტის ერთ-ერთ ყველაზე ცნობილი ნამუშევრის "კოცნის" (The kiss) ანალოგზეა შექმნილი. ახალი ნაკრები ვენის ბელვედერის მუზეუმთან თანამშრომლობით შეიქმნა, სადაც კლიმტის ნამუშევრის ორიგინალია გამოფენილი. პრეზენტაციაც სწორედ ამ მუზეუმში, ორიგინალი ტილოს გვერდით გაიმართა. ნაკრები ზუსტად 4 000 დეტალისგან შედგება და LEGO Art-ის ისტორიაში ყველაზე დიდი ზომის მოდელია. ამასთან, ის სერიის ყველაზე ძვირად ღირებული ნაკრებიცაა — მისი ფასი 299.99 აშშ დოლარია. აწყობილი მოდელის სიგრძე ერთი მეტრია და LEGO Art-ის სხვა ნაკრებების მსგავსად კედელზე მაგრდება, როგორც დეკორის ნაწილი. LEGO-ს დიზაინერებმა მრავალშრიანი კონსტრუქციის, ოქროსფერი ელემენტების და სხვადასხვა ტექსტურის გამოყენებით ორიგინალური ნამუშევრის ორნამენტული სტილისა და სივრცულების გამოსახვა დაიდეს მიზნად, რის შედეგადაც უნიკალური სამგანზომილებიანი მოდელი მიიღეს. გუსტავ კლიმტმა „კოცნა“ 1907–1908 წლებში შექმნა. ნამუშევარი არტ-ნუვოსა და სიმბოლიზმის ერთ-ერთ ყველაზე ცნობილ შედევრად ითვლება. ორიგინალური ტილო შესრულებულია ზეთის საღებავით და გაფორმებულია ოქროს, ვერცხლისა და პლატინის ფურცლებით. LEGO Art Gustav Klimt – The Kiss (31221) ფართო გაყიდვაში 4 აგვისტოდან იქნება ხელმისაწვდომი. ახალი მოდელი LEGO Art Masterpiece-ის კოლექციის ნაწილია, რომელიც უკვე მოიცავს ლეონარდო და ვინჩის „მონა ლიზას“, ვინსენტ ვან გოგის „მზესუმზირებს“ და „ვარსკვლავიან ღამეს“. #ახალიამბები #BusinessMediaGeorgia
2025 წელს საქართველოში 44 319 ადამიანი გარდაიცვალა, რაც 0.8% მეტია 2024 წლის მაჩვენებელზე. გარდაცვალების მიზეზებს შორის ჭარბობს სისხლის მიმოქცევის სისტემის დაავადებები და სიმსივნეები, რომლებზეც მოდის გარდაცვლილთა შესაბამისად: 37.7 და 15.5%. სტატისტიკიდან თვალში. მოსახვედრია კვებასთან, საჭმლის მომნელებელ სისტემასთან, ნივთიერებათა ცვლასთან დაკავშირებული მიზეზების მატება. ჩანს გაზრდილია ფსიქიკასთან დაკავშირებული გამოწვევებიც. შემცირებულია გულთან და სისხლის მიმოქცევასთან დაკავშირებული მიზეზები. სიმსივნის შემთხვევები მზარდია. რას აჩვენებს ეს სურათი და რაში შეიძლება გადაწყვეტილებების მიმღებებმა გამოიყენონ ეს სტატისტიკა? სტუმარი: ნინო მირზიკაშვილი - ილიას უნივერსიტეტის ასოცირებული პროფესორი, ჯანდაცვის ექსპერტი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
სახელმწიფოს საკუთრებაში არსებულმა „მოსავლის მართვის კომპანიამ“, რომელიც რთველის სუბსიდირების ფარგლებში ჭარბ ყურძენს იბარებს და მისგან ღვინო-მასალასა და საკონიაკე სპირტს აწარმოებს, 2025 წლის ფინანსური ანგარიში გამოაქვეყნა, საიდანაც ირკვევა, რომ კომპანიამ 121.9 მილიონი ლარის საბანკო კრედიტი აიღო. სესხის აღება კომპანიას რეკორდული რთველის დასაფინანსებლად დასჭირდა. 2025 წელს „მოსავლის მართვის კომპანიამ“ 145.7 ათასი ტონა ყურძენი ჩაიბარა, რაზეც სახელმწიფომ 240 მილიონი ლარი დახარჯა. ეს მთლიანი მოსავლის, 330 ათასი ტონის, დაახლოებით 44% იყო. თუმცა, სუბსიდიის პარალელურად, როგორც ირკვევა კომპანიამ ასევე გამოიყენა საბანკო კრედიტი, რაც ყურძნის შესყიდვაზე მიიმართა. მიღებული ყურძნისგან კომპანიამ 100.6 მილიონი ლიტრი ღვინო-მასალა აწარმოვა, საიდანაც 10 მილიონი ლიტრი აბსოლუტური სპირტის მოცულობის საბრენდე სპირტი მიიღო. მოსავლის მართვის კომპანიის ფინანსური ანგარიშის მიხედვით, სუბსიდიით წარმოებული პროდუქციის რეალიზაცია საწყის ფასად ვერ ხდება, რის გამოც მარაგების ღირებულება მნიშვნელოვნად შემცირდა. 2025 წლის ბოლოს კომპანიას მარაგები 220.7 მილიონ ლარად ჰქონდა შეფასებული, თუმცა მათი ღირებულება 52.2 მილიონ ლარამდე ჩამოფასდა. შედეგად, მარაგების ღირებულება 168.5 მილიონი ლარით, ანუ 76%-ით შემცირდა. ჩამოფასების მიზეზია ის, რომ პროდუქციის გაყიდვა აუქციონებზე საწყისი ფასით ვერ ხერხდება და რეალიზაციისთვის ფასის შემცირება ხდება. მსგავსი პრაქტიკა წინა წლებშიც იყო. 2022 წელს კომპანიამ 90 მილიონი ლარის მარაგები 68 მილიონი ლარით ჩამოაფასა, 2024 წელს კი 102 მილიონი ლარის მარაგები 39 მილიონ ლარამდე შემცირდა. 2026 წლის დასაწყისში სახელმწიფო კომპანიამ 10 მილიონი ლიტრი ახალგაზრდა საკონიაკე სპირტის გაყიდვა სცადა. საწყისი ფასი 80 მილიონი ლარი იყო, თუმცა პირველი აუქციონები ჩავარდა. შემდეგ ფასი 72 მილიონ ლარამდე, ხოლო მოგვიანებით 64.8 მილიონ ლარამდე შემცირდა. მიუხედავად ფასის შემცირებისა, მესამე აუქციონიც უშედეგოდ დასრულდა და ამ მოცულობის სპირტის რეალიზაცია ამ დრომდე ვერ მოხერხდა. „მოსავლის მართვის კომპანია“ მთავრობამ 2021 წელს რთველის პროცესის მართვისთვის შექმნა. 2025 წლამ #ახალიამბები #BusinessMediaGeorgia
#BMGDRIVE: ✔️ რაჭა, სოფლის ტურიზმი, პოტენციალი და სტრატეგია #BMGDrive-ის მგზავრი: თამუნა თანდაშვილი - “მერსი ქორფსის” პროგრამა Safe Online, ინოვაციებისა და ბიზნესის განვითარების მიმართულების ხელმძღვანელი; ავტორები: ბექა ბაციკაძე, რატი კაციტაძე, ზვიად ბარათელი #ახალიამბები #BusinessMediaGeorgia
სულ უფრო მეტი ქართული კომპანია საერთაშორისო ბაზრებზე ოპერირებს, სწრაფი და კონკურენტული საერთაშორისო გადარიცხვები ბიზნესისთვის ერთ-ერთ მნიშვნელოვან საჭიროებად იქცა. სწორედ ამ მიმართულებით დაიწყო პაშა ბანკმა ახალი კამპანია, რომელიც პარტნიორებს საერთაშორისო გადარიცხვებზე გაუმჯობესებულ პირობებსა და დამატებით შეღავათებს უკეთებს. რას მოიცავს ეს შეთავაზება, ვისზეა გათვლილი და როგორ ცდილობს ბანკი კონკურენტულ ბაზარზე განსხვავებული ღირებულების შექმნას? სტუმარი: ანზორ მანწკავა - "პაშა ბანკის" საოპერაციო დირექტორი #ახალიამბები #BusinessMediaGeorgia
თიბისიმ საერთაშორისო პარტნიორებისგან 210 მილიონი დოლარის მოცულობის ფინანსური რესურსი მოიზიდა. ნიდერლანდების განვითარების ბანკთან, იგივე FMO-სთან გაფორმებული სასესხო ხელშეკრულება, რეკორდული და ყველაზე მასშტაბურია არა მხოლოდ საქართველოს, არამედ მთელი რეგიონის მასშტაბით. უპრეცედენტო ფინანსური რესურსი ადგილობრივი ბიზნესის განვითარებასა და მწვანე ეკონომიკის ხელშეწყობას მოხმარდება. #ახალიამბები #BusinessMediaGeorgia
კვადრატული მეტრების ნაცვლად, მთავარი აქცენტი დროის ეკონომიასა და ცხოვრების ხარისხზე კეთდება - ამ მიდგომის საპასუხოდ დეველოპერული ბრენდი TEMPO, რომელიც ბათუმში, „ქალაქი ქალაქში“ კონცეფციით ქმნის ეკოსისტემას პორტფელში აერთიანებს ბრენდებს, როგორიც არის Queen’s Residence, Serenade და ახალი SENSA .როგორ გარდაქმნის TEMPO სამშენებლო სტანდარტებს? სტუმრები: ვალერი გასიტაშვილი - Tempo, დამფუძნებელი და აღმასრულებელი დირექტორი; ნანა ქიქავა - Tempo, გაყიდვების დირექტორი #ახალიამბები #BusinessMediaGeorgia
დღეს კომპანია „ჯიდიბი აგრო“-ს ამბები უნდა მოგიყვეთ მხოლოდ ქართულის რუბრიკაში. ქართულ აგროსამეურნეო კომპანიაზე, რომელიც ლაგოდეხის რაიონში აწარმოებს ეკოლოგიურად სუფთა, უმაღლესი ხარისხის პროდუქტს, მათ შორის სალათის ფურცლებს, ბროკოლსა და პორციული ზომის უკურკო საზამთროს. გასულ კვირას ბიემჯის გუნდი, ლაგოდეხში ჯიდიბი აგროს ვესტუმრეთ. მეურნეობაში ახლა პორციული ზომის საზამთროს მოსავლის აღება მიმდინარეობს და პროდუქტი ეტაპობრივად აგილობრივ ქსელურ მარკეტებში ნაწილდება. აქვე - ჯიდიბი აგრო თანამედროვე აგროტექნოლოგიებზე დაფუძნებული მეურნეობაა, სადაც მთავარ აქცენტს ხარისხზე აკეთებენ და ამას ადასტურებს გლობალ გეპის სტანდარტი, რომელიც კომპანიაშია დანერგილი. სტუმარი: ივა ჭყონია - GDB Agro, სამეთვალყურეო საბჭოს თავმჯდომარე მარიამ იზორია - #მხოლოდქართული, ავტორი; #ახალიამბები #BusinessMediaGeorgia
არის თუ არა საქართველოს უძრავი ქონების ბაზარზე 2008 წლის ფინანსური კრიზისის მსგავსი რისკები? - ამ თემას მიეძღვნა გადაცემა „უძრავი ქონების პროსპექტის“ 14 ივლისის ეთერი, სადაც სექტორის წარმომადგენლებმა უძრავი ქონების ბაზარზე შიდა უპროცენტო განვადებების ფონზე სპეკულაციური კაპიტალის წილის ზრდაზე ისაუბრეს. ეკონომისტების ნაწილი მიიჩნევს, რომ გამარტივებულმა შიდა გაყიდვებმა, სადაც მყიდველების გადახდისუნარიანობა ფაქტობრივად არ მოწმდება, 2-3 წლიან პერსპექტივაში შესაძლოა ბაზრის მნიშვნელოვანი რყევები გამოიწვიოს. რა მიზნობრიობით და ვინ ამოძრავებს დღეს უძრავი ქონების ბაზარს? #ახალიამბები #BusinessMediaGeorgia