ბათუმში ივლისი და აგვისტო ტურისტულად დატვირთული იყო, თუმცა სეზონის სხვა პერიოდებში სასურველი აქტივობა არ დაფიქსირებულა. ადგილობრივი ტურიზმის სექტორის წარმომადგენლების განცხადებით, ვიზიტორების რაოდენობისა და ჯავშნების ზრდის მიუხედავად, ტურისტების ხარჯები დაახლოებით 9-10%-იან კლებას აჩვენებს. ბათუმის მთავარი გამოწვევები კი სეზონურობა, არასაკმარისი ინფრასტრუქტურა და ტურისტული შეთავაზებების სიმწირეა. ტურისტების რაოდენობის ზრდის მიუხედავად შემოსავლები რომ არ იზრდება ამაზე კვლევებიც საუბრობს.

“გალტ ენდ თაგარტის” შეფასებით, 2026 წლის 7 თვეში ტურიზმიდან მიღებულმა შემოსავალმა წინა წელთან შედარებით 2.5 მილიარდი აშშ დოლარი შეადგინა, რაც გასული წლის მაჩვენებლის ტოლია. ეს მონაცემი აჩვენებს, რომ ბოლო თვეების გააქტიურებამ ვერ გადაწონა ახლო აღმოსავლეთის კრიზისით გამოწვეული ჩავარდნა. “ჩვენი პროგნოზით, ტურიზმიდან მიღებული შემოსავლები 2026 წელს 4.9 მილიარდი აშშ დოლარის, ხოლო 2027 წელს 5.3 მილიარდი აშშ დოლარის ოდენობით იქნება”, - პროგნოზირებს “გალტ ენდ თაგარტი”. რაც შეეხება უშუალოდ ივლისის მაჩვენებლებს, საქართველომ ტურიზმიდან 590 მლნ დოლარის შემოსავალი მიიღო, რაც წლიურად 7.1%-ით მეტია.

როგორ ვითარდება ქვეყანაში ტურიზმის ინდუსტრია, რა გამოწვევები და პერსპექტივები იკვეთება ჩამოსული ტურისტების გეოგრაფიის თუ ხარჯვითი ღირებულების მიხედვით?

სტუმარი: ვანო ვაშაყმაძე - ტურიზმის ექსპერტი


#ახალიამბები #BusinessMediaGeorgia