ჩატჯიპიტის ონლაინ შოპინგის გასამარტივებელი ფუნქცია ემატება, - კერძოდ ეს განახლება ციფრულ სივრცეში ვაჭრობის მოყვარულებს რეკომენდაციებს, პროდუქტების ფასებს, შეფასებებს და სხვა დეტალებს მიაწოდებს, რაც ავტომატურად ნიშნავს, რომ ოფენ ეიაი კონკურენციაში ისეთ გიგანტებთან შედის, როგორიც გუგლი და ამაზონი არიან, რომელთაც ეს ფუნქცია აქამდე უკვე ჰქონდათ, თუმცა კომპანიაში აცხადებენ, რომ ხელოვნური ინტელექტის მიერ შეთავაზებული სერვისი ბევრად მოქნილი იქნება. #ახალიამბები #BusinessMediaGeorgia
რა ხდება მსოფლიოს წამყვან ბირჟებზე. ვაშინგტონსა და პეკინს შორის ტარიფების დროებით შეჩერების ფონზე, მკვეთრად შემცირდა გლობალური რეცესიის დაწყების რისკი, რაც აისახა როგორც ნავთობის ფასზე, ასევე ოქროს ღირებულებაზეც, რადგან მოგეხსენებათ, ის გეოპოლიტიკური რისკებისგან თავის დასაზღვევი აქტივია. რა ვითარებაა ბირჟებზე და რას უნდა ველოდოთ ამ დღეებში? სტუმარი: გვანცა ზანდარაშვილი - Galt & Taggart-ის ასოცირებული ტრეიდერი #ახალიამბები #BusinessMediaGeorgia
საქართველოს ეკონომიკის მიმოხილვა - Galt&Taggart;-ყოველკვირეული ანალიტიკა სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
პრეზიდენტი დონალდ ტრამპი გეგმავს, ხელი მოაწეროს აღმასრულებელ ბრძანებას, რომელიც ამერიკის შეერთებული შტატების მასშტაბით წამლების და მედიკამენტების გაიაფებას 30-80%-ით გამოიწვევს. როგორც ტრამპი აღნიშნავს, განკარგულება ძალაში მყისიერად შევა და მის ეფექტს მომხმარებლები მომენტალურად იხილავენ. მართალია, პრეზიდენტს არ განუმარტავს, თუ როგორ აპირებს ის წამლების მკვეთრად გაიაფებას, თუმცა ექსპერტები ვარაუდობენ, რომ ის წამლების იმპორტზე ბარიერების შემცირებას და ფედერალური შესყიდვის პროგრამის შეჩერებას გეგმავს, რათა ზოგიერთ მედიკამენტზე ფასები არა სახელმწიფოს მიერ იყოს განსაზღვრული, არამედ - თავისუფალი ბაზრის მიერ, რომელიც, როგორც წესი უკეთესს შედეგს იძლევა. შესრულდება თუ არა დანაპირები ჯერ უცნობია. ამ დროისთვის გავლენის შეფასება უჭირთ საქართველოშიც, სადაც ამერიკიდან იმპორტირებული მედიკამენტების წილი დაახლოებით 10-დან 15%-მდე მერყეობს, თუმცა, რაც ადგილობრივ ბაზარზე წამლების ფასის მხრივ იკვეთება მისი მზარდი ფასია. იმ მედიკამენტების ღირებულება, რომელიც რეფერალურ ფასში არ ხვდება აპრილში 12-დან 22%-მდე გაძვირდა. რა ახდენს ფასზე გავლენას და რა შენიშვნები აქვთ სექტორის წარმომადგენლებს პროგრამის მოქმედებასთან მიმართებით? #ახალიამბები #BusinessMediaGeorgia
შრომის უფლებები და ღირსეული სამუშაო გარემო — ბიზნესის მდგრადი განვითარების ერთ-ერთი მთავარი წინაპირობაა. შრომის უფლებების პატივისცემა და ხელშეწყობა გაეროს გლობალური შეთანხმების ერთ-ერთი მთავარი პრიორიტეტია, რადგან ის განსაზღვრავს, რამდენად თანაბარ, უსაფრთხო და ღირსეულ გარემოში უწევთ მუშაობა ჩვენს ირგვლივ მყოფ ადამიანებს. დღეს სულ უფრო ნათლად ვაცნობიერებთ, რომ კომპანიების პასუხისმგებლობა სცილდება მხოლოდ უშუალოდ ოპერაციებს და ვრცელდება მთელ ღირებულების ჯაჭვზე. კომპანიებმა უნდა შეიმუშაონ და დანერგონ ეფექტური მიდგომები, რომლებიც უზრუნველყოფს თანამშრომელთა ჯანმრთელობის დაცვას, ხელს უწყობს უსაფრთხო სამუშაო გარემოს და იცავს შრომის უფლებებს ყველა სივრცეში. ამ პროცესში კი განსაკუთრებული როლი სწორედ კერძო სექტორს ეკისრება. დღეს, როცა ევროკავშირში აქტიურად მიმდინარეობს კორპორაციული მდგრადობისა და პასუხისმგებლობიანი ბიზნეს პრინციპების კანონმდებლობის განვითარება, ღირსეული შრომის სტანდარტების დანერგვა არა მხოლოდ განვითარებისა და სტაბილურობისთვის, არამედ ევროკავშირთან დაახლოებისთვისაც აუცილებელი ნაბიჯია. როგორი უნდა იყოს უსაფრთხო, ჯანმრთელობის დაცვაზე ორიენტირებული და ღირსეული სამუშაო გარემო ქვეყანაში? რუბრიკის წამყვანი: თამარ ღუნაშვილი - გაეროს გლობალური შეთანხმების საქართველოს ქსელის სტრატეგიული კომუნიკაციების ხელმძღვანელი; სტუმრები: ზაქარია შველიძე - EY საქართველო, იურიდიული პრაქტიკის Of Counsel, სამართლის დოქტორი; ფარნა დვალი - Concept of Safety-ის თანადამფუძნებელი #ახალიამბები #BusinessMediaGeorgia
1880 წლის 13 მაის ამერიკელმა მეწარმემ და გამომგონებელმა, თომას ედისონმა, თავის ლაბორატორიაში პირველი ელექტრო რკინიგზა გამოცადა და ფაქტობრივად, მსოფლიოს სატრანსპორტო სისტემაში სრული გარდატეხაც მოახდინა. სწორედ ედისონის იდეას და აღმოჩენას მოყვა რკინიგზის სრული ელექტროფიკაციის დაწყება და შემდეგ მისი ეტაპობრივი განვითარება. რა გზა გაიარა მსოფლიო სარკინიგზო სისტემამ, ედისონის იდეიდან დღემდე და როგორ დაიხვეწა ის? #ახალიამბები #BusinessMediaGeorgia
ამერიკამ და ჩინეთმა ტარიფებთან დაკავშირებით შეთანხმებას მიაღწიეს. ჟენევაში გამართული შეხვედრის შემდეგ ცნობილი გახდა, რომ მხარეები 90 დღის განმავლობაში ერთმანეთისთვის დაწესებული ტარიფების შემცირებაზე შეთანხმდნენ. კერძოდ, ამერიკა ჩინური პროდუქციისთვის დაწესებულ ტარიფს 145-დან 30%-მდე შეამცირებს, ხოლო ჩინეთი ამერიკული პროდუქციისთვის დაწესებულ გადასახადს - 125-დან 10%-მდე. შეთანხმებამდე ჩინეთს ამერიკისთვის 125%-იანი ტარიფი, აშშ-ის კი ჩინურ პროდუქციაზე 145%-იანი ტარიფები ჰქონდა დაწესებული. როგორ შეხვდა გლობალური ეკონომიკა ვაშინგტონი-პეკინის მიღწეულ შეთანხმებამ და რა პირველადი შეფასებები ისმის ეკონომისტებისგან? #ახალიამბები #BusinessMediaGeorgia
#საქმიანიდილა - 13 მაისი - პროლოგი #ახალიამბები #BusinessMediaGeorgia
უქმე დღეები საქართველოში და რეგიონში #ახალიამბები #BusinessMediaGeorgia
დაბერების საწინააღმდეგო ტექნოლოგია - “კვანტური გარღვევა” - IBM & Google-ის ანონსი #ახალიამბები #BusinessMediaGeorgia
საქართველოში წელს, 3 თვეში ნატურალური წვენების ექსპორტი მცირედით შემცირდა, ხოლო შემოსავალი გაიზარდა, რაც იმას ნიშნავს, რომ საერთაშორისო ბაზარზე ფასები მზარდია. უფრო კონკრეტულად, საქსტატის ოფიციალური სტატისტიკური მონაცემებით, საქართველომ 2025 წლის პირველ 3 თვეში 4,812 ტონა ნატურალური წვენი გაყიდა, საიდანაც $8,7 მლნ-ის შემოსავალი მიიღო. მაშინ როდესაც, 2024 წლის ანალოგიურ პერიოდში, საქართველოს $7,7 მლნ-ის 4,864 ტონა ნატურალური წვენი ჰქონდა გაყიდული. წელს ქვეყნისთვის მთავარი სავაჭრო ბაზარი გერმანიაა. ამ ბაზარზე 3 თვეში $5,2 მლნ-ის ღირებულების 2,366 ტონა ნატურალური წვენი გავყიდეთ. აღსანიშნავია, რომ მთლიან ნატურალური წვენების ექსპორტში გერმანიის ბაზარი 49.1%-ს შეადგენს. საქართველოსთვის მთავარი საექსპორტო ბაზრების ჩამონათვალი საანგარიშო პერიოდში ასეთია: გერმანია - $5,2 მლნ, 2,366 ტონა; აშშ - $1,2 მლნ, 881 ტონა; ისრაელი - $338 ათასი, 286 ტონა; აზერბაიჯანი - $176 ათასი, 215 ტონა; ავსტრალია - $ 235 ათასი, 189 ტონა; საბერძნეთი - $231 ათასი, 181 ტონა; არაბთა გაერთიანებული საამიროები - $229 ათასი, 126 ტონა; იაპონია - $461 ათასი, 125 ტონა; სომხეთი - $105 ათასი, 114 ტონა; რუსეთი - $85 ათასი, 71 ტონა. აქვე საგულისხმოა, რომ რუსეთი, გასულ წელს ანალოგიურ პერიოდში მე-4 ადგილს იკავებდა, თუმცა წელს სურათი შეცვლილია და ამ ბაზარმა მე-10 ადგილზე გადაინაცვლა. სტუმარი: სოსო მანჯავიძე - "ქართული აგროპროდუქტის" მმართველი პარტნიორი #ახალიამბები #BusinessMediaGeorgia
2025 წლის პირველი კვარტალის მდგომარეობით, ქართული ბანკების მთლიანი საკრედიტო პორტფელი 63 მილიარდ ლარს შეადგენს, რაც წლიურად 16.6%-იან ზრდას ნიშნავს. სებ-ის სტატისტიკის თანახმად, მთლიან სესხებში 91 დღეზე მეტად ვადაგადაცილებული კრედიტების რაოდენობა მთლიანი პორტფელის 1.6%-ია. 1 მილიარდის ვადაგადაცილებული სესხებიდან 270 მილიონი ლარი კორპორაციულ სექტორზე მოდის, 367 მილიონი ლარი მცირე და საშუალო ბიზნესზე, 166 მილიონი კი მიკრო ბიზნესზე ნაწილდება. ფიზიკური პირების კრედიტებში ვადაგადაცილება მხოლოდ 244 მილიონ ლარს შეადგენს. რაც შეეხება სექტორებს, ვადაგადაცილების წილი ყველაზე მაღალია სამშენებლო კომპანიებზე გაცემულ კრედიტებში, რაც ამ სეგმენტის პორტფელის 4.1%-ს შეადგენს. 4%-ით მეორე ადგილზეა რესტორნების, ბარების, კაფეების და სწრაფი კვების ობიექტების სექტორი, ჯამური ვადაგადაცილებული თანხა კი 36 მლნ ლარია. რა ვითარებაა კვების ბიზნესში ზაფხულის ტურისტული სეზონის მოსვლის პარალელურად და როგორია ბაზრის მოლოდინები? სტუმარი: ირაკლი კახიძე - რესტორან “სოფიკოს” დამფუძნებელი; #ახალიამბები #BusinessMediaGeorgia
თბილისის მუნიციპალურმა ინსპექციამ, შპს კორტები უსაფრთხოების ნორმების დარღვევის მუხლით, 30 000 ლარით დააჯარიმა. უწყების ცნობით, მშენებლობა შეჩერებულია იქამდე, ვიდრე კომპანია შენობის კონსტრუქციული მდგრადობის შესახებ დამატებით ექსპერტიზის დასკვნას არ წარმოადგენს. ცნობისთვის, თამარაშვილის ქუჩაზე, ყოფილი იპოდრომის მიმდებარე ტერიტორიაზე, მშენებარე შენობა გასული კვირის ბოლოს ჩამოინგრა. როგორც სამუშაოების განმახორციელებელი კომპანია "თიზი ჯგუფის" დირექტორმა არჩილ ზაკუტაშვილმა BM.GE-ს განუცხადა, ბეტონის ჩასხმის დროს, დგარი დაზიანდა, რამაც ყალიბის ნაწილის და დასხმული ფილის ჩამოშლა განაპირობა. შემთხვევის შედეგად არავინ დაშავებულა. შეგახსენებთ, შპს “კორტებმა” იპოდრომის მიმდებარედ ე.წ კორტების ტერიტორიაზე სპორტული ინფრასტრუქტურის მოწყობაზე აუქციონში 2021 წელს გაიმარჯვა. საინვესტიციო შეთანხმებით ადგილზე სამუშაოები 2 წლის ვადაში 2023 წელს უნდა დასრულებულიყო, თუმცა როგორც შპს “კორტების” წარმომადგენელი აცხადებდა, პროექტირების ეტაპის გაჭიანურება პროექტის მასშტაბურობიდან გამომდინარე მოხდა, რასაც თან პანდემიაც დაერთო, ამიტომ ადგილზე ახალი ინფრასტრუქტურის მოწყობა 2025 წელს უნდა დასრულდეს. თბილისის შემდეგ ძლიერი ქარის შედეგად შენობაზე დამონტაჟებული ხარაჩოები ჩამოინგრა ბათუმშიც. ხარაჩოები ქუჩაში მიმავალ ორ მოქალაქეს დაეცა, რომელთა სიცოცხლეს საფრთხე არ ემუქრება. მერიის ინფორმაციით გორგასლის ქუჩაზე დაშავებულები მკურნალობას სამედიცინო დაწესებულებაში აგრძელებენ. ვინ არის პასუხისმგებელი შენობების ჩამონგრევასა და უსაფრთხოების წესების დარღვევაზე? სტუმარი: დავით თხელიძე - SafCo-ს თანადამფუძნებელი; #ახალიამბები #BusinessMediaGeorgia
#ავიაციისსიახლეები: ✈ 4 თვეში თბილისის აეროპორტს მგზავრები 13%-ით, ქუთაისს 2%-ით, ბათუმს 44%-ით გაეზარდა; ✈ სატვირთო საჰაერო ტვირთბრუნვა 61%-ით გაიზარდა; ✈ 2025 წლის 4 თვეში Georgian Airways-ი ქართული საავიაციო ბაზრის სამეულშია; ✈ Wizz Air ერევანში ბაზას ხსნის და 8 ახალ მიმართულებას ამატებს; ✈ სოხუმიდან ფრენა კიდევ ერთმა სანქცირებულმა რუსულმა ავიაკომპანიამ დაიწყო კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #საქმიანიდილა #ბიზნესმედია #საქმიანები
თბილისის ვისკის ფესტივალი 2025 17-18 მაისს ექსპო ჯორჯია პავილიონებში იმართება. ფესტივალი პირველად წარმატებით ჩატარდა 2024 წლის სექტემბერში, რასაც მოჰყვა საზოგადოების მაღალი ინტერესის გამოხატვა და ფართო გამოხმაურება. სწორედ ამიტომ, მიმდინარე წელს ღონისძიება მნიშვნელოვნად გაფართოვდა. ვისკის გარდა წარმოდგენილი იქნება ჯინი,რომი, ბრენდი და სხვა დისტილირებული ალკოჰოლური სასმელი, რაც დამატებით მრავალფეროვნებას შესძენს ფესტივალის პროგრამას. სტუმრები: ლაშა რიჟამაძე - საქართველოს დისტრიბუტორთა ბიზნეს ასოციაცია, პრეზიდენტი; ელგუჯა ქარუმიძე - თბილისის ვისკის ფესტივალი, თანადამფუძნებელი; ვლადიმერ თიბილაშვილი - თბილისის ვისკის ფესტივალი, თანადამფუძნებელი #ახალიამბები #BusinessMediaGeorgia
კოვიდ-19-ის დაწყებიდან ხუთი წლის შემდეგ, გლობალური ეკონომიკები განსხვავებულად უბრუნდებიან ზრდის ტემპს. ზოგიერთმა ქვეყანამ, 2025 წლისთვის პანდემიამდელ მოლოდინს გადააჭარბა, ზოგიერთმა კი, სრულად აღდგენა ამ დრომდე ვერ შეძლო. IMF-ის 2025 წლის მსოფლიო ეკონომიკური პერსპექტივის უახლესი მოაცემინებს თანახმად, რომელი რეგიონები აჩვენებენ ზრდის ტენდენციას და რომლის შემთხვევაში არ გამართლა მოლოდინები? #ახალიამბები #BusinessMediaGeorgia
უკვე ოთხ თვეზე მეტი გავიდა, რაც წელი დაიწყო და ამ დროის განმავლობაში სააუქციონო სახლები არ წყვეტენ ვაჭრობასა და ძვირადღირებული ლოტების გასხვისებას. იქნება ეს ხელოვნების ნიმუშები, ავტომობილები, სპორტული აქსესუარები თუ სხვა, კოლექციონერებს ფაქტობრივად ყველაფერი აინტერესებთ. #ახალიამბები #BusinessMediaGeorgia
BMG და Tegeta Holding-ი წარმოგიდგენთ #BMGAuto-ს:
ავტომობილების იმპორტი მზარდ სტატისტიკას აჩვენებს, ეს კი იმას ნიშნავს, რომ ქვეყანაში იმ ადამიანების რიცხვი იზრდება, რომლებიც ავტომობილების მათ შორის საერთაშორისო ბაზრებზე შეძენით არიან დაინტერესებულები. თუ ავტომობილის შეძენა გინდათ და იმპორტიორ ქვეყნებად ამერიკას და სამხრეთ კორეას განიხილავთ, შეძენის, ტექნიკური დათვალიერების, ტრანსპორტირების და სხვა ყველა საჭირო პროცესში კომპანია - ჰოა ავტო იმპორტი დაგეხმარებათ, რომელიც სწორედ ამ ორ ბაზარზე პოზიციონირებს. კომპანიის გუნდი მრავალწლიან გამოცდილებას აერთიანებს. თითოეულ მომხმარებელს აქ პერსონალური ასისტენტი ჰყავს, რომელიც საჭირო დახმარებას უწევს და შესყიდვის პროცესს კომფორტულ გამოცდილებად აქცევს. ჰოა ავტო იმპორტის ოფისი აქამდე მხოლოდ თბილისში ფუნქციონირებდა, მთავარი სიახლე კი ის არის, რომ სულ ახლახან კომპანია გაფართოვდა და ფილიალი უკვე ბათუმშიც გახსნა. #ახალიამბები #BusinessMediaGeorgia
ბოლო წლებში ციფრული ინდუსტრიები იმდენად სწრაფად და მასშტაბურად იზრდება, რომ ექსპერტების პროგნოზით, მომავალი ათწლეულის განმავლობაში, მათ მიერ მიღებული შემოსავალი გლობალურ ეკონომიკაში მნიშვნელოვან წვლილს შეიტანს და თავის პოზიციებს ბევრად გაიღრმავებს. ცხადია, ყველაზე სწრაფად მზარდ ინდუსტრიებს შორის მხოლოდ ტექნოლოგიური მიმართულებები არ ხვდება, თუმცა ისინი მოწინავე პოზიციებს ნამდვილად იკავებენ. #ახალიამბები #BusinessMediaGeorgia
გლობალური ვაჭრობის მოცულობამ გასულ წელს რეკორდულ $33 ტრილიონს მიაღწია, რაც 2023 წელთან შედარებით 1 ტრილიონი დოლარით გაზრდილი მაჩვენებელია. ზრდაში განსაკუთრებული წვლილი შეიტანა მომსახურებით ვაჭრობამ, რომელიც 7%-ით გაიზარდა და საერთო ზრდის ნახევარი შეადგინა. ამის მონაცემების მიღმა, მსოფლიო სავაჭრო ორგანიზაციის უახლეს სტატისტიკა, გასული წლის გლობალური იმპორტის შედეგებსაც აჯამებს #ახალიამბები #BusinessMediaGeorgia
#საქმიანიდილა - 12 მაისი - პროლოგი #ახალიამბები #BusinessMediaGeorgia
ბრენდის ხმა: Nikolo Brega / ხელნაკეთი ხის სათვალეები ნიკოლოზ ბრეგაძე - ბრენდ "ნიკოლო ბრეგას" დამფუძნებელი #BrandVoice #ბრენდისხმა #BMG #BMGTV #ახალიამბები #BusinessMediaGeorgia
ამერიკული სანქციები სტუმარი: მარიკა მიქიაშვილი - პარტია "დროას" წევრი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
კორუფციის რუკა სტუმარი: სანდრო ქევხიშვილი - "საერთაშორისო გამჭვირვალობა - საქართველოს" ანტიკორუფციული პროგრამის ხელმძღვანელი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
მეტ გალა 2025-მა რეკორდული შემოსავალი მიიღო - ყველაფერი მოდის მთავარ ღონისძიებაზე #ახალიამბები #BusinessMediaGeorgia
პირველი Youtube მილიარდერი?! Mr.Beast-ის გზა დიდებისკენ #ახალიამბები #BusinessMediaGeorgia
გუშინ საღამო,თბილისში, გაიმართა ღია კარის დღე/ღონისძიება „პატარა ნაბიჯები – დიდი მომავალი“ (Little Steps – Big Future). შეხვედრაზე წარმოდგენილი იქნა საქართველოში პირველ ოფიციალურ მონტესორის ბაღი, საბავშვო ბაღზეა საუბარი რომელიც ქართველ პარტნიორებთან ერთად მონტესორის ფონდის პრეზიდენტი, მონტესორის საერთაშორისო საბჭოს დამფუძნებელი ტიმ სელდინი (Tim Seldin) გაუძღვა. ჩემგან განსხვავებით, რადგან გუშინ ჯანდაცვის სტანდარტის ძალიან საინტერესო გადაცემას ვამზადებდით თქვენთვის, პრეზენტაციას დაესწრო BMG-ს გადამღები ჯგუფი, ლიკა მეგუთნიშვილი ეზიარა მონტესორის მეთოდს და გაარკვია იმ უპირატესობებზე რომლითაც მონტესორის პრინციპები გვეხმარება, შევქმნათ გარემო, რომელიც ხელს უწყობს ბავშვის ბუნებრივ განვითარებას. სტუმარი: ნიკა გამყრელიძე - „მონტესორი უნივერსი“, თანადამფუძნებელი #ახალიამბები #BusinessMediaGeorgia
ბაღჩეულისა და ბოსტნეულის მწარმოებელი კომპანია - "იმერი” დაახლოებით 5 წელია ქართულ ბაზარს ჯანსაღი პროდუქტით ამარაგებს და ასორტიმენტში ისეთ ბოსტნეულსაც, თუ ბაღჩეულს აერთიანებს, რომელიც ხშირად დეფიციტურია. კომპანია 60-მდე დასახელების პროდუქტს ითვლის და რაც მთავარია ყოველწლიურად მომხმარებლისთვის არჩევანი კიდევ უფრო მრავალფეროვანი ხდება. იმერის ბოსტნეულს საქართველოს თითქმის ყველა ქსელში შეხვდებით, კომპანია აქტიურად თანამშრომლობს ჰორეკა სექტორთანაც. "იმერი" დღეს სრულად ენერგოდამოუკიდებელია.. კომპანია მზის ელექტროსადგურის ხარჯზე - მდგრად წარმოებად ჩამოყალიბდა. სტუმარი: ნიკა კიკნაძე - “იმერის” დამფუძნებელი მარიამ იზორია - #მხოლოდქართული, ავტორი; #ახალიამბები #BusinessMediaGeorgia
სად ვყიდულობთ და ვყიდით მწვანილს? #ახალიამბები #BusinessMediaGeorgia
გერმანული ბრენდი კერხერი, რომელიც დასუფთავების ტექნიკის წარმოების მიმართულებით ინოვატორია, 90 წლის გახდა. სასიხარულოა რომ 10 წელი შეუსრულდა “კერხერ საქართველოს” რომელიც ცდილობს ჩვენს ქვეყანაში გერმანული ხარისხი დაამკვიდროს. სიმბოლური თარიღი, კერხერ საქართველოს გუნდმა, პარტნიორ კომპანიებთან, მომხმარებელთან და გლობალური კერხერის ტოპმენეჯმენტთან ერთად აღნიშნა. #ახალიამბები #BusinessMediaGeorgia
ქუთაისის McDonald's-ის რემოდელინგი - რა განახლდა რესტორანში? #ახალიამბები #BusinessMediaGeorgia
თიბისი უზბეკეთის გუნდმა, კონკრეტულად კი ნიკა ქურდიანმა და ოლივიერ ჰიუზმა გაავრცელეს ტრადიციული ვიდეო ჩართვა, სადაც აღწერეს 2025 წლის პირველი კვარტლის შედეგები, რომელიც ნამდვილად შთამბეჭდავია და ბოლო მონაცემებით, ყოველი მეორე უზბეკეთის მოქალაქე უკვე დაკავშირებულია TBC სთან ამ ქვეყანაში რაიმე ფორმით, რადგან განახლებული სტატისტიკით თიბისის მომხმარებელთა რაოდენობა თითქმის 40 მილიონიან უზბეკეთში 20 მლნ-ს გადასცდა. #ახალიამბები #BusinessMediaGeorgia
თიბისიმ, თავისი 33 წლიანი ისტორიის და ყველა მიღწეული წარმატების აღსანიშნად, ბრენდის ახალი პლატფორმა და სლოგანი გუშინ, მედიის წარმომადგენლებისა და სხვა სტუმრების თანდასწრებით გააჟღერა. "მთავარია, გჯეროდეს" - ესაა კომპანიის განახლებული მესიჯი, რომლის მიზანიც იმ ყველა ფასეულობისა და ღირებულებების თავმოყრაა, რომელიც ამ წლების განმავლობაში საფინანსო ინსტიტუტმა თავისი საქმიანობის პარალელურად შექმნა და დააგროვა. #ახალიამბები #BusinessMediaGeorgia
ყველაზე ძვირად ღირებული ომი - რა თანხა დაუჯდათ ქვეყნებს მეორე მსოფლიო ომი? #ახალიამბები #BusinessMediaGeorgia
როცა ზავი ომზე უარესია - რეალურად, რატომ დაიწყო II მსოფლიო ომი?! #ახალიამბები #BusinessMediaGeorgia
#საქმიანიდილა - 9 მაისი - პროლოგი #ახალიამბები #BusinessMediaGeorgia
Habemus papam - რომის პაპი არჩეულია - ლეო XIV რომის 267-ე პაპი გახდა #ახალიამბები #BusinessMediaGeorgia
2015-დან 2024 წლამდე შინამეურნეობებზე გაცემული სესხების მთლიანი მოცულობა 269 %-ით გაიზარდა და 31 მილიარდ ლარს გადააჭარბა. თანდათანობით იზრდება ოჯახების მიერ მიკროსაფინანსო ორგანიზაციებიდან და მევახშეებისგან აღებული სესხების მოცულობაც. - ამის შესახებ სოციალური სამართლიანობის ცენტრის მიერ მომზადებული კვლევიდან ხდება ცნობილი, რომელიც ქვეყანაში შინამეურნეობების ჭარბვალიანობას ზომავს. პუბლიკაციის მიხედვით, 2015 წელთან შედარებით, ერთ სულ მოსახლეზე გაანგარიშებული სესხის საშუალო ოდენობა 4-ჯერ გაიზარდა და 2024 წელს 95 643 ლარი შეადგინა. მოსახლეობის შემოსავალი იმაზე ნაკლები სისწრაფით იზრდება, ვიდრე სესხები, შესაბამისად, ოჯახებისათვის სესხის ტვირთი კიდევ უფრო მძიმდება. ამას მოწმობს 2023 წლის მონაცემებიც, რომლის მიხედვითაც მოსახლეობის მთლიანი სესხის მოცულობამ მთლიანი შემოსავლის 216% შეადგინა. სტუმარი: მარიამ ჯანიაშვილი - სოციალური სამართლიანობის ცენტრის იურისტი, მკვლევარი; #ახალიამბები #BusinessMediaGeorgia
ნავთობის ექსპორტიორ ქვეყანათა ორგანიზაცია (OPEC+) საერთაშორისო ბაზრისთვის ნედლი ნავთობის მიწოდებას ზრდის. როგორც ცნობილია, მიმდინარე წლის ივნისიდან ნავთობის დღიური მიწოდება დამატებით 411,000 ბარელით გაიზრდება და პროცესი იქამდე გაგრძელდება, სანამ ეტაპობრივად დღიური კორექციის მაჩვენებელი 2.2 მილიონ ბარელს არ მიაღწევს. ორგანიზაციის გადაწყვეტილება პირდაპირ კავშირშია მსოფლიოს უმსხვილესი ნავთობ ექსპორტიორი სახელმწიფოს - საუდის არაბეთის მთავრობის პოლიტიკის ცვლილებასთან, რომელიც კარტელში მიმდინარე დაპირისპირების ფონზე, საფასო ომის წამოწყების რისკის წინაშე დგას. ექსპერტების შეფასებით, საუდის არაბეთის პოზიციის ცვლილება მოვლენების განვითარებასთან და მთავრობის მიერ პრიორიტეტების გადაფასებასთანაა დაკავშირებული. OPEC-ის გადაწყვეტილების ფონზე, ბარელი Brent-ის ფასი 62 დოლარს, WTI კი 59 დოლარს შეადგენს, რაც ერთ კვირაში 3.5%-ით, ხოლო ერთწლიან პერიოდში 25%-ით შემცირებული მაჩვენებელია. ფასის გაიაფების მოლოდინი არსებობდა და არსებობს საქართველოში, სექტორის წარმომადგენლები აცხადებდნენ, რომ არსებული ტრენდის შენარჩუნების პირობებში ფასი 15-დან 20 თეთრამდე უნდა გაიაფდეს. რა ვითარებაა დღეისთვის? სტუმარი: ზაალ იაკობიძე - „სენტა პეტროლიუმ ჯორჯიას“ გენერალური დირექტორი; #ახალიამბები #BusinessMediaGeorgia
საქსტატის ინფორმაციით, 2025 წლის მარტში მშენებლობის ღირებულების ინდექსი წინა თვესთან შედარებით 2.2%-ით, ხოლო წლიურად 6.3%-ით გაიზარდა. მათ შორის საცხოვრებელი სეგმენტის ინდექსი წინა თვესთან შედარებით გაზრდილია 3.1%-ით, ხოლო წლიურად 9.2%-ით. თებერვალთან შედარებით 3.6%-ით, წინა წელთან შედარებით კი 5.5%-ით გაიზარდა არასაცხოვრებელი სეგმენტის ინდექსიც. მარტში თვიურ ჭრილში ინდექსის ზრდა ძირითადად განპირობებული იყო მშენებლობის დარგში დაქირავებით დასაქმებულთა საშუალო ნომინალური ხელფასის 11.7%-იანი ზრდით, რამაც ჯამური ინდექსის ცვლილებაში 2.2 პროცენტული პუნქტი შეიტანა. წლიური ზრდის მიზეზებშიც წამყვანი ფაქტორი დასაქმებულებისთვის გადახდილი შრომითი ანაზღაურებაა, რაც 22%-იან ზრდას მოიაზრებს, რაც შეეხება სამშენებლო მასალებს გაძვირებამ კი 2.7% შეადგინა. მნიშვნელოვანია იმის აღნიშვნაც, რომ 2022 წლის თებერვალთან შედარებით მშენებლობის ღირებულების ინდექსი ჯამში 23.5%-ით არის გაზრდილი. აისახება თუ არა გაზრდილი ინდექსი გასაყიდი უძრავი ქონების ფასზე? სტუმარი: ვლადიმერ რობაქიძე - „აპექს დეველოპმენტის“ დირექტორი; #ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი კვლავ უცვლელად 8%-ზე დატოვა. სებ-ის მიერ გავრცელებულ განცხადებაში ნათქვამია, რომ ინფლაცია მიზნობრივ 3 პროცენტიან მაჩვენებელთან ახლოს ნარჩუნდება. აპრილის მდგომარეობით წლიურმა მაჩვენებელმა 3.4 პროცენტი შეადგინა, ხოლო საბაზო ინფლაცია, რომელიც სამომხმარებლო კალათიდან მაღალი მერყეობით გამორჩეულ სურსათის, ენერგომატარებლებისა და სიგარეტის ფასებს გამორიცხავს, 2.3 პროცენტი იყო. ეროვნული ბანკი აღნიშნავს, რომ მიმდინარე წელს ინფლაციის დინამიკას, ერთი მხრივ, საერთაშორისო სურსათის ფასების მზარდი ტენდენცია განაპირობებს, მეორე მხრივ კი სურსათის ინფლაციის ზრდა, 2025 წლის მარტიდან, ადგილობრივ ბაზარზე პურის ფასის ერთჯერადმა გაძვირებამ გამოიწვია. საქართველოს ეროვნულმა ბანკმა გუშინ 2025 წლის ეკონომიკური ზრდის პროგნოზიც შეცვალა და ის 5%-დან 6.7%-მდე გაზარდა. განახლებული მაჩვენებლით სებ-ი უფრო მაღალ ზრდას მოელის ვიდრე საქართველოს მთავრობა. მიმდინარე წლის ბიუჯეტი 6%-იან ეკონომიკურ ზრდაზეა დაგეგმილი. რამდენად რეალისტურია პოზიტიური მოლოდინები? სტუმარი: გიორგი ხიშტოვანი - ეკონომისტი; #ახალიამბები #BusinessMediaGeorgia
მსოფლიო ღვინის ეკონომიკა - ბაზრის ლიდერები ძველი და ახალი სამყაროდან #ახალიამბები #BusinessMediaGeorgia
რას საქმიანობს The Wine? სტუმარი: ალექსანდრე მარგველაშვილი - "თბილღვინოს" მარკეტინგის მიმართულების ხელმძღვანელი #ახალიამბები #BusinessMediaGeorgia
ბიზნეს ასოციაცია მიმდინარე კვირაში კიდევ ერთ წევრ კომპანიას ესტუმრა. BAG-ის წარმომადგენლებმა ამჯერად დეველოპერული კომპანია “ბიოგრაფი ლივინგის” ერთ-ერთი მიმდინარე პროექტი “საკენი” მოინახულეს, რომლის მშენებლობაც აქტიურ ფაზაში მიმდინარეობს. კომპანია “ბიოგრაფი ლივინგი” ვისოლ ჯგუფმა 2 წლის წინ დააფუძნა და მას შემდეგ დეველოპერული ბაზრის მოთამაშე უწყვეტ განვითარებას განაგრძობს. ამ ეტაპზე მათი პორტფელი ჯამში 4 მიმდინარე პროექტს ახორციელებს, წლევანდელი გეგმები კი, კიდევ უფრო მასშტაბურია. რა სიახლეებს აანონსებს კომპანია და რა შედეგები აქვთ ოპერირებიდან 2 წლის თავზე? #ახალიამბები #BusinessMediaGeorgia
სამშენებლო ტექნიკაზე მთელი მსოფლიოს მასშტაბით მოთხოვნა სულ უფრო იზრდება, რაც უმთავრესად იმ ფაქტითაა განპირობებული, რომ გლობალურად მასშტაბური სამშენებლო პროექტების რიცხვი მზარდია. როგორ გამოიყურება ეს ბაზარი, რომელი რეგიონი ლიდერობს და როგორია, სამომავლო პროგნოზები? #ახალიამბები #BusinessMediaGeorgia
კომპანია ლეგო თრეიდი დაახელოებით ორი წელია რაც გამოჩნდა ბაზარზე, თუმცა არაერთი წარმატებული პარტნიორობა უკვე შედგა. ეს არის კომპანია, რომელიც ბეტონის ტექნიკის გაქირავების მიმართულებით პოზიციონირებს. ლეგო თრეიდის ავტოპარკი სხვადასხვა წვდომის 10 ავტო ტუმბოს აერთიანებს. კომპანიის მომხმარებლები კი ბაზარზე არსებული სამშენებლო კომპანიები არიან, რომლებიც მშენებლობაში ლეგო თრეიდის მძიმე ტექნიკას იყენებენ. სტუმარი: ნანა გეგეჭკორი - "ლეგო თრეიდის" კომერციული დირექტორი #ახალიამბები #BusinessMediaGeorgia