პირველი ნოემბრიდან, ძალაში შედის "ოცნების" პარლამენტის მიერ მიღებული კანონი, რომლითაც, გამონაკლისების გარდა, საჯარო მოხელეებს ერთზე მეტ ანაზღაურებად თანამდებობაზე დასაქმება ეკრძალებათ. შესაბამისი ცვლილებები „კორუფციის წინააღმდეგ ბრძოლის შესახებ“ კანონში შევიდა.

საჯარო სექტორში დასაქმებულებს, გამონაკლისის სახით, პარალელურად, შეეძლებათ სამეცნიერო, პედაგოგიური, შემოქმედებითი, სპორტული საქმიანობა და საქართველოს თავდაცვის ძალების რეზერვში საქმიანობა, რისთვისაც ხელმძღვანელის თანხმობა დასჭირდებათ.

თუ საჯარო მოსამსახურე ამ მოთხოვნებს დაარღვევს, ის გათავისუფლდება ყველა დაკავებული თანამდებობიდან. მას გათავისუფლების დღიდან 2 წლის განმავლობაში არ ექნება უფლება დაიწყოს მუშაობა საჯარო სამსახურში. ამასთანავე, მას ეკისრება კომპენსაციის გადახდა შესაბამისი დაწესებულებების ბიუჯეტების სასარგებლოდ, დაკავებული თანამდებობების დატოვების ვალდებულების წარმოშობიდან გათავისუფლებამდე პერიოდში მიღებული შრომის ანაზღაურების ოდენობით.

რა პროფესიებს შეეხება აღნიშნული ცვლილება და რისთვის, უფრო სწორად, რა დანიშნულებით შემოიღო ქართულმა ოცნებამ აღნიშნული შეზღუდვები?

#ახალიამბები #BusinessMediaGeorgia