პარაგვაი მსოფლიოში მწვანე ენერგიის ყველაზე დიდი წმინდა ექსპორტიორია. ქვეყნის 99.9% ჰიდროენერგიაზე მოდის.ჯამში, პარაგვაი წლიურად 110 მილიარდ კვტ/სთ-ზე მეტ სუფთა ენერგიას აწარმოებს, საიდანაც 80%-ზე მეტი ექსპორტზე გადის. მასობრივად დაბალ ფასად ხელმისაწვდომმა ენერგიამ უკვე მიიპყრო გლობალური ტექნოლოგიური გიგანტების ყურადღება. ტექკომპანიები ინვესტიციების თაობაზე მოლაპარაკებებს უკვე აქტიურად აწარმოებენ. თუ ქვეყანა შეძლებს რესურსებისა და დემოგრაფიის სწორად მობილიზებას, პარაგვაის აქვს პოტენციალი, სამხრეთ ამერიკის სილიკონის ველად იქცეს. რა აქცევს სამხრეთ ამერიკის ქვეყანას ტექკომპანიებისთვის მიმზიდველად? #ახალიამბები #BusinessMediaGeorgia
საქართველოს ბიზნეს ასოციაცია კვლავ აგრძელებს წევრ კომპანიებთან ვიზიტს. BAG-ის წარმომადგენლები ამჯერად კომპანია UGT-ს ესტუმრნენ, ადგილზე სამუშაო პროცესს გაეცნენ და ბრენდის მიღწეული შედეგებისა და სამომავლო გეგმების შესახებ ამბებს დეტალურად გაეცნენ. BAG-სა და UGT-ის პარტნიორობა უკვე მრავალ წელს ითვლის და ამის მიღმა, აღსანიშნავია ისიც, რომ 2023 წელს, მათი ერთობლივი ძალისხმევით, ბიზნეს ასოციაციაში IT კომიტეტი შეიქმნა, რომლის მიზანიც ბიზნეს სექტორში ინკლუზიური ციფრული ტრანსფორმაციის ხელშეწყობა, ინოვაციებისა და ტექნოლოგიური სიახლეების ინიცირება და მათი დანერგვა. ამ თანამშრომლობის შესახებ კიდევ უფრო მეტ დეტალს, ისევე როგორც UGT-ს 28-წლიან ისტორიაზე. #ახალიამბები #BusinessMediaGeorgia
რეგიონის ქვეყნების ეკონომიკების მიმოხილვა:
დღეს ჩვენს ყოველდღიურ ცხოვრებაში რობოტების ჩართულობაზე ვსაუბრობთ, მაგრამ იყო დრო, როცა ბენჯამინ ფრანკლინმა 1742 წლის 11 ივნისს, გათბობის ქურა გამოიგონა. აღსანიშნავია, რომ ფრანკლინმა პატენტი ამ გამოგონებაზე არ აიღო — მან ღიად გაუზიარა საზოგადოებას ეს იდეა, რადგან სჯეროდა, რომ ცოდნა და პროგრესი საერთო სარგებლისთვის უნდა გამოეყენებინათ. #ახალიამბები #BusinessMediaGeorgia
#საქმიანიდილა - 12 ივნისი - პროლოგი ✔️ თანამდებობის პირების ქონებრივი დეკლარაციების საიტი ამუშავდა - რა იყო 6-თვიანი შეფერხების მიზეზი? ✔️ რა ქონებას ფლობს ირაკლი კობახიძე? ✔️ რა ქონებას ფლობს კახა კალაძე? ✔️ რა ქონებას ფლობს ლევან დავითაშვილი? ✔️ რა ქონებას ფლობს ნათია თურნავა? ✔️ ფინანსური დანაშაულის ჩამდენებისგან ქონების ამოღება მარტივდება - ცვლილებები კანონში; ✔️ ტრამპი: ჩინეთთან შეთანხმება მიღწეულია - რაზე შეთანხმდნენ? ✔️ WB-მა ქვეყნების 70%-ს ეკონომიკური ზრდის პროგნოზი შეუმცირა - საქართველოს პროგნოზი: -0.5 პ.პ. #ახალიამბები #BusinessMediaGeorgia
როგორც ყველგან, ისე ევროპაშიც, სხვადასხვა სექტორებისა და პოზიციების მიხედვით დასაქმებულების ანაზღაურება საკმაოდ ფართო დიაპაზონში იცვლება. განსაკუთრებულად მაღალ შემოსავლიანი პოზიციები უფრო მეტად მედიცინის, ტექნოლოგიებისა და საფინანსო სექტორებს უკავშირდება. რომელია ყველაზე მაღალ ანაზღაურებადი პოზიციები ევროპაში? #ახალიამბები #BusinessMediaGeorgia
ქართული ტურიზმის სექტორი აზიურ ბაზრებზე გადაწყობის პროცესშია. წელს ტურიზმის სექტორში ისრაელის შემდეგ სწორედ ინდოელი, ჩინელი და არაბული ქვეყნებიდან ვიზიტორები დომინირებენ. აზიური ბაზრებიდან ტურისტების ნაკადი რაოდენობრივად დიდი არ არის, თუმცა წლიურ ჭრილში პირველ კვარტალში 40%-ზე მეტად არის გაზრდილი ტურისტების ნაკადი ჩინეთიდან, ინდოეთიდან კი ზრდა 28%-ია. პირველი კვარტლის მდგომარეობით საქართველოში ტურისტების დიდი ნაკადი ისრაელიდან ჩამოდის. წლის პირველ სამ თვეში ისრაელიდან 80,896 ვიზიტი განხორციელდა, რაც წლიურად 72.9%-იანი ზრდაა. როგორ მიმდინარეობს ტურისტული სეზონი ზღვისპირეთში და ვინ არის სტუმრების ძირითადი კონტინგენტი? სტუმარი: თემურ დიასამიძე - ტურიზმისა & უძრავის ქონების ექსპერტი, საინვესტიციო მრჩეველი #ახალიამბები #BusinessMediaGeorgia
ოფიციალური სტატისტიკით, 2025 წლის პირველ კვარტალში საქართველოს ენერგეტიკის სექტორში $70,2 მილიონის პირდაპირი უცხოური ინვესტიცია განხორციელდა. ეკონომიკის სექტორებს შორის ენერგეტიკა მოწინავეა, სადაც წლის პირველ სამ თვეში ყველაზე მეტი FDI ჩაიდო, თუმცა 2024 წლის პირველ კვარტალთან შედარებით ენერგეტიკის სექტორში პირდაპირი უცხოური ინვესტიციები 8,5 მილიონი დოლარით არის შემცირებული. განახლებადი ენერგიების განვითარების ასოციაციის აღმასრულებელი დირექტორის განცხადებით, სექტორში ინვესტიციები ძირითადად გამანაწილებელი კომპანიების მხრიდან იდება და გენერაციის მხარე ამ ზრდაში წამყვანი არ არის. ენერგეტიკა, ეს არის სექტორი, რომელსაც ძალიან დიდი საინვესტიციო პოტენციალი გააჩნია. რა დაბუსტავს კიდევ უფრო ამ სექტორს, რა სჭირდება უფრო მეტი ინვესტიციების განხორციელებას განსაკუთრებით გენერაციის მიმართულებით? სტუმარი: პაატა ცინცაძე - საქართველოს ენერგეტიკის აკადემიის პრეზიდენტი #ახალიამბები #BusinessMediaGeorgia
საქართველოში FDI-ს მოცულობა 2025 წლის I კვარტალში 7,7%-ით, 179.4 მლნ დოლარამდე შემცირდა. ინვესტიციების შემცირებაზე გავლენა მოახდინა ინვესტორთა მიმართ სავალო ვალდებულებების მომსახურებამ, რამაც 33 მილიონი დოლარი შეადგინა, ინვესტიციების შემომავალი ნაკადები კი 150 მილიონი დოლარი იყო რეინვესტიციების სახით და 62 მილიონი დოლარი კომპანიების მფლობელთა მხრიდან სააქციო კაპიტალის შევსებით. შესაბამისად, მთლიანობაში საინვესტიციო ნაკადებმა 179 მილიონი დოლარი შეადგინა. ენერგეტიკა, ინფორმაცია და კომუნიკაცია და დამამუშავებელი მრეწველობა- ასე გამოიყურება ის ძირითადი სექტორები, სადაც პირველი კვარტლის მდგომარეობით ყველაზე მეტი FDI ჩაიდო. უფრო კონკრეტულად, ენერგეტიკაში 70 მილიონი დოლარის ინვესტიცია განხორციელდა, 8,5 მილიონი დოლარით ნაკლები, ვიდრე წინა წლის ანალოგიურ პერიოდში. 2,8-ჯერ არის გაზრდილი ინვესტიციები ინფორმაციისა და კომუნიკაციის სექტორში. თუ გასულ წელს ამ სექტორში 18,1 მილიონი დოლარის ინვესტიცია ჩაიდო, წელს პირველ კვარტალში ეს მაჩვენებელი 52,3 მილიონ დოლარამდე გაიზარდა. ინვესტიციები გაზრდილია მშენებლობის სექტორშიც, რამაც პირველ კვარტალში 20,5 მილიონი დოლარი შეადგინა. მნიშვნელოვანი კლებაა უძრავი ქონების სექტორში. თუ გასული წლის პირველ კვარტალში სექტორში 19,3 მილიონი დოლარის FDI ჩაიდო, წელს პირველ კვარტალში ეს მაჩვენებელი 5,9 მილიონ დოლარამდეა შემცირებული. სტუმრები: ნატო ბოჭორიშვილი - საქართველოს უძრავი ქონების ეროვნული ასოციაციის პრეზიდენტი; ბესო ორთოიძე - "არსის" გენერალური დირექტორი; დავით კიზირია - ციფრული ტრანსფორმაციის კონსორციუმის კოორდინატორი. #ახალიამბები #BusinessMediaGeorgia
„მზიური ანექსი“ „მზიური დეველოპმენტის“ ახალი, რიგით მესამე პრემიუმ კლასის საცხოვრებელი და საინვესტიციო პროექტია, რომელიც მახინჯაურში, ბათუმიდან სულ რაღაც 6 კილომეტრში ვითარდება, იქ, სადაც ზღვა და მთა ჰარმონიულად ერწყმის ერთმანეთს. ლოკაცია გამოირჩევა სუბტროპიკული კლიმატით, ზღვისა და მთის საოცარი სინთეზით, უხვი მწვანე საფარით, უნიკალური ფლორა–ფაუნით და იშვიათი მცენარეებით, რაც მთელ რეგიონს განსაკუთრებულ ხიბლს სძენს. მზიური დეველოპმენტი მახინჯაურში ინვესტირება რამდენიმე წლის წინ დაიწყო და ერთი პროექტი "მზიური გარდენსი" დასრულებულია, მეორე პროექტის მზიური ველნესის მშენებლობა კი აქტიურად მიმდინარეობს. თეონა გიორგაძე - "მზიური დეველოპმენტი” კომერციული დირექტორი #ახალიამბები #BusinessMediaGeorgia
საქართველოში საფრანგეთის საელჩოსა და იაშვილის საავადმყოფოს შორის ურთიერთთანამშრომლობის მემორანდუმი გაფორმდა, რომელიც მიზნად ისახავს საქართველოში პედიატრიული სერვისების განვითარებას. აღნიშნული მემორანდუმის ფარგლებში იაშვილის საავადმყოფოში რთული კლინიკური შემთხვევების განხილვასა და მკურნალობაში ჩაერთვებიან უცხოელი კოლეგები საფრანგეთის ჰოსპიტლიდან AP-HP, პარიზის ნეკერის ბავშვთა ჰოსპიტლიდან, რომელიც წარმოადგენს წამყვან პედიატრიულ და სპეციალიზებულ სამედიცინო ცენტრს არა მხოლოდ საფრანგეთში, არამედ მთელს ევროპაში. ასევე, აღნიშნული მემორანდუმის ფარგლებში ჩართულია იაშვილის საავადმყოფოს მრავალწლიანი პარტნიორი ქართულ ინტერნაციონალური სამედიცინო და საზოგადოებრივი ჯანდაცვის ასოციაცია (GIMPHA). მათთან თანამშრომლობით შეიქმნება ციფრული პლატფორმა, რომელიც რთული სამედიცინო შემთხვევების განხილვაში ქართველი და საზღვარგარეთ მოღვაწე ექიმების ერთობლივ ჩართულობას უზრუნველყოფს. მემორანდუმი ასევე ითვალისწინებს ონკოლოგიით დაავადებული პაციენტებისა და მშობლების მხარდაჭერას ბერი ანდრიას ფონდის ჩართულობით. სტუმრები: თამარ ვახტანგაძე - მ. იაშვილის სახ. თბილისის ცენტრალური ბავშვთა საავადმყოფოს დირექტორი; ნინო სოლომონია - იაშვილის ჩვილ ბავშვთა და ახალშობილთა კრიტიკული მედიცინის განყოფილების უფროსი #ახალიამბები #BusinessMediaGeorgia
2025 წლის 6–8 ივნისს, გარემოს დაცვისა და სოფლის მეურნეობის სამინისტროს ღვინის ეროვნული სააგენტოს მხარდაჭერით და გამოფენების ცენტრის „ექსპოჯორჯია“ ორგანიზებით, გაიმართა ღვინისა და ალკოჰოლური სასმელების მე-17 საერთაშორისო გამოფენა – WinExpo Georgia 2025. გამოფენაში მონაწილეობა მიიღო 200-მდე კომპანიამ. გამარჯვებულები გამოვლინდნენ 7 კატეგორიაში და დაჯილდოვდნენ ოქროს, ვერცხლის და ბრინჯაოს მედლებით. სტუმრები: ნინო გამრეკელი - ექსპოჯორჯიას კრეატიული დირექტორი კახა აცანელიძე - კომპანია "მილდიანის" გაყიდვების ხელმძღვანელი საქართველოში პაატა ლეკიაშვილი “კოლოტი” დამფუძნებელი #ახალიამბები #BusinessMediaGeorgia
გალფის ახალი მულტიფუნქციური კომპლექსი, რომელიც ქალაქ გორთან, ცენტრალურ მაგისტრალზე გაიხსნა. განახლებული ავტოგასამართი სადგური საქართველოში ყველაზე დიდი ფორმატის Gulf Store-ის მაღაზიასაც აერთიანებს, სადაც მომხმარებელს შეუძლია მგზავრობის დროს საჭირო ყველა სერვისი მიიღოს. #ახალიამბები #BusinessMediaGeorgia
კორპორაციული სოციალური პასუხისმგებლობა მსოფლიოში აქტუალურ თემად 20-ე საუკუნის II ნახევრიდან იქცა. განსაკუთრებული განვითარება 20-ე საუკუნის 70-იანი წლებიდან დაიწყო, თუმცა იდეის საფუძვლები ბევრად უფრო ადრე ჩაეყარა. დღეს წარსულზე უფრო ცოტას ვისაუბრებთ, ვიდრე 2025 წელს როგორ არის განვითარებული CSR მიმართულება მსოფლიოში და საქართველოში. რა კეთდება საქართველოში კორპორაციული მიმართულებით, რამდენად არიან პროცესში ჩართული მხარეები? სტუმრები: ალექსანდრე ძნელაძე - საქართველოს საბანკო ასოციაციის პრეზიდენტი; სალომე მაკარიძე - საქართველოს საბანკო ასოციაციის კომუნიკაციებისა და პროექტების მიმართულების ხელმძღვანელი #ახალიამბები #BusinessMediaGeorgia
საქართველოს ბანკი განათლების მხარდაჭერას აგრძელებს. ბანკისა და კომაროვის სკოლის ორგანიზებითა და ინიციატივით, უკვე მეორე წელია საქართველოში სკოლის მოსწავლეებისთვის სტემ ოლიმპიადა ტარდება. ამჯერად 10 ფინალისტი უკვე შერჩეულია, ფინალური ეტაპი კი 29 ივნისს გაიმართება. რას მოიაზრებს სტემ ოლიმპიადა და რა არის მისი მთავარი მნიშვნელობა? #ახალიამბები #BusinessMediaGeorgia
ხელოვნური ინტელექტი, თამამად შეიძლება ითქვას, რომ ბოლო დროის ყველაზე დიდი წინ გადადგმული ნაბიჯია ტექნოლოგიურ სამყაროში. თუმცა, ჯერ ყველაფერი წინაა! ანალიტიკოსების შეფასებით, AI განვითარების პირველ საფეხურებზეა და ჩვენ წინ კიდევ უფრო დიდი გარდატეხა გველოდება. როგორ ვითარდება ტექნოლოგია - რეალურად, რამდენად ჭკვიანია ხელოვნური ინტელექტი და ამასთან, ადამიანის ინტელექტის კოეფიციენტთან შედარებით, როგორ თანაფარდობაშია მისი IQ #ახალიამბები #BusinessMediaGeorgia
NVIDIA და HPE სუპერკომპიუტერს შექმნიან. პროექტი, რომელიც 2027 წლისთვის პლანეტის ერთ-ერთი ყველაზე მძლავრი სუპერკომპიუტერის შექმნას ითვალისწინებს, ლაიბნიცის სახელობის სუპერკომპიუტერების ცენტრთან თანამშრომლობით განხორციელდება და მისი მიზანი — სამეცნიერო კვლევაში AI-ის გამოყენების წახალისებაა. #ახალიამბები #BusinessMediaGeorgia
ამერიკასა და ჩინეთს შორის ლონდონში, ლანკასტერ ჰაუსში 9 ივნისს დაწყებული მოლაპარაკებები, გუშინ მთელი დღის განმავლობაში გაგრძელდა. როგორც ცნობილია, მოლაპარაკებების მიზანი აშშ-სა და ჩინეთს შორის სავაჭრო დაპირისპირების დეესკალაცია და ტექნოლოგიური/ინდუსტრიული შეზღუდვების გადახედვაა. პროცესში ჩართული მხარეებიდან გუშინ მედიასთან კომენტარი, ამერიკის ვაჭრობის მდივანმა ჰოვარდ ლატნიკმა გააკეთა, რომელმაც აღნიშნა, რომ მოლაპარაკებები “ძალიან კარგად მიმდინარეობს”, თუმცა, დაამატა ისიც, რომ შესაძლოა პროცესი კიდევ ერთ დღეს გაგრძელდეს. რა გადაწყვეტილებაზე შეჯერდება პლანეტის ორი ყველაზე ძლევამოსილი ეკონომიკა, უფრო მეტ დეტალს უახლოეს პერიოდში გავიგებთ. გასულ ორ დღეს და იმ საკვანძო საკითხებს უნდა გადავხედოთ, რომელიც ამერიკისა და ჩინეთის წარმომადგენლებმა ამ მოლაპარაკებებზე განიხილეს #ახალიამბები #BusinessMediaGeorgia
„ეფეს საქართველომ“ მცხეთის სატყეო უბნის, ჯვრის მონასტრის მიმდებარე ფერდობის 3000 კვ/მ-მდე ფართობის ბუნებრივი განახლების ხელშეწყობის ღონისძიებები დაიწყო. ხეების დარგვის პროცესში, რომელიც გარემოს დაცვის მსოფლიო დღეს მიეძღვნა ჩაერთნენ კომპანიის თანამშრომლები, ეროვნულ სატყეო სააგენტოსა და მედიის წარმომადგენლებთან ერთად. მნიშვნელოვანია, რომ „ეფეს საქართველო“ „ტყის მეგობრის“ პროგრამის ფარგლებში აღდგენილი ფართობის ხანგრძლივვადიან მოვლაზეც იზრუნებს. #ახალიამბები #BusinessMediaGeorgia
CAMPA მინის ბოთლების ხელახალი გამოყენების სისტემის დანერგვაზე მუშაობს. კომპანია საპილოტე პროექტის დაწყებას უახლოეს მომავალში გეგმავს. კამპა Reuse სისტემას ცირკულარული ეკონომიკის განვითარების პროექტის ფარგლებში განახორციელებს. პროექტი გლობალური ინიციატივის ნაწილია, ორგანიზაცია CENN გერმანიის ეკონომიკური თანამშრომლობისა და განვითარების ფედერალური სამინისტროს (GIZ) მხარდაჭერით ახორციელებს. რა ნაბიჯებს გადადგამს კამპა მდგრადი მიზნებისკენ და რა დანადგარი დაემატა წარმოებას? #ახალიამბები #BusinessMediaGeorgia
"მოვითხოვთ ვადების მკაცრი კონტროლით, მაღალი ხარისხის ობიექტების ჩაბარებას" - ინფრასტრუქტურის ახალი მინისტრი რევაზ სოხაძე სამშენებლო კომპანიის წარმომადგენლებს შეხვდა. სამინისტროს გავრცელებული ინფორმაციით, რევაზ სოხაძემ შეხვედრის მონაწილეებს ინფრასტრუქტურის სამინისტროს ხედვა და პოლიტიკა გააცნო. მან ასევე, გაუზიარა ინფორმაცია იმ ხარვეზების შესახებ, რაც სხვადასხვა ობიექტების მონახულებისას გამოიკვეთა. რევაზ სოხაძემ აღნიშნა, რომ ტენდერებთან დაკავშირებით სამინისტრო გეგმავს რამდენიმე სიახლეს, რაც განხორციელდება მაქსიმალურად გამჭვირვალედ და ამასთან დაკავშირებით სამშენებლო სექტორი მიიღებს ამომწურავ ინფორმაციას. როგორია ინფრასტრუქტურის ახალი მინისტრის ხედვა, რა საკითხებზე გაამახვილეს ყურადღება შეხვედრაზე ბიზნესის წარმომადგენლებმა და რა არის ის ძირითადი გამოწვევები, რაც ინფრასტრუქტურის მშენებელ კომპანიებს აწუხებთ? სტუმარი: გიორგი თავართქილაძე - Tesen Group -ის დირექტორთა საბჭოს თავმჯდომარე #ახალიამბები #BusinessMediaGeorgia
თბილისიდან ბერლინამდე – ქართული ღვინო, გემოები და მუსიკა .. Kiketi Fest, რომელიც საქართველოში ერთ-ერთ გამორჩეულ ფესტივალად ჩამოყალიბდა, წელს პირველად ბერლინში ჩატარდება. 6 ივლისს, ÆDEN და ŒL Garden-ში, Kiketi Fest Berlin 2025 აერთიანებს ქართულ ღვინოს, კულინარიას და თანამედროვე მუსიკას ერთდღიან კულტურულ ზეიმში. ფესტივალი არის ინიციატივა, რომლის მიზანია საქართველოს ცხოვრების სტილის, ტრადიციების და შემოქმედებითი პოტენციალის გაზიარება ევროპული აუდიტორიისთვის — ბერლინელებისთვის, ტურისტებისთვის, ქართული დიასპორისთვის და HoReCa სექტორის წარმომადგენლებისთვის. სტუმარი: რეზი პეტრიაშვილი - Kiketi Fest Berlin 2025, ორგანიზატორი #ახალიამბები #BusinessMediaGeorgia
საბრძოლო ხელოვნება დღეს საქართველოში სულ უფრო დიდ მიმზიდველი მიმართულება ხდება. თბილისში არსებობს სივრცე, რომელიც საბრძოლო ხელოვნებას აერთიანებს თანამედროვე ფიზიკური მომზადების სისტემებთან და მოზარდების პიროვნული განვითარების პროგრამებთან ერთად.გთავაზობთ ახლა სიუჟეტს, რომელიც BMG-იმ გიმნაზიის სივრცეში გადაიღო. გიმნაზია, ეს არის სივრცე, სადაც ბავშვები პროფესიონალი ინსტრუქტორების და ტრენერების ხელმძღვანელობით ეუფლებიან სხვადასხვა საბრძოლო დისციპლინას — მათ შორის ბრაზილიურ ჯიუ ჯიცუს, კარატეს, ინტერაქციულ ნინჯა-პლატფორმებს და ფიზიკური მომზადების რეჟიმს. სტუმარი: ტანია ნაყეური - Gymnasia-ს გენერალური დირექტორი #ახალიამბები #BusinessMediaGeorgia
საწარმო კარბა არის კომპანია, რომელიც ბაზარზე ჯერ კიდევ ახალი თუმცა სერვისების მიმართულებით საკმაოდ სწრაფი ზრდა შეძლო. ბიზნესი ერთდროულად რამდენიმე მიმართულებას ფარავს, მათ შორის კარბას სერვისებში შედის - სარემონტო სამუშაოები, ინტერიერის და ექსტერიერის დიზაინი, მეტალისა და ხის ავეჯის დამზადება, დეკორატიული აქსესუარები და თერმული ღებვა. უფრო ვრცლად კარბას საქმიანობასა და მის დამფუძნებელზე, რომელიც სერტიფიცირებული შემდუღებელია
სულ ციტა ხნის წინ, მსოფლიო ბანკმა ფულადი გზავნილების შესახებ განახლებული კვლევა გამოაქვეყნა. მონაცემები აჩვენებს, რომ არაერთ ქვეყანაში რემიტანსის ხარჯი იმდენად მაღალია, რომ გზავნილის დიდი ნაწილი საკომისიოებსა და კურსის დანაკარგში იკარგება, ამის განმაპირობებელ ფაქტორებს შორის კი ვხვდებით როგორც მონოპოლიზებულ საბანკო სექტორს, ისე მოძველებულ ინფრასტრუქტურასა თუ გადახდის სისტემებს. ცხადია მხოლოდ ეს ყველაფერი არ არის და კიდევ უფრო ვრცლად მიზეზებსა და იმ ქვეყნებზე, სადაც ფულადი გზავნილების ღირებულება ყველაზე მაღალი? #ახალიამბები #BusinessMediaGeorgia
მას შემდეგ, რაც “კრისტალმა” მიკრობანკად ტრანსფორმაცია წარმატებით განახორციელა, საბანკო ლიცენზიის მიღებიდან 4 თვის თავზე, 16 ივნისიდან კრისტალი საბანკო პროდუქტების შეთავაზებას იწყებს მომხმარებლისთვის. მიკრობანკად ტრანსფორმაციის შემდეგ მომგებიანი პროდუქტების შეთავაზებებს შორის ერთ-ერთი მათგანია საინვესტიციო პროდუქტი “მონეტა”, რომელიც მომხმარებლებისთვის ფართო შესაძლებლობებს აერთიანებს. სტუმარი: ილია რევია - "კრისტალი", გენერალური დირექტორი #ახალიამბები #BusinessMediaGeorgia
ამერიკის შეერთებული შტატებში პროდუქცია ძვირდება. ქვეყნის რითეილ სექტორის, მათ შორის, მსხვილი კომპანიების წარმომადგენლების თქმით, დონალდ ტრამპის არაპროგნოზირებადი სატარიფო პოლიტიკის ხარჯების ზრდა გარდაუვალი გახდაა, ეს მოცემულობა კი თავის მხრივ უკვე აისახა საბოლოო მომხმარებელზე, ვინაიდან მათთვის საყოფაცხოვრებო პროდუქცია უკვე საგრძნობლად გაძვირდა. რომელ ბრენდებს და ძირითადად რა პროდუქციას მოუწიათ ფასების დაკორექტირდება და რა მოლოდინი აქვს ბიზნესს უახლოესი პერსპექტივაში? #ახალიამბები #BusinessMediaGeorgia
გლობალური ბირჟები - Galt & Taggart-ის ყოველკვირეული მიმოხილვა სტუმარი: გვანცა ზანდარაშვილი - Galt & Taggart-ის ასოცირებული ტრეიდერი #ახალიამბები #BusinessMediaGeorgia
საქართველოს ეკონომიკა - Galt & Taggart-ის ყოველკვირეული მიმოხილვა სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
იტალიაში რეფერენდუმი მიმდინარეობს - უნდა შემცირდეს თუ არა იმიგრანტებისთვის საცხოვრებელი ვადა იმისათვის, რომ მათ მოქალაქეობა მიენიჭოთ. ამჟამად იტალიას 10 წლიანი ვადა აქვს დაწესებული, მოსახლეობაში კი გამოკითხვა ამ ვადის 5 წლამდე შემცირებაზე მიმდინარეობს. ამასთან ერთად, საინტერესოა, ევროკავშირის რომელი ქვეყნები გასცემენ ყველაზე მეტ მოქალაქეობას და სად არის ამ უფლების მიღება ყველაზე რთული? #ახალიამბები #BusinessMediaGeorgia
ბოლო წლებში დემოგრაფიულმა ტენდენციებმა სერიოზული სიგნალი გაუგზავნა საზოგადოებებს – შობადობა იკლებს როგორც გლობალურად, ისე საქართველოშიც. ამ პროცესს მრავალი მიზეზი აქვს – სოციალური, ეკონომიკური და რეპროდუქციული ხასიათის. თუმცა ერთ-ერთი შესაძლო პასუხი ამ გამოწვევებზე არის ისეთი პოლიტიკის წახალისება, რომელიც თანამშრომლებს საშუალებას აძლევს დააბალანსონ სამსახური და ოჯახური ცხოვრება ისე, რომ არც ერთი მხარე დაზარალდეს. რუბრიკის წამყვანი: თამარ ღუნაშვილი - გაეროს გლობალური შეთანხმების საქართველოს ქსელის სტრატეგიული კომუნიკაციების ხელმძღვანელი; სტუმრები: ნანა ავალიანი - გაეროს მოსახლეობის ფონდის გენდერის პროგრამის ანალიტიკოსი; გვანცა მუღვლიანი - თიბისი ბანკის ადამიანური კაპიტალის მიმართულების უფროსი #ახალიამბები #BusinessMediaGeorgia
ოფიციალური სტატისტიკის მიხედვით, საქართველოში 15 ათასამდე შრომითი იმიგრანტია რეგისტრირებული. პროფკავშირების გაერთიანებაში ამბობენ, რომ რეალური მონაცემები რეგისტრაციას რამდენჯერმე აჭარბებს, შედეგად კი მთელ რიგ ქართულ კომპანიებში ადგილობრივ კადრებს უცხოური სამუშაო ძალა ანაცვლებს. რატომ ასაქმებს ბიზნესი უცხო ქვეყნის მოქალაქეს და როგორ უნდა დარეგულირდეს ადგილობრივ შრომით ბაზარზე უცხოელების ჩართვა? #ახალიამბები #BusinessMediaGeorgia
9 ივნისს, აკაკი წერეთლის დაბადების დღე იყო და მიუხედავად იმისა, რომ აკაკის სახელის ხსენებისას, მისი, როგორც მწერლის მოღვაწეობა გვახსენდება, მის ცხოვრებაში ერთი მნიშვნელოვანი ამბავიც იჩენს თავს - სწორედ აკაკი წერეთლის ინიციატივითა და ხელმძღვანელობით დაიწყო ჭიათურაში მანგანუმის მოპოვება, ამ პროცესს კი თან მიჰყვა ჭიათურის განაშენიანება. როგორ დაუდო სათავე აკაკი წერეთელმა ამ პროცესს და როგორ განვითარდა მანგანუმის მოპოვება? #ახალიამბები #BusinessMediaGeorgia
არქიტექტორ ანტონიო გაუდიზე, რომელიც უბედური შემთხვევის შედეგად 99 წლის წინ, სწორედ დღევანდელ დღეს გარდაიცვალა. გაუდის სახელს ბარსელონას სიმბოლოდ ქცეული არაერთი შენობა-ნაგებობა უკავშირდება, რომელიც სხვათა შორის, 1984 წელს იუნესკომ მსოფლიო მემკვიდრეობის სიაშიც შეიყვანა. მათ შორის ცხადია, ოქროს ასოებით ეწერება საგრადა ფამილია, არქიტექტურული შედევრი, რომლის აგებაც 1883 წელს დაიწყო და საუკუნე ნახევრის შემდეგაც გრძელდება. ტაძრის მშენებლობა, როგორც ცნობილია, მომავალ წელს დასრულდება. #ახალიამბები #BusinessMediaGeorgia
"კომუნალურ მომსახურებაზე მიმართვიანობა წინა წლებთან შედარებით დასტაბილურდა" -ამის შესახებ ინფორმაცია საქართველოს ენერგეტიკისა და წყალმომარაგების მარეგულირებელი ეროვნული კომისიის 2024 წლის საქმიანობის ანგარიშშია ნათქვამი. მათივე ცნობით, ტრანზაქციების საშუალო თვიურმა რაოდენობამ 100,000-მდე შეადგინა, ხოლო მომსახურების დანერგვიდან დღემდე 6,620,258 ტრანზაქცია განხორციელდა. "კომისიის, ლიცენზიატი კომპანიებისა და მობილური ოპერატორების ერთობლივი პროექტის ფარგლებში მომხმარებლებმა შესაძლებელია მობილურ ტელეფონზე *303# აკრეფით ისარგებლონ ელექტროენერგეტიკის, ბუნებრივი გაზისა და წყალმომარაგების კომუნალური მომსახურებებით, კერძოდ: 1. დაამატონ ტელეფონის ნომერი სასურველ აბონენტზე 2. მიიღონ ელექტრონული ქვითარი და გადაამოწმონ მიმდინარე ბალანსი; 3. მოითხოვონ დარიცხვის გადამოწმება; 4. მოითხოვონ მომარაგების ხარისხის ადგილზე შემოწმება; 5. დააფიქსირონ ავარიული წყვეტა ოპერატიული რეაგირებისთვის. რა ტიპის დარღვევებზე მიმართავს მომხმარებელი სემეკს და როგორია რეაგირება? სტუმარი: ნინო გულეიშვილი - ენერგოომბუდსმენის მოვალეობის შემსრულებელი #ახალიამბები #BusinessMediaGeorgia
ზაფხულის ტურისტული სეზონის მოსვლასთან ერთად BMG ტრადიციულად აგრძელებს საქართველოს სხვადასხვა რეგიონებში, სხვადასხვა კურორტებზე არსებული ვითარების მოკითხვას. ამჯერად ჩვენს ფოკუსში მოხვდა ბახმარო, სადაც უკვე მესამე კვირაა ზაფხულის ტურისტული სეზონი გახსნილია და როგორც ადგილობრივი სასტუმრო ინდუსტრიის წარმომადგენლები აცხადებენ, არსებობს ჯავშნების მზარდი რაოდენობაც. სტუმარი: გიორგი კეჭაყმაძე - "პანორამა ბახმაროს" დამფუძნებელი #ახალიამბები #BusinessMediaGeorgia
შრომის შესაბამისი ანაზღაურება, უცხო ქვეყნის მოქალაქეების დასაქმების რეგულირება და საკურიერო სერვისში არსებული უთანასწორო მიდგომების გადახედვა - ამ მოთხოვნებით საკურიერო კომპანიებში დასაქმებულმა პირებმა ქალაქში მსვლელობა გამართეს, ფინანსთა სამინისტროს საგამოძიებო სამსახურს კი „ვოლტისა“ და „გლოვოს“ წინააღმდეგ ოფიციალური საჩივრით მიმართეს. კურიერების ნაწილი აცხადებს, რომ თუ სახელმწიფო მათი მოთხოვნების დაკმაყოფილებაზე უარს იტყვის, ისინი პროტესტის სხვა ფორმებზე გადავლენ. რა ტიპის უკანონობაზე საუბრობენ დასაქმებულები და ჰქონდა თუ არა გასული კვირის ბოლოს დაწყებულ პროტესტს გამოხმაურება? ტუმარი: ბექა კობრიაშვილი - კურიერი, აქციის თანაორგანიზატორი; #ახალიამბები #BusinessMediaGeorgia
საერთაშორისო თანამშრომლობის განვითარება საქართველოს ბიზნესის აკადემიის სამი სტრატეგიული მიზნიდან ერთ-ერთია. გართულებული საერთაშორისო ურთიერთობების ფონზე ქართული და ევროპული ინსტიტუციების თანამშრომლობის შენარჩუნება და განვითარება უმნიშვნელოვანესია. სწორედ ამ მიზნით აკადემიის ხელმძღვანელობის მხრიდან გერმანიასა და პორტუგალიაში შედგა ვიზიტი გასული წლის ბოლოს და ევროპულ პროფესიულ სკოლებთან პარტნიორული ურთიერთობების დამყარება მოხდა. ეს მისია კი რამდენიმე თვეში ფორმალური თანამშრომლობის მემორანდუმის გაფორმებით დასრულდა. თომას ცულხის საპასუხო ვიზიტი თანამშრომლობის დეტალების დაზუსტებას და აკადემიის შესაძლებლობების ადგილზე შეფასებასაც ისახავს მიზნად. მალე დაინტერესებულ მხარეებს მიეცემათ შესაძლებლობა ამ თანამშრომლობის სიკეთეებით ისარგებლონ. იქამდე კი ჩვენ მოვისმენთ დეტალურად, რას უნდა ველოდოთ აღნიშნული პარტნიორობისგან? სტუმრები: თომას ზოლხი - ერასმუსის პროგრამების ხელმძღვანელი, ინფორმაციის ტექნოლოგიების პროფესიული სკოლა; კახაბერ ერაძე - რექტორი, საქართველოს ბიზნესის აკადემია - SBA #ახალიამბები #BusinessMediaGeorgia
#ავიაციისსიახლეები: ✈ მხოლოდ შიდა ფრენები, შემცირებული გამტარობა და ბიუჯეტი - რას გეგმავს მთავრობა თელავის აეროპორტში? ✈ თბილისის საერთაშორისო აეროპორტმა კვლავ მოიპოვა ISAGO-ს სერტიფიკატი; ✈ ქუთაისსა და ლიონს შორის პირდაპირი რეგულარული ავიამიმოსვლა დაიწყო; ✈ სავაჭრო-სამრეწველო პალატის ავიაციის კომიტეტის წევრების შეხვედრა გაიმართა; ✈ 15 ივნისიდან თბილისიდან ფრენებს Air Serbia იწყებს; კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #ახალიამბები #BusinessMediaGeorgia
საქართველოს ბანკი პარტნიორი ბიზნესების მხარდაჭერას აგრძელებს. სწორედ საფინანსო ინსტიტუტის ფინანსური მხარდაჭერით, 12 მილიონი ლარის ინვესტირებით, თბილისთან ახლოს სასაწყობე მეურნეობა იუელსი ტერმინალი ამოქმედდა, რომელიც 3 ჰექტარი ფართობ მიწის ტერიტორიაზე გაშენებული და საკმაოდ დიდი რაოდენობის ტვირთის დასაწყობებას ახერხებს. #ახალიამბები #BusinessMediaGeorgia
CAMPA მინის ბოთლების ხელახალი გამოყენების სისტემის დანერგვაზე მუშაობს. კომპანია საპილოტე პროექტის დაწყებას უახლოეს მომავალში გეგმავს. CAMPA ერთ-ერთი პირველი კომპანიაა, რომელმაც „თბილისის ცირკულარული ლაბორატორიის“ პროექტის ფარგლებში შეფუთვების უკან დაბრუნებისა და ხელახალი გამოყენების სისტემის დანერგვისკენ ნაბიჯები უკვე გადადგა. ცირკულარული ეკონომიკის განვითარების პროექტს, რომელიც გლობალური ინიციატივის ნაწილია, ორგანიზაცია CENN გერმანიის ეკონომიკური თანამშრომლობისა და განვითარების ფედერალური სამინისტროს (GIZ) მხარდაჭერით ახორციელებს. სტუმრები: ნანა თაკვარელია - პროექტის ხელმძღვანელი, CENN; ეკა ლოლაშვილი - "კამპას" მარკეტინგის ხელმძღვანელი #ახალიამბები #BusinessMediaGeorgia
ლეილა მესხის ჩოგბურთის აკადემიის კორტებზე, საერთაშორისო საჩოგბურთო ტურნირის ფინალური მატჩი გაიმართა. ჩემპიონატი საქართველოს ჩოგბურთის ფედერაციის, „კოკა-კოლა ბოთლერს ჯორჯიასა“ და თბილისის მერიის მხარდაჭერით ტარდება. ტურნირი 14 და 16 წლამდე გოგონებსა და ვაჟებს შორის გაიმართა როგორც ერთეულთა, ასევე წყვილთა თანრიგში. #ახალიამბები #BusinessMediaGeorgia
„გააზიარე გამოცდილება – იშვიათი შემთხვევები პედიატრიაში“ - 7 ივნისს, უკვე მეორედ, პედიატრიული სამედიცინო კონფერენცია გაიმართა, რომელიც ორგანიზებული იყო „ვიანის“ პედიატრიული ბორდისა და ბოკერიას საუნივერსიტეტო ჰოსპიტლის პედიატრიული სამსახურის მიერ. კონფერენცია მიზნად ისახავდა პროფესიულ საზოგადოებაში იშვიათი და რთული კლინიკური შემთხვევების გაზიარებას, რაც თანამედროვე პედიატრიის გამოწვევების უკეთ გააზრებასა და რეალურ კლინიკურ პრაქტიკაში გადაწყვეტილებების მიღების გაუმჯობესებას ემსახურება. ღონისძიებამ 250-მდე დელეგატს უმასპინძლა, მათ შორის პირველადი ჯანდაცვის რგოლის პედიატრებს. პრაქტიკულ სიმპოზიუმზე წარმოდგენილი იქნა 23 იშვიათი შემთხვევა, რომლებიც მოიცავდა პედიატრიის სხვადასხვა მიმართულებას: ბავშვთა რეანიმაციას, ზოგად ქირურგიას, ნეიროქირურგიას, ნეფროლოგიას და სხვა სფეროებს. #ახალიამბები #BusinessMediaGeorgia
უქმეებზე, წლის ერთ-ერთ ყველაზე შთამაგონებელი ღონისძიება “სფოთლაით” გაიმართა, რომლის უცვლელი და ერთგული პარტნიორი კომპანია “ავერსი” იყო. ღონისძიებამ ასობით სტუმარი და პროფესიონალი გააერთიანა, რომლებსაც შესაძლებლობა ჰქონდათ მოესმინათ შთამაგონებელი ისტორიები, ჩართულიყვნენ დისკუსიაში და სხვადასხვა აქტივობებით დაკავებულიყვნენ. #ახალიამბები #BusinessMediaGeorgia
#საქმიანიდილა - 9 ივნისი - პროლოგი #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
რა ქონებას ფლობს ბრიტანეთის სამეფო ოჯახი? #ახალიამბები #BusinessMediaGeorgia