TBC Capital-მა 2025 წლის 9 თვის მდგომარეობით სწრაფად ბრუნვადი სამომხმარებლო საქონლის (FMCG) ბაზრის მიმოხილვა გამოაქვეყნა. ანგარიშის თანახმად, წელს ამ ბაზარზე 9.8%-ის წლიური ზრდა არის მოსალოდნელი, რის შედეგადაც ჯამური ბრუნვა 24.2 მილიარდ ლარს მიაღწევს, 2026 წელს კი ამ სექტორში ბრუნვის ზრდის 5.9%-მდე შენელება არის პროგნოზირებული.

ანგარიშის თანახმად, ბაზრის 59% არაკორპორატიზებულ (ე.წ. ტრადიციულ) სავაჭრო ობიექტებზე მოდის, 38% კი ქსელურ მარკეტებზე მოდის, რასაც TBC Capital-ი ბაზრის თანამედროვე სეგმენტს უწოდებს.

თუმცა, თბილისში ქსელური მარკეტების წილი არის 54%, ხოლო რეგიონებში 28%. ამასთან, თიბისი კაპიტალის თანახმად, თუკი თბილისში ბაზრის ქსელური მოთამაშეების წილი უცვლელი დარჩა, რეგიონებში ის წლიურად 3 პროცენტული პუნქტით გაიზარდა.

კომპანიებს შორის საბაზრო წილით პირველ ადგილს "დეილი ჯგუფი" იკავებს, რომლის ბრენდებიც მოიცავს "დეილის", "სპარს", "კალათას", "მაგნიტს", "გვირილას" და "იოლს". აღნიშნული ჯგუფი გასულ წელს შემდგარი გაერთიანების შედეგად ჩამოყალიბდა. აღნიშნული ჯგუფის შემოსავალი ბაზრის თანამედროვე, ანუ ორგანიზებული სეგმენტის 33%-ს შეადგენს.

სტუმრები: გიორგი ხაბაშვილი - "რითეილ ასოციაციის" გამგეობის თავმჯდომარე;
ია ნადირაშვილი - რითეილ ექსპერტი

#ახალიამბები #BusinessMediaGeorgia