ამერიკის შეერთებული შტატები გვახსენდება და პლანეტის ნომერ პირველი ეკონომიკის დომინირება, დიდი ხანია ჩვეულებრივ ამბად იქცა, თუმცა, პარალელურად, აზიური ბაზრების აღმასვლა მიგვანიშნებს იმაზე, რომ გლობალურ ეკონომიკაში კონტინენტთაშორისო ძალთა ბალანსი აღდგენის დინამიკას აჩვენებს. დღეს მთელი მსოფლიო ახალი ეკონომიკური ცენტრების აღმოჩენებს ვადევნებთ თვალს და ამ ბაზრებზე ძვირად ღირებული კომპანიების სიმრავლეც თვალსაჩინოა - რომელ რეგიონებსა და ქვეყნებში ვხვდებით დღეს ყველაზე მეტ, მილიარდ დოლარად შეფასებულ კომპანიებს და რა განაპირობებს ამ მოცემულობას? #ახალიამბები #BusinessMediaGeorgia
ამერიკელი მეწარმე და ლეგენდარული ინვესტორი უორენ ბაფეტი რომლის ქონება შეფასებულია 156 მლრდ დოლარად ამჟამად არის 94 წლის. მან ბოლო პერიოდში საზოგადოებასთან კომუნიკაციისას აღნიშნა რომ სიბერე შეეპარა და ამას უკვე გრძნობს. ბაფეტის სასახელოდ უნდა ითქვას, რომ ეს მხოლოდ 94 წლის ასაკში აღიარა. ბაფეტმა დაამატა რომ ასაკი და სიბერე მას შემდეგ შეიგრძნო რაც 90 წლის შეიქმნა. პერიოდულად ვკარგავ წონასწორობას და სახელების გახსენება სულ მეტად მიჭირს 90 წლის მერეო. მხედველობაც. მხედველობამაც დამაღალატაო ამბობს ლეგენდარული ინვესტორი, გაზეთებს რომ ვკითხულობ, სულ მგონია რომ ბაცად არის ყველაფერი და შესაბამის საღებავს აკლებენ ტიპოგრაფიებიო. სწორედ ამ კონტექსტში ახსენა ბაფეტმა თავისი მემკვიდრე კომპანიაში 62 წლის გრეგ აბელი, რომელზეც საუბრისას ამბობს, რომ რაც გრეგს ანუ მის მემკვიდრეს შეუძლია გააკეთოს 10.00 საათში, ის ენერგია ნამდვილად აღარ აქვს 94 წლის უორენ ბაფეტს და რაც მთავარია, ეს სხვაობა თითქმის ყოველდღიურად იზრდებაო. ყველაფერი, ლეგენდარული ინვესტორის ცხოვრების და კარიერის შესახებ? #ახალიამბები #BusinessMediaGeorgia
თბილისში, ჭავჭავაძის გამზირზე, ბრიტანული ყავის სახლების ქსელი "კოსტა კოფი" გაიხსნა, რომელიც სტუმრებს ოფიციალურად დღეიდან უმასპინძლებს. პირველი ფილიალის გახსნის ღონისძიებას მიწვეულ სტუმრებთან ერთად კოსტა კოფის გლობალური წარმომადგენლები, პარტნიორი კომპანიები და დიდი ბრიტანეთის ელჩი საქართველოში, გარეტ უორდი დაესწრნენ. #ახალიამბები #BusinessMediaGeorgia
გაეროს უსაფრთხოების მე-8 გლობალური კვირეულის ფარგლებში, რომელიც მსოფლიოში 12-18 მაისს აღინიშნება, თბილისში კონფერენცია გაიმართა. მთავარი მიზანი მულტისექტორული თანამშრომლობით ინკლუზიური, უსაფრთხო და ეკოლოგიურად სუფთა ქალაქის განვითარების ხელშეწყობა იყო. ღონისძიება „თეგეტა მოტორსისა“ და „ვოლვო ქარ საქართველოს“ მხარდაჭერით, „საქართველოს ალიანსი უსაფრთხო გზებისთვის“ ორგანიზებით გაიმართა. კონფერენციის პარტნიორი საქართველოში გაეროს მუდმივი წარმომადგენლობა იყო. უსაფრთხო ქუჩები ქვეითებისა და ველომომხმარებლებისთვის, ეკომეგობრული ტრანსპორტის განვითარება, უკვე შესრულებული და დაგეგმილი პროექტები - ეს იყო თემები, რომლებზეც კონფერენციის მონაწილეებმა იმსჯელეს. მომხსენებლებს შორის იყო „თეგეტა ჰოლდინგის“ მთავარი აღმასრულებელი ოფიცერი ეკატერინე ქავთარაძე. კომპანიამ უსაფრთხოება აღსანიშნავია, რომ კორპორაციული სოციალური პასუხისმგებლობის მთავარ მიმართულებად აქცია და „თეგეტა“, წლებია აქტიურად მუშაობს და არაერთ პროექტს ახორციელებს რათა ხელი შეუწყოს საგზაო უსაფრთხოების დაცვას. #ახალიამბები #BusinessMediaGeorgia
გუშინ საღამოს, "ბიოგრაფი ლივინგმა" ოპერირების 2 წლისთავის აღსანიშნავად რუსთაველის თეატრში მასშტაბური ღონისძიება გამართა. დეველოპერულმა კომპანიამ მიღწეული შედეგების შეჯამებასთან ერთად, საზოგადოებას 5 ახალი პროექტი წარუდგინა, რომლებიც დედაქალაქის როგორც ცენტრალურ, ისე ისტორიულ უბნებში 15-წუთიანი ქალაქის კონცეფციით აშენდება, რაც იმას ნიშნავს, რომ მობინადრეებს სახლიდან უმოკლეს მანძილზე ექნებათ წვდომა ყველა საჭირო პროდუქტზე, სერვისსა თუ მომსახურებაზე. #ახალიამბები #BusinessMediaGeorgia
თუკი აშშ-ში ოსკარები და ოქროს გლობუსია, ევროპის კონტინენტზე ბერლინალე, ვენეციისა და კანის კინო ფესტივალი ტარდება. სწორედ ამ უკანასკნელმა ანუ კანის საერთაშორისო კინოფესტივალმა აიღო სტარტი 13 მაისს და 24 მაისის ჩათვლით გაგრძელდება, სადაც მრავალი წარმატებული ნამუშევარი და უნიჭიერესი არტისტები მოიყრიან თავს. #ახალიამბები #BusinessMediaGeorgia
რობერტ დე ნირო “პალმის რტოს” მფლობელია #ახალიამბები #BusinessMediaGeorgia
გასულ წელს უმუშევრობის დონე წლიურად 2.5 პროცენტული პუნქტით 13.9%-მდე შემცირდა. საქსტატის ინფორმაციით, 2024 წელს სამუშაო ძალის მონაწილეობის დონე წინა წელთან შედარებით 1.5 პროცენტული პუნქტით გაიზარდა და 55% გახდა. ამასთან, მონაცემებიდან ირკვევა, რომ მზარდია არაფორმალური დასაქმების მაჩვენებლებიც. არაფორმალურად დასაქმებულთა წილი არასასოფლო-სამეურნეო სფეროს დასაქმებულებში 29.1%-ს შეადგენდა, რაც ბოლო 4 წლის მაქსიმალური მაჩვენებელია.რატომ იზრდება არაფორმალური დასაქმება და რის ხარჯზე მცირდება უმუშევრობის დონე? #ახალიამბები #BusinessMediaGeorgia
#საქმიანიდილა - 16 მაისი - პროლოგი #ახალიამბები #BusinessMediaGeorgia
რა უნდა გავითვალისწინოთ AI-ს მოხმარებისას? სტუმრები: ნინო მჭედლიშვილი - სტემსქეილის ციფრული სტრატეგიის დირექტორი; ლევან გაბუნია - გლობალური კავშირების დირექტორი; მიხეილ კუკავა - სტემსქეილის CEO #ახალიამბები #BusinessMediaGeorgia
„ეისითი“ კვლევის ცენტრმა საზოგადოებრივი აზრის კვლევის შედეგები გამოაქვეყნა, რომელიც საქართველოში სერვისებისა და მომსახურების კუთხით მომხმარებელთა კმაყოფილების დონეს და მოლოდინებს განსაზღვრავს. კვლევის თანახმად, საქართველოს მოსახლეობის წილი ვინც მომსახურების ხარისხი საშუალოზე მაღალი ქულით შეაფასა 2023 წელთან შედარებით 0.4 ქულით არის გაზრდილი. აღსანიშნავია, რომ 2025 წელს ლიდერ პოზიციას იკავებდა სააფთიაქო მომსახურება 8.75 ქულიანი შეფასებით. მეორე და მესამე ადგილებზე კი გასართობ-შემეცნებითი (8.26 ქულა) და სილამაზისა და თავის მოვლის მომსახურებები (8.24 ქულა) იყო. გარდა ამისა, კვლევის ფარგლებში გამოვლინდა ის მომსახურებები, რომელიც მომხმარებელთა მოლოდინებს ყველაზე ნაკლებად აკმაყოფილებს. ამ სიაში კი ჯანდაცვის სექტორი მოხვდა. ქულები ასე გამოყურება: საავადმყოფოები, კლინიკები, ლაბორატორიები — 6.98 ქულა; ვევო მომსახურება — 7.23 ქულა. რებით დაბალი ქულებით ფასდება საზოგადოებრივი ტრანსპორტის მომსახურებით კმაყოფილება და სუპერმარკეტებში, ჰიპერმარკეტებსა და მოლებში მიღებული მომსახურება. სტუმარი: ნინი პაქსაშვილი - ეისითი კვლევის კვლევითი ანალიტიკოსი; #ახალიამბები #BusinessMediaGeorgia
პროფესიული კავშირის გაერთიანების ინფორმაციით მთელ რიგ ქართულ კომპანიებში ადგილობრივს უცხოური სამუშაო ძალა ანაცვლებს, ამ მიზეზით კი ქვეყანაში შრომითი იმიგრანტების რაოდენობა გაიზარდა. 2023 წელს მიღებული ნორმებით, თუ ადგილობრივ ბიზნეს ოპერატორი უცხოელს ასაქმებს, მას შესაბამის პორტალზე რეგისტრაცია ევალება. მისი შეუსრულებლობა კი 1000-ლარიან ჯარიმას ითვალისწინებს. საკითხის აქტუალობიდან გამომდინარე დღეს პროფკავშირებში აცხადებენ, რომ ჯარიმის მოცულობა უნდა გაიზარდოს. შესაბამისი საკანონმდებლო წინადადებით საინიციატივო ჯგუფმა პარლამენტს უკვე მიმართა. კერძოდ, წინადადების მიხედვით: საქართველოში დამსაქმებლის მიერ, იმ იმიგრანტის დასაქმება, რომელსაც კანონით გათვალისწინებული დასაქმების უფლება არ აქვს, გამოიწვევს დამსაქმებლის დაჯარიმებას 10 000 ლარის ოდენობით; იგივე ქმედება ჩადენილი განმეორების შემთხვევაში კი ჯარიმის მოცულობას 20 ათას ლარამდე გაზრდის. საკანონმდებლო წინადადების ავტორების განმარტებით, ცვლილების მიზანი წესების დარღვევით დასაქმების ფაქტებზე დამსაქმებლების პასუხისმგებლობის მკაფიოდ განსაზღვრაა. ცვლილებების დამტკიცების შემთხვევაში მოლოდინია, რომ შემცირდება არალეგალურად დასაქმება, წახალისდება ლეგალური შრომითი უფლებები, ამასთან იმიგრანტთა შრომითი უფლებები უფრო მეტად იქნება დაცული. რა ვიცით დღეს უცხოელების დასაქმების ფაქტებზე? სტუმარი: რაისა ლიპარტელიანი - პროფესიული კავშირების გაერთიანების თავმჯდომარის მოადგილე; #ახალიამბები #BusinessMediaGeorgia
არჩეული მერები და გამგებლები ერთმანეთის მიყოლებით გადადგომის გადაწყვეტილებას იღებენ. 3 დღის წინ პოსტი დატოვა ბათუმის მერმა არჩილ ჩიქოვანმა. საზოგადოებას აღნიშნულის შესახებ სოციალურ ქსელში გავრცელებული განცხადებით ამცნო სადაც დაწერა, რომ რჩება „ქართული ოცნების“ ერთგულ წევრად. ჩიქოვანს გუშინ ქობულეთის მერიც გაჰყვა. ლევან ზოიძემ ფაქტობრივად სიტყვა-სიტყვით გაიმეორა მის პოსტში ჩიქოვანის ნარატივი. დაწერა, რომ თავად მიიღო გადაწყვეტილება და რომ ოცნების ერთგულად რჩება. კიდევ უფრო მანამდე დარწმუნებული ვარ რომ გემახსოვრებათ, აჭარის მთავრობის ხელმძღვანელის თორნიკე რიჟვაძის მიერ მიღებული გადაწყვეტილებაც, რომელიც პოსტის მმართველობის მეშვიდე წელს დატოვა, მისი შემცვლელი კი სულხან თამაზაშვილი გახდა. აჭარის გარდა, გუშინ გახდა ცნობილი, რომ თანამდებობას ტოვებს ვაკის რაიონის გამგებელი დავით კვინიკაძე, რომელიც საქმიანობას რეგიონული განვითარებისა და ინფრასტრუქტურის სამინისტროში გააგრძელებს. „პირადი განცხადების საფუძველზე“ - ჯამურად საგაზაფხულო არდადეგებზე „ოცნებამ“ 1 მარტიდან დღემდე ორ ათეულზე მეტი პირი გაუშვა, მათ შორის იყვნენ როგორც ადგილობრივი, ისე ცენტრალური ხელისუფლების წარმომადგენლები. რას ტიპის საკადრო გადანაწილება ხდება ქვეყანაში და რა მიზანს ემსახურება ცვლილებები? სტუმარი: დავით მელუა - ევროპის კავშირის პროექტის „პარტნიორობა საჯარო მმართველობისთვის“ წამყვანი ექსპერტი #ახალიამბები #BusinessMediaGeorgia
ფერმერების ნაწილი ვარაუდობს, რომ წელს მოცვის პროდუქციის ხარისხი გამოწვევა იქნება, ხოლო რაც შეეხება მოსავლის რაოდენობას, მოცვის მწარმოებელთა ასოციაციაში მიიჩნევენ, რომ მოსავალი გასულ წელთან შედარებით რაოდენობრივად გაიზრდება, თუმცა ახალი ბაღების ხარჯზე, რადგან უკვე არსებული პლანტაციების ნაწილს რთულმა მეტეოროლოგიურმა პირობებმა პრობლემები შეუქმნა. ასოციაციაში მოცვის მოსავლის საპროგნოზო მაჩვენებელი 5 000 ტონაა. რა მოცულობის მოსავალს ელოდებიან წელს ფერმერები და როგორი იქნება 2025-ში ქართული მოცვის როგორც ფასი, ასევე ექსპორტის გეოგრაფია? სტუმარი: ეკატერინე ვეფხვაძე - "აგრითაჩის" დამფუძნებელი #ახალიამბები #BusinessMediaGeorgia
10 წლის განმავლობაში მსოფლიოში მოცვის წარმოება გაორმაგდა. 2024 წელს ისტორიაში პირველად ჯამურმა წარმოებამ 2.0 მლნ ტონას გადააჭარბა. მოცვის მსოფლიო ნარგავებში კი ყველაზე დიდი 42%-იანი წილი ლათინურ ამერიკაზე მოდის. რაც შეეხება საქართველოს, მოცვის პირველი ნერგები ჩვენთან 2011 წელს გაჩნდა, წელს კი ქვეყანაში 7,000–8,000 ტონამდე მოცვის წარმოებაა პროგნოზირებული. როგორ ვითარდება დარგი მსოფლიოსა და საქართველოში? #ახალიამბები #BusinessMediaGeorgia
2025 წელს ტექნოლოგიებში მსოფლიო ტრენდებს გადავხედოთ. ეს მიმართულება წლიდან წლამდე იხვეწება, იზრდება და ვითარდება. სულ უფრო მეტ სფეროს იპყრობს და ფაქტობრივად, დღეს არ არსებობს საქმიანობა, სადაც ტექნოლოგიები ინტეგრირებული არაა. ხელოვნური ინტელექტის გამოჩენამ კი სამყარო სრულად შეცვალა და შესაბამისად, მის მიმართ ადამიანების დამოკიდებულებაც. 10 ტენდენცია, რომელთა გააქტიურებასაც მსოფლიო ამ წლის ბოლომდე უნდა ელოდოს. #ახალიამბები #BusinessMediaGeorgia
თბილისი უმასპინძლებს რეგიონში ყველაზე მასშტაბურ ტექნოლოგიურ ღონისძიებას, Global Tech Weekend Tbilisi 2025. რომელიც 20-დან 22 ივნისის ჩათვლით იმართება. იდეებისა და ინოვაციების ვიქენდზე, საქართველოს დედაქალაქში თავს ქართველი და უცხოელი წამყვანი ტექ პროფესიონალები მოიყრიან და აქ მნიშვნელოვანია პარტნიორები, რომლებიც ამ ეკოსისტემის ნაწილად იქცნენ. ღონისძიების მხარდამჭერია თიბისი ბანკი, რომელიც წლებია ლიდერობს ციფრული ტრანსფორმაციის მიმართულებით და მნიშვნელოვანი როლი აქვს ადგილობრივი ტექნოლოგიური ბაზრის განვითარებაში. სტუმარი: გიორგი ყანჩაველი - თიბისის ციფრული ბიზნესის განვითარების ლიგის ლიდერი; ნოდო ივანიძე - GTWT-ს თანადამფუძნებელი #ახალიამბები #BusinessMediaGeorgia
პირველი მაკდონალდსი ჩვენს ქვეყანაში 1999 წელს, თბილისში, რუსთაველის გამზირზე გაიხსნა. მაშინ ეს ბევრისთვის არა მხოლოდ სწრაფი კვების ახალი სტანდარტი, არამედ დასავლურ სერვისთან და მის კულტურასთან პირველი შეხება იყო. დღეს მაკდონალდსი ერთ-ერთი ყველაზე სტაბილურად მზარდი სწრაფი კვების ქსელია საქართველოში, რომელიც აერთიანებს ათეულობით რესტორანს და ასეულობით თანამშრომელს. რატომ არის ასეთი მაგიური მაკდონალდსი და რა შეიცვალა, განვითარდა, დაიხვეწა მას შემდეგ, რაც საქართველოში პირველად გამოჩნდა ოქროს თაღები. ელენე ბაღათურია - “Mcdonald’s საქართველო”-ს მარკეტინგის დეპარტამენტის ხელმძღვანელი #ახალიამბები #BusinessMediaGeorgia
ყველასთვის საყვარელი პერსონაჟი-მიკიმაუსი პირველად ეკრანებზე 1928 წელს, “შეშლილ თვითმფრინავი”-ში გამოჩნდა. ეს პატარა, მაგრამ გამორჩეული პერსონაჟი მალევე იქცა Disney-ის გლობალურ სიმბოლოდ, დღესდღეობით მიკი მაუსი მსოფლიოს ერთ-ერთი უდიდესი ბრენდია და საოცარი წარმატებით სარგებლობს. როგორ შეიცვალა დროთა განმავლობაში მიკი მაუსის ბრენდი და როგორია მისი ღირებულება? #ახალიამბები #BusinessMediaGeorgia
პირველი Mcdonald’s-ი 1940 წელს, კალიფორნიაში დიკ და მაკ მაკდონალდებმა გახსნეს. მათი იდეა იყო მარტივი - სწრაფი, ხელმისაწვდომი და ხარისხიანი კვება ყველასთვის. თუმცა, ის Mcdonald’s-ი, რომელსაც დღეს გლობალურ ბრენდად ვიცნობთ, რეი კროკმა, 1955 წელს შექმნა და მანვე გახსნა პირველი ფრენჩაიზ რესტორანი, ანუ საფუძველი ჩაუყარა სერვისის სტანდარტიზაციას, რასაც დღეს უკვე მილიარდობით მომხმარებელი აფასებს მსოფლიოს მასშტაბით. “მაკდონალდსის” კარგი მაგალითია, როგორ შეიძლება მომსახურების ხარისხის გაუმჯობესებამ, არა მხოლოდ კონკრეტული ბრენდი, არამედ მთელი ინდუსტრია შეცვალოს. #ახალიამბები #BusinessMediaGeorgia
1796 წლის 14 მაისი კაცობრიობის ისტორიაში ერთ-ერთი ყველაზე მნიშვნელოვანი თარიღია, რადგან ეს არის პერიოდი, როდესაც მეცნიერი და ექიმი ედუარდ ჯენერი ერთ-ერთი ყველაზე მომაკვდინებელი დაავადების დასასრულს უყრის საფუძველს. ორ საუკუნეზე მეტი გავიდა მას შემდეგ რაც პირველი ვაქცინაცია ჩატარდა და უკვე 45 წელია, რაც ყვავილი ადამიანებში აღარ ცირკულირებს. ვინ წარმოიდგენდა, რომ დაავადება რომელმაც იმაზე მეტი ადამიანი გაანადგურა ვიდრე შავმა ჭირმა და ომებმა - უკვე დამარცხებულია. იმუნოლოგიის მამად წოდებული ედვარდ ჯენერი სამედიცინო ისტორიის მთავარი ფიგურაა. როგორ იწყება იმუნიზაციის ისტორია? #ახალიამბები #BusinessMediaGeorgia
საერთაშორისო აუდიტორულმა კომპანია Ernst and young-მა გლობალური ჩრდილოვანი ეკონომიკის 2025 წლის ანგარიში გამოაქვეყნა.კვლევა 2023 წლის მონაცემებს ასახავს და მასში მსოფლიოს სხვა ქვეყნებთან ერთად საქართველოს მაჩვენებელიც არის გაანალიზებული. რა ზომისაა ჩვენი ქვეყნის შემთხვევაში ჩრდილოვანი ეკონომიკის ზომა მშპ-სთან თანაფარდობით და ამის მიღმა, რა შედეგით პოზიციონირებენ რეიტინგში ჩვენი მეზობელი ქვეყნები? #ახალიამბები #BusinessMediaGeorgia
#საქმიანიდილა - 15 მაისი - პროლოგი #ახალიამბები #BusinessMediaGeorgia
საქართველოში საჰაერო გზით გადატვირთული ტვირთების მოცულობა მზარდია. სამოქალაქო ავიაციის სააგენტოს ინფორმაციით, მიმდინარე წლის 4 თვეში მოცულობამ 10 599 ტონა შეადგინა, რაც 2024 წლის ანალოგიურ პერიოდთან შედარებით 61%-იან ზრდას ნიშნავს. საჰაერო გადამზიდავები გაზრდილ სტატისტიკას ჩინეთიდან მზარდ ტვირთნაკადს და ელექტრონული კომერციის პლატფორმების გააქტიურებას უკავშირებენ. თუმცა ბიზნესი ამბობს, რომ გაზრდილი საჰაერო ტვირთბრუნვის პარალელურად, გამოწვევად რჩება შესაბამისი ინფრასტრუქტურის სიმცირე, არასაკმარისი ტერმინალები და საბაჟო პროცედურები. სტუმარი: დათო ბეროშვილი - “გლობალ ტრანსპორტერის” მმართველი პარტნიორი #ახალიამბები #BusinessMediaGeorgia
ახლახან 2025 წლის ზაფხულისთვის შედგენილი, მსოფლიოს საუკეთესო სანაპიროების რეიტინგი გამოქვეყნდა, რომელიც იმ 50 სანაპიროს ავლენს, სადაც მოგზაურებს განტვირთვა, ბუნებასთან ურთიერთობა და მშვიდ გარემოში არდადეგების გატარება შეუძლიათ. როგორც გაირკვა, ბოლო წლებში ადამიანებისთვის განსაკუთრებული პრიორიტეტი იზოლირებულ სივრცეში, ხმაურისგან შორს დასვენებაა. #ახალიამბები #BusinessMediaGeorgia
ყველაფერი საკრუიზო მოგზაურობის შესახებ - კორპორატიული დასვენება / Cruises By Winglet სტუმარი: ანა კირკიტაძე - "ვინგლეთის" დამფუძნებელი #ახალიამბები #BusinessMediaGeorgia
კომპანია ანდერსენ საქართველო მსოფლიოს 170-ზე მეტ ქვეყანაში მოღვაწე წევრი და ასოცირებული ფირმების საერთაშორისო გაერთიანების, ანდერსენ გლობალის წევრია და სხვადასხვა ინდუსტრიაში, ფიზიკურ და იურიდიულ პირებს სთავაზობს საგადასახადო, იურიდიულ, აუთსორსინგის, შეფასების და ბიზნესის საკონსულტაციო სერვისების ფართო სპექტრს. ანდერსენ საქართველოს, იურიდიული მიმართულება არის ემ ჯი იურიდიული ოფისის მემკვიდრეობა, რომელიც 10 წელზე მეტია ოპერირებს საქართველოს ბაზარზე და არის სხვადასხვა სამართლებრივი რეიტინგების ლიდერი. ამიერიდან, ემ ჯი იურიდიული ოფისის გუნდი ხდება ანდერსენის ნაწილი. სტუმრები: თამარ ჯიქია - Andersen in Georgia-ს პარტნიორი; გიორგი სვანაძე - Andersen in Georgia-ს უფროსი პარტნიორი #ახალიამბები #BusinessMediaGeorgia
საქართველოსა და მეზობლების ეკონომიკები (2025) #ახალიამბები #BusinessMediaGeorgia
როგორია საქართველოს ეკონომიკის პერსპექტივა? - Galt & Taggart-ის ანალიზი სტუმარი: ევა ბოჭორიშვილი - Galt&Taggart;-ის კვლევების დეპარტამენტის დირექტორი #ახალიამბები #BusinessMediaGeorgia
სმარტფონების TOP ექსპორტიორთა რეიტინგი (2024) #ახალიამბები #BusinessMediaGeorgia
სმარტფონები, რომლებიც ყველაზე მეტად არის მოხმარებადი თუ ნაკლებად, მაინც ყველაზე მნიშვნელოვანი უსაფრთხოებაა. 21-ე საუკუნეში, როცა მობილური ტელეფონი ჩვენი პირადი ბანკი, ფოტოალბომი, სოციალური სივრცე თუ სამუშაო იარაღია ერთდროულად, მისი დაცვა კიბერუსაფრთხოების საკითხად იქცა. კიბერ თაღლითებისთვის სმარტფონი ერთ-ერთი სასურველ სამიზნეა. როგორ ხვდებიან თაღლითები ჩვენს სმარტფონებში? როგორ იცვლება მათი მეთოდები და როგორ შეგვიძლია დავიცვათ თავი? სტუმარი: ინგა ქარჩავა - საქართველოს საბანკო ასოციაცია, კიბერუსაფრთხოების მიმართულების კოორდინატორი #ახალიამბები #BusinessMediaGeorgia
2024 წლის მონაცემებით, დედამიწაზე აქტიური სმარტფონების რაოდენობა 7 მილიარდს აღემატება, რაც იმას ნიშნავს, რომ წლიდან წლამდე სატელეფონო აპარატებზე მოთხოვნა სტაბილურ ნიშნულზე რჩება. რა ბრენდის სმარტფონებს იყენებს პლანეტის მოსახლეობის 60% და, როგორც აღმოჩნდა, გლობალური სურათი საქართველოსგან მნიშვნელოვნად განსხვავდება. როგორ ნაწილდება სმარტფონების გაყიდვებში apple-ის, samsung-ისა და სხვა ბრენდების წილები? #ახალიამბები #BusinessMediaGeorgia
1947 წლის 29 ნოემბერს გაეროს გენერალურმა ასამბლეამ მიიღო რეზოლუცია პალესტინის დაყოფისა და ინგლისის სამანდატო ტერიტორიაზე ორი, ებრაული და არაბული სახელმწიფოს შექმნის შესახებ. ისრაელის სახელმწიფოს შექმნა კი, ოფიციალურად 1948 წლის 14 მაისს გამოცხადდა. სწორედ ამ ისტორიულ თარიღთან დაკავშირებით, ისრაელის განვითარების ისტორიას გადავხედეთ და გავაანალიზეთ ფაქტები იმის შესახებ, თუ როგორ შეძლო, უდაბნოში გაშენებულმა, ბუნებრივი რესურსების არმქონე ქვეყანამ ეკონომიკური სასწაულის მოხდენა და 21-ე საუკუნის ტექნოლოგიურ მექად ტრანსფორმაცია? #ახალიამბები #BusinessMediaGeorgia
რომის პაპი ლეო XIV მედიასთან პირველი შეხვედრისას დაპატიმრებული ჟურნალისტების გათავისუფლების მოთხოვნით გამოვიდა. ახლად არჩეულმა პაპმა კიდე ერთხელ გამოხატა ეკლესიის სოლიდარობა მედიის დაკავებული წარმომადგენლების მიმართ და აღნიშნა, რომ თითოეული მათგანის ტანჯვა ერების სინდისისთვის მნიშვნელოვანი გამოწვევაა. შეგახსენებთ, რომ 8 მაისს რომის კათოლიკური ეკლესიის კარდინალთა კონკლავმა ახალი რომის პაპი აირჩია. მსოფლიოს ერთ-ერთი უდიდესი ეკლესიის ისტორიაში პირველად, ამ საპასუხისმგებლო თანამდებობას ამერიკელი კარდინალი, რობერტ ფრენსის პრევოსტი დაიკავებს, რომელიც ამიერიდან ლეო XIV-ის სახელით იქნება ცნობილი. ვინ არის რომის ახალი პაპი და რა გზა გაიარა ამ ტიტულის მოპოვებამდე? #ახალიამბები #BusinessMediaGeorgia
#საქმიანიდილა - 14 მაისი - პროლოგი #ახალიამბები #BusinessMediaGeorgia
entertainment, ანუ გასართობ ინდუსტრიაში, ცოტა მიმართულებას თუ დაუფიქსირებია ისეთი სწრაფი ზრდა, როგორიც - ვიდეო თამაშებმა. ფაქტობრივად, არ რჩება ადამიანი, რომელსაც ცხოვრების რაღაც ეტაპზე მაინც, საყვარელი ვიდეო თამაში არ ჰქონია. თუმცა, ზოგ ასეთ თამაშზე საზოგადოებრივი კონსესუსიც არსებობს და ეს მათი გაყიდვების მაჩვენებლითაც დასტურდება. როგორ ვითარდება ეს მიმართულება საქართველოში? სტუმარი: გიორგი ჩიტიძე - Revolt Entertainment, CEO #ახალიამბები #BusinessMediaGeorgia
როგორი ვითარებაა შრომის ბაზარზე? სტუმარი: დათო კენჭაძე - ბიზნეს ლიდერი, მენეჯმენტის ექსპერტი #ახალიამბები #BusinessMediaGeorgia
საქართველოს დამოუკიდებელი პროფესიული კავშირის თავმჯდომარეს განცხადებით, 800-ზე მეტი საჯარო მოხელე გაათავისუფლეს სხვადასხვა საჯარო უწყებებიდან, მათ შორის 200 მხოლოდ საჯარო რეესტრიდან. არსებული ინფორმაციით, ისინი დაისაჯნენ მთავრობის გადაწყვეტილების კრიტიკისთვის, რომელიც ევროკავშირის წევრობაზე მოლაპარაკებების შეჩერებას უკავშირდება. შექმნილი მდგომარეობის პასუხად, 10-მა დამოუკიდებელმა პროფკავშირმა და რამდენიმე სამოქალაქო საზოგადოებრივმა ორგანიზაციამ 1 მაისს სოლიდარობის მსვლელობა გამართა საჯარო მოხელეების წინააღმდეგ მიმდინარე რეპრესიებისა და სულ უფრო არასწორი სოციალური პოლიტიკის გასაპროტესტებლად. რა ვითარებაა დრეს, რა სამართლებრივი ბერკეტები დარჩა კანონში შეტანილი ცვლილებების შემდეგ? სტუმარი: თამთა კაჭახიძე - „საჯარო მოსამსახურეთა დამოუკიდებელი პროფკავშირი – კონსტიტუციის 78-ე მუხლის“ თანადამფუძნებელი #ახალიამბები #BusinessMediaGeorgia
ავიაკომპანია TCA Helicopters, რომელიც ფრანგული და იტალიური წარმოების უახლესი თაობის შვეულმფრენების ყველაზე დიდ ფლოტს აერთიანებს საქართველოში, ბაზარზე 2012 წლიდან ოპერირებს. ფლოტი ძირითადად ბაზირებულია თბილისის საერთაშორისო აეროპორტში და თელავის Geosky-ს ვერტოდრომზე, სეზონურობიდან და მოთხოვნიდან გამომდინარე პერიოდულობით იცვლება ბაზირებისთვის რეგიონი. რა მიმართულებებს მოიცავს კომპანიის საქმიანობა, როგორ ვითარდებიან და რა გეგმები აქვთ? სტუმარი: ლიკა ქორთოშიძე - TCA Helicopters -ის საზოგადოებასთან ურთიერთობის და მარკეტინგის დეპარტამენტის ხელმძღვანელი #ახალიამბები #BusinessMediaGeorgia
საზოგადოებაზე დიდი გავლენა აქვთ კომპანიებს, ბრენდებს და იმას, თუ როგორ პოზიციონირებენ ისინი ბაზარზე. ხშირად მომხმარებელი რებრენდინგის მიმართაც სენსიტიურია - ამიტომ კომპანიები ამ გადაწყვეტილებას განსაკუთრებით სიფრთხილით ეკიდებიან. რომლებია მსოფლიო, ბიზნეს ისტორიაში გახმაურებული რებრენდინგები, რომელთა ნაწილს წარმატება, ნაწილს კი კრახი მოჰყვა? #ახალიამბები #BusinessMediaGeorgia
რამდენიმე კვირის წინ, ჟურნალ TIME-მა ყველაზე გავლენიანი ადამიანების ყოველწლიური სია განაახლა. ჩამონათვალი, რომელშიც 100 ადამიანი ხვდება, იმათ აერთიანებს, რომლებიც გლობალურ წესრიგს ამკვიდრებენ და მის მომავალს განსაზღვრავენ. TIME 100-ში ხვდებიან როგორც პოლიტიკური ლიდერები, ასევე სპორტსმენები, არტისტები და ბიზნესმენები. მოკლედ, წარმოდგენილი სექტორები მრავალფეროვანია. სიის რჩეულებზე საუბარი რთულია, რადგან ნებისმიერი შეფასება ამ დროს სუბიექტურია - თუმცა ვინ არიან ასეულის გავლენიანი, თვალსაჩინო წევრები? #ახალიამბები #BusinessMediaGeorgia
თიბისის ახალი მანიფესტით და ბრენდის მთავარი სათქმელი ვაგრძელებთ ჩვენს გადაცემას. მთავარია გჯეროდეს - ასე ჰქვია გზავნილს, რომელიც საუკეთესოდ ჰყვება განვითარების იმ ისტორიას, რომელიც თიბისიმ 33-წლის განმავლობაში შექმნა და იმ ფასეულობებს აერთიანებს, რომლებიც მეოთხე ათწლეულია თიბისის ამოძრავებს განვითარების ყველა მნიშვნელოვან ეტაპზე.თიბისი, როგორც ბრენდი, დამოუკიდებელ საქართველოსთან ერთად დაიბადა და გაიზარდა, თავადაც დაიჯერეს შეუძლებელი და დღეს საკუთარ გამოცდილებას სხვას უზიარებენ, რომ საკუთარი თავის რწმენა შეუძლებელს შეგაძლებინებს. როგორია TBC მისი უცვლელი მესაჭის პირობებში ბოლო 3 ათეული წლის მანძილზე - ვახტანგ ბუცხრიკიძეს მიაჩნია რომ TBC პირველ რიგში არის გუნდური, მომხმარებელზე და პარტნიორებზე ორიენტირებული, ასევე მიზანსწრაფული და მოუსვენარი და რაც მთავარია, გამბედავი. სტუმარი: ვახტანგ ბუცხრიკიძე - "თიბისი", გენერალური დირექტორი #ახალიამბები #BusinessMediaGeorgia
ჩატჯიპიტის ონლაინ შოპინგის გასამარტივებელი ფუნქცია ემატება, - კერძოდ ეს განახლება ციფრულ სივრცეში ვაჭრობის მოყვარულებს რეკომენდაციებს, პროდუქტების ფასებს, შეფასებებს და სხვა დეტალებს მიაწოდებს, რაც ავტომატურად ნიშნავს, რომ ოფენ ეიაი კონკურენციაში ისეთ გიგანტებთან შედის, როგორიც გუგლი და ამაზონი არიან, რომელთაც ეს ფუნქცია აქამდე უკვე ჰქონდათ, თუმცა კომპანიაში აცხადებენ, რომ ხელოვნური ინტელექტის მიერ შეთავაზებული სერვისი ბევრად მოქნილი იქნება. #ახალიამბები #BusinessMediaGeorgia
რა ხდება მსოფლიოს წამყვან ბირჟებზე. ვაშინგტონსა და პეკინს შორის ტარიფების დროებით შეჩერების ფონზე, მკვეთრად შემცირდა გლობალური რეცესიის დაწყების რისკი, რაც აისახა როგორც ნავთობის ფასზე, ასევე ოქროს ღირებულებაზეც, რადგან მოგეხსენებათ, ის გეოპოლიტიკური რისკებისგან თავის დასაზღვევი აქტივია. რა ვითარებაა ბირჟებზე და რას უნდა ველოდოთ ამ დღეებში? სტუმარი: გვანცა ზანდარაშვილი - Galt & Taggart-ის ასოცირებული ტრეიდერი #ახალიამბები #BusinessMediaGeorgia
საქართველოს ეკონომიკის მიმოხილვა - Galt&Taggart;-ყოველკვირეული ანალიტიკა სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
პრეზიდენტი დონალდ ტრამპი გეგმავს, ხელი მოაწეროს აღმასრულებელ ბრძანებას, რომელიც ამერიკის შეერთებული შტატების მასშტაბით წამლების და მედიკამენტების გაიაფებას 30-80%-ით გამოიწვევს. როგორც ტრამპი აღნიშნავს, განკარგულება ძალაში მყისიერად შევა და მის ეფექტს მომხმარებლები მომენტალურად იხილავენ. მართალია, პრეზიდენტს არ განუმარტავს, თუ როგორ აპირებს ის წამლების მკვეთრად გაიაფებას, თუმცა ექსპერტები ვარაუდობენ, რომ ის წამლების იმპორტზე ბარიერების შემცირებას და ფედერალური შესყიდვის პროგრამის შეჩერებას გეგმავს, რათა ზოგიერთ მედიკამენტზე ფასები არა სახელმწიფოს მიერ იყოს განსაზღვრული, არამედ - თავისუფალი ბაზრის მიერ, რომელიც, როგორც წესი უკეთესს შედეგს იძლევა. შესრულდება თუ არა დანაპირები ჯერ უცნობია. ამ დროისთვის გავლენის შეფასება უჭირთ საქართველოშიც, სადაც ამერიკიდან იმპორტირებული მედიკამენტების წილი დაახლოებით 10-დან 15%-მდე მერყეობს, თუმცა, რაც ადგილობრივ ბაზარზე წამლების ფასის მხრივ იკვეთება მისი მზარდი ფასია. იმ მედიკამენტების ღირებულება, რომელიც რეფერალურ ფასში არ ხვდება აპრილში 12-დან 22%-მდე გაძვირდა. რა ახდენს ფასზე გავლენას და რა შენიშვნები აქვთ სექტორის წარმომადგენლებს პროგრამის მოქმედებასთან მიმართებით? #ახალიამბები #BusinessMediaGeorgia
შრომის უფლებები და ღირსეული სამუშაო გარემო — ბიზნესის მდგრადი განვითარების ერთ-ერთი მთავარი წინაპირობაა. შრომის უფლებების პატივისცემა და ხელშეწყობა გაეროს გლობალური შეთანხმების ერთ-ერთი მთავარი პრიორიტეტია, რადგან ის განსაზღვრავს, რამდენად თანაბარ, უსაფრთხო და ღირსეულ გარემოში უწევთ მუშაობა ჩვენს ირგვლივ მყოფ ადამიანებს. დღეს სულ უფრო ნათლად ვაცნობიერებთ, რომ კომპანიების პასუხისმგებლობა სცილდება მხოლოდ უშუალოდ ოპერაციებს და ვრცელდება მთელ ღირებულების ჯაჭვზე. კომპანიებმა უნდა შეიმუშაონ და დანერგონ ეფექტური მიდგომები, რომლებიც უზრუნველყოფს თანამშრომელთა ჯანმრთელობის დაცვას, ხელს უწყობს უსაფრთხო სამუშაო გარემოს და იცავს შრომის უფლებებს ყველა სივრცეში. ამ პროცესში კი განსაკუთრებული როლი სწორედ კერძო სექტორს ეკისრება. დღეს, როცა ევროკავშირში აქტიურად მიმდინარეობს კორპორაციული მდგრადობისა და პასუხისმგებლობიანი ბიზნეს პრინციპების კანონმდებლობის განვითარება, ღირსეული შრომის სტანდარტების დანერგვა არა მხოლოდ განვითარებისა და სტაბილურობისთვის, არამედ ევროკავშირთან დაახლოებისთვისაც აუცილებელი ნაბიჯია. როგორი უნდა იყოს უსაფრთხო, ჯანმრთელობის დაცვაზე ორიენტირებული და ღირსეული სამუშაო გარემო ქვეყანაში? რუბრიკის წამყვანი: თამარ ღუნაშვილი - გაეროს გლობალური შეთანხმების საქართველოს ქსელის სტრატეგიული კომუნიკაციების ხელმძღვანელი; სტუმრები: ზაქარია შველიძე - EY საქართველო, იურიდიული პრაქტიკის Of Counsel, სამართლის დოქტორი; ფარნა დვალი - Concept of Safety-ის თანადამფუძნებელი #ახალიამბები #BusinessMediaGeorgia
1880 წლის 13 მაის ამერიკელმა მეწარმემ და გამომგონებელმა, თომას ედისონმა, თავის ლაბორატორიაში პირველი ელექტრო რკინიგზა გამოცადა და ფაქტობრივად, მსოფლიოს სატრანსპორტო სისტემაში სრული გარდატეხაც მოახდინა. სწორედ ედისონის იდეას და აღმოჩენას მოყვა რკინიგზის სრული ელექტროფიკაციის დაწყება და შემდეგ მისი ეტაპობრივი განვითარება. რა გზა გაიარა მსოფლიო სარკინიგზო სისტემამ, ედისონის იდეიდან დღემდე და როგორ დაიხვეწა ის? #ახალიამბები #BusinessMediaGeorgia
ამერიკამ და ჩინეთმა ტარიფებთან დაკავშირებით შეთანხმებას მიაღწიეს. ჟენევაში გამართული შეხვედრის შემდეგ ცნობილი გახდა, რომ მხარეები 90 დღის განმავლობაში ერთმანეთისთვის დაწესებული ტარიფების შემცირებაზე შეთანხმდნენ. კერძოდ, ამერიკა ჩინური პროდუქციისთვის დაწესებულ ტარიფს 145-დან 30%-მდე შეამცირებს, ხოლო ჩინეთი ამერიკული პროდუქციისთვის დაწესებულ გადასახადს - 125-დან 10%-მდე. შეთანხმებამდე ჩინეთს ამერიკისთვის 125%-იანი ტარიფი, აშშ-ის კი ჩინურ პროდუქციაზე 145%-იანი ტარიფები ჰქონდა დაწესებული. როგორ შეხვდა გლობალური ეკონომიკა ვაშინგტონი-პეკინის მიღწეულ შეთანხმებამ და რა პირველადი შეფასებები ისმის ეკონომისტებისგან? #ახალიამბები #BusinessMediaGeorgia