საქართველო &მსოფლიო/”2025 წლის შეჯამება და 2026 წლის მოლოდინები“ ამ სახელწოდებით თიბისი კაპიტალმა ბიზნესპარტნიორებისთვის შემაჯამებელი ღონისძიება გამართა. კონფერენციის ფარგლებში თიბისი კაპიტალის მენეჯმენტმა მიმოიხილა ის ძირითადი გლობალური და ადგილობრივი ტენდენციები, რომლებმაც 2025 წელს მსოფლიო ეკონომიკისა და ფინანსური ბაზრების ფორმირებაზე მნიშვნელოვანი გავლენა მოახდინა. ღონისძიებაზე აქცენტი გაკეთდა 2026 წლის პროგნოზებზეც. უფრო კონკრეტულად, თიბისი კაპიტალის მოლოდინით, მომდევნო წელს გლობალურ ეკონომიკაზე , წარმოების ხარჯებისა და ინვესტიციების ნაწილში, გავლენას 3 ძირითადი ტენდენცია მოახდენს, ასეთია: სავაჭრო რეჟიმების ცვლილებები, ხელოვნური ინტელექტის სწრაფი განვითარება და მსოფლიოში მშვიდობის დამყარების მცდელობები. ამ პირობებში კი მსოფლიო ეკონომიკის ზრდა დაახლოებით 3%-ის ფარგლებში. რაც შეეხება საქართველოს, 2026 წელს, თიბისი კაპიტალის შეფასებით, ეკონომიკური ზრდა დაახლოებით 4.5% იქნება, რასაც ძირითადად შიდა მოთხოვნა განაპირობებს. ინფლაცია კი მომდევნო წელს მიზნობრივ - 3%-იან მაჩვენებელს მიუახლოვდება.


#ახალიამბები #BusinessMediaGeorgia