“ტიტანიკის” რესტორნის მენიუ $102 ათასად გაიყიდა #ახალიამბები #BusinessMediaGeorgia
2023 წლის იანვარ-სექტემბერში ქვეყანამ 48 მლნ 241 ათასი ცალი კვერცხი იყიდა, რაშიც 5 მლნ 347 ათასი დოლარი გადაიხადა. ეს მაჩვენებლები გასული წლის 9 თვესთან შედარებით 195%-იან ზრდას აჩვენებს, რადგანაც გასული წლის 9 თვეში ქვეყანაში 16 მლნ 335 ათასი კვერცხის იმპორტი განხორციელდა. წლევანდელი მონაცემები უკვე აჭარბებს 2022 წლის 12 თვის მაჩვენებელსაც. 2023 წლის იანვარ-სექტემბრის სტატისტიკით საქართველოში კვერცხის იმპორტი სულ 5 ქვეყნიდან განხორციელდა. ქვეყანაში იმპორტირებული კვერცხის 98.5%-ი კი თურქეთზე მოდის. თურქეთთან ერთად ჩამონათვალშია ნიდერლანდები, ბელგია, რუსეთი და უნგრეთი. რატომ იზრდება კვერცხის იმპორტის მოცულობა და რა გამოწვევების წინაშე აყენებს ეს ადგილობრივი მეფრინველეობის დარგს? სტუმარი: ზურაბ უჩუმბეგაშვილი - „მეფრინველეობის განვითარების ასოციაციის“ თავმჯდომარე; #ახალიამბები #BusinessMediaGeorgia
USAID-ის ენერგეტიკული საპილოტე პროექტების მეორე ეტაპის კონკურზე განაცხადების მიღება დაიწყო. პროგრამის ფარგლებში 30 საპილოტე პროექტის განსაზღვრა უნდა მოხდეს, რომელთა განხორციელებაც 2 წელში იგეგმება. პროგრამა, კონკურსის საშუალებით მიმდინარე წელს 9 ენერგეტიკული საპილოტე პროექტის განაცხადს შეარჩევს და მას კერძო სექტორთან თანამშრომლობით განახორციელებს. ენერგეტიკული საპილოტე პროექტის არეალი უნდა აკმაყოფილებდეს პროგრამის ძირითად მიმართულებებს, როგორებიცაა ენერგოეფექტურობა, მოთხოვნის და ენერგიის მართვის სისტემები და დივერსიფიცირებული, მდგრადი, განახლებადი ენერგიის წყაროების განვითარება. პროგრამის მატერიალური თანამონაწილეობა თითოეულ საპილოტე პროექტის შემთხვევაში არ არ უნდა აღემატებოდეს მთლიანი ინვესტიციის 50 %-ს, რომელიც თანხობრივად არ უნდა იყოს 100 000 აშშ დოლარზე მეტი. განაცხადების მიღების ბოლო ვადაა 2023 წლის 7 დეკემბერია. სტუმარი: თათა მურცხვალაძე - ენერგეტიკაში ინვესტიციების ხელშეწყობის მიმართულების ხელმძღვანელი, USAID-ის ენერგეტიკული მომავლის უზრუნველყოფის პროგრამა საქართველოში; #ახალიამბები #BusinessMediaGeorgia
„ერასმუსი სკოლებში“ - ამჯერად პროგრამის წარმომადგენლები სურვილის შემთხვევაში საჯარო სკოლებს ეწვევიან და დამამთავრებელი კლასების მოსწავლეებს საზღვარგარეთ სწავლების შესაძლებლობაზე მიაწვდიან ინფორმაციას. სკოლის მოსწავლეებს საკუთარ გამოცდილებას გაუზიარებენ როგორც ქართველი ერასმუსელები, ასევე საქართველოში ჩამოსული საერთაშორისო სტუდენტებიც. გაცვლითი პროექტებისთვის საჭირო დოკუმენტაციის მომზადების შესახებ დაინტერესებულ ადამიანისთვის ორგანიზაცია პერიოდულ ონლაინ შეხვედრებს ატარებს. მსგავსი შეხვედრა დაგეგმილია ნოემბრის ბოლოსაც. რა შესაძლებლობას იძლევა ერასმუსი და იესენი ქართველი სტუდენტებისთვის. როგორ ხდება პროგრამაში ჩართვა და საზღვარგარეთ სწავლება? სტუმარი: თათია რუსიშვილი - “ერასმუსის სტუდენტური ქსელის” განათლების ოფიცერი; #ახალიამბები #BusinessMediaGeorgia
#ავიაციისსიახლეები: ✈ „საქაერონავიგაცია“ ვაზიანის ახალი აეროპორტის მშენებლობისთვის საჭირო კვლევებს იწყებს; ✈ საქართველო-დიდ ბრიტანეთს შორის ავიამიმოსვლის შესახებ შეთანხმების დოკუმენტის რატიფიცირებას კომიტეტმა მხარი დაუჭირა; ✈ #Eurowings-ი თბილისის მიმართულებით რეისებს ბერლინიდანაც შეასრულებს; ✈ Wizz Air-მა მოგების პროგნოზი შეამცირა; ✈ #Ryanair-ი რეკორდული წლიური მოგების მიღებას პროგნოზირებს; ✈ Turkish Airlines-ის წმინდა მოგება და შემოსავალი გაიზარდა; ✈ #Lufthansa-ს წმინდა მოგება 47%-ით გაიზარდა; ✈ ქუთაისის აეროპორტში ოპერირებას ავიაკომპანია #Pegasus-ი იწყებს; კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია
ნარჩენების მართვასა და მწარმოებლის გაფართოებული ვალდებულების ორგანიზაციების სპეციფიკური საქმიანობის დღგ-ით დაბეგვრაზე საქართველოს ბიზნეს ასოციაციაში შეხვედრა გაიმართა, რომელსაც საქართველოს გარემოს დაცვისა და სოფლის მეურნეობის, საქართველოს ფინანსთა სამინისტროს, შემოსავლების სამსახურისა და მგვ ორგანიზაციების წარმომადგენლები ესწრებოდნენ. შეხვედრაზე შემოსავლების სამსახურის მიერ შემოთავაზებული, საქართველოს ფინანსთა მინისტრის ბრძანებაში შესატანი ცვლილებების პროექტი განიხილეს, რომელიც მგვ ორგანიზაციებისათვის გამოსაყენებლად ან შემდგომი მიწოდებისთვის უვარგისი სასაქონლო-მატერიალური ფასეულობების ჩამოწერის წესებს ადგენს. როგორ ფასდება პროექტი და რა შენიშვნები გამოითქვა სექტორის მხრიდან? სტუმარი: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; #ახალიამბები #BusinessMediaGeorgia
9 ნოემბერს საქართველოს ფინტექ ასოციაციამ სექტორის წლის შემაჯამებელი შეხვედრა გამართა, სადაც საქართველოში მომავლის დარგის - ფინტექის განვლილი გზა შეფასდა და სამომავლო გეგმები განიხილა. როგორ ვითარდება ფინტექ ეკოსისტემა საქართველოში? სტუმარი: დავით კიკვიძე - "საქართველოს ფინტექ ასოციაციის" თავმჯდომარე; #ახალიამბები #BusinessMediaGeorgia
ბათუმში ტურიზმის ფესტივალი, ტურისტერი 2023 გაიმართა, რომელშიც ქართული ტურისტული სექტორის წარმომადგენელი ბიზნესები და სტარტაპები მონაწილეობდნენ. ფესტივალის ფარგლებში სპიკერთა პრეზენტაციები, პანელური დისკუსიები, ვორქშოპები და ბიზნეს გამოფენები გაიმართა. #ახალიამბები #BusinessMediaGeorgia
ქართული ინოვაციების კომპანია დეკემბერი32, საქართველოს საავიაციო უნივერსიტეტი და პოლონური დრონების მწარმოებელი სპექტერ სოლუშენსი პარტნიორობას იწყებენ. ურთიერთგაგების მემორანდუმის ხელმოწერით გუნდი “ჰორიზონტი ევროპისა” და სხვა საინვესტიციო მექანიზმებით საქართველოში კვლევების, პროდუქტებისა და სერვისების განვითარებას გეგმავს. სამიზნედ კი საქართველოს ახალი თაობის სამოქალაქო საავიაციო ინდუსტრიის განვითარებაა განსაზღვრული. ამავე დროს ერთობლივი საქმიანობის უფრო ფართო მიზანია საქართველოში საჯარო სერვისებისთვის დრონების დანერგვა. კონცეფცია მოიცავს მრავალმხრივი ვერტიკალური აფრენისა და დაფრენის (VTOL) დრონების განლაგებას ქვეყნის მასშტაბით სხვადასხვა საჯარო სამსახურის მისიების შესასრულებლად - საძიებო-სამაშველო სამუშაოების, კატასტროფებზე რეაგირების, ელექტროგადამცემი ხაზების და სტრატეგიული ობიექტების შემოწმებისა და სამედიცინო დახმარების მიწოდების ხარისხისა და ეფექტიანობის გაზრდა. რას ცვლის ეს პარტნიორობა და როგორია ერთობლივად მუშაობის გეგმის შედეგებზე ორიენტირი? სტუმარი: ნიკა თიკანაშვილი - საქართველოს საავიაციო უნივერსიტეტის რექტორის მოადგილე სამეცნიერო დარგში; #ახალიამბები #BusinessMediaGeorgia
RETCO-სა და USAID-ის პროგრამას ,,დამსაქმებლები პროფესიული განათლებისთვის“ შორის გაფორმდა პარტნიორობის ხელშეკრულება, რომლის ფარგლებშიც, USAID-ის თანადაფინანსებით 1 450 000 აშშ დოლარის ინვესტიციით იწყება პროექტი, რომლის მიზანია ელექტრო ენერგეტიკულ სექტორში არსებული პროფესიული უნარების გაუმჯობესება/განვითარება. თანამშრომლობის დაწყების დოკუმენტს ხელი მოაწერეს RECTO-ს დირექტორმა ზურაბ კაპანაძემ და USAID-ის პროგრამის “დამსაქმებელი პროფესიული განათლებისთვის“ დირექტორის მოადგილე საბა სარიშვილმა. #ახალიამბები #BusinessMediaGeorgia
შაბათს, სასტუმრო ჯორჯია პალასში ღონისძიება "ოქროსფერი ნოემბერი" ჩატარდა, რომელიც სასტუმროს ტერიტორიაზე გაშენებული მანდარინის ბაღის დაკრეფას და სხვადასხვა გასართობ აქტივობებს მოიცავდა. ღონისძიების ერთ-ერთი ორგანიზატორი "კოკა კოლა ბოთლერს ჯორჯია" იყო. #ახალიამბები #BusinessMediaGeorgia
#საქმიანიდილა - 13 ნოემბერი - პროლოგი #ახალიამბები #BusinessMediaGeorgia
“კოკა-კოლა ბოთლერს ჯორჯიამ” საკუთარ რეგიონულ ფილიალებში ოპერირების ახალი სტანდარტი დანერგა. პირველ ეტაპზე, ახალი სადისტრიბუციო ჰაბი ბათუმში შეიქმნა, სადაც პროდუქციის კატეგორიების მიხედვით დახარისხების ახალი სტანდარტები დაინერგება, რაც კომპანიას დანახარჯების მართვის ეფექტიანად გადანაწილების საშუალებას მისცემს. როგორც “კოკა-კოლაში” ამბობენ, კომპანიის საკუთრებაში არსებული სხვა რეგიონალური სადისტრიბუციო ცენტრები, სწორედ ბათუმის მაგალითზე გადახალისდება. “კოკა-კოლა ბოთლერს ჯორჯიაში” ამბობენ, რომ მართებული საკადრო პოლიტიკა, თანამშრომლებისთვის სპეციალურად შექმნილი სასწავლო პროგრამები, “კოკა-კოლას” სტანდარტებით გათვალისწინებული სამუშაო უნარ-ჩვევების გამოყენებითა და კომპანიის ტექნიკური გადაიარაღებით, “კოკა-კოლის” თანამშრომლებისთვის უსაფრთხო გარემო იქმნება. ამასთან, “კოკა-კოლის” ახალ სივრცეში უზრუნველყოფილი იქნება სურსათის უსაფრთხოების მოთხოვნების დაცვა, რომელიც დასაწყობების მეთოდების დახვეწით მიიღწევა, რაც, როგორც კომპანიაში ამბობენ, ეხება არამხოლოდ ფიზიკურ გარემოს, არამედ პროგრამებს და თანამშრომელთა განვითარების პერსპექტივას. #ახალიამბები #BusinessMediaGeorgia
საქართველოს ბიზნეს ასოციაცია „მეწარმეთა შესახებ“ კანონთან დაკავშირებით პარლამენტის შესაბამისი კომიტეტების თავმჯდომარეებს შეხვდა. „მეწარმეთა შესახებ“ ახალი კანონის ამოქმედების შემდეგ პრაქტიკაში გამოკვეთილ საკითხებთან დაკავშირებით, საქართველოს ბიზნეს ასოციაციამ, ინვესტორთა საბჭოს ჩართულობით, საქართველოს პარლამენტის იურიდიული კომიტეტის თავმჯდომარე ანრი ოხანაშვილთან, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძესა და დარგობრივი ეკონომიკის და ეკონომიკური პოლიტიკის კომიტეტის თავმჯდომარე დავით სონღულაშვილთან სამუშაო შეხვედრა გამართა, რომელსაც ასოციაციის წევრი კომპანიების წარმომადგენლები ესწრებოდნენ. შეხვედრაზე ის მნიშვნელოვანი საკითხები განიხილეს, რაც მეწარმეთა შესახებ ახალი კანონის ამოქმედების შემდეგ პრაქტიკაში გამოიკვეთა. კერძოდ, საუბარი შეეხო საწარმოთა რეგისტრაციასთან, ხელმძღვანელთა პასუხისმგებლობის ფარგლებთან, საწარმოს პარტნიორთა მიერ გადაწყვეტილებების მიღებასთან დაკავშირებულ ტექნიკურ და პროცედურულ საკითხებს. საქართველოს პარლამენტის წევრები და ბიზნეს სექტორის წარმომადგენლები „მეწარმეთა შესახებ“ კანონთან დაკავშირებით აქტიური კომუნიკაციის ფორმატზე შეთანხმდნენ, რათა შესაბამისი სამინისტროების ჩართულობით გაიმართოს დისკუსია ახალ ნორმებთან და მათ ერთგვაროვან ინტერპრეტაციასთან დაკავშირებით, ასევე, მოხდეს კონკრეტული შემთხვევების გაანალიზება და საჭიროების შემთხვევაში, კანონის დაზუსტება. სტუმარი: ნიკა ნანუაშვილი - საქართველოს ბიზნეს ასოციაციის იურიდიული დირექტორი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
Galt&Taggart;-მა სოფლის მეურნეობის მიმოხილვა გამოაქვეყნა, სადაც თვალსაჩინოდაა წარმოდგენილი დარგის გამოწვევები და შესაძლებლობები. კვლევის ავტორებს მიაჩნიათ, რომ დარგს განვითარებისთვის პირველ რიგში, ეფექტიანობის ზრდა და საექსპორტო ბაზრების დივერსიფიცირება სჭირდება. სტუმარი: რატი კოჭლამაზაშვილი - საქართველოს ფერმერთა ასოციაციის თავმჯდომარის მოადგილე; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
ელ-კომერციის ინდუსტრია ერთ-ერთი მნიშვნელოვანი ინსტრუმენტია საერთაშორისო ვაჭრობაში. საქართველოში ელექტრონული კომერციის წილი საცალო გაყიდვებში მნიშვნელოვნად ჩამორჩება განვითარებული ბაზრების დონეს. თუ ევროპის საშუალო მაჩვენებელი 12%–ია, საქართველოში ეს მაჩვენებელი 10–ჯერ და უფრო მეტად ნაკლებია. პანდემიის დროს განსაკუთრებით ვიგრძენით ყველამ, რომ ელექტრონულ ვაჭრობაზე ხელმისაწვდომობა უნდა გაიზარდოს. ამისთვის – USAID-ის ეკონომიკური მმართველობის პროგრამა აქტიურად თანამშრომლობს როგორც მთავრობასთან, ისე კერძო სექტორთან იმისთვის, რომ ახალი საკანონმდებლო ჩარჩოს ფარგლებში, მხარი დაუჭიროს საერთაშორისოდ აღიარებული სტანდარტების დანერგვას ადგილობრივ ბაზარზე და სექტორის სანდოობის ამაღლებას. რეფორმამ უფრო ხელმისაწვდომი უნდა გახადოს ადგილობრივი, რეგიონული და გლობალური ბაზრები საცალო მოვაჭრეებისა და მიმწოდებლებისთვის, რამაც, თავის მხრივ, ხელი უნდა შეუწყოს ქვეყნის საექსპორტო პოტენციალის ზრდას. ამ მიზნების მისაღწევად ორი ფუნდმენტური წინაპირობა უნდა იყოს დაცული – კარგად უნდა განვითარდეს ელ–კომერციის ეკოსისტემა და უნდა შეიქმნას გამართული და დაბალანსებული საკანონმდებლო ბაზა, სადაც თანაბრად იქნება გათვალისწინებული როგორც მომხმარებლის, ისე კერძო სექტორის უფლებები და ინტერესები. რამდენიმე ნაბიჯი ამ მიმართულებით უკვე არის გადადგმული და ამაზე ჩვენი სტუმრები უფრო დეტალურად ისაუბრებენ. თუმცა, სანამ მათთან გადავალ კონკრეტული კითხვებით, მანამდე მინდა გავამჟღავნო ერთი ამბავიც – USAID-ი პარტნიორობას იწყებს მასტერკარდთან – რა მოლოდინები არსებობს ამ მიმართულებით და რას გააუმჯობესებს რეფორმაში კერძო სექტორის ხედვის შეტანა – ამ ყველაფერზე უკვე სტუმრებთან ერთად ვისაუბრებ. სტუმრები: ნატალია ბერუაშვილი - USAID/Georgia-ს ეკონომიკური მმართველობის პროგრამის ხელმძღვანელი; დავით წიკლაური - "USAID საქართველოს" კერძო სექტორის განვითარების უფროსი მრჩეველი; დავით ზღუდაძე - #Mastercard-ის რეგიონალური დირექტორი საქართველოსა და სომხეთში; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
"$6 მლნ-იანი ოქროს უნიტაზის ისტორია" #ახალიამბები #BusinessMediaGeorgia
უკვე მეორედ თიბისის განათლების პროგრამის მხარდაჭერით და "ალტე უნივერსიტეტის" ორგანიზებით, საერთაშორისო პროექტი Technovation Girls SAKARTVELO ტარდება. ეს არის პროექტი რომელშიც 17 წელია, მსოფლიოს ასზე მეტი ქვეყნის ათიათასობით გოგო იღებს მონაწილეობას და ახლა უკვე საქართველოშიც მათ აქვთ შესაძლებლობა კონკრეტული პრობლემების გადაჭრის ტექნოლოგიური გზის საპოვნელად პროგრამირებასა და მეწარმეობაში მოემზადონ. სტუმრები: ალექსანდრე მაყაშვილი - თიბისის სტრატეგიული პროექტების ხელმძღვანელი; ნანა დიხამინჯია - ალტე უნივერსიტეტის ციფრული ტრანსფორმაციის ცენტრის დირექტორი; #ახალიამბები #BusinessMediaGeorgia
"ევროკავშირის კანდიდატის სტატუსი ვერ იქნება დამოუკიდებელი სასამართლოს ჩამნაცვლებელი" - ასე ფიქრობს პარლამენტარი და პოლიტიკური გაერთიანება გირჩის წევრი იაგო ხვიჩია. მისი თქმით, კანდიდატის სტატუსის მონიჭების შემდეგ დამატებითი საინვესტიციო მიმზიდველობა ქვეყანას არ გაუჩნდება, თუ შიდა პრობლემები არ მოგვარდა, შესაბამისად ცრუ მოლოდინები დამაზიანებელი იქნება. ი #BMGDRIVE-ის მგზავრი: იაგო ხვიჩია - პარლამენტარი; საპარლამენტო პოლიტიკური ჯგუფი „გირჩი“; ავტორები: ბექა ბაციკაძე, ირაკლი ხიზანიშვილი, კაკი პაიჭაძე; #ახალიამბები #BusinessMediaGeorgia
მიმდინარე წელს საქართველოდან საერთაშორისო სავაჭრო პალატამ თიბისის ვაჭრობის ფინანსირებისა და დოკუმენტური ოპერაციების ჯგუფის უფროსი - თამარ გუგუშვილი ვაჭრობის დაფინანსების დოკუმენტაციის გაციფრულების გლობალური პროექტში მონაწილეობისთვის წარადგინა. თავად ეს პროექტი მარტში დაიწყო და მისი მიზანი ვაჭრობის დაფინანსებასთან დაკავშირებულ დოკუმენტაციაში, იმ ინფორმაციის იდენტიფიცირებაა, რომელიც სამომავლოდ გლობალურად უნდა გაციფრულდეს, პრაქტიკაში დაინერგოს და რომელმაც, საბოლოოდ, საერთაშორისო ვაჭრობაში ჩართული კომპანიებისთვის ბიზნესპროცესები უნდა გაამარტივოს. საინტერესო გარემოებაა, რომ ვაჭრობის დაფინანსებასთან დაკავშირებული დოკუმენტაციის ელემენტებისა და სტანდარტების გაციფრულების აუცილებლობა, მსოფლიოს მასშტაბით, კოვიდ პანდემიამ დააჩქარა. ახალი გარემოება საფინანსო სექტორისათვის გამოწვევასთან ერთად ახალ შესაძლებლობად იქცა და ICC-ის Digital Standards Initiative კომისიამ ვაჭრობის დაფინანსების დოკუმენტაციის დეტალური შესწავლა და იმ ციფრული სტანდარტების იდენტიფიცირება დაიწყო, რომლითაც მომავალში მსოფლიოს მასშტაბით როგორც ვაჭრობის დაფინანსებაში ჩართული კომპანიები, ასევე ბანკები იხელმძღვანელებენ. დიჯიტალიზაციაზე მუშაობა საქართველოშიც აქტიურია და ამ მხრივ ერთი მხრივ მთავრობა და კიდევ უფრო სწრაფი ტემპით კერძო სექტორი აქტიურობენ.პროცესთან დაკავშირებით და საქართველოდან კონტრიბუციაზე რომელშიც SWIFT, ISO, WORLD BANK-ი და სხვა კარგად ცნობილი კომპანიებიც არიან ჩართულები? სტუმრები: თამარ გუგუშვილი - თიბისის ვაჭრობის ფინანსირებისა და დოკუმენტური ოპერაციების ჯგუფის უფროსი; ხატია ბუხრაშვილი - ICC Georgia-ს გენერალური მდივანი; #ახალიამბები #BusinessMediaGeorgia
ბრენდის ხმა - “თალიზი”; ხატია შამუგია - "თალიზის" პიარ-დეპარტამენტის ხელმძღვანელი; #BrandVoice #ბრენდისხმა #BMG #BMGTV #ახალიამბები #BusinessMediaGeorgia
ინდოეთის დედაქალაქში ჰაერის დაბინძურებამ ისტორიულ მაქსიმუმს მიაღწია, რის გამოც სკოლები დროებით დაიკეტა. ეს ქალაქი მოსახლეობის სიმჭიდროვითა და დაბინძურებით ერთ-ერთი გამორჩეულია მსოფლიოში და დაბინძურების ძირითადი გამომწვევი მიზეზი მანქანების გამონაბოლქვი და წარმოებაა. #ახალიამბები #BusinessMediaGeorgia
“ბრიზი საგურამო“ საცხოვრებელი კომპლექსია, რომელიც გარშემორტყმულია მთებით, კომპლექსიდან 1 კმ-ში მდინარე არაგვის ხეობაა და “ბრიზი საგურამოს” ტერიტორიაზე მთის ფერდობიდან გრილი ჰაერის მასები მოედინება. ბრიზი საგურამო მობინადრეებს მაქსიმალურ კომფორტს სთავაზობს. მომხმარებელი სახლს უკვე დასახლებულ კომპლექსში ყიდულობს, სადაც არამხოლოდ საცხოვრებელს იცვლის, არამედ ცხოვრების სტილსაც. ადგილზე მშენებლობის პირველი ეტაპი დასრულებულია და ახლა მეორე ეტაპის მშენებლობის პროცესი მიმდინარეობს. ყველაფერთან ერთად ბრიზი საგურამო თავის პოტენციურ მობინადრეებს მოქნილ გადახდის სისტემასაც სთავაზობს. პირველადი შენატანი არის ღირებულების მხოლოდ 10%, შემდგომ 18 თვის მანძილზე მინიმალური შენატანი თვეში არის 1000 დოლარის ეკვივალენტი ლარში და 18 თვის თავზე/შემდგომ მომხმარებელი სარგებლობს ბანკის გამარტივებული იპოთეკური სესხით. შიდა განვადებით სარგებლობისას კი მყიდველს წინასწარი დაფარვის შეთავაზებით სარგებლობა შეუძლია ისე რომ საკომისიოს გადახდა არ მოუწევთ. სტუმრები: ლილია იასეშვილი - "ბრიზი საგურამოს" გაყიდვების ხელმძღვანელი; ქეთი ჯანხოთელი - ლანდშაფტის დიზაინერი; #ახალიამბები #BusinessMediaGeorgia
ისრაელისა და პალესტინის კონფლიქტის გამო შესაძლოა ევროპაში ინფლაციის დონე გაიზარდოს, ამის შესახებ სავალუტო ფონდის პრეს კონფერენციაზე განაცხადეს. კონფლიქტი ენერგომატარებლების ფასის ზრდაზე მკვეთრად მოქმედებს, შესაბამისად, არსებობს ალბათობა, რომ მან კონტინენტის ეკონომიკა მნიშვნელოვნად დააზარალოს. #ახალიამბები #BusinessMediaGeorgia
"ჯორჯიან უოთერ ენდ ფაუერის" ახალმა მფლობელმა, ესპანურმა კომპანია Aqualia-მ წყალმომარაგების ინფრასტრუქტურისა და საოპერაციო სისტემების სიღრმისეული აუდიტი დაასრულა. კვლევამ აჩვენა, რომ თბილისის, რუსთავისა და მცხეთის წყალმომარაგებისა და წყალარინების სისტემები კრიტიკულ მდგომარეობაშია და საჭიროებს როგორც მყისიერ რეაგირებას, ასევე განვითარების გრძელვადიანი გეგმის შემუშავებას, რომელიც მასშტაბურ ინვესტიციასთან არის დაკავშირებული. კვლევის შედეგებსა კომპანიის ახალმა გენერალურმა დირექტორმა, ხოსე მიგელ სანტოსმა გუშინ გამართულ პრეზენტაციაზე ისაუბრა. რას გეგმავს Aqualia წყალმომარაგების სისტემის გამართულად ფუნქციონირებისთვის? #ახალიამბები #BusinessMediaGeorgia
საქართველოს ბაზარზე რომ ნედლი რძის დეფიციტია ეს ახალი არ არის. დეფიციტი განსაკუთრებით ზამთრის პერიოდში შეინიშნება, ეს კი ქვეყანაში საკვები ბაზის სიმცირით აიხსნება. სწორედ ამიტომ, ზამთარში რძის პროდუქტებზე - დაახლოებით 20%-იანი ზრდა ფიქსირდება. რა პრობლემა ქმნის სექტორში ნედლი რძის სიმცირე და როდიდან დაიწყება რძის პროდუქტებზე ფასების კორექცია? #ახალიამბები #BusinessMediaGeorgia
#საქმიანიდილა - 10 ნოემბერი - პროლოგი #ახალიამბები #BusinessMediaGeorgia
ყველაზე სამართლიანი სუპერგმირი - ყველაფერი, რაც Robocop-ის შესახებ უნდა იცოდეთ #ახალიამბები #BusinessMediaGeorgia
ჩინეთის ქალაქ შანხაიში საერთაშორისო იმპორტის უმსხვილესი გამოფენა - China International Import Expo მიმდინარეობს. ექსპოში „აწარმოე საქართველოში“ ორგანიზებით, 40-მდე ქართული კომპანია იღებს მონაწილეობას. ქართული კომპანიები ორ მასშტაბურ პავილიონშია წარმოდგენილი - საკვებისა და სასმლის, ასევე საფეიქრო ინდუსტრიის პავილიონებში. აქ გამოფენის სტუმრებს ქართული ღვინო, ალკოჰოლური და არაალკოჰოლური სასმელები, აგროპროდუქტი, ტყავის ნაწარმი და აქსესუარები, ასევე ტანსაცმელი დახვდებათ. უმსხვილეს გამოფენაში მონაწილეობა სააგენტოს ბენეფიციარებს საერთაშორისო კომპანიებთან მნიშვნელოვანი ბიზნესს კავშირების დამყარების შესაძლებლობას აძლევთ. სტუმარი: ლუკა შალიკაშვილი - კომპანია "მონდოს" გაყიდვების მენეჯერი; #ახალიამბები #BusinessMediaGeorgia
2023 წლის ოქტომბერში, თბილისში, საცხოვრებელი უძრავი ქონების ბაზარი კვლავ გააქტიურდა და გაყიდული ბინების რაოდენობამ 3,377 შეადგინა, რაც წინა თვესთან შედარებით +13%-იანი მატებაა. ზრდის მიუხედავად 14%-იანი კლება ფიქსირდება წლიურ ჭრილში, რაც თიბისი კაპიტალის განმარტებით მაღალი საბაზისო ეფექტით იხსნება. როგორია ფასები და რომელია ყველაზე მოთხოვნადი უბნები? სტუმარი: ირინა კვახაძე - „თიბისი კაპიტალის“ კვლევების სამსახურის უფროსი; #ახალიამბები #BusinessMediaGeorgia
11 ნოემბერს, ბათუმში ტურიზმის ფესტივალის, „ტურისტერი 2023“-ის ფარგლებში „ტურიზმის მოსაკრებლის“ შესახებ სამუშაო შეხვედრა ტარდება, სადაც ტურიზმის მოსაკრებლის დანერგვის პერსპექტივებზე იქნება მსჯელობა. ადმინისტრირებასთან, რასაც დაემატება ტურიზმის გადასახადების შეგროვების და მართვის სლოვენიური, კერძოდ კი ლიუბლიანას მაგალითის განხილვა, ასევე მონაცემთა ანალიტიკის გაუმჯობესების გზები ტურიზმის გადასახადის ჭრილში. სტუმარი: მამუკა ბერძენიშვილი - ტურისტული ფესტივალი "ტურისტერის" ორგანიზატორი #ახალიამბები #BusinessMediaGeorgia
2024 წლის მწვანე ბარათის გათამაშების რეგისტრაცია დასრულდა. სტატუსის გაგებას მონაწილეები უნიკალური კოდის გამოყენებით 2024 წლის 6 მაისიდან ვებგვერდზე: dvprogram.state.gov -ზე შეეძლებათ. სახელმწიფო დეპარტამენტი გამარჯვებულებს კომპიუტერის დახმარებით, შემთხვევითობის პრინციპით ირჩევს. სახელმწიფო დეპარტამენტი საიმიგრაციო ვიზებს ექვს გეოგრაფიულ რეგიონზე ანაწილებს და არცერთ მონაწილე ქვეყანას ერთ წელს 7%-ზე მეტი ვიზების მიღების შესაძლებლობა არ აქვს. მწვანე ბარათის 2024 წლის პროგრამაში მონაწილეობის უფლება არ აქვთ იმ ქვეყნების წარმომადგენლებს, საიდანაც აშშ-ში ბოლო 5 წლის განმავლობაში 50 ათასზე მეტი იმიგრანტი ჩავიდა. ასეთია მაგ. ბანგლადეში, ბრაზილია, კანადა, ჩინეთი, კოლუმბია, დომინიკის რესპუბლიკა, ელ სალვადორი, ჰაიტი, ჰონდურასი, ინდოეთი, იამაიკა, მექსიკა, ნიგერია, პაკისტანი, ფილიპინები, კორეის რესპუბლიკა (სამხრეთ კორეა), დიდი ბრიტანეთის გაერთიანებული სამეფო (ჩრდილოეთ ირლანდიის გარდა) ასევე, მასზე დამოკიდებული ტერიტორიები, ვენესუელა და ვიეტნამი. ჰონგ-კონგისა და მაკაუს სპეციალურ ადმინისტრაციულ რეგიონებსა და ტაივანში დაბადებულ პირებს ამ პროგრამაში მონაწილეობის უფლება აქვთ. 2024 წლის მწვანე ბარათის პროგრამის ფარგლებში, მსოფლიოს მრავალ ქვეყანაში და მათ შორის, საქართველოშიც 55 ათასი მწვანე ბარათი თამაშდება. როგორი იყო წელს მონაწილეთა აქტიურობა? სტუმარი: ნიკა გოგოლაძე - Turebi.ge-ის დამფუძნებელი; #ახალიამბები #BusinessMediaGeorgia
საქართველოს ბიზნეს ასოციაციის წევრებს ლოგისტიკური სექტორიდან კომპანია Kairos Logistics-ი შეუერთდა, რომელიც, როგორც ქართულ, ასევე, გლობალურ ბაზარზე უკვე 10 წელია სახმელეთო, საკონტეინერო და სარკინიგზო გადაზიდვების მიმართულებით ოპერირებს. Kairos Logistics ექვს სხვადასხვა ქვეყანაში საქართველოში, უკრაინაში, ყაზახეთში, აზერბაიჯანში, თურქეთსა და ბელორუსიაშია წარმოდგენილი და ფლობს საკუთარ ავტოპარკსა და სასაწყობე ობიექტს ფოთში, რაც, ხელს უწყობს უწყვეტ რეგიონულ ინტეგრაციას, საზღვრებს მიღმა პროდუქციის შეუფერხებელი ნაკადის ზრდასა და მთელი მიწოდების ჯაჭვის პროცესის ოპტიმიზაციას. სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; მიხეილ ნამადოვი - Kairos Logistics-ის გენერალური დირექტორი და დამფუძნებელი; #ახალიამბები #BusinessMediaGeorgia
კონტრაბანდული თამბაქოს ნაწარმი 8 ნოემბერს საქართველოს ბიზნეს ასოციაციის საგადასახადო-საბაჟო კომიტეტის ფარგლებში ჩატარდა საერთაშორისო კვლევითი კომპანია Nielsen-ის კვლევის პრეზენტაცია, საქართველოში თამბაქოს პროდუქციის არალეგალურ ვაჭრობასთან დაკავშირებით. კვლევა მოიცავს საქართველოში 2023 წლის პირველი კვარტლის მდგომარეობით თამბაქოს ნაწარმის უკანონო ვაჭრობის ძირითად ტენდენციებს. კვლევის თანახმად კონტრაბანდის დონე 2023 წლის პირველ კვარტალში 1.3 პროცენტული პუნქტით შემცირდა და 6.2 პროცენტი შეადგინა. ეს მაჩვენებელი 2021 წელთან მიმართებით 2.2 პროცენტული ერთეულით არის გაზრდილი. რეგიონების მიხედვით ყველაზე დიდი მაჩვენებელი ფიქსირდება ზუგდიდში (76%), ახალქალაქში (37%) და ბათუმში (24.5%). შეხვედრაზე გაჟღერებული ინფორმაციის მიხედვით, წელს თამბაქოს უკანონო ვაჭრობის გამო, სახელმწიფო ბიუჯეტი 85 მილიონი ლარის სააქციზო შემოსავალს დაკარგავს. კვლევის წარდგენას ესწრებოდნენ ბიზნესისა და სახელმწიფო უწყებების წარმომადგენლები. შეხვედრაში მომხსენებლად მონაწილეობდა დანიელ მარაჩიანუ, მოწვეული ექსპერტი რუმინეთიდან, რომელმაც BMG-სთან თამბაქოს არალეგალური ვაჭრობასთან ბრძოლის მნიშვნელობაზე ისაუბრა. #ახალიამბები #BusinessMediaGeorgia
EY საქართველოს 30 წელი და უცვლელი ღირებულებები რუსლან ხოროშვილი - EY საქართველოს მმართველი პარტნიორი; ანა კუსრაშვილი - EY საქართველოს აუდიტის პარტნიორი; ტატო ჩანტლაძე - EY საქართველოს იურიდიული და საგადასახადო პრაქტიკის ხელმძღვანელი; გია ბაზღაძე - EY საქართველოს დამფუძნებელი პარტნიორი; ავტორები: მანანა მანჯგალაძე, ედგარ ყაზახაშვილი, ლადო ცხადაია #EYსაქართველო #EY #ახალიამბები #BusinessMediaGeorgia
სასტუმროების ქსელი „ინნ ჰოსფითალითი“, ბაზარზე ამ ეტაპზე ოთხი სასტუმროთი ოპერირებს. ესენია: „ბაკურიანი ინნ“, „გუდაური ინნ“, „ახალციხე ინნ“ და „როიალ ინნ“. რებრენდინგის ფარგლებში კომპანია სხვადასხვა მიმართულებით მუშაობს. აქტიურად ემზადებიან ზამთრის სეზონისთვის ბაკურიანსა და გუდაურში განახლებული ინვენტარითა და სერვისით. რაც შეეხება სასტუმრო "ახალციხე ინნს", რომელიც რამდენიმე თვეა ფუნქციონირებს, მისი ოფიციალური გახსნა 18 ნოემბერს არის დაგეგმილი. რა იგეგმება ღონისძიებაზე და როგორ ემზადებიან "ინნ ჰოსფითალითში" საკურორტო სეზონისთვის? სტუმრები: ნინა გაჩეჩილაძე - „ინნ ჰოსფითალითის“ კომერციული დირექტორი; სოფო ბერიაშვილი - „ინნ ჰოსფითალითის“ საზოგადოებასთან ურთიერთობის მენეჯერი; #ახალიამბები #BusinessMediaGeorgia
ადგილობრივ ქსელურ მარკეტებში დიდი რაოდენობის იმპორტირებული ტკბილეულის მიუხედავად, ქართულ ბაზარზე სულ უფრო აქტიურად იმკვიდრებენ თავს ადგილობრივი მცირე საწარმოები, რომლებიც ნიშურ, ხელნაკეთ ტკბილეულს აწარმოებენ. თუმცა ადგილობრივი მწარმოებლების მთავარი გამოწვევა ნედლეულის ფასის მუდმივი ზრდა წარმოადგენს, როგორ ახერხებენ არსებულ დაბრკოლებებთან გამკლავებას და როგორ ვითარდება სექტორი? #ახალიამბები #BusinessMediaGeorgia
8 ნოემბერს ხულუტის ციხე-დარბაზის სამეტაპიანი სარეაბილიტაციო სამუშაოები დასრულდა. ადგილზე რეაბილიტირებული ციხე-სიმაგრის პრეზენტაცია გაიმართა. აღსანიშნავია, რომ ხულუტის ციხის აღდგენა-“საყდრისის კომიტეტი კულტურული მემკვიდრეობისთვის” წევრების ხანგრძლივი საპროტესტო აქციების შემდეგ გადაწყდა. ვინაიდან ძეგლი კომპანია “არემჯის” სამთო-მოპოვებით არეალში მდებარეობს, კომპანიამ მისი რეაბილიტაცია სრულად დააფინანსა. საყდრისის კომიტეტის და არემჯის ერთობლივი ძალისხმევით, დღეს უკვე ძეგლი ტურისტული სანახაობაა და ის სხვადასხვა ქვეყნის სტუმრებს ელოდება. #ახალიამბები #BusinessMediaGeorgia
საქართველოს ეროვნულმა ბანკმა ბანკირის პროფესიული დღის აღსანიშნავად, საქართველოს პარლამენტის ეროვნულ ბიბლიოთეკაში საბანკო სექტორის თანამშრომლების დასაჯილდოებელი ღონისძიება გამართა. წელს, ეროვნული ბანკის ინიციატივით, საქართველოს სახელმწიფო ბანკის ისტორიულ შენობაში გამართულ ღონისძიებაზე, სებ-ის 35 წელზე მეტი სტაჟის მქონე და კომერციული ბანკების თანამშრომლები, მათი პროფესიული დამსახურების და ფასდაუდებელი შრომისთვის დაჯილდოვდნენ. მათ შორის ჯილდო მიიღო ლიბერთი ბანკის დაგროვილი კაპიტალის მართვის მიმართულების ხელმძღვანელმა მანანა აკობიამ. #ახალიამბები #BusinessMediaGeorgia
#საქმიანიდილა - 9 ნოემბერი - პროლოგი #ახალიამბები #BusinessMediaGeorgia
საქართველოდან თხილისა და კაკლის ექსპორტი შემცირდა. იანვარ-სექტემბრის მდგომარეობით, ღირებულებაში 52,3 მილიონი დოლარის ექსპორტი განხორციელდა, მაშინ როცა გასული წლის ანალოგიურ პერიოდში ეს მაჩვენებელი 60 მილიონამდე დოლარს შეადგენდა. მიმდინარე წელს საქართველოსთვის მთავარი საექსპორტო ბაზრები თურქეთი, ესპანეთი, საუდის არაბეთი, უკრაინა და ჩეხეთია. მცირედით გაზრდილია ნუშის ექსპორტი. წლის პირველ 9 თვეში ექსპორტზე 2,9 მილიონი დოლარამდე ღირებულების ნუში გავიდა. მთავარი საექსპორტო ბაზრები ნუშის შემთხვევაში ყაზახეთი, სომხეთი, ლიბია, და უზბეკეთია. ნუშის და კაკლის როგორი მოსავალი აქვს წელს ქვეყანას, რატომ შემცირდა კაკლის ექსპორტი და რამდენად კონკურენტუნარიანია ქართული კაკლოვანი კულტურები საერთაშორისო ბაზრებზე? სტუმარი: თორნიკე ლათათია - ნუშისა და კაკლის მწარმოებელთა ასოციაციის დამფუძნებელი; #ახალიამბები #BusinessMediaGeorgia
1 წელი ჯანდაცვის სისტემაში DRG-ის დანერგვიდან - 1 ნოემბერს ერთი წელი შესრულდა, რაც საყოველთაო ჯანდაცვის პროგრამაში მონაწილე კლინიკები დიაგნოზთან შეჭიდული ჯგუფების მიხედვით დაფინანსების ახალ სისტემაზე გადავიდნენ. დაფინანსების DRG-ის მოდელზე გადასვლამ რიგ სამედიცინო მომსახურებაზე არსებული ტარიფების ზრდა, ნაწილზე კი პირიქით კლება გამოიწვია. როგორც სამედიცინო დაწესებულებების წარმომადგენლები ამბობენ, განსაკუთრებით პრობლემურია მაღალტექნოლოგიური ქირურგიის მიმართულებით არსებული ახალი ტარიფები, რომელიც 3-5-ჯერ მაინც შემცირდა. ასევე პრობლემურია კომბინირებული ოპერაციების განფასებაც, რა დროსაც მხოლოდ ერთი ჩარევა ფინანსდება. სტუმარი: აკაკი ზოიძე - ჯანდაცვის სპეციალისტი; #ახალიამბები #BusinessMediaGeorgia
დეკემბერში, თბილისში 50 ერთეული 18-მეტრიანი ავტობუსი შემოვა, რომლებიც იანვრის ბოლოდან მოემსახურება თბილისის მოსახლეობას”. ახალი ავტობუსები გათვლილია 162 მგზავრზე, აქედან 43 დასაჯდომი ადგილით. ავტობუსები სრულად ადაპტირებული იქნება შშმ პირებისთვის. მერიის ინფორმაციით, 2024 წლის ბოლომდე თბილისს ეყოლება კომპანია MAN-ის მიერ წარმოებული 400-მდე ავტობუსი, რაც მთლიანი საავტობუსო პარკის დაახლოებით 40% იქნება. როგორც ცნობილია, დედაქალაქში 18 მეტრიანმა ავტობუსებმა წინასწარ განსაზღვრულ სატრანსპორტო დერეფნებში უნდა იმოძრაონ. აღნიშნული ავტობუსები ქალაქში ჯერ კიდევ 3 წლის წინ, 2020 წელს უნდა გამოჩენილიყო. სტუმარი: გიორგი ბაბუნაშვილი - ურბანული ლაბორატორიის ხელმძღვანელი; #ახალიამბები #BusinessMediaGeorgia
გასულ კვირას პარლამენტმა „ადამიანის ორგანოთა გადანერგვის შესახებ კანონი“ დაამტკიცა. ეს კანონი აწესრიგებს ადამიანის ორგანოების მკურნალობის მიზნით გადანერგვის საკითხებს და ადგენს გადანერგვისთვის განკუთვნილი ორგანოების ხარისხისა და უსაფრთხოების სტანდარტებსა და ეთიკურ პრინციპებს. დოკუმენტის მიხედვით, ტრანსპლანტაციის შესახებ გადაწყვეტილება უნდა იყოს უანგარო და ნებაყოფლობითი. პირს შეუძლია წინასწარ, სიცოცხლის განმავლობაში განაცხადოს ნებაყოფლობითი, ინფორმირებული თანხმობა სიკვდილის შემდეგ ცალკეული ორგანოს ან ორგანოების უანგარო დონაციაზე გადანერგვის მიზნით, თუმცა ამისთვის ის დონორთა ეროვნულ რეესტრში უნდა დარეგისტრირდეს. ამასთან, გარდაცვლილის ორგანოს დონაციაზე თანხმობის გაცხადების უფლება აქვთ ნათესაური კავშირში მყოფ პირებსაც. რაც შეეხება ცოცხალ დონორობას, ასეთ შემთხვევაში საჭიროა როგორც სასამართლოს, ისე ცოცხალი დონაციის კომისიის მიერ გაცემული თანხმობა. როგორც კანონშია აღნიშნული, პირს, რომელიც აკმაყოფილებს ორგანოს გადანერგვის სამედიცინო კრიტერიუმებს, დისკრიმინაციის გარეშე უნდა მიეცეს თანაბარი უფლება, უფასოდ დარეგისტრირდეს მომლოდინეთა ეროვნულ სიაში. კანონი ითვალისწინებს ასევე ჯანდაცვის სამინისტროს სისტემაში ტრანსპლანტაციის სამმართველოს და, შესაბამისად, მართვის ცენტრალური ბაზის შექმნას. რას შეცვლის ახალი საკანონმდებლო ჩარჩოს არსებობა ჯანდაცვის სისტემაში, ახლავს თუ არა ორგანოთა გადანერგვის პროცესს რისკები და რა უნდა გაითვალისწინონ დონორობის მსურველმა მოქალაქეებმა? სტუმარი: გია თომაძე - პროფესორი, საქართველოს ტრანსპლანტოლოგთა ასოციაციის პრეზიდენტი; #ახალიამბები #BusinessMediaGeorgia
“ფოლადის სახლი” ლითონის პროდუქციის რეალიზებას ბაზარზე 20 წელზე მეტი ხანია რაც ახორციელებს. “ფოლადის სახლის" მთავარი მიმართულება დღესაც სამშენებლო მასალის ადგილობრივი წარმოება და ლითონის პროდუქციის იმპორტი და რეალიზაციაა. ადგილობრივი ნაწარმი მაღალტექნოლოგიური დანადგარებით აღჭურვილ საწარმოში მზადდება და იმპორტირებულ პროდუქციას შორის მრავალფეროვანია არჩევანი მომხმარებლებისათვის ხარისხის თუ ნომენკლატურის მიხედვით. კომპანია ბაზარზე რამდენიმე ფილიალით არის წარმოდგენილი და სამშენებლო მასალებთან ერთად მსურველებს სარემონტო სამუშაოებისთვის აუცილებელ პროდუქტსაც სთავაზობს. სტუმრები: ნანა ინდუაშვილი - "ფოლადის სახლის" სამეთვალყურეო საბჭოს წევრი; ანი გურგენიძე - "ფოლადის სახლის" საგზაო კონსტრუქციების წარმოების მიმართულების გაყიდვების ხელმძღვანელი #ახალიამბები #BusinessMediaGeorgia
მედიისა და ტელეხელოვნების კოლეჯმა, პარტნიორ ორგანიზაციებთან ერთად მოკლევადიანი სამი ახალი სასწავლო პროგრამა „კონტენტის შემქმნელი“, „ხმის ოპერატორი“ და „განათების ტექნიკოსი“-ს პროფესიებისთვის ასევე მედიისა და ტელეხელოვნების კოლეჯმა „კიკალა სტუდიოსთან“ ერთად მოამზადა სასწავლო პროგრამა სარეკლამო ფოტოგრაფიაში. აპ პროგრამებს გავლილი აქვს ავტორიზაციის პროცესი, რაც გულისხმობს რომ ამ პროგრამებმა მოიპოვეს დაფინანსების შესაძლებლობა, ხოლო კურსდამთავრებულებს გადაეცემათ სახელმწიფოს მიერ აღიარებული სერტიფიკატები. სტუმარი: ზურაბ ოშხნელი - თსუ-ს მედიისა და ტელეხელოვნების კოლეჯის დირექტორი; USAID/Georgia The USAID Industry-led Skills Development Program #CocreateSkillswithUS
თიბისი სტარტაპერის პარტნიორი - Eye Gallery სტუმარი: მარიამ გომურაშვილი - Eye Gallery-ის დამფუძნებელი; #ახალიამბები #BusinessMediaGeorgia
ასპ გრუპმა ფოტონ მოტორსის ახალი თაობის ავტომობილები თავის გაყიდვების ახალ ლოკაციაზე წარადგინა. ფოტონ მოტორსი ერთ-ერთი უმსხვილესი ჩინური მწარმოებელია და მისი ავტომობილები სრულად ევრო სტანდარტებზეა მორგეული, აესპე გრუპი კი საქართველოში მისი ოფიციალური წარმომადგენელია. 22 წელს ითვლის ასპ-გრუპი საქართველოს ბაზარზე, რომელიც FOTON MOTOR-ის ავტორიზებული დილერია და რომელიც ახალ მოდელებს ახალი მისამართიდან სთავაზობს მომხმარებლებს. სტუმარი: ედუარდ ცხოვრებაძე - “ასპ გრუპის” გაყიდვების სამსახურის უფროსი; #ახალიამბები #BusinessMediaGeorgia
თოვლის მოსვლის შემდეგ საქართველოს მთის კურორტებზე ზამთრის ტურისტული სეზონი დაიწყება. კურორტებზე მიმდინარეობს ინფრასტრუქტურული სამუშაოები, მათ შორის მაგალითად გუდაურში ახალი საბაგიროები და ტრასები ეწყობა. მზადების პროცესშია ტურისტული სექტორიც. Რა მოლოდინები აქვს სასტუმრო ბიზნესს სეზონთან დაკავშირებით? #ახალიამბები #BusinessMediaGeorgia
ბოლო წლების განმავლობაში გასტრონომიული ტურიზმის მიმართულებით ინტერესი მთელ მსოფლიოში მკვეთრად გაიზარდა და გამონაკლისი, ცხადია არც საქართველოა. ჩვენს ქვეყანაში გასტრონომიული ტურიზმი ნელ-ნელა ვითარდება. ამას კი ხელს უწყობს ადგილობრივი, უნიკალური და განსხვავებული სამზარეულო, მრავალფეროვანი ვაზის ჯიშები, რომლისგან დამზადებული ღვინოებიც გასტრონომიულ ტურიზმში განსაკუთრებულ მნიშვნელობას იძენს. რას ითხოვენ გასტრონომიული ტურიზმით დაინტერესებული მოგზაურები საქართველოში, რამდენად აკმაყოფილებენ ადგილობრივი მეწარმეები მათ მოთხოვნას და ასევე, რა აფერხებს ქვეყანაში ტურიზმის ამ მიმართულების მეტად განვითარებას? #ახალიამბები #BusinessMediaGeorgia