"2025 წლის მოსავლის ქართული ღვინო საუკეთესო იქნება" - ამის შესახებ განცხადება გურჯაანში, რთველის მიმდინარეობის პროცესის გასაცნობად ჩასულმა სოფლის მეურნეობის მინისტრმა დავით სონღულაშვილმა გააკეთა. საკოორდინაციო შტაბში 300-მდე ღვინის კომპანიაა დარეგისტრირებული, რომლებიც ყურძნის მიღება-გადამუშავების პროცესში ეტაპობრივად ერთვებიან. გასული კვირის ბოლოსთვის ღვინის საწარმოებს უკვე 12 ათას ტონაზე მეტი ყურძენი ჰქონდათ გადამუშავებული, პროცესი მიმდინარე თვის ბოლომდე გაგრძელდება. საქართველოს მთავრობის გადაწყვეტილებით, წელს კახეთის რეგიონში ღვინის კერძო კომპანიებზე სუბსიდია აღარ გაიცემა. ჭარბ ყურძენს სახელმწიფო საწარმო შპს „მოსავლის მართვის კომპანია“ ხარიხის მიხედვით დიფერენცირებულ ფასად იბარებს: კახეთის რეგიონში მოწეული საფერავის ჯიშის ყურძენს - 1.50 ლარად, „ვაზისა და ღვინის შესახებ“ საქართველოს კანონით ნებადართულ სხვა საღვინე ჯიშებს - 1.20 ლარად, არაკონდიციურ და დაზიანებულ/ან დაავადებულ ყურძენს - 1 ლარად." რა ეფექტი ექნება სუბსიდირების ახალ წესს და როგორ ფასდება კომპანიების მხრიდან რთველი 2025? სტუმარი: შალვა ქურდაძე - "ფაფრის ველი" დამფუძნებელი; #ახალიამბები #BusinessMediaGeorgia
ცნობილი იტალიელი მოდის დიზაინერი ჯორჯო არმანი გარდაიცვალა. არმანი კომპანია Armani Group-ის ერთადერთი მეწილე იყო და იგი აქტიურად იღებდა ბრენდის მართვაში მონაწილეობას, ბოლო პერიოდში მუშაობდა არაერთ პროექტზე, მათ შორის მილანის მოდის კვირეულისთვის დაგეგმილ ღონისძიებაზე, რომელიც ბრენდის 50 წლის იუბილეს აღნიშნავდა. არმანის მიერ შექმნილი ბრენდი დღეს 10.5 მილიარდ აშშ დოლარად არის შეფასებული და იგი აერთიანებს ავეჯის, პარფიუმერიის მიმართულებას, ბარებს, რესტორნებს, სასტუმროებს და კალათბურთის კლუბ “ოლიმპია მილანოს”. იტალიის მოდის ისტორიაში უდავოდ ყველაზე წარმატებული დიზაინერი, ჯორჯო არმანი, გარკვეული დროის განმავლობაში ავადმყოფობდა და მის კარიერაში პირველად მიმდინარე წლის ივნისში იძულებული გახდა მილანში ჩატარებულ მამაკაცების მოდის ჩვენებაზე არ გამოსულიყო პუბლიკის წინაშე. ერთ-ერთი ყველაზე ცნობილი და გავლენიანი ბრენდი არმანი - წლიურად საშუალოდ ორ მილიარდზე მეტ შემოსავალს აფიქსირებს, მსოფლიოს მასშტაბით კი 8000 თანამშრომელს აერთიანებს. #ახალიამბები #BusinessMediaGeorgia
“დეტალები ინტერიერში” - სალომე დადუნაშვილთან ერთად სტუმარი: სალომე დადუნაშვილი - “ინტერიერი სალომე დადუნაშვილთან ერთად” - ავტორი&წამყვანი #ახალიამბები #BusinessMediaGeorgia
#ავიაციისსიახლეები: ✈ EUROBASKET 2025-ზე საქართველოდან ქომაგებისთვის ჩარტერული რეისები დაინიშნა ✈ Wizz Air-ი სლოვაკეთში შიდა რეისებს შემოდგომის ბოლოს დაიწყებს ✈ საუდის არაბეთში ახალი აეროპორტი შენდება ✈ მეგი ფირცხელიანი ზემსუბუქი საჰაერო ხომალდის პირველი სერტიფიცირებული ქალი მფრინავია საქართველოში კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #ახალიამბები #BusinessMediaGeorgia
1-ლი სექტემბრიდან, მომხმარებლებს ბარათის აღება და ლიმიტის დამტკიცება უკვე მობაილბანკიდან, რამდენიმე წუთში შეუძლიათ – მაშინ, როცა ადრე ეს პროცესი 2-3 სამუშაო დღეს მოითხოვდა და ფილიალში მისვლაც იყო საჭირო. გარდა ამისა, 30 სექტემბრის ჩათვლით, ერთგული ბარათის მობაილბანკიდან აღება სრულიად უფასოა და ამ პერიოდში აღებული ბარათებისთვის, ერთწლიანი მომსახურების საკომისიოც ნულოვანია. სტუმარი: პაპუნა მაღალაშვილი - თიბისის არაუზრუნველყოფილი საკრედიტო პროდუქტების მართვის ლიგის ლიდერი #ახალიამბები #BusinessMediaGeorgia
გუშინ, 7 სექტემბერს, გაიმართა ღონისძიება - რომელიც მიეძღვნა დუშენის კუნთოვანი დისტროფიის შესახებ ცნობიერების ამაღლების მსოფლიო დღეს. ღონისძიება ტარდება დუშენის კუნთოვანი დისტროფიის შესახებ საინფორმაციო კამპანიის „მივცეთ ძალა“ ფარგლებში, მშობელთა ორგანიზაციის „ერთად ვებრძოლოთ დუშენის კუნთოვან დისტროფიას“ ორგანიზებით. ამავე ორგანიზაციამ შექმნა პეტიცია, რომლითაც დუშენის კუნთოვანი დისტროფიით დაავადებული პაციენტების მშობლები, მკურნალობისთვის აუცილებელი მედიკამენტების დაფინანსებას ითხოვენ. პეტიციას, რომელიც Manifest.ge-ზეა წარმოდგენილი, უკვე 5000-ზე მეტი ხელმოწერა აქვს. #ახალიამბები #BusinessMediaGeorgia
“კოკა-კოლა ბოთლერს ჯორჯია” რეგიონულ ფილიალებში ოპერირების ახალი სტანდარტის დანერგვას აგრძელებს. ამჯერად ქუთაისში, „კოკა-კოლა ბოთლერს ჯორჯია“ -ს პარტნიორმა კომპანიამ „კოკა-კოლა იმერეთ“-მაც რომელიც იმერეთის, რაჭა-ლეჩხუმის, ქვემო სვანეთის ტერიტორიებზე ოპერირებს 2005 წლიდან და რეალიზაციას უწევს კოკა-კოლას კომპანიის ნაწარმს, წელს ინოვაციური სადისტრიბუციო ჰაბი შექმნა, რაც 5600 კვ.მ მიწაზე განვითარებულ ინფრასტრუქტურას, 2008 კვ.მ სასაწყობე ფართსა და 350 კვ.მ ოფისს მოიცავს. კომპანიაში დღეის მდგომარეობით 110 სამუშაო ადგილია. დასაქმებულების კომფორტული მუშაობისთვის, კოკა-კოლას სტანდარტით შეიქმნა სივრცე, რომელიც აღჭურვილია თანამედროვე სისტემებით და კეთილმოწყობილი გარემოთი. ქართლოს კვიტივაძე - შპს „კოკა-კოლა იმერეთი“-ს წარმომადგენელი #ახალიამბები #BusinessMediaGeorgia
თბილისში უქმეებზე დოკუმენტური ფილმის „ზელენსკი“ ქართული პრემიერა და მასტერკლასი „უკრაინა ევროპის თვალით“გაიმართა. აღნიშნული ღონისძიებები საქართველოს კინო ინსტიტუტისა და კოკა-კოლა ბოთლერს ჯორჯიას მხარდაჭერით მოეწყო. #ახალიამბები #BusinessMediaGeorgia
ბიზნესისა და ტექნოლოგიების უნივერსიტეტში (BTU), შეიქმნა ტექნოლოგია, რომელიც ადამიანის გონებას ხმით კითხულობს და შემდეგ შიფრავს. ისევე როგორც თითოეულ ადამიანს გააჩნია უნიკალური გენეტიკური კოდი, რომელიც განსაზღვრავს მის ფიზიკურ მახასიათებლებს, BTU-ს მიერ შემუშავებული მეთოდოლოგიის საფუძველზე Humanos სისტემა ავლენს ადამიანის უნიკალურ ფსიქოლოგიურ კოდს — Humanos ინდექსს. ეს კოდი ასახავს ინდივიდის ემოციურ რეაქციებს, კომუნიკაციის ფორმას, ქცევის ლოგიკას, ფიქრის სტილს და იმ შინაგან ოპერაციულ პროგრამას, რომლის მიხედვითაც ადამიანი მოქმედებს. ინოვაციური პროდუქტი შეიქმნა BTUAI-ის პლატფორმაზე, რომელიც აერთიანებს ფსიქოლოგიის, ტექნოლოგიებისა და ხელოვნური ინტელექტის სპეციალისტთა კომპეტენციას. კვლევის პირველ ეტაპზე გაანალიზდა 500 ინდივიდუალური ქეისი და ხმოვანი ჩანაწერი. მეორე ეტაპზე ჩართულია 1200 რესპონდენტი, რაც უზრუნველყოფს მონაცემთა მასშტაბის ზრდას და შედარებით ანალიზს. HumanOS-ის შესახებ სამეცნიერო პუბლიკაციები უკვე განთავსებულია ევროპის წამყვან რეპოზიტორ ბაზებში. #ახალიამბები #BusinessMediaGeorgia
1986 წლის 8 სექტემბერს ტელეეკრანებზე მსოფლიოს ერთ-ერთი ყველაზე პოპულარული ტელეწამყვანის, ოპრა უინფრის შოუ პირველად გავიდა. თუმცა, ოპრას, როგორც წამყვანის კარიერა მალე ბიზნესვუმენობაში გადაიზარდა - მას შემდეგ რაც მან საკუთარი საპროდიუსერო კომპანია დააარსა და მისი საავტორო გადაცემაც, საკუთარი კომპანიის მფლობელობაში გადაიტანა. წლებთან ერთად ოპრას ქონება მილიონებს, შემდეგ კი უკვე მილიარდებს ითვლიდა. მისმა სწორ დროს გადადგმულმა სწორმა ნაბიჯებმა ტელეწამყვანი ბიზნესის შექმნის ერთ-ერთ საუკეთესო მაგალითადაც აქცია. როგორ გამდიდრდა ოპრა უინფრის და როგორ განვითარდა მისი კარიერა? #ახალიამბები #BusinessMediaGeorgia
#საქმიანიდილა - 8 სექტემბერი - პროლოგი #ახალიამბები #BusinessMediaGeorgia
მსოფლიოს ბევრ ქვეყანაში უმუშევრობის დაზღვევის მექანიზმი მოქმედებს - მაგალითად, ამერიკის შეერთებულ შტატებში უმუშევრობის დაზღვევა სოციალური დაცვის ერთ-ერთი მთავარი ბერკეტია, რომელიც სამსახურის დაკარგვის შემთხვევაში მოქალაქეებს შემოსავლის ნაწილის დროებით ანაზღაურებას სთავაზობს, სარგებელი საშუალოდ ყოფილი ხელფასის 38% შეადგენს. იგივე მექანიზმი მოქმედებს OECD-ის ქვეყნებშიც, სადაც ამერიკულ მოდელზე უფრო მასშტაბური შეღავათები არსებობს. #ახალიამბები #BusinessMediaGeorgia
ბრიტანულ-ქართულმა ონლაინ საგანმანათლებლო პლატფორმა Edumentors-მა მსოფლიოში პირველი ადამიანის მსგავსი AI მასწავლებლის შესაქმნელად $2 მილიონი დოლარის ინვესტიცია მოიზიდა. რას გააკეთებს Edumentors მოზიდული ფულით, როგორ მოახერხებს განათლების და ტექნოლოგიების სინქრონიზაციას, ვინ არიან მისი ინვესტორები? სტუმარი: თორნიკე ასათიანი - Edumentors-ის დამფუძნებელი და აღმასრულებელი დირექტორი #ახალიამბები #BusinessMediaGeorgia
✔️ მთავრობა უმუშევრობის დაზღვევაზე მუშაობას ანახლებს - როგორია პერსპექტივა? ✔️ სადაზღვევო ინდუსტრიის გამოწვევები&შესაძლებლობები 2025 სტუმარი: ლაშა ნიკოლაძე - დაზღვევის კავშირის ხელმძღვანელი; #ახალიამბები #BusinessMediaGeorgia
ქვეყანაში წინა სასკოლო სამზადისი უკვე აქტიურ ფაზაში შევიდა. ეს პერიოდი საკმაოდ დიდ ფინანსურ ხარჯებთანაა დაკავშირებული, რადგან ოჯახებს სკოლის მოსწავლეებისთვის როგორც წიგნების, ისე საკანცელარიო ნივთების, სხვადასხვა აქსესუარებისა თუ ტანსაცმლის შეძენა უწევთ. როგორ გამოიყურება წელს წინა სასკოლო სამზადისი საქართველოში და გაძვირდა თუ არა საჭირო ნივთები? #ახალიამბები #BusinessMediaGeorgia
კერძო სკოლები საქართველოში - როგორ ვხდებით ახალ სასწავლო წელს? სტუმარი: ავთანდილ აბდუშელიშვილი - გიმნაზია “შავნაბადა”, დამფუძნებელი #ახალიამბები #BusinessMediaGeorgia
კერძო სკოლების დიდი ნაწილი ახალ სასწავლო წელს გაზრდილი ფასებით იწყებს. როგორც ინდუსტრიის წარმომადგენლები აცხადებენ, ფასის მატების მიზეზი გაზრდილი ხარჯებია, სადაც წამყვან როლს პედაგოგების ხელფასები ასრულებს.ამის მიუხედავად ინდუსტრია ყოველწლიურად იზრდება, რასაც მოსწავლეთა გაზრდილი რაოდენობა მოწმობს. #ახალიამბები #BusinessMediaGeorgia
გლობალური აზარტული თამაშების ინდუსტრია რეკორდულ ნიშნულს აღწევს — 2025 წლისთვის ფიზიკური კაზინოების ბაზრის მოცულობა $330 მილიარდს გადააჭარბებს და ყოველწლიურად სტაბილური ზრდის ტენდენცია შენარჩუნდება. კვლევები აჩვენებს, რომ მსოფლიოს უდიდეს სათამაშო კურორტებში ყოველდღიურად მილიარდობით დოლარი ტრიალებს, ხოლო წამყვანი ოპერატორები არამხოლოდ კაზინოებს, არამედ გართობისა და ტურიზმის გლობალურ ცენტრებს ქმნიან. როგორ ვითარდება ეს ინდუსტრია, ვინ დგას წარმატების უკან და რომელ ქვეყნებში იწერება კაზინო ბიზნესის ახალი ეკონომიკური ისტორია? #ახალიამბები #BusinessMediaGeorgia
საქართველოს სამორინეთა ასოციაციამ, რომელიც ყველა მსხვილ ფიზიკურ სამორინეს აერთიანებს, საერთო სხდომა სასტუმრო "ტელეგრაფში" გამართა. შეხვედრაზე ქვეყნის ტურიზმის და ზოგადად ეკონომიკის განვითარების პროცესში - ფიზიკური სამორინე სექტორის როლი და კონტრიბუცია განიხილეს. სექტორის წარმომადგენლები მიიჩნევენ, რომ სამორინე ბიზნესი ქვეყნის ტურიზმის განუყოფელ ნაწილად უნდა იყოს მიჩნეული. ასოციაცია გეგმავს მჭიდრო თანამშრომლობას როგორც მთავრობის, ისე კერძო სექტორის წარმომადგენლებთან, რათა საერთაშორისო კონკურენციის საპასუხოდ, ფიზიკურ სამორინე სექტორს ჰქონდეს მეტი მოქნილობა ინვესტიციების მოზიდვის, ინფრასტრუქტურის განვითარების, ტურისტული პოტენციალის ათვისების პროცესში. #ახალიამბები #BusinessMediaGeorgia
თელავში, გუშინ პროკრედიტ ბანკის ახალი ფილიალი გაიხსნა. ეს ბანკის განვითარების სტრატეგიის მნიშვნელოვანი ნაწილია, რადგან პროკრედიტ ბანკის ერთ-ერთი მთავარი მიზანი მათ მომსახურებაზე ხელმისაწვდომობის გაზრდაა. როგორ პროკრედიტ ბანკში აცხადებენ, მათი მიზანია ადგილობრივ მაცხოვრებლებთან და ბიზნესებთან გრძელვადიანი და სანდო ურთიერთობები დაამყარონ, მათზე მორგებული სერვისების და გამოცდილი ბიზნეს მრჩევლების დახმარებით. პროკრედიტ ბანკი უკვე 25 წელზე მეტია საქართველოში ევროპულ გამოცდილებას აზიარებს, ამ გამოცდილებამ კი ამჯერად გეზი კახეთისკენ, კერძოდ თელავისკენ აიღო. #ახალიამბები #BusinessMediaGeorgia
სასექტემბრო შეთავაზებები “ავერსისგან”
#საქმიანიდილა - 5 სექტემბერი - პროლოგი #ახალიამბები #BusinessMediaGeorgia
პოსტსაბჭოთა ქვეყნების ეკონომიკის რეიტინგი - ვის ჩამორჩება და ასწრებს საქართველო? საქართველოს ეკონომიკა XX საუკუნის 90-იანებში - რამდენი და რა დავკარგეთ? #ახალიამბები #BusinessMediaGeorgia
„აღმოსავლეთ საქართველოში 2 სექტემბრიდან ატმოსფერულ ჰაერში მყარი ნაწილაკების კონცენტრაციის ზრდა შეინიშნება. როგორც გარემოს ეროვნული სააგენტო, ატმოსფერული ჰაერის კონდიციის შესახებ გავრცელებულ სპეციალურ განცხადებაში აღნიშნავს აღნიშნული პროცესი, ტრანსსასაზღვრო ხასიათისაა და განპირობებულია სამხრეთ-აღმოსავლეთიდან უდაბნოს მტვრის მასების სუსტი გავრცელებით. რამდენად დიდია ტრანსსასაზღვრო დაბინძურების მასშტაბი წელს და როგორია რეკომენდაციები? სტუმარი: გიორგი ჯაფარიძე - "ჩემი ქალაქი მკლავს“ დამფუძნებელი #ახალიამბები #BusinessMediaGeorgia
კომპანია Web Features პროექტ "Site Up"-ის ფარგლებში ბიზნესებსა და სტარტაპებს 10 000 ლარამდე ღირებულების ვებ საიტის დამზადებას სთავაზობს. გამარჯვებული ბიზნესი WordPress Meetup Georgia 2025-ზე დაჯილდოვდება, რომელიც 27 სექტემბერს ჩატარდება. Web Features უკვე 10 წელზე მეტია ბრენდების განვითარებაზე ზრუნავს და კომპანიებს ისეთი ტიპის სერვისებს სთავაზობს, როგორიცაა ვებსაიტის დამზადება, სოციალური მედიის მართვა, SEO ოპტიმიზაცია, დიზაინი და სხვა. რა კრიტერიუმებს უნდა აკმაყოფილებდნენ პოტენციური ბიზნესები და როგორ უნდა მიიღონ კონკურსში მონაწილეობა? სტუმრები: ლუკა ხალაძე - ციფრული სააგენტო Web Features-ის და ჰოსტინგ პროვაიდერი კომპანია Web Hoster-ის დამფუძნებელი; გიორგი ხალაძე - ციფრული სააგენტო Web Features-ის ვებ დეველოპმენტის მიმართულების ხელმძღვანელი #ახალიამბები #BusinessMediaGeorgia
ინდური ქორწილი დღეს არა მხოლოდ ოჯახის პირადი ზეიმია, არამედ მილიარდიან ინდუსტრიად ქცეული მოვლენა, რომელიც ტრადიციას, რელიგიურ რიტუალებსა და თანამედროვე ბიზნესს აერთიანებს – ღონისძიებები ხშირად რამდენიმე დღეს გრძელდება, მასში ასობით ან ათასობით სტუმარია ჩართული, ბიუჯეტი კი ზოგჯერ ასობით მილიონ დოლარს აღწევს; ინდოეთში ოჯახები ქორწილებზე თავიანთი დანაზოგის 20-30%-ს ხარჯავენ, ხოლო მასშტაბი სტადიონის ზომის დარბაზებით, ბოლივუდის ვარსკვლავებითა და ფუფუნებით გამოიხატება - 2024 წელს მუკეშ ამბანის ოჯახმა მსოფლიოს ყველაზე ძვირადღირებული, 600 მილიონი დოლარის ქორწილი გამართა, რაც ამ ტრადიციას გლობალურ ეკონომიკურ პლატფორმად აქცევს. #ახალიამბები #BusinessMediaGeorgia
წლევანდელი ზაფხულის ტურისტული სეზონი აჭარისთვის, განსაკუთრებით კი ბათუმისთვის საკმაოდ დატვირთული იყო. როგორც სექტორის წარმომადგენლები აცხადებენ, რეგიონში სტუმრების გაზრდილი რაოდენობა ფიქსირდებოდა ისრაელიდან, ინდოეთიდან, ჩინეთიდან. ტრადიციულად აქტიური იყო მეზობელი და გალფის ყურის ქვეყნებიდან ჩამოსული დამსვენებლებიც. ახალი ტენდენცია იყო ის, რომ მაღალმთიან აჭარაში მოწყობილი ატრაქციების დამსახურებით წელს დამსვენებლების ნაწილმა ზღვიდან მთისკენაც გადაინაცვლა. ტურიზმის სექტორის წარმომადგენლების თქმით, აჭარის ტურიზმისა და კურორტების დეპარტამენტის მიერ განხორციელებულმა კამპანიამ „გამომყევი აჭარაში“ 3 წლის თავზე გარკვეული შედეგი დააფიქსირა. რა ხდებოდა მაღალმთიან რეგიონებში და ვისი მხრიდან იზრდება ინტერესი? სტუმარი: ლაშა ბერეკაშვილი - Travel To Georgia-ს დირექტორი; ახალგაზრდა გიდების ასოციაციის დირექტორი #ახალიამბები #BusinessMediaGeorgia
ტურიზმის ეროვნული ადმინისტრაცია ახალი მიმართულების განვითარებას იწყებს. ადმინისტრაციის საკონვენციო და საგამოფენო ბიურომ ინდოეთიდან 15 მსხვილ კომპანიას უმასპინძლა. კომპანიები საქართველოში საქორწილო ღონისძიებების ჩატარებით არიან დაინტერესებულები. ვიზიტის ფარგლებში, ინდური კომპანიების წარმომადგენლები საქართველოს ტურისტული სექტორის წარმომადგენლებს საქმიანი ურთიერთობების დამყარებისა და სამომავლო თანამშრომლობის მიზნით შეხვდნენ. ტურიზმის ეროვნული ადმინისტრაცია განმარტავს, რომ ამ გზით მათ მიზანს ინდოეთიდან მაღალ მხარჯველი ტურისტული ნაკადის მოზიდვა წარმოადგენს. მიმდინარე წლის ივნისში ადმინისტრაციამ ინდურ ბაზარზე ტურიზმის მარკეტინგის წარმართვისთვის 407 ათას დოლარად კომპანიაც დაიქირავა. ხელშეკრულების თანახმად, შემსრულებელმა კომპანიამ უნდა უზრუნველყოს საქართველოს ინდოელთა ქორწილებისთვის მიმზიდველი დანიშნულების პრომოცია და შემდგომში ლოკაციების გაცნობის მიზნით მათი საქართველოში მოწვევა. რამდენად მზარდი მიმართულებაა საქორწინო ტურიზმი და რა პოტენციალი აქვს ინდურ ბაზარზე საქართველოს? სტუმარი: ვიკა შარია - სააგენტო „ოდა დიემსი“დამფუძნებელი #ახალიამბები #BusinessMediaGeorgia
თეგეტა ჰოლდინგის შვილობილი კომპანია - თეგეტა ლიზინგი კორპორაციულ მომხმარებელს უნიკალურ სალიზინგო პროდუქტს სთავაზობს. FlexLease – ასე ჰქვია მოდელს, რომელიც ბიზნესს ეხმარება - განახორციელოს მინიმალური ინვესტიცია, შეამციროს ყოველთვიური ხარჯი და ისარგებლოს ტექნიკის განახლების მოქნილი მოდელით. სტუმარი: დავით ჭეიშვილი - „თეგეტა ლიზინგის“ დირექტორი #ახალიამბები #BusinessMediaGeorgia
ლიზინგის ბაზარი ბოლო წლებია განსაკუთრებით სწრაფ ზრდას აჩვენებს, რაშიც თვისი როლი ტექნოლოგიურ პროგრესსა და ოპერაციებში ხელოვნური ინტელექტის აქტიურ გამოყენებასაც მიუძღვის. ამ დროის მონაცემებით, ლიზინგის გლობალური ბაზარი 1.9 ტრილიონ დოლარად არის შეფასებული, 2034 წლისთვის კი მისი 4.8 ტრილიონ დოლარამდე ზრდა არის ნავარაუდევი. რომელ ქვეყნებზე და ამავე დროს, რა სეგმენტებზე მოდის ყველაზე დიდი წილი ამ ბაზარზე? #ახალიამბები #BusinessMediaGeorgia
საქართველოში პირველი ქართული სელფი ქართველ პუბლიცისტსა და მეცნიერს ნიკო ნიკოლაძეს ეკუთვნის. თანამედროვეობაში სელფი ახლახან გაჩნდა და დიდი პოპულარობითაც სარგებლობს, ნიკოლაძემ კი ასეთი ფოტოს გადაღების პრინციპს, ჯერ კიდევ გასულ საუკუნეში მიაგნო. დიახ, ესეც მანამდე მოხდა, სანამ ამ მიმართულებას კონკრეტული სახელი დაერქმეოდა. და ეს გასაკვირი არც უნდა იყოს, თუ გავითვალისწინებთ იმას, რომ ნიკო ნიკოლაძე საქართველოში თანამედროვე ტექნოლოგიების დამნერგავად ითვლებოდა. როგორც ცნობილია, სელფის გადასაღებად მან კოდაკის ფოტოაპარატი გამოიყენა და მსგავსად სარკეში საკუთარი თავის ანარეკლიც აღბეჭდა. ამასთან ერთად, მე-19 საუკუნის ბოლოს ნიკოს შვილებისა და კოწია მიქაბერიძის მიერ სარკეში გადაღებული სურათებიც არსებობს. პირველი ქართული სელფის ნახვა კი ნიკო ნიკოლაძის სახლ-მუზეუმშია შესაძლებელი. #ახალიამბები #BusinessMediaGeorgia
ისტორიის გაკვეთილები ალექსანდრე მიქაბერიძესთან ერთად ალექსანდრე მიქაბერიძე - ისტორიისა და სოციალურ მეცნიერებათა პროფესორი ლუიზიანას სახელმწიფო უნივერსიტეტში ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
ნაყინის მოხმარება მსოფლიოს მასშტაბით მზარდ ნიშნულზეა, ამას ადასტურებს ბაზრის გლობალური მოცულობა, რომელიც 2024 წლის მონაცემებით 80 მილიარდ დოლარს აჭარბებს, 2030 წლისთვის კი საერთოდაც 150 მილიარდს გაუტოლდება. ქვეყნები სადაც ყველაზე მეტ ნაყინს მიირთმევენ და ბრენდები, რომლებიც ყველაზე მსხვილი მწარმოებლები არიან. #ახალიამბები #BusinessMediaGeorgia
Cone culture - ხელნაკეთი ნაყინის მწარმოებელი ბრენდია, რომელიც აქცენტს ჯანსაღ, ნატურალურ ინგრედიენტებზე აკეთებს და მომხმარებელს ცოცხალ გემოებს სთავაზობს. წლების განმავლობაში მომხმარებლის სიყვარულიც მოიპოვეს და განსაკუთრებით ისეთი გამორჩეული და ერთი შეხედვით ნაყინისთვის უჩვეულო მიქსებით - როგორიც მაგალითად აჯიკის, ყველის, რეჰანის გემოებია. მოკლედ, მიზანი თავიდანვე ქართული გასტრონომიის ნაყინში გაერთიანება იყო და იდეამ რომ გაამართლა ამას ადასტურებს ისიც, რომ ცოტა ხნის წინ კვირის წინ ნაყინის ქართული ბრენდი ნეტფლიქსის ერთ-ერთ ცნობილ შოუშიც ვიხილეთ. სტუმარი: ქეთი მიქაშავიძე - The Cone Culture-ის დამფუძნებელი; მარიამ იზორია - # მხოლოდქართული, ავტორი #ახალიამბები #BusinessMediaGeorgia
საქსტატის მონაცემებით, გასულ თვეში რესტორანში სადილის საშუალო ფასი წლიურად 6%-ით გაიზარდა. მიმდინარე წელს მზარდია რესტორნებში ფასი ტრადიციულ კერძებზე. კერძოდ, ხინკალი წლიურად 9%-ით გაძვირდა. გასული წლის სექტემბერთან შედარებით ხაჭაპურის ფასი კი 6%-ით არის მომატებული. ფასების მატებას ადასტურებს სარესტორნო სფეროს წარმომადგენელთა ნაწილი და აღნიშნავენ, რომ თუ ნედლეულზე ფასი არ დასტაბილურდა, კერძების ღირებულება მიმდინარე სეზონზე შესაძლოა დაკორექტირდეს. #ახალიამბები #BusinessMediaGeorgia
საქსტატის მიერ გუშინ გამოქვეყნებული ანგარიშის მიხედვით, აგვისტოში წლიური ინფლაცია 4.6%-მდე გაიზარდა, რაც ბოლო ორი წლის განმავლობაში ყველაზე მაღალი მაჩვენებელია. შედარებისთვის, ივლისში ეს რიცხვი 4.3% იყო. სტატისტიკის მიხედვით, ინფლაციის ზრდა უმეტესად სურსათზე ფასების მკვეთრმა გაძვირებამ გამოიწვია, ამ კატეგორიაში პროდუქტის ფასი წლიურად საშუალოდ 10%-ით არის მომატებული. რა ხდება ბაზარში რეალურად? როგორ რეაგირებს მომხმარებელი და რას ამბობენ მოვაჭრეები? თიკო ნატმელაძე - #BMG, რეპორტიორი #ახალიამბები #BusinessMediaGeorgia
რას გვიყვება დრო… პირველი "ზინგერი" საქართველოში #ახალიამბები #BusinessMediaGeorgia
Alphabet-ის ისტორია იწყება Google-ით, რომელიც 1998 წლის 4 სექტემბერს ლარი პეიჯმა და სერგეი ბრინმა სტენფორდში შექმნეს და მალევე კომპანიამ საძიებო ალგორითმითა და რეკლამირების სისტემებით მსოფლიო ციფრულ ბაზარზე სერიოზული გავლენაც მოიპოვა. 2015 წელს Google ჰოლდინგ Alphabet-ის ქვედანაყოფად იქცა, ხოლო მის გვერდით გაჩნდა ექსპერიმენტული პროექტები, როგორიცაა Waymo, Verily და Calico. #ახალიამბები #BusinessMediaGeorgia
#საქმიანიდილა - 4 სექტემბერი - პროლოგი #ახალიამბები #BusinessMediaGeorgia
ჩოგბურთის ისტორია საქართველოში XIX საუკუნის მიწურულს ჭიათურიდან იწყება. ინდუსტრიული განვითარების ფონზე, ჭიათურაში ინგლისური კომპანია Forward and Salinas-ის საქმიანობამ მნიშვნელოვანი როლი შეასრულა არა მხოლოდ ეკონომიკაში, არამედ სპორტისა და კულტურის სფეროებშიც.ინგლისური ფირმის მმართველმა ჯონ ტარსეიმ,დასავლური წარმოშობის სპორტი – პირველად სწორედ მანგანუმით მდიდარ ქალაქ ჭიათურაში შემოიტანა.ისტორიული წყაროების თანახმად , ტარსეიმ საგანგებოდ მოაწყო კორტი და ადგილობრივ საზოგადოებას სრულიად უცხო სანახაობა წარუდგინა – ჩოგბურთის თამაში, რომელიც ჯერ კიდევ ელიტარულ გართობად ითვლებოდა ევროპაში.დღეს, ჭიათურაში ქალაქის ისტორიულ ადგილას, სადაც 1892 წელს საქართველოში პირველი ჩოგბურთის კორტი მდებარეობდა – ღია მუზეუმია. #ახალიამბები #BusinessMediaGeorgia
მომხმარებელთა უფლებების დაცვა - თემა, რომელიც სულ უფრო აქტუალური ხდება, განსაკუთრებით მაშინ, როცა ონლაინ ვაჭრობა სწრაფად იზრდება, ხოლო მომხმარებელთა გამოცდილება ხშირად სტანდარტებს ვერ პასუხობს. საქართველოს კონკურენციისა და მომხმარებლის დაცვის სააგენტოს მონაცემებით, 2025 წლის პირველი რვა თვის განმავლობაში მომხმარებელთა მიმართ უფლების დარღვევის 98 ფაქტი დადასტურდა 147 საქმეზე. რა ტიპის დარღვევები ფიქსირდება ყველაზე ხშირად, როგორ მიმდინარეობს მათი მოგვარება, და რა უნდა იცოდეს მომხმარებელმა, საკუთარი უფლების დასაცავად? სტუმარი: ამათ ამაროვი - GCCA-ის მომხმარებლის უფლებების დაცვის დეპარტამენტის უფროსის მოადგილე #ახალიამბები #BusinessMediaGeorgia
ვეხმიანებით ეკონომიკის ერთ-ერთ მნიშვნელოვანს - ავტო ინდუსტრიას. ბევრს გავიგებთ დღეს და ბევრ აზრს მოვისმენთ, რადგან რეგიონში მიმდინარე გეოპოლიტიკური ცვლილებები, საერთაშორისო სავაჭრო დინამიკა და ლოგისტიკური მარშრუტების გადანაწილება - როგორ იმოქმედებს საქართველოზე, ქვეყანაზე, რომელიც წლებია ერთგვარ ჰაბად ყალიბდება ავტომობილებით ვაჭრობის ინდუსტრიაში. ბოლო მონაცემებით, ივლისში 6.5%-იან ეკონომიკურ ზრდაში მნიშვნელოვანი წვლილი ტრანსპორტის და დასაწყობების, ინფორმაცია და კომუნიკაციის, ხელოვნების, გართობა და დასვენების და ვაჭრობის სექტორებმა შეიტანეს. აქედან, ვაჭრობის სექტორში ზრდა, ძირითადად, განაპირობა მსუბუქი ავტომობილებით საცალო ვაჭრობამ. აღსანიშნავია, რომ 2025 წლის ივლისში წინა წლის შესაბამის პერიოდთან შედარებით, დაახლოებით, 1.2%-ით არის გაზრდილი მსუბუქი ავტომობილების რეექსპორტი. სტუმრები: ალექსი ნონიაძე - "საქართველოს ავტო იმპორტიორთა ასოციაციის" ხელმძღვანელი; გურამ როსტიაშვილი - "Auto import Georgia", დამფუძნებელი; დავით ბარამიძე - Auto Market Logistic-ის დამფუძნებელი #ახალიამბები #BusinessMediaGeorgia
რომელი ავტომობილები იყიდება ყველაზე მეტად მსოფლიოში? #ახალიამბები #BusinessMediaGeorgia
რომის ისტორიულ ცენტრში, კაპიტოლიუმის ბორცვის ქვეშ მდებარე უძველესი მიწისქვეშა გვირაბები თითქმის საუკუნის შემდეგ ხელახლა იხსნება. არქეოლოგიური და სარესტავრაციო სამუშაოები აქტიურ ფაზაშია – გათვალისწინებულია მუზეუმის მოწყობა, სხვადასხვა გამოფენების გამართვა და ასევე კაპიტოლიუმის მუზეუმიდან იმ არტეფაქტების დაბრუნება, რომლებიც საუკუნეების წინ სწორედ აქაურობას ეკუთვნოდა. მოკლედ იგეგმება, ისეთი ტურისტული ღირსშესანიშნაობის მოწყობა, როგორიც რომს ეკადრება. პროექტის დასრულება 2026 წლის მიწურულს ან 2027 წლის დასაწყისში იგეგმება. #ახალიამბები #BusinessMediaGeorgia
ინტერიერი დეტალებში სტუმარი: სალომე დადუნაშვილი - “ინტერიერი სალომე დადუნაშვილთან ერთად” - ავტორი&წამყვანი #ახალიამბები #BusinessMediaGeorgia
ქალაქში ცხოვრების მნიშვნელობა ბოლო წლების განმავლობაში საგრძნობლად იცვლება, მოთხოვნა იზრდება არა მხოლოდ საცხოვრებელ სივრცეზე, არამედ ცხოვრების ხარისხზე, უსაფრთხო გარემოზე და ინფრასტრუქტურულ კომფორტზე. ამ კონტექსტში ერთ-ერთი ყველაზე მასშტაბური პროექტია თბილისი ჰილსი, თანამედროვე მულტიფუნქციური საცხოვრებელი სივრცე, რომელიც 331 ჰექტარზეა განთავსებული და აერთიანებს მიწის ნაკვეთებს, აპარტამენტებსა და კერძო ვილებს. სტუმარი: მაია შანშიაშვილი - „თბილისი ჰილსის“ კომერციული დირექტორი #ახალიამბები #BusinessMediaGeorgia
AD BLACK SEA ბრუნდება. რეგიონის ერთ-ერთი ყველაზე მასშტაბური და კრეატიული მოვლენა 11-13 სექტემბერს ტრადიციულად ბათუმში გაიმართება და სამი დღის განმავლობაში კრეატიული ინდუსტრიის წარმომადგენლებისთვის მთავარ პლატფორმად იქცევა. ფესტივალი უკვე მეშვიდედ უმასპინძლებს საკომუნიკაციო ინდუსტრიის მსოფლიო ვარსკვლავებს, გამართავს ვორქშოპებს, დისკუსიებსა და, რა თქმა უნდა, გრანდიოზულ დაჯილდოებას, რომელშიც მონაწილეობას წელსაც ქართველი და უცხოელი სააგენტოები მიიღებენ. რაში მდგომარეობს ფესტივალის უნიკალურობა და რა ელოდება სტუმრებს წლევანდელ Ad Black Sea-ზე? სტუმრები: თამარ ცინცაძე - AD BLACK SEA-ის აღმასრულებელი დირექტორი; სოფო კეჩხოშვილი - AD BLACK SEA-ის კონკურსის დირექტორი #ახალიამბები #BusinessMediaGeorgia
კახეთში წლევანდელი ატმის რთველი დასრულებულია. მოსავლის აღების სამუშაოები, მთელი ზაფხულის განმავლობაში რეგიონში აქტიურად მიმდინარეობდა და როგორც ფერმერები აფასებენ, წლევანდელი წელი, ამ კურკოვანი კულტურისთვის, ნამდვილად გამორჩეული იყო, გაუმჯობესდა როგორც წარმადობის, ისე რეალიზაციის მაჩვენებლები. რა მონაგარით დახურეს ფერმერებმა წლევანდელი სეზონი და ადგილობრივი ბაზრის მიღმა, რამდენად ზრდად დინამიკას აჩვენებს ქართულ ატამზე მოთხოვნა საერთაშორისო ბაზარზე? #ახალიამბები #BusinessMediaGeorgia
3 სექტემბერს, სწორედ დღეს, მაგრამ 1995 წელს, დაარსდა იბეი. პლატფორმა, რომელიც მარტივი ონლაინ აუქციონით დაიწყო, დღეს ერთ-ერთი უმსხვილესი ელექტრონული ვაჭრობის სივრცეა მსოფლიოში. როგორ იქცა პატარა სტარტაპი გიგანტურ ონლაინ პლატფორმად და რა გზა გაიარა eBay-მ ბოლო სამი ათწლეულის განმავლობაში? #ახალიამბები #BusinessMediaGeorgia