საქართველოში „მონტესორი უნივერსის“ სახელით პირველი მონტესორის საბავშვო ბაღი ამოქმედდა, რომელსაც უკვე პირველი აღსაზრდელებიც ჰყავს. ბაღის საქმიანობას საერთაშორისო საგანმანათლებლო ცენტრი და მონტესორის სერტიფიცირებული პროფესიონალთა გუნდი უზრუნველყოფს. როგორც ბაღის წარმომადგენლები BMG-სთან განმარტავენ, მონტესორის მეთოდოლოგიით ბავშვი სწავლების პროცესში ერთდროულად არის აღმომჩენი, მკვლევარი და მთავარი მოქმედი გმირი, ხოლო პედაგოგი – დამკვირვებელი და ბავშვის განვითარების მეგზური. „მონტესორი უნივერსის“ თანადამფუძნებლის, ნინო კიკნაძის თქმით, ბაღის მთავარი მისია მცირეწლოვნებში დამოუკიდებლობის, მოტივაციის, კონცენტრაციისა და სოციალური უნარების განვითარებაა. ბაღი უკვე 5 თვეა ოპერირებს და ათეულობით ბავშვის აღზრდაც უკვე აქტიურად დაწყებული აქვს.


#ახალიამბები #BusinessMediaGeorgia