ძვირფასი ლითონების ინდუსტრიისთვის 26 იანვარი გამორჩეული თარიღია. 1905 წლის 26 იანვარს, მსოფლიოში უდიდესი მაღალი ხარისხის ალმასი, კულინანის ბრილიანტი აღმოაჩინეს გოტენგში, სამხრეთი აფრიკაში. 3,106-კარატიანი „კულინანი“ დღემდე მსოფლიოს უდიდეს დაუმუშავებელ ალმასად რჩება. ბრიტანეთის მეფე ედუარდ VII-სთვის ნაჩუქარი ეს ძვირფასი ქვა რამდენიმე ნაწილად დაიჭრა; მათგან უდიდესი, „აფრიკის დიდი ვარსკვლავი“, დღეს სამეფო კვერთხს ამშვენებს, ხოლო მთლიანი კოლექციის ღირებულება 400 მილიონ დოლარს აჭარბებს. - კაცობრიობის ისტორიაში ძვირფასი ქვები ყოველთვის ძალაუფლების, სიმდიდრისა და მარადიული სილამაზის სიმბოლოდ მიიჩნეოდა. ეს დღესაც ასეა და სწორედ ამიტომ ცნობადი ადამიანები ხშირად ბრილიანტის კოლექციებსაც ფლობენ. #ახალიამბები #BusinessMediaGeorgia
26 იანვარი იტალიის რესპუბლიკად ჩამოყალიბების დღეა - თარიღი, რომელიც ქვეყნის ისტორიაში მეორე დაბადებად ითვლება: ანტიკური რომიდან დაწყებული, ქალაქ-სახელმწიფოების, კოლონიური გავლენისა და ფაშიზმის პერიოდების გავლით, იტალია დღემდე აძლიერებდა ეკონომიკას. 1950-1970-იან წლებში მარშალის გეგმა, ინდუსტრიალიზაცია, ჩრდილოეთის ინდუსტრიული რეგიონები და ძლიერი ოჯახური კომპანიები სწრაფი ზრდის საფუძველი გახდა, 1970-იანი წლების კრიზისების შემდეგ ხარისხზე და დიზაინზე ორიენტაციამ თანამედროვე ინდუსტრიულ კლასტერები შექმნა, ევროზონის წევრობამ სტაბილურობა მისცა, ხოლო ტურიზმი დღეს ქვეყნის მთავარი შემოსავლის წყაროა, რაც აჩვენებს, რომ რესპუბლიკად ჩამოყალიბება არა მხოლოდ პოლიტიკური, არამედ ეკონომიკური გარდატეხის სიმბოლოა. როგორ გამდიდრდა იტალია? #ახალიამბები #BusinessMediaGeorgia
26 იანვარი ინდოეთის დამოუკიდებლობის მოპოვების დღეა. ეს თარიღი ქვეყნის ისტორიაში ახალი ეპოქის დასაწყისს აღნიშნავს, როდესაც ათასწლეულების განმავლობაში დაკარგული ეკონომიკური ძალის აღდგენა დაიწყო; ინდუსის ველის ცივილიზაციიდან დაწყებული, რომისა და შუა საუკუნეების სავაჭრო ცენტრების გავლით, ბრიტანეთის კოლონიზაციის შედეგად შემცირებული ინდოეთი 1947 წელს დამოუკიდებელ, სუსტად ინდუსტრიალიზებულ სახელმწიფოდ აღიმართა, შემდეგ კი 1991 წლის რეფორმებით, ბაზრების გახსნითა და უცხოური ინვესტიციების მოზიდვით სწრაფი ეკონომიკური ზრდის გზაზე გადავიდა. XXI საუკუნეში ინდოეთი IT, ფარმაცევტიკასა და წარმოების სფეროებში გლობალურ მოთამაშედ ჩამოყალიბდა, ნომინალური მშპ-ს მიხედვით მეხუთე, მსყიდველუნარიანობის მიხედვით კი მესამე ადგილზეა, თუმცა სოციალურ უთანასწორობას, ინფრასტრუქტურის დეფიციტსა და განათლების პრობლემებს დღესაც ებრძვის. როგორი იყო ინდოეთის გზა დამოუკიდებლობიდან დღემდე? #ახალიამბები #BusinessMediaGeorgia
#საქმიანიდილა - 26 იანვარი - პროლოგი #ახალიამბები #BusinessMediaGeorgia
გუშინ გავიგეთ, რომ სადისტრიბუციო და სარეალიზაციო კომპანიებში ერთდროულად ორი უწყება – სახელმწიფო უსაფრთხოების სამსახური და ფინანსთა სამინისტროს საგამოძიებო სამსახური – შევიდა. ეს ირაკლი კობახიძის დაპირების გაგრძელებაა, რომლის მიხედვითაც სურსათზე ფასები უნდა გაიაფდეს. ამ მიზნით სასურსათო პროდუქციის ფასებთან დაკავშირებით სამთავრობო საკოორდინაციო კომისიაც შეიქმნა, რომლის ხელმძღვანელი თავად ირაკლი კობახიძეა. 2026 წლის 20 იანვარს, მთავრობის ადმინისტრაციაში "ფასების სამთავრობო კომისიის" პირველი სხდომა გაიმართა, რომელზედაც ირაკლი კობახიძის ხელმძღვანელობით მოქმედმა სამთავრობო საკოორდინაციო კომისიამ კონკრეტული სამოქმედო გეგმა შეიმუშავა. ეკონომიკის მინისტრმა მარიამ ქვრივიშვილმა განაცხადა, რომ კერძო სექტორთან აქტიური მუშაობა დაიგეგმა. 21 იანვარს "ფასების კომისიის" წარმომადგენლები პროდუქტის მაღალ ფასებთან დაკავშირებით სუპერმარკეტების წარმომადგენლებს შეხვდნენ. დასრულების შემდეგ მარიამ ქვრივიშვილმა აღნიშნა, რომ კერძო სექტორის ფასების შემცირების შესახებ სახელმწიფოს ხედვას იზიარებს. ირაკლი კობახიძის განცხადებით, მსგავსი ფორმატის შეხვედრები გაგრძელდება როგორც დისტრიბუტორებთან, ისე ადგილობრივ მწარმოებლებთან. ამასთან, სამთავრობო საკოორდინაციო კომისია იმუშავებს მედიკამენტებისა და საწვავის ფასებთან დაკავშირებულ საკითხებზეც. სამთავრობო კომისიის საქმიანობის შედეგები კი საზოგადოებისთვის ცნობილი აპრილის ბოლომდე გახდება. რითეილ ასოციაციის განცხადებით, გაერთიანების ყველა წევრი კომპანია სრულად და შეუფერხებლად თანამშრომლობს საგამოძიებო ორგანოსთან. შესაბამისი პროცედურები მიმდინარეობს მშვიდ გარემოში, სამართლებრივი ნორმებისა და დადგენილი პროცესუალური ჩარჩოების სრული დაცვით. სტუმარი: მიხეილ კუკავა - Stemscale Georgia-ს მთავარი აღმასრულებელი ოფიცერი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
დავოსის მსოფლიო ეკონომიკურ ფორუმზე დონალდ ტრამპი ახალი ეკონომიკური დღის წესრიგით წარსდგა. 18-ტრილიონიანი ინვესტიცია, დამარცხებული ინფლაცია და რეკორდულად შემცირებული ენერგოტარიფები - ეს ის მთავარი გზავნილებია, რომლითაც თეთრი სახლის ლიდერმა ინვესტორებს მიმართა. თუმცა, რამდენად ზუსტია პრეზიდენტის მიერ დასახელებული სტატისტიკა? ჩვენ მისი გამოსვლა დეტალურად გავაანალიზეთ და რეალურ ოფიციალურ მონაცემებს შევადარეთ. რა უზუსტობებს შეიცავს ტრამპის ეკონომიკური ანგარიში? #ახალიამბები #BusinessMediaGeorgia
დავოსის ეკონომიკურ ფორუმზე აზერბაიჯანისა და სომხეთის პრეზიდენტებმა ილჰამ ალიევმა და ვაჰაგნ ხაჩატურიანმა განაცხადეს, რომ ტვირთები სომხეთიდან აზერბაიჯანში და უკან, რაც ამჟამად საქართველოს ტერიტორიის გავლით მოძრაობს, მომავალში პირდაპირ ორ ქვეყანას შორის გადაიზიდება. ამჟამად ასეთი ტვირთების მოცულობა ძალიან მცირეა. ლიდერები ასევე საუბრობენ სამომავლოდ ტვირთების პირდაპირ ბრუნვაზე თურქეთიდან აზერბაიჯანის ნახიჩევანის ავტონომიურ რესპუბლიკასა და სომხეთს, სომხეთსა და დანარჩენ აზერბაიჯანს შორის. პრეზიდენტმა ალიევმა განაცხადა, რომ ახალი დერეფანი საქართველოზე გამავალ დერეფანს დაემატება. დავოსის ეკონომიკურ ფორუმზე საქართველო მიწვეული არ ყოფილა. ეს უკვე მეორე ფორუმია, რომელსაც ირაკლი კობახიძე არ ესწრება, რადგან მოსაწვევს არ უგზავნიან. ქართული ოცნების დეპუტატი ლევან მახაშვილი ამ ფაქტს შემდეგნაირად გამოეხმაურა – ციტატა – “თითოეული პლატფორმა ჩვენთვის არის რაღაც შედეგის მომტანი, უნდა იყოს შედეგის მომტანი და არა უბრალოდ, რომ ამა თუ იმ წითელ ხალიჩაზე გაიაროს ხელმძღვანელმა პირმა ჩვენი ხელისუფლების. ამიტომ, მოდი, ვიმსჯელოთ შედეგებით და შედეგები არის ძალიან მკაფიო, რომ საქართველოს ეკონომიკური ზრდა არის ერთ-ერთი საუკეთესო მსოფლიოში და ევროპაშიც. ამიტომ, ყველაფერი ამით, მე მგონი, ნათელია. დავოსის ეკონომიკური ფორუმი, როგორც ჩანს, არ არის ის ფორუმი, რომლის ფარგლებშიც წყდება საქართველოს ბედ-იღბალი და უკეთესი მომავალი” – ციტატის დასასრული. სტუმარი: ვანო მაჭავარიანი - უშიშროების საბჭოს მდივნის ყოფილი მოადგილე #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
BMG & MG Motor Georgia წარმოგიდგენთ #BMGDRIVE-ს:
24-25 იანვარს „თეგეტა მოტორსი“ ცენტრალური ფილიალის ტერიტორიაზე (დ. აღმაშენებლის ხეივანი №129) აუთლეტ-გაყიდვებს უმასპინძლებს. მხოლოდ ორი დღის განმავლობაში მომხმარებლებს საშუალება ექნებათ, მსოფლიოს წამყვანი ბრენდების საავტომობილო პროდუქტები სპეციალურ ფასად შეიძინონ. „თეგეტა აუთლეტისთვის“ ყველაზე მოთხოვნადი პროდუქტები შეირჩა, რომლებიც ნებისმიერი მძღოლის ყოველდღიურ საჭიროებებს პასუხობს. სტუმარი: ელენკა კოხრეიძე - „თეგეტა ჰოლდინგის“ მარკეტინგის მთავარი ოფიცერი #ახალიამბები #BusinessMediaGeorgia
„თეგეტა ჰოლდინგი“ თანამედროვე ტექნოლოგიურ და ციფრულ სერვისებს აფართოებს და კორპორაციული მომხმარებლებისთვის ავტოპარკის ფლობას კიდევ უფრო ამარტივებს. საავტომობილო ინდუსტრიის ლიდერ კომპანიას GPS ოპერატორი, GeoGPS შეემატა. ბაზრის ყველაზე მსხვილი მოთამაშე, „თეგეტასთან“ ერთად, ბიზნესს საერთაშორისო პრაქტიკაზე დაფუძნებულ მომსახურებას შესთავაზებს, რაც სისტემურ მიდგომასა და ფლიტის მართვაზე სრულ პასუხისმგებლობას ნიშნავს. გარიგება უკვე ძალაშია. მხარეთა ჩართულობით დოკუმენტს ხელი „თეგეტას“ გეზის ფილიალის ტერიტორიაზე მოეწერა. მხარეებს შორის მიღწეული შეთანხმება,მათივე თქმით, ვციტირებ:ეფუძნება საერთო ხედვას - შეიქმნას ახალი პლატფორმა, რომელიც როგორც მსხვილი, ისე მცირე და საშუალო ბიზნესის მზარდ მოთხოვნებს სათანადოდ უპასუხებს. ეს არის ავტოპარკის მართვის ახალი თაობის სერვისი, რომელიც კლასიკურ GPS მონიტორინგს მნიშვნელოვნად სცდება. საუბარია ისეთ ინტეგრირებულ გადაწყვეტილებებზე, როგორებიცაა: ავტომობილის ტექნიკური მდგომარეობის მუდმივი კონტროლი, საწვავისა და ექსპლუატაციის ხარჯების ანალიზი, მძღოლის ქცევის შეფასება, უსაფრთხოების გაუმჯობესება და ოპერაციული ეფექტიანობის ზრდა. სტუმარი: ნიკოლოზ ხიდურელი - „თეგეტა ჰოლდინგის“ მთავარი ფინანსური ოფიცერი #ახალიამბები #BusinessMediaGeorgia
ძვირფასმა ლითონმა 2025 წლიდან ზრდის განსაკუთრებული მაჩვენებლები დადო.. ერთწლიან პერიოდში ოქრო 77%-ით არის გაძვირებული, ხოლო ვერცხლის ზრდის მაჩვენებელი 210%-ს აღწევს. ბოლო პერიოდში, ბირჟაზე ოქროსა და ვერცხლის ფასების რეკორდული ზრდა რამდენიმე ფუნდამენტური ფაქტორის ერთობლიობამ გამოიწვია. ძვირფასი ლითონების ღირებულების მატება, პირველ რიგში, გეოპოლიტიკურ დაძაბულობასა და ეკონომიკურ გაურკვევლობას უკავშირდება, რის გამოც ინვესტორები ოქროს, როგორც უსაფრთხო აქტივს, სულ უფრო ხშირად ირჩევენ კაპიტალის დასაცავად და რისკების ჰეჯირების მიზნით. ოქროს გლობალურ ბაზარზე არასტაბილური ვითარების პარალელურად, ცხადია, საინტერესოა როგორ ვითარდება საიუველირო წარმოება და რამხელაა ეს ბაზარი ამჟამად? #ახალიამბები #BusinessMediaGeorgia
ჯერ თბილისის საიუველირო ფაბრიკა იყო, მერე ეროვნული ზარაფხანა, 2005 წლიდან კი უბრალოდ ზარაფხანა ეწოდება. კომპანია წარმატებულ ოპერირებას დღემდე აგრძელებს და თავის ასორტიმენტს წლიდან წლამდე ავითარებს. როგორია ზარაფხანას ისტორია და სამომავლო გეგმები? სტუმარი: თორნიკე სამხარაძე - “ზარაფხანა”, აღმასრულებელი დირექტორი თიკო ნატმელაძე - #მხოლოდქართული, ავტორი; #ახალიამბები #BusinessMediaGeorgia
ღვინის გლობალურ ბაზარზე შექმნილი ვითარება უკვე გასცდა ეკონომიკური ანალიზის ფარგლებს და ფართომასშტაბიან სოციალურ ფენომენად იქცა. ინდუსტრიის ისტორიული ვარდნა, რომელსაც ახლა ვხედავთ, არა მხოლოდ კლიმატური ცვლილებების ან ჯანსაღი ცხოვრების წესის პოპულარიზაციის შედეგია, არამედ პირდაპირი ინდიკატორი იმის, თუ როგორ ტრანსფორმირდება მომხმარებლის ქცევა. ანალიტიკოსები საგანგაშო კორელაციაზე მიუთითებენ - გაყიდვების კლება მსოფლიო მასშტაბით მზარდ მარტოობასა და სოციალური კავშირების რღვევას ემთხვევა, რაც ტრადიციულ ბიზნესს სრულიად ახალი, ეგზისტენციალური გამოწვევების წინაშე აყენებს #ახალიამბები #BusinessMediaGeorgia
#ბრენდისხმა - ალექსანდრე მარგველაშვილი - "თბილღვინო" & "THE WINE" ალექსანდრე მარგველაშვილი - "თბილღვინო", მარკეტინგის მიმართულების ხელმძღვანელი #BrandVoice #ახალიამბები #BusinessMediaGeorgia
სამშენებლო კომპანია „ოდა ჯგუფი“ უნდა გაგაცნოთ გადაცემის ამ ნაწილში. ეს კომპანია უკვე 6 წელია ბაზარზეა და ახორციელებს როგორც კერძო საცხოვრებელი სახლების, ისე მრავალბინიანი კორპუსების მშენებლობას. „ოდა ჯგუფი“ დამკვეთებს მომსახურების სრულ ციკლს სთავაზობს, რაც მოიცავს როგორც პროექტირებას და არქიტექტურულ დაგეგმარებას, ისე ინტერიერის დიზაინსა და სარემონტო სამუშაოებს. ამიკო წურწუმია - „ოდა ჯგუფი“ სამუშაოთა მწარმოებელი; #ახალიამბები #BusinessMediaGeorgia
კოკა-კოლას საახალწლო გათამაშება დასრულდა. გათამაშებამ სტარტი გასული წლის პირველ დეკემბერს აიღო და ახლახან, 14 იანვარს, კოკა-კოლას სოციალურ ქსელში მისი გამარჯვებულებიც გამოვლინდნენ. წლევანდელმა გათამაშებამ 6 პრიზი და 6 გამარჯვებული გააერთიანა. პროცესი საკმაოდ მარტივი იყო, ყველა ის ადამიანი, ვინც პირველი დეკემბრიდან 14 იანვრამდე პერიოდში, კოკა-კოლას ყვითელ თავსახურიან ბოთლზე სპეციალურ 10 ნიშნა კოდს აღმოაჩენდა და შემდეგ მას კოკა-Kოლას აპლიკაციაში დაასკანერებდა, გათამაშების ერთ ბილეთს იღებდა. მილიონზე მეტმა ადამიანმა მიიღო მონაწილეობა და იღბლიანებიც გამოვლინდნენ, რომლებსაც გუშინ, კოკა-კოლა ბოთლერს ჯორჯიას ქარხანაში თავისი კუთვნილი ჯილდოებიც გადაეცათ. #ახალიამბები #BusinessMediaGeorgia
ლონდონის სამეფო ბირჟა 455 წლის წინ, 1571 წელს დაარსდა. BMG დაინტერესდა მისი შექმნის ისტორიით, იდეით, რომელიც საბოლოოდ იქცა და ჩამოყალიბდა სავაჭრო სივრცედ და მსოფლიო ფინანსების სიმბოლოდ. ბირჟის არსებობის იდეა ეკუთვნის ჰოლანდიელ ვაჭარს, სერ თომას გრეშემს, რომლის ინსპირაციაც ანტვერპენის ბირჟა გახდა. 1571 წელს უკვე დედოფალმა ელისაბედ პირველმა ბირჟას სამეფო სტატუსი მიანიჭა და მალევე ლონდონი გლობალური კაპიტალის მთავარ კერადაც აქცია. სამეფო ბირჟა, ტრადიციულ ბირჟას დღეს არ წარმოადგენს, თუმცა არის და რჩება ლონდონის ფინანსური ცენტრის პირველ მერცხლად, რომელმაც საფუძველი ჩაუყარა დღეს არსებულ ლონდონის ბირჟას. BMG-ის გუნდის მიერ მომზადებულ ვიდეო ისტორიას გიზიარებთ, რომელიც ბრიტანეთის ფინანსური ძალაუფლების ისტორიულ მემკვიდრეობას ასახავს. #ახალიამბები #BusinessMediaGeorgia
დღეს ისტორიული თარიღია. 1719 წელს, სწორედ 23 იანვარს საღვთო რომის იმპერატორმა კარლ VI-მ ვადუცისა და შელენბერგის მიწები გააერთიანა და ლიხტენშტაინის სამთავრო დააარსა. თავის დროზე, მხოლოდ პრესტიჟისთვის ნაყიდი ეს პატარა მიწის ნაკვეთი, დღეს მსოფლიოს უმდიდრესი ოაზისია. როგორ გახდა 160 კვადრატული კილომეტრი გლობალური ეკონომიკის ლიდერი, სადაც ერთ მოსახლეზე შემოსავალი ასტრონომიულ - 231 000 დოლარს აღწევს და რა არის ამ ჯუჯა სახელმწიფოს გიგანტური წარმატების საიდუმლო? #ახალიამბები #BusinessMediaGeorgia
მიუხედავად იმისა რომ გრენლანდია ყინულის, ქარისა და ექსტრემალური პირობების მქონე ავტონომიური ტერიტორიაა, ადგილობრივებში სპორტის კულტურა მაინც დიდი პოპულარობით სარგებლობს და ნაწილობრივ განვითარებულიცაა. მაგრამ მთავარი კითხვაა-როგორ ცხოვრობს სპორტი იქ, სადაც ზამთარი თითქმის არასდროს მთავრდება? სპორტის რა სახეობებია პოპულარული მსოფლიოს ყველაზე დიდ კუნძულზე და როგორ ერგებიან ადგილობრივები ბუნების მკაცრ რეალობას? #ახალიამბები #BusinessMediaGeorgia
#საქმიანიდილა - 23 იანვარი - პროლოგი #ახალიამბები #BusinessMediaGeorgia
2026 წლის 1-ელი მარტიდან კომერციული ვენახის გაშენებაზე ნებართვის აღება სავალდებულო იქნება. კანონში შეტანილი ცვლილებების თანახმად, თუ აქამდე სამეწარმეო ვენახის გაშენებისთვის მხოლოდ ნებადართული ვაზის ჯიშების გამოყენება იყოს საკმარისი, კანონის ამოქმედების შემდეგ, საჭირო იქნება უკვე ღვინის ეროვნული სააგენტოს თანხმობაც. ამის მიზეზი კი მათი განმარტებით ვენახების სპონტანურად გაშენებისგან თავის არიდებაა. რა ვიცით ახალ რეგულაციაზე რაც მიმდინარე წლიდან ფერმერებისთვის ამოქმედდება? სტუმარი: რატი კოჭლამაზაშვილი - ფერმერთა ასოციაციის თავმჯდომარის მოადგილე #ახალიამბები #BusinessMediaGeorgia
წარმოების ზრდა და $10 მილიონის ინვესტიცია - “რუსთავის ფოლადის” გეგმები ➡️ იგორ კორიტკო - “რუსთავის ფოლადის” დირექტორი ➡️ მარიამ იზორია - “ქალების ნარატივის” ავტორი&წამყვანი #ახალიამბები #BusinessMediaGeorgia
2025 წელი კნაუფ გიპს თბილისისთვის სტაბილური ზრდის და პორტფელის გაძლიერების წელი იყო. კომპანია პასუხობს სამშენებლო სექტორის მზარდ მოთხოვნებს და ინარჩუნებდეს ხარისხზე, ინოვაციებსა და სერვისზე ორიენტირებულ მიდგომას. კნაუფი საქართველოს ბაზარზე უკვე მრავალი წელია ოპერირებს და ამ პერიოდის განმავლობაში ეტაპობრივად ვითარდებოდა, პროდუქციის ასორტიმენტის გაფართოებიდან დაწყებული, ადგილობრივი ბაზრის საჭიროებებზე მორგებული გადაწყვეტილებების დანერგვით დასრულებული. რა მიმართულებით ფოკუსირდება კომპანია 2026 წლისთვის? სტუმარი: გიორგი ჯაფარიძე - "კნაუფ გიპს თბილისის" გაყიდვების და მარკეტინგის დირექტორი #ახალიამბები #BusinessMediaGeorgia
გლობალური ეკონომიკის ძალთა ბალანსი ბოლო 25 წელში რადიკალურად შეიცვალა - თუ 2000 წელს მსოფლიოს წამყვან ეკონომიკებში აშშ, იაპონია და ევროპის ქვეყნები დომინირებდნენ, დღეს სურათი აზიისკენ არის გადახრილი. ერთადერთი გამონაკლისი ამერიკის შეერთებული შტატებია, რომელმაც ლიდერის პოზიცია შეინარჩუნა და ეკონომიკა სამჯერ გაზარდა. იაპონია მეორე ადგილიდან მეოთხეზე ჩამოქვეითდა, მის ადგილს ჩინეთი იკავებს, რომელმაც მეოთხედ საუკუნეში თითქმის 17-ჯერ გაზარდა მთლიანი შიდა პროდუქტი. პარალელურად, ინდოეთმა ისტორიული ნახტომი განახორციელა - ათეულს მიღმა მდგომი ქვეყანა დღეს მეხუთე ეკონომიკაა და უკვე წელს მეოთხე ადგილზე გადასვლას პროგნოზირებენ, რაც ადასტურებს, რომ გლობალური ეკონომიკური ძალა სულ უფრო მეტად აზიაში კონცენტრირდება. #ახალიამბები #BusinessMediaGeorgia
საქმიანი დილას ეთერში Hospitality Investment Forum-ის აღმასრულებელ დირექტორს ელენე ოთარაშვილს ვმასპინძლობთ. ელენეს კარგად იცნობს საქმიანი საზოგადოება და სტუმარმასპინძლობის ინდუსტრია. ელენე ოთარაშვილი უკვე მრავალი წელია აქტიურად არის ჩართული საქართველოში სტუმარმასპინძლობისა და საინვესტიციო ეკოსისტემის განვითარებაში. იგი ხელმძღვანელობს ქვეყნის წამყვან სასტუმრო პროექტებს, წარმატებით თანამშრომლობს საერთაშორისო ბრენდებთან და გამოირჩევა მასშტაბური, საერთაშორისო სტანდარტებზე დაფუძნებული პროექტების მართვის გამოცდილებით. მისი ხელმძღვანელობით საქართველოში პირველად ტარდება Hospitality Investment Forum, საერთაშორისო საინვესტიციო პლატფორმა, რომელიც აერთიანებს გლობალურ სასტუმრო ბრენდებს, ინვესტორებს, დეველოპერებსა და ტურიზმის ინდუსტრიის წამყვან ექსპერტებს. ფორუმი იმართება 8 ქვეყანაში: საქართველო, სომხეთი, ყაზახეთი, უზბეკეთი, კვიპროსი, ალბანეთი, უკრაინა და პოლონეთი. იგი ყოველ ჯერზე აერთიანებს 1000-ზე მეტ მონაწილეს და სთავაზობს მათ პირდაპირი კომუნიკაციის შესაძლებლობას საერთაშორისო საინვესტიციო ფონდებთან, წამყვან გლობალურ ბრენდებთან, კერძო ინვესტორებთან და გადაწყვეტილების მიმღებ სხვა პირებთან. სტუმარი: ელენე ოთარაშვილი - Hospitality Investment Forum-ის აღმასრულებელი დირექტორი #ახალიამბები #BusinessMediaGeorgia
2025 წლის აფრიკის ერთა თასი ფეხბურთის ისტორიაში ერთ-ერთ ყველაზე სკანდალურ ტურნირად იქცა. ხმაურიანი გადაწყვეტილებები, მსაჯობის გარშემო ატეხილი კრიტიკა, ორგანიზაციული ჩავარდნები და დაძაბული მატჩები. ტურნირმა არა მხოლოდ ჩემპიონი გამოავლინა სენეგალის სახით, არამედ არაერთი კითხვის ნიშანი დატოვა. მასპინძელი მაროკოს გულშემატკივრები და თავად მოთამაშეების ქმედებებიც კრიტიკას ვერ უძლებდნენ და ფინალიც ზუსტად ისეთი გამოვიდა, როგორიც საჩემპიონო მატჩებს უხდება. რა მოხდა აფრიკის თასზე და რომელმა ეპიზოდებმა გამოიწვია ყველაზე დიდი აჟიოტაჟი? #ახალიამბები #BusinessMediaGeorgia
რეკორდული შედეგები გაყიდვების, საერთაშორისო პროექტებისა და რეგიონალური გაფართოების მიმართულებით - 2025 წელი გამორჩეული იყო „თეგეტა ჰოლდინგის“ სპეციალური დანიშნულების, სატვირთო, კომერციული ტექნიკისა და ავტობუსების მიმართულებისთვის. შედგა მასშტაბური თანამშრომლობა საერთაშორისო ბრენდებთან, გაძლიერდა პოზიციები როგორც პრემიუმ, ისე საშუალო და ბიუჯეტურ სეგმენტებში. მნიშვნელოვანი ნაბიჯები გადაიდგა მუნიციპალური ტრანსპორტისა და ინფრასტრუქტურული პროექტების მიმართულებით. პარალელურად, განვითარდა გაყიდვების შემდგომი სერვისები და დაინერგა საერთაშორისო სტანდარტებზე დაფუძნებული მართვის სისტემები. სტუმარი: ზურა ალავიძე - „თეგეტა ჰოლდინგის“ სპეციალური დანიშნულების, სატვირთო, კომერციული ტექნიკისა და ავტობუსების მიმართულების მთავარი ოფიცერი #ახალიამბები #BusinessMediaGeorgia
ელექტრონული კომერცია და ზოგადად, საგარეო ეკონომიკური კავშირები ძალას კრეფს და ვითარდება უზბეკეთში, შუ აზიის ეს ქვეყანა არამარტო ერთ-ერთი ყველაზე მდიდარი და მზარდია ეკონომიკურად, არამედ ცდილობს ასევე დაიბრუნოს რეგიონის სატრანზიტო ფუნქციაც. უზბეკეთი ევრაზიულ სივრცეში მთავარი ლოგისტიკური მოთამაშის სტატუსის მოპოვებას ცდილობს და სარკინიგზო ინფრასტრუქტურის სრული მოდერნიზაციისთვის აგრესიულ პოლიტიკას იწყებს. ოფიციალური ტაშკენტი, საერთაშორისო ფინანსური ინსტიტუტების მხარდაჭერით, არა მხოლოდ ახალ სატრანზიტო დერეფნებს ჭრის შავი ზღვისა და ინდოეთის ოკეანის მიმართულებით, არამედ ტექნიკურ პარკსაც სრულად აახლებს, რაც ჩინური და კორეული ჩქაროსნული მატარებლების შესყიდვას გულისხმობს. როგორ გეგმავს ქვეყანა მგზავრთნაკადის გასამმაგებასა და ტვირთბრუნვის რეკორდულ ზრდას ეკოლოგიური სტანდარტების დაცვით? #ახალიამბები #BusinessMediaGeorgia
სამყაროს უმდიდრესი ადამიანი, SpaceX-ის დამფუძნებელი ილონ მასკი, რამდენიმე დღის წინ რაინეარის დირექტორთან, მაიკლ ოლირთან სოციალურ ქსელში დაპირისპირებაში შევიდა. საქმე იმაშია, რომ ოლირმა უარი თქვა Starlink-ის ინტერნეტის დაყენებაზე თვითმფრინავებში, მასკს კი „იდიოტი“ უწოდა. მასკმა საპასუხოდ გამოკითხვა დაიწყო, რაინეარი ხომ არ შეეძინა, რის შედეგადაც რაინეარის აქციების ფასი გაიზარდა და საზოგადოებაში დიდი აჟიოტაჟი წარმოიქმნა. რაინეარი, როგორც დაბალბიუჯეტიანი ავიაკომპანია, ფინანსურ სიფრთხილეს ინარჩუნებს, თუმცა 2025 წელს ევროპაში რეკორდულად 200 მილიონი მგზავრი გადაიყვანა და 13.9 მილიარდ ევროს შემოსავალი დააგენერირა. 2026 წლისთვის კი კომპანიას ახალი მარშრუტები აქვს დაგეგმილი - რომი, ვარშავა, მადრიდი და ახლა უკვე ტირანა. #ახალიამბები #BusinessMediaGeorgia
საერთაშორისო ორგანიზაცია Oxfam-ი უახლეს კვლევას აქვეყნებს და საგანგაშო რეალობაზე მიუთითებს, რომლის მიხედვითაც ზღვარი დიდ ფულსა და პოლიტიკურ გავლენებს შორის პრაქტიკულად წაიშალა. ანგარიშის თანახმად, მსოფლიოში ოლიგარქიული მმართველობა ყალიბდება, სადაც სუპერმდიდრებს თანამდებობების დაკავების ათასჯერ უფრო მაღალი შანსი აქვთ, ვიდრე რიგით მოქალაქეებს. როგორ გარდაიქმნება ასტრონომიული სიმდიდრე პოლიტიკურ ძალაუფლებად და რატომ პროგნოზირებენ ანალიტიკოსები დემოკრატიული ინსტიტუტების ჩამოშლას? #ახალიამბები #BusinessMediaGeorgia
გეოპოლიტიკური რისკებისა და ეკონომიკური გაურკვევლობის ფონზე, მსოფლიოს უმდიდრესი ადამიანები ინვესტირებას არ აჩერებენ და 2026 წელს გათვლილ რისკებზე დაფუძნებულ სტრატეგიას ირჩევენ. UBS-ის მილიარდერთა 2025 წლის კვლევის მიხედვით, მათი მთავარი ფოკუსი კერძო კაპიტალზე, პირად ვალზე, საჯარო აქციებსა და ინფრასტრუქტურაზე გადადის - მიმართულებებზე, რომლებიც ან მაღალ კონტროლსა და მოქნილობას უზრუნველყოფს, ან კაპიტალის დაცვასა და სტაბილურ შემოსავალს. უძრავი ქონება და ოქრო კვლავ „დაზღვევის“ როლს ასრულებს, ხოლო საერთო სურათი ცხადყოფს, რომ მილიარდერების სტრატეგია პანიკის ნაცვლად, გრძელვადიან ხედვასა და თავდაჯერებულ ინვესტირებაზეა აგებული. #ახალიამბები #BusinessMediaGeorgia
სტატისტიკური ზრდის მიღმა მსოფლიო ეკონომიკა მძიმე ტრანსფორმაციას გადის. ანალიტიკოსები გვაფრთხილებენ, რომ ერა, როცა ბიზნესს მხოლოდ მოგება აინტერესებდა, დასრულდა - ახლა პრიორიტეტი გეოპოლიტიკური უსაფრთხოებაა. პარალელურად, ტექნოლოგიური პროგრესი ენერგეტიკულ ჩიხში შედის, რადგან არსებული რესურსი ციფრული სამყაროს მოთხოვნებს ვეღარ აკმაყოფილებს. როგორ ცვლის ომები და რესურსების დეფიციტი გლობალურ ბაზარს და რა მთავარი რისკები იკვეთება წელს გლობალურ ეკონომიკაში? #ახალიამბები #BusinessMediaGeorgia
#საქმიანიდილა - 22 იანვარი - პროლოგი #ახალიამბები #BusinessMediaGeorgia
უკვე 21 წელია კომპანია დელიკატო ემსახურება ქართულ ბიზნესს. 2005 წელს დაწყებული გზა მცირე საოჯახო სამზარეულოდან დღეს მრავალპროფილურ, მობილური კვების უზრუნველყოფის კომპანიამდე მივიდა, რომელმაც ბაზარზე საკუთარი, გამორჩეული ადგილი დაიკავა. როგორ განვითარდა დელიკატო ამ 21 წლის განმავლობაში, რა ეტაპები და გამოწვევები გაიარა კომპანიამ და რა გეგმები აქვს გუნდს 2026-ში? სტუმარი: დავით ზაქარაია - "დელიკატო", დამფუძნებელი #ახალიამბები #BusinessMediaGeorgia
#მედსკრიპტუმი - 18.01.2026 ტელეგადაცემა (მოკლე ვერსია)
2025 წელი მუსიკალური ინდუსტრიისთვის რეკორდებისა და მრავალმილიონიანი კონტრაქტების წელი აღმოჩნდა. არტისტებმა შემოსავლის წყაროები კიდევ უფრო გააფართოვეს — მსოფლიო ტურნეებიდან და სტრიმინგ პლატფორმებიდან დაწყებული, ბრენდებთან პარტნიორობებითა და ბიზნესპროექტებით დასრულებული, ისინი დიდ ფინანსებს ყველა მხრიდან გამოიმუშავებდნენ. დღევანდელ სიუჟეტში გაგაცნობთ 2025 წლის ყველაზე შემოსავლიან მუსიკოსებს ვინ მოახერხა ყველაზე დიდი ფინანსური წარმატების მიღწევა, რა დგას ამ ციფრების უკან და როგორ შეცვალა თანამედროვე მუსიკამ შემოსავლის შექმნის წესები? #ახალიამბები #BusinessMediaGeorgia
გუდაურში Tbilisi Open Air-ის ორგანიზატორები ახალ პროექტს Tbilisi Open Air: Winter Edition წარადგენენ. ფესტივალი 2026 წლის 28 თებერვალსა და 1 მარტს გუდაურში გაიმართება. დღეს ჩვენს ეთერში ვისაუბრებთ, რას ნიშნავს Tbilisi Open Air-ისთვის ზამთრის ფესტივალის დაწყება, რა მოლოდინებია ახალი ფორმატის მიმართ და რა გავლენა შეიძლება ჰქონდეს მას ზამთრის ტურიზმსა და ღონისძიებების ინდუსტრიაზე? სტუმარი: სოფო ებრალიძე - ფესტივალის Open Air-ი წარმომადგენელი #ახალიამბები #BusinessMediaGeorgia
სასურსათო კვერცხის ბაზარი 2025 წლის ბოლოს განსაკუთრებით აქტუალური გახდა. საქსტატის მონაცემებით, მხოლოდ დეკემბერში საქართველომ 11 მილიონ 48 ათასი ერთეული კვერცხი შეიძინა, საერთო ღირებულებით 894.5 ათასი დოლარი. ეს წინა წლის ანალოგიურ პერიოდთან შედარებით 3 130%-ით გაზრდილი მაჩვენებელია. თუ ციფრებს შევადარებთ, 2024 წლის დეკემბერში ქვეყანაში იმპორტირებული იყო მხოლოდ 342 ათასი კვერცხი, 33.7 ათასი დოლარის ღირებულებით. შესაბამისად, ერთი ცალი კვერცხის ფასი მაშინ საშუალოდ 9 ცენტი იყო, 2025 წლის დეკემბერში კი დაახლოებით 8 ცენტი, გადასახადების გარეშე. ამასთან ამასთან სტატისტიკის სამსახურის მონაცემებით, 2025 წლის დეკემბერში საქართველოში კვერცხი ძირითადად თურქეთიდან და ბელარუსიდან შემოვიდა. რაც შეეხება სრულ 2025 წელს, შარშან საქართველომ 15 936 000 ცალი სასურსათო კვერცხი იყიდა, ჯამში 1.226 მლნ დოლარის ღირებულების. ანუ, ეს თანხა მაინც გაგვივიდა საზღვრებს გარეთ, რათა დეფიციტი შევსებულიყო. სტუმარი: გოგიტა მაისურაძე - დირექტორი/მეფრინველეობა “კუმისი” #ახალიამბები #BusinessMediaGeorgia
გასული წელი გლობალური საბანკო სექტორისთვის ფინანსურად ტრიუმფალური აღმოჩნდა, თუმცა რიცხვებს მიღმა სურათი ნაკლებად ოპტიმისტურია. კაპიტალის ბაზრები ფინანსურ გიგანტებს სკეპტიკურად უყურებენ - ინვესტორები მიიჩნევენ, რომ მიმდინარე წარმატება დროებით ფაქტორებს ემყარება და მომავალში არ შენარჩუნდება. როგორ ცდილობს სექტორი ჩრდილოვანი ბანკინგისა და ტექნოლოგიური წნეხის ფონზე ადაპტაციას, როცა კლიენტის ლოიალობა ისტორიულ მინიმუმზეა? #ახალიამბები #BusinessMediaGeorgia
საქართველოს საბანკო სექტორი 2025 წელს და მისი როლი ეკონომიკაში სტუმარი: დავით რუსია - საქართველოს საბანკო ასოციაცია, ანალიტიკური დირექტორი #ახალიამბები #BusinessMediaGeorgia
ელექტრონული კომერციის მომავალი, როგორც ჩანს, მობილურ აპლიკაციებშია. Temu-ს აგრესიული მარკეტინგიდან დაწყებული, Amazon-ის სტაბილურობის ჩათვლით, ბოლო წლების ტენდენცია სწორედ ამაზე მიუთითებს. რომელი ელკომერციის პლატფორმებია მსოფლიოში ყველაზე პოპულარული? #ახალიამბები #BusinessMediaGeorgia
21 იანვარს მსოფლიოს მაღალი მოდის გამორჩეული წევრის - დიორის დამფუძნებლის, კრისტიან დიორის დაბადების დღეა. საფრანგეთის პატარა ქალაქ გრანვილში დაბადებული დიორი ბავშვობიდან ხელოვნებით იყო გატაცებული, 1920-იანი წლებიდან პარიზის კულტურულ ცხოვრებაში ჩაერთო, მხატვრებთან მეგობრობდა და საკუთარი ესკიზებს ქუჩებში ყიდდა. მან გახსნა სამხატვრო გალერეები, შემდეგ კი, 1946 წელს, მარსელ ბუსაკის მხარდაჭერით საკუთარი სახელობის მოდის სახლი დააფუძნა. 1947 წლის დებიუტური კოლექცია, ცნობილი “ნიუ ლუქით”, მოდის ისტორიაში რევოლუციური აღმოჩნდა. დიორმა საკუთარი სიცოცხლის განმავლობაში გამოუშვა 22 კოლექცია და ბრენდი მსოფლიოს 20 ქვეყანაში იყო წარმოდგენილი. მისი გარდაცვალების შემდეგ, სახლი უფრო მეტად გლობალური ფუფუნების ინდუსტრიის ძალად იქცა, სხვადასხვა ბიზნეს-სეგმენტით, ხოლო 2025 წლის მონაცემებით, Dior-ის შემოსავალმა 84 მილიარდ ევროს მიაღწია. როგორი იყო კრისტიან დიორის ისტორია? #ახალიამბები #BusinessMediaGeorgia
გარდაიცვალა ცნობილი იტალიელი მოდის დიზაინერი ვალენტინო გარავანი, განაცხადა მისმა ფონდმა ორშაბათს.„ვალენტინო გარავანი დღეს გარდაიცვალა თავის რომაულ რეზიდენციაში, ახლობლების გარემოცვაში“, ნათქვამია ფონდის განცხადებაში. გარავანი 93 წლის იყო. მსოფლიო მას იცნობს სახელით, ვალენტინოთი. ვალენტინომ, ამავე სახელწოდების ბრენდის დამფუძნებელმა, მაღალი მოდის მწვერვალს მიაღწია, შექმნა ბიზნესიმპერია და მოდის სამყაროს შესთავაზა ახალი ფერი - ე.წ. „წითელი ვალენტინო“, წერს Reuters-ი. სხვათაშორის, ვალენტინო ჯერ კიდევ 2008 წელს გავიდა პენსიაზე. მას ჯორჯო არმანისა და კარლ ლაგერფელდთან ერთად მიიჩნევდნენ იმ ეპოქის ერთ-ერთ ბოლო დიდ დიზაინერად, რომელიც წინ უძღოდა მოდის როგორც გლობალური, მაღალკომერციალიზებული ინდუსტრიის ჩამოყალიბებას, რომელსაც თანაბრად მართავდნენ როგორც ბუღალტრები და მარკეტოლოგები, ასევე კუტიურიეები. რა ქონების მფლობელი იყო ლეგენდარული დიზაინერი? #ახალიამბები #BusinessMediaGeorgia
#საქმიანიდილა - 21 იანვარი - პროლოგი #ახალიამბები #BusinessMediaGeorgia
სემეკმა პირველადი წყალმოსარგებლის მიერ გაწეული მომსახურების ტარიფები 2025 წლის 29 დეკემბერს დაადგინა და ის ძალაში 2026 წლის 1 აპრილიდან შევა. იმ ფერმერებისთვის, რომლებიც საფასურს მრიცხველის შესაბამისად იხდიან, წყლის მიწოდების ტარიფი 1 კუბ. მეტრზე 3.5 თეთრს შეადგენს, ინდივიდუალური ფერმერებისთვის ტარიფი 8 თეთრით განისაზღვრა. იმ ფერმერებისთვის, რომლებიც სარწყავი წყლის გადასახადს ჰექტარის მიხედვით იხდიან, ერთწლოვანი კულტურის ერთი მორწყვა 1 ჰა-ზე დღგ-ს ჩათვლით 116.5 ლარი იქნება. მრავალწლოვან კულტურაზე - 102 ლარი. სტუმარი: გოჩა ცოფურაშვილი - ეკონომიკის დოქტორი #ახალიამბები #BusinessMediaGeorgia
სემეკმა პირველადი წყალმოსარგებლის მიერ გაწეული მომსახურების ტარიფები 2025 წლის 29 დეკემბერს დაადგინა და ის ძალაში 2026 წლის 1 აპრილიდან შევა. იმ ფერმერებისთვის, რომლებიც საფასურს მრიცხველის შესაბამისად იხდიან, წყლის მიწოდების ტარიფი 1 კუბ. მეტრზე 3.5 თეთრს შეადგენს, ინდივიდუალური ფერმერებისთვის ტარიფი 8 თეთრით განისაზღვრა. იმ ფერმერებისთვის, რომლებიც სარწყავი წყლის გადასახადს ჰექტარის მიხედვით იხდიან, ერთწლოვანი კულტურის ერთი მორწყვა 1 ჰა-ზე დღგ-ს ჩათვლით 116.5 ლარი იქნება. მრავალწლოვან კულტურაზე - 102 ლარი. #ახალიამბები #BusinessMediaGeorgia
ტურიზმი პანდემიამდელ ნიშნულს არა მხოლოდ დაუბრუნდა, არამედ 14%-ით გადააჭარბა კიდეც. 2024 წელს მოგზაურობის ინდუსტრიამ მსოფლიოში რეკორდული, 1.74 ტრილიონი დოლარი გამოიმუშავა. ქვეყნებს შორის გადანაწილებულ შემოსავლებს თუ გადავხედავთ, ჩანს რომ ამერიკის შეერთებული შტატები ტურიზმიდან მიღებული შემოსავლების კუთხით უკონკურენტოა. სად არის საქართველოს ადგილი გლობალურ ტურისტულ რუკაზე და როგორ გამოვიყურებით მეზობლების ფონზე? #ახალიამბები #BusinessMediaGeorgia
სასტუმროების ბიზნესი: მიღწევები&გამოწვევები რას საქმიანობს "სასტუმროების სტრატეგიული მართვის ჯგუფი”? სტუმარი: მაია მურაჩაშვილი - "სასტუმროების სტრატეგიული მართვის ჯგუფის" - დამფუძნებელი #ახალიამბები #BusinessMediaGeorgia
2025 წელი სამედიცინო მოწყობილობების ბაზრისთვის გამორჩეული იყო: ბაზარმა 791 მილიარდ დოლარს მიაღწია და პროგნოზირებულია, რომ 2030 წლისთვის 1.2 ტრილიონ დოლარამდე გაიზრდება, წლიური ზრდის ტემპით 9.2%. ბაზრის მოცულობით ლიდერი ჩრდილოეთ ამერიკაა, ყველაზე სწრაფად კი აზია-წყნარი ოკეანის ქვეყნები იზრდებიან. გასულ წელს გამოიკვეთა მნიშვნელოვანი ინოვაციები, მათ შორის AI სტეთოსკოპი, რომელიც 15 წამში გულის უკმარისობისა და სარქველის პრობლემების დიაგნოსტიკას უზრუნველყოფს და დისტანციური რობოტული ტრომბექტომია, რომელიც ექიმმა აშშ-დან შოტლანდიაში განახორციელა. სიახლეებთან ყველაზე კარგად ადაპტირდებიან ევროკავშირი, აშშ და ინდოეთი, რაც აჩვენებს ტექნოლოგიური ინოვაციების სწრაფი იმპლემენტაციის შესაძლებლობებს? #ახალიამბები #BusinessMediaGeorgia
როგორი იყო 2025 წელი 4 Hospitals-ისთვის და რა გეგმები აქვს 2026-ში? სტუმარი: ნინო გამყრელიძე - 4 Hospitals-ის დირექტორი #ახალიამბები #BusinessMediaGeorgia