საერთაშორისო ინვესტორები „არქის“ მეგაპროექტ „გრანდ ავენიუს“ ესტუმრნენ. „ტრამპ თაუერის“ პრეზენტაციის დასრულების შემდეგ, მსხვილი უცხოური ფონდების წარმომადგენლები თბილისში მიმდინარე დეველოპერულ პროცესებსა და ახალ შესაძლებლობებს პირადად გაეცნენ. რა კონკრეტული ინტერესი აქვს გლობალურ კაპიტალს დედაქალაქის ცენტრში და როგორ აფასებენ უცხოელი ბიზნესმენები „არქის“ საინვესტიციო პოტენციალს? #ახალიამბები #BusinessMediaGeorgia
ყავის წარმოების საუკუნოვანი გამოცდილების მქონე იტალიური ბრენდის, Trucillo-ს, მესამე თაობის წარმომადგენლები ჩეზარე და ანტონია ტრუჩილოები საქართველოში ვიზიტის ფარგლებში Wendy's-ის დოლიძის ქუჩაზე მდებარე რესტორანს სტუმრობდნენ. ისინი ვენდის ბარისტებს შეხვდნენ და ყავის მომზადების პროცესშიც ჩაერთნენ. აღსანიშნავია, რომ Wendy's-ში ექსკლუზიური Trucillo-ს ბლენდი - რობუსტასა და არაბიკას უნიკალური ნაზავი, გამოიყენება, რომელიც მხოლოდ Wendy's-შია ექსკლუზიურად წარმოდგენილი საქართველოში. Wendy's-სა და Trucillo-ს თანამშრომლობა საქართველოში უკვე 13 წელს ითვლის. იტალიური ყავის ტრადიცია და Wendy's-ის ამერიკული კვების კულტურა საქართველოში ერთმანეთს ყოველდღიურად ორგანულად ერწყმის. #ახალიამბები #BusinessMediaGeorgia
სამი თვის განმავლობაში SOCAR-ის მომხმარებლებს საწვავის ჩასხმის გარდა, ყოველდღიურად გამარჯვების შანსიც ჰქონდათ. მასშტაბურ გათამაშებაში 370 000-ზე მეტი ბილეთი მონაწილეობდა, კამპანიის ფარგლებში კი ჯამში 9 200 მომენტალური პრიზი გათამაშდა. ბელიაშვილის 66-ში, SOCAR-ის სრულად ელექტრო დამტენ სადგურზე, გათამაშების გამარჯვებულებს მთავარი პრიზები საზეიმო ვითარებაში გადაეცათ. ჯილდოებს შორის იყო ახალი ელექტრომობილი AIQAR eQ7, სამი ფულადი პრიზი თითოეული 10 000 ლარის ოდენობით და მთავარი პრიზი „თეთრი კვადრატის“ საცხოვრებელ კომპლექსში 92 კვადრატული მეტრის ფართობის ახალაშენებული ბინა. ვინაიდან კამპანიის მთავარი იდეა იყო, რომ ერთი ადამიანის გამარჯვება შესაძლოა მეორე ადამიანის სიხარულის მიზეზიც გახდეს, ჩვენი რეპორტიორი ირაკლი მოდებაძე იმყოფებოდა გუშინ ცერემონიის ადგილას და დღეს სწორედ მის მიერ მომზადებული სიუჟეტით გაგიზიარებთ ამ საერთო სიხარულს. #ახალიამბები #BusinessMediaGeorgia
ვინ აგებს პასუხს ასეულობით მილიონი დოლარის ზარალზე, რომელიც შესაძლოა საქართველოს ბიუჯეტს დააწვეს? თურქულ კომპანია „ენკასთან“ წაგებულ დავაზე აშშ-ის სასამართლომ აღსრულების პროცედურები დაძრა. სანამ იუსტიციის სამინისტრო გადაწყვეტილების გასაჩივრებას გეგმავს, იურისტები იმ მაღალჩინოსნების პასუხისმგებლობის საკითხს აყენებენ, რომელთა გადაწყვეტილებებმაც ქვეყანა მძიმე ფინანსური და რეპუტაციული ზარალის წინაშე დააყენა. რატომ უნდა დაიწყოს პროკურატურამ მოკვლევა იმ მაღალჩინოსნების მიმართ, ვინც გადაწყვეტილებები მიიღო და რას ფიქრობენ მოქალაქეები, რომელთა ჯიბეზეც ეს ტვირთი აისახება? #ახალიამბები #BusinessMediaGeorgia
#საქმიანიდილა - 18 სექტემბერი - პროლოგი #ახალიამბები #BusinessMediaGeorgia
2026 წლის იანვარი-აგვისტოს პერიოდში საქართველოდან 788.6 ტონა ლოკოკინაა ექსპორტირებული, რომლის ჯამური ღირებულება 2.7 მლნ აშშ დოლარს შეადგენს. გარემოს დაცვისა და სოფლის მეურნეობის სამინისტროს ცნობით 8 თვეში წინა წლის ანალოგიურ პერიოდთან შედარებით, ექსპორტირებული ლოკოკინების რაოდენობა 74%-ით (335 ტონა), ხოლო ღირებულება 76%-ით (1.2 მლნ აშშ დოლარი) გაიზარდა. ლოკოკინების საექსპორტო ბაზრები საფრანგეთი (70%) და თურქეთია (30%). ტენდენცია ბოლო წლებში მზარდია. მაგ. 2025 წელს ექსპორტირებული ლოკოკინას რაოდენობამ 571 ტონა შეადგინა, რაც 2.1-ჯერ აღემატებოდა 2024 წლის მაჩვენებელს. ცნობისთვის, ევროკავშირის ბაზარზე საქართველოდან ლოკოკინების ექსპორტი 2021 წლის ბოლოდან გახდა შესაძლებელი. როგორ განვითარდა ბიზნესი ბოლო წლებში და რა პერსპექტივები აქვს მას? სტუმარი: მერაბ ნადარაია, Nadi Group-ის დამფუძნებელი #ახალიამბები #BusinessMediaGeorgia
მსოფლიოში სურსათის ფასებმა 2022 წლის ბოლოდან ყველაზე მაღალ ნიშნულს მიაღწია. გაეროს სურსათისა და სოფლის მეურნეობის ორგანიზაციის (FAO) ახალი ანგარიშის თანახმად, აგვისტოში გლობალური ფასები ივლისთან შედარებით 1.9%-ით გაიზარდა. მკვეთრი მატება ფიქსირდება შაქარზე, რომლის ფასიც თითქმის 12%-ით გაიზარდა, და ხორბალზე 2.6%-ით. ფასების ნახტომის მთავარ მიზეზებად გეოპოლიტიკური დაძაბულობა, ექსტრემალური სიცხეები და მიწოდების ჯაჭვის შეფერხება სახელდება. FAO-ს პროგნოზით, 2026 წელს მარცვლეულის გლობალური წარმოება 2018 წლის შემდეგ ყველაზე მასშტაბურად შემცირდება. როგორ აისახება გლობალური ბაზრის ეს შოკი საქართველოს სურსათის ფასებზე, რომელზეც იმპორტდამოკიდებულება ისედაც მაღალია? სტუმარი: ჯუბა მარუაშვილი - „FAO საქართველოს“ პოლიტიკის უფროსი #ახალიამბები #BusinessMediaGeorgia
ფიზიკური პირის ქონების გადასახადის დაბეგვრის ზღვარი 40 000-დან 100 000 ლარამდე გაიზარდა, რის შედეგადაც 81 ათასი ოჯახი ამ გადასახადისგან გათავისუფლდა. მიუხედავად იმისა, რომ ცვლილება ცალსახად პოზიტიურია, დარგის სპეციალისტების შეფასებით, ის არსებულ ფუნდამენტურ პრობლემებს ვერ ჭრის. სექტორის წარმომადგენლები ყურადღებას რამდენიმე ძირითად ხარვეზზე ამახვილებენ: პირველი უკავშირდება გადასახადის მიბმას შემოსავალზე: მოქმედი საგადასახადო განაკვეთების პირობებში, 100 000 ლარზე მეტი შემოსავლის მქონე ოჯახებს საკმაოდ მძიმე საგადასახადო ტვირთი აწევთ. გადასახადის ოდენობის მიბმა მესაკუთრის შემოსავალზე მეთოდოლოგიურად და ეკონომიკური შინაარსით არასწორია. კლასიკური ევროპული მოდელი ეფუძნება უძრავი ქონების საბაზრო ღირებულებას და არა მესაკუთრის შემოსავლებს. მეორე საკითხია ქონების შეფასების არამკაფიო წესი: დეკლარაციაში მისათითებელი ქონების ღირებულებას ფიზიკური პირი საკუთარი შეხედულებისამებრ განსაზღვრავს, რაც არაკეთილსინდისიერი ქმედებების რისკს ზრდის. ამ პრობლემის მოსაგვარებლად წლებია მიმდინარეობს მსჯელობა ქონების შეფასების სპეციალური პროგრამული უზრუნველყოფის დანერგვაზე. და მესამე: გაჭიანურებული რეფორმა: ფინანსთა სამინისტრო ჯერ კიდევ 2023 წლიდან აცხადებდა, რომ მუშაობდა რეფორმის ე.წ. „ესტონურ მოდელზე“, თუმცა ინიციატივას კანონპროექტის სახე ამ დრომდე არ მიუღია. აღნიშნული მოდელი ითვალისწინებს მხოლოდ მიწის დაბეგვრას და არ ვრცელდება მასზე განთავსებულ შენობა-ნაგებობებზე. რას შეცვლის მოქალაქეებისთვის მხოლოდ ზღვრის გაზრდა და რამდენად სამართლიანია ის? სტუმარი: დავით პაპიაშვილი - “კრესტონ ჯორჯიას“ მმართველი პარტნიორი #ახალიამბები #BusinessMediaGeorgia
400 მილიონ დოლარზე მეტი საქართველოს წინააღმდეგ - აშშ-ის კოლუმბიის ოლქის სასამართლომ თურქული კომპანია ENKA-ს სასარგებლოდ საარბიტრაჟო გადაწყვეტილების აღსრულების პროცესი დაძრა. ამის შესახებ სასამართლოს 2026 წლის 11 სექტემბრით დათარიღებულ გადაწყვეტილებაშია აღნიშნული. საქართველოს ხელისუფლება აქამდე კომპენსაციის გადახდის შეჩერებას საფრანგეთის იურისდიქციაში ცდილობდა, სადაც საერთაშორისო სავაჭრო პალატის საარბიტრაჟო კოლეგიამ განიხილა და ჯერ კიდევ 2024 წლის დეკემბერში საქართველოს 383-მილიონიანი კომპენსაციის გადახდა დააკისრა. თუმცა, რადგან ყოველ გადაუხდელ კვარტალზე თანხას საპროცენტო განაკვეთიც ერიცხება, ჯამური კომპენსაცია ამ დროისთვის 400 მილიონ დოლარს მნიშვნელოვნად აჭარბებს. ინფორმაციას გუშინვე გამოეხმაურა საქართველოს მთავრობა. იუსტიციის სამინისტროში აცხადებენ, რომ გავრცელებული ცნობები მცდარია და ვაშინგტონის სასამართლოს ახალი ჯარიმა საქართველოსთვის არ დაუკისრებია. ბექა ძამაშვილის განმარტებით, საუბარია მხოლოდ პროცესუალურ ნაწილზე, ხოლო მთავარი დავა პარიზის სააპელაციო სასამართლოში გადაწყვეტილების გაუქმების მოთხოვნით კვლავ გრძელდება. იუსტიციის სამინისტრო ვაშინგტონის სასამართლოს გადაწყვეტილების გასაჩივრებასაც გეგმავს. რა ემუქრება საქართველოს ბიუჯეტს, ინვესტიციებსა და ენერგოსექტორს ჩაშლილი პროექტის გამო? სტუმარი: აკაკი ცომაია - ეკონომისტი; #ახალიამბები #BusinessMediaGeorgia
ჯენ ზი გლობალური ბაზრისთვის სულ უფრო მნიშვნელოვანი მომხმარებელი ხდება, თუმცა მისი სამომხმარებლო ქცევა ტრადიციულ მოდელს აღარ ჰგავს - ეს თაობა ერთდროულად ეძებს დაბალ ფასს, ხარისხს, გამოცდილებასა და პროდუქტს, რომელიც მის ღირებულებებს შეესაბამება. სად და რაზე ხარჯავს ჯენ ზი ფულს, რაში ზოგავს, რა გავლენას ახდენს მის არჩევანზე და როგორ ცვლის ეს ახალი თაობის მომხმარებელი ბიზნესის მიდგომებს? #ახალიამბები #BusinessMediaGeorgia
BAG-ს „ასკანელი“ შეუერთდა. ღვინისა და ალკოჰოლური სასმელების მწარმოებელი კომპანია, რომელიც 1880 წლიდან დაწყებული ოჯახურ მეღვინეობის ტრადიციას თანამედროვე, სრული ციკლის წარმოებასთან აერთიანებს.კომპანია ამ დროისთვის 453 ჰექტარ ვენახს ფლობს და საქართველოს სხვადასხვა რეგიონში მათ შორის კახეთში, თბილისსა და გურიაში თანამედროვე ქარხნებსა და სახდელებს მართავს. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; ირინა ქიტიაშვილი - "ასკანელი", აღმასრულებელი დირექტორი #ახალიამბები #BusinessMediaGeorgia
საკუთარი ბინის შეძენა ახალგაზრდა ასაკში, შორეული გეგმაა თუ რეალური შესაძლებლობა? იქსორი დეველოპმენტის ახალი კამპანია ჯენზის მიმართავს გზავნილით — „შენი სახლი, შენი სტანდარტებით“ და ცდილობს შეცვალოს წარმოდგენა, თითქოს პირველი ბინის შეძენა ცხოვრების უფრო გვიან ეტაპს უნდა უკავშირდებოდეს. კამპანია საუბრობს დამოუკიდებელ ცხოვრებაზე, ფინანსურ არჩევანზე და იმაზე, თუ როგორ შეიძლება საკუთარი სახლის შეძენა ახალგაზრდისთვის სურვილიდან რეალურ გეგმად იქცეს. რას ელოდება ახალი თაობა საცხოვრებელი გარემოსგან, რა უშლის ხელს პირველი ნაბიჯის გადადგმაში და როგორ შეიძლება უძრავი ქონება მათთვის არა მხოლოდ საცხოვრებელი, არამედ გრძელვადიანი ინვესტიციაც გახდეს? სტუმარი: მარიამ მახარაძე - X2 დეველოპმენტის მარკეტინგის მენეჯერი #ახალიამბები #BusinessMediaGeorgia
თეგეტასთან ერთად თეგეტა ბიზნესის რუბრიკით დავბრუნდით და დღეს გიყვებით სერვისზე, რომელსაც კომპანია მისი შვილობილი კომპანია - Tegeta Construction Equipment -ის საშუალებით სთავაზობს პარტნიორებს. „თეგეტა მოტორსი" სპეციალური დანიშნულების ტექნიკის სრულ მომსახურებას კახეთის გზატკეცილზე ერთ სივრცეში აერთიანებს. ამ ფილიალში არსებულ სერვისებთან ერთად, რომელიც ფაქტობრივად ყველა ტიპის მომსახურებას მოიცავს ასევე არის ე.წ აღდგენის სერვისი, როცა სპეციალიზებული აპარატით სახსრების აღდგენა ხდება და როგროც სპეციალისტები განმარტავენ ტექნიკას ქარხნულ სიმტკიცესა და რესურსს უბრუნებს. სერვისი ხელმისაწვდომია როგორც სერვისცენტრში, ისე საველე პირობებში. ცალკე აღსანიშნავია Livelink-ის ტელემატიკის სისტემა, რომელიც მფლობელს რეალურ დროში, დისტანციურად საშუალებას აძლევს, საკუთარი სპეციალური ტექნიკა აკონტროლოს. მომსახურება ბრიტანულ ბრენდთან - JCB -სთან არის დაკავშირებული, რომელსაც უკვე ორი ათწლეულია „თეგეტა“ და მისი შვილობილი კომპანია - Tegeta Construction Equipment რეგიონში ექსკლუზიურად წარმოადგენს. სტუმარი: ზვიად ახლოური - „თეგეტა მოტორსის“ გაყიდვების შემდგომი მომსახურების დირექტორი #ახალიამბები #BusinessMediaGeorgia
იტალია და ყავა უკვე საუკუნეებია განუყოფელ ცნებებად იქცა. მიუხედავად იმისა, რომ ამ ქვეყანაში ყავის მარცვალი არ ხარობს, იტალია მისი მოხალვისა და ექსპორტის გლობალური ლიდერია, ესპრესო კი - იტალიური ცხოვრების სტილის უმთავრესი სიმბოლო. როგორ დაიწყო მე-16 საუკუნეში ყავის კულტურის ჩამოყალიბება იტალიაში? #ახალიამბები #BusinessMediaGeorgia
სად მიდის ევროპელების გადასახადები - ქვეყნების საბიუჯეტო პრიორიტეტები #ახალიამბები #BusinessMediaGeorgia
მსოფლიოს ყველაზე კომფორტულ ქალაქში საცხოვრებლის შეძენა უკვე მიუწვდომელ ფუფუნებად იქცა. შვეიცარიის ფინანსურ ცენტრში უძრავი ქონების ბაზარმა ეკონომიკური ლოგიკის ყველა ზღვარი გადალახა. დღეს უკვე ისეთ მოცემულობაში ვართ, სადაც ციურიხში მცირე ფართობის ღირებულება ევროპის წამყვან დედაქალაქებში სრულფასოვან აპარტამენტებს უტოლდება. რა უჯდებათ ადგილობრივებს ცხოვრების უმაღლესი სტანდარტი და რატომ გაქრა ქალაქიდან თავისუფალი ბინები? #ახალიამბები #BusinessMediaGeorgia
ჯიჯი ჰაუსი განაგრძობს გაფართოებას და ამჯერად ახალი ფილიალი შაბათს 19 სექტემბერს დღის 12 საათზე დიდ დიღომში, დემეტრე თავდადებულის ქუჩაზე გაიხსნება. ახალი ფილიალი ყველაზე დიდი ფორმატის იქნება ჯი ჯი ჰაუსის მაღაზიებს შორის და მომხმარებელს 1250 კვადრატულ მეტრზე კიდევ უფრო ფართო არჩევანს შესთავაზებს. ქსელში ტრადიციულად წარმოდგენილია საყოფაცხოვრებო ქიმიისა და ჰიგიენის პროდუქციის ფართო ასორტიმენტი, თავის მოვლის საშუალებები, ელექტრო ნივთები, ჭურჭელი და სხვადასხვა საყოფაცხოვრებო პროდუქტი. ახალი მაღაზიის გახსნასთან დაკავშირებით მომხმარებლებს უამრავი საჩუქარი და განსაკუთრებული აქციები ელოდებათ. #ახალიამბები #BusinessMediaGeorgia
#საქმიანიდილა - 17 სექტემბერი - პროლოგი #ახალიამბები #BusinessMediaGeorgia
რა ჯდება ჯანმრთელობის დაცვა? - ინფლაციის გავლენა სადაზღვევო სექტორზე
საპენსიო შენატანის განუხორციელებლობის გამო დაკისრებული სანქციების და კომპენსაციების სისტემაში რამდენიმე ფუნდამენტური ცვლილება შედის. ჯარიმის ოდენობა მცირდება - მოქმედი წესით ჯარიმა 500 ლარს, ხოლო განმეორების შემთხვევაში 1000 ლარს შეადგენდა. ახალი რეგულაციით, თითოეულ სამართალდარღვევაზე ჯარიმა 300 ლარით განისაზღვრება. ასევე, დარღვევის გამოვლენისთანავე დამსაქმებელს ავტომატურად აღარ დაეკისრება ჯარიმა. მას ეძლევა 10-დღიანი საშეღავათო ვადა, რომლის განმავლობაშიც შეუძლია, შეიტანოს საპენსიო შენატანი და დაფაროს მიუღებელი სარგებელი. ამ ვადაში ვალდებულების შესრულების შემთხვევაში, იგი ჯარიმისგან გათავისუფლდება. გარდა ამისა, დამსაქმებელი თავისუფლდება 2025 წლის 1 მაისის შემდეგ საპენსიო ფონდის მიერ დაკისრებული ჯარიმისგან, თუ იგი 2026 წლის 31 დეკემბრამდე სრულად დაფარავს საპენსიო შენატანს და მიუღებელ სარგებელს - საურავს. სტუმარი: ნოდარ სირბილაძე - "თავისუფალ ბიზნესთა ასოციაცია", დირექტორი #ახალიამბები #BusinessMediaGeorgia
ყველას გვსმენია მოსაზრება, რომ ფულის შენახვისა და ინფლაციისგან გადარჩენის ყველაზე საიმედო გზა უძრავი ქონების შეძენაა, თუმცა 2008 წლის შემდგომი პერიოდის მასშტაბური კვლევა ამ გავრცელებულ სტერეოტიპს ამსხვრევს. კვლევის მიხედვით, მსოფლიოს ათობით ქვეყანაში უძრავ ქონებაში ჩადებულმა ინვესტიციამ მფლობელები გაუფასურებისგან ვერ იხსნა. სრომელ ქვეყნებში აღმოჩნდა სახლის შეძენა ყველაზე მოგებიანი და სად დაკარგეს ინვესტორებმა ფული? #ახალიამბები #BusinessMediaGeorgia
მოდის ინდუსტრიაში კიდევ ერთი მნიშვნელოვანი საერთაშორისო აღიარება აქვს საქართველოს. გავლენიანმა გამოცემამ Business of Fashion, ქართული მულტიბრენდული სივრცე BOYGARS-ი მსოფლიოს საუკეთესო მოდის მაღაზიების სიაში შეიყვანა. თბილისი გლობალურ მოდის რუკაზე პარიზის, მილანის, ლონდონისა და ბერლინის გვერდით დასახელდა. BOYGARS-ის შოურუმი თბილისის ცენტრში რუსთაველის გამზირზე მდებარეობს და გამზირზე მიმდინარე მასშტაბური სარეაბილიტაციო სამუშაოების მიუხედავად, BOYGARS-ი მომხმარებლებს უწყვეტ რეჟიმში ემსახურება, სთავაზობს ალტერნატიულ მარშრუტებს, კერძო პარკინგს და პერსონალიზებულ სერვისს. გარდა ამისა, ბრენდი გაფართოებას აგრძელებს, ახალი ბუტიკი გაიხსნა Paragraph Golf & Spa Tabori-ს ტერიტორიაზე, რომლის ინტერიერზე იტალიელმა არქიტექტორმა ლუკა სარტორიმ იმუშავა. ამასთანავე, გუნდი უკვე აქტიურად მუშაობს BOYGARS-ის ბეჭდური ჟურნალის მესამე, ახალ ნომერზე. სტუმარი: დეა ქართველიშვილი - BOYGARS-ის საზოგადოებასთან ურთიერთობისა და მარკეტინგის მენეჯერი #ახალიამბები #BusinessMediaGeorgia
საქართველოს მასშტაბით ყველა სკოლაში სწავლა უკვე დაიწყო, თუმცა ერთი განსხვავებით - საჯარო სკოლების პირველ კლასელი მოსწავლეებისთვის სკოლის ფორმები სავალდებულო გახდა. მიუხედავად იმისა, რომ სახელმწიფომ რამდენიმე ათეულ მილიონიანი ტენდენერით აღნიშნული ფორმების შეკერვა ჩინურ კომპანიას დაუკვეთა, აღმოჩნდა, რომ სკოლის მოსწავლეების მშობლების გარკვეულმა ნაწილმა გადაწყვიტა, რომ თავიანთი შვილებისთვის ფორმები საქართველოში, კერძო სამკერვალოებში შეეკერათ. როგორ განვითარდა ეს პროცესები და რამ განაპირობა მშობლების ეს გადაწყვეტილება? #ახალიამბები #BusinessMediaGeorgia
თბილისის საერთაშორისო აეროპორტის მიმდებარედ ახალი სამგზავრო ტერმინალის განვითარება - ასეთ გეგმაზე საუბრობს ავიაკომპანია Air Georgia. კომპანიის ინფორმაციით, პროექტი დაახლოებით 6 ჰექტარ მიწის ნაკვეთზე უნდა განხორციელდეს და მასში, პარტნიორ ევროპულ საინვესტიციო ჯგუფთან ერთად, მომდევნო 5 წლის განმავლობაში 150 მილიონი დოლარის ინვესტიციის განხორციელებაა დაგეგმილი. კომპანიის დამფუძნებელი ამბობს, რომ ახალი ტერმინალი თბილისის მოქმედი აეროპორტის გაფართოების ალტერნატივა არ იქნება და ეტაპობრივი განვითარების შემთხვევაში დამატებით, დაახლოებით, 10 მილიონი მგზავრის მომსახურების შესაძლებლობას შექმნის. რა ფორმით ხედავს Air Georgia ახალი ტერმინალის განვითარებას, როგორია საინვესტიციო პროექტის დეტალები და რა გავლენა შეიძლება ჰქონდეს მას საქართველოს საავიაციო ბაზარზე? სტუმარი: გიორგი კოდუა - ავიაკომპანია Air Georgia-ს დამფუძნებელი #ახალიამბები #BusinessMediaGeorgia
თიბისის ფინანსური მხარდაჭერით, საქართველოში 2 მილიარდი დოლარის ღირებულების მეგაპროექტი ხორციელდება. დედაქალაქში Trump Tower Tbilisi-ის ოფიციალური საერთაშორისო პრეზენტაცია გაიმართა, რომელიც მასშტაბური ურბანული განაშენიანების, Downtown Tbilisi-ის პირველი ფაზაა. ღონისძიებას მთავრობის წარმომადგენლებთან და ადგილობრივ ბიზნესსექტორთან ერთად, The Trump Organization-ის აღმასრულებელი ვიცე-პრეზიდენტები ესწრებოდნენ. პროექტის განხორციელება კომპლექსური ფინანსური და დეველოპერული სტრუქტურით მიმდინარეობს, სადაც ერთ-ერთ წამყვან როლს თიბისი, როგორც მთავარი ფინანსური მხარდამჭერი, ასრულებს. საინვესტიციო მიმართულებით, თიბისისთან ერთად ჩართულნი არიან საერთაშორისო და ადგილობრივი ფონდები: Block Stone Capital, Finvest და Vector Group.მშენებლობისა და განვითარების პროცესს კი The Trump Organization-თან თანამშრომლობით, მთავარი პარტნიორები და დეველოპერები - არქი ჯგუფი და ინვია უძღვებიან. პროექტის თანადეველოპერია The Sapir Organization. საინვესტიციო გეგმის თანახმად, Downtown Tbilisi-ის ტერიტორიაზე ჯამში ექვსი თაუერი განთავსდება. ინფრასტრუქტურა სრულად დაფარავს როგორც ლუქს-კლასის საცხოვრებელ და სასტუმრო მიმართულებებს, ისე პრემიუმ კლასის ბიზნეს-ცენტრებსა და სავაჭრო სივრცეებს. რეგიონში პირველი Trump Tower სწორედ ამ მრავალმილიარდიანი ეკოსისტემის მთავარი ნაწილი იქნება. #ახალიამბები #BusinessMediaGeorgia
თბილისში მულტიფუნქციური კომპლექსის, Downtown Tbilisi-ის და მისი პირველი შენობის - Trump Tower-ის ოფიციალური პრეზენტაცია გაიმართა, რომელსაც მთავრობისა და ადგილობრივი ბიზნესსექტორის წარმომადგენლებთან ერთად, ამერიკიდან ჩამოსული The Trump Organization-ის აღმასრულებელი ვიცე-პრეზიდენტები ესწრებოდნენ. პროექტის ჯამური საინვესტიციო ღირებულება 2 მილიარდ დოლარს შეადგენს. გეგმის მიხედვით, კომპლექსი სულ ექვსი დამოუკიდებელი შენობისგან შედგება, სადაც საცხოვრებელი, ბიზნეს, სავაჭრო და საზოგადოებრივი სივრცეები გაერთიანდება. დეველოპერების განცხადებით, საერთაშორისო ბრენდის შემოსვლა ქვეყნის ეკონომიკაზე პირდაპირ აისახება და ბაზარზე ახალ აუდიტორიას გააჩენს. ინვესტორების მოსაზრებით, მასშტაბური მშენებლობის ახლავე დაწყება ბოლო პერიოდში დაფიქსირებულმა მაკროეკონომიკურმა მაჩვენებლებმა განაპირობა. პროექტის პარტნიორების განმარტებით, გასულ 5 წელში არსებულმა 9%-იანმა ეკონომიკურმა ზრდამ და უძრავი ქონების სექტორის 10-15%-იანმა გაფართოებამ გადაწყვეტილების დაჩქარება გამოიწვია. შედეგად, ინვესტიციის განხორციელება დაგეგმილზე 5-10 წლით ადრე იწყება.მულტიფუნქციური პროექტი The Trump Organization-თან პარტნიორობით ხორციელდება. მთავარი დეველოპერები კომპანიები - არქი და ინვია არიან, თანადეველოპერის პოზიციას კი The Sapir Organization-ი იკავებს.როგორც კომპანია არქის დამფუძნებელმა, ილია წულაიამ აღნიშნა, პროექტის მიმართ ინტერესი უკვე ფიქსირდება და უშუალოდ Trump Tower Tbilisi-ში უძრავი ქონება 7-მა ქართველმა მყიდველმა უკვე შეიძინა. #ახალიამბები #BusinessMediaGeorgia
საქართველოს ბიზნეს ასოციაცია კერძო სექტორთან შეხვედრებს განაგრძობს. BAG-ის წარმომადგენლების მორიგი ვიზიტი ლოგისტიკურ კომპანია „ემ ეს ზეტ ჯორჯიაში“ გაიმართა. აზიიდან ევროპისკენ მიმართული სატრანსპორტო ხაზები, მრავალპროფილური სერვისები და მსხვილი ბიზნეს გაერთიანების როლი კომპანიის განვითარებაში. #ახალიამბები #BusinessMediaGeorgia
გლობალური ბაზრების მიმოხილვა 16/9/2026 #ახალიამბები #BusinessMediaGeorgia
BYD ოფიციალურად საქართველოს ბაზარზეა - „ჯითი გრუპმა“ თბილისში პირველი შოურუმი გახსნა. მსოფლიოში ახალი ენერგიის ავტომობილების ლიდერი BYD საქართველოს ბაზარზე ოფიციალურად შემოვიდა. ბრენდის ექსკლუზიური პარტნიორი „ჯითი გრუპია“ - საავტომობილო ინდუსტრიაში 20-წლიანი გამოცდილების მქონე ჰოლდინგი, რომელიც საქართველოს ბაზარზე ისეთ პრემიუმ ბრენდებს წარმოადგენს, როგორებიცაა BMW, Land Rover და Jaguar. პირველ ეტაპზე შოურუმში წარმოდგენილია საქართველოს ბაზრისთვის ბრენდის მიერ ოფიციალურად ავტორიზებული სამოდელო რიგი, რომლებზეც ვრცელდება მწარმოებლის ოფიციალური გარანტია. სამოდელო პორტფელი მუდმივად განახლებადია და ეტაპობრივად ბრენდის უახლესი გლობალური მოდელებით შეივსება. #ახალიამბები #BusinessMediaGeorgia
#საქმიანიდილა - 16 სექტემბერი - პროლოგი #ახალიამბები #BusinessMediaGeorgia
ბიზნესისა და ტექნოლოგიების უნივერსიტეტი დაარსებიდან 10 წლის იუბილეს აღნიშნავს. ამ პერიოდში BTU-ში 13 ათასზე მეტი სტუდენტი ჩაირიცხა, უნივერსიტეტი 3 500-ზე მეტმა კურსდამთავრებულმა დაასრულა, ხოლო დღეს 16 აკრედიტებული პროგრამა და 100-ზე მეტი საერთაშორისო პარტნიორი უნივერსიტეტი აქვს. BTU-ის საქმიანობის ერთ-ერთი მთავარი მიმართულება ხელოვნური ინტელექტი, კვლევა და საერთაშორისო თანამშრომლობაა. უნივერსიტეტში უკვე შექმნილია AI-ზე დაფუძნებული არაერთი ინოვაციური პლატფორმა და პროექტი. რა შეცვალა უნივერსიტეტმა 10 წლის განმავლობაში და რა არის მისი განვითარების მთავარი მიზნები მომდევნო ეტაპზე? სტუმარი: ნინო ენუქიძე - ბიზნესისა და ტექნოლოგიების უნივერსიტეტის რექტორი #ახალიამბები #BusinessMediaGeorgia
პრემიუმ საავტომობილო ბაზარზე ლიდერის პოზიციის მოპოვება უდიდეს გამოწვევას წარმოადგენს. მკაცრი კონკურენციის პირობებში იაპონურმა ავტომწარმოებელმა ბაზარზე შესვლის სრულიად განსხვავებული სტრატეგია აირჩია. კომპანიამ მიზნად ფუფუნების ახალი სტანდარტის შექმნა დაისახა და მომხმარებლის წინაშე ლექსუსის სახელით წარდგა. როგორ იქცა ერთი ამბიციური ჩანაფიქრი გლობალურ ფენომენად და რა გზა გაიარა ბრენდმა მსოფლიო აღიარებამდე. #ახალიამბები #BusinessMediaGeorgia
პრემიუმ საავტომობილო ბრენდი ახალ სეზონს ორმაგი სიახლით ხსნის. ლექსუს თბილისმა საქართველოს ბაზარს სრულად განახლებული ისტორიული სედანი, მერვე თაობის Lexus ES ოფიციალურად წარუდგინა. საავტომობილო პრემიერის პარალელურად კი ცნობილი ხდება, რომ მომსახურების განსაკუთრებული სტანდარტისთვის, ლექსუს თბილისმა ევროპის მასშტაბით უმაღლესი აღიარება, KIWAMI-ს ჯილდო რეკორდულ დროში უკვე მეხუთედ მოიპოვა. როგორ ქმნის ბრენდი ახალ სტანდარტს და რა ინოვაციებს სთავაზობს მომხმარებელს ახალი თაობის ავტომობილი. ევროპული ავტოინდუსტრიის მასშტაბით, ლექსუს თბილისმა ბრენდის ყველაზე პრესტიჟული ჯილდო KIWAMI რეკორდულად მოკლე დროში, უკვე მეხუთედ მოიპოვა. გუნდმა სარეკორდო რაოდენობის აღიარებით, მომსახურების სრულად ახალი, უმაღლესი სტანდარტი დააწესა. კომპანია მუდმივად ინარჩუნებს პოზიციას საუკეთესოთა შორის საუკეთესოთა სიაში, რაც მომხმარებლისთვის განსაკუთრებული, სტანდარტებს მიღმა არსებული გამოცდილების შექმნის პირდაპირი შედეგია. სტუმრები: შალვა ციხელაშვილი - ლექსუს თბილისის მმართველი დირექტორი; სანდრო თავართქილაძე - ლექსუს თბილისის გაყიდვების დირექტორი. #ახალიამბები #BusinessMediaGeorgia
მსოფლიოს ქვეყნებში რესტორანში ერთი იაფი კვების ფასიც კი მნიშვნელოვნად განსხვავდება - შვეიცარიაში ის საშუალოდ 31 დოლარზე მეტია, ბანგლადეშში კი 2 დოლარზე ნაკლები. ნამბეოს 2026 წლის მონაცემებით, საქართველო 42-ე ადგილზეა და ერთი ასეთი კვება საშუალოდ 10 დოლარი და 56 ცენტი ღირს, რაც გლობალურ მედიანურ მაჩვენებელზე მაღალია. რომელ ქვეყნებშია რესტორანში კვება ყველაზე ძვირი და სად შეიძლება 20 დოლარად რამდენიმე ადამიანმა ისადილოს? #ახალიამბები #BusinessMediaGeorgia
ასურეთში მდებარე სადგური, წელსაც ტრადიციულად მასპინძლობს ოქროსფერფესტს, საშემოდგომო ფესტივალს, რომელიც წელსაც სამი შაბათ-კვირის განმავლობაში გაიმართება. სტუმრებს ცოცხალი მუსიკა, თამაშები და შეჯიბრებები, სხვადასხვა მასტერკლასი, გერმანული და ქართული გემოები და, რა თქმა უნდა, ოქროსფერი ლუდი ელოდებათ. როგორია წლევანდელი პროგრამა და რას სთავაზობს სადგური სტუმრებს ოქროსფერფესტზე? სტუმარი: რუსუდან ბარათაშვილი - "სადგური", დამფუძნებელი #ახალიამბები #BusinessMediaGeorgia
ბევრმა ქალაქმა მსოფლიოს ტურიზმის რუკაზე სახელი სწორედ ფესტივალებით გაითქვა და ის ეკონომიკური სარგებელი, რაც ამ პროცესს მოჰყვა დღემდე გრძელდება. #ახალიამბები #BusinessMediaGeorgia
გლობალური ბირჟების მიმოხილვა Galt&Taggart;-ისგან / Global Markets Weekly Update სტუმარი: მარიამ ზურაბაშვილი - Galt & Taggart-ის პორტფოლიო მენეჯერი #ახალიამბები #BusinessMediaGeorgia
დეველოპერული კომპანია „სფერა“ თბილისში ახალი პროექტების განვითარებას აგრძელებს. ამჯერად ჩვენი გადამღები ჯგუფი ნუცუბიძეზე მიმდინარე პროექტს, კერძოდ კი “სფერა ნუცუბიძის” მეორე ბლოკს, ეწვია, სადაც მშენებლობის პროცესს და პროექტის კონცეფციას გაეცნო. რას სთავაზობს „სფერა“ მომავალ მობინადრეებს და რა ეტაპზეა პროექტი? #ახალიამბები #BusinessMediaGeorgia
“ავერსის” რუბრიკა “საქმიან დილაში” - კანის მოვლა ზაფხულის შემდეგ&პიგმენტური ლაქები
კომპანია ულტრამ საბურთალოზე ახალი ფილიალი გახსნა. ახალი სავაჭრო სივრცე ვაჟა-ფშაველას გამზირის 70ა-ში მდებარეობს და კომპანიისთვის თბილისში მეოთხე და ამავდროულად ყველაზე დიდი ფილიალია. ახალ ფილიალში წარმოდგენილია კომპიუტერული ტექნიკის, ნოუთბუქების, მონიტორების, პერიფერიული მოწყობილობების, აქსესუარებისა და სხვა ტექნოლოგიური პროდუქციის ფართო ასორტიმენტი. სივრცეში ასევე განთავსებულია სერვისცენტრი, სადაც მომხმარებლები ტექნიკური მომსახურების მიღებას ადგილზე შეძლებენ. #ახალიამბები #BusinessMediaGeorgia
#საქმიანიდილა - 15 სექტემბერი - პროლოგი #ახალიამბები #BusinessMediaGeorgia
2018-2025 წლებში საქართველოს ტერიტორიაზე გამავალი სატრანზიტო ტვირთების ნაკადი 109%-ით გაიზარდა. ეს არის პიემსის კვლევითი ცენტრის მიერ გამოქვეყნებული ანგარიშის ერთი აქცენტი. კვლევა შუა დერეფანში საქართველოს სატრანზიტო ტვირთების ნაკადებს აანალიზებს. მის მიხედვით, საქართველომ პიკური რაოდენობის ტვირთი 2024 წელს გაატარა. 2025 წელს 9.5%-იანი შემცირება იყო. რიცხვებში სურათი ასე გამოიყურება. 2024 წელს 15 მილიონ 100 ათასი ტონა ტვირთი 2025 წელს 13 მილიონ 700 ათას ტონამდე შემცირდა. სტუმარი: გრიგოლ ფანცულაია - PMCG-ის კონსულტანტი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
რამდენიმე დღეში თბილისის საერთაშორისო ღონისძიებას, „GMAP ბაზრის განვითარების ფორუმს“ უმასპინძლებს. ეროვნული ბანკის, ხაზინების ასოციაციისა და - Nasdaq-ის ერთობლივი ინიციატივით, ქართულ საბანკო სექტორში სრულიად ახალი ტექნოლოგიური პლატფორმა, Nasdaq Calypso ინერგება. რას ნიშნავს ეს საქართველოს ეკონომიკისთვის? როგორ ცვლის რისკების მართვის მექანიზმებსა და რა შესაძლებლობებს აჩენს ახალი პლატფორმა როგორც ადგილობრივი ისე უცხოელი ინვესტორებისათვის? სტუმრები: კახაბერ დავითაია - საქართველოს ბანკის ხაზინის დეპარტამენტის დირექტორი; ალექსანდრე ხაზარაძე - ეროვნული ბანკის ფინანსური ბაზრების დეპარტამენტის უფროსი; ლევან ვერძეული - საქართველოს ფინანსური ბაზრების ხაზინების ასოციაციის პროექტის დირექტორი #ახალიამბები #BusinessMediaGeorgia
საქართველოს ეროვნულმა ბანკმა ვირტუალური აქტივის მომსახურების პროვაიდერების რეგისტრაციისა და რეგულირების წესში ცვლილებები შეიტანა. ახალი მოთხოვნები, მათ შორის, რისკების მართვის ჩარჩოსა და მინიმალური საზედამხედველო კაპიტალის შესახებ, 2026 წლის 26 აგვისტოს გამოცემული ბრძანებით განისაზღვრა. ცვლილებების მიხედვით, ვირტუალური აქტივის მომსახურების პროვაიდერებს, საქმიანობის ტიპის შესაბამისად, მინიმალური საზედამხედველო კაპიტალის შენარჩუნება დაევალებათ. რა სიახლეებს მოიცავს ცვლილებები და რა უნდა გაითვალისწინონ შესაბამისმა კომპანიებმა? სტუმრები: გვანცა მეუნარგია - ფინანსური ინოვაციური ტექნოლოგიების ხელშეწყობის ასოციაციის დირექტორი; გიორგი კირეულიშვილი - Clarsen -ის თანადამფუძნებელი და პარტნიორი; იოსებ ბოლქვაძე - კრიპტალის მმართველი პარტნიორი #ახალიამბები #BusinessMediaGeorgia
მუყაოს ყუთი გლობალური ეკონომიკის ერთ-ერთი ყველაზე მასშტაბური შესაფუთი მასალაა და მისი ბაზარი წლიდან წლამდე იზრდება. დღეს გოფრირებული მუყაოს შეფუთვის მსოფლიო ბაზარი დაახლოებით 146 მილიარდ დოლარადაა შეფასებული და 2034 წლისთვის შესაძლოა 211 მილიარდ დოლარს მიაღწიოს. ინდუსტრიის მთავარი მამოძრავებელი ელექტრონული კომერცია, საკვები და სასმელები, ლოგისტიკა და პლასტიკის ჩანაცვლების ტენდენციაა, გეოგრაფიულად კი ბაზრის უდიდესი ნაწილი აზია-წყნარი ოკეანის რეგიონზე მოდის, რომლის მთავარი მოთამაშეც ჩინეთია. თუმცა განვითარებულ ქვეყნებში მოთხოვნის შენელებისა და მაღალი ხარჯების ფონზე ინდუსტრია გარკვეულ გამოწვევებსაც აწყდება. #ახალიამბები #BusinessMediaGeorgia
#მხოლოდქართული გოფრირებული მუყაოს წარმოება “ფაბრიკა 1900” “ფაბრიკა 1900” - პროექტები&გეგმები სტუმარი: ზურაბ ბარათაშვილი - “ფაბრიკა 1900”, დამფუძნებელი მარიამ იზორია - #მხოლოდქართული, ავტორი&წამყვანი; #ახალიამბები #BusinessMediaGeorgia
საქართველოს ბიზნეს ასოციაციის მორიგი ვიზიტი ბათუმის პორტში მდებარე „ვონდერნეტის“ მულტიმოდალურ ტერმინალში გაიმართა. ეს სწორედ ის ულტრათანამედროვე ინფრასტრუქტურაა, რომელსაც საკუთარ ტვირთებს მსოფლიო ენერგო-გიგანტები ანდობენ. როგორია ტერმინალის მასშტაბური ლოგისტიკური ოპერაციები და შუა დერეფნის პოტენციალი? #ახალიამბები #BusinessMediaGeorgia
რამდენი კრიპტომილიარდერია მსოფლიოში? ნინი ლონგურაშვილი - ავტორი&წამყვანი #ახალიამბები #BusinessMediaGeorgia