ბათუმის სივრცის დაგეგმარებისა და გენერალური გეგმის კონცეფციაზე მუშაობა დასრულდა. შესაბამისი დოკუმენტი BMG-ის ბათუმი გენგეგმაზე მომუშავე ჯგუფმა სითი ინსტიტუტმა მიაწოდა. ოპტიმისტური პროგნოზით გეგნგემაზე მომუშავე ჯგუფი თვლის, რომ თავად გენერალური გეგმა მზად 2024 წლის ზაფხულის ბოლოს უნდა იყოს. ამ დრომდე სითი ინსტიტუტმა უკვე ჩააბარა ადგილობრივ მუნიციპალიტეტს ხედვის დოკუმენტი , ხოლო სულ ცოტა ხნის წინ დასრულდა მუშაობა ბათუმის სივრცის დაგეგმარებისა და გენერალური გეგმის კონცეფციაზე, რომელიც შეჯერებულია როგორც მერიასთან, ისე ადგილობრივ მოსახლეობასთან. დოკუმენტი აერთიანებს ბათუმის, როგორც ზღვაში არეკლილი ქალაქის განვითარების შესაძლო სცენარებს, ამოცანებს და გადაწყვეტებს. ქ. ბათუმის სივრცის დაგეგმვისა და გენერალური გეგმის კონცეფცია 4 ძირითადი კონცეპტუალური მიმართულებისგან შედგება, ისეთების როგორებიცაა თანაბრად განვითარებული, მულტიფუნქციური, მწვანე და მედეგი, უსაფრთხო ქალაქი. რა გამოწვევები აქვს დღეს ბათუმს, რა ტერიტორიების განვითარების რესურსი არსებობს და რაზე უნდა გაკეთდეს აქცენტი მომავალი წლების განმავლობაში? სტუმარი: მამუკა სალუქვაძე - "სითი ინსტიტუტი საქართველოს“ დირექტორი; #ახალიამბები #BusinessMediaGeorgia
თბილისში მიწის სისტემური რეგისტრაციის პროცესი იწყება. რეფორმა ეხება მათ, ვისაც მიწის ნაკვეთზე არ აქვთ რეგისტრირებული საკუთრების უფლება. მიწის სისტემური რეგისტრაციის ფარგლებში საჯარო რეესტრის ეროვნული სააგენტო თავად ასრულებს ყველა იმ პროცედურას, რომელიც საჭიროა ნაკვეთის რეგისტრაციისთვის. შესაბამისად, მოქალაქეებს სხვადასხვა სახელმწიფო უწყებაში სიარული და დამატებითი ხარჯის გაწევა აღარ უწევთ. თავდაპირველად აღნიშნულ პროცესში ერთვება ახალდაბა, ბეთანია, კვესეთი, კიკეთი და საღორისი, დეკემბრიდან - წყნეთი, მომავალი წლის თებერვალში - კოჯორი, აპრილში - ტაბახმელა, შინდისი, წავკისი, ივლისში - ძველი ვეძისი, დიდგორი და დიღომი. როდის დასრულდება დედაქალაქში ეს პროცესი, როგორ მიმდინარეობს მიწების სისტემური რეგისტრაციის რეფორმა ქვეყანაში და მიწების რა ნაწილია ამ დროისთვის რეგისტრირებული? #ახალიამბები #BusinessMediaGeorgia
კერძო სექტორს პროდუქციის ექსპორტზე გატანა კვლავ უჭირს. ბიზნესის ნაწილის მთავარი ორიენტირი მეზობელი ქვეყნებია მაშინ, როდესაც საქართველოს თუნდაც ევროკავშირთან თავისუფალი სავაჭრო ურთიერთობა აქვს. კერძო სექტორში აცხადებენ, რომ მსხვილ ბაზრებზე კონტაქტების მოძიება უჭირთ. გამოწვევაა ხარისხის დაკმაყოფილება. გიგა ბენია გვიერთდება დეტალებით. რა გამოწვევებს აწყდება ბიზნესი პროდუქციის ექსპორტზე გატანის პროცესში და სად ხედავს ბიზნესი გამოსავალს? #ახალიამბები #BusinessMediaGeorgia
დღეს თბილისი საქართველოს ბანკის მხარდაჭერით B2B აგროფორუმს მასპინძლობს, სადაც მონაწილეობას მიიღებენ მეწარმეები, რომელთაც მოჰყავთ კაკლოვანი, დაფნის კულტურები, ხილი, აწარმოებენ ღვინოს და სურთ საკუთარი ბიზნესის ექსპორტზე გატანა. ფორუმის ძირითადი მიმართულება ექსპორტზე გასვლის ხელშეწყობაა. ღონისძიებაზე წარმოდგენილნი არიან ის ორგანიზაციები, რომლებიც პროდუქტის წარმოებიდან ექსპორტამდე ჩართულები არიან პროცესში. მათ შორის საკონსულტაციო კომპანიები - OCCO Global, EuroMonitor, EDA, Eximcrop, Globalize და სხვა. შეხვედრის ფარგლებში იმართება პრეზენტაციები, პანელური დისკუსიები და საინფორმაციო შეხვედრები. #ახალიამბები #BusinessMediaGeorgia
#ბიზნესსიახლეები bm.ge-სგან / 30.10.2023 2018 წლის შემდეგ Glovo-მ საქართველოში €58 მილიონის ინვესტიცია განახორციელა; "ინვესტიცია - ₾250 მლნ, საქართველოს ბიუჯეტში გადახდილი თანხა - ₾300 მლნ“ – ICR ჯგუფის 30 წელი; როდის გამოჩნდება Wempler-ი სხვა ბაზრებზე? „საქართველოს ბანკის მხარდაჭერით „ბიოგრაფი ლივინგი“ მრავალფუნქციურ საცხოვრებელ კომპლექსს აშენებს; „დიო“ ექსპორტისთვის ემზადება - რომელ ქვეყნებს განიხილავენ კომპანიაში? #ახალიამბები #BusinessMediaGeorgia
მთავრობის სხდომის დასრულების შემდეგ მედიასთან კომენტარი მხოლოდ ჯანდაცვის მინისტრმა ზურაბ აზარაშვილმა გააკეთა. მიუხედავად იმისა, რომ დღის წესრიგით გათვალისწინებული საკითხების უმეტესობას ეკონომიკის მინისტრი ლევან დავითაშვილი წარადგენდა. როგორც ჯანდაცვის მინისტრი ამბობს, სტომატოლოგიური მომსახურების მიმწოდებელთათვის ახალი სტანდარტები წესდება. უფრო კონკრეტულად ჯანდაცვის სამინისტროს ინიციატივით მკაცრდება როგორც საქმიანობის დაწყების, ისე - ოპერირების წესები. ცვლილებების მიზანი პაციენტის უსაფრთხოების დაცვა და თანამედროვე სტანდარტების შესაბამისი სერვისების უზრუნველყოფაა. ჯანდაცვის მინისტრი, ზურაბ აზარაშვილი განმარტავს, რომ ცვლილებები მომდევნო წლის 1-ელი იანვრიდან ამოქმედდება. მისი ინფორმაციით, ამ ეტაპზე ბაზარზე 2000-მდე სტომატოლოგიური კლინიკაა. #ახალიამბები #BusinessMediaGeorgia
თამბაქოს ნაწარმის სტანდარტიზებული შეფუთვით გაყიდვის რეგულაციის ამოქმედების შემდეგ ბიზნესს, შესაძლოა, 8 თვიანი საშეღავათო პერიოდი დაუწესდეს. შესაბამის კანონპროექტს პარლამენტში დღეს განიხილავენ. “საქართველოს პარლამენტში ინიცირებული კანონპროექტი ზიანის მომტანია საზოგადოებრივი ჯანმრთელობისთვის” - ასე გამოეხმაურა გაერთიანებული ერების ორგანიზაცია რეგულაციის შესაძლო გადავადებას. ორგანიზაციაში აცხადებენ, რომ გადადება და შემოთავაზებული სხვა ცვლილებები გაუმართლებელია და კიდევ უფრო აჭიანურებს იმ სარგებელს, რაც სადა შეფუთვამ უნდა მოიტანოს. ორგანიზაცია საქართველოს პარლამენტს მოუწოდებს, შემოთავაზებული ცვლილება არ დაამტკიცოს და უმაღლეს დონეზე გააგრძელოს ჯანმრთელობის დაცვისა და თამბაქოს კონტროლის სფეროში გაცხადებული პოლიტიკა, დაიცვას კანონმდებლობა თამბაქოს ინდუსტრიის ინტერესებისგან. რატომ დასჭირდა კერძო სექტორს რეგულაციის სრულად ასამოქმედებლად დამატებითი ვადა? სტუმარი: ზვიად სხვიტარიძე - ექსპერტი ეკონომიკის და სამართლებრივ საკითხებში; #ახალიამბები #BusinessMediaGeorgia
რეგიონული განვითარებისა და ინფრასტრუქტურის მინისტრის, ირაკლი ქარსელაძის განცხადებით, 2024 წელს რიკოთის გზა მთლიანად გაიხსნება. ამის შესახებ მან პარლამენტში, დარგობრივი ეკონომიკისა და ეკონომიკური პოლიტიკის კომიტეტზე განაცხადა, სადაც ევროოპტიმისტებმა რომან გოცირიძემ და ხატია დეკანოიძემ დაიბარეს. დეპუტატების კითხვები ძირითადად რიკოთის პროექტის ბიუჯეტის ზრდას, ჩატარებულ გეოლოგიურ და სეისმურ კვლევებს, პროექტის მიმდინარეობის ზედამხედველობას შეეხებოდა. მინისტრის თქმით, პროექტის ღირებულება არ შეცვლილა და პროცესს სრულყოფილ ზედამხედველობას საერთაშორისო საფინანსო ინსტიტუტები უწევენ. რა კონკრეტული კითხვები ჰქონდათ დეპუტატებს მინისტრთან და გაეცა თუ არა კითხვებს პასუხები? #ახალიამბები #BusinessMediaGeorgia
"შუა დერეფანს ინვესტიციები სჭირდება", - ამის შესახებ BMG-სთან ინტერვიუში “ტრანსკასპიური საერთაშორისო სატრანსპორტო მარშრუტის” ასოციაციის გენერალურმა მდივანმა განაცხადა. გაიდარ აბდიკერიმოვი "თბილისის აბრეშუმის გზის ფორუმს" ესწრებოდა. მისი თქმით, ე.წ. შუა დერეფანი დღესდღეობით 6 მილიონ ტონა ტვირთსა და 80 ათას კონტეინერს იტევს, თუმცა ახალი რეალობიდან გამომდინარე, ინფრასტრუქტურული პროექტები მნიშვნელოვანია. გაიდარ აბდიკერიმოვმა გიგა ბენიასთან ინტერვიუში შუა დერეფნის პოტენციალსა და განვითარებაზე, ანაკლიის პორტსა და მის მნიშვნელობაზეც ისაუბრა. სტუმარი: გაიდარ აბდიკერიმოვი - “ტრანსკასპიური საერთაშორისო სატრანსპორტო მარშრუტის” ასოციაციის გენერალური მდივანი; ინტერვიუერი: გიგა ბენია - BMG-ის რეპორტიორი; #ახალიამბები #BusinessMediaGeorgia
#ბიზნესსიახლეები bm.ge-სგან / 27.10.2023 2022 წელს საფოსტო და საკურიერო კომპანიების შემოსავალი ₾152.6 მილიონამდე გაიზარდა; “ბიზნეს პროცესების აუთსორსინგის მიმართულებით საქართველომ უნდა შექმნას ნიში პოტენციური ინვესტორებისთვის”- BPO ექსპერტი; "კერძო სექტორის ანაზღაურების მარჟა დაბალ კვალიფიციურ მუშა ხელში დაბალია" - თამილა ბარკალაია; “პოლიეთილენის პარკების ამოღების პროცესში თუ მუნიციპალიტეტი არ ამუშავდა ძალიან გვიჭირს”-სამინისტრო; “მთავარი სირთულე ნედლეულის სიმწირე, ფასები და პროფესიონალი კადრების მოძიებაა” - Pangolini Kids; #ახალიამბები #BusinessMediaGeorgia
"ყვავილის მთვარის მკვლელები" - მარტინ სკორსეზეს ახალი ეპიკური ისტორია #ახალიამბები #BusinessMediaGeorgia
საფოსტო და საკურიერო საქმიანობის კომპანიებმა 2022 წელს 152.6 მლნ ლარის შემოსავლები მიიღეს - წლიურად შემოსავლები 21 მლნ ლარზე მეტად, ანუ 16%-ით არის გაზრდილი. აქედან, საერთაშორისო მომსახურებიდან მიღებული შემოსავალი 71% შეადგენს, ხოლო 29% ადგილობრივი მომსახურებაზე მოდის. შემოსავლების 71% ამანათების მიწოდებიდანაა მიღებული, რომლის 76 % მოდის საერთაშორისო გზავნილებზე, ხოლო 24 % - ადგილობრივ გზავნილებზე. საფოსტო და საკურიერო საქმიანობით დაკავებული საწარმოების შემოსავლების 18% წერილობით კორესპონდენციებზე მოდის. რა გამოწვევებია საქართველოს საფოსტო ბაზარზე? სტუმარი: ნინო მენთეშაშვილი - საქართველოში FedEX-ის წარმომადგენელი კომპანიის დირექტორი; #ახალიამბები #BusinessMediaGeorgia
საქართველოში ნავთობის მოპოვება 2015 წლის შემდეგ მაქსიმალურ მაჩვენებელზეა. „ნავთობისა და გაზის კორპორაციის“ მონაცემებით, გასულ წელს, საქართველოში 39.1 ათასი ტონა სასაქონლო ნავთობი მოიპოვეს. 2021 წელს ეს მაჩვენებელი 35.3 ათასი ტონა იყო. მზარდი ტენდენცია გაგრძელდა მიმდინარე წელსაც. ნავთობისა და გაზის სააგენტოს დირექტორის განცხადებით, გაზრდილია ქვეყანაში გაზის მოპოვებაც. გაზის და ნავთობის რა რესურსი გააჩნია ქვეყანას? #ახალიამბები #BusinessMediaGeorgia
თბილისში აბრეშუმის გზის ფორუმი გრძელდება. ფორუმის მეორე დღე პანელურ დისკუსიებს და პირისპირ შეხვედრებს ეთმობა, როგორც ბიზნესებს შორის, ასევე კერძო სექტორსა და მთავრობის წარმომადგენლებს შორის. საქართველო არის ინვესტიციების საბოლოო დანიშნულების ადგილი - განუცხადა ფორუმის მონაწილეებს ვიცე-პრემიერმა, რომელმაც ფორუმის მეორე დღეს საინვესტიციო პროექტებსა და იმ შესაძლებლობებზე ისაუბრა, რომელსაც საქართველო ინვესტორებს სთავაზობს. „ჩვენ გვჭირდება მეტად გავაუმჯობესოთ ბიზნესგარემო, კიდევ უფრო შევამციროთ გადასახადები - ამბობს ლევან დავითაშვილი. რა განცხადებები გაკეთდა ბიზნესის მხრიდან ფორუმის მეორე დღეს? #ახალიამბები #BusinessMediaGeorgia
საქართველო - ეს არის ბუნებრივი ხიდი, რომელიც მდებარეობს ევროპისა და აზიის გზაჯვარედინზე და ის ყოველდღიურად გარდაიქმნება მრავალგანზომილებიან რეგიონულ ჰაბად - , ამის შესახებ საქართველოს პრემიერ-მინისტრმა ირაკლი ღარიბაშვილმა, “თბილისის აბრეშუმის გზის ფორუმზე” სიტყვით გამოსვლისას განაცხადა. როგორც მთავრობის მეთაურმა აღნიშნა, შუა დერეფანი, საქართველოს მასშტაბებით, სწრაფად ვითარდება, როგორც ტრადიციული გზების ალტერნატივა. მისი თქმით, მთავრობამ მნიშვნელოვანი ინვესტიცია განახორციელა ინფრასტრუქტურის მოდერნიზებაში, რათა გაძლიერებულიყო კავშირები და დამკვიდრებულიყო ეფექტური სავაჭრო გზები. #ახალიამბები #BusinessMediaGeorgia
კომპანია ტერმინალი და future lab ქართული სტარტაპ ეკოსისტემის ხელშეწყობის სტრატეგიულ პროგრამას აანონსებენ. თანამშრომლობის შესახებ შეთანხმებას ხელი დღეს მოეწერა. ტერმინალის დირექტორის ჯინო დოლინის თქმით, ტერმინალი უკვე 6 წელია ცდილობს კომფორტული და მოქნილი გარემო შექმნას ქართული სტარტაპებისთვის. პროგრამის ორგანიზატორები ხელოვნური ინტელექტის, მწვანე ტექნოლოგიების და სხვა პერსპექტიული მიმართულებით, ტრენინგების, სემინარებისა და ჰაკათონების ჩატარებასაც აანონსებენ. მათი თქმით, მზადება უკვე მიმდინარეობს და პროგრამა მომავალი წლის პირველი კვარტლიდან დაიწყება. #ახალიამბები #BusinessMediaGeorgia
აბრეშუმის გზის ფორუმზე დღეს არაერთი პანელური დისკუსია გაიმართა. ფორუმის მონაწილეებმა დერეფნის პოტენციალზე, ტურიზმზე, ეკონომიკაში ფინტექის მომავალსა და ვაჭრობის საკითხებზე იმსჯელეს. ჩვენ ვავლენთ ინტერესს საქართველოს მიმართ, დარწმუნებული ვარ, ბევრი კარგი რამ მოხდება ფორუმის შემდეგ“, - განაცხადა პანელური დისკუსიის შემდეგ არაბთა გაერთიანებული საამიროების სახელმწიფო მინისტრმა საგარეო ვაჭრობის საკითხებში. #ახალიამბები #BusinessMediaGeorgia
APM ტერმინალს ფოთი პორტის გაფართოებაზე შეთანხმებას ხელს ნოემბრის ბოლოს მოაწერს- ამის შესახებ კომენტარი კომპანიის კომერციულმა დირექტორმა BM.GE-თან აბრეშუმის გზის ფორუმზე გააკეთა, სადაც ერთ-ერთი მნიშვნელოვანი საკითხი, შუა დერეფანი, საქართველოს როლი და არსებული პოტენციალი იყო. რა გეგმა აქვს APM ტერმინალს ფოთის მენეჯმენტს პორტის გაფართოებასთან დაკავშირებით, რა ვადებს ასახელებენ კომპანიის წარმომადგენლები და როგორია მათი შეფასება დღეს საქართველოში შუა დერეფნის პოტენციალის ათვისებასთან დაკავშირებით? #ახალიამბები #BusinessMediaGeorgia
თბილისის აბრეშუმის გზის ფორუმი შეიძლება ითქვას, რომ ჩინეთ-საქართველოს შორის სტრატეგიული პარტნიორობამდე გაზრდილი ურთიერთობის ფონზე მიმდინარეობს და ამ ფორუმმა ჩინეთის მხარდაჭერა ჯერ კიდევ 31 ივლისს საქართველოსა და ჩინეთის სტრატეგიული პარტნიორობის შესახებ განაცხადისას მოიპოვა... ჩინეთთან სტრატეგიული პარტნიორობაზე აქცენტი დღესაც გაკეთდა. პრემიერი ღარიბაშვილი ამბობს, რომ ჩინეთთან სტრატეგიული პარტნიორობა ქვეყნის ეკონომიკური განვითარებისთვის მნიშვნელოვანია და ამავე დროს, საქართველოს სტრატეგიული მდებარეობა აზიურ ბიზნესს ევროპულ ბაზარზე წვდომას სთავაზობს. სტრატეგიული მდებარეობს საქართველოს ახალ შესაძლებლობებს უხსნის... თუმცა ეს გეოპოლიტიკური რყევების ფონზე, სხვა არაერთ გამოწვევასთან არის დაკავშირებული... შუა დერეფანი მრავალი რგოლისგან შედგენილი ჯაჭვია, სადაც თითოეული რგოლის გამართულ და სინქრონულ მუშაობას დიდი მნიშვნელობა აქვს... რა როლი აქვს საქართველოს როგორც რეგიონული აქტორს და აღმოსავლეთის დასავლეთთან დამაკავშირებელ რგოლს და როგორ უნდა გავხადოთ ჩვენი დერეფანი მეტად კონკურენტული და მოთხოვნადი? სტუმარი: მამუკა მურჯიკნელი - ბათუმის მულტიმოდალური ტერმინალის გენერალური დირექტორი; #ახალიამბები #BusinessMediaGeorgia
„დაკავშირებადობა“ - ამ თემამ დღეს თბილისში აბრეშუმის გზის ფორუმზე 2000 დელეგატს მოუყარა თავი. შუა დერეფნის მზარდი როლი, აღმოსავლეთ-დასავლეთის ვაჭრობის ახალი არქიტექტურა; ციფრული კავშირები თუ ენერგოსექტორის დივერსიფიკაცია - ფორუმის მასპინძლებმა და სტუმრებმა სწორედ ამ საკითხების გარშემო უნდა იმსჯელონ და განაცხადონ, რა ნაბიჯების გადადგმა იგეგმება შუა დერეფნის განვითარებისთვის, რომელმაც სატრანსპორტო კავშირებთან ერთად, არაერთი სექტორის დაკავშირებადობა უნდა განაპირობოს. რა გზავნილები გაკეთდა ფორუმის გახსნის ღონისძიებაზე, რომელსაც რამდენიმე ქვეყნის პრემიერ-მინისტრიც ესწრება? #ახალიამბები #BusinessMediaGeorgia
ისრაელის მოქალაქეების მხრიდან საქართველოში უძრავი ქონების შესყიდვისას იურიდიულ მომსახურებაზე მოთხოვნა გაიზარდა - ამის შესახებ იურისტი გია ფოლადიშვილი აცხადებს. მისი თქმით, ისრაელის მოქალაქეები ინტერესდებიან ქვეყანაში როგორც საცხოვრებელი ისე საინვესტიციო მიზნით უძრავი ქონების შესყიდვით, თუმცა მოთხოვნა განსაკუთრებით ბათუმზეა. სექტორის წარმომადგენლები კი ამბობენ, რომ ისრაელის მოქალაქეების მხრიდან უძრავი ქონების ბაზარზე ჯერ-ჯერობით ხელშესახები აქტიურობა არ შეინიშნება. #ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი უცვლელად 10%-ზე დატოვა. მიუხედავად იმისა, რომ ინფლაცია მიზნობრივზე დაბალ ნიშნულზე ნარჩუნდება, ეროვნული ბანკი მიიჩნევს, რომ მწვავე გეოპოლიტიკური მდგომარეობა გლობალურად არასტაბილურ გარემოს ქმნის და ინფლაციის პროგნოზის გარშემო დამატებით გაურკვევლობას აჩენს. ამასთან არსებულ შოკებს დაემატა, გეოპოლიტიკური არასტაბილურობის ახალი ფაქტორი, ახლო აღმოსავლეთში მიმდინარე კონფლიქტის სახით. გარკვეულწილად გაუარესებულია საწვავის ბაზარზე არსებული ტენდენციებიც, რის გამოც ეროვნული ბანკი გამკაცრებულ მონეტარულ პოლიტიკას ინარჩუნებს. ეროვნულმა ბანკმა 11%-მდე გაზრდილი რეფინანსირების განაკვეთის შემცირება მაისში დაიწყო და ის ჯერ 0.5 პროცენტული პუნქტით, შემდეგ კი 0.25 პროცენტული პუნქტით შეამცირა. ეკონომისტების ნაწილი ელოდა, რომ სებ-ი მონეტარული პოლიტიკის განაკვეთს 0.25%-ით შეამცირებდა. გალტ ენდ თაგარტის ეკონომისტის, ლაშა ქავთარაძის განცხადებით, ეროვნული ბანკის გადაწყვეტილება წინააღმდეგობაში მოდის მარეგულირებლის მიერ წლის მეორე ნახევარში გაკეთებულ განცხადებასთან, რომ სებ-ი მკაცრი მონეტარულ პოლიტიკიდან გამოსვლას გააგრძელებდა. მონეტარული პოლიტიკის კომიტეტის შემდეგი სხდომა 2023 წლის 20 დეკემბერს ჩატარდება. #ახალიამბები #BusinessMediaGeorgia
#ბიზნესსიახლეები bm.ge-სგან / 25.03.2023 სანდორა უკვე ოფიციალურად ქართული წარმოების პროდუქტია; რა გავლენას მოახდენს ტურისტულ კომპანიებზე ეგვიპტის მიმართულებით ფრენების გაუქმება? „ბოლო 1 კვირაა ოქროზე ფასები იზრდება“ - ოქროს ბირჟა; DemLab-ის პირველი თანამშრომლობა Warner Bro -სთან შედგა; “ბაზარზე ფალსიფიცირებული პროდუქტებია წარმოდგენილი”-ბიზნესი ბიოდეგრადირებად პარკებზე; #ახალიამბები #BusinessMediaGeorgia
ისრაელის მოქალაქეების მხრიდან საქართველოში უძრავი ქონების შესყიდვისას იურიდიულ მომსახურებაზე მოთხოვნა გაიზარდა - ამის შესახებ იურისტი გია ფოლადიშვილი აცხადებს. მისი თქმით, ისრაელის მოქალაქეები ინტერესდებიან ქვეყანაში როგორც საცხოვრებელი ისე საინვესტიციო მიზნით უძრავი ქონების შესყიდვით, თუმცა მოთხოვნა განსაკუთრებით ბათუმზეა. #ახალიამბები #BusinessMediaGeorgia
ბოლო თვეებში დაკრედიტების მაღალი ტემპი, განსაკუთრებით უცხოურ ვალუტაში გაზრდილი ბიზნესს სესხები დაასახელა დღეს ეროვნულმა ბანკმა სხვა რისკ-ფაქტორებთან ერთად, მონეტარული პოლიტიკის შერბილებაზე უარის თქმის მიზეზად. სებ-მა დღეს რეფინანსირების განაკვეთი უცვლელად 10%-ზე დატოვა, რადგან მიიჩნია, რომ გაზრდილი გეოპოლიტიკური არასტაბილურობა, საწვავის ბაზარზე არსებული გაუარესებული ტენდენციები და საკრედიტო აქტივობის დაჩქარებით გამოწვეული ძლიერი ერთობლივი მოთხოვნა ინფლაციურ რისკებს ზრდის. #ახალიამბები #BusinessMediaGeorgia
აზოტოვანი სასუქების ექსპორტიდან მიღებული შემოსავლები მკვეთრად შემცირდა. წელს 9 თვეში ექსპორტზე საქართველოდან 123 მლნ დოლარის სასუქები გავიდა, 40.7%-ით ნაკლები გასული წლის 9 თვის მონაცემთან შედარებით, როდესაც აზოტოვანი სასუქების ექსპორტიდან შემოსავლები 207 მლნ დოლარს აღემატებოდა. საქსტატის მონაცემებით, მთავარი საექსპორტო ბაზარი პერუა, სადაც 44.49 მლნ დოლარის პროდუქცია გაიგზავნა. საექსპორტო ბაზრების ტოპ სამეუშია რუმინეთი - 17.9 მლნ-ით და ტანზანია, სადაც საქართველოდან 8.6 მლნ დოლარის აზორტოვანი სასუქები გაიგზავნა. მთავარ საექსპორტო ბაზრებს შორისაა პანამა და ინდოეთი. რა ვითარებაა დღეს აზოტოვანი სასუქების ბაზარზე, როგორ შეიცვალა ფასები და რას ცვლის ქართულ ბაზარზე მსოფლიოში ერთ-ერთი ყველაზე მსხვილი კონგლომერატის ინდორამა ჯგუფის შემოსვლა? სტუმარი: ლევან ბურდილაძე - კორპორაცია "ინდორამას" წევრის სს “რუსთავის აზოტის” გენერალური დირექტორი; #ახალიამბები #BusinessMediaGeorgia
თბილისიდან ეგვიპტის კურორტ შარმ ელ შეიხის მიმართულებით ჩარტერული ფრენები უქმდება. მიზეზი ისრაელში არსებული საომარი მოქმედებებია, რომელმაც მომხმარებელში ეგვიპტის მიმართულებით მოგზაურობაზე შიში გააჩინა. აღნიშნული ინფორმაცია, გუშინ საქმიან დილას ტუროპერატორი კომპანიის პეგას ტურსიტიკ ჯორჯიას გენერალურმა დირექტორმა მიაწოდა. პეგას ტურისტიკ ჯორჯია საქართველოში სწორედ ეგვიპტისა და თურქეთის ტურების შემომტანია. bmg-იმ აღნიშნული ინფორმაციის დასადასტურებლად სამოქალაქო ავიაციის სააგენტოსაც მიმართა. როგორც სააგენტოში გვითხრეს, air kairo-ს მხრიდან ფრენების გაუქმების შესახებ ინფორმაცია სააგენტოში წარდგენილი არ არის. Რა გავლენას მოახდენს აღნიშნული გადაწყვეტილება ქართული ტურისტული კომპანიების საქმიანობაზე და რამდენად საფუძვლიანია მომხმარებელში არსებული შიში? #ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი უცვლელად 10%-ზე დატოვა. მიზეზად სებ-ი გეოპოლიტიკურ ვითარებასა და ადგილობრივ ბაზარზე მოთხოვნის ზრდას ასახელებს. მარეგულირებელი აღნიშნავს, რომ მაღალი გაურკვევლობისა და რისკების გათვალისწინებით, ეროვნული ბანკი ინფლაციის დაბალ დონეზე შენარჩუნებაზეა ორიენტირებული და მკაცრ მონეტარულ პოლიტიკას ინარჩუნებს. როგორია ეროვნული ბანკის არგუმენტები რეფინანსირების განაკვეთის უცვლელად დატოვებაზე და როგორ აფასებენ სებ-ის გადაწყვეტილებას ეკონომისტები? #ახალიამბები #BusinessMediaGeorgia
#ბიზნესსიახლეები bm.ge-სგან / 24.10.2023 ველნეს კურორტი “ბიოლი” განვითარების ახალ ეტაპზე გადადის - ინვესტიცია $13 მლნ-ია; “რუსეთში ექსპორტი ქართული ღვინის ხარისხზე პირდაპირ მოქმედებს” - გიორგი ოქროაშვილი; "ბეკოში" ფასები 5-დან 10%-მდე შევამცირეთ - გენდირექტორი ფაქტორებზე; "სემელე" - ახალი ლიქიორის ბრენდი ქართულ ბაზარზე; "უზუნაშვილის მუკუზნის მარანის“ ღვინოები ექსპორტზე აშშ-სა და გერმანიაში გადის; #ახალიამბები #BusinessMediaGeorgia
წელს საქართველომ ექსპორტზე რეკორდული მოცულობის ელექტროენერგია გაყიდა. წინა წლებისგან განსხვავებით, ექსპორტი სექტემბერშიც განხორციელდა. ჯამში 2023 წლის იანვარ-სექტემბერში ქვეყანამ ექსპორტზე რეკორდული მოცულობის 1,4 მლრდ კვტ.სთ ელექტროენერგია გაიტანა, ექსპორტირებული ელექტროენერგიის თითქმის 89% კი თურქეთზე მოდის. სემეკის თავმჯდომარის შეფასებით, წლევანდელი წელი ექსპორტის მიმართულებით ნამდვილად რეკორდულია. დავით ნარმანია ამბობს, რომ თბოსადგურების ხარჯზე ჯერ ელექტროენერგიის იმპორტის განხორციელების საჭიროება არ დგას. საქართველოს ბიზნეს ასოციაციის აღმასრულებელი დირექტორი ექსპორტის პროცესში მთავარ გამოწვევად ხაზებზე არსებულ შეზღუდვებს მიიჩნევს. თუ საქართველოს და თურქეთის მხარე შეთანხმდება იმ პერიოდში, როცა ჭარბად ხდება ქვეყანაში ელექტროენერგიის გამომუშავება, საქართველოს ბიზნეს ასოციაციის აღმასრულებელი დირექტორი ლევან ვეფხვაძე მიიჩნევს, რომ შესაძლებელია გადადინების სიმძლავრეები გაიზარდოს. #ახალიამბები #BusinessMediaGeorgia
კერძო სექტორი კვლავ კადრებს ეძებს. ბიზნესის თქმით, მათ როგორც მაღალი, ისე დაბალი კვალიფიკაციის სამუშაო ძალის პოვნა უჭირთ. როგორც დამსაქმებელთა ასოციაციასა და პროფკავშირებში აღნიშნავენ, კადრების დეფიციტის ერთ-ერთი მთავარი მიზეზი დაბალი ანაზღაურებაა. BMG-ის კითხვაზე, თუ ვინ არის პასუხისმგებელი, რომ ადამიანების ნაწილს ღირსეული შრომითი პირობები და ანაზღაურება არ აქვს, "საქართველოს დამსაქმებელთა ასოციაციის" პრეზიდენტი თვლის, რომ მხოლოდ კერძო სექტორი არაა და სახელმწიფო პოლიტიკაა ასეთ დროს მნიშვნელოვანია. მისი თქმით, ისეთი პირობები უნდა იყოს შექმნილი, რომ ადამიანებმა საქართველოში დარჩენა გადაწყვიტონ. ჯანდაცვის სამინისტროში კი აცხადებენ, რომ დასაქმების სააგენტოში ამ დროისთვის ათიათასამდე ვაკანსიაა შესული, თუმცა ბიზნესი მხოლოდ დაბალანაზღაურებად სამუშაო ძალას ეძებს, რაც მაღალპროდუქტიული სამუშაო ადგილების შექმნას ხელს ვერ უწყობს. #ახალიამბები #BusinessMediaGeorgia
წელს საქართველომ ექსპორტზე რეკორდული მოცულობის ელექტროენერგია გაყიდა. წინა წლებისგან განსხვავებით, ექსპორტი სექტემბერშიც განხორციელდა. ჯამში 2023 წლის იანვარ-სექტემბერში ქვეყანამ ექსპორტზე რეკორდული მოცულობის 1,4 მლრდ კვტ.სთ ელექტროენერგია გაიტანა, ექსპორტირებული ელექტროენერგიის თითქმის 89% კი თურქეთზე მოდის. რა შემოსავალი მიიღო ქვეყანამ ელექტროენერგიის ექსპორტიდან და დგას თუ არა ქვეყანაში უკვე იმპორტის განხორციელების საჭიროება, რა მაჩვენებლებით დაიხურება წელი და არსებობს თუ არა გამოწვევები ექსპორტის პროცესში? #ახალიამბები #BusinessMediaGeorgia
როგორც ცნობილია, 2018 წლის 1 ოქტომბრიდან საქართველოში გარკვეული სისქის პოლიეთილენის პარკების წარმოება შეწყდა, 2019 წლიდან კი არაბიოდეგრადირებადი პარკების წარმოება, გამოყენება და იმპორტი სრულად აიკრძალა. რეგულაციები 2023 წელსაც გამკაცრდა. თუმცა მიღმა ამისა რეგულაციების ამოქმედებიდან დღემდე არაერთ ბიზნეს სუბიექტს უთქვამს, რომ არაეფექტიანი მონიტორინგის გამო დადგენილი რეგულაციების აღსრულება ვერ ხერხდება. კერძო სექტორის ნაწილი ამბობდა, რომ ბაზარზე პოლიეთილენის აკრძალული პარკები ბიოდეგრადირებადის წარწერით იყიდება, რაც საცალო სექტორში მომუშავეებს შეცდომაში შეყვანას იწვევს. როგორ ამ კუთხით არსებულ მდგომარეობას ბიზნესი? სტუმარი: ბუთა ყარყარაშვილი - კომპანია „გრინერის“ თანადამფუძნებელი, გენერალური მენეჯერი; #ახალიამბები #BusinessMediaGeorgia
ლეგენდარული "წითელი ეშმაკი" - ბობი ჩარლტონი გარდაიცვალა #ახალიამბები #BusinessMediaGeorgia
კერძო სექტორი კვლავ კადრებს ეძებს. ბიზნესის თქმით, მათ როგორც მაღალი, ისე დაბალი კვალიფიკაციის სამუშაო ძალის პოვნა უჭირთ. როგორც დამსაქმებელთა ასოციაციასა და პროფკავშირებში აღნიშნავენ, კადრების დეფიციტის ერთ-ერთი მთავარი მიზეზი დაბალი ანაზღაურებაა. ჯანდაცვის სამინისტროში კი აცხადებენ, რომ დასაქმების სააგენტოში ამ დროისთვის ათიათასამდე ვაკანსიაა შესული, თუმცა ბიზნესი მხოლოდ დაბალანაზღაურებად სამუშაო ძალას ეძებს, რაც მაღალპროდუქტიული სამუშაო ადგილების შექმნას ხელს ვერ უწყობს. გიგა ბენია გვიერთდება დეტალებით. გიგა, რა არის საჭირო მაღალპროდუქტიული სამუშაო ადგილების შესაქმნელად? #ახალიამბები #BusinessMediaGeorgia
Global Pension Index-ის მიხედვით, 2023 წელს ნიდერლანდებმა მსოფლიოში საუკეთესო საპენსიო სისტემის მქონე ქვეყნის ტიტული დაიბრუნა. ინდექსი ყოველწლიურად მსოფლიოს ქვეყნების საპენსიო სისტემებს მათი შესაბამისობის, მდგრადობისა და ყოვლისმომცველობის მიხედვით აფასებს. შესაბამისად, მოხსენებაში იმ ქვეყნების შესახებაც არის ინფორმაცია, რომელთაც ყველაზე ცუდი საპენსიო სისტემა აქვთ. რომელია ეს ქვეყნები და რა ცვლილებებია მოსალოდნელი მსოფლიოს დიდ ეკონომიკის ქვეყნებში? #ახალიამბები #BusinessMediaGeorgia
9 თვეში საქართველოში 3 655 576 ტურისტი შემოვიდა, რაც წლის მონაცემის 91.6% აღდგენაა, 2022 წელთან შედარებით ზრდა +35.2%-ია. სტატისტიკას ტურიზმის ეროვნული ადმინისტრაცია ავრცელებს. ივლისი-სექტემბრის პერიოდში კი 1,725,093 საერთაშორისო ტურისტული ვიზიტი შედგა. სტატისტიკის მიხედვით, I-III კვარტალში ქვეყანაში 5,566,980 საერთაშორისო მოგზაურის ვიზიტი შედგა, რაც პანდემიამდელი პერიოდის მონაცემების 76.9% აღდგენაა, 2022 წელთან შედარებით კი ზრდა 43%-ია. ცნობისთვის, ტურიზმის ეროვნული ადმინისტრაცია სტატისტიკას კვარტალში ერთხელ აქვეყნებს. ამ ეტაპზე უცნობია ყველაზე მეტი ტურისტი საიდან ჩამოვიდა. ვიზიტორების დეტალური სტატისტიკა ქვეყნების მიხედვით უახლოეს მომავალში გახდება ცნობილი. ტურიზმის სამი კვარტლის შედეგები მთავრობის სხდომის შემდეგ ეკონომიკის მინისტრმა ლევან დავითაშვილმა შეაფასა და ჟურნალისტების კითხვებსაც უპასუხა. #ახალიამბები #BusinessMediaGeorgia
#ბიზნესსიახლეები bm.ge-სგან / 23.10.2023 საქართველო ბოთლის ღვინის ექსპორტიორ TOP-15 ქვეყანას შორისაა; "მეამას" ფრენშიზი აზერბაიჯანში გაიხსნება, შემდგომ გერმანიასა და ავსტრიაში“ – CEO; ჩვენი პროდუქტით კოსმოსური სააგენტოები დაინტერესდნენ - ვამეხ ხერხეულიძე; „ბადაგონის ღვინოზე მოთხოვნა 35 საექსპორტო ქვეყანაში გაზრდილია“ - “ბადაგონი”; „ჟოლის“ პროდუქცია საქართველოს ბაზარზე გამოჩნდება; #ახალიამბები #BusinessMediaGeorgia
9 თვეში საქართველოში 3 655 576 ტურისტი შემოვიდა, რაც წლის მონაცემის 91.6% აღდგენაა, 2022 წელთან შედარებით ზრდა +35.2%-ია. სტატისტიკას ტურიზმის ეროვნული ადმინისტრაცია ავრცელებს. ივლისი-სექტემბრის პერიოდში კი 1,725,093 საერთაშორისო ტურისტული ვიზიტი შედგა. სტატისტიკის მიხედვით, I-III კვარტალში ქვეყანაში 5,566,980 საერთაშორისო მოგზაურის ვიზიტი შედგა, რაც პანდემიამდელი პერიოდის მონაცემების 76.9% აღდგენაა, 2022 წელთან შედარებით კი ზრდა 43%-ია. ცნობისთვის, ტურიზმის ეროვნული ადმინისტრაცია სტატისტიკას კვარტალში ერთხელ აქვეყნებს. ამ ეტაპზე უცნობია ყველაზე მეტი ტურისტი საიდან ჩამოვიდა. ვიზიტორების დეტალური სტატისტიკა ქვეყნების მიხედვით უახლოეს მომავალში გახდება ცნობილი. ტურიზმის სამი კვარტლის შედეგები მთავრობის სხდომის შემდეგ ეკონომიკის მინისტრმა ლევან დავითაშვილმა შეაფასა და ჟურნალისტების კითხვებსაც უპასუხა. #ახალიამბები #BusinessMediaGeorgia
დავით ხიდაშელის კომპანიისთვის გადაცემულ რაჭის ტყეებს, სავარაუდოდ , სახელმწიფო დაიბრუნებს - ამის შესახებ განცხადება გარემოს დაცვისა და სოფლის მეურნეობის მინისტრმა დღეს ჟურნალისტებთან გააკეთა. როგორც შამუგია ამბობს, ტყისთვის დაცული ტერიტორიის სტატუსის მინიჭება განიხილება და ის მართვაში ადგილობრივ მუნიციპალიტეტს გადაეცემა, რაც ლიცენზიის გაუქმებას გამოიწვევს. Რას ამბობს მთავრობა, რა არგუმენტები აქვთ ლიცენზიანტ "ეიჩ ჯი კაპრა კაუკასიკაში" სამინისტროს ბრალდებაზე და რას ითხოვს კომპანია, , რომელსაც გასულ წელს სახელმწიფომ 104,712 ჰექტარი ტყის ფართობი 49 წლის ვადით სალიცენზიო სარგებლობაში გადასცა. #ახალიამბები #BusinessMediaGeorgia
2023 წლის მესამე კვარტალში, წინა კვარტალთან შედარებით საცხოვრებელი უძრავი ქონება 5.5%-ით გაძვირდა, წლიური ზრდა 15.6%-ია. ინფორმაციას სტატისტიკის ეროვნული სამსახური ავრცელებს. ფასების ზრდა როგორც საცხოვრებელი ბინების სეგმენტში, ისე კერძო სახლების სეგმენტში დაფიქსირდა. რაც შეეხება უვნებს. ახალაშენებული საცხოვრებელი ბინა ყველაზე ძვირი მთაწმინდაზე ღირსი, საშუალო ფასი კვადრატულ მეტრზე 5314 ლარია. შემდეგ მოდის ვაკე, საბურთალო და ჩუღურეთი. ბინის შეძენა ყველაზე იაფი გლდანში, ისანსა და სამგორშია. მესამე კვარტალში მეტრ კვადრატზე საშუალოდ 4049 ლარის გადახდა იყო საჭირო კერძო სახლის შესაძენად მთაწმინდაზე. მას აქაც ვაკე-საბურთალო მოსდევს, მეოთხე ადგილზე კი დიდუბეა. კერძო სახლები ყველაზე იაფი კრწანისში, სამგორსა და გლდანში იყო. რა ტენდენციაა უძრავი ქონების ბაზარზე? კვლავ რჩება თუ არა სექტორში მიგრანტების ეფექტი და რა მოლოდინები აქვს კერძო სექტორს? სტუმარი: ნატალია მოდებაძე - Mode Real Estate-ის დამფუძნებელი; #ახალიამბები #BusinessMediaGeorgia
გაურკვევლობა ენერგეტიკული ბაზრის ლიბერალიზაციის რეფორმაში - საქართველოს მთავრობის გადაწყვეტილებით, გეოპოლიტიკური რისკების გათვალისწინებით, ბირჟის გაშვება მეექვსედ, ამჯერად მომავალი წლის 1 ივლისამდეა გადავადებული. ხარჯების დაზოგვის მიზნით, ეკონომიკის სამინისტრო გეგმავს, ელექტროენერგეტიკის და გაზის ბაზრები ერთად გახსნას, განხილვაშია ბირჟაზე ნებაყოფლობით ვაჭრობის პრინციპის შემოტანაც. რა იცვლება ენერგეტიკის ბაზრის ლიბერალიზაციის რეფორმაში? #ახალიამბები #BusinessMediaGeorgia
კლიმატური ცვლილებებით გამოწვეულ რისკებთან საბრძოლველად საქართველოს განვითარებული ქვეყნების მხარდაჭერა დასჭირდება - ამის შესახებ განცხადება კლიმატის მწვანე ფონდის აღმასრულებელმა დირექტორმა მაფალდა დუარტემ თბილისში კლიმატის მწვანე ფონდის 37-ე საბჭოს შეხვედრაზე გააკეთა. GCF-ის საბჭოს 37-ე შეხვედრის ფარგლებში, მნიშვნელოვანი პოლიტიკური და ტექნიკური გადაწყვეტილებები უნდა მიიღონ, რაც განვითარებად ქვეყნებში ფინანსების გადანაწილების საკითხებს ეხება. რა ეკონომიკური ეფექტი აქვს კლიმატური ცვლილებებიდან გამოწვეულ ნეგატიურ შედეგებს? რა უნდა გააკეთოს საქართველომ იმისთვის, რომ გამოწვევები შეამციროს ან თავიდან აიცილოს? #ახალიამბები #BusinessMediaGeorgia
ქართველები მადრიდის "რეალის" წინააღმდეგ #ახალიამბები #BusinessMediaGeorgia
#ბიზნესსიახლეები bm.ge-სგან / 20.10.2023 საქართველოდან რუსეთში ლიმონათების და გაზიანი სასმელების ექსპორტი რეკორდულად გაიზარდა; შესაძლოა, ინდოეთიც იყოს პრიორიტეტული ბაზარი ქართული ღვინისთვის - Schuchmann Wines; „ადგილობრივი მწარმოებლების მიმართ რითეილერები მაქსიმალურად ლოიალურები ვართ“ - გიორგი ხაბაშვილი; „ჟოლი“ პირველ ექსპორტს აშშ-ში იანვრის დასაწყისში განახორციელებს; "რაჭაში ზოგიერთი ვენახი სრულად განადგურდა, რომელიც გადარჩა იქ ხარისხი ძალიან კარგი იყო" - მეღვინე; #ახალიამბები #BusinessMediaGeorgia
საკანონმდებლო ორგანოში საგარეო საქმეთა მინისტრის მოსმენა დასრულდა. ირაკლი დარჩიაშვილი პარლამენტში ინტერპელაციის წესით ოპოზიციამ დაიბარა. დეპუტატებს აინტერესებდათ, ჩინეთთან გაფორმებული სტრატეგიული პარტნიორობის შემდეგ, იცვლება თუ არა ქვეყნის საგარეო ვექტორი. როგორც დარჩიაშვილმა პარლამენტში განაცხადა, ჩინეთთან გაფორმებული შეთანხმება ორმხრივი ურთიერთობების გაღრმავებას და საქართველო-ჩინეთს შორის ეკონომიკური კავშირების გაძლიერებას ემსახურება. #ახალიამბები #BusinessMediaGeorgia
აფთიაქებში ელექტრონული რეცეპტის გარეშე მედიკამენტები ისევ იყიდება. ფარმაცევტული კომპანიების წარმომადგენელთა ასოციაციის ხელმძღვანელის განცხადებით, წამლების რეცეპტით გაცემის იმპლემენტაცია ბოლომდე ვერ სრულდება. მოქალაქეთა ნაწილს ექიმთან ვიზიტის ან შესაძლებლობა არ აქვს ან სურვილი, დამატებითი ხარჯი გაწიოს. ირაკლი მარგველაშვილი საზოგადოების ცნობიერების ამაღლების და მონიტორინგის გამკაცრების საჭიროებაზე საუბრობს,. ექსპერტთა ნაწილი კი სხვა პრობლემაზე მიანიშნებს, რაც ფარმაცევტულ კომპანიებსა და კლინიკებს შორის არსებულ გარიგებას უკავშირდება. როგორ მუშაობს ქვეყანაში ელექტრონული რეცეპტების სისტემა და რა უშლის ხელს რეგულაციის იმპლემენტაციას? #ახალიამბები #BusinessMediaGeorgia
ქვეყანაში რძის ნაწარმის ნაწილი კვლავ მცენარეული ცხიმების შერევით იყიდება. საქართველოს სტრატეგიული კვლევებისა და განვითარების ცენტრი რძის ნაწარმზე ლაბორატორიულ კვლევებს იწყებს. ცენტრის მომხმარებლის უფლებების დაცვის პროგრამის ხელმძღვანელის განცხადებით, პრობლემა თითქმის ყველა რეგიონის ბაზრობებსა და ბრენდირებულ სუპერმარკეტებშია. როგორც ვახტანგ კობალაძე აღნიშნავს, სურსათის ეროვნულ სააგენტოს ობიექტების შესამოწმებლად საკმარისი რესურსი არ აქვს და წელიწადში მხოლოდ 100 ნიმუში მოწმდება, რაც საკმარისი არ არის. რა ვითარებაა ბაზარზე და რატომ ითხოვს კერძო სექტორის ნაწილი კონტროლის გამკაცრებას და ცნობიერების ამაღლების კამპანიის გააქტიურებას #ახალიამბები #BusinessMediaGeorgia
სახალხო არტისტი, რომლის ვინაობაც უცნობია - “ბენქსი” ურბანული ლეგენდობიდან მეინსტრიმამდე #ახალიამბები #BusinessMediaGeorgia
სლეშ ჰორორის კლასიკის, “ხერხის” მეათე ნაწილი გამოვიდა #ახალიამბები #BusinessMediaGeorgia