1 ივლისიდან ბიზნესისთვის ახალი რეგულაცია შედის ძალაში. საუბარია იმ ბიზნესსუბიექტებზე, რომლებიც აირზე მომუშავე მოწყობილობების რეალიზაციას ახორციელებენ. შესაბამისი ტექნიკური რეგლამენტის მიხედვით, ბაზარზე მხოლოდ ის მოწყობილობები გაიყიდება, რომელიც აღნიშნული რეგულაციის შესაბამისად იქნება ნაწარმოები. იმ მწარმოებელ კომპანიებს, რომლებიც ქართულ ბაზარს წყლის გამაცხელებლებს, გათბობის ქვამბებს და გაზქურებს აწვდიან, 1 ივლისიდან აღნიშნულ ტექნიკაზე გარკვეული ტექნიკური დოკუმენტაციის მომზადება და შესაბამისობის შეფასება მოუწევთ. თუ რეგლამენტით ტექნიკა პროცედურას გაივლის, მწარმოებელი ვალდებულია შესაბამისობის დეკლარაცია შეადგინოს. მსგავსი ვალდებულება როგორც ტექნიკაზე, ისე საამწყობრო ნაწილებზე ვრცელდება. კერძო სექტორი ამბობს, რომ ბაზარზე რეგლამენტის შესაბამისად ნაწარმოები პროდუქცია არ არსებობს, შესაბამისად თუ რეგულაციის გადავადება არ მოხდება, გამოდის ბაზარი მომხმარებლისთვის საჭირო ტექნიკის გარეშე დარჩება. რა პრობლემას ქმნის ახალი რეგულაცია და რაში ხედავს გამოსავალს ბიზნესი #ახალიამბები #BusinessMediaGeorgia
„სპორტის სასახლის მიმდებარე ტერიტორიაზე, თუ ავტობუსის ზოლში გაჩერდება ავტომანქანა, ის დაჯარიმდება“, - ამის შესახებ დედაქალაქის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა. მისი თქმით, აღნიშნული ტერიტორია ერთ-ერთი პრობლემური სატრანსპორტო მონაკვეთია, რადგან აქ ფუნქციონირებს „მაკდონალდსის“ „დრაივი“ და პიკის საათებში მომლოდინე ავტომანქანების რიგი დგება. თბილისის მერის თქმით, მძღოლების ინფორმირებულობის მიზნით, აღნიშნულ მონაკვეთზე ინსპექტორი იმუშავებს. თბილისის მთავრობის სხდომაზე, კოოპერატიული ბინათმშენებლობებით დაზარალებულთა პრობლემაზეც ისაუბრეს, დაისვა კითხვა, რატომ უნდა დაინტერესდეს ბიზნესი ბინათმშენებლობების პროგრამით? #ახალიამბები #BusinessMediaGeorgia
I კვარტალში საქართველოში უცხოური ინვესტიციები 28.3%-ით შემცირდა. საქსტატმა 2021 წლის პირველი კვარტლის მდგომარეობით პირდაპირი უცხოური ინვესტიციების სტატისტიკა გამოაქვეყნა. დოკუმენტის თანახმად, საქართველოში FDI-ის სახით მხოლოდ $125.4 მილიონი შემოვიდა, რაც წინა წელთან შედარებით 28.3%-ით ნაკლებია. მნიშვნელოვანია გარემოება, რომ ინვესტიციების მოცულობა თავისმხრივ 2020 წლის შედეგებს დარდება, 2020 წელს კი FDI პანდემიის გამო განახევრდა, შესაბამისად 2021 წელს ინვესტიციების კიდევ უფრო მკვეთრი შემცირება გაგრძელდა. #ახალიამბები #BusinessMediaGeorgia
პანდემიურ რეალობაში რაჭაში, კურორტ უწერაში ახალი სასტუმრო მანინო იხსნება, რომელიც სტუმრების მიღებას 15 ივნისიდან შეძლებს. სასტუმრო სრულად ქართული ინვესტიციით აშენდა და საერთო ჯამში 14 ნომერი გააერთიანა. როგორც სასტუმროს დამფუძნებლები გვიყვებიან, მანინოში 21 ადგილობრივი დასაქმდა. ვისზე არის გათვლილი სასტუმრო და რა გამოარჩევს მას რეგიონში არსებული სასტუმროებისგან? #ახალიამბები #BusinessMediaGeorgia
215 000 ძირი მწვანე ნარგავი, რეაბილიტირებული 1 000 სკვერი, 15 პარკი და 60 გზაგამყოფი კუნძული; - ეს არის სამუშაოების ნაწილი, რომელიც თბილისის მერიამ გამწვანების და გარემოს დაცვის მიმართულებით 3 წლის განმავლობაში ჩაატარა. მერიამ საზოგადოებას თბილისის გარემოს დაცვის პოლიტიკის მიმართულებით განხორციელებულ პროექტებზე ანგარიში დღეს წარუდგინა. ერთ-ერთი პრეზენტატორი დედაქალაქის მერის მოადგილე ანდრია ბასილაია იყო. სტუმარი: ანდრია ბასილაია - დედაქალაქის მერის მოადგილე ; #ახალიამბები #BusinessMediaGeorgia
მერძევეობის დარგში ცუდი ამბებია და თუ სიღრმისეულად არ მიეხედა, პროცესები შეუქცევად ხასიათს იღებს”, - ამ შინაარსის განცხადება სოციალურ ქსელში არასამთავრობო ორგანიზაცია “მომავლის ფერმერის” ხელმძღვანელმა რუსუდან გიგაშვილმა გააკეთა. მისივე ინფორმაციით, „მაღალპროდუქტიული ჯიშის მერძეული ფერმები ერთმანეთის მიყოლებით იკეტებიან ან წარმოებას ანახევრებენ“. „შირაქი“, რომელიც ქვეყანას ყოველდღიურად 4-4.5 ტონა რძეს აწვდიდა და დარგის ერთ-ერთი ძირითადი მოთამაშე იყო, ბაზრიდან გადის. 400-სულიანი ჰოლშტეინის ჯიშის მერძეული ფერმიდან ნიკოლოზ ბენიაიძე მხოლოდ 20-30 სულს იტოვებს, დანარჩენს ყიდის. რა პრობლემები აქვთ ფერმერებს და რას აცხადებენ სამინისტროში?! #ახალიამბები #BusinessMediaGeorgia
"დედაქალაქში აღარ ხორციელდება არც ერთი ინფრასტრუქტურული პროექტი, არ გაიცემა არც ერთი ნებართვა მშენებლობაზე, თუკი გარემოს დაცვის სტანდარტები უმაღლეს დონეზე არ არის დაცული", - ამის შესახებ თბილისის მერმა კახა კალაძემ განაცხადა. მან დღეს საზოგადოებას თბილისის გარემოს დაცვის პოლიტიკის მიმართულებით განხორციელებულ პროექტებზე ანგარიში წარუდგინა. როგორც კალაძემ აღნიშნა თბილისის ეკოლოგიური მდგომარეობა ერთ-ერთი სერიოზული პრობლემა იყო, როცა დედაქალაქის მერი გახდა. კალაძე ირწმუნება, რომ განვლილი 4 წლის განმავლობაში დედაქალაქში ძალიან მნიშვნელოვანი და წარმატებული რეფორმები განხორციელდა. რა პროექტების განხორციელება დააანონსა თბილისის მერმა? #ახალიამბები #BusinessMediaGeorgia
მასობრივი ვაქნაცია უახლოეს მომავალში დაიწყება. ჯანდაცვის მინისტრის მოადგილე, თამარ გაბუნია აცხადებს, რომ მზაობა არსებობს და გეგმა რეალურია. მისი თქმით, ეს ქვეყანას მისცემს საშუალებას, რომ სექტემბრის ბოლომდე მოზრდილი მოსახლეობის 18% აცრილი იყოს. საკოორდინაციო საბჭოს დასრულების შემდეგ, ცნობილი გახდა, რომ ქვეყნის მასშტაბით ვაქცინაციის ცენტრები მოეწყობა და კონკეტულ სივრცეებთან დაკავშირებით გადაწყვეტილებაც მიღებულია… #ახალიამბები #BusinessMediaGeorgia
ლარი 0.7 თეთრით გაუფასურდა. დღევანდელი ვაჭრობის შედეგად 1 დოლარის ოფიციალური ღირებულება 3.15 ლარი გახდა. ეროვნული ვალუტა, გაუფასურდა ევროსთან მიმართებითაც, 1 ევროს ფასი 3 ლარი და 83 თეთრი გახდა. ლარის კურსთან დაკავშირებით განცხადებები გაკეთდა საკანონმდებლო ორგანოში, სადაც ენერგეტიკის სექტორში დაგეგმილ ცვლილებებზე მსჯელობდნენ. #ახალიამბები #BusinessMediaGeorgia
სამთავრობო პროგრამის მიმდინარეობის შესრულების შესახებ ანგარიში, რომელიც 2020 წლის ივნისიდან 2021 მაისის ჩათვლით პერიოდს მოიცავს უკვე პარლამენტშია. 150-გვერდიანი დოკუმენტი საკანონმდებლო ორგანოს ვებგვერდზე რამდენიმე საათის წინ აიტვირთა. პარლამენტის წინაშე კი, პრემიერი ირაკლი ღარიბაშვილი მოხსენებით საგაზაფხულო სესიის ბოლო კვირაში ანუ ივნისის ბოლოს წარსდგება. #ახალიამბები #BusinessMediaGeorgia
ეკონომიკის მინისტრის ნათია თურნავას განცხადებით, ერთი კვირის წინ, საქართველოს მთავრობის მიერ სახმელეთო საზღვრების გახსნის შესახებ მიღებული გადაწყვეტილებით ტურისტული ნაკადები გაიზარდა. „აღდგა სარკინიგზო სამგზავრო მიმოსვლა სომხეთსა და საქართველოს შორის. 15 ივნისს ერევანი-ბათუმის მიმართულებით თბილისის გავლით პირველი მატარებელი დაიძრება, რაც იმას ნიშნავს, რომ ჩვენი მეზობელი სახელმწიფოდან საქართველოს ტურისტები ტრადიციულად ესტუმრებიან.” - განაცხადა თურნავამ. მისივე ინფორმაციის, კომენდანტის საათის შეზღუდვა ძალაში რჩება. რით ხსნის ამ გადაწყვეტილებას მთავრობა და რა კითხვები დაისვა მთავრობის სხდომის შემდეგ გამართულ ბრიფინგზე? #ახალიამბები #BusinessMediaGeorgia
ლარი 7 თეთრით გამყარდა. დღევანდელი ვაჭრობის შედეგად, ერთი დოლარის ოფიციალური ღირებულება 3 ლარი და 15 თეთრი გახდა. ლარი გამყარდა ევროსთან მიმართებითაც 8 თეთრით, შესაბამისად 1 ევროს ფასი 3 ლარი და 84 თეთრია. ინფორმაციისთვის ბლუმბერგის სავაჭრო სისტემაში, ვაჭრობა 3.10 ნიშნულზე დაიხურა. რატომ მყარდება ლარი? სტუმარი: დავით სონღულაშვილი - პარლამენტის დარგობრივი ეკონომიკის და ეკონომიკური პოლიტიკის კომიტეტის თავმჯდომარე. #ახალიამბები #BusinessMediaGeorgia
„ენერგეტიკის სამინისტროს გაუქმება ცუდი გადაწყვეტილება იყო. ის უნდა აღდგეს“, - ეს განცხადება bm.ge-ის მთავარ რედაქტორთან, თელარა გელანტიასთან ინტერვიუში კომპანია „ფერის“ აღმასრულებელმა დირექტორმა გააკეთა. ვინ წარმოუდგენია ლაშა იორდანიშვილს მინისტრად და რამდენად აქტიურად აყენებს დარგი გაუქმებული სამინისტროს აღდგენის საკითხს? ლაშა იორდანიშვილი - კომპანია „ფერის“ აღმასრულებელი დირექტორი #ახალიამბები #BusinessMediaGeorgia
საქართველოში ბოლო წლებში რეკორდულად მაღალი - 7.7%-იანი წლიური ინფლაცია დაფიქსირდა. საქსტატმა მაისის ინფლაციის ანგარიში დღეს გამოაქვეყნა. დოკუმენტის თანახმად, გასული თვის განმავლობაში ფასების ყველაზე მაღალი 17.4%-იანი ზრდა ტრანსპორტის ჯგუფში დაფიქსირდა, რისი მთავარი მიზეზიც საწვავის გაძვირება იყო. რა გაძვირდა და რა მოლოდინებია ქვეყანაში? #ახალიამბები #BusinessMediaGeorgia
საქართველოში ბოლო წლებში რეკორდულად მაღალი - 7.7%-იანი წლიური ინფლაცია დაფიქსირდა. საქსტატმა მაისის ინფლაციის ანგარიში დღეს გამოაქვეყნა. დოკუმენტის თანახმად, გასული თვის განმავლობაში ფასების ყველაზე მაღალი 17.4%-იანი ზრდა ტრანსპორტის ჯგუფში დაფიქსირდა, რისი მთავარი მიზეზიც საწვავის გაძვირება იყო. #ახალიამბები #BusinessMediaGeorgia
კომუნიკაციების კომისია საქართველოში მოქმედ მობილურ ოპერატორებს აკრიტიკებს. 2020 წლის ანგარიშში კახა ბექაურის უწყება მიუთითებს, რომ კომპანიები საკმაოდ მაღალი მარჟებით ოპერირებენ. მარეგულირებელი კომისია თავად აღნიშნავს, რომ მობილური მომსახურებების ბაზარზე კონკურენცია შეზღუდულია - გამოსავალს კი ბაზარზე ვირტუალური მობილური ოპერატორების განვითარებაში ხედავს. კომუნიკაციების კომისიის განცხადებებს საქმის კურსის მეშვეობით თავად მობილური ოპერატორებიც პასუხობენ. #ახალიამბები #BusinessMediaGeorgia
ლარი გამყარდა. დღევანდელი ვაჭრობის სედეგად, 1 დოლარის ოფიციალური ღირებულება 3 ლარი და 22 თეთრია. Ლარი 0.3 თეთრით გამყარდა. 0.5 თეთრით გამყარდა ლარი ევროსთან მიმართებით და 1 ევროს ფასი 3.92 ლარი გახდა. რა შეფასებებს აკეთებს ბიზნესი და კერძო სექტორი? #ახალიამბები #BusinessMediaGeorgia
ტიტანიკსაც" დადებითად აფასებდნენ, სანამ არ ჩაიძირა" , "ლარის კურსის აქეთ-იქით ქანაობა ბიზნესზე ძალიან ცუდად მოქმედებს,„თქვენი სიჩუმით მე და ბადრი ჯაფარიძე 12-წლიან ბრალზე გაგვიშვით“ -ეს იმ განცხადებების ნაწილია, რომელიც დღეს საფინანსო -საბიუჯეტო კომიტეტზე დეპუტატების მხრიდან ეროვნული ბანკის პრეზიდენტის მისამამართით ისმოდა. საფინანსო საბიუჯეტო კომიტეტის სხდომაზე დღეს ეროვნული ბანკის პრეზიდენტმა კობა გვენეტაძემ 2020 წლის საქმიანობის ანგარიში წარადგინა. საკომიტეტო მოსმენაზე ძირითადად ლარის კურსზე, ინფლაციაზე და ეროვნული ბანკის პასუხისმგებლობაზე ისაუბრეს… #ახალიამბები #BusinessMediaGeorgia
კორონავირუსის პანდემიით გამოწვეული ზიანის შესამსუბუქებლად დედაქალაქის მერია რესტორნების შემდეგ 5000-5000 ლარით ბავშვთა დაბადების დღის ცენტრებსაც დაეხმარება. ამის შესახებ კახა კალაძემ დედაქალაქის მთავრობის სხდომაზე განაცხადა. სტუმარი: გიორგი ხარებაშვილი - ბავშვთა გასართობი ცენტრის "ქენდი ლენდის" დამფუძნებელი #ახალიამბები #BusinessMediaGeorgia
კორონავირუსის პანდემიით გამოწვეული ზიანის შესამსუბუქებლად დედაქალაქის მერია რესტორნების შემდეგ 5000-5000 ლარით ბავშვთა დაბადების დღის ცენტრებსაც დაეხმარება. ამის შესახებ კახა კალაძემ დედაქალაქის მთავრობის სხდომაზე განაცხადა. #ახალიამბები #BusinessMediaGeorgia
სილქნეტი SAS-თამ პარტნიორობას იწყებს. SAS-ი მსოფლიოს ლიდერი კომპანიაა მომხმარებლის მონაცემთა ანალიტიკის სფეროში. ხელშეკრულების თანახმად, საერთაშორისო კომპანია სილქნეტს უზრუნველყოფს მომხმარებლის მონაცემთა ანალიზზე დაფუძნებული ახალი სისტემებით. ამასთან ერთად, სილქნეტის კორპორაციულ კლიენტებს - სხვადასხვა ბიზნესს და ორგანიზაციას შესაძლებლობა ექნება ისარგებლოს Sas-ის მომსახურებით. ეს იქნება ციფრული ხიდი საქართველოსა და ამერიკას შორის - ამბობს სილქნეტის სამეთვალყურეო საბჭოს თავმდჯომარე. მხარეებს შორის შესაბამის ხელშეკრულებას დღეს მოეწერა ხელი.
“სატრანსპორტო რეფორმა რომ დასრულდება, თბილისის დადგება სხვა ევროპული დედაქალაქების გვერდით”- ასე შეაჯამა თბილისის მერმა კახა კალაძემ 3-წელიწადნახევრის განმავლობაში დედაქალაქის მთავრობის მიერ სატრანსპორტო კუთხით გატარებული ნაბიჯები. სატრანსპორტო პოლიტიკის პრეზენტაცია თბილისის მერიამ სწორედ დღეს გამართა. პარკირებისა და ტაქსების რეფორმა, ახალი ავტობუსები და მიკროავტობუსები, ბას ლეინები, ახალი საავტობუსო ქსელები, საბაგიერობის მშენებლობა - ეს ის ცვლილებებია, რომლებიც 2017 წლიდან დღემდე კალაძის მთავრობამ უკვე განახორციელა. დაგეგმილი და განხორციელებული პროექტების შესახებ კალაძემ მედიასთანაც ისაუბრა. #ახალიამბები #BusinessMediaGeorgia
შერეული მობილური პაკეტების ფასები საქართველოში, საერთაშორისო ფასების საშუალოზე მაღალია - ამის შესახებ კომუნიკაციების კომისიის 2020 წლის ანგარიშში ვკითხულობთ. ამ ჭრილზე კომისია საქართველოში მოქმედ მობილურ ოპერატორებს - მაგთიკომს და სილქნეტს - აკრიტიკებს და მიუთითებს, რომ 2020 წლის ივნისში ჩატარდა მობილური ხმოვანი მომსახურების საცალო ბაზრის კვლევა, რა დროსაც დადგინდა, რომ მობილური მომსახურებების ბაზარზე კონკურენცია შეზღუდულია. კომუნიკაციების კომისია აღნიშნავს, რომ ამ პრობლემის მოგვარება შესაძლებელია ბაზარზე ვირტუალური მობილური ოპერატორების დაშვებით, რომელიც კონკურენციას გაზრდის. ვირტუალური მობილური ოპერატორები ისეთი კომპანიებია, რომლებსაც არ გააჩნიათ საკუთარი ქსელი და სხვა კომპანიის ინფრასტრუქტურას იყენებენ. საკუთარ ქსელზე მსგავსი ოპერატორების დაშვების ვალდებულება 2020 წლიდან აქვთ ბილაინს, მაგთისა და სილქნეტს, რასაც კომპანიების ნაწილი ეწინააღმდეგება. გასული წლიდან კომუნიკაციების კომისიამ ასევე აუკრძალა მობილურ ოპერატორებს ტარიფები კომუნიკაციების კომისიის თანხმობის გარეშე გააძვირონ. კომუნიკაციების კომისია კომპანიებს ასევე საყვედურობს, რომ მაღალი მარჟებით საქმიანობენ, თუმცა, ამის პარალელურად მობილური კომპანიების 2020 წლის შემოსავლებსაც გადავავლოთ თვალი. კომუნიკაციების კომისიის წლიური ანგარიშის მიხედვით, 2020 წელს ტელეკომ-ოპერატორების მიერ მიღებული ჯამური შემოსავალი მილიარდ 153 მლნ ლარი იყო, რაც 2019 წელთან შედარებით 32 მილიონი ლარით ნაკლებია. კრიტიკის მიუხედავად, როგორც ჩანს, არც მობილურ ოპერატორებს ულხინთ. #ახალიამბები #BusinessMediaGeorgia
საცობები, გადატვირთული საზოგადოებრივი ტრანსპორტი, შეცვლილი სატრანსპორტო სქემები, არასაკმარისი საპარკინგე ადგილები - ეს იმ პრობლემების ჩამონათვალია, რომელთა გამოც თბილისის მერიის სატრანსპორტო პოლიტიკას აკრიტიკებენ. 2017 წლიდან, მას შმედეგ, რაც მერიაში კალაძის გუნდი მივიდა, ცვლილებები ბევრი მიმართულებით დავინახეთ და საკუთარ თავზე შევიგრძენით კიდეც. თითქმის 4-წლიანი მუშაობის შედეგები თბილისის მთავრობამ საზოგადოებას დღეს წარუდგინა. სტუმარი: მაია ბითაძე - პარლამენტის თავმჯდომარის პირველი მოადგილე. #ახალიამბები #BusinessMediaGeorgia
სილქნეტი SAS-თან პარტნიორობას იწყებს. SAS-ი მომხმარებლის მონაცემთა ანალიტიკის სფეროში მსოფლიოს ლიდერი კომპანიაა. პარტნიორობის ფარგლებში, სილქნეტი SAS-თან ერთად საშუალებას მისცემს საქართველოს ბიზნეს კომპანიებს და ორგანიზაციებს დანერგონ მონაცემებზე დაფუძნებული ყველაზე თანამედროვე პროცესები. რა უპირატესობები აქვს ამ პარტნიორობას და რა სარგებელს მიიღებს მომხმარებელი აღნიშნული გადაწყვეტილებით? #ახალიამბები #BusinessMediaGeorgia
საქართველოს ენერგოდამოკიდებულება მეზობელ ქვეყნებზე წლიდან-წლამდე იზრდება, რამდენადაც ქვეყანა საკმარის ელექტროენერგიას ვერ გამოიმუშავებს და დეფიციტს ნაყიდი ელექტროენერგიით ივსებს. გარდა იმისა, რომ ახალი გენერაციის წყაროების მშენებლობას საზოგადოების ნაწილი აპროტესტებს, ენერგეტიკის დარგს საქართველოში პრობლემები სხვა მიმართულებებითაც აქვს და ამის უტყუარი მაჩვენებელია პირდაპირი უცხოური ინვესტიციები, რომელიც 2020 წელს მკვეთრად შემცირდა. ჩამოთვლილ პრობლემებთან ერთად ერთ-ერთ ხელისშემშლელ ფაქტორად ენერგო კომპანია “ფერის” ხელმძღვანელი გარანტირებული შესყიდვის მექანიმიზმის გაუქმებას ასახელებს და მის აღდგენას ითხოვს. ე.წ. PPA ნიშნავს, რომ სახელმწიფო კონკრეტულ კომპანიასთან დებს ხელშეკრულებას და წინასწარ იღებს ვალდებულებას, რომ წლის განმავლობაში კონკრეტული დროის შუალედში კონკრეტულ ფასად, კონკრეტული მოცულობის ელექტროენერგიას შეისყიდის. ეს კი კომპანიისთვის, რომელიც ჰესს მართავს, გარკვეული გარანტიაა. გარანტირებული შესყიდვის მექანიზმზე 2017 წელს მორატორიუმი გამოცხადდა, ეს სავალუტო ფონდის რეკომენდაცია იყო, რადგანაც IMF-მა ფისკალური რისკები დაინახა. სტუმარი: გიორგი აბრამიშვილი - “განახლებადი ენერგიების განვითარების ასოციაციის აღმასრულებელი დირექტორი #ახალიამბები #BusinessMediaGeorgia
აპრილში საქართველოში დაფიქსირებული თითქმის 45%-იანი ეკონომიკური ზრდა მთავრობის დღევანდელ სხდომაზე ერთ-ერთი მთავარი თემად იქცა. მშპ-ს ზრდა ძირითადად საბაზო ეფექტით არის გამოწვეული, რადგან 2020 წლის აპრილში ქვეყანა ფაქტობრივად სრულად იყო ჩაკეტილი და ეკონომიკაც 16.6%-ით შემცირდა: ეს არის “ზამბარის ეფექტი", ლოქდაუნით შეკუმშული ეკონომიკა შეზღუდვების შერბილების ფონზე მკვეთრად გაიშალა - ასეთია პარლამენტის საფინანსო-საბიუჯეტო კომიტეტის ხელმძღვანელის განმარტება. ირაკლი კოვზანაძე დამშვიდების საფუძველს ვერ ხედავს, თუმცა, ეკონომიკის ზრდის მაღალმა მაჩვენებლმა როგორც ჩანს, ხელისუფლებას თამამი ნაბიჯებისკენ უბიძგა - მთავრობა 2021 წლის ეკონომიკური ზრდის სამიზნე მაჩვენებელს 4.3%-დან 6.5%-მდე ზრდის. #ახალიამბები #BusinessMediaGeorgia
ბრენდ Stolichnaya-ს სავაჭრო ნიშნის გამოყენების შესახებ დავა უზენაეს სასმართლოში გრძელდება. საქმემ ორი ინსტანცია გაიარა და სასამართლოების გადაწყვეტილებით, დაკმაყოფილდა რუსეთის ფედერაციის სახელმწიფო სახაზინო საწარმო „სოიუზპლოდოიმპორტის“ სარჩელი, რომლის საფუველზეც გაუქმდა SPI ჯგუფის ინტელექტუალური საკუთრება საქართველოში. SPI ჯგუფი, რომელიც ბაზირებულია ლუქსემბურგში და წარმოდგენილია მსოფლიოს მასშტაბით 170-ზე მეტ ბაზარზე, არის ღვინისა და სპირტიანი სასმელების სფეროში ერთ-ერთი მოწინავე კომპანია, რომელიც ახორციელებს 380 დასახელების/ბრენდის ღვინისა და სპირტიანი სასმელების წარმობას, გაყიდვასა და დისტრიბუციას. საქართველოში მიმდინარე დავა არის საერთაშორისო დავის ნაწილი, რომელიც ბოლო 20 წლის განმავლობაში მიმდინარეობს 5 კონტინენტზე. სტუმარი: კახა შარაბიძე - იურიდიული ფირმა BLB-ის მმართველი პარტნიორი. #ახალიამბები #BusinessMediaGeorgia
აპრილში საქართველოს ეკონომიკა რეკორდული 44.8%ით გაიზარდა. წლის პირველ ოთხ თვეში კი ზრდა 8.1% იყო. აპრილის ეკონომიკური ზრდის მაჩვენებლებს პარლამენტის საფინანსო-საბიუჯეტო კომიტეტის ხელმძღვანელი, ირაკლი კოვზანაძე ეხმაურება და აღნიშნულ მაჩვენებელს უპრეცედენტო უწოდა. “იმედია სწრაფი და მასშტაბური ზრდის ტენდენცია მომავალშიც გაგრძელდება” აცხადებს კოვაზანაძე. #ახალიამბები #BusinessMediaGeorgia
“ჩვენი მომსახურება ძვირი არ არის, მაგრამ თაფლის მწარმოებლები მაინც წუწუნებენ” - ამის შესახებ სოფლის მეურნეობის სახელმწიფო ლაბორატორიის დირექტორმა ირაკლი გულედანმა განაცხადა. როგორც გულედანი ამბობს, ლაბორატორიას ამ ეტაპზე სიმძლავრეებიც არ ჰქოფნის, რადგან ერთდოულად შეიძლება რამდენიმე ნიმუში სხვადასხვა პარამეტრზე იყოს შესაწმომებელი. შესაბამისად, შემოწმებისთვის 10 დღე მაინც არის საჭირო. რას ამბობენ თაფლის მწარმოებლები, სად ხედავენ პრობლემას და რა მიმართულებით ითხოვენ პროცესების დაჩქარებას? #ახალიამბები #BusinessMediaGeorgia
ბუნებრივი გაზი თბილისი ენერჯის მომხმარებლებისთვის დაახლოებით 8 თეთრით გაძვირდა. შესაბამისი გადაწყვეტილება სემეკმა მიიღო. სამომხმარებლო ტარიფების ზრდა თავად კომპანიის მოთხოვნით მოხდა. შედეგად 1 ივნისიდან ქვეყანაში ახალი ტარიფი იმოქმედებს და 1 კუბური მეტრი ბუნებრივი აირი 46 თეთრის ნაცვლად 54 თეთრი ეღირება. ტარიფის ცვლილება გამოიწვია ტარიფის ერთ-ერთი კომპონენტის- გაზის მიწოდების ზღვრული ტარიფის ცვლილებამ, რომელიც 26.8 თეთრიდან 33.4 თეთრამდე გაიზარდა. ტარიფის ცვლილების ძირითადი მიზეზი ლარის კურსი გახდა. 2019 წელს დადგენილი ტარიფში ლარის კურსი დოლართან მიმართებით 2.97-იან ნიშნულზე იყო, დღეს მიღებულის გადაწყვეტილებით კი ტარიფში ლარის კურსი 3.37-იან ნიშნილზე გაითვალისწინეს. ახალი ტარიფები 1 ივნისისან 2023 წლის 1 იანვრამდე იმოქმედებს. კომპანია თბილისი ენერჯი მარეგულირებლის გადაწყვეტილებით კმაყოფილია, თუმცა მათ კიდევ აქვთ შეთავაზებები და მოთხოვნები. #ახალიამბები #BusinessMediaGeorgia
შრომის საერთაშორისო ორგანიზაციის (ILO) მიერ გამოქვეყნებული ანგარიშის თანახმად, საქართველო მსოფლიო მასშტაბით, უმუშევრობის დონით მსოფლიოს პირველ ათეულში შედის და მეათე ადგილს იკავებს. შრომის საერთაშორისო ორგანიზაციის შედეგები 7 ქვეყნის, მათ შორის საქართველოს შემთხვევაშიც 2020 წლის მონაცემებს ეყრდნობა. 2020 წელს კი საქსტატის მიხედვით, საქართველოში უმუშევრობის დონე 0.9 პროცენტული პუნქტით 18.5%-მდე გაიზარდა. ამასთან, უმუშევრობის ზრდასთან ერთად შემცირდა ეკონომიკურად აქტიური მოსახლეობის რაოდენობაც. რაში ხედავენ სპეციალისტები გამოსავალს, როგორი პოლიტიკა უნდა ჰქონდეს საქართველოს მთავრობას, რომ ქვეყანაში უმუშევრობის დონე შემცირდეს? #ახალიამბები #BusinessMediaGeorgia
ბაზარზე შესაძლოა გარკვეული ტიპის მეორადი საბურავების იმპორტი შეიზღუდოს. საკითხი დღის წესირგში უკვე დგას, თუმცა გარემოს დაცვისა და სოფლის მეურნეობის სამინისტროს გადაწყვეტილება ჯერ უცნობია. რა შეიძლება გახდეს მეორადი საბურავების იმპორტის შეიზღუდვის მიზეზი? #ახალიამბები #BusinessMediaGeorgia
საქართველოს საზღვაო სექტორი ევროპულ სტანდარტებს უახლოვდება - უკვე მრავალი წელია ამ გზაზე საქართველოს მთავარი პარტნიორი ევროკავშირია. ევროპული ქვეყნების გაერთიანება მხარს უჭერს საქართველოს საზღვაო სფეროს განვითარებას სხვადასხვა პროექტებისა და პროგრამების საშუალებით, რომლებიც ქვეყანას რეგიონის წამყვან სატრანსპორტო კვანძად ჩამოყაილბებაში დაეხმარება. რეფორმები ფაქტობრივად ყველა მიმართულებით მიმდინარეობს დაწყებული ნავიგაციის უსაფრთხოებიდან, დასრულებული განთლებისა და სწავლების თანამედროვე სტანდარტების დანერგვით. რეფორმების შედეგებს საქართველო უკვე ითვლის. #ახალიამბები #BusinessMediaGeorgia
1 ივნისიდან საქართველო ტურისტებისთვის სახმელეთო საზღვრებს ხსნის. ტურისტების ნაკადების მისაღებად მზაობას გამოთქვამთ, თუმცა დღემდე უცნობია, როგორ იქცევა ტურისტი იმ შემთხვევაში თუ ქვეყანაში შემოსვლის შემდეგ ინფიცირდება. იქნება თუ არა ტურისტებისთვის კოვიდ დაზღვევის ქონა სავალდებულო და მოგზაურებისთვის რა ტიპის სადაზღვევო პაკეტების შეთავაზებაზე მუშაობენ სადაზღვევო კომპანიები? #ახალიამბები #BusinessMediaGeorgia
საქართველოს მთავრობას მის საკუთრებაში არსებული ათასობით ტონა სპირტის გაყიდვა უჭირს - ამის შესახებ BMG-ის გარემოს დაცვისა და სოფლის მეურნეობის მინისტრმა ლევან დავითაშვილმა განუცხადა. მთავრობას ათასობით ტონა სპირტი რთველის სუბსიდირების პროგრამის გამო დაუგროვდა, ამასთან 2020 წელს სახელმწიფომ სუბსიდირების გზით უპრეცედენტო მოცულობის - 104 მილიონი ლარის ყურძენი ჩაიბარა. ამ ყურძნისგან მთავრობა საკონიაკე სპირტს ხდის და მას შემდეგ ეტაპობრივად ბაზარზე ყიდის თუმცა, როგორც ირკვევა სპირტის რეალიზაციის მიმართულებით პრობლემები არსებობს. სუბსიდირების და სპირტის გამოხდის პროცესი სახელმწიფოს დაქვემდებარებაში არსებული კომპანიის “აკურას” გავლით ხდება. ლევან დავითაშვილმა BMG-ის განუცხადა, რომ “აკურამ” 2020 წელს მევენახეებისგან რთველი არამხოლოდ ცენტრალური ბიუჯეტიდან, არამედ ბანკის კრედიტით მოზიდული სახსრებითაც ჩაიბარა. სტუმარი: იაგო ბიტარიშვილი - "იაგოს ღვინო", დამფუძნებელი #ახალიამბები #BusinessMediaGeorgia
უწყებათშორისი საკოორდინაციო საბჭოს გადაწყვეტილებით 1 ივნისიდან სახმელეთო საზღვრები გაიხსნება. როგორც საბჭოსთან არსებული ოპერატიული შტაბის ხელმძღვანელმა გიორგი ღიბრაძე სხდომის დასრულების შემდეგ აღნიშნა, სახმელეთო საზღვრით ქვეყანაში შემოსვლისას პირს რეკომენდირებულია ჰქონდეს დაზღვევა, რომელიც საჭიროების შემთხვევაში კოვიდ ხარჯებს დაფარავს. ასევე, იმ ქვეყნების ჩამონათვალს, რომელთაც ქვეყნის საზღვრის კვეთა ბოლო 72 საათში ჩატარებული პისიარ ტესტის უარყოფითი პასუხით შეეძლებათ, ემატება კანადა, იაპონია, ქუვეითი, ჩინეთი, სამხრეთ კორეა, მოლდოვა და ომანი. #ახალიამბები #BusinessMediaGeorgia
“კრწანისი ვილა რეზიდენსის“ ახალი სივრცის - „კრწანისი რესორტ რეზიდენსის“ IV ფაზის პროექტი ოფიციალურად გაიხსნა. მრავალფუნქციური უბნის საძირკველში სიმბოლური კაფსულა ჩაიდო. დეველოპერული პროექტის პრეზენტაცია ბიზნესსექტორისა და მთავრობის წარმომადგენლების წინაშე შედგა. 200 მილიონიანი პროექტის პრეზენტაციას პრემირ-მინისტრი და მთავრობის წევრების ესწრებოდნენ. რა განცხადებები გაკეთდა ღონისძიებაზე? #ახალიამბები #BusinessMediaGeorgia
64 კომპანიიდან 52 GMP სტანდარტზე გადასვლისთვის მზად არ არის! #ახალიამბები #BusinessMediaGeorgia
ვირტუალური ზონის პირი - ასე ჰქვია იმ სტატუსს, რომლის მოპოვებითაც საქართველოში მოღვაწე საინფორმაციო და ტექნოლოგიური სერვისის მიმწოდებელ კომპანიებს დღგ-ისა და მოგების გადასახადების 0%-მდე შემცირება შეუძლიათ. ეს საგადასახადო შეღავათები 2010 წლის დეკემბერში - “საინფორმაციო ტექნოლოგიური ზონების” შესახებ მიღებული კანონით და საგადასახადო კოდექსით არის განსაზღვრული. კანონის მიხედვით, ნულოვანი საგადასახადო მოსაკრებელი საქართველოში IT სერვისების განვითარების ხელშესაწყობად არის მიღებული. ვირტუალური ზონის პირის სტატუსს კომპანიებს ფინანსთა სამინისტრო ანიჭებს. კანონის მეექვსე მუხლის მიხედვით - “ვირტუალურ ზონაში საქმიანობას მიეკუთვნება იურიდიული პირის მიერ განხორციელებული ეკონომიკური საქმიანობა, რომელიც საქართველოს ტერიტორიაზე მიმართული იქნება საინფორმაციო ტექნოლოგიების შექმნასთან.” ბოლო 10 წლის განმავლობაში საქართველოში ამ სტატუსით 1,000-ზე მეტი იურიდიული პირი დარეგისტრირდა. საგადასახადო პრაქტიკის მიხედვით, კომპანიებს არ მოეთხოვებოდათ უშუალოდ საქართველოში დასაქმებულთა ყოლა და უშუალოდ საქართველოს ტერიტორიიდან მომსახურების გაწევა. თუმცა, რამდენიმე კვირაა რაც შემოსავლების სამსახურმა საკუთარი პრაქტიკა რადიკალურად შეცვალა და კომპანიებისგან წინა წლებში მიღებულ შემოსავლებზე გადასახადების გადახდას ითხოვს. სალომე მეცხვარიშვილი მიერთდება ახლა პირდაპირ ეთერში. სალომე, საღამო მშვიდობის. ეს თემა ამ კვირაში საქმიანმა დილამ გააქტიურა, როცა ვირტუალური ზონის პირების შესახებ - გადაცემაში შემოსავლების სამსახურის საგადასახადო და საბაჟო მეთოდოლოგიის დეპარტამენტის უფროსმა რომან ბუღაძემ ისაუბრა. მისი თქმით, შემოსავლების სამსახურმა საკუთარი პრაქტიკის შეფასებისას აღმოაჩინა, რომ მათ ვირტუალური ზონის პირების შემოწმება არცერთხელ არ აქვთ ჩატარებული, საკითხის უფრო დეტალურად გაანალიზებით კი გაირკვა, რომ ქვეყანაში ამ სტატუსით რეგისტრირებული 1,025 კომპანიიდან ფაქტობრივად არცერთი არ ახორციელებს უშუალოდ საქართველოს ტერიტორიიდან უცხოეთში ციფრული სერვისების მიწოდებას - რასთან გვაქვს საქმე და აქვე მთავარი კითხვა - მოუწევთ თუ არა კომპანიებს, ძველი გადასახადების ახლა გადახდა? #ახალიამბები #BusinessMediaGeorgia
2020 წელს საქართველოში უმუშევრობის დონე 0.9 პროცენტული პუნქტით 18.5%-მდე გაიზარდა. უმუშევრობის დონის განხილვა ასაკობრივ ჭრილში გვიჩვენებს, რომ უმუშევრობის დონე ყველაზე მაღალი ახალგაზრდებშია, განსაკუთრებით 15-19 წლის ასაკობრივ კატეგორიაში, სადაც უმუშევრობის დონე 43,9%-ს შეადგენს. საყურადღებოა ასევე განათლების, დასაქმებისა და ტრენინგების მიღმა მყოფი ახალგაზრდების რაოდენობაც. რა ხდება ახალგაზრდების დასაქმების კუთხით შრომის ბაზარზე და არსებობს თუ არა ახალგაზრდა თაობის დასაქმების ხელშეწყობის რეალური პროგრამები? #ახალიამბები #BusinessMediaGeorgia
პურის მწარმოებლები წისქვილკომბინატებისგან ფქვილის შეძენას 53 ლარის ნაცვლად 50 ლარად ითხოვენ. მათი თქმით, არსებულ საფასო პირობებში მწარმოებლები ვეღარ ახერხებენ პურის ფასის შენარჩუნებას. როგორც პურის მცხობელთა ასოციაციაში ამბობენ, თუ აღნიშნული მოთხოვნა არ დაკმაყოფილდება კერძო სექტორს იმისთვის, რომ წარმოება შეინარჩუნოს პროდუქციის 10-15 თეთრით გაძვირება მაინც მოუწევს. #ახალიამბები #BusinessMediaGeorgia
„ლარის კურსზე მოქმედი მნიშვნელოვანი ფაქტორი ტურიზმის აღდგენაა. თუ ამის ნაწილობრივი აღდგენა მაინც მოხდება წელს, ეს დადებითი იქნება“, - ეს განცხადება სების ვიცე-პრეზიდენტმა პაპუნა ლეჟავამ რამდენიმე დღის წინ ჟურნალისტის იმ კითხვის პასუხად გააკეთა, რომელიც ლარის კურსის რყევებს შეეხებოდა. ტურიზმის სექტორის აღდგენა არა მხოლოდ ლარის სტაბილურობისთვისაა მნიშვნელოვანი, არამედ ზოგადად ეკონომიკის ზრდისთვის. წლის დასაწყისში სების მენეჯმენტი აცხადებდა, რომ თუ ტურიზმი საერთოდ არ აღდგებოდა, წელს ეკონომიკა, დაახლოებით, 1%-ით გაიზრდებოდა. პანდემიის გამო, ფაქტობრივად, ზამთრის ტურისტული სეზონი სულ რამდენიმე კვირა გაგრძელდა. ჯერჯერობით ბუნდოვანია ზაფხულის ტურისტული სეზონის მომავალიც. #ახალიამბები #BusinessMediaGeorgia
19.6%-იანი ზრდა ექსპორტში და 10.1%-იანი ზრდა იმპორტში - საქსტატმა საგარეო ვაჭრობის მონაცემები გამოაქვეყნა, რომლის თანახმად, წლის პირველ ოთხ თვეში საქართველომ ექსპორტისგან მილიარდ 199 მლნ დოლარის შემოსავალი მიიღო, ხოლო იმპორტისთვის ქვეყნიდან 2 მლრდ 730 მლნ დოლარი გავიდა. ჯამში საგარეო სავაჭრო ბრუნვამ 3 მლრდ 929 მლნ. აშშ დოლარი შეადგინა, რაც წინა წლის შესაბამის პერიოდთან შედარებით 12.8 პროცენტით მეტია. სავაჭრო პარტნიორ ქვეყნებს თუ დავაჯგუფებთ, ვნახავთ, რომ როგორც იმპორტში, ისე ექსპორტში ლიდერი არის დსთ-ის ქვეყნები. კერძოდ, უშუალოდ ექსპორტში დსთ-ის წილი 44.5%-ია, ხოლო ევროკავშირის წილი კი - 17.7%. #ახალიამბები #BusinessMediaGeorgia
თბილისის მერის კახა კალაძის განცხადებით, ზონალურ-საათობრივი პარკირების სისტემის დანერგვა დედაქალაქში კარგად მიმდინარეობს, თუმცა გარკვეული პრობლემები შეიქმნა, მაგრამ საკითხი უკვე მოგვარებულია. კალაძის თქმით, მოქალაქეებს 7 ივნისიდან შეეძლებათ საკუთარი ავტომობილები სახლიდან გაუსვლელად დაარეგისტრირონ. “ასევე არის შემთხვევები, როცა გარდაცვლილ მოქალაქეზეა რეგისტრირებული საცხოვრებელი ფართი და მისი მემკვიდრეები ვერ ახერხებენ სატრანსპორტო საშუალებების რეგისტრაციას. ამ მიმართულებით ვიმუშავეთ, მოხდა სისტემის სრულად გადაწყობა და 7 ივნისიდან მოქალაქეებს ექნებათ შესაძლებლობა ჩვეულებრივად, სახლიდან გაუსვლელად დაარეგისტრირონ ავტომანქანები“, - განაცხადა კალაძემ. თბილისის მთავრობის სხდომაზე ასევე ცნობილი გახდა, როდის ჩაერიცხებათ ერთჯერადი ფულადი დახმარება რესტორნებს? #ახალიამბები #BusinessMediaGeorgia
თბილისის ისტორიული ნაწილის დამცავი ზონების აღდგენა; ხუთი ახალი საპარკე არეალი; სამშენებლო კოეფიციენტების გადამეტების აკრძალვა. მწვანე სივრცეები, გარაჟების ნაცვლად. ეს არის სამუშაოს ნაწილი, რომელზეც თბილისის მერმა დღევანდელ პრეზენტაციაზე ისაუბრა. 4 წლიანი ანგარიშის წარდგენისას კახა კალაძემ აღნიშნა, რომ თბილისი ისეტი აღარ არის როგორც 4 წლის წინ და დედაქალაქი გამოწვევების მიუხედავად ბევრად უფრო მეტად განვითარდა. ერთ-ერთ მთავარ მიღწევად ქალაქის გენერალური გეგმის შემუშავება/დამტკიცება დასახელდა. რა შეცვალა ამ გეგმამ ბიზნესისთვის, როგორ აფასებენ ახალ მარეგულირებელ ჩარჩოს კერძო სექტორში? #ახალიამბები #BusinessMediaGeorgia
რას საქმიანობს საჯარო და კერძო თანამშრომლობის სააგენტო, რომელიც 2019 წლიდან ამოქმედდა და ანგარიშვალდებულია პრემიერ-მინისტრის წინაშე. ამ სააგენტოს ერთ-ერთი მთავარი მიზანი მსხვილ პროექტებში სახელმწიფოს თანამონაწილეობის განსაზღვრა და პროექტების თანადაფინანსების რისკების შეფასებაა. რითია დღეს დაკავებული აღნიშნული სსიპი და რამდენად ეფექტიანად შეიძლება ჩაითვალოს მისი საქმიანობა? #ახალიამბები #BusinessMediaGeorgia
დედაქალაქის მერმა 4-წლიანი ანგარიშის ფარგლებში გამართულ პრეზენტაციაზე - „თბილისის ურბანული განვითარების პოლიტიკა“ განაცხადა, რომ თბილისის მუნიციპალიტეტის მერიამ ყველაფერი უნდა გააკეთოს იმისთვის, რომ ქალაქში რაც შეიძლება მეტი მწვანე სივრცე შეიქმნას და არსებული ეკოლოგიური მდგომარეობა გამოსწორდეს. როგორც კახა კალაძემ აღნიშნა, არსებული მწვანე სივრცეებისა და სპორტული მოედნების შენარჩუნება მნიშვნელოვანია. ურბანული პოლიტიკის მიმართულებით განხორციელებულ ცვლილებებზე ასევე, თბილისის ვიცე-მერმა, ირაკლი ხმალაძემ ისაუბრა, მან რამდენიმე მნიშვნელოვანი მიმარტულება გამოყო, მათ შორის, თბილისის ისტორიული ნაწილის დამცავი ზონების აღდგენა; ხუთი ახალი საპარკე არეალი; სამშენებლო კოეფიციენტების გადამეტების აკრძალვა. სტუმარი: ირაკლი ხმალაძე - ვიცე-მერი #ახალიამბები #BusinessMediaGeorgia
რამდენიმე თვეა ბიზნესი, კომენდანტის საათის მოხსნას და სახმელეთო საზღვრების გახსნას ითხოვს. მთავრობის მისამართით გაჟღერებულ მოთხოვნებს შორის სხვა საკითხებიც იყო. ეკონომიკისა და მდრადი განვითარების მინისტრი ნათია თურნავა დღეს აცხადებს, რომ ორი კვირის შემდეგ, ინფიცირების დადებითობის მაჩვენებლის შემცირების შემთხვევაში, შეზღუდვების საკითხი გადაიხედება. როგორც მინისტრმა თქვა, ეს შეეხება ყველა შეზღუდვას, მათ შორის - ე.წ. "კომენდანტის საათს". #ახალიამბები #BusinessMediaGeorgia
ლარის გაუფასურების პარალელურად ფასები იზრდება თითქმის ყველაფერზე. გამონაკლისი ამ შემთხვევაში არც მედიკამენტებია, რომლის 90%-ზე მეტს საქართველო საზღვარგარეთ ყიდულობს. რატომ ძვირდება მედიკამენტები, რა გავლენა აქვს მის ღირებულებაზე კურსს და რა არის საჭირო იმისთვის, რომ მოქალაქეების მედიკამენტებზე დანახარჯები შემცირდეს და ხელმისაწვდომობა გაიზარდოს? #ახალიამბები #BusinessMediaGeorgia