ჯანდაცვის მინისტრის მოადგილე თამარ გაბუნიას განცხადებით, ვაქცინაციის პროცესში 26-მდე მრავალპროფილური კლინიკაა ჩართული.გარდა ამისა, გაბუნიას თქმით, შესაძლოა, პროცესში დიდი კლინიკებიც ჩაერთონ, რომლებიც მზად არიან სამომავლოდ მოაწყონ შესაფერისი ინფრასტრუქტურა მოქალაქეების მისაღებად. რა იცვლება და როგორ ვაქცინაციის გეგმაში? #ახალიამბები #BusinessMediaGeorgia
გასულ კვირას საქართველოს პარლამენტმა კულტურის, სპორტისა და ახალგაზრდობის სამინისტროს ცალკე ჩამოყალიბებას მხარი დაუჭირა. მალევე გახდა ცნობილი კულტურის მინისტრის ვინაობაც, უწყებას, იუსტიციის ყოფილი მინისტრი თეა წულუკიანი უხელმზრვანელებს. რას ელოდებიან კულტურის სფეროს წარმომადგენლები ახალი მინისტრისგან და რა მიმართულებით უნდა გადაიდგას ახლად ჩამოყალიბებული სამინისტროს მხრიდან ნაბიჯები? #ახალიამბები #BusinessMediaGeorgia
ვენეციის კომისია საქართველოს აკრიტიკებს და მოუწოდებს, შეცვალოს პრობლემური ნორმები, რომლებიც გასულ წელს დაჩქარებული წესით პარლამენტმა ელექტრონული კომუნიკაციების შესახებ კანონში მიიღო. ვენეციის კომისიის მიერ 22 მარტს გამოქვეყნებულ დასკვნაში წერია, რომ კანონში შესული ცვლილებები, ვერ პასუხობს ვერც ლეგიტიმურობის და ვერც პროპორციულობის ნორმებს. რას ამბობს ვენეციის კომისია კავკასუს ონლაინის შემთხვევაზე და როგორ აფასებენ ვენეციის კომისიის დასკვნას სპეციალისტები? #ახალიამბები #BusinessMediaGeorgia
“მეწყრული პროცესი დასტაბილურებული არ არის და ის პროგრესირებს“, - ეს განცხადა დღეს თბილსის მერის მოადგილემ ირაკლი ბენდელიანმა გერმანიიდან მოწვეულ ინჟინერ გეოლოგებთან ერთად გააკეთა. დამაიმედებელი არც უცხოელი ექსპერტების განცხადებები ყოფილა,მათი შეფასებით პრობლემის გადაჭრის კონკრეტული გზა არ არსებობს - რა ელის მაჭავარიანი ქუჩისა და მიმდებარედ არსებულ მშენებლობებს? #ახალიამბები #BusinessMediaGeorgia
მოვუწოდებთ საქართველოს შეიცვალოს ელ. კომუნიკაციების კანონის პრობლემური ნორმები -ამის შესახებ ვენეციის კომიისიის დასკვნაშია ნათქამი. ვენეციის კომისიის გადაწყვეტილებაში ასევე ვკითხულობთ, რომ საქართველოს პარლამენტის მიერ ელექტრონული კომუნიკაციების კანონში შეტანილი ცვლილებები რიგ პრობლემებს შეიცავს და ის ვერც ლეგიტიმურობის და ვერც პროპორციულობის ტესტს ვერ აკმაყოფილებს. მეტიც, კომისიის შეფასებით ახალი კანონმდებლობის შედეგად საქართველოს კომუნიკაციების კომისიამ საკუთარი უფლებები იმდენად გაიფართოვა, რომ ვენეციის კომისია ვერ პოულობს ევროპის რომელიმე ქვეყანაში ანალოგს, რომ კომუნიკაციების სფეროს მარეგულირებელს კომპანიების მიმართ ასეთი შეუზღუდავი უფლებები გააჩნდეს. ვენეციის კომისია აღნიშნავს, რომ ელექტრონული კომუნიკაციების შესახებ კანონში არსებული ჩანაწერის მეშვეობით კომუნიკაციების კომისიას კომპანიებზე “დე ფაქტო კონტროლის განხორციელება შეუძლია.” გადაწტვეტილებაში საუბარია თავად კომუნიკაციების კომისიის არგუმენტებზეც, რომლის განცხადებითაც, ეს კანონი აუცილებელია, რადგანაც მას “კრიტიკული ინფრასტრუქტურის” და “ქვეყნის ეკონომიკური ინტერესების დაცვის” მოვალეობა აქვს. თუმცა, ვენეციის კომისია აღნიშნავს, რომ არსად ქართულ კანონმდებლობაში არ არის განმარტებული თუ რას წარმოადგენს “კრიტიკული ინფრასტრუქტურა”. სტუმარი: უჩა სეთური - მცირე და საშუალო ტელეკომ ოპერატორების ასოციაციის აღმასრულებელი დირექტორი #ახალიამბები #BusinessMediaGeorgia
სპორტის სასახლესთან ბოლტის კურიერები აქციას მართავენ. ეს არაა კურიერების პირველი გაფიცვა, ისინი შემცირებული ტარიფების გაზრდის მოთხოვნით ჯერ კიდევ 17 მარტს გაიფიცნენ, რის შემდეგაც კომპანიის წარმომადგენლებს შეხვდნენ. რას ითხოვენ ამჯერად კურიერები? #ახალიამბები #BusinessMediaGeorgia
ემიგრაციიდან დაბრუნებულ 200 მოქალაქეს 4000-4000 ლარით დააფინანსებენ. ჯანდაცვის სამინისტრო ემიგრანტებისთვის პროგრამას იწყებს, რომლის მიზანიც ემიგრაციიდან დაბრუნებული საქართველოს მოქალაქეების რეინტეგრაციის პროცესის მხარდაჭერაა. შემოსავლის წყაროს გაჩენის, დასაქმებისა და თვითდასაქმების მიზნით, ჯამში, 200-მდე დაბრუნებული მიგრანტი დაფინანსდება და ამისთვის ბიუჯეტიდან ნახევარი მილიონი ლარი დაიხარჯება. რას გულისხმობს თავად პროგრამა და რა დათქმით მიიღებენ ემიგრანტები სახელმწიფოსგან დახმარებას? #ახალიამბები #BusinessMediaGeorgia
უნდა არსებობდეს თუ არა საქართველოში დამატებითი გადასახადი დაუმუშავებელი მიწისთვის? ინიციატივით პარლამენტარი და ყოფილი ბიზნესმენი ბეჟან წაქაძე გამოვიდა. დეპუტატმა თქვა, რომ ვინც მიწას არ ამუშავებს, თანხა უნდა გადაიხადოს. "ეს არაპოპულარული, მაგრამ აუცილებელი ნაბიჯია ქვეყნის განვითარებისთვის", ამბობს ტყიბულის, თერჯოლის, ზესტაფონისა და ბაღდათის მაჟორიტარი. #ახალიამბები #BusinessMediaGeorgia
ეროვნულმა ბანკმა სავალუტო აუქციონზე $40 მილიონი დოლარი გაყიდა - ეს გადაწყვეტილება სებ-მა მას შემდეგ მიიღო, რაც ბლუმბერგის სავაჭრო სისტემაში ერთი დოლარის ღირებულებამ 3.33 ლარს გადააჭარბა. ეროვნული ბანკის განცხადების თანახმად, სავალუტო აუქციონზე დაფიქსირებული გაცვლითი კურსი 3.32-ს შეადგენდა. ეს 2021 წლის რიგით მეოთხე სავალუტო აუქციონი იყო. წელს სებ-მა ჯამში $160 მილიონი დოლარი გაყიდა. დღეს ლარის კურსის მერყეობის გაზრდა, სავარაუდოდ, თურქული ლირის გაუფასურებას უკავშირდება, რამაც ბოლო 24 საათში 15% შეადგინა. შედეგად ერთი დოლარის ღირებულება 7.94 ლირა გახდა. თავის მხრივ, ლირის გაცვლითი კურსის ვარდნა რეჯეპ ტაიპ ერდოღანის მიერ ქვეყნის ცენტრალური ბანკის პრეზიდენტ ნაჯი აგბალის გათავისუფლებას უკავშირდება. რა გავლენა იქონია პროდუქციის ფასებზე გაუსაურებულმა ლარმა? #ახალიამბები #BusinessMediaGeorgia
გასულ კვირას ბლუმბერგის პლატფორმაზე ვაჭრობა 1 დოლარის 3.33 ლარის ღირებულებით დასრულდა, რაც სავაჭრო კვირის დაწყებამდე 3.31-ს შეადგენდა. ეს კი დოლართან მიმართებით ლარის ნომინალური გაცვლითი კურსის 0.35%-იანი გაუფასურებაა. ეროვნული ვალუტის მერყეობა გრძელდება და გაუფასურების ტრენდი ჯერჯერობით შეუქცევადია. როგორ აისახება ლარის კურსი ფასებზე და ბიზნესის ოპერირებაზე? სტუმარი: მიხეილ ფარულავა - კომპანია „ჯორჯიან ბეიქერსის“ დირექტორი და თანადამფუძნებელი #ახალიამბები #BusinessMediaGeorgia
„კოვიდ 19“-ის პანდემიამ საქართველოს სხვა ქვეყნებზე, მათ შორის რუსეთზე, ეკონომიკური დამოკიდებულება შეამცირა. 2019 წელს საქართველომ რუსეთიდან ტურიზმით, ფულადი გზავნილებით და ექსპორტით 1.6 მლრდ აშშ დოლარის შემოსავალი მიიღო, რაც საქართველოს მშპ-ის მიმართ 9%-იყო. 2020 წელს საქართველომ იმავე გზებით რუსეთიდან დაახლოებით 900 მლნ აშშ დოლარის შემოსავალი მიიღო, რაც მშპ-ის მიმართ დაახლოებით 5.7%-ია. სტუმარი: ბესო ნამჩავაძე - საერთაშორისო გამჭვირვალობა-საქართველო, ანალიტიკოსი #ახალიამბები #BusinessMediaGeorgia
საქართველოს პრემიერ-მინისტრ ირაკლი ღარიბაშვილის განცხადებით, სამედიცინო პერსონალის გარდა კორონავირუსის საწინააღმდეგო ვაქცინით აცრას სულ მალე მოსახლეობის სხვა ჯგუფებიც შეძლებენ. ამის შესახებ მან მთავრობის სხდომის დაწყებამდე ისაუბრა. დღეს მთავრობამ ორი ახალი ინიციატივაც დააანონსა. ასევე, კითხვები დაისვა ლირის კურსზე და ნამახვანიჰესის თემაზე. რა განცხადებები გაკეთდა მინისტრთა კაბინეტის მხრიდან? #ახალიამბები #BusinessMediaGeorgia
საქართველოს მასშტაბით გუშინ ელექტროენერგია მოსახლეობის 60% გაეთიშა. სახელმწიფო ელექტროსისტემა ქვეყნის მასშტაბით ელექტროენერგიის გათიშვის მიზეზად საქართველოსა და თურქეთის ენერგოსისტემების დამაკავშირებელი 400 კვ-იანი ელექტროგადამცემი ხაზის „მესხეთი“ გამორთვა დასახელდა. რის გამოც თურქეთიდან ელექტროენერგიის იმპორტი შეწყდა და ენერგომომარაგება შეეზღუდა ქვეყნის უმეტეს ნაწილს. ინფორმაციისთვის, 2021 წლის თებერვალში საქართველოში ელექტროენერგიის იმპორტი 32%-ით გაიზარდა და 414 მილიონი კილოვატ საათი შეადგინა. იმპორტის ზრდის მთავარი მიზეზი ქვეყნის უმსხვილესი ჰესის “ენგურჰესის" სარეაბილიტაციოდ გაჩერებაა. ამ თემაზე კომენტარი საქართველოს ენერგეტიკის განვითარების ფონდის ხელმძღვანელმა,, გიორგი ჩიქოვანმაც, გააკეთა. სტუმარი: მარიამ ჩახვაშვილი - Galt&Taggart;-ის უფროსი ანალიტიკოსი #ახალიამბები #BusinessMediaGeorgia
ზონალურ-საათობრივი პარკირების სისტემა ვაჟა-ფშაველასა და ალექსანდრე ყაზბეგის გამზირებზე, ასევე, მიმდებარე ქუჩებზე გავრცელდება, - ამის შესახებ დედაქალაქის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა. მისი თქმით, აღნიშნულ გამზირებზე ათი მუნიციპალური პავილიონი განთავსდება, სადაც მოქალაქეები მათი კუთვნილი ავტომანქანების რეგისტრაციას შეძლებენ. თბილისის მერის თქმით, პარკირება ადგილობრივი მცხოვრებლებისთვის, ასევე, შშმ პირებისთვის, ელექტრომობილებისა და A კატეგორიის ტაქსის მფლობელებისთვის, მათთვის სპეციალურად გამოყოფილ ადგილებზე უფასო იქნება. #ახალიამბები #BusinessMediaGeorgia
პროექტი, რომელიც ჯერ კიდევ 2018 წელს დაანონსდა, თბილისის მერია ამ დრომდე მსჯელობს. საქმე ეხება მიწისზედა მეტროს პროექტს, რომლის განხოციელებაც თბილისის მერის განმარტებით ჯერ კიდევ 2019 წელს უნდა დაწყებულიყო, თუმცა მისი ბედი ამ დრომდე უცნობია. ამ და კიდევ სხვა თემებზე დღეს კომენტარი თბილისის ვიცე მერმა ირაკლი ხმალაძემ გააკეთა. #ახალიამბები #BusinessMediaGeorgia
საქართველოში საწვავზე ფასი ბოლო პერიოდში თითქმის ყოველ კვირაში იზრდება. მიზეზი საერთაშორისო ბაზარზე ნავთობსა და ნავთობპროდუქტებზე ფასების მატებაა. თუ წლის დასაწყისში ნავთობის ფასი 1 ტონაზე 450 დოლარის ფარგლებში იყო, ამ ეტაპზე მისი ღირებულება 200 დოლარითაა გაზრდილი და 650 დოლარს შეადგენს. რა ტენდენციაა საერთაშორისო ბაზარზე, როგორ აისახება ეს ტრენდი საქართველოზე, როგორც იმპორტდამოკიდებულ ქვეყანაზე და რაში ხედავს გამოსავალს ბიზნესი? #ახალიამბები #BusinessMediaGeorgia
ბოლო რამდენიმე დღეში საწვავზე ფასი 5 თეთრით გაიზარდა. ფასების ზრდის ტენდენცია ქარულ ბაზარზე ბოლო 4 თვეა ფიქსირდება და ჯამში მის ღირებულება 60 დან 65 თეთრითაა გაზრდილი. ახლო მომავალში იმპორტიორები ფასების ზრდას კვლავ ელოდებიან. სტუმარი: ვასილ ხორავა ვისოლის გენერალური დირექტორი #ახალიამბები #BusinessMediaGeorgia
"შემდეგ ორ კვირას რეკომენდაციების შემუშავებისთვის, ასევე ეპიდსიტუაციაზე დაკვირვებისთვის გამოვიყენებთ და ამის მერე ბავშვთა გასართობი ცენტრების გახსნის საკითხს უწყებათშორისი საბჭო გადაწყვეტს“, - ეს განცხადება შრომის ინსპექციის სამსსახურის უფროსმა ბექა ფერაძემ გააკეთა. საქმე იმაშია, რომ დღეს ბავშვთა გასართობი ცენტრების წარმომადგენლებმა ჯანდაცვის სამინისტროსთან საპროტესტო აქცია გამართეს და გახსნა მოითხოვეს. აქციის შემდეგ მათ ბიზნესომბუდსმენის მოვალეობის შემსრულებელი და შრომის ინსპექციის სამსახურის უფროსი შეხვდნენ. რა მოთხოვნები აქვს ბიზნესს და რა შემთხვევაში შეძლებენ მუშაობის განახლებას? #ახალიამბები #BusinessMediaGeorgia
აქცია მთავრობის ადმინისტრაციასთან და საკონსტიტუციო სარჩელი კომენდანტის საათის გაუქმების მოთხოვნით. ამის შესახებ გიდების საინიციატივო ჯგუფის წარმომადგენელი, ალექსანდრე გიორგიძე წერს. დღეს ასევე გავიგეთ, რომ შესაძლოა, საკოორდინაციო საბჭომ "კომენდანტის საათის" მოხსსნის საკითხი მარტის ბოლოსთვის განიხილოს. ამირან გამყრელიძის თქმით, ყოველი შემსუბუქების შემდეგ, 10 დღე - 2 კვირა დაკვირვების პერიოდია, შესაბამისად თუ ეპიდსიტუაცია სტაბილური იქნება, შემდგომ ეტაპზე კომენდანტის საათის საკითხის განხილვაც მოხდება. მანამ სანამ საბჭო გადაწყვეტილებას მიიღებს, რას გეგმავენ მოქალაქეები? სტუმარი: ალექსანდრე გიორგიძე - გიდების საინიციატივო ჯგუფის წარმომადგენელი #ახალიამბები #BusinessMediaGeorgia
ფინანსური პრობლემების მიუხედავად სახელმწიფო საწარმოებში დასაქმების მაჩვენებელი იზრდება. მაგალითად, სს საქართველოს ნავთობისა და გაზის კორპორაციაში ხელფასის ხარჯი გაიზარდა 15%-ით, მაშინ როდესაც წლიური მოგება 40 მილიონით შემცირდა. შპს საქართველოს გაერთიანებული წყალმომარაგების კომპანიაში შრომის ანაზღაურების ხარჯები 2019 წელს გაზრდილია 8%-ით, მაშინ როდესაც კომპანიის ზარალი 85 მილიონს შეადგენდა. ამის შესახებ IDFI-ს ანგარიშშია საუბარი. რა მიგნებები გამოიკვეთა კვლევაში და რა მიდგომა აქვს სახელმწიფოს მის ბალანსზე არსებულ კომპანიებთან მიმართებაში? #ახალიამბები #BusinessMediaGeorgia
კოვიდ ვაქცინის პირველი საჯარო აცრაც გაკეთებულია. დღეს, დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძე აიცრა. მან covid-19-ის საწინააღმდეგო ვაქცინის პირველი დოზა საჯაროდ გაიკეთა. შესაბამისად, დღეიდან საქართველოში ვაქცინაცია იწყება. მთავარი ახლა არის ტემპი და მოცვა. ვაქცინაციის ეტაპზე გადასვლის პერიოდში, მნიშვნვნელოვანია კერძო სექტორის როლიც. „ჯიპიაი ჰოლდინგის“ კომუნიკაციების დირექტორის, თინათინ სტამბოლიშვილის განცხადებით, სავარაუდოდ, უახლოეს მომავალში, ქვეყანაში კომერციული ვაქცინა ხელმისაწვდომი გახდება. როგორც სტამბოლიშვილმა BMG-ის გადაცემა „ანალიტიკის“ ეთერში განმარტა, სადაზღვევო კომპანიას აქტიური კომუნიკაცია აქვს ქართველ იმპორტიორებთან, რომლებიც, თავის მხრივ, ცდილობენ, ქვეყანაში ვაქცინა შემოიტანონ. როდის გვექნება კომერციული ვაქცინა ქვეყანაში და რა სამუშაოებს ატარებს ამისთვის ბიზნესი? სტუმარი: ნინა კობახიძე - „ჯეო ჰოსპიტალის“ სამეთვალყურეო საბჭოს თავმჯდომარე #ახალიამბები #BusinessMediaGeorgia
"ნუ გაგვწირავთ, მგლები არ ვართ და წესებს დავიცავთ" - ბავშვთა გასართობი ცენტრებმა აქცია გამართეს. ისინი შრომის ინსპექტირების სამსახურის უფროს ბექა ფერაძესთან შეხვედრას და მისგან ცენტრების გახსნის გადაწყვეტილების მიღებაზე შუამდგომლობას ითხოვენ. როგორც ბავშვთა გასართობ ცენტრ „ლაიქის“ დამფუძნებელმა გიორგი მთივლიშვილმა განაცხადა, ბექა ფერაძეს შეუძლია, რომ უწყებათშორისი საბჭოს სხდომაზე ბავშვთა გასართობი ცენტრების გახსნის საკითხი გაიტანოს. მისივე თქმით, ბავშვთა გასართობ ცენტრებს არ აქვთ პასუხები, თუ რატომ არ აძლევენ გახსნის უფლებას. #ახალიამბები #BusinessMediaGeorgia
“ამ ქვეყანაში თავგადასავლის მაძიებელი თუ მოვა თორემ ინვესტორს აქ რა უნდა” - ეს განცხადება რამდენიმე დღის წინ მენაშენეთა ასოციაციის ხელმძღვანელმა ირაკლი როსტომაშვილმა გააკეთა. მისი თქმით, არსებული რეალობის გათვალისწინებით, უცხო ქვეყნის მოქალაქეებს აქ ფულის ჩადება დიდი ხანია აღარ უნდათ. სტუმარი: ირაკლი როსტომაშვილი - მენაშენეთა ასოციაცია; ხელმძღვანელი #ახალიამბები #BusinessMediaGeorgia
2020-ში საქართველოში უცხოური ინვესტიციები რეკორდულად შემცირდა. წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2020 წელს 616.9 მლნ. აშშ დოლარი შეადგინა, რაც 52.9 პროცენტიანი კლებაა 2019 წლის დაზუსტებულ მონაცემებზე. ასეთი მცირე მოცულობის ინვესტიციები საქართველოს 2008-2009 წლებშიც კი არ ჰქონია, როდესაც ქვეყანაში ომის შემდგომი პერიოდი იყო. ოფიციალური მონაცემებით, 2020 წელს FDI 15-წლიან მიმუმამდე შემცირდა. საქსტატის თანახმად, ინვესტიციების შემცირების გამომწვევ უმთავრეს მიზეზად სახელდება რამდენიმე საწარმოს გადასვლა საქართველოს რეზიდენტის საკუთრებაში, რამაც პირდაპირი უცხოური ინვესტიციების მაჩვენებელი 340.5 მლნ. აშშ დოლარით შეამცირა. ცალკეული სექტორების მიხედვით, FDI-ს ყველაზე დიდი ვარდნა ტურიზმის სექტორშია. თუკი 2019 წელს ამ სექტორში $120 მილიონი ჩაიდო, 2020 წელს პირიქით, ინვესტიციების გადინება (ან ვალდებულების მომსახურება) მოხდა. გამავალი ნაკადი ამ სექტორში 221 მილიონი დოლარი იყო. ენერგეტიკაში პირდაპირი უცხოური ინვესტიციები 98%-ით შემცირდა და სექტორში მხოლოდ $6 მილიონი დოლარი ჩაიდო. 47%-იანი ზრდა იყო საფინანსო სექტორში ჩადებულ ინვესტიციებში, სამთო მოპოვებით მრეწველობაში კი ინვესტიციები 94%-ით გაიზარდა. #ახალიამბები #BusinessMediaGeorgia
რამდენიმე კვირაა ბიზნესი კომენდანტის საათის 2 საათით გადაწევას ითხოვს. ბიზნეს-ასოციაციის პრეზიდენტის სოსო ფხაკაძის განცხადებით, კომენდანტის საათის ამ შინაარსით არსებობა კომპანიების საოპერაციო ხარჯებს ზრდის და აუარესებს პანდემიის გამო ისედაც მძიმე ვითარებაში მყოფი კომპანიების ფინანსურ მდგომარეობას. ფხაკაძის შეფასებით, კომენდანტის საათის თუნდაც 23 საათამდერ გადაწევა ბიზნესს საშუალებას მისცემს მათ თანდათანობით დაიწყონ ჩვეულებრივ რეჟიმში საქმიანობა და შეძლონ იმ ზარალის შემცირება, რომელიც ბოლო თვეების განმავლობაში განიცადეს და დღესაც განიცდიან. სტუმარი: ნიკა ნანუაშვილი - BAG; იურიდიული დირექტორი #ახალიამბები #BusinessMediaGeorgia
“ვეკითხები ხელისუფლებას, მინისტრებს, თუ გაქვთ რეგულაციის დოკუმენტი, იქნება ჩვენც მოგვაწოდოთ, რა იქნება მესამე ტალღის დროს, ისევ ხურავთ ბიზნესს? - ამ სიტყვებით დღეს საქმის კურსის ეთერში საქართველო-ევროკავშირის ბიზნეს საბჭოს ხელმძღვანელმა ხელისუფლებას მიმართა. სანდრო ჭუმბურიძე ამბობს, რომ ბიზნესისთვის აუცლებელია იცოდეს გეგმა, თუ რას აპირებს მთავრობა, რადგან მოუმზადებლობის შემთხვევაში კერძო სექტორი მესამე ტალღას ვერ გაუძლებს. „გავანადგურებთ მცირე და საშუალო ბიზნესს და შეგვრჩება ცარიელი ბიუჯეტი”- ამბობს ჭუმბურიძე. მე აქვე შეგახსენებთ, რომ საქართველოში მოქმედმა 8 ბიზნეს ასოციაციამ ერთობლივი განცხადება გაავრცელა მთავრობის მისამართით. რა კონკრეტული მოთხოვნები აქვს სხვადასხვა სექტორს ? #ახალიამბები #BusinessMediaGeorgia
2 მილიონი ლარის დახმარების პაკეტი ელექტრონული მუსიკის სივრცეებში დასაქმებულ 500-ზე მეტ მოქალაქეს და 50-ზე მეტ საკლუბო ორგანიზაციას. თბილისის მერიამ, ფოტოგრაფების, სარესტორნო ბიზნესის და სხვა სექტორების შემდეგ, თითქმის 1 წლით გაჩერებული ე.წ ღამის ეკონომიკის დახმარების პაკეტი დააანონსა. ვინ, როდის და რა სახის დახმარებას მიიღებს? #ახალიამბები #BusinessMediaGeorgia
საკლუბო ბიზნესი 2 მილიონის ლარის დახმარებას მიიღებს, ავტობუსებისა და მიკროავტობუსების პარკი კი სრულად განახლედება - თბილისის მერი დღეს მთავრობის სხდომაზე რამდენიმე საკითხს შეეხო, მათ შორის გავიგეთ ისიც, რომ თბილისის განვითარების ფონდს ახალი ხელმძღვანელი ეყოლება. სანდრო ტოგონიძეს, ლევან ჯღარკავა ჩაანცვლებს - თბილისის მერი ამბობს, რომ მათ კერძო სექტორი ამ მხრივ სეიოზულ კონკურენციას უწევს... #ახალიამბები #BusinessMediaGeorgia
საქართველოს 8 ბიზნეს ასოციაცია მთავრობას 4 მოთხოვნით მიმართავს. ორგანიზაციები მთავრობას ქვეყანაში არსებული პოლიტიკური კრიზისის დიალოგის გზით მოგვარებისკენ, ქვეყანაში კორონავირუსის ვაქცინის დროულად შემოტანისკენ, ასევე ბიზნეს სექტორთა კომუნიკაციით ეკონომიკის ეტაპობრივი აღდგენის სტრატეგიის განსაზღვრისკენ მოუწოდებენ. სტუმარი: სანდრო ჭუმბურიძე - საქართველო-ევროკავშირის ბიზნეს საბჭოს ხელმძღვანელი #ახალიამბები #BusinessMediaGeorgia
დღის განმავლობაში, პარლამენტში “ნამახვანჰესის პროექტთან დაკავშირებით განხილვა მიმდინარეობდა, სადაც ნათია თურნავასა და ლევან დავითაშვილის მონაწილეობით „ნამახვანი ჰესის“ პროექტთან დაკავშირებულ აქტუალურ საკითხებს განიხილავდნენ. სხდომას, დეპუტატებთან ერთად ექსპერტები, ენერგეტიკოსები, ასევე არასამთავრობო ორგანიზაციებისა და „რიონის ხეობის მცველების“ წარმომადგენლები ესწრებოდნენ. განხილვას წინ უზღოდა პრემიერ-მინისტრის დავალება, რომ ნათიას თურნავას და ლევან დავითაშვილს საკითხი დეტალურად შეესწავლათ, ასევე პარლამენტში წარდგენილი იყო პეტიცია, რომელიც ნამახვანიჰესის პროექტის სეჩერებას ითხოვდა. რა კითხვები ჰქონდათ დღეს პარლამენტში მისულ არასამთავროებს და დეპუტატებს მთავრობის წევრებთნ? #ახალიამბები #BusinessMediaGeorgia
საპარლამენტო უმრავლესობის წევრი ბეჟან წაქაძე ეკონომიკის მინისტრს ნათია თურნავასა და სოფლის მეურნეობის მინისტრ ლევან დავითაშვილს პასუხგაუცემელი სატელეფონო ზარების გამო აკრიტიკებს."პატივცემულო მინისტრებო, რაც ნაკლები წითელი, პასუხგაუცემელი ზარები გექნებათ ტელეფონებზე, მით ნაკლები შეხვედრები დაგჭირდებათ" - ურჩია დეპუტატმა მინისტრებს დარგობრივი ეკონომიკისა და გარემოს დაცვის კომიტეტების გაერთიანებულ სხდომაზე, სადაც ნამახვანჰესის პროექტის შესახებ იმსჯელეს. სტუმარი: ბეჟან წაქაძე - დეპუტატი #ახალიამბები #BusinessMediaGeorgia
1 აპრილიდან ახალი, ლურჯი მიკროავტობუსებით მგზავრობა 50 თეთრი ეღირება - გადაწყვეტილება უკვე მიღებულია. საკრებულოს სხდომაზე თბილისის ადმინისტრაციულ საზღვრებში საზოგადოებრივი ტრანსპორტის 2021-2023 წლების განვითარების პროგრამა დაამტკიცეს. საზოგადოებრივი ტრანსპორტის 2021-2023 წლების განვითარების პროგრამა ცვლილებებს სახვადასხვა მიმართულებით ითვალისწინებს, თუმცა, ერთ-ერთია თბილისში მგზავრობის საფასურის ინტეგრირებული სისტემის ამოქმედება, რომელიც ძალაში პირველი აპრილიდან შევა. შედეგად, ერთხელ აღებული ბილეთით მგზავრს საათ-ნახევრის განმავლობაში შეეძლება ავტობუსით, (ლურჯი) მიკროავტობუსითა და მეტროთი გადაადგილება. ამ შემთხვევაში ტარიფი საერთო იქნება და მგზავრობა 50 თეთრი ეღირება ნებისმიერი ტრანსპორტის შემთხვევაში, რომელიც ამ ინტეგრირებულ სქემაშია ჩართული. 50-თეთრიანი ტარიფი ყვითელ მიკროავტობუსებზე არ გავრცელდება. გადახდის ინტეგრირებული სქემა კომპანია "სისტრამ" მოამაზადა. სტუმარი: შალვა ოგბაიძე - საკრებულოს უმრავლესობის წევრი #ახალიამბები #BusinessMediaGeorgia
მეორე წელია ფარმაცევტული სექტორი მთავრობას GMP და GDP სტანდარტზე გადასვლის გადავადებას სთხოვს. ის, ვინც კარგი საწარმოო პრაქტიკის ეტაპობრივი დანერგვისთვის მზადყოფნას გამოთქვამს, შესაბამის სტრუქტურებს უკვე წარუდგინა ახალ სტანდარტზე გადასვლის გეგმა, თუმცა მთავრობა ჯერ კიდევ პოზიციას არ თმობს. როგორც მთავრობის შესაბამისი დადგენილებით არის გაწერილი, ყველა ფარმაცევტუმა საწარმომ ახალი სტანდარტის მოთხოვნები 2022 წლის 1 იანვრიდან უნდა დააკმაყოფილოს. რა წინადადება აქვს ბიზნესს და რა პოზიციაზეა მთავრობა? #ახალიამბები #BusinessMediaGeorgia
ერთ-ერთი ყველაზე პოპულარული პორტალი - „ევროპის საუკეთესო სამოგზაურო მიმართულებები“ იმ ქალაქების რეიტინგს აქვეყნებს, რომლებიც ვაქცინირებული მოგზაურებისთვის საუკეთესო სამოგზაურო მიმართულებებს წარმოადგენენ. აღნიშნულ რეიტინგში პირველ ადგილს საქართველოს დედაქალაქი იკავებს. თბილისის გარდა, რეიტინგში მოხვდნენ ისეთი ტურისტული მიმართულებები, როგორებიცაა: კოპენჰაგენი, კეფალონია, სევილია, ათენი, და სხვა. ორგანიზაცია ასევე, აქვეყნებს 2021 წლის უსაფრთხო სამოგზაურო მიმართულებების რეიტინგს სადაც თბილისი მე-3 ადგილს იკავებს. რეიტინგი იმ მიმართულებებს მოიცავს, სადაც კორონავირუსის თვალსაზრისით, მოგზაურობა უსაფრთხოა, არ არის კარანტინის საჭიროება და დაცულია ჯანდაცვის მსოფლიო ორგანიზაციის მიერ შემუშავებული რეკომენდაციები., რაც შეეხება სტასტიატიკას, თებერვალში ტურიზმი 91%-ით შემცირდა. #ახალიამბები #BusinessMediaGeorgia
სამშენებლო სექტორი დახმარებას ითხოვს - წლების განმავლობაში დაგროვილი და პანდემიის გავლენით წარმოქმნილი პრობლემების მოსაგვარებლად სექტორი გამოსავალს ხელისუფლებასთან მეტ კომუნიკაციაში ხედავს. წინააღმდეგ შემთხვევაში სფერო დიდი პრობლემების წინაშე აღმოჩნდება. ეს სექტორი კი ქვეყანაში ერთ-ერთი ყველაზე მსხვილი დამსაქმებელია. 2019 წელს სამშენებლო მიმართულებით 100 ათასზე მეტი ადამიანი მუშაობდა, სექტორის წვლილი კი მთლიან შიდა პროდუქტში 12.5% იყო. #ახალიამბები #BusinessMediaGeorgia
„აუცილებელია,ხელისუფლებამ მეტი ყურადღება დაუთმოს სამშენებლო სექტორს, რათა არსებული გამოწვევების პირობებში არ მოხდეს სფეროს ჩამოშლა და შესაბამისად, უმუშევრობის დონის მკვეთრი ზრდა“. ეს განცხადება საქართველოს ბიზნეს ასოციაციის სამეთვალყურეო საბჭოს წევრმა გიორგი დევაძემ, მშენებლობისა და ინფრასტრუქტურის კომიტეტის ფორმატით საქართველოს ბიზნეს ასოციაციაში გამართულ სამუშაო შეხვედრაზე გააკეთა. სამუშაო ჯგუფმა, ინდუსტრიაში არსებული გამოწვევები და პრობლემები განიხილეს, რომელთა უმეტესობა წლების მანძილზე დაგროვდა და სახელმწიფოს დროულ რეაგირებას საჭიროებს. სტუმარი: ლევან ვეფხვაძე - "საქართველოს ბიზნეს ასოციაცია", აღმასრულებელი დირექტორი #ახალიამბები #BusinessMediaGeorgia
დღევანდელ მთავრობის სხდომაზე ითქვა, რომ თბილისის მცირე და საშუალო რესტორნები 5 000-10 000 ლარის დახმარებას მიიღებენ. პრემიერ-მინისტრის, ირაკლი ღარიბაშვილის განცხადებით, შემუშავდა კრიტერიუმები, რომელთა შესაბამისადაც, ანტიკრიზისული გეგმისა და მცირე და საშუალო ბიზნესის მხარდაჭერის პროგრამის ფარგლებში, პანდემიით გამოწვეული ზიანის შემსუბუქებისა და ეკონომიკის სტიმულირებისთვის ამოქმედდა სუბსიდირების პროგრამა თბილისში მდებარე მცირე და საშუალო ზომის სარესტორნო ბიზნესისთვის. რა კრიტერიუმების მიხედვით დაეხმარებიან სარესტორნე ბიზნესს და რას ამბობს კერძო სექტორი? #ახალიამბები #BusinessMediaGeorgia
მთავრობამ ეკონომიკის განვითარების გრძელვადიანი გეგმის შემუშავებისთვის სახელმწიფო კომისიის შექმნის საკითხი დაამტკიცა. განცხადება თემაზე, პრემიერ-მინისტრმა, ირაკლი ღარიბაშვილმა გააკეთა. ეკონომიკის გრძელვადიანი გეგმის წარდგენაზე ირაკლი ღარიბაშვილმა ჯერ კიდევ პარლამენტში ახალი მთავრობის და სამთავრობო პოლიტიკის წარდგენისას ისაუბრა და აღნიშნა, რომ ქვეყნის 10 წლიანი განვითარების გეგმა 100 დღეში მომზადდებოდა. დღეს მთავრობის სხდომის დაწყებამდე კი პრემიერმა თქვა, რომ სახელმწიფო კომისია განვითარების გეგმის პირველ დოკუმენტს მაისისთვის წარადგენს. მისივე თქმით, კომისიაში ჩართულები იქნებიან როგორც საჯარო, ასევე კერძო სექტორის წარმომადგენლები. სტუმარი: ვასილ რევიშვილი - ფინანსისტი #ახალიამბები #BusinessMediaGeorgia
საქართველოს მთავრობა ტურისტული სეზონის გააქტიურებას ელოდება. 1 თებერვლიდან საქართველოს ცა რეგულარული ფრენებისთვის გაიხსნა და ქვეყანაში ფრენების სიხშირეები იზრდება. ახალი ავიაკომაპნიების შემოსვლისა და უკვე ტრადიციული პარტნიორების მხრიდან რეისების დამატების შესახებ ეკონომიკის მინისტრმა ისაუბრა. ასევე, საქართველო მალე კოვიდ-19-ის საწინააღდმეგოდ აცრილ პირველ ტურისტებს მიიღებს, განცხადებები დღეს მთავრობის სხდომის დასრულების შემდეგ გაკეთდა. #ახალიამბები #BusinessMediaGeorgia
“ენერგოდამოუკიდებლობა არის ერთ-ერთი მთავარი პრიორიტეტი და ამ გამოწვევას უნდა ვუპასუხოთ ადექვატურად. ყოველ წელს 100 მეგავატი სიმძალვრის ჰესი უნდა შენდებოდეს, რაც ამ ეტაპზე არ ხდება.“-განაცხადა პრემიერ-მინისტრმა ირაკლი ღარიბაშვილმა მთავრობის სხდომის დაწყებამდე გააკეთა. პრემიერი დღეს ანაკლიის პორტის თემასაც შეეხო. #ახალიამბები #BusinessMediaGeorgia
მთავრობის სხდომაზე ითქვა, რომ თბილისის მცირე და საშუალო რესტორნები 5 000-10 000 ლარის დახმარებას მიიღებენ. ღარიბაშვილის თქმით, შემუშავდა კრიტერიუმები, რომელთა შესაბამისადაც, ანტიკრიზისული გეგმისა და მცირე და საშუალო ბიზნესის მხარდაჭერის პროგრამის ფარგლებში, პანდემიით გამოწვეული ზიანის შემსუბუქებისა და ეკონომიკის სტიმულირებისთვის ამოქმედდა სუბსიდირების პროგრამა თბილისში მდებარე მცირე და საშუალო ზომის სარესტორნო ბიზნესისთვის. რესტორნების დახმარების საკითხზე, თბილისის მერიაში განცხადება ანდრია ბასილაიამ გააკეთა. სტუმარი: მერიკო გუბელაძე - “შავი ლომი”დამფუძნებელი #ახალიამბები #BusinessMediaGeorgia
მაღაზიათა ასოციაცია თამბაქოს ახალი რეგულაციის წინააღმდეგ საკონსტიტუციო სარჩელს ამზადებს. უფრო კონკრეტულად საქმე ეხება 2021 წლის პირველი იანვრიდან ამოქმედებულ რეგულაციას, რომელიც მიხედვითაც აკრძალულია თამბაქოს, თამბაქოს ნაწარმის, თამბაქოს აქსესუარის ან/და თამბაქოს მოხმარებისთვის განკუთვნილი მოწყობილობის რეალიზაცია ან/და განლაგება ვიტრინაზე, ვიტრაჟზე, დახლზე, თაროზე ან სხვაგვარად, ისე, რომ იგი ხილვადი იყოს შესაბამისი ობიექტის შიდა სივრციდან. რას ითხოვს ბიზნესი და როგორ აფასებენ დარგის ექპერტები აღნიშნულ საკანონმდებლო ცვლილებებს? #ახალიამბები #BusinessMediaGeorgia
Wizzair აბუდაბი-ქუთასისი რეისის დაწყებას გეგმავს, თუმცა, კომპანია რეგულაციების შემსუბუქებას ელოდება - ამის შესახებ bm.ge-ს დაბაბიუჯეტიანი უნგრული ავიაკომპანის წარმომადგენელმა განუცხადა. საქართველოს ცა 1 თებერვლიდან გახსნილია და კომპანიების ნაწილი რეგულარულ რეისებს ასრულებს, თუმცა, მოთხოვნა, როგორც ჩანს არც ისეთი მაღალია, როგორც ელოდნენ. საქართველოში მოქმედი კომენდანტის საათი და დაკეტილი სახმელეთო საზღვრების კი ტურსიტებისთვის დამატებითი დაბრკოლებაა. რა ხდება დღეს ავია და ტურისტულ ბაზარზე? #ახალიამბები #BusinessMediaGeorgia
ბიზნესი კომენდანტის საათის გადაწევას ითხოვს. რამდენიმე დღის წინ ანალოგიური მოთხოვნებით ბიზნესასოცაციამ სპეციალური განცხადებაც გაავრცელა. გიდების საინიციატივო ჯგუფის თავმჯდომარის ალექსანდრე გიორგიძის შეფასებით კი „კომენდანტის საათი კლავს ტურიზმს! ის უნდა გაუქმდეს! #ახალიამბები #BusinessMediaGeorgia
მაღაზიათა ასოციაცია თამბაქოს ახალი რეგულაციის წინააღმდეგ საკონსტიტუციო სარჩელს ამზადებს. საქმე ეხება 2021 წლის პირველი იანვრიდან ამოქმედებულ რეგულაციას რომლის მიხედვითაც აკრძალულია თამბაქოს ნაწარმის, თამბაქოს აქსესუარის ან/და თამბაქოს მოხმარებისთვის განკუთვნილი მოწყობილობის რეალიზაცია ან/და განლაგება ვიტრინაზე, ვიტრაჟზე, დახლზე, თაროზე ან სხვაგვარად, ისე, რომ იგი ხილვადი იყოს შესაბამისი ობიექტის შიდა სივრციდან. სტუმარი: გიორგი ყავლაშვილი - იურისტი #ახალიამბები #BusinessMediaGeorgia
კომენდანსიტის საათი კლავს ტურიზმს, ის უნდა გაუქმდეს, ტურიზმი არ აღდგება სანამ: არსებობს კომენდანტის საათი!!! სანამ ქვეყანა არ გახდება კოვიდ უსაფრთხო, ეკონომიკის მინისტრს რკინის ქალამნები უნდა ეცვას და დადიოდეს ავიაკომპანიებთან მოლაპარაკებებზე! - ამის შესახებ პოსტი რამდენი საათის წინ გიდების საინიციატივო ჯგუფის ხელმძღვანელმა ალექსანდრე გიორგიძემ გააკეთა. სტუმარი: ალექსანდრე გიორგიძე - გიდების საინიციატივო ჯგუფი #ახალიამბები #BusinessMediaGeorgia
მორიგი რეგულაციები ბიზნესს. ამჯერად მათ ჰაერის დაბინძურების გაკოტროლება მოუწევთ. გარემოსდაცვითი პასუხისმგებლობის შესახებ კანონი მესამე მოსმენით პარლამენმა უკვე დამტკიცდა. არის თუ არა მზად კერძო სექტორი და რა იცვლება ბიზნესოპერატორებისთვის ? #ახალიამბები #BusinessMediaGeorgia
2021 წლის თებერვალში საქართველოში წლიურმა ინფლაციამ 3.6% შეადგინა. ამასთან, ინფლაციის კალკულაციაში კვლავ იყო გათვალისწინებული კომუნალური ტარიფების სუბსიდირების ეფექტი, ამ სუბსიდიის გარეშე კი, ინფლაცია 1.85 პროცენტული პუნქტით უფრო მეტი - 5.45% იქნებოდა. წლიურ ჭრილში სურსათის ღირებულება 6.2%-ით, ჯანდაცვის ღირებულება კი 9.8%-ით არის გაზრდილი. #ახალიამბები #BusinessMediaGeorgia
საქართველოში, 4-დან 3 კურორტზე PCR-ტესტის აღება კვლავ შეუძლებელია და უცხოელმა ვიზიტორმა ან - დედაქალაქში ან კურორტთან არსებულ უახლოეს საზოგადოებრივ ცენტრში უნდა აიღოს ტესტი. თემაზე მუშაობისას bm.ge-მ მთავრობის სპეციალურ ცხელ ხაზზეც დარეკა. ოპერატორები ამბობენ, რომ, მაგალითად, ბაკურიანში ნამდვილად არის საზოგადოებრივი ჯანდაცვის ცენტრი, თუმცა იქ მხოლოდ სწრაფი ტესტის აღებაა შესაძლებელი, ხოლო PCR-ტესტისთვის მოქალაქემ ბორჯომის საზოგადოებრივი ჯანდაცვის ცენტრს უნდა მიმართოს. რაც შეეხება გუდაურს, მცხეთა-მთიანეთის საზოგადოებრივი ჯანდაცვის ცენტრის ხელმძღვანელის თქმით, გუდაურში სინჯის ამღები ლაბორატორია არ არის, ანუ უცხოელი ვიზიტორი PCR ტესტს ვერც გუდაურში აიღებს. რაც შეეხება მესტიას, 144-ის ოპერატორებმა განგვიმარტეს, რომ კურორტზე ჩასულ ვიზიტორებს ორ კლინიკაში შეუძლიათ მისვლა და PCR ტესტის აღება - საზოგადოებრივი ჯანდაცვის ცენტრსა და მესტიის საავადმყოფოში. კიდევ ერთი კურორტი, რომელიც ტურისტების ინტერესს იწვევს, გოდერძია. BM.GE-ის აჭარის დაავადებათა კონტროლის ცენტრში უთხრეს, რომ მაღალმთიან აჭარაში მდებარე კურორტზე ჩასულ უცხოელებს ფასიანი PCR-ტესტის ასაღებად უახლოეს ამღებ ლაბორატორიაში მოუწევთ მისვლა, რომელიც ხულოში მდებარეობს. სტუმარი: მაია მურაჩაშვილი - ტურისტული კომპანიის იბერია ტურს პლიუსი დამფუძნებელი #ახალიამბები #BusinessMediaGeorgia
2021 წლის თებერვალში საქართველოში წლიურმა ინფლაციამ 3.6% შეადგინა. ამასთან, ინფლაციის კალკულაციაში კვლავ იყო გათვალისწინებული კომუნალური ტარიფების სუბსიდირების ეფექტი, ამ სუბსიდიის გარეშე კი, ინფლაცია 1.85 პროცენტული პუნქტით უფრო მეტი - 5.45% იქნებოდა. წლიურ ჭრილში სურსათის ღირებულება 6.2%-ით, ჯანდაცვის ღირებულება კი 9.8%-ით არის გაზრდილი. სტუმარი: მიხეილ ფარულავა - ჯორჯიან ბეიქერსი; თანადამფუძნებელი #ახალიამბები #BusinessMediaGeorgia