ბუნებრივი გაზი თბილისი ენერჯის მომხმარებლებისთვის დაახლოებით 8 თეთრით გაძვირდა. შესაბამისი გადაწყვეტილება სემეკმა მიიღო. სამომხმარებლო ტარიფების ზრდა თავად კომპანიის მოთხოვნით მოხდა. შედეგად 1 ივნისიდან ქვეყანაში ახალი ტარიფი იმოქმედებს და 1 კუბური მეტრი ბუნებრივი აირი 46 თეთრის ნაცვლად 54 თეთრი ეღირება. ტარიფის ცვლილება გამოიწვია ტარიფის ერთ-ერთი კომპონენტის- გაზის მიწოდების ზღვრული ტარიფის ცვლილებამ, რომელიც 26.8 თეთრიდან 33.4 თეთრამდე გაიზარდა. ტარიფის ცვლილების ძირითადი მიზეზი ლარის კურსი გახდა. 2019 წელს დადგენილი ტარიფში ლარის კურსი დოლართან მიმართებით 2.97-იან ნიშნულზე იყო, დღეს მიღებულის გადაწყვეტილებით კი ტარიფში ლარის კურსი 3.37-იან ნიშნილზე გაითვალისწინეს. ახალი ტარიფები 1 ივნისისან 2023 წლის 1 იანვრამდე იმოქმედებს. კომპანია თბილისი ენერჯი მარეგულირებლის გადაწყვეტილებით კმაყოფილია, თუმცა მათ კიდევ აქვთ შეთავაზებები და მოთხოვნები. #ახალიამბები #BusinessMediaGeorgia
შრომის საერთაშორისო ორგანიზაციის (ILO) მიერ გამოქვეყნებული ანგარიშის თანახმად, საქართველო მსოფლიო მასშტაბით, უმუშევრობის დონით მსოფლიოს პირველ ათეულში შედის და მეათე ადგილს იკავებს. შრომის საერთაშორისო ორგანიზაციის შედეგები 7 ქვეყნის, მათ შორის საქართველოს შემთხვევაშიც 2020 წლის მონაცემებს ეყრდნობა. 2020 წელს კი საქსტატის მიხედვით, საქართველოში უმუშევრობის დონე 0.9 პროცენტული პუნქტით 18.5%-მდე გაიზარდა. ამასთან, უმუშევრობის ზრდასთან ერთად შემცირდა ეკონომიკურად აქტიური მოსახლეობის რაოდენობაც. რაში ხედავენ სპეციალისტები გამოსავალს, როგორი პოლიტიკა უნდა ჰქონდეს საქართველოს მთავრობას, რომ ქვეყანაში უმუშევრობის დონე შემცირდეს? #ახალიამბები #BusinessMediaGeorgia
ბაზარზე შესაძლოა გარკვეული ტიპის მეორადი საბურავების იმპორტი შეიზღუდოს. საკითხი დღის წესირგში უკვე დგას, თუმცა გარემოს დაცვისა და სოფლის მეურნეობის სამინისტროს გადაწყვეტილება ჯერ უცნობია. რა შეიძლება გახდეს მეორადი საბურავების იმპორტის შეიზღუდვის მიზეზი? #ახალიამბები #BusinessMediaGeorgia
საქართველოს საზღვაო სექტორი ევროპულ სტანდარტებს უახლოვდება - უკვე მრავალი წელია ამ გზაზე საქართველოს მთავარი პარტნიორი ევროკავშირია. ევროპული ქვეყნების გაერთიანება მხარს უჭერს საქართველოს საზღვაო სფეროს განვითარებას სხვადასხვა პროექტებისა და პროგრამების საშუალებით, რომლებიც ქვეყანას რეგიონის წამყვან სატრანსპორტო კვანძად ჩამოყაილბებაში დაეხმარება. რეფორმები ფაქტობრივად ყველა მიმართულებით მიმდინარეობს დაწყებული ნავიგაციის უსაფრთხოებიდან, დასრულებული განთლებისა და სწავლების თანამედროვე სტანდარტების დანერგვით. რეფორმების შედეგებს საქართველო უკვე ითვლის. #ახალიამბები #BusinessMediaGeorgia
1 ივნისიდან საქართველო ტურისტებისთვის სახმელეთო საზღვრებს ხსნის. ტურისტების ნაკადების მისაღებად მზაობას გამოთქვამთ, თუმცა დღემდე უცნობია, როგორ იქცევა ტურისტი იმ შემთხვევაში თუ ქვეყანაში შემოსვლის შემდეგ ინფიცირდება. იქნება თუ არა ტურისტებისთვის კოვიდ დაზღვევის ქონა სავალდებულო და მოგზაურებისთვის რა ტიპის სადაზღვევო პაკეტების შეთავაზებაზე მუშაობენ სადაზღვევო კომპანიები? #ახალიამბები #BusinessMediaGeorgia
საქართველოს მთავრობას მის საკუთრებაში არსებული ათასობით ტონა სპირტის გაყიდვა უჭირს - ამის შესახებ BMG-ის გარემოს დაცვისა და სოფლის მეურნეობის მინისტრმა ლევან დავითაშვილმა განუცხადა. მთავრობას ათასობით ტონა სპირტი რთველის სუბსიდირების პროგრამის გამო დაუგროვდა, ამასთან 2020 წელს სახელმწიფომ სუბსიდირების გზით უპრეცედენტო მოცულობის - 104 მილიონი ლარის ყურძენი ჩაიბარა. ამ ყურძნისგან მთავრობა საკონიაკე სპირტს ხდის და მას შემდეგ ეტაპობრივად ბაზარზე ყიდის თუმცა, როგორც ირკვევა სპირტის რეალიზაციის მიმართულებით პრობლემები არსებობს. სუბსიდირების და სპირტის გამოხდის პროცესი სახელმწიფოს დაქვემდებარებაში არსებული კომპანიის “აკურას” გავლით ხდება. ლევან დავითაშვილმა BMG-ის განუცხადა, რომ “აკურამ” 2020 წელს მევენახეებისგან რთველი არამხოლოდ ცენტრალური ბიუჯეტიდან, არამედ ბანკის კრედიტით მოზიდული სახსრებითაც ჩაიბარა. სტუმარი: იაგო ბიტარიშვილი - "იაგოს ღვინო", დამფუძნებელი #ახალიამბები #BusinessMediaGeorgia
უწყებათშორისი საკოორდინაციო საბჭოს გადაწყვეტილებით 1 ივნისიდან სახმელეთო საზღვრები გაიხსნება. როგორც საბჭოსთან არსებული ოპერატიული შტაბის ხელმძღვანელმა გიორგი ღიბრაძე სხდომის დასრულების შემდეგ აღნიშნა, სახმელეთო საზღვრით ქვეყანაში შემოსვლისას პირს რეკომენდირებულია ჰქონდეს დაზღვევა, რომელიც საჭიროების შემთხვევაში კოვიდ ხარჯებს დაფარავს. ასევე, იმ ქვეყნების ჩამონათვალს, რომელთაც ქვეყნის საზღვრის კვეთა ბოლო 72 საათში ჩატარებული პისიარ ტესტის უარყოფითი პასუხით შეეძლებათ, ემატება კანადა, იაპონია, ქუვეითი, ჩინეთი, სამხრეთ კორეა, მოლდოვა და ომანი. #ახალიამბები #BusinessMediaGeorgia
“კრწანისი ვილა რეზიდენსის“ ახალი სივრცის - „კრწანისი რესორტ რეზიდენსის“ IV ფაზის პროექტი ოფიციალურად გაიხსნა. მრავალფუნქციური უბნის საძირკველში სიმბოლური კაფსულა ჩაიდო. დეველოპერული პროექტის პრეზენტაცია ბიზნესსექტორისა და მთავრობის წარმომადგენლების წინაშე შედგა. 200 მილიონიანი პროექტის პრეზენტაციას პრემირ-მინისტრი და მთავრობის წევრების ესწრებოდნენ. რა განცხადებები გაკეთდა ღონისძიებაზე? #ახალიამბები #BusinessMediaGeorgia
64 კომპანიიდან 52 GMP სტანდარტზე გადასვლისთვის მზად არ არის! #ახალიამბები #BusinessMediaGeorgia
ვირტუალური ზონის პირი - ასე ჰქვია იმ სტატუსს, რომლის მოპოვებითაც საქართველოში მოღვაწე საინფორმაციო და ტექნოლოგიური სერვისის მიმწოდებელ კომპანიებს დღგ-ისა და მოგების გადასახადების 0%-მდე შემცირება შეუძლიათ. ეს საგადასახადო შეღავათები 2010 წლის დეკემბერში - “საინფორმაციო ტექნოლოგიური ზონების” შესახებ მიღებული კანონით და საგადასახადო კოდექსით არის განსაზღვრული. კანონის მიხედვით, ნულოვანი საგადასახადო მოსაკრებელი საქართველოში IT სერვისების განვითარების ხელშესაწყობად არის მიღებული. ვირტუალური ზონის პირის სტატუსს კომპანიებს ფინანსთა სამინისტრო ანიჭებს. კანონის მეექვსე მუხლის მიხედვით - “ვირტუალურ ზონაში საქმიანობას მიეკუთვნება იურიდიული პირის მიერ განხორციელებული ეკონომიკური საქმიანობა, რომელიც საქართველოს ტერიტორიაზე მიმართული იქნება საინფორმაციო ტექნოლოგიების შექმნასთან.” ბოლო 10 წლის განმავლობაში საქართველოში ამ სტატუსით 1,000-ზე მეტი იურიდიული პირი დარეგისტრირდა. საგადასახადო პრაქტიკის მიხედვით, კომპანიებს არ მოეთხოვებოდათ უშუალოდ საქართველოში დასაქმებულთა ყოლა და უშუალოდ საქართველოს ტერიტორიიდან მომსახურების გაწევა. თუმცა, რამდენიმე კვირაა რაც შემოსავლების სამსახურმა საკუთარი პრაქტიკა რადიკალურად შეცვალა და კომპანიებისგან წინა წლებში მიღებულ შემოსავლებზე გადასახადების გადახდას ითხოვს. სალომე მეცხვარიშვილი მიერთდება ახლა პირდაპირ ეთერში. სალომე, საღამო მშვიდობის. ეს თემა ამ კვირაში საქმიანმა დილამ გააქტიურა, როცა ვირტუალური ზონის პირების შესახებ - გადაცემაში შემოსავლების სამსახურის საგადასახადო და საბაჟო მეთოდოლოგიის დეპარტამენტის უფროსმა რომან ბუღაძემ ისაუბრა. მისი თქმით, შემოსავლების სამსახურმა საკუთარი პრაქტიკის შეფასებისას აღმოაჩინა, რომ მათ ვირტუალური ზონის პირების შემოწმება არცერთხელ არ აქვთ ჩატარებული, საკითხის უფრო დეტალურად გაანალიზებით კი გაირკვა, რომ ქვეყანაში ამ სტატუსით რეგისტრირებული 1,025 კომპანიიდან ფაქტობრივად არცერთი არ ახორციელებს უშუალოდ საქართველოს ტერიტორიიდან უცხოეთში ციფრული სერვისების მიწოდებას - რასთან გვაქვს საქმე და აქვე მთავარი კითხვა - მოუწევთ თუ არა კომპანიებს, ძველი გადასახადების ახლა გადახდა? #ახალიამბები #BusinessMediaGeorgia
2020 წელს საქართველოში უმუშევრობის დონე 0.9 პროცენტული პუნქტით 18.5%-მდე გაიზარდა. უმუშევრობის დონის განხილვა ასაკობრივ ჭრილში გვიჩვენებს, რომ უმუშევრობის დონე ყველაზე მაღალი ახალგაზრდებშია, განსაკუთრებით 15-19 წლის ასაკობრივ კატეგორიაში, სადაც უმუშევრობის დონე 43,9%-ს შეადგენს. საყურადღებოა ასევე განათლების, დასაქმებისა და ტრენინგების მიღმა მყოფი ახალგაზრდების რაოდენობაც. რა ხდება ახალგაზრდების დასაქმების კუთხით შრომის ბაზარზე და არსებობს თუ არა ახალგაზრდა თაობის დასაქმების ხელშეწყობის რეალური პროგრამები? #ახალიამბები #BusinessMediaGeorgia
პურის მწარმოებლები წისქვილკომბინატებისგან ფქვილის შეძენას 53 ლარის ნაცვლად 50 ლარად ითხოვენ. მათი თქმით, არსებულ საფასო პირობებში მწარმოებლები ვეღარ ახერხებენ პურის ფასის შენარჩუნებას. როგორც პურის მცხობელთა ასოციაციაში ამბობენ, თუ აღნიშნული მოთხოვნა არ დაკმაყოფილდება კერძო სექტორს იმისთვის, რომ წარმოება შეინარჩუნოს პროდუქციის 10-15 თეთრით გაძვირება მაინც მოუწევს. #ახალიამბები #BusinessMediaGeorgia
„ლარის კურსზე მოქმედი მნიშვნელოვანი ფაქტორი ტურიზმის აღდგენაა. თუ ამის ნაწილობრივი აღდგენა მაინც მოხდება წელს, ეს დადებითი იქნება“, - ეს განცხადება სების ვიცე-პრეზიდენტმა პაპუნა ლეჟავამ რამდენიმე დღის წინ ჟურნალისტის იმ კითხვის პასუხად გააკეთა, რომელიც ლარის კურსის რყევებს შეეხებოდა. ტურიზმის სექტორის აღდგენა არა მხოლოდ ლარის სტაბილურობისთვისაა მნიშვნელოვანი, არამედ ზოგადად ეკონომიკის ზრდისთვის. წლის დასაწყისში სების მენეჯმენტი აცხადებდა, რომ თუ ტურიზმი საერთოდ არ აღდგებოდა, წელს ეკონომიკა, დაახლოებით, 1%-ით გაიზრდებოდა. პანდემიის გამო, ფაქტობრივად, ზამთრის ტურისტული სეზონი სულ რამდენიმე კვირა გაგრძელდა. ჯერჯერობით ბუნდოვანია ზაფხულის ტურისტული სეზონის მომავალიც. #ახალიამბები #BusinessMediaGeorgia
19.6%-იანი ზრდა ექსპორტში და 10.1%-იანი ზრდა იმპორტში - საქსტატმა საგარეო ვაჭრობის მონაცემები გამოაქვეყნა, რომლის თანახმად, წლის პირველ ოთხ თვეში საქართველომ ექსპორტისგან მილიარდ 199 მლნ დოლარის შემოსავალი მიიღო, ხოლო იმპორტისთვის ქვეყნიდან 2 მლრდ 730 მლნ დოლარი გავიდა. ჯამში საგარეო სავაჭრო ბრუნვამ 3 მლრდ 929 მლნ. აშშ დოლარი შეადგინა, რაც წინა წლის შესაბამის პერიოდთან შედარებით 12.8 პროცენტით მეტია. სავაჭრო პარტნიორ ქვეყნებს თუ დავაჯგუფებთ, ვნახავთ, რომ როგორც იმპორტში, ისე ექსპორტში ლიდერი არის დსთ-ის ქვეყნები. კერძოდ, უშუალოდ ექსპორტში დსთ-ის წილი 44.5%-ია, ხოლო ევროკავშირის წილი კი - 17.7%. #ახალიამბები #BusinessMediaGeorgia
თბილისის მერის კახა კალაძის განცხადებით, ზონალურ-საათობრივი პარკირების სისტემის დანერგვა დედაქალაქში კარგად მიმდინარეობს, თუმცა გარკვეული პრობლემები შეიქმნა, მაგრამ საკითხი უკვე მოგვარებულია. კალაძის თქმით, მოქალაქეებს 7 ივნისიდან შეეძლებათ საკუთარი ავტომობილები სახლიდან გაუსვლელად დაარეგისტრირონ. “ასევე არის შემთხვევები, როცა გარდაცვლილ მოქალაქეზეა რეგისტრირებული საცხოვრებელი ფართი და მისი მემკვიდრეები ვერ ახერხებენ სატრანსპორტო საშუალებების რეგისტრაციას. ამ მიმართულებით ვიმუშავეთ, მოხდა სისტემის სრულად გადაწყობა და 7 ივნისიდან მოქალაქეებს ექნებათ შესაძლებლობა ჩვეულებრივად, სახლიდან გაუსვლელად დაარეგისტრირონ ავტომანქანები“, - განაცხადა კალაძემ. თბილისის მთავრობის სხდომაზე ასევე ცნობილი გახდა, როდის ჩაერიცხებათ ერთჯერადი ფულადი დახმარება რესტორნებს? #ახალიამბები #BusinessMediaGeorgia
თბილისის ისტორიული ნაწილის დამცავი ზონების აღდგენა; ხუთი ახალი საპარკე არეალი; სამშენებლო კოეფიციენტების გადამეტების აკრძალვა. მწვანე სივრცეები, გარაჟების ნაცვლად. ეს არის სამუშაოს ნაწილი, რომელზეც თბილისის მერმა დღევანდელ პრეზენტაციაზე ისაუბრა. 4 წლიანი ანგარიშის წარდგენისას კახა კალაძემ აღნიშნა, რომ თბილისი ისეტი აღარ არის როგორც 4 წლის წინ და დედაქალაქი გამოწვევების მიუხედავად ბევრად უფრო მეტად განვითარდა. ერთ-ერთ მთავარ მიღწევად ქალაქის გენერალური გეგმის შემუშავება/დამტკიცება დასახელდა. რა შეცვალა ამ გეგმამ ბიზნესისთვის, როგორ აფასებენ ახალ მარეგულირებელ ჩარჩოს კერძო სექტორში? #ახალიამბები #BusinessMediaGeorgia
რას საქმიანობს საჯარო და კერძო თანამშრომლობის სააგენტო, რომელიც 2019 წლიდან ამოქმედდა და ანგარიშვალდებულია პრემიერ-მინისტრის წინაშე. ამ სააგენტოს ერთ-ერთი მთავარი მიზანი მსხვილ პროექტებში სახელმწიფოს თანამონაწილეობის განსაზღვრა და პროექტების თანადაფინანსების რისკების შეფასებაა. რითია დღეს დაკავებული აღნიშნული სსიპი და რამდენად ეფექტიანად შეიძლება ჩაითვალოს მისი საქმიანობა? #ახალიამბები #BusinessMediaGeorgia
დედაქალაქის მერმა 4-წლიანი ანგარიშის ფარგლებში გამართულ პრეზენტაციაზე - „თბილისის ურბანული განვითარების პოლიტიკა“ განაცხადა, რომ თბილისის მუნიციპალიტეტის მერიამ ყველაფერი უნდა გააკეთოს იმისთვის, რომ ქალაქში რაც შეიძლება მეტი მწვანე სივრცე შეიქმნას და არსებული ეკოლოგიური მდგომარეობა გამოსწორდეს. როგორც კახა კალაძემ აღნიშნა, არსებული მწვანე სივრცეებისა და სპორტული მოედნების შენარჩუნება მნიშვნელოვანია. ურბანული პოლიტიკის მიმართულებით განხორციელებულ ცვლილებებზე ასევე, თბილისის ვიცე-მერმა, ირაკლი ხმალაძემ ისაუბრა, მან რამდენიმე მნიშვნელოვანი მიმარტულება გამოყო, მათ შორის, თბილისის ისტორიული ნაწილის დამცავი ზონების აღდგენა; ხუთი ახალი საპარკე არეალი; სამშენებლო კოეფიციენტების გადამეტების აკრძალვა. სტუმარი: ირაკლი ხმალაძე - ვიცე-მერი #ახალიამბები #BusinessMediaGeorgia
რამდენიმე თვეა ბიზნესი, კომენდანტის საათის მოხსნას და სახმელეთო საზღვრების გახსნას ითხოვს. მთავრობის მისამართით გაჟღერებულ მოთხოვნებს შორის სხვა საკითხებიც იყო. ეკონომიკისა და მდრადი განვითარების მინისტრი ნათია თურნავა დღეს აცხადებს, რომ ორი კვირის შემდეგ, ინფიცირების დადებითობის მაჩვენებლის შემცირების შემთხვევაში, შეზღუდვების საკითხი გადაიხედება. როგორც მინისტრმა თქვა, ეს შეეხება ყველა შეზღუდვას, მათ შორის - ე.წ. "კომენდანტის საათს". #ახალიამბები #BusinessMediaGeorgia
ლარის გაუფასურების პარალელურად ფასები იზრდება თითქმის ყველაფერზე. გამონაკლისი ამ შემთხვევაში არც მედიკამენტებია, რომლის 90%-ზე მეტს საქართველო საზღვარგარეთ ყიდულობს. რატომ ძვირდება მედიკამენტები, რა გავლენა აქვს მის ღირებულებაზე კურსს და რა არის საჭირო იმისთვის, რომ მოქალაქეების მედიკამენტებზე დანახარჯები შემცირდეს და ხელმისაწვდომობა გაიზარდოს? #ახალიამბები #BusinessMediaGeorgia
კოოპერატიული ბინათმშენებლობებით დაზარალებულებისთვის 6 კომპანია ბინებს უკვე აშენებს -ამის შესახებ განცხადება დღეს თბილისის მერმა კახი კალაძემ გააკეთა. მისი თქმით, ეს მისი წინასაარჩევნო დაპირება იყო, რომელიც ეტაპობრივად სრულდება. ამ დროისთვის 16 გამარჯვებული კომპანიაა, რომელიც მშენებლობის სხვადასხვა ეტაპზე არიან - კიდევ რა განცხადებები გაკეთდა თბილსის მთავრობის სხდომაზე? #ახალიამბები #BusinessMediaGeorgia
სახმელეთო საზღვრების გახნსას აზრი არ აქვს, თუ შაბათ-კვირას რესტორნებს მუშაობის უფლება არ მიეცა - ეს განცხადება რესტორატორთა ასოციციის ხელმძღვანელმა გააკეთა. ბიზნესის განცხადებები დღეს კომენდანტის საათსაც შეეხო, კერძო სექტორის მოთხოვნა კვლავ იგივე რჩება, ესაა კომენდანტის საათის მოხნა. #ახალიამბები #BusinessMediaGeorgia
სტატისტიკის ეროვნული სამსახური მიმდინარე წლიდან ახალი კვლევების დაწყებას აპირებს. სამომავლო გეგმების შესახებ უწყების 2020 წლის ანგარიშიდან ხდება ცნობილი, რომელიც საქართველოს პარლამენტშია წარდგენილი და რომელშიც დეტალურადაა გაწერილი უწყების საქმიანობის შედეგები. #ახალიამბები #BusinessMediaGeorgia
იაფ ფულზე წვდომა, რომ პრობლემაა მცირე და საშუალო ბიზნესისთვის ეს იმ გადაწყვეტილებაშიც კარგაც ჩანს, რომელიც მსოფლიო ბანკის დირექტორთა საბჭომ მიიღო. საფინანასო ინსტიტუტმა ქვეყანას 85 მლნ ევრო გამოუყო, რომელიც მიკრო, მცირე და საშუალო საწარმოების დახმარებისკენაა მიმართული. როდის ან რა ფორმით მიიღებენ ბენეფიციარები ამ თანხას უცნობია, თუმცა დღეს საქმის კურსმა გადაწყვიტა მოეკითხა თუ რა კონკრეტული საჭორებები აქვს მცირე და საშუალო ბიზნესს? #ახალიამბები #BusinessMediaGeorgia
მსოფლიო ბანკმა ქართული ბიზნესის მხარდასაჭერად 85 მილიონი ევროს მოცულობის პროგრამა დაამტკიცა. პროგრამით იმ მცირე და საშუალო საწარმოების მხარდაჭერა მოხდება, რომელიც პანდემიამ დააზარალა. საერთო ჯამში პროგრამით სარგებლობას 6000 საწარმო შეძლებს. რისგან შედგება მსოფლიო ბანკის მხარდაჭერის პროგრამა და საით იქნება მიმართული 85 მილიონი ევროს ფინანსური დახმარება? სებასტიან მოლინეუსი - მსოფლიო ბანკის რეგიონული დირექტორი სამხრეთ კავკასიაში #ახალიამბები #BusinessMediaGeorgia
ნამახვანიჰესის პროექტის განმახორციელებელი კომპანია “ენკა” აქტიურ საინფორმაციო კამპანიას აანონსებს. მათი განამარტებით, მზად არიან შეხვედრების გასამართად და ყველა დაინტერესებული პირისთვის მაქსიმალურად გამჭირვალე ინფორმაციის მისაწოდებლად, რაც “ნამახვანიჰესის” პროექტს უკავშირდება. “ენკა” აცხადებს, რომ ნებისმიერ კითხვას გასცემს პასუხს. #ახალიამბები #BusinessMediaGeorgia
ფინანსთა მინისტრი იმედოვნებს, რომ 2021 წლის ბიუჯეტის საშემოსავლო ნაწილი გადაჭარბებით შესრულდება. ლაშა ხუციშვილის თქმით, დღეს არსებული მონაცემებიდან გამომდინარე, რეალისტურია მიმდინარე წლის ბიუჯეტით განსაზღვრული ეკონომიკური ზრდის მიღწევაც, რომელიც ამ დროისთვის 4.3%-ს გულისხმობს. #ახალიამბები #BusinessMediaGeorgia
ჯიბიდან გადახდები კარდიოქირურგიაში. ჯანდაცვის მინისტრი კვლავ ჯიბიდან გადახების პრაქტიკაზე საუბრობს. ტიკარაძე მბობს, რომ ტარიფების გათანაბრების შემდეგ ჯიბიდან გადახდების ტენდენცია შემცირდა, თუმცა მისი განმარტებით, მსგავსი ფაქტები მაინც ფიქსირდება. ამის პარალელურად სამედიცინო სექტორი, რომელსაც ხარჯები გაზრდილი აქვს, დადგენილი ტარიფების გადახედვას ითხოვს, თუმცა სამინისტროსგან კონკრეტული პასუხები ისევ არ არის. #ახალიამბები #BusinessMediaGeorgia
ჯანდაცვის მინისტრის მოადგილის განცხადებით, ვაქცინაციის საბჭო საქართველოს მთავრობას ჯანდაცვის მსოფლიო ორგანიზაციის ავტორიზაციამდე, „სინოვაკით"ვაქცინაციასთან დაკავშირებით მიმართავს. ამის შესახებ თამარ გაბუნიამ ჟურნალისტებს ვაქცინაციის საბჭოს დასრულების შემდეგ განუცხადა. მისი თქმით, ჯანმოს ექსპერტების შუალედური დადებითი დასკვნები „სინოვაკით“ ვაქცინაციის დაწყების შესაძლებლობას იძლევა. დღეს ასევე ცნობილი გახდა, რომ "ასტრაზენეკათი" აცრის დაშვებული ასაკი 55-დან 45 წლამდე შემცირდა. დღეს ერთ-ერთი მთავარი ინტერესის საგანი გაზრდილი მოთხოვნის ფონზე ვაქცინების საკმარისი რაოდენობაა. #ახალიამბები #BusinessMediaGeorgia
საქართველოს ეროვნულ ბანკს დეპოზიტების დაზღვევის სააგენტოსგან დეპოზიტის მიღების უფლება ექნება - ამას პარლამენტის მიერ მიღებული ახალი კანონი ითვალისწინებს, რომელიც 2022 წლის 1 იანვრიდან უნდა ამოქმედდეს. კანონის თანახმად, "დეპოზიტების დაზღვევის სააგენტოს" შეუძლია, ეროვნულ ბანკში გახსნას სადეპოზიტო ანგარიში. ამასთანავე, კანონის მიხედვით, სებ-ს დეპოზიტების მიღება ქვეყანაში მოქმედი კომერციული ბანკებისგანაც შეუძლია. სტუმარი: ოთარ ძიძიკაშვილი - დეპოზიტების დაზღვევის სააგენტოს ხელმძღვანელი. #ახალიამბები #BusinessMediaGeorgia
უწყებათაშორისი საკოორდინაციო საბჭოს გადაწყვეტილებით, მუნიციპალურ ტრანსპორტზე დაწესებული შეზღუდვები იხსნება და მიმდინარე წლის 13 მაისიდან დედაქალაქში, როგორც მუნიციპალური ავტობუსები და თბილისის მეტრო, ასევე მიკროავტობუსები მუშაობას განაახლებენ. BMG-იმ კითხვები საკორდინაციო საბჭოს შემდეგ, კომენდანტის საათსა და აცრილი მოქალაქებიისთვის წახალისების მექანიზმზეც დასვა. #ახალიამბები #BusinessMediaGeorgia
მორიგი ფასდაკლება მთავრობისგან - საპრივატიზაციო ობიექტებზე გამოცხადებული 50%-იანი სეილის შემდეგ, ხელისუფლებას შეთავაზება ფერმერებთან აქვს. მოიჯარეებს შესაძლებლობა აქვთ, მიწები 25%-იანი ფასდაკლებით გამოისყიდონ. შესაბამისი გადაწყვეტილება მინისტრთა კაბინეტის სხდომაზე მიიღეს. სამთავრობო გადაწყვეტილებები ამჯერადაც მინისტრებმა გააჟღერეს, ირაკლი ღარიბაშვილი მედიასთან არ გამოჩენილა. ჟურნალისტების კითხვებზე პასუხის გაცემა ეკონომიკისა და ინფრასტრუქტურის მინისტრებს მოუწიათ. რა იყო მთავრობის სხდომის დღის წესრიგში, რომელმაც სულ 13 საკითხი მოიცვა. #ახალიამბები #BusinessMediaGeorgia
უკვე ათი დღეა საბაჟო გამშვებ პუნქტებში იმპორტირებული პროდუქცია შეყოვნებულია. ჰიგიენური საშუალებებისა და ბავშვთა საკვების იმპორტიორები პრობლებეზე საუბრობენ და ამბობენ, რომ მათს პროდუქციას საზღვარზე შეფერხები აქვს, როგორც თბილისის ისე ბათუმის გეზში. მძიმე ფინანსური კრიზისის პარალელურად საბაჟოებზე შექმნილი პრობლემების გამო იმპორტიორებს ხარჯი ეზრდებათ და რისკის წინაშე დგებიან, რომ ობიექტებს პროდუქციით დროულად ვერ მოამარაგებენ. #ახალიამბები #BusinessMediaGeorgia
საქალაქო სასამართლომ კარფურის წინააღმდეგ ქართველი მწარმოებლების რამდენიმე სარჩელი წარმოებაში მიიღო. დავის საგანი ყველა შემთხვევაში თითქმის იდენტურია. ქართული კომპანიები საერთაშორისო ბრენდს სამართლებრივი საფუძვლის გარეშე საკმაოდ სოლიდური თანხების ჩამოჭრას ედავებიან. კომპანიების დიდმა ნაწილმა უკვე შეაჩერა კარფურისთვის პროდუქციის მიწოდება. მას შემდეგ, რაც დისტრიბუტორთა ბიზნეს ასოციაციამ კარფურის წინააღმდეგ დავის დაწყების შესახებ დაანონსა, საქმის კურსს რამდენიმე კომპანია თავად დაუკავშირდა. როგორც ირკვევა კარფური თანაბრად ეპყრობა თითქმის ყველა მიმწოდებელ კომპანიას. რა ეტაპზეა საერთაშორისო ბრენდის წინააღმდეგ დაწყებული დავა, რა ახალი ფაქტები იკვეთება და აქვს თუ არა პასუხი კარფურს ქართული მწარმოებლების ბრალდებებზე? #ახალიამბები #BusinessMediaGeorgia
საქართველოს მასშტაბით ამ დროისთვის 4 მილიარდი დოლარის ღირებულების ჰესების პროექტებია გაჩერებული -ამ ინფორმაციას საქართველოს განახლებადი ენერგიების ასოციაცია ავრცელებს. მათი ინფორმაციით ქვეყენაში პრობლემები 84-მდე ჰესს შეექმნა. სტუმარი: გიორგი აბრამიშვილი - საქართველოს განახლებადი ენერგიების ასოციაციის ხელმძღვანელი. #ახალიამბები #BusinessMediaGeorgia
"წამალი არ არის ხარისხიანი და არის ძვირი, და ეს არის ძალიან მტკივნეული" - ეს განცხადება ჯანდაცვის მინისტრმა ეკატერინე ტიკარაძემ გააკეთა. მინისტრი ამბობს, რომ GMP/GDP სტანდარტი არის ძალიან კრიტიკული საკითხი, რადგან უკვე ათწლეულებია ერთი მხრივ, სახელმწიფოს გააჩნია ვალდებულება და მეორე მხრივ, სექტორს არ გააჩნია ნება, რომ სტანდარტები დააკმაყოფილოს. „ეს ყველაფერი გადის ჩვენი მოქალაქების ჯანმრთელობაზე”- აცხადებს ტიკარაძე. სტუამრი: ლევან გოგიბერიძე - „ფარმაცევტთა ასოციაციის“ პრეზიდენტი #ახალიამბები #BusinessMediaGeorgia
იგეგმება თუ არა შეზღუდვების გამკაცრება? #ახალიამბები #BusinessMediaGeorgia
საქართველოში ბოლო 1 წლის განმავლობაში საარსებო შემწეობის მიმღებთა რაოდენობა 83 ათასი ბენეფიციარით გაიზარდა და 2021 წლის მარტში 541,000 ბენეფიციარს პირველად გადააჭარბა. სოციალური მომსახურების სააგენტოს სტატისტიკის თანახმად, მარტის განმავლობაში სოციალური შემწეობის სახით სულ 30.15 მილიონი ლარი დარიგდა, რაც ერთ ბენეფიციარზე თვეში 56 ლარს შეადგენს. რით ხსნის ჯანდაცვის სამინისტრო გაზრდილ რიცხვებს და რა შეფასებები აქვთ სპეციალისტებს? #ახალიამბები #BusinessMediaGeorgia
ქართულ საფონდო ბირჟაზე უკვე 2 თვეზე მეტია, რაც სავაჭრო სესიებზე არცერთი ლარის გარიგება არ განხორციელებულა. ამჟამად, ბირჟაზე სულ 28 კომპანიის ფასიანი ქაღალდები არის დაშვებული, მათი ჯამური მოცულობა კი 2.38 მილიარდი ლარია, თუმცა ამ ფასიან ქაღალდებზე მარტის და აპრილის განმავლობაში საბირჟო გარიგებები საერთოდ არ დადებულა. #ახალიამბები #BusinessMediaGeorgia
თითქმის 2 საათიანი შეხვედრა, რომელიც ტურიზმის სექტორსა და ეკონომიკის მინისტრს შორის მიმდინარეობა დასრულდა. BMG-ის ინფორმაციით, შეხვედრაზე ორგანიზებული ვაქცინაციის შესაძლებლობასა და დაწესებული შეზღუდვების მოხსნაზე იმსჯელეს. #ახალიამბები #BusinessMediaGeorgia
დაგროვებითი პენსიის შესახებ კანონში ცვლილებები იგეგმება - ინფორმაცია საპენსიო სააგენტოს საინვესტიციო საბჭოს სხდომის ოქმიდან მივიღეთ. დოკუმენტის თანახმად, სააგენტო კანონმდებლობაში შესატან ცვლილებებზე მუშაობს, რა პროცესშიც სააგენტო რეკომენდაციების მისაღებად საინვესტიციო საბჭოსაც მიმართავს. საინვესტიციო საბჭოს სხდომის ოქმში არ წერია უშუალოდ რა სახის ცვლილებების შეტანა არის კანონში დაგეგმილი. სტუმარი: გიორგი დანელია - "საპენსიო სააგენტო"-ს დირექტორი. #ახალიამბები #BusinessMediaGeorgia
ხევსურეთის 12 სოფლამდე სატრანსპორტო საშუალებებით გადაადგილება შეუძლებელია- ამის შესახებ bm.ge-ის შატილში მაცხოვრებლებმა განუცხადეს. როგორც ადგილობრივები ამბობენ, ხევსურეთის მასშტაბით გზების სარეაბილიტაციო სამუშაოების განხორციელების შემდეგ გზების გაწმენდა გართულდა, რის გამოც მათ ტრანსპორტით გადაადგილება უჭირთ. ადგილობრივები ვერც ტურისტული სეზონისთვის ემზადებიან, რომელიც ხევსირეთში მაისში იწყება და ოქტომბრამდე გრძელდება. #ახალიამბები #BusinessMediaGeorgia
ეროვნული ბანკი ციფრული ვალუტის გამოშვებას განიხილავს. ციფრულ ვალიტას გადახდის საშუალების სტატუსი ექნება. პროექტის ფარგლებში, ეროვნული ბანკი მზადაა, ფინტექ კომპანიებთან და დაინტერესებულ ფინანსურ ინსტიტუტებთან ითანამშრომლოს. ეროვნული ბანკი ანონსებს, რომ ციფრული ვალუტის გამოშვების შემდეგ შესაძლებელია გაიზარდოს მონეტარული პოლიტიკის ეფექტიანობა და ხელი შეეწყოს ლარიზაციის პროცესს. #ახალიამბები #BusinessMediaGeorgia
ახალი ვალდებულება ბიზნესს. მიმდინარე წლის 1 ივნისიდან ბიზნესოპერატორებს, რომლებიც საცალო ვაჭრობის პუნქტებში ახორციელებენ სურსათის წარმოება-გადამუშავებას, ეკისრებათ ვალდებულება, საქმიანობა HACCP-ის პრინციპების შესაბამისად აწარმოონ. სურსათის ეროვნული სააგენტოს ინფორმაციით, საუბარია საზოგადოებრივი კვების ობიექტებზე, ნებისმიერ ადგილზე, სადაც მზადდება მზა საკვები. თავად HACCP-ის სტანდარტი დაფუძნებულია საფრთხის ანალიზისა და კრიტიკული საკონტროლო წერტილების სისტემაზე. მისი მიზანი საბოლოოდ, სურსათის უვნებლობაა. ცხადია მაღალი სტანდარტებით მუშაობა და ხარისხის გარანტია მნიშვნელოვანია, ამაზე არ ვდაობთ, თუმცა რამდენად სწორი დროა ახლა, მიმდინარე პანდემიის პირობებში ახალი ვალდებულებები ბიზნესისთვის. სტუმარი: ლევან ქოქიაშვილი - საქართველოს გასტრონომიის ასოციაციის ხელმძღვანელი #ახალიამბები #BusinessMediaGeorgia
„ტურისტებს QR-კოდები მიენიჭებათ“ ამისთვის კი ჯანდაცვის სამინისტრომ სპეციალურ აპლიკაციაზე მუშაობა უკვე დაიწყო . ტიკარაძე აანონსებს, რომ კერძო სექტორი მხოლოდ იმ ადამიანის მიღებას შეძლებს ვინც 72 საათის განმავლობაში გატესტილია და კოვიდ თავისუფალია ან სრულად ვაქცინირებულია. #ახალიამბები #BusinessMediaGeorgia
საერთაშორისო ვიზიტორებისთვის საქართველომ ცა 1 თებერვლიდან გახსნა, თუმცა ქვეყნის სახმელეთო საზღვრები ამ დრომდე დაკეტილია. ტურისტებისთვის სახმელეთო საზღვრების გახსნის ინიციატივით გუშინ ჯანდაცვის მინისტრს ტურიზმის ეროვნული ადმინისტრაციის ყოფილმა ხელმძღვანელმა მარიამ ქვრივიშვილმა დეპუტატის რანგში სხდომათა დარბაზიდან მიმართა. მინისტრმა თქვა, რომ სახმელეთო საზღვრის გახსნის შემთხვევაში, გარკვეული გამოწვევები არსებობს,. მათ შორის დასახელდა ტურისტების სავალდებულო დაზღვევის ამოქმედება, რაზეც ჯანდაცვის სამინისტროს პანდემიის დასაწყისშივე ჰქონდა სადაზღვევო სექტორთან მსჯელობა. რას ამბობს ერთის მხრივ მინისტრი და რას პასუხობენ სადაზღვევოები? #ახალიამბები #BusinessMediaGeorgia
მარტში საქართველოს ეკონომიკა 4%-ით გაიზარდა. საქსტატის წინასწარი შეფასებით, I კვარტალის საშუალო რეალურმა კლებამ 4.2 პროცენტი შეადგინა. გასული თვის განმავლობაში ქვეყანაში დარეგისტრირდა 5291 ახალი საწარმო, რაც 118%-ით აღემატება წინა წლის მაჩვენებელს. ამასთან, დაახლოებით 22%-ით გაიზარდა დღგ-ის გადამხდელ საწრმოთა ბრუნვის მოცულობა და თითქმის 8 მლრდ ლარს გაუტოლდა. უფრო კონკრეტულად ეკონომიკის რომელ სექტორებში შეინიშნებოდა ზრდა და რომელში - კლება? #ახალიამბები #BusinessMediaGeorgia
ბრიტანეთში სამომხმარებლო, საგანმანათლებლო და აკადემიური წიგნების მთლიანი გაყიდვები 2020 წელს სულ 2%-ით გაიზარდა და 6,4 მილიარდი ფუნტი სტერლინგი შეადგინა. აქედან სამომხმარებლო ბაზარი განსაკუთრებით გამოირჩეოდა - მხატვრული ლიტერატურის გაყიდვები 16%-ით გაიზარდა, ხოლო არამხატვრული ლიტერატურა 4%-ით. #ახალიამბები #BusinessMediaGeorgia
თბილისის მერია კუს ტბის მიმდებარე ტერიტორიის რეკონსტრუქციის კონცეფციას შეიმუშავებს. ამის შესახებ დედაქალაქის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა. რას გეგმავს თბილისის მერია კუსტბის ტერიტორიასთან დაკავშირებით, რომელის ნაწილიც ამჟამად კერძო საკუთრებაშია და რას ამბობენ ტერიტორიის მფლობელი კომპანიის წარმომადგენლები. #ახალიამბები #BusinessMediaGeorgia
"მნიშვნელოვანია ვიპოვოთ ოქროს შუალედი და არ გვქონდეს მუდმივი "ლოქდაუნი", რომელიც შეიძლება გამოსავალი არ იყოს", - ამის შესახებ ჯანდაცვის მინისტრმა ეკატერინე ტიკარაძემ პარლამენტში განაცხადა, სადაც „მინისტრის საათის“ ფორმატში დეპუტატები ტიკარაძეს უსმენენ. მინისტრის თქმით, მთელ მსოფლიოში ვერ იპოვა ვერც ერთმა ქვეყანამ ოქროს შუალედი, თუ როგორ უნდა შეინარჩუნო ეკონომიკა და პარალელურად, მოქალაქეების დაიცვა ჯანმრთელობა, ამიტომ ქვეყნების დიდმა ნაწილმა "ლოქდაუნი" გამოაცხადა და თვეებია ინარჩუნებენ. #ახალიამბები #BusinessMediaGeorgia