ინდოეთიდან ჩამოსულ ტურისტებს საქართველოს საზღვარზე პრობლემები ექმნებათ ამაზე ტურიზმის ინდუსტრია წლებია საუბრობს. კონკრეტული მაგალითები ინდოელი ტურისტების საქართველოში არ შემოშვებაზე მოჰყავს ჰოტელიერ მაია მურაჩაშვილს, რომელიც ინდოეთის ბაზარზე წლებია მუშაობს. მისი თქმით, ამ კუთხით არსებული ხარვეზები წლების განმავლობაში აღმოფხვრილი იყო, თუმცა ბოლო ორი კვირაა იგივე პრაქტიკა დაბრუნდა. მურაჩაშვილი აცხადებს, რომ იმ დროს როცა ქვეყანაში მაღალმხარჯველი ტურისტების ნაკლებობაა მსგავსი პრობლემები საზღვარზე არ უნდა იქმნებოდეს. მისი თქმით, თუ მდგომარეობა არ გამოსწორდა ქვეყანა ინდოეთის ბაზარს, რომელიც მხარჯველუნარიანობის თვალსაზრისით ევროპის ბაზარს არ ჩამოუვარდება, სამუდამოდ დაკარგავს. პრობლემებს ინდოელი ტურისტების საქართველოში შემოსავალთან დაკავშირებით ადასტურებს სასტუმროების ფედერაციის თავმჯდომარე შალვა ალავერდაშვილიც. ალავერდაშვილი აცხადებს, რომ ტურისტების საზღვრიდან უკან დაბრუნების შემთხვევები დღესაც ხშირია, რაც ქვეყანას მნიშვნელოვან ზიანს აყენებს. მისი თქმით, პროცესში აქტიურად უნდა ჩაერთოს კერძო სექტორი, რომელიც აზიის ბაზრიდან შემოსულ ტურისტებზე პასუხისმგებლობას აიღებს, რომ ის არ დაარღვევს სავიზო რეჟიმს და არ დარჩება ქვეყანაში. #ახალიამბები #BusinessMediaGeorgia
#ბიზნესსიახლეები bm.ge-სგან / 14.07.2023 როგორ უნდა გაუწიონ ფერმერებმა იმპორტირებულ პროდუქტს კონკურენცია? რას სთავაზობს ვიზიტორებს „ენგური ატრაქცია“ და რა ფასად? რამდენი პროცენტით გაძვირდა კერძო სკოლებში სწავლა? როგორ მიმდინარეობს ტურისტული სეზონი გურიაში? „აუგუსტი“ გაყინული პურის და კრუასანების გაყიდვას იწყებს; #ახალიამბები #BusinessMediaGeorgia
ეროვნული ბანკი საბანკო სექტორს ახალ ბუფერს უწესებს. პარლამენტში უკვე ინიცირებულია „ეროვნული ბანკის“ შესახებ ორგანულ კანონში ცვლილებები, რომლის მიხედვითაც ბანკებს შესაძლო ფინანსური კრიზის დაზღვევის მიზნით სარეზოლუციო ფონდში თანხების წინსწრებით მობილიზება მოუწევთ. #ახალიამბები #BusinessMediaGeorgia
კარიერა, რომლიც უფრო დიდებული უნდა ყოფილიყო - გარეტ ბეილის ისტორია #ახალიამბები #BusinessMediaGeorgia
1980-2022 წლებში, S&P 500-ის საშუალო წლიური ამონაგები, დივიდენდების გამოკლებით 10% იყო.თუმცა, რასაკვირველია, ამერიკის 500 უმსხვილეს კომპანიას შორის არიან ისეთებიც, რომლებსაც ყოველწლიურად გაცილებით მაღალი ამონაგები აქვთ. როგორც აღმოჩნდა, S&P 500-ის საუკეთესო აქციებს ბოლო ოთხი ათწლეულის განმავლობაში საუკეთესო ერთწლიანი ამონაგები უფიქსირდებათ. S&P 500-ის საუკეთესო აქციების რიგებში რომელმა კომპანიებმა აჩვენეს ყველაზე მაღალი წლიური ამონაგები? #ახალიამბები #BusinessMediaGeorgia
თუ ჩვენ არაფერს მოვიმოქმედებთ, 53 წელიწადში ფოთის ნავსადგურის ტერიტორია ტბად გადაიქცევა " – შეფასება კომპანია სოფმარის დამფუძნებელს ვახტანგ ალანიას ეკუთვნის. ვახტანგ ალანია აღნიშნავს, რომ რუკების შედარებით ნათლად ჩანს, ზღვა წელიწადში დაახლოებით 7 მეტრით უკან იწევს. დასილვის მკვეთრი ზრდის გამო გაიზარდა შესასვლელი არხის გაწმენდის ხარჯები, რაც თავის მხრივ პორტის მომსახურებას აძვირებს. როგორ შეიცვალა ბოლო საუკუნეში ფოთის ზღვის სანაპირო ხაზი, რა საფრთხეზე საუბრობს კომპანია და რა სამუშაოებია საჭირო, რომ დღეისათვის საქართველოს უდიდესი პორტის გამართული მუშაობა იყოს უზრუნველყოფილი? სტუმარი: ვახტანგ ალანია - კომპანია „სოფმარის“ დამფუძნებელი; #ახალიამბები #BusinessMediaGeorgia
"მესაზღვრეს ზუსტი მითითება უნდა ჰქონდეს, ვის არ უშვებს ქვეყანაში” - ტურიზმის სექტორი მთავრობას საზღვარზე არსებული პრობლემების მოგვარებისკენ კიდევ ერთხელ მოუწოდებს. ინნ ჯგუფის დამფუძნებელი გადაცემა წერტილში ამბობს, რომ არ შეიძლება მესაზღვრეები ხასიათის მიხედვით უშვებდნენ ქვეყანაში ტურისტებს. პაატა კოკაია აცხადებს, რომ საზღვრის კვეთის სირთულეს ძირითადად აზიის ქვეყნებიდან ჩამოსულ ვიზიტორები აწყდებიან. რა სახის პრობლემებზე საუბრობენ ტურიზმის ინდუსტრიის წარმომადგენლები, რამდენად ხშირია საზღვრიდან ტურისტების გაბრუნება და რამდენად ლოგიკურ ახსნა-განმარტებებს აძლევენ ტურისტებს? #ახალიამბები #BusinessMediaGeorgia
#ბიზნესსიახლეები bm.ge-სგან / 13.07.2023 საგურამოში პირველი ამერიკული ტიპის დასახლება - Hillside Estate შენდება; რა მოლოდინი აქვს სექტორს თხილის ექსპორტთან დაკავშირებით? ქობულეთში ჩილიმის არომატების ქარხანა აშენდა; ამ ბიზნესით სხვებიც უნდა დაინტერესდნენ - სტარტაპი "ეკოვილსის" გეგმები; Turistebi.com: ტურისტული სერვისების სრული სპექტრი ერთ სივრცეში; #ახალიამბები #BusinessMediaGeorgia
2010 წლიდან დღემდე უმაღლესი განათლების სასწავლებლებში უცხოელი სტუდენტების რაოდენობა 20-ჯერ გაიზარდა - ამის შესახებ Galt & Taggart-ის ზოგადი და უმაღლესი განათლების სექტორის კვლევაშია აღნიშნული. კვლევის მიხედვით, დღეს საქართველოს უმაღლეს სასწავლებლებში 25.1 ათასამდე უცხო ქვეყნის მოქალაქე სწავლობს. სტუდენტები ძირითადად საქართველოში ისრაელიდან, ინდოეთიდან და იორდანიიდან ჩამოდიან. საერთაშორისო სტუდენტებს შორის ყველაზე პოპულარული ჯანდაცვის სამაგისტრო პროგრამებია. კვლევა ასევე აჩვენებს, რომ განათლების სექტორში შემოსავლები ბოლო 10 წელიწადში 82.9 მლნ ლარიდან 312.1 მლნ ლარამდე გაიზარდა, რაც განპირობებულია საერთაშორისო სტუდენტების მხრიდან გაზრდილი მოთხოვნით. კერძო სექტორში სწავლის წლიური საფასური 2,250-30,000 ლარის დიაპაზონშია. ის რომ საქართველოს აქვს რეალური შანსი გახდეს განათლების ჰაბი ადასტურებს სამოქალაქო ინტეგრაციისა და ეროვნებათშორისი ურთიერთობების ცენტრის ხელმძღვანელი და განათლების მკვლევარი შალვა ტაბატაძე. მისი თქმით, ინტერესი ცალსახად მზარდია, თუმცა მას რამდენიმე ძირითადი გამოწვევა ახლავს თან. შალვა ტაბატაძე აცხადებს, რომ გამოწვევებს შორისაა ყველაზე მნიშვნელოვანი ხარისხიანი განათლებაა, რომლის მოლოდინიც აქ ჩამოსულ სტუდენტებს აქვთ. მისი განმარტებით, ქვეყანამ ამ კუთხით განათლების ხარისხი უნდა გააუმჯობესოს, წინააღმდეგ შემთხვევაში თუ ეს ასე არ მოხდა საქართველოს როგორც შესაძლო განათლების ჰაბს მნიშვნელოვანი რეპუტაციული ზიანი მიადგება. #ახალიამბები #BusinessMediaGeorgia
მთავრობა დაღერღილი ხორბლის იმპორტს დროებით ზღუდავს - აღნიშნული გადაწყვეტილება მთავრობის ადმინისტრაციაში პრემიერის ხელმძღვანელობით გამართულ ეკონომიკური საბჭოს სხდომაზე მიიღეს. სხდომაზე აღინიშნა, რომ უხვი ნალექის შედეგად კახეთის რეგიონში ხორბლის მოსავლის მნიშვნელოვანი ნაწილი ვერ აკმაყოფილებს სასურსათო ხორბლის მოთხოვნებს, რის შედეგადაც ფერმერებს უწევთ ხორბლის რეალიზაცია საფურაჟე დანიშნულებით. #ახალიამბები #BusinessMediaGeorgia
თამაშის ბუნდოვანი წესები ავტოიმპორტირებისთვის - ევროკავშირის სანქციების მე-11 პაკეტის ამოქმედების შემდეგ, რომელიც საქართველოს, როგორიც ავტომობილების მნიშვნელოვან სატრანზიტო ქვეყანას, შეიძლება ითქვას, რომ პირდაპირ ეხება, დაახლოებით 2 კვირაზე მეტი გავიდა, თუმცა ავტოიმპორტიორებს დღემდე არ მიუღიათ ოფიციალური შეტყობინება რა წესები მოქმედებს რუსეთში ავტომობილის ექსპორტის დროს. თუ ამ დრომდე რუსეთში ძვირადღირებული ავტომობილების შეყვანა იკრძალებოდა, სანქციების მე-11 პაკეტით დამატებით აიკრძალა 1.9 ლიტრზე დიდი მოცულობის ძრავის მქონე ავტომობილების ექსპორტ/რეექსპორტი, ეს კი ბაზრის გაცილებით მეტ მოთამაშეს ეხება. #ახალიამბები #BusinessMediaGeorgia
საქართველოში თევზის წარმოება კვლავ ფრაგმენტულია და საწარმოო დონეზე განუვითარებელი რჩება. ოფიციალური მონაცემებით, აკვაკულტურის სექტორის 90% ფერმერულ მეურნეობებზე მოდის და ეს სტატუს-ქვო წლებია არ იცვლება. გასულ წელს ქვეყნის ტერიტორიაზე ტბორებსა თუ წყალსატევებში წარმოებული თევზის 61% სწორედ ოჯახურ მეურნეობებში იყო წარმოებული და თუ არ ჩავთვლით ზუთხისებრთა სახეობას, სადაც წარმოებული პროდუქციის 93% საწარმოებზე მოდის, ბაზარზე სხვა სახეობების მთავარი მიმწოდებლები საოჯახო მეურნეობები არიან. საქართველოში თევზის მოხმარება მკვეთრად ჩამორჩება მაგალითად საშუალო ევროპულ მაჩვენებელს, რომ აღარაფერი ვთქვათ აზიაზე, სადაც თევზის მოხმარება 1 სულ მოსახლეზე 30-40 კგ-ს აღწევს. მოხმარების დაბალი მაჩვენებლის მიუხედავად, ადგილობრივად საჭირო თევზპროდუქტების მხოლოდ მცირე ნაწილი იწარმოება. 2022 წელს საქართველოში თევზის წარმოება შემცირდა. გასულ წელს ჯამურმა წარმოებამ 2 792 ტონა შეადგინა, რაც 69 ტონით ნაკლებია 2021 წლის რეკორდულ მაჩვენებელზე. თევზებს შორის ყველაზე გავრცელებული სახეობაა ცისარტყელა კალმახი. წარმოების უდიდესი წილი 92% სწორედ ორაგულისებთა და კობრისებთა ოჯახის თევზის წარმოებაზე მოდის. ყველაზე დიდი რაოდენობით თევზის წარმოება კახეთში ხდება. რეგიონში ჯამურად 985 ტონა თევზი აწარმოოს. მაჩვენებლებით მეორე ადგილზეა შიდა ქართლი, სადაც 928 ტონა თევზი აწარმოეს. შემდეგ მოდის გურია, სამეგრელო, სამცხე ჯავახეთი, იმერეთი და აჭარა. ამ ფონზე საკმაოდ მაღალია იმპორტი - მაგალითად 2022 წელს თითქმის 19 ათასი ტონა თევზის იმპორტი მოხდა, რისთვისაც ქვეყნიდან 48 მლნ დოლარი გავიდა. ექსპორტს თუ შევხედავთ, მხოლოდ 5 მლნ დოლარის 949 ტონა ახალი ან გაციებული, ან გაყინული თევზის ექსპორტი მოხდა. რატომ ვერ ახერხებს ზღვის პირა და თან წყალუხვი ქვეყანა თევზის წარმოებას, რატომ ვერ ვითარდება თევზის მეურნეობები და რატომ არის იმ მცირე საწარმოებშიც კი დაბალი მწარმოებლურობა სტუმარი: სოფო დიასამიძე - ორგანული აკვაკულტურის განვითარების ასოციაცია „ფორეჯის“ დამფუძნებელი; #ახალიამბები #BusinessMediaGeorgia
2010 წლიდან დღემდე უმაღლესი განათლების სასწავლებლებში უცხოელი სტუდენტების რაოდენობა 20-ჯერ გაიზარდა - ამის შესახებ Galt & Taggart-ის ზოგადი და უმაღლესი განათლების სექტორის კვლევაშია აღნიშნული. კვლევის მიხედვით, დღეს საქართველოს უმაღლეს სასწავლებლებში 25.1 ათასამდე უცხო ქვეყნის მოქალაქე სწავლობს. სტუდენტები ძირითადად საქართველოში ისრაელიდან, ინდოეთიდან და იორდანიიდან ჩამოდიან. რამ განაპირობა საქართველოში უცხოელი სტუდენტების წილის ზრდა, რომელ სასწავლებლებს ანიჭებენ ისინი უპირატესობას და რა უნდა გაკეთდეს იმისთვის, რომ ქვეყანამ ამ კუთხით უფრო მეტი შემოსავლის მიღება შეძლოს? #ახალიამბები #BusinessMediaGeorgia
ფერმერები ხორბალს შეთანხმებულ 70 თეთრად ვერ აბარებენ და აქციებს აანონსებენ, მეხორბლე ფერმერები კიდევ ერთხელ შეკრებას 14 ივლისს აანონსებენ. ისინი ფიქრობენ, რომ ფქვილის იმპორტზე დაწესებული გადასახადი ეფექტიანი არ არის და წისქვილები დაკისრებულ ვალდებულებებს არ ასრულებენ, რის გამოც მოსავლის რეალიზება ვერ ხდება. თავის მხრივ ფქვილის მწარმოებლები ამბობენ, რომ ბაზარზე ვითარება არაორდინალურია, ბაზარზე არის საფურაჟე ხორბალი, რომლის ჩაბარებაც წისქვილებს არ შეუძლიათ. ასევე ფერმერები გაურკვევლობის გამო ცდილობენ ხორბალი მაქსიმალურად სწრაფად ჩააბარონ, რაც მაქსიმალურ წნეხს ქმნის წისქვილებზე. რა ხდება ბაზარზე? სტუმარი: ლევან სილაგავა - საქართველოს ხორბლისა და ფქვილის მწარმოებელთა ასოციაციის ხელმძღვანელი; #ახალიამბები #BusinessMediaGeorgia
#ბიზნესსიახლეები bm.ge-სგან / 12.07.2023 “ტურიზმის მოსაკრებლის შემოღების შემთხვევაში მთავარი პრობლემა აღსრულება იქნება”; „ხელფასი იმდენი უნდა იყოს, რომ ადამიანს ევროპაში წასვლა არ უღირდეს“ - ბიზნესის ორი გამოწვევა; „შოვს განვითარების გენგეგმა ჰაერივით ესაჭიროებოდა“ - რა გამოწვევებია დღეს კურორტზე? როგორ აფასებს სექტორი თხილის სუბსიდირების პროგრამას? "მაღალი მოთხოვნის გამო საბერძნეთიდან ტრანსპორტირებას ვამატებთ" - "ლინექსი"; #ახალიამბები #BusinessMediaGeorgia
თბილისის მერია ქალაქში გერმანიის განვითარების ბანკის მხარდაჭერით 5 წლიან პროექტს იწყებს, რომელიც ქალაქში მდგრადი ურბანული მობილობის განვითარებას ემსახურება. მათ შორის პროექტის ფარგლებში ჭკვიანი შუქნიშნების სისტემის გამართვა მოხდება, რომელიც ქალაქში არსებულ პრობლემურ კვანძებში ავტომატურ რეჟიმში დაარეგულირებს მოძრაობას და ქალაქის საცობებისგან განტვირთვას შეუწყობს ხელს. #ახალიამბები #BusinessMediaGeorgia
"კამპ ნოუს" რეკონსტრუქცია დაიწყო #ახალიამბები #BusinessMediaGeorgia
ის, რომ საქართველოს IT სექტორს ზრდის დიდი პოტენციალი აქვს, ამას სტატისტიკის ეროვნული სამსახურის ოფიციალური მონაცემებიც მოწმობს. ეროვნული ბანკის მსგავსად საქსტატიც ამბობს, რომ ყველაზე მაღალი მატება სწორედ ინფორმაციის, კომუნიკაციისა და კავშირგაბმულობის სფეროშია, რომელიც თავის თავში IT ინდუსტრიასაც აერთიანებს. სექტორის დონეზე მატება პირველ კვარტალში 44%-ია. გაიზარდა სექტორში დასაქმებულთა რაოდენობაც. თუკი 2021 წელს IT, კომუნიკაციისა და კავშირგაბმულობის სექტორში 30 ათასი ადამიანი მუშაობდა, უკვე 2022 წლის მეოთხე კვარტალში სამუშაო ძალის ზომა 41 ათასს აჭარბებდა. რა ფაქტორები განაპირობებს საქართველოში IT სექტორის შემოსავლების ბუმს და რა პოტენციალი აქვს აუთსორსინგ მომსახურების მიმართულებას საქართველოში? სტუმარი: თორნიკე სულაბერიძე - Lineate-ის განვითარების მენეჯერი; #ახალიამბები #BusinessMediaGeorgia
საქართველოს ეკონომიკის ყველაზე სწრაფად მზარდი სექტორი კომპიუტერული მომსახურების გაწევაა. ეროვნული ბანკის თანახმად, 2023 წლის პირველ კვარტალში საქართველომ პროგრამული უზრუნველყოფების შექმნით და კომპიუტერული სერვისების მიწოდებით $231 მილიონის შემოსავალი მიიღო. ეს წინა წლის ანალოგიური პერიოდის შედეგს 322%-ით აღემატება. რა ფაქტორები განაპირობებს საქართველოში IT სექტორის შემოსავლების ბუმს? #ახალიამბები #BusinessMediaGeorgia
თვის ბოლოს ფერმერები თხილის მოსავლის აღებას დაიწყებენ. აგვისტოდან კი პროდუქტის ექსპორტი უნდა დაიწყოს. გასულ წელს ქართული თხილის ექსპორტი შემცირდა, ამასთან მსოფლიოში ჭარბი მოსავლის გამო, საერთაშორისო ბაზარზე თხილს არც მაღალი ფასი ჰქონდა. რა მოლოდინები აქვთ წელს ფერმერებსა და ექსპორტიორ კომპანიებს? #ახალიამბები #BusinessMediaGeorgia
ბოლო პერიოდში საქართველოში ამანათების საზღვარგარეთიდან გამოწერა სულ უფრო პოპულარული ხდება, ამას ბევრი ფაქტორი განაპირობებს, პირველ რიგში კი ის, რომ საზღვარგარეთ სხვადასხვა პროდუქცია, მათ შორის ტანსაცმელიც, გაცილებით ბიუჯეტურია. როგორ მუშაობს ეს სექტორი, რამდენად მზარდია მოთხოვნა და რომელი ქვეყნებიდან იწერენ ამანათებს ქართველები? #ახალიამბები #BusinessMediaGeorgia
თბილისის მთავრობის სხდომა დედაქალაქის მერმა, კახა კალაძემ წყნეთში, უბედური შემთხვევის შედეგად გარდაცვლილი 15 წლის მოზარდის მიმართ წუთიერი დუმილით დაიწყო. როგორც მერმა აღნიშნა, შემთხვევის ადგილას ე.წ. ფანჩატურში ელექტროხაზის დაერთებაზე მუნიციპალიტეტის მხრიდან არანაირი ნებართვა არ ყოფილა გაცემული. პირველადი მონაცემებით, ბავშვის გარდაცვალების მიზეზად სწორედ ფანჩატურში თვითნებურად, კუსტარულად დამონტაჟებული ელექტრომოწყობილობა სახელდება. #ახალიამბები #BusinessMediaGeorgia
რამდენად გამართლებულია ქვეყანაში ტურიზმის მოსაკრებლის დანერგვა? საკითხზე შესაბამისი კვლევა USAID-მა ტურიზმის ინსტიტუტთან ერთად ბათუმსა და ქობულეთში არსებულ სასტუმროებში ჩაატარა. ირკვევა, რომ კერძო სექტორის გამოკითხული წარმომადგენლების ნახევარზე მეტი იდეას დადებითად აფასებს და მიიჩნევს, რომ მოსაკრებელი დადებითად იმოქმედებს ტურიზმის მდგრად განვითარებაზე. თუმცა სასტუმროების ნაწილი აცხადებს, რომ შესაბამისი მოსაკრებლის შემოღება ტურისტულ მომსახურებას გააძვირებს. #ახალიამბები #BusinessMediaGeorgia
21-წლამდე ევროპის ჩემპიონატი დასრულდა #ახალიამბები #BusinessMediaGeorgia
რა გავლენა ექნება ენერგეტიკული ბირჟის გადავადებას CFD კონტრაქტებზე? ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; მარიამ ჩახვაშვილი - Galt&Taggart;-ის უფროსი მკვლევარი; დავით ნარმანია - სემეკის თავმჯდომარე; #ახალიამბები #BusinessMediaGeorgia
რამდენად გამართლებულია ქვეყანაში ტურიზმის მოსაკრებლის დანერგვა? საკითხზე შესაბამისი კვლევა USAID-მა ტურიზმის ინსტიტუტთან ერთად ბათუმსა და ქობულეთში არსებულ სასტუმროებში ჩაატარა. ირკვევა, რომ კერძო სექტორის გამოკითხული წარმომადგენლების ნახევარზე მეტი იდეას დადებითად აფასებს და მიიჩნევს, რომ მოსაკრებელი დადებითად იმოქმედებს ტურიზმის მდგრად განვითარებაზე. თუმცა სასტუმროების ნაწილი აცხადებს, რომ შესაბამისი მოსაკრებლის შემოღება ტურისტულ მომსახურებას გააძვირებს. #ახალიამბები #BusinessMediaGeorgia
Forbes Women-ისა და TBC Concept-ის ორგანიზებით მენტალური ჯანმრთელობის შესახებ პანელური დისკუსია გაიმართა, სადაც მონაწილეებმა ერთმანეთს თავიანთი გამოცდილება გაუზიარეს, ისაუბრეს იმის შესახებ თუ რა ნიშნავს შფოთვა სოციალურ ურთიერთობებში, როგორ უნდა მიხვდეს მშობელი, რომ მის შვილს მენტალური ჯანმრთელობის პრობლემები აქვს, რატომ უნდა იზრუნოს კომპანიამ თანამშრომელთა მენტალურ ჯანმრთელობაზე, რა ინფორმაციის მატარებელია ჩვენი გენი? არის თუ არა სწორი კვება და ფიზიკური აქტივობა მენტალური ჯანმრთელობის პრობლემებთან გამკლავებისა თუ მისი პრევენციის ერთ-ერთი მნიშვნელოვანი ინსტრუმენტი. #ახალიამბები #BusinessMediaGeorgia
სახელმწიფო ბიუჯეტის დეფიციტის შევსების მიზნით, თურქეთის პრეზიდენტმა რეჯეპ ტაიპ ერდოღანმა დამატებითი ღირებულების გადასახადი 2 პროცენტული პუნქტით, 20%-მდე გაზარდა. მიმდინარე წლის პირველ ხუთ თვეში თურქეთის ბიუჯეტის დეფიციტი 10.2 მილიარდ დოლარს შეადგენს, რაც წინა წელთან შედარებით თითქმის ორჯერ მაღალი მაჩვენებელია. დეფიციტის გაღრმავება თურქეთის სამხრეთით მომხდარმა ძლიერმა მიწისძვრამ და 2023 წლის საარჩევნო კამპანიამ გამოიწვია. გარდა ამისა, თურქეთში გაიზარდა იმპორტირებული მობილური ტელეფონების სარეგისტრაციო გადასახადიც. ამ თემაზე უფრო ვრცლად, “საქმის კურსის” პირდაპირ ეთერში საქმიანი საღამოს წამყვანი, გიორგი არონია მოგვიყვება. გიორგი, გამარჯობა! რა გავლენას მოახდენს ერდოღანის ეს გადაწყვეტილება მობილური ტელეფონების ქართველ ექსპორტიორებზე? #ახალიამბები #BusinessMediaGeorgia
არის თუ არა გამართლებული საქართველოში ე.წ ტურიზმის მოსაკრებლის დანერგვა. სექტორში მიმდინარე რეფორმის ფარგლებში ტურიზმის ინსტიტუტმა USAID - თან ერთად გამოიკვლია ბათუმის და ქობულეთის სასტუმროების აზრი აღნიშნულ ქალაქებში მოსაკრებლის შემოღებასთან დაკავშირებით. ირკვევა, რომ კერძო სექტორის გამოკითხული წარმომადგენლების ნახევარზე მეტი იდეას დადებითად აფასებს და მიიჩნევს, რომ მოსაკრებელი დადებითად იმოქმედებს ტურიზმის მდგრად განვითარებაზე. თუმცა სასტუმროების ნაწილს ასეთი გადასახადის შემოღება აშფოთებს - რას ნიშნავს ტურიზმის მოსაკრებელი, როგორია მსოფლიო პრეცედენტები და რა აშინებს კერძო სექტორს? სტუმარი: მამუკა ბერძენიშვილი - ტურიზმის ინსტიტუტის აღმასრულებელი დირექტორი; #ახალიამბები #BusinessMediaGeorgia
რეპუტაციის შექმნა და შენარჩუნება ყველა კომპანიისა თუ ორგანიზაციისათვის მნიშვნელოვანი საკითხია. დიდი კორპორაციებისათვის, რომლებიც ადგილობრივ თუ საერთაშორისო ბაზრებზე პოპულარობით სარგებლობენ, ბრენდის რეპუტაციას გადამწყვეტი მნიშვნელობა აქვს. კვლევითი კომპანია Axios Harris Poll-ი აშშ-ის უმსხვილეს კომპანიათა რეპუტაციას ორ ათწლეულზე მეტია იკვლევს და სულ ახლახან, კომპანიამ 2023 წლის კვლევის შედეგები გამოაქვეყნა. #ახალიამბები #BusinessMediaGeorgia
რა გავლენა ექნება ენერგეტიკული ბირჟის ამოქმედების გადავადებას CFD კონტრაქტებზე? მიუხედავად იმისა, რომ CFD სქემის ფარგლებში სიმძლავრის აუქციონში გამარჯვებული კომპანიები გამოვლენილია, ჯერ კიდევ ღიაა საკითხი, როგორ გაგრძელდება კერძო სექტორსა და მთავრობას შორის თანამშრომლობა ენერგეტიკული ბირჟის გახსნის ერთი წლით გადავადების შემთხვევაში, რადგან CFD მექანიზმი მიბმული უნდა იყოს სწორედ საბაზრო ფასზე. რა კითხვები აქვს კერძო სექტორს და არსებობს თუ არა ამაზე პასუხი ოფიციალური უწყებისგან? #ახალიამბები #BusinessMediaGeorgia
“აწარმოე საქართველოში” - რამდენად ეფექტიანია სახელმწიფო პროგრამები? #ახალიამბები #BusinessMediaGeorgia
როგორ ვითარდება საქმიანი ტურიზმი საქართველოში - M&i-ის გლობალური ფორუმის ფარგლებში გასულ კვირას საქართველოს ბრიტანეთიდან, გერმანიიდან, საფრანგეთიდან და ევროპის სხვა ქვეყნებიდან 60-მდე გაყიდვების საერთაშორისო კომპანია სტუმრობდა. შეხვედრებზე საქართველოში მსხვილი საერთაშორისო კონფერენციების, კონგრესებისა და სხვა ტიპის ღონისძიებების ჩატარების შესაძლებლობებზე იმსჯელეს. სტუმარი: გურამ ავალიანი - BTL Georgia-ს ბიზნესის განვითარების ხელმძღვანელი #ახალიამბები #BusinessMediaGeorgia
დაარსების დღიდან, 10 წლის განმავლობაში სააგენტოს „აწარმოე საქართველოში“ მიერ დაფინანსდა 11,000 - მდე პროექტი, ხოლო ჯამურად 60,000-ზე მეტი სამუშაო ადგილი შეიქმნა, - ამის შესახებ აღნიშნულია ანგარიშში, რომელიც სააგენტოს ხელმძღვანელმა, მიხეილ ხიდურელმა წარადგინა. მისივე თქმით, განსაკუთრებით აღსანიშნავია „აწარმოე საქართველოში“ სესხის პროცენტის სუბსიდირების ეფექტი - სააგენტოს მიერ გაცემულ 1 ლარზე, ბენეფიციარებმა დამატებით 14 ლარის შემოსავალი დააგენერირეს. #ახალიამბები #BusinessMediaGeorgia
რატომ უჩივის 8 წლის შემდეგ ბიძინა ივანიშვილი მისი კუთვნილი თანაინვესტირების ფონდის ყოფილ აღმასრულებელ ხელმძღვანელს? ივანიშვილის ადვოკატი ვრცელ განცხადებას ავრცელებს, სადაც განმარტებულია, რა გახდა გიორგი ბაჩიაშვილის მიმართ დიდი ოდენობით კრიპტოვალუტის მართლსაწინააღმდეგოდ მითვისებისა და უკანონო შემოსავლის ლეგალიზაციის საქმის აღძვრის მიზეზი. თუმცა როგორც განცხადებიდან ირკვევა, არ არის გამორიცხული ბაჩიაშვილს ბრალი სხვა საქმეზე დაუმძიმდეს. #ახალიამბები #BusinessMediaGeorgia
ინდიანა ჯონსი - ფრენჩაიზი, რომელმაც დროს გაუძლო; #ახალიამბები #BusinessMediaGeorgia
გასული სეზონის 5 ყველაზე წარუმატებელი საფეხბურთო ტრანსფერი #ახალიამბები #BusinessMediaGeorgia
კვირის ყველაზე ძვირადღირებული გაყიდვები და აუქციონები; მერაბ აბრამიშვილის “შავი ავაზა”; “ხელოვანის სტუდია მკერავთან ერთად”; პიტერ უსტინოვის კოლექცია; ხელმოწერილი ჩაფხუტები ფორმულა 1ის პილოტებისგან; ბილ ჰარტაკის კენტაკი დერბის ტიტულები; ნივთები “ფეხბურთის მეფის” ცხოვრებიდან; #ახალიამბები #BusinessMediaGeorgia
ატმის როგორი მოსავალია საქართველოში და სად გავა პროდუქტი ექსპორტზე? #ახალიამბები #BusinessMediaGeorgia
#ბიზნესსიახლეები bm.ge-სგან / 29.03.2023 “ბიუ ბიუს“ 10 წლის იუბილეზე კომპანია “ჩირინა” ახალ საწარმოს ხსნის; თბილისის ანძის მოდერნიზება იწყება - "პროექტში ინვესტირებისთვის $8 მილიონი განისაზღვრა"; „ბაზალტის ძაფისგან წარმოებული ქართული პროდუქტის ცნობადობა, დაბალია”; ენერგოინსპექტირების გარეშე შენობები ექსპლუატაციაში აღარ მიიღება - რა იცვლება სამშენებლო სექტორში? მსუბუქი მრეწველობის სექტორი მნიშვნელოვან ზრდას აჩვენებს; #ახალიამბები #BusinessMediaGeorgia
მინიმალური ხელფასები სანიტრებს და ექთნის დამხმარეებსაც დაენიშნებათ - ჯანდაცვის სამინისტროს ინიციატივით, ცვლილებების ახალი პაკეტი შემუშავდა, რომელიც სანიტრის, უმცროსი ექიმის, ექთნის დამხმარის, ექთნის თანაშემწისა და დამლაგებლის პოზიციაზე დასაქმებულებისთვის სავალდებულო მინიმალური ხელფასის დაწესებას გულისხმობს. სამინისტროს მიერ გავრცელებული ინფორმაციით, ახალი ინიციატივა კლინიკების ხელმძღვანელებს ჯანდაცვის სამინისტროს წარმომადგენლებმა შესთავაზეს. შეხვედრაზე აღინიშნა, რომ რეფორმა მნიშვნელოვნად შეუწყობს ხელს დასაქმებულის მოტივაციისა და პროდუქტიულობის გაზრდას, ასევე გააუმჯობესებს დასაქმებულთა სამუშაო პირობებსა და სამედიცინო მომსახურების ხარისხს. რეფორმის შედეგად, საყოველთაო ჯანდაცვის პროგრამაში სტაციონარული კომპონენტით ჩართული ყველა კლინიკა ვალდებული იქნება სამედიცინო პერსონალის სახელფასო ანაზღაურება, ჯანდაცვის სამინისტროს მიერ წარმოდგენილი მინიმალური ზღვრის გათვალისწინებით დაადგინოს. #ახალიამბები #BusinessMediaGeorgia
ბრენდი „ბიუ ბიუს“ 10 წლის იუბილეს ქართული ქათმის ხორცის მწარმოებელი კომპანია „ჩირინა“ გარდაბნის რაიონის სოფელ სართიჭალაში ხორცპროდუქტების ახალი საწარმოს გახსნით აღნიშნავს. 35 მილიონიანი პროექტი ოფიციალურად სულ ცოტა ხნის წინ გაიხსნა. #ახალიამბები #BusinessMediaGeorgia
ექიმებისა და ექთნების შემდეგ, კლინიკებს მინიმალური ხელფასის დაწესება სხვა პერსონალისთვისაც მოუწევთ. ჯანდაცვის სამინისტრომ ცვლილებების ახალი პაკეტი შეიმუშავა, რომელიც სანიტრის, უმცროსი ექიმის, ექთნის დამხმარის, ექთნის თანაშემწისა და დამლაგებლის პოზიციაზე დასაქმებულებისთვის სავალდებულო მინიმალური ხელფასის დაწესებას გულისხმობს. #ახალიამბები #BusinessMediaGeorgia
ბრენდი „ბიუ ბიუს“ 10 წლის იუბილეს ქართული ქათმის ხორცის მწარმოებელი კომპანია „ჩირინა“ გარდაბნის რაიონის სოფელ სართიჭალაში ხორცპროდუქტების ახალი საწარმოს გახსნით აღნიშნავს. „ბიუ ბიუს“ პროდუქცია ქართულ ბაზარზე 2013 წლის 7 ივლისს გამოჩნდა და 10 წლის შემდეგ ახალი საწარმოს დამატებით კომპანიის სტრატეგიული განვითარების შემდეგი ეტაპი დაიწყო. აღნიშნული პროექტით კომპანია შეძლებს მომხმარებელს ნედლი ქათმის ხორცისგან დამზადებული ხორცპროდუქტების ფართო ასორტიმენტი შესთავაზებს. რა ინვესტიცია ჩაიდო ახალ საწარმოში და რა გეგმები აქვს კომპანიას? #ახალიამბები #BusinessMediaGeorgia
კომუნიკაციების კომისიის მიერ აუქციონის გამოცხადებას და მის პირობებს აკრიტიკებენ მსხვილი მობილური ოპერატორები. კომკომის სხდომაზე ამ აუქციონების პირობები გააკრიტიკა “სილქნეტის” დამფუძნებელმა გიორგი რამიშვილმა. საქმე იმაშია, რომ გამოცხადებული 4 აუქციონიდან 3-ის პირობების მიხედვით, მისმა შემძენმა 5G ქსელის დანერგვასთან ერთად ვირტუალური ოპერატორების სავალდებულო დაშვებაც უნდა უზრუნველყოს. გიორგი რამიშვილის განმარტებით, ამ სახით დაყენებული პირობით, კომუნიკაციების კომისია არჩევანის თავისუფლებას ზღუდავს. სხდომაზე “მაგთის" იურისტმა ლევან გიორგაძემ განაცხადა, რომ არსებული პირობებით კომპანია აუქციონში მონაწილეობას არ მიიღებს. სტუმარი: რატი ახვლედიანი - მობილური ვირტუალური ქსელის ოპერატორების ასოციაციის წევრი, MobineX-ის მმართველი პარტნიორი #ახალიამბები #BusinessMediaGeorgia
კომუნიკაციების კომისიამ ქვეყანაში 5G სიხშირის მობილური ინტერნეტის დანერგვასთან დაკავშირებით აუქციონები გამოაცხადა. კომუნიკაციების კომისიის მიერ გამოცხადდა ოთხი აუქციონი ოთხ კომბინირებულ აბსტრაქტულ ლოტზე, რომლებიც ერთმანეთისგან დაფარვის ვალდებულებებით და ფასით განსხვავდებიან.პირველი კომბინირებული ლოტის საწყისი საფასური 6 230 000 ლარი იქნება, მე-2 კომბინირებული ლოტის - 2 530 900 ლარი, მე-3 კომბინირებული ლოტის - 2 593 800 ლარი, მე-4 კომბინირებული ლოტის კი - 2 656 700 ლარი. რა ვიცით და რა არის 5G ინტერნეტი? #ახალიამბები #BusinessMediaGeorgia
#ბიზნესსიახლეები bm.ge-სგან / 07.07.2023 “ფარმსახლმა” “დოიჩე აფთიაქი” შეიძინა - რა შემოსავალი აქვთ კომპანიებს; ატმისა და ვაშლატამას როგორი მოსავალია წელს ქვეყანაში? რა დატვირთვით მუშაობს სასტუმრო „ბორჯომი-ლიკანი“? „ზუგდიდს უცხოელი დამსვენებლების მისაზიდად ტურისტული ინფრასტრუქტურის განვითარება სჭირდება“ - საოჯახო სასტუმრო; “ვაშენებთ სოფლის ტიპის დასასვენებელ სივრცეს” - “კარდანახის მამულის” სამომავლო გეგმები; #ახალიამბები #BusinessMediaGeorgia
USAID-ის ეკონომიკური უსაფრთხოების პროექტის, PMC კვლევითი ცენტრისა და ISET-ის კვლევითი ინსტიტუტის პარტნიორობით სექტორების ანალიტიკის ანგარიში მოამზადა, რომელიც ეკონომიკის სექტორებში არსებულ განვითარების ტენდენციებს და პრობლემებს ასახავს. შეხვედრას კერძო სექტორის წარმომადგენლებიც ესწრებოდნენ. კვლევა აჩვენებს, რომ ზრდა ფიქსირდება მრეწველობის, ინფორმაციებისა და კომუნიკაციების და ელექტრონული კომერციის სექტორებში. მაგალითად, 2022 წლის მდგომარეობით, ავეჯის სექტორის ბრუნვა გაზრდილია 17,7%-ით და 293 მლნ ლარს შეადგენს, 18,8%-იან ზრდას აჩვენებს შესაფუთი მრეწველობის სექტორის ბრუნვა, რამაც თანხობრივად 824 მლნ ლარს მიაღწია. მიუხედავად იმისა, რომ სექტორი იზრდება, პროცესს თან ახლავს გამოწვევებიც, რაზეც შეხვედრაზე ისაუბრეს, როგორც ანგარიშის ავტორებმა, ასევე ბიზნესმა. მაგალითად, სამშენებლო სექტორისთვის გამოწვევაა როგორც კადრები, ისე ექსპორტთან დაკავშირებული სტანდარტების დაკმაყოფილება. ერთ-ერთ შემაფერხებელ ბარიერად სახელდება ასევე ქვეყანაში შესაბამისი ლაბორატორიული ინფრასტრუქტურის არარსებობაც, რის გამოც ბიზნესს სერტიფიცირების მისაღებად მასალების ქვეყნის ფარგლებს გარეთ გაგზავნა უწევს. #ახალიამბები #BusinessMediaGeorgia
"კაპიტალის ბაზრის მხარდაჭერის პროგრამის“ გამარჯვებულები ცნობილია - პროგრამა რომელიც „კაპიტალის ბაზრის მხარდაჭერას ისახავდა მიზნად წელიწად-ნახევრის წინ დაიწყო. პროექტი ევროპის რეკონსტრუქციისა და განვითარების ბანკის გუნდის მიერ, ევროკავშირის ფინანსური ჩართულობით განხორციელდა. საკონსულტაციო სამუშაოები Galt & Taggart-მა, BDO Georgia-სთან ერთად შეასრულა. 18 თვიანი პროგრამის დასრულების შემდეგ კი უკვე 7 გამარჯვებული გამოვლინდა. სია ასე გამოიყურება: საქართველოს განახლებადი ენერგიის კომპანია; კრისტალი; ემბისი; თიბისი ლიზინგი; რიკო ჯგუფი; თეგეტა ჰოლდინგი და „ენერჯი დეველოპმენთ ჯორჯია“. გამარჯვებულ კომპანიებს გადაეცათ გრანტები ფასიანი ქაღალდების გამოშვებასთან დაკავშირებული ხარჯების თანადაფინანსებისთვის. #ახალიამბები #BusinessMediaGeorgia
ბიძინა ივანიშვილის თანაინვესტირების ფონდის ყოფილი ხელმძღვანელის გიორგი ბაჩიაშვილისთვის აღკვეთის ღონისძიების შეფარდებაზე სასამართლო სულ რამდენიმე წუთში იმსჯელებს. სასამართლოს სხდომა 19 საათზეა დანიშნულია. დაესწრება თუ არა სხდომას გიორგი ბაჩიაშვილი, ან რას მოითხოვს პროკურატურა აღკვეთის ღონისძიების სახით უცნობია. არ მსურს კომენტარის გაკეთება, - ამის შესახებ "თანაინვესტირების ფონდის' ყოფილმა ხელმძღვანელმა გიორგი ბაჩიაშვილმა მთავარ არხს განუცხადა. მასთან დაკავშირებას ამ დრომდე ცდილობს bm.ge, თუმცა ბაჩიაშვილი ჩვენს სატელეფონო ზარებს არ პასუხებს. ბიძინა ივანიშვილის მიერ დაფუძნებული თანაინვესტირების ფონდის ყოფილი CEO-ს გიორგი ბაჩიაშვილის წინააღმდეგ სისხლისსამართლებრივი დევნის დაწყებაზე პროკურატურამ დღეს განაცხადა. მას 8 253 ცალ ბიტკოინის მითვისებას ედავებიან, რომელთა ღირებულებაც "მითვისების" პერიოდში იყო 39 მილიონი დოლარი. დღევანდელი კურსით ეს პორტფელი 258 მილიონი დოლარი ღირს . #ახალიამბები #BusinessMediaGeorgia