ამერიკასა და საქართველოს შორის თავისუფალ სავაჭრო შეთანხმებასთან დაკავშირებით დარჩენილია მხოლოდ პოლიტიკური გადაწყვეტილება - ეს განცხადება ამერიკის სავაჭრო პალატის პრეზიდენტმა ირაკლი ბაიდაშვილმა bm.ge-ის კითხვის საპასუხოდ გააკეთა. როგორც ბაიდაშვილი ამბობს, საქართველომ უკვე შექმნა ყველა წინაპირობა იმისთვის, რომ ეს შესაძლებლობა მიიღოს. #ახალიამბები #BusinessMediaGeorgia
სამინისტროს შერბილებული პოზიცია და კლინიკების დარჩენილი კითხვები - კანონპროექტში, რომელიც სასამართლოს თანხმობის გარეშე კლინიკების შემოწმების შესაძლებლობას იძლევა რამდენიმე ცვლილება შევიდა. გამოიყო 4 შემთხვევა, რა დროსაც მარეგულირებელი შეძლებს სამედიცინო დაწესებულებაში შესვლას, თუმცა შეტყობინება სასამართლოსაც უნდა გაუგზავნოს, რომ ის კლინიკაში შევიდა და ითხოვოს ამის დადასტურება, რისთვისაც 72 საათია განსაზღვრული. ჩანაწერი კანონპროექტში ჯანდაცვის სექტორის მწვავე კრიტიკის ფონზე გაჩნდა. ასეთი შემთხვევებია: პაციენტის საჩივარი, ადმინისტრაციული ორგანოს მომართვა, მასმედიაში ვრცელდება ინფორმაცია კლინიკაში რაიმე დარღვევის შესახებ და დედის, ახალშობილის ან ბავშვის გარდაცვალება. სწორედ ამ ოთხ შემთხვევაში კლინიკაში მარეგულირებლის შესვლის ახალი პროცედურა იმოქმედებს. როგორც აღმოჩნდა კლინიკები ამ ცვლილებებით კმაყოფილნი არ არიან. Რატომ არ უძღოდა ამ ცვლილებას კონსულტაციები კერძო სექტორთან, აგვარებს თუ არა საფრთხეებს კანონში დაზუსტება და რა პრობლემური საკითხები რჩება გადასაწყვეტი? სტუმარი: მაია მახარაშვილი - “სიმონ ხეჩინაშვილის სახელობის საუნივერსიტეტო კლინიკის” დირექტორი; #ახალიამბები #BusinessMediaGeorgia
პრემიერ-მინისტრი ევროკავშირის სანქციების განხორციელების საკითხებში საერთაშორისო სპეციალურ წარმომადგენელს დევიდ ო’სალივანს და სანქციების საკითხებში აშშ-სა და გაერთიანებული სამეფოს წარმომადგენლებს ელჩ ჯეიმს ო’ბრაიენს და კუმარ აიერს შეხვდა. შეხვედრაზე ყურადღება გამახვილდა რუსეთის წინააღმდეგ დაწესებულ ფინანსურ სანქციებთან მიმართებაში საქართველოს მუდმივ კოორდინაციაზე ევროკავშირთან და საერთაშორისო თანამეგობრობასთან. ხაზი გაესვა სანქციებისთვის თავის არიდების პრევენციის მიზნით საქართველოს შესაბამისი სამსახურების ეფექტურ მუშაობას და ამ მიმართულებით, როგორც საქართველო-ევროკავშირის, ასევე აშშ-საქართველოს წარმატებულ თანამშრომლობას. პრემიერთან შეხვედრამდე, ევროკავშირის, აშშ-ს და დიდი ბრიტანეთის სანქციების აღსრულების მონიტორინგის ჯგუფის წევრები ბიზნეს-სექტორის წარმომადგენლებს შეხვდნენ, რა საკითხებზე ისაუბრეს შეხვედრის მონაწილეებმა? სტუმარი: ივა ჭყონია - საქართველოს დისტრიბუტორთა ბიზნეს ასოციაციის პრეზიდენტი; #ახალიამბები #BusinessMediaGeorgia
NBA-ის დრაფტი - მნიშვნელობა და სტრუქტურა ახალიამბები #BusinessMediaGeorgia
მზის პანელების საპროექტო და სამონტაჟო კომპანია Green Energy-იმ საინფორმაციო ღონისძიებას სახელწოდებით - მომავალი განახლებად ენერგიაშია უმასპინძლა. ღონისძიების მთავარ მიზანს განახლებადი ენერგიების მიმართულებით ცნობიერების ამაღლება წარმოადგენდა. ღონისძიებას ესწრებოდა ენერგეტიკის სექტორი. რა სიახლეებია განახლებადი ენერგიის სექტორში და რა პოტენციალი აქვს საქართველოს? #ახალიამბები #BusinessMediaGeorgia
თბილისის მერია ზონალურ-საათობრივი პარკირების სისტემას დედაქალაქის მასშტაბით კიდევ აფართოებს. 1 ოქტომბრიდან ქალაქის კონკრეტულ ქუჩებზე ზონალურ საათობრივი პარკირება ამოქმედდება და ამ ქუჩებზე ავტომობილის გაჩერება საათში 1 ლარი ეღირება. შესაბამისი განცხადება თბილისის მერმა დღევანდელ მუნიციპალიტეტის მთავრობის სხდომაზე გააკეთა. ანუკა ჯოხაძე გვიერთდება მთავრობის სხდომაზე გაჟღერებული საკითხებით. #ახალიამბები #BusinessMediaGeorgia
პარლამენტში, „ტურიზმის შესახებ“ კანონპროექტზე იმსჯელეს. კანონპროექტი, რომელზეც დარგობრივმა კომიტეტმა იმუშავა, განსაზღვრავს ტურისტის, როგორც მომხმარებლის უფლებებსა და გარანტიებს. კანონპროექტით ტურისტული საქმიანობების განმახორციელებელი სუბიექტები ვალდებული იქნებიან რეგისტრაცია გაიარონ ეკონომიკურ საქმიანობათა რეესტრში. ნებაყოფლობითი იქნება გიდების პროფესიული სერტიფიცირება, თუმცა კანონპროექტში გათვალისწინებულია დამატებითი სტიმულები სერტიფიცირებული გიდებისთვის. განხილვებს კერძო სექტორის წარმომადგენლებიც ესწრებოდნენ, რომლებსაც კანონპროექტთან დაკავშირებით გარკვეული შენიშვნები აქვთ. #ახალიამბები #BusinessMediaGeorgia
პარლამენტმა საქართველოს პრეზიდენტის მიერ წარდგენილ ეროვნული ბანკის საბჭოს წევრობის კანდიდატურებს მხარი არ დაუჭირა. დიმიტრი ჯაფარიძის და გიორგი ბაქრაძის კანდიდატურების შესახებ ინფორმაცია კომიტეტების წევრებს საქართველოს პრეზიდენტის საპარლამენტო მდივანმა გიორგი მსხილაძემ გააცნო. კანდიდატებმა კი ისაუბრეს საკუთარ ხედვასა და პრიორიტეტებზე ეროვნული ბანკის საქმიანობასთან დაკავშირებით. „ჩვენ კანდიდატების კომპეტენციასთან არანაირი შეკითხვა არ გვაქვს, მაგრამ ეს არის მსოფლიო პრაქტიკა, პრეზიდენტი და პარლამენტი უნდა შეთანხმდნენ ისეთ კანდიდატზე, რომელიც იქნება მისაღები.“, - განაცხადა საფინანსო-საბიუჯეტო კომიტეტის თავმჯდომარემ პაატა კვიჟინაძემ. #ახალიამბები #BusinessMediaGeorgia
რუსეთის წინააღმდეგ დაწესებული სანქციების მე-11 პაკეტი და მისი აღსრულების ეფექტიანობა არის ევროკავშირის, ამერიკის და დიდი ბრიტანეთის წარმომადგენლების საქართველოში ვიზიტის მთავარი მიზანი. სანქციების საკითხებში ევროკავშირის სპეციალური წარმომადგენელი დევიდ ო'სალივანი, აშშ-ის სახელმწიფო დეპარტამენტის სანქციების კოორდინაციის ოფისის ხელმძღვანელი ელჩი ჯიმ ო’ბრაიენი და გაერთიანებული სამეფოს საგარეო, თანამეგობრობისა და განვითარების ოფისის გენერალური დირექტორი ეკონომიკის, მეცნიერებისა და ტექნოლოგიების სფეროში, კუმარ აიერი უკვე თბილისში არიან და ბიზნესწრეებს და სხვადასხვა ოფიციალური უწყების პირველ პირებს ხვალიდან შეხვდებიან... მათ შორისაა პირველი ვიცეპრემიერი ლევან დავითაშვილი. #ახალიამბები #BusinessMediaGeorgia
#ბიზნესსიახლეები bm.ge-სგან / 26.06.2023 საქართველო ხორცის თვითუზრუნველყოფით რეგიონში ბოლო ადგილზეა; ყაზბეგში სასტუმრო Step Inn-ი გაიხსნა; ის ხარისხი, რაც VELI.store-ს აქვს საერთაშორისო დონისაა - კომპანიის დირექტორი; რა გეგმები აქვს სტარტაპ Wempler-ს? დედოფლისწყაროში პლასტმასის გადამმუშავებელი საწარმო ამოქმედდა; ვიტრაჟებზე მოთხოვნა 30%-ით გაიზარდა - Art Glass Studio; #ახალიამბები #BusinessMediaGeorgia
ევროკავშირმა რუსეთის ფედერაციის წინააღმდეგ სანქციების ახალი, რიგით მე-11 პაკეტი დაამტკიცა, რომელიც სავაჭრო, სატრანსპორტო და ენერგეტიკულ სექტორების დამატებით შეზღუდვებს ითვალისწინებს. ამასთან, სანქციების ახალი პაკეტით ე.წ. “შავ სიაში” არაერთი ორგანიზაცია და ადამიანი მოხვდა. თუმცა, როგორც ევროკავშირის ოფიციალურ განცხადებაში ვკითხულობთ, სანქციების ახალი პაკეტის მთავარი ფოკუსი დაწესებული სანქციების არარიდების მექანიზმის არსებობას ითვალისწინებს, რომელიც, ამიერიდან, მესამე ქვეყნებზეც გავრცელდება. თბილისში სანქციების საკითხებში ევროკავშირის სპეციალური წარმომადგენელი, დევიდ ო’სალივანის ორდღიანი ვიზიტი დაიწყო. ევროკავშირის წარმომადგენლობის ინფორმაციით, სალივანი საქართველოს ხელისუფლებასთან განიხილავს საერთო ინტერესების სფეროში შემავალ საკითხებს, კერძოდ, სანქციებსა და მათ ეფექტიან განხორციელებას. რას ცვლის ევროკავშირს სანქციების მე-11 პაკეტი რუსეთისთვის და როგორ უნდა დაიცვას საქართველომ შეზღუდვები? სტუმარი: გიორგი მელაშვილი - ევროპულ–ქართული ინსტიტუტის დამფუძნებელი; #ახალიამბები #BusinessMediaGeorgia
როგორც მოსალოდნელი და დაანონსებული იყო, პარლამენტმა საქართველოს პრეზიდენტის მიერ წარდგენილ, ეროვნული ბანკის საბჭოს წევრობის კანდიდატურებს მხარი არ დაუჭირა. როგორ განვითარდა მოვლენები საკომიტეტო მოსმენაზე, რა კითხვები ჰქონდათ დეპუტატებს და რა პასუხები მიიღეს? #ახალიამბები #BusinessMediaGeorgia
პარლამენტში, „ტურიზმის შესახებ“ კანონპროექტზე მსჯელობენ. კანონპროექტი, რომელზეც დარგობრივმა კომიტეტმა იმუშავა, განსაზღვრავს ტურისტის, როგორც მომხმარებლის უფლებებსა და გარანტიებს. კანონპროექტით ტურისტული საქმიანობების განმახორციელებელი სუბიექტები ვალდებული იქნებიან რეგისტრაცია გაიარონ ეკონომიკურ საქმიანობათა რეესტრში. ნებაყოფლობითი იქნება გიდების პროფესიული სერტიფიცირება, თუმცა კანონპროექტში გათვალისწინებულია დამატებითი სტიმულები სერტიფიცირებული გიდებისთვის. განხილვებს კერძო სექტორის წარმომადგენლებიც ესწრებიან, რა შენიშვნები და მოსაზრებები აქვს ბიზნესს? #ახალიამბები #BusinessMediaGeorgia
კომპანია „ჯორჯიან მანგანეზი“ მზადაა, ჭიათურის მაღაროები მაღაროელებს მართვაში გადასცეს, მაგრამ გარკვეული პირობით. "ჩვენი მიზანია, შექმნილი კრიზისული სიტუაცია დროულად მოგვარდეს, შეწყდეს პროტესტის რადიკალური ფორმა, თანამშრომლები სამუშაო პროცესს დაუბრუნდნენ, აღდგეს ქალაქის ყოველდღიური ცხოვრების რიტმი. ამისათვის კომპანია მზად არის, თანამშრომელთა პასუხისმგებლობის გათავისებისა და სრული კონსენსუსის შემთხვევაში, ჭიათურის მაღაროები მაღაროელებს მართვაში გადასცეს“, - წერია განცხადებაში. კომპანიის შეთავაზებას, ბი ემ ჯისთან მაღაროელებმა უპასუხეს. #ახალიამბები #BusinessMediaGeorgia
ეროვნული ბანკის პირველ ვიცე პრეზიდენტს და შესაბამისად, პრეზიდენტის მოვალეობის ახალ შემსრულებელს დღეს პირველი სამუშაო დღე აქვს. ნათია თურნავამ ეროვნული ბანკის საბჭოს წევრთა უმრავლესობის მხარდაჭერა მოიპოვა და ახლა, ახალი სტატუსით აგრძელებს საქმიანობა. სებ-ის პირველი ვიცე-პრეზიდენტი აცხადებს, რომ ფაქტი, რომ ის საქართველოს მთავრობაში მუშაობდა, ეროვნული ბანკის დამოუკიდებლობას საფრთხის ქვეშ არ დააყენებს, მისი, როგორც მთავრობის წევრის ბექგრაუნდი კი სებ-ს ეფექტიან კოორდინაციაში დაეხმარება. #ახალიამბები #BusinessMediaGeorgia
საქართველო - ყაზახეთი: როგორია ქვეყნებს შორის ეკონომიკური კავშირი? გიორგი არონია - "საქმიანი საღამოს" წამყვანი; #ახალიამბები #BusinessMediaGeorgia
TOP 5 ლიგის 2022/23 წლის საუკეთესო ფეხბურთელები #ახალიამბები #BusinessMediaGeorgia
ნაღდი ფული, საკრედიტო ბარათი თუ კრიპტო, რომელია გადახდის საუკეთესო საშუალება მოგზაურობისას? #ახალიამბები #BusinessMediaGeorgia
საპენსიო სააგენტოს საინვესტიციო მანდატი იზრდება. პარლამენტი „დაგროვებითი პენსიის შესახებ“ კანონში ცვლილებებს განიხილავს, რომელიც საპენსიო სააგენტოსთვის საინვესტიციო ინსტრუმენტებისა და ლიმიტების გაზრდას ითვალისწინებს. ცნობილი ხდება, რომ საქართველოს საპენსიო სააგენტო შესაძლოა ნაწილობრივ საკრედიტო ინსტიტუტად გარდაიქმნას, რადგან მთავრობის მომზადებული კანონპროექტით, საპენსიო სააგენტო მოქალაქეთა დანაზოგების მსხვილ საინვესტიციო პროექტებში თანამონაწილეობას შეძლებს. ახალი კანონპროექტით, თუკი კონკრეტულ პროექტში, მაგალითად ანაკლიის პორტში ინვესტიციას საერთაშორისო საფინანსო ინსტიტუტები განახორციელებენ, საპენსიო ფონდსაც შეეძლება პროექტში თანხა დააბანდოს. როგორც ეროვნული ბანკის ვიცე პრეზიდენტი ნიკოლოზ გაგუა განმარტავს, კანონში ჩადებული იქნება ლიმიტები, რომლის ზემოთაც საპენსიო სააგენტო შეზღუდული იქნება პროექტში ინვესტიცია ჩადოს #ახალიამბები #BusinessMediaGeorgia
#ბიზნესსიახლეები bm.ge-სგან / 22.06.2023 „კვლავ ჩიხში ვართ“ – „ჯორჯიან მანგანეზის“ გენდირექტორი მაღაროელებთან მოლაპარაკებაზე; რა რაოდენობის სამშენებლო ნებართვა გაიცა თბილისში 2023 წელს?-მერიის განმარტება; „ბიოლის“ ველნეს კოტეჯების პროექტით შვეიცარიული ფონდი დაინტერესდა - თამაზ მჭედლიძე; რა გამოწვევებია ადგილწარმოშობის ღვინოების წარმოებაში? წელს მოცვის ექსპორტიორთა რაოდენობა გაოთხმაგდა - Space Cargo; #ახალიამბები #BusinessMediaGeorgia
“უფრო მეტად შევამოწმებთ და უფრო მეტად დავაჯარიმებთ”- მუნიციპალური ინსპექცია ხმაურის გადაჭარბებაზე კონტროლს ამკაცრებს. გაფრთხილება ბიზნესმა გუშინ თბილისის მერისგანაც მიიღო. რამდენად ხშირია აკუსტიკური ხმაური დასაშვები ნორმების დარღვევა, სად ჯარიმდებიან კერძო სექტორის წარმომადგენლები და როგორი პოზიცია აქვთ სარესტორნე ბიზნესის წარმომადგენლებს რეგულაციებზე, რომელიც ქალაქში 2017 წლიდან მოქმედებს. #ახალიამბები #BusinessMediaGeorgia
ელექტროენერგიის საექსპორტო ფასი შემცირდა. თუ გასულ წელს 1 კვტ.სთ ელექტროენერგიის საშუალო საექსპორტო ფასი 9 ცენტამდე იყო, ახლა ეს მაჩვენებელი 7 ცენტამდეა შემცირებული, რაც ძირითადად თურქეთის ბაზარზე ფასის კლებამ განაპირობა. ელექტროენერგიის მწარმოებლები ელიან, რომ წელს ექსპორტის დადებითი მაჩვენებელი ივლისშიც შენარჩუნდება, მაგრამ ექსპორტის ღირებულება წინა წელთან შედარებით შემცირებული იქნება. რა მოცულობის ელექტროენერგიას აწარმოებს დღეისათვის საქართველო და რა ფასად ვყიდით და ვყიდულობთ ელექტროენერგიას? სტუმარი: მარიამ ჩახვაშვილი - Galt&Taggart;-ის უფროსი ანალიტიკოსი; #ახალიამბები #BusinessMediaGeorgia
საპენსიო სააგენტოს საინვესტიციო მანდატი იზრდება. პარლამენტი „დაგროვებითი პენსიის შესახებ“ კანონში ცვლილებებს განიხილავს, რომელიც საპენსიო სააგენტოსთვის საინვესტიციო ინსტრუმენტებისა და ლიმიტების გაზრდას ითვალისწინებს. ცნობილი ხდება, რომ საქართველოს საპენსიო სააგენტო შესაძლოა ნაწილობრივ საკრედიტო ინსტიტუტად გარდაიქმნას, რადგან მთავრობის მომზადებული კანონპროექტით, საპენსიო სააგენტო მოქალაქეთა დანაზოგების მსხვილ საინვესტიციო პროექტებში თანამონაწილეობას შეძლებს. რა იცვლება და რა მიზნით? #ახალიამბები #BusinessMediaGeorgia
თბილისის მერიამ 2023 წლის 5 თვეში 2024 სამშენებლო ნებართვა გასცა, საიდანაც სულ მცირე 7 მლნ ლარის შემოსავალი მიიღო. სამშენებლო ნებართვების გაცემა რომ ბოლო თვეების განმავლობაში რეკორდულად არის გაზრდილი, ადასტურებს თიბისი კაპიტალიც. თიბისი კაპიტალის კვლევების სამსახურის უფრო ამბობს, რომ დედაქალაქში საცხოვრებელ უძრავ ქონებაზე გაცემული ნებართვები მიმდინარე წლის პირველ 5 თვეში 120%-ით არის გაზრდილი. ირინა კვახაძის თქმით, წლიდან წლამდე ამ მიმართულებით მზარდი ტენდენცია კი ფიქსირდებოდა, თუმცა ბოლო 5 თვეში 120%-იანი ზრდა რეკორდულია. თბილისის მერიის სტატისტიკის მიხედვით წლიდან წლამდე მზარდია როგორც გაცემული სამშენებლო ნებართვების რაოდენობა ისე გაცემული ნებართვების კვადრატულობა. თიბისი კაპიტალის კვლევების სამსახურის უფროსმა ბაზარზე გაზრდილი მიწოდების შესაძლო შედეგებზეც ისაუბრა და განმარტა, რომ ბაზრისთვის დიდი ოდენობით უძრავი ქონების მიწოდებას შესაძლოა გავლენა ჰქონდეს უძრავი ქონების ფასზე, თუმცა დეველოპერების ნაწილი ამ მიმართულებით მნიშვნელოვან ძვრებს არ ელის. #ახალიამბები #BusinessMediaGeorgia
თბილისის მერიამ 2023 წლის 5 თვეში 2024 სამშენებლო ნებართვა გასცა, საიდანაც სულ მცირე 7 მლნ ლარის შემოსავალი მიიღო. სამშენებლო ნებართვების გაცემა რომ ბოლო თვეების განმავლობაში რეკორდულად არის გაზრდილი, ადასტურებს თიბისი კაპიტალიც. რას უკავშირებენ სამშენებლო ნებართვების გაცემის მზარდ ტენდენციას დეველოპერული ბიზნესის წარმომადგენლები და რა ეფექტი შეიძლება ჰქონდეს ამას დედაქალაქზე ურბანული თვალსაზრისით. #ახალიამბები #BusinessMediaGeorgia
#ბიზნესსიახლეები bm.ge-სგან / 21.06.2023 “ყველის წარმოების დაწყება გვინდა” - “ბლაუენშტაინ საქართველოს” გეგმები; როგორ უნდა განვითარდეს ადგილწარმოშობის ღვინის წარმოება საქართველოში? Terminal-ი ქუთაისშიც გაიხსნება; ვაშლი შესაძლოა, აღარც გავიტანოთ ექსპორტზე - "ტირიფონის ბაღები"; "აგროპროდუქტმა" სოუსების საწარმოო ხაზი "პოპორელი" აამოქმედა; #ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი უცვლელად, 10,5%-ზე დატოვა. სებ-ის შეფასებით, იმის მიუხედავად, რომ წლიური ინფლაცია უკვე სამიზნე 3%-იან მაჩვენებელზე დაბლაა, რეფინანსირების განაკვეთის შემცირება გეგმაზომიერი ნაბიჯებით უნდა მოხდეს. ეროვნული ბანკი პრესრელიზში მიუთითებს, რომ შრომის ბაზრის მხრიდან ინფლაციაზე ზეწოლა კვლავ საყურადღებო ფაქტორად რჩება. მაღალი ალბათობით, ეროვნული ბანკი რეფინანსირების განაკვეთს შემდგომ სხდომაზე შეამცირებს, რომელიც 2 აგვისტოს უნდა ჩატარდეს. რა მოლოდინები აქვს უკვე საქართველოს ცენტრალურ ბანკს, როგორ შეიძლება შეიცვალოს მონეტარული პოლიტიკა? სტუმარი: შალვა მხატრიშვილი - ეროვნული ბანკის მაკროეკონომიკისა და სტატისტიკის დეპარტამენტის უფროსი; #ახალიამბები #BusinessMediaGeorgia
ბიზნესს მინდა მოვუწოდო, არ გადააჭარბონ ხმაურის დასაშვებ ზღვარს - თბილისის მერი აკუსტიკური ხმაურის გადაჭარბებაზე შესაბამის სამსახურს მიდგომების გამკაცრებას ავალებს. შესაბამისო განცხადება თბილისის მერმა დღევანდელ მუნიციპალიტეტის მთავრობის სხდომაზე გააკეთა. #ახალიამბები #BusinessMediaGeorgia
საავიაციო უსაფრთხოების სარეიტინგო სააგენტო Airline Ratings-მა მსოფლიოს 2023 წლის საუკეთესო ავიახაზები გამოავლინა. ავიაკომპანიების ყოველწლიური რეიტინგი სამთავრობო აუდიტისა და უსაფრთხოების თორმეტ კრიტერიუმს ეყრდნობა, მათ შორისაა: ფლოტის ასაკი, მგზავრთა მიმოხილვები, მოგებიანობა, ინვესტიციების მოცულობა, პროდუქტების შეთავაზებები და პერსონალისადმი დამოკიდებულება. Airline Ratings-ის საუკეთესო ოცდახუთეულში მოსახვედრად, აუცილებელია, ავიაკომპანია უსაფრთხოების შვიდი ვარსკვლავის შეფასებას აკმაყოფილებდეს. რომელმა ავიაკომპანიებმა დააკმაყოფილა ყველა ეს კრიტერიუმი და რომელი მათგანი დასახელდა საუკეთესოდ? #ახალიამბები #BusinessMediaGeorgia
პრეზიდენტის ვეტო დაძლეულ კანონს ხელი პარლამენტის თავმჯდომარემ უკვე მოაწერა. ეროვნული ბანკის შესახებ კანონში ცვლილებებით სებ-ში პირველი ვიცე-პრეზიდენტის პოსტი შეიქმნება, რომელსაც ეროვნული ბანკის საბჭო დანიშნავს. სწორედ პირველი ვიცე-პრეზიდენტი შეასრულებს სების პრეზიდენტის მოვალეობას მისი არყოფნის ან უფლებამოსილების შესრულების შეუძლებლობის შემთხვევაში.“რეგულაციის არარსებობის პირობებში, ერთ-ერთ ვიცე-პრეზიდენტს პრეზიდენტის უფლებამოსილება დაეკისრა არა კანონის, არამედ შიდა რეგულაციის საფუძველზე. აშკარაა, რომ საჭიროა ამ ბუნდოვანების აღმოფხვრა, ასეთი ფუძემდებლური საკითხის არა შიდა რეგულაციებისთვის მინდობის, არამედ საკანონმდებლო რეგულაციის გზით”-აცხადებს პარლამენტის თავმჯდომარე. შალვა პაპუაშვილის ამ განცხადებიდან გამომდინარე, დიდი ალბათობით მმართველი ძალისთვის პირველი ვიცე პრეზიდენტის და სების პრეზიდენტის მოვალეობის შემსრულებლად არჩილ მესტვირიშვილის კანდიდატურა მისაღები არ არის. კანონი ძალაშია, პროცედურის მიხედვით ახლა სების საბჭო უნდა შეიკრიბოს და 7 წევრიდან, რომელიმე ორმა პირველი ვიცე პრეზიდენტის კანდიდატურა წარადგინოს. ბიმჯის ინფორმაციით, სების პირველი ვიცე-პრეზიდენტის პოზიციაზე ყოფნის სურვილი აქვთ როგორც არჩილ მესტვირიშვილს, ისე ნათია თურნავას. ღიაა კიდევ ერთი საკითხი. მმართველ გუნდსა და პრეზიდენტს შორის შეუთანხმებლობის საგანი ამჯერად ეროვნული ბანკის საბჭოს წევრების კანდიდატურებია. გასულ კვირას სალომე ზურაბიშვილმა პარლამენტს სების საბჭოს წევრობის 2 ვაკანტურ პოსტზე გიორგი ბაქრაძის და დიმიტრი ჯაფარიძის კანდიდატურები წარუდგინა. მმართველი პარტიის ერთ-ერთმა ლიდერმა ირაკლი კობახიძემ უკვე თქვა, რომ ამ კანდიდატურებს პარლამენტის მხარდაჭერა არ ექნება. ამავე პოზიციაზე არიან დეპუტატები უმრავლესობიდან. ისინი სალომე ზურაბიშვილს საყვედურობენ, რომ სების საბჭოს წევრობის კანდიდატები მმართველ გუნდს კონსულტაციების გზით არ შეუთანხმა. რა არის შექმნილი ჩიხიდან გამოსავალი? სტუმარი: რომან გოცირიძე - დეპუტატი; #ახალიამბები #BusinessMediaGeorgia
პარლამენტის თავმჯდომარემ შალვა პაპუაშვილმა „საქართველოს ეროვნული ბანკის შესახებ“ ორგანულ კანონში ცვლილების შეტანის თაობაზე კანონპროექტს ხელი მოაწერა. ცვლილების შედეგად, ეროვნულ ბანკში იქმნება პირველი ვიცე-პრეზიდენტის თანამდებობა, რომელსაც დანიშნავს და გაათავისუფლებს ეროვნული ბანკის საბჭო. „სამომავლოდ აღმოიფხვრება ყოველგვარი ბუნდოვანება იმასთან დაკავშირებით, თუ ვინ შეასრულებს ეროვნული ბანკის პრეზიდენტის მოვალეობას მისი არყოფნის, ან უფლებამოსილების შესრულების შეუძლებლობის შემთხვევაში და ეს საკითხი მოწესრიგდება მაღალი კვორუმის საჭიროების მქონე ორგანული კანონის და არა ეროვნული ბანკის შიდაუწყებრივი რეგულაციის დონეზე“, - ნათქვამია შალვა პაპუაშვილის განცხადებაში. ეროვნული ბანკის შესახებ კანონში შესულ ცვლილებებს, პარტია ქართული ოცნების თავმჯდომარე ირაკლი კობახიძე გამოეხმაურა. მისი თქმით, მმართველი პარტიის მიზანი იყო ეროვნულ ბანკში არ შექმნილიყო ხელოვნური კრიზისი და კანონი ამ პროცესს დაასტაბილურებს. #ახალიამბები #BusinessMediaGeorgia
#ბიზნესსიახლეები bm.ge-სგან / 20.06.2023 უალკოჰოლო სასმელების ექსპორტი 25%-ით გაიზარდა - “ეფეს საქართველო”; „შემოდგომისთვის ქარხნის სიმძლავრეების ზრდა იგეგმება“ - ბაზალტის ძაფების საწარმო; „თბილისის მასშტაბით ჩვენი გაყიდვები გაორმაგებულია“ – „გურჯაანის ნაყინი“; "საერთაშორისო გამოფენებიდან ბევრ პოტენციურ კლიენტს დავუკავშირდით" - "კეთილი და პატიოსანი"; „თამაშობანა“ ზაფხულში თბილისში დარჩენილი ბავშვებისთვის დღის ბანაკს ხსნის - რა ეღირება? #ახალიამბები #BusinessMediaGeorgia
დედაქალაქში პარკირების წესების დარღვევისთვის მიმდინარე წლის იანვარ-მაისში, 10 მილიონ ლარზე მეტის ჯარიმა გამოიწერა. შესაბამისი ინფორმაცია ბიემჯის თბილისის მერიამ მიაწოდა. #ახალიამბები #BusinessMediaGeorgia
საქართველოს მთავრობა ენერგო ობიექტების მხარდამჭერი მეორე აუქციონის გამოსაცხადებლად ემზადება. ახალი აუქციონი ამჯერად სავარაუდოდ 600 მგვტ პროექტებზე გამოცხადდება. პირველ აუქციონზე ინვესტორების წარდგენილ განაცხადებზე ჰიდროსადგურების შემთხვევაში 1 კვტ.სთ-ზე ფასი, 6.5 ცენტიდან 6.85 ცენტამდე მერყეობდა. ქარის შემთხვევაში 5.78-დან 6 ცენტამდე, ხოლო მზის სადგურების შემთხვევაში 1 კვტ.სთ-ს ფასი 5.3-დან 5.9 ცენტამდე დიაპაზონში იყო. პარალელურად ცნობილი ხდება საქართველოს ბიზნეს ასოციაციისა და TBC კაპიტალის კვლევის შედეგები, რომელიც ელექტროენერგიის დაყვანილ ღირებულებას ეხება და რომელიც ელექტროგენერაციის ობიექტის მშენებლობის შემდეგ, კონკრეტული ტექნოლოგიის - ჰიდროს, მზისა და ქარის სადგურების მიხედვით, წარმოებული ელექტროენერგიის თვითღირებულებას განსაზღვრავს. ირკვევა, რომ ეფექტიანობის გათვალისწინებით, მოდინებაზე მომუშავე ჰიდრო ობიექტებზე 1 კვტ.სთ -ს საშუალო ფასები 5.3-დან 10 ცენტის დიაპაზონშია, ხოლო კაშხლიანი ჰესების შემთხვევაში კი, დიაპაზონი 9.4-დან 15.1 ცენტის შუალედში. რა აჩვენა ელექტროენერგიის დაყვანილი ღირებულების კვლევამ, როგორ ემზადება სექტორი ახალი აუქციონისთვის და ბაზრის გახსნისთვის? სტუმარი: ლევან ვეფხვაძე - „საქართველოს ბიზნეს ასოციაციის“ აღმასრულებელი დირექტორი; #ახალიამბები #BusinessMediaGeorgia
უეფას ერთა ლიგის მესამე გათამაშება დასრულდა #ახალიამბები #BusinessMediaGeorgia
პარლამენტის თავმჯდომარე შალვა პაპუაშვილმა „საქართველოს ეროვნული ბანკის შესახებ“ ორგანულ კანონში ცვლილების შეტანის თაობაზე კანონპროექტს მოაწერა ხელი. ცვლილების შედეგად, ეროვნულ ბანკში იქმნება პირველი ვიცე-პრეზიდენტის თანამდებობა, რომელსაც დანიშნავს და გაათავისუფლებს ეროვნული ბანკის საბჭო. „სამომავლოდ აღმოიფხვრება ყოველგვარი ბუნდოვანება იმასთან დაკავშირებით, თუ ვინ შეასრულებს ეროვნული ბანკის პრეზიდენტის მოვალეობას მისი არყოფნის, ან უფლებამოსილების შესრულების შეუძლებლობის შემთხვევაში და ეს საკითხი მოწესრიგდება მაღალი კვორუმის საჭიროების მქონე ორგანული კანონის და არა ეროვნული ბანკის შიდაუწყებრივი რეგულაციის დონეზე“, - ნათქვამია შალვა პაპუაშვილის განცხადებაში. რაც შეეხება ეროვნული ბანკის საბჭოს წევრობის ორ ვაკანტურ ადგილს, პრეზიდენტმა სალომე ზურაბიშვილმა პარლამენტს კანდიდატები წარუდგინა, თუმცა ცნობილია, რომ უმრავლესობა მათ მხარს არ დაუჭერს, რა არგუმენტები აქვთ მმართველ პარტიაში? #ახალიამბები #BusinessMediaGeorgia
რა პოტენციალი აქვს ადგილწარმოშობის დასახელების ღვინოებს? #ახალიამბები #BusinessMediaGeorgia
ეკონომიკის სამინისტროს მიერ მომზადებული კანონის პროექტი „საქართველოს საჰაერო კოდექსში ცვლილების შეტანის შესახებ“ და მისგან გამომდინარე კანონპროექტები, რომლითაც საქართველოში პარაპლანებით ფრენების რეგულირება განხორციელდება, საქართველოს პარლამენტმა მესამე მოსმენით მიიღო. საკანონმდებლო პაკეტით რამდენიმე მიმართულებით შევიდა ცვლილებები. მათ შორის პარაპლანის პილოტებს შესაბამისი საკვალიფიკაციო გამოცდების ჩაბარების ვალდებულება გაუჩნდათ, რომელსაც პარაგლაიდინგის შემადგენლობაში შემავალი 4 ფედერაციიდან ერთ-ერთი ახორციელებს. კანონში ვკითხულობთ, რომ თეორიულ გამოცდაზე დაშვების საფასური შეადგენს 60 ლარს, პრაქტიკულ გამოცდაზე დაშვების საფასური 180 ლარს, ხოლო პარაპლანის მფრინავის მოწმობის დამზადება 50 ლარი ჯდება. ხოლო იმისთის რომ პარაპლანის მფრინავმა შესაბამისი კატეგორიის აღიარება შეძლოს ამისთვის ერთ კატეგორიაზე გადასახდელი თანხა 100 ლარია. როგორც პარაგლაიდინგის ფედერაციაში ამბობენ, თეორიული გამოცდის ჩაბარებაზე განაცხადების მიღება გასულ კვირას დაიწყო. ლევან ჩოხელის თქმით, აქტიურობა უკვე მაღალია. #ახალიამბები #BusinessMediaGeorgia
დედაქალაქში პარკირების წესების დარღვევისთვის მიმდინარე წლის იანვარ-მაისში, 10 მილიონ ლარზე მეტის ჯარიმა გამოიწერა. შესაბამისი ინფორმაცია BMG-ის თბილისის მერიამ მიაწოდა. რა რაოდენობის საპარკინგე არეალია დედაქალაქში ამ დროისთვის და მცირდება თუ არა ის წლების განმავლობაში? #ახალიამბები #BusinessMediaGeorgia
#ამერიკისხმა: საზაფხულო შემოსავალი ქველმოქმედებისთვის #ახალიამბები #BusinessMediaGeorgia
მაღაროელების პროტესტი გრძელდება. მათ საპროტესტო აქცია პარლამენტის წინ გამართეს. მთავარი მოთხოვნა სამუშაო პირობების გაუმჯობესებაა. „ჯორჯიან მანგანეზის” წარმომადგენლებმა მაღაროელების საპროტესტო აქციისა და მათი მოთხოვნის შესახებ განცხადება გააკეთეს. კომპანიის გენერალური დირექტორის, ლაშა თუთბერიძის თქმით, სამთო მოპოვების მიმართულებით კომპანია წლებია ზარალიანია და ამ კრიზისის დაძლევას ცდილობს. მისი განმარტებით, თანამშრომლები ცალსახად ითხოვენ ხელფასების 20%-იან მატებას, რაც ამჟამინდელ პერიოდში კომპანიის სახელფასო ფონდიდან დაახლოებით 10 მლნ დოლარის ოდენობით წლიურ ხარჯს ნიშნავს. ლაშა თუთბერიძე აცხადებს, რომ მზად არიან დამოუკიდებელმა აუდიტორმა შეისწავლოს კომპანიის ფინანსური მდგომარეობა და დადგინდეს, აქვს თუ არა კომპანიას კიდევ შესაძლებლობა, დამატებით 15%-ით გაუზარდოს ხელფასები თანამშრომლებს. #ახალიამბები #BusinessMediaGeorgia
#ბიზნესსიახლეები bm.ge-სგან / 19.06.2023 სუპერმარკეტების ქსელი "ვილმარტი" ყველაზე მასშტაბური ფილიალის გახსნის ერთი წლის თავს აღნიშნავს; „ასეთი ინფრასტრუქტურით შეუძლებელია ტურიზმზე ამბიცია გვქონდეს“ - მესტიის სასტუმროების გამომწვევები; პარაპლანის მფრინავების გამოცდები დაიწყო- რამდენი აპლიკანტი დარეგისტრირდა? „კენკროვანი ბაღების 80% გაიჩეხა“ - ასოციაცია მიზეზებზე; "სეზონზე ტურისტების რაოდენობის 15%-იან ზრდას ველოდებით" - “კასტელო მარე”; "ტურების ღირებულება გაიზარდა" - რომელი კუთხეები აინტერესებთ ტურისტებს? #ახალიამბები #BusinessMediaGeorgia
პარლამენტი სებ-ის საბჭოს წევრებად პრეზიდენტის წარდგენილ 2 კანდიდატურაზე ამ კვირაში იმსჯელებს, თუმცა წინასწარ ცნობილია, რომ საპარლამენტო უმრავლესობა საბჭოს წევრებად წარდგენილ გიორგი ბაქრაძეს და დიმიტრი ჯაფარიძეს მხარს არ დაუჭერს. ქართული ოცნების თავმჯდომარე ირაკლი კობახიძე ამბობს, რომ ასეთ გადაწყვეტილებებთან დაკავშირებით ჯერ კონსულტაციები უნდა გაიმართოს და მხოლოდ ამის შემდეგ უნდა მოხდეს იმ კანდიდატების წარდგენა, რომელიც კონსულტაციების შედეგად შეირჩევა. #ახალიამბები #BusinessMediaGeorgia
კომპანია „ეფეს საქართველოს“ კორპორაციულ საქმეთა დირექტორის ნიკოლოზ ხუნძაკიშვილის განცხადებით, მიმდინარე წელს „ნატახტარის“ ექსპორტი მინიმუმ 10%-ით გაიზრდება. ამის შესახებ მან გადაცემა #წერტილში ისაუბრა, დაახლოებით 2 თვის წინ. მისი განმარტებით, ექსპორტის ძირითადი წილი არაალკოჰოლურ გამაგრილებელ სასმელებზე მოდის, რადგან ლუდი უფრო ლოკალურად რეალიზდება და ექსპორტზე მცირე მოცულობებით გადის. სტუმარი: ნიკოლოზ ხუნძაკიშვილი - “ეფეს საქართველოს” კორპორაციულ საქმეთა დირექტორი #ახალიამბები #BusinessMediaGeorgia
ეკონომიკის სამინისტროს მიერ მომზადებული კანონის პროექტი „საქართველოს საჰაერო კოდექსში ცვლილების შეტანის შესახებ“ და მისგან გამომდინარე კანონპროექტები, რომლითაც საქართველოში პარაპლანებით ფრენების რეგულირება განხორციელდება, საქართველოს პარლამენტმა მესამე მოსმენით მიიღო.კანონპროექტით სფერო სრულად რეგულირდება და კონტროლის ქვეშ ექცევა. რა იცვლება პარალაგლაიდინგის მიმართულებით საქართველოში, სად იქნება შესაძლებელი ფრენების განხორციელება და რა პირობებით? #ახალიამბები #BusinessMediaGeorgia
ორგანიზაციების ნაწილი ბაზარზე არაკვალიფიციური შრომის უსაფრთხოების კომპანიების და სპეციალისტების მკაცრ რეგულირებას ითხოვს. როგორც ცნობილია, „შრომის უსაფრთხოების შესახებ კანონი“ 2019 წლის სექტემბრიდან ავალდებულებს ნებისმიერი ეკონომიკური საქმიანობის განმახორციელებელ ორგანიზაციას 1 ან მეტი შრომის უსაფრთხოების სპეციალისტი ჰყავდეს. ბაზარზე არსებობენ შრომის უსაფრთხოების ორგანიზაციები, მომსახურე კომპანიები, ასევე არსებობენ სპეციალისტები, რომლებიც როგორც ფრილანსერები ისე ემსახურებიან კომპანიებს. შრომის უსაფრთხოების ორგანიზაციების კონფედერაციის პრეზიდენტი ამბობს, რომ რეალურად ბაზარზე გაჩნდნენ კომპანიები და პირები, რომელთა მომსახურების ხარისხი კითხვებს აჩენს. ამ სფეროს სჭირდება რეგულირება და კომპანიებს იმედი აქვთ, რომ შრომის ინსპექციის სამსახურის დაანონსებული ინიციატივა - შექმნას შრომის უსაფრთხოების სპეციალისტების რეესტრი, ამ მხრივ კონტროლის მექანიზმად იქნება გამოყენებული. #ახალიამბები #BusinessMediaGeorgia
საქართველოს პარლამენტმა სატელეკომუნიკაციო ინფრასტრუქტურისა და მიზნებისთვის გამოყენებადი ფიზიკური ინფრასტრუქტურის გაზიარების შესახებ კანონი მიიღო. ახალი კანონმდებლობით ტელეკომოპერატორებს საშუალება ექნებათ ფართოზოლოვანი ქსელის განსავითარებლად უკვე არსებული იმ ინფრასტრუქტურით ისარგებლონ, რომელსაც სხვა სფეროში მოქმედი კომპანიები ფლობენ. ასეთი შეიძლება იყოს როგორც გაზის, ისე ელექტროენერგიის, წყლის, ტრანსპორტისა და სხვა სექტორებში მოქმედი კომპანიების პასიური ინფრასტრუქტურა. ამასთან ტელეკომოპერატორები ახლადაშენებულ მრავალბინიან და მრავალფუნქციური შენობების შიდა ინფრასტრუქტურაზე დაშვების უფლებასაც მიიღებენ. კანონპროექტთან დაკავშირებით შენიშვნები ჰქონდათ ბაზრის მოთამაშეების ნაწილს, რომლებიც დღეს ამბობენ, რომ საკანონმდებლო ორგანომ მათი შეფასებები არ გაითვალისწინა. განსხვავებული პოზიცია აქვს “მცირე და საშუალო ტელეკომ ოპერატორების ასოციაციის” აღმასრულებელი დირექტორს უჩა სეთურს, რომელიც აცხადებს, რომ შენიშვნების ძირითადი ნაწილი გათვალისწინებულია. #ახალიამბები #BusinessMediaGeorgia