ეკონომიკის ზრდისა და მთავრობის სწორი პოლიტიკის გამო, საქართველოში მეტი მოქალაქე დაბრუნდა, ვიდრე ქვეყანა დატოვა - ამის შესახებ BMG-ის ფინანსთა მინისტრის მოადგილემ განუცხადა. მიხეილ დუნდუამ საილუსტრაციოდ 2022 წლის სტატისტიკა მოიშველია. რას ამბობს რიცხვები და რას ამბობს ხალხი, რატომ ვერ გრძნობს მოსახლეობის დიდი ნაწილის ეკონომიკის ზრდის მაღალ ტემპს? #ახალიამბები #BusinessMediaGeorgia
საქართველომ ჩინეთის მოქალაქეებისთვის სავიზო რეჟიმი გააუქმა. ჩინეთი უკვე დაემატა იმ ქვეყნების სიას, რომელთა მოქალაქეებსაც საქართველოში უვიზოდ შემოსვლა შეუძლიათ. პრემიერ მინისტრის ხელმოწერილი დადგენილების მიხედვით, ჩინეთის მოქალაქეებს საქართველოში უვიზოდ შემოსვლა მხოლოდ ტურისტული მიზნებისთვის შეუძლიათ სრული 30 დღის დარჩენის უფლებით. ტურიზმის ეროვნული ადმინისტრაციის მონაცემებით 2023 წლის 6 თვეში ქვეყანაში ჩინეთის 12 600 მოქალაქე შემოვიდა, რაც წინა წელთან შედარებით 316%-ით მეტია. საქართველოს ყველაზე მეტი ჩინელი ვიზიტორი 2019 წელს სტუმრობდა, მაშინ ვიზიტების რაოდენობა 48 000-ს შეადგენდა. სტუმარი: რომან კაკულია - პარლამენტის დარგობრივი კომიტეტის ყოფილი თავმჯდომარე; #ახალიამბები #BusinessMediaGeorgia
გასული ზაფხულის TOP 5 საფეხბურთო ტრანსფერი ევროპაში #ახალიამბები #BusinessMediaGeorgia
დღევანდელ მთავრობის სხდომაზე, ირაკლი ღარიბაშვილმა განაცხადა, რომ 2023 წლის სახელმწიფო ბიუჯეტი 500 მლნ ლარით იზრდება. ირაკლი ღარიბაშვილმა აღნიშნა, რომ ბიუჯეტის კორექტირების შესაძლებლობა მთავრობის სწორი პოლიტიკითა და მაღალი ეკონომიკური ზრდით არის განპირობებული. სხდომის დასრულების შემდეგ ჟურნალისტების კითხვებს მინისტრთა კაბინეტის წევრებმა უპასუხეს. #ახალიამბები #BusinessMediaGeorgia
საზოგადოებრივი მაუწყებლის დაფინანსების წესი შესაძლოა შეიცვალოს. თემა გუშინ პარლამენტში გახდა აქტუალური... დეპუტატებს როგორც ოპოზიციიდან ისე მმართველი გუნდიდან მაუწყებლის დაფინანსების წესზე კითხვები აქვთ. როგორც ცნობილია, 2009 წელს „მაუწყებლის შესახებ კანონში“ შესული ცვლილებით, საზოგადოებრივი მაუწყებლისთვის სახელმწიფო ბიუჯეტიდან გამოყოფილი თანხის ოდენობა წინა წლის მშპ-ს არანაკლებ 0,12%-ის ოდენობით განისაზღვრა, აღნიშნული ცვლილებით მაუწყებლის ბიუჯეტი 2010 წელს 11,8 მილიონი ლარით გაიზარდა. 2014 წლიდან კი ეს ნორმატივი მშპ-ს 0,14% გახდა. პარლამენტში დარეგისტრირებულია დეპუტატ რომან გოცირიძის კანონპროექტიც, რომელიც საზოგადოებრივი მაუწყებლის დაფინანსების მოდელის ცვლილებას ითვალისწინებს. #ახალიამბები #BusinessMediaGeorgia
#ბიზნესსიახლეები bm.ge-სგან / 14.09.2023 მესტიაში სასტუმრო “გისტოლა” გაფართოვდა - ინვესტიცია $600 ათასზე მეტია; "არტ რაჭამ" პირველ დამსვენებლებს უმასპინძლა - როგორია სასტუმროს გეგმები? მესტიაში ზაფხულის ტურისტულმა სეზონმა მოლოდინები ვერ გაამართლა; "წელს დაწურული თაფლის რაოდენობა ყველა რეგიონში შეგვიმცირდა" - "რუხი დედოფალი"; “კერკი” ამერიკის ბაზარზე ექსპორტისთვის ემზადება; #ახალიამბები #BusinessMediaGeorgia
საზოგადოებრივი მაუწყებლის დაფინანსების წესი შესაძლოა შეიცვალოს. თემა გუშინ პარლამენტში გახდა აქტუალური... დეპუტატებს როგორც ოპოზიციიდან ისე მმართველი გუნდიდან მაუწყებლის დაფინანსების წესზე კითხვები აქვთ. როგორც ცნობილია, 2009 წელს „მაუწყებლის შესახებ კანონში“ შესული ცვლილებით, საზოგადოებრივი მაუწყებლისთვის სახელმწიფო ბიუჯეტიდან გამოყოფილი თანხის ოდენობა წინა წლის მშპ-ს არანაკლებ 0,12%-ის ოდენობით განისაზღვრა, აღნიშნული ცვლილებით მაუწყებლის ბიუჯეტი 2010 წელს 11,8 მილიონი ლარით გაიზარდა. 2014 წლიდან კი ეს ნორმატივი მშპ-ს 0,14% გახდა. პარლამენტში დარეგისტრირებულია დეპუტატ რომან გოცირიძის კანონპროექტიც, რომელიც საზოგადოებრივი მაუწყებლის დაფინანსების მოდელის ცვლილებას ითვალისწინებს. #ახალიამბები #BusinessMediaGeorgia
საკვებად ვარგის სურსათს არსებობის ვადა გაუხანგრძლივდება და ადამიანებს მათი გამოყენების შესაძლებლობა გაუჩნდება - პარლამენტი სურსათის ბანკის შექმნისთვის საკანონმდებლო ჩარჩოს განხილვას დაუბრუნდა. აგრარულმა კომიტეტმა კანონპროექტი მეორე მოსმენით უკვე განიხილა. საქართველოში ყოველწლიურად საკმაოდ მნიშვნელოვანი ოდენობის ჯერ კიდევ გამოსაყენებლად უვნებელი სურსათი ნადგურდება. მაგალითად 2019 წელს 1584 ტონა სურსათის ჩამოწერა მოხდა, 2020 წელს 1982 ტონის, ხოლო 2021 წელს 1685 ტონა სურსათი ჩამოიწერა და განადგურდა. საკანონმდებლო ინიციატივით, ბიზნესოპერატორები მოგების გადასახადით არ დაიბეგრებიან საქველმოქმედო ორგანიზაციისთვის სურსათის უსასყიდლოდ მიწოდებისას და მათი იგივე ქმედება დღგ-ისგან ჩათვლის უფლებით იქნება გათავისუფლებული. მოუხედავად იმისა, რომ ინიციატივა ცალსახად დადებითია, პრაქტიკაში მის დანერგვას გამოწვევები ახლავს თან... როგორ უნდა შეიქმნას მთელი ჯაჭვი, რომელიც რომელიც მოიცავს შეწირულების სახით გაცემული სურსათის შეგროვებას, შენახვას, აღდგენასა და მის შემდგომ განაწილებას - ვინ უნდა იყოს პასუხისმგებელი მის უვნებლობაზე და იქნება თუ არა საგადასახადო შეღავათები საკმარისი მოტივაცია ბიზნესოპერატორებისათვის შესწირონ სურსათი, რომელსაც დღეს ნადგურდება? სტუმარი: მირანდა მანჯგალაძე - რიტეილ ექსპერტი; #ახალიამბები #BusinessMediaGeorgia
მესტიაში ზაფხულის ტურისტული სეზონიც დასასრულს მიუახლოვდა. თუმცა სვანეთში ზამთარიც განსაკუთრებულად გამორჩეულია ხოლმე და ზაფხულის დასრულებიდან მალევე ბიზნესი დამსვენებლების მისაღებად ემზადება. როგორი შედეგები აქვთ სასტუმროებს და როგორია მათი მოლოდინი უკვე 2024 წლის ზამთრის სეზონისთვის? #ახალიამბები #BusinessMediaGeorgia
საქართველოში მზის ენერგიის ასოციაცია დაფუძნდა. ასოციაცია ამ ეტაპზე 16 კომპანიას აერთიანებს და მზის ენერგიის ათვისების ხელშეწყობაზე იქნება ფოკუსირებული. ასოციაციის წარმომადგენელთა თქმით, მნიშვნელოვანია რეგულაციების მხრივ მდგრადობაზე, ასევე სახელმწიფოს მხრიდან ამ დარგის ხელშეწყობასა და ინვესტორების დაინტერესებაზე მუშაობა. რა პოტენციალი აქვს მზის ენერგიის ათვისებას საქართველოში და რა გამოწვევების წინაშეა დარგი? სტუმარი: თორნიკე დარჯანია - Helios Energy Georgia-ს დამფუძნებელი; #ახალიამბები #BusinessMediaGeorgia
საქართველოს ეროვნული ბანკის მონეტარული პოლიტიკის კომიტეტმა რეფინანსირების განაკვეთი 0.25 პროცენტული პუნქტით შეამცირა. შედეგად, რეფინანსირების განაკვეთი 10 პროცენტს შეადგენს. სებ-ის განმარტებით ინფლაციის კლებადი ტენდენცია ქვეყანაში მონეტარული პოლიტიკის შემცირების შესაძლებლობას იძლევა, თუმცა პოზიტიური ტენდენციების მიუხედავად, ცენტრალური ბანკი განმარტავს, რომ ინფლაციური რისკების გათვალისწინებით, მკაცრი მონეტარული პოლიტიკიდან გამოსვლა ფრთხილი ბიჯებით გაგრძელდება. ფინანსთა სამინისტრო სების მონეტარულ პოლიტიკას ეთანხმება. მინისტრის მოადგილე მიხეილ დუნდუა საქმის კურსთან აცხადებს, რომ ინფლაციის დაბალი დონე სების და მთავრობის თანმიმდევრული პოლიტიკის შედეგია. რეფინანსირების განაკვეთის შემცირება კი ეროვნული ბანკის მხრიდან სწორი გადაწყვეტილებაა. #ახალიამბები #BusinessMediaGeorgia
ფერმერები თხილის წარმოების ხელშეწყობის პროგრამის გაგრძელებას ითხოვენ. მთავრობის ინიციატივით გასულ წელს თხილის წარმოების ხელშეწყობის პროგრამა ამოქმედდა, რომელიც ითვალისწინებდა თხილის პირველადი წარმოების ხელშეწყობას, უფრო კონკრეტულად თხილის მოვლა-მოყვანისთვის საჭირო საქონლის ღირებულების სუბსიდირებას. პროგრამის ფარგლებში, რაშიც ჯამურად 20 მილიონ ლარზე მეტი დაიხარჯა 3 ჰექტრამდე თხილის ფართობების მფლობელმა ფერმერებმა 1 ჰექტარზე 500 ლარის ოდენობის დახმარება მიიღეს. როგორც თხილის მწარმოებლები ამბობენ, დღეს სექტორში არსებული გამოწვევების ფონზე მათთვის სახელმწიფოს დახმარება საჭიროა, თუმცა არსებული მექანიზმი, რაც გასულ წელს იყო შემოთავაზებული ბოლომდე ვერ ამართლებს. შესაბამისად, თხილის მწარმოებლების ნაწილი აცხადებს, რომ იმ შემთხვევაში თუ შესაბამისი დახმარების პროგრამა გაგრძელდება შედეგის მისაღებად ის უნდა დაკორექტირდეს. #ახალიამბები #BusinessMediaGeorgia
#ბიზნესსიახლეები bm.ge-სგან / 13.09.2023 როდის შემოვა საქართველოში iPhone 15? “გრძელვადიან პერსპექტივაში არასტანდარტული ვაშლის სუბსიდირება უარყოფითად იმოქმედებს” - გოჩა ღვინეფაძე; მოვაჭრისთვის დასაკისრებელი ჯარიმის ოდენობის განსაზღვრის წესი დამტკიცდა - ბიზნესის პოზიცია; "ივნისსა და ივლისში ნახევრად ცარიელები ვიყავით, სვანეთში ტურისტები არ იყვნენ" - სასტუმრო “გისტოლა"; “ჩვენი საწარმო ექსპლოატაციაში შევიდა” - “გოგორას” სიახლეები; #ახალიამბები #BusinessMediaGeorgia
ფერმერები თხილის წარმოების ხელშეწყობის პროგრამის გაგრძელებას ითხოვენ, თუმცა სახელმწიფოს უფრო მეტ კონტროლს ითხოვენ. მათი თქმით, წლევანდელი პროგრამა მეთხილეებისთვის საჭირო და დროული იყო, თუმცა იმისა გამო რომ ფერმერებმა სახელმწიფოს მხრიდან დარიგებული 500 ლარიანი ვაუჩერები არამიზნობრივად გამოიყენეს, სასურველი შედეგი არ დადგა. ქვეყანაში თხილის მოსავლის აღების პროცესი კი უკვე დასრულებულია. #ახალიამბები #BusinessMediaGeorgia
აუდიტორული კომპანიებისთვის ფინანსური გამჭვირვალობის ვალდებულების გაფართოება იგეგმება - საკანონმდებლო ცვლილებების ინიცირება საშემოდგომო სესიაზე მოხდება, რომლის მიხედვითაც, აუდიტორულ კომპანიებს გამჭვირვალობის ანგარიშების წარდგენის ვალდებულება ექნებათ. ბუღალტრული აღრიცხვის, ანგარიშგებისა და აუდიტის შესახებ“ კანონში ცვლილებები ითვალისწინებს სექტორის ზედამხედველობის სამსახურის ორგანიზაციულ- სამართლებრივი ფორმის ცვლილება და საჯარო სამართლის იურიდიულ პირად ჩამოყალიბებას, ამასთან, მიზანშეწონილად იქნა მიჩნეული კანონმდებლობით დადგინდეს აუდიტორებსა თუ აუდიტორული ფირმებისთვის აკრძალული არა-აუდიტორული სერვისების სია და ასევე, რიგ შემთხვევებში ნებადართული არააუდიტორული მომსახურებების შესახებ ინფორმაცია. რეგულაციის აღნიშნული მუხლები ასევე შეეხება ისეთ მნიშვნელოვან საკითხებს, როგორიცაა აუდიტორული ფირმებისათვის გამჭვირვალობის ანგარიშის წარდგენის ვალდებულების შემოღება. რა იცვლება აუდიტორული კომპანიებისთვის და რამდენად გაამართლა ბუღალტრული აღრიცხვის კუთხით დაწყებულმა რეფორმამ და რა ცვლილებების საჭიროება გამოიკვეთა? სტუმარი: პაატა შურღაია - "გრანდ თორნთონ საქართველოს" ვიცე- მმართველი პარტნიორი; #ახალიამბები #BusinessMediaGeorgia
ტექნოლოგიური რევოლუციის, ბაზრის ბუმისა და სხვა ფაქტორების გავლენით, ბოლო ათწლეულში მილიონერთა რიცხვი მკვეთრად გაიზარდა. 2022 წელს მილიონიან ნიშნულს მსოფლიოს ზრდასრული მოსახლეობის 1.1%-ის ქონება აჭარბებდა, მაშინ როდესაც 2012 წელს, ეს მაჩვენებელი მხოლოდ 0.6%-ს უტოლდებოდა. როგორ შეიცვალა ათწლიან ჭრილში, 2012-2022 წლებში მილიონერთა რაოდენობა მსოფლიოში, ამ კითხვაზე პასუხს Credit Suisse-ის გლობალური სიმდიდრის უახლესი ანგარიში გვაცნობს? #ახალიამბები #BusinessMediaGeorgia
საქართველოს ეროვნული ბანკის მონეტარული პოლიტიკის კომიტეტმა რეფინანსირების განაკვეთი 0.25 პროცენტული პუნქტით შეამცირა. შედეგად, რეფინანსირების განაკვეთი 10 პროცენტს შეადგენს. სებ-ის განმარტებით ინფლაციის კლებადი ტენდენცია ქვეყანაში მონეტარული პოლიტიკის შემცირების შესაძლებლობას იძლევა, თუმცა პოზიტიური ტენდენციების მიუხედავად, ცენტრალური ბანკი განმარტავს, რომ ინფლაციური რისკების გათვალისწინებით, მკაცრი მონეტარული პოლიტიკიდან გამოსვლა ფრთხილი ბიჯებით გაგრძელდება. რამდენად ეთანხმება სების პოლიტიკას ფინანსთა სამინისტრო და რა შენიშვნები აქვს ოპოზიციას ეროვნული ბანკის მონეტარულ პოლიტიკაზე, #ახალიამბები #BusinessMediaGeorgia
საქართველო გონებრივ სპორტში - ჭადრაკი და მისი ფინანსური დეტალები #ახალიამბები #BusinessMediaGeorgia
მთავრობა უკანონოდ დარეგისტრირებული მიწის ნაკვეთების მფლობელებისთვის ამნისტიის გამოცხადებას გეგმავს. როგორც ექსპერტების ნაწილი მიიჩნევს, ირაკლი ღარიბაშვილის გადაწყვეტილება იმის დასტურია, რომ ქვეყანაში მიწის რეფორმის სისტემა არ მუშაობს. მათი თქმით, მიწების აღწერაზე წლების განმავლობაში საბიუჯეტო სახსრები არამიზნობრივად დაიხარჯა, პრობლემის აღმოსაფხვრელად კი ხელისუფლებას ეფექტიანი გეგმა სჭირდება. #ახალიამბები #BusinessMediaGeorgia
#ბიზნესსიახლეები bm.ge-სგან / 12.09.2023 თიბისიმ, ვაჭრობის დაფინანსებისთვის, სითი ბანკისგან 70 მლნ აშშ დოლარი მოიზიდა; რატომ არ აქვეყნებს „ჯორჯიან მანგანეზი“ ფინანსურ ანგარიშგებას reportal.ge-ზე? სავაჭრო ცენტრებში ბრუნვის მაჩვენებლები იზრდება; "მცირე მარნები სახელმწიფოს მხრიდან მარკეტინგული ხელშეწყობის გარეშე ვრჩებით" - "ხომლის მარანი"; “სეზონი წარმატებული იყო, თუმცა შარშან მეტი უცხოელი ტურისტი გვყავდა” - Luca Polare; ბავშვთა ტანსაცმლის ბრენდი “რკო” ექსპორტზე აშშ-ში გავიდა; #ახალიამბები #BusinessMediaGeorgia
მთავრობა უკანონოდ დარეგისტრირებული მიწის ნაკვეთების მფლობელებისთვის ამნისტიის გამოცხადებას გეგმავს. როგორც ექსპერტების ნაწილი მიიჩნევს, ირაკლი ღარიბაშვილის გადაწყვეტილება იმის დასტურია, რომ ქვეყანაში მიწის რეფორმის სისტემა არ მუშაობს. მათი თქმით, მიწების აღწერაზე წლების განმავლობაში საბიუჯეტო სახსრები არამიზნობრივად დაიხარჯა, პრობლემის აღმოსაფხვრელად კი ხელისუფლებას ეფექტიანი გეგმა სჭირდება. #ახალიამბები #BusinessMediaGeorgia
აგროტურიზმი როგორც სოფლის მეურნეობის და დასვენების განვითარებით ფორმა მსოფლიოში ერთ-ერთი გავრცელებული და კარგად ნაცადი მიმართულებაა. როგორც მსოფლიო გამოცდილება აჩვენებს, აგროტურიზმიდან მიღებული სარგებელი ყოველწლიურად იზრდება, რადგან დასვენების ამ ფორმაზე მოთხოვნა მზარდია. მათ შორის იქმნება სამუშაო ადგილები და სოფლად მაცხოვრებელი ადამიანების შემოსავლები იზრდება. საქართველოში აგროტურიზმის განვითარების მიმართულებით არსებულ გამოწვევებზე ხშირად ვსაუბრობთ და ვამბობთ, რომ იმისთვის, რომ საქართველოში აგროტურიზმის განვითარდეს აუცილებელია მოწესრიგებული ინფრასტრუქტურა და გამართული ფერმერული მეურნეობები - ამის წარმატებული მაგალითებიც გვაქვს, მაგრამ გამოწვევები უფრო მრავლადაა. რა ეტაპზეა საქართველო აგროტურიზმის განვითარების მიმართულებით, რა აფერხებს ქვეყანაში დასვენების ამ ფორმის განვითარებას და რა უნდა გაკეთდეს იმისთვის, რომ საქართველომ აგროტურიზმიდან მეტი სარგებლის მიღება შეძლოს? სტუმარი: ნინო ზამბახიძე - "საქართველოს ფერმერთა ასოციაციის" თავმჯდომარე; #ახალიამბები #BusinessMediaGeorgia
წარმოების მაღალი ხარჯები - ესაა ის ერთ-ერთი გამოწვევა, რომელზეც მცირე ფერმერული მეურნეობები ხშირად, მათ შორის საქართველოში საუბრობენ. როგორც აღმოჩნდა ეს პრობლემა არა მხოლოდ ჩვენთან არამედ მსოფლიოს სხვა ქვეყნებშიც დგას, რომლის გადაჭრის გზებზეც ყოველდღიურად მიდის მსჯელობა. საქმიანი ვიზიტით BMG აგვისტოში ჩრდილოეთ იტალიაში, კერძოდ, სამხრეთ ტიროლის რეგიონში იმყოფებოდა, სადაც მოვახერხეთ ადგილობრივი ფერმერთა ასოციაციის წარმომადგენლებთან გასაუბრება, რომლებსაც ამ პრობლემის გადაჭრის გზად ქვეყანაში ფერმაში დასვენების, ანუ აგროტურიზმის განვითარება მიაჩნიათ. საქართველოში ამ კუთხით არსებულ გამოწვევებთან გასამკლავებლად - ესაა მათი რეკომენდაციაც. ამ მიმართულების კიდევ უფრო პოპულარიზაციის მიზნით, რეგიონში არსებულ ფერმერთა ასოციაციას მათი წევრებისთვის შესაბამისი ხარისხის ნიშანიც აქვს შემოღებული, რომლის მისაღებად კონკრეტული მოთხოვნების დაკმაყოფილებაა აუცილებელი. წითელი მამლის სახელით ცნობილი ხარისხის ნიშნის მფლობელი ფერმერები კი ადგილობრივი ფერმერთა ასოციაციისგან მნიშვნელოვანი ბენეფიტებით სარგებლობენ. ინტერვიუ: ჟანრს კნილსეისენი - სამხრეთ ტიროლის ფერმერთა ასოციაციის მარკეტინგის სამსახურის წარმომადგენელი #ახალიამბები #BusinessMediaGeorgia
„უარი ეთქვას რუსეთთან პირდაპირი ფრენების აღდგენას და შემოღებულ იქნას სავიზო რეჟიმი რუსეთის მოქალაქეებისათვის“ - მოქალაქეთა საინიციატივო ჯგუფმა პარლამენტში 6084 საქართველოს მოქალაქის ხელმოწერილი პეტიცია წარადგინა. ამ ეტაპზე კი პეტიციას უკვე 10 000 მოქალაქე აწერს ხელს. პეტიციაზე რომელიც ჯერ კიდევ მაისში წარედგინა პარლამენტს დღეს დარგობრივ კომიტეტზე ემსჯელათ. რას ამბობენ პეტიციის ავტორები და როგორია საკითხზე თავად დეპუტატების პოზიცია? #ახალიამბები #BusinessMediaGeorgia
საქართველოს ჩინეთის სახალხო რესპუბლიკის მოქალაქეებისთვის უვიზო რეჟიმი შემოაქვს - ამის შესახებ პრემიერ-მინისტრმა ირაკლი ღარიბაშვილმა განაცხადა. მისი თქმით, ეს გადაწყვეტილება ორი ქვეყნის სტრატეგიული თანამშრომლობის ფარგლებშია მიღებული. პრემიერმა ისიც აღნიშნა, რომ არსებული გადაწყვეტილება ჩინეთიდან საქართველოში კიდევ უფრო მეტი ტურისტის ჩამოსვლას წაახალისებს. ღარიბაშვილის თქმით, ეს მისი ჩინეთში წარმატებული ვიზიტის ერთ-ერთი შედეგია. ეკონომიკისა და მდგრადი განვითარების მინისტრის ლევან დავითაშვილის განცხადებით, ჩინეთთან პირველ ეტაპზე, ყოველ დღე ერთი რეისი იქნება, რაც ნიშნავს რომ კვირაში 7 რეისი შესრულდება. მინისტრის თქმით, ეს იქნება სამმხრივი ფრენა პეკინი-ურუმჩი-თბილისის მიმართულებით. ცნობისთვის, საქართველოს ტურიზმის ეროვნული ადმინისტრაციის მონაცემებით, 2023 წლის 6 თვეში ქვეყანაში ჩინეთის 12,600 მოქალაქე შემოვიდა, რაც წინა წელთან შედარებით 316%-ით მეტია. წლების მიხედვით, საქართველოს ყველაზე მეტი ჩინელი ვიზიტორი 2019 წელს სტუმრობდა, მაშინ ვიზიტორთა რაოდენობა 48 ათასს შეადგენდა. პანდემიის შემდეგ კი ჩინელი მოგზაურების რაოდენობა შემცირდა. #ახალიამბები #BusinessMediaGeorgia
ეკონომიკის მინისტრის მოადგილის, რომეო მიქაუტაძის განცხადებით, მიმდინარე წელს ექსპლუატაციაში 3 ჰესი შევიდა, დადგმული სიმძლავრით 5,7 მეგავატი, წლის ბოლომდე კი გეგმაშია ჯამურად 118 მეგავატი სიმძლავრის 7 ჰესის მშენებლობის დასრულდება. მისი თქმით, CFD მხარდამჭერი სქემა ბიძგისმიმცემი აღმოჩნდა ბევრი ენერგეტიკული პროექტისთვის. როგორც ცნობილია, პირველი სიმძლავრის აუქციონში გამარჯვებული 24 კომპანია აპრილში გამოავლინეს, თუმცა ამ კომპანიებთან ხელშეკრულება დღემდე გაფორმებული არ არის. მიქაუტაძე ამბობს, რომ დარჩენილ 1200-ი მეგავატის სიმძლავრეზე აუქციონები სექტემბერში გამოცხადდება. კერძო სექტორში იმედი აქვთ, რომ სახელმწიფო შემდგომ აუქციონებს დასახელებულ ვადებში ჩანიშნავს. განახლებადი ენერგიების ასოციაციის სამეთვალყურეო საბჭოს თავმჯდომარის თქმით, ახლა მთავარია რა სიმძლავრეზე გამოაცხადებს მთავრობა აუქციონებს, რადგან, როგორც აბრამიშვილი ამბობს, პირველმა აუქციონმა გამოაჩინა, რომ ინტერესი გამოცხადებულზე გაცილებით მეტი იყო. #ახალიამბები #BusinessMediaGeorgia
#ბიზნესსიახლეები bm.ge-სგან / 11.09.2023 “1 ჰექტარი ვენახის სეტყვის საწინააღმდეგო ბადით გადაფარვა 13 000 ლარამდე ჯდება” - აგრობადე; 8 წლის განმავლობაში 1700 ჰა ფართობის ჩაის რეაბილიტაცია მოხდა; Elven Technologies-ის ახალი პროდუქტით ავტომწარმოებელი Volvo-ა დაინტერესებული; "მაისი" ბიოდეგრადირებადი პლასტმასის შეფუთვების დანერგვას გეგმავს; “მიმდინარეობს სასტუმროს პროექტირება” - რა გეგმები აქვს “ფორთოხლები” რეზორტს? “სითი მოლის” ორივე ფილიალი გაფართოვდება; #ახალიამბები #BusinessMediaGeorgia
მთავრობის სხდომაზე ირაკლი ღარიბაშვილი სხვადასხვა თემას შეეხო , მაგრამ ამერიკაში ვოიაჟს - არა. სხდომის შემდეგ, მედიასთან განცხადებები გააკეთეს მინისტრებმა და მთავრობის ადმინისტრაციის ხელმძღვანელმა რევაზ ჯაველიძემ. მათი განმარტებით, ირაკლი ღარიბაშვილის ამერიკაში ვიზიტის ხარჯი ბიუჯეტიდან არ გაწეულა. ჟურნალისტების კითხვაზე, თუ რატომ არის პრობლემა შესაბამისი ხელშეკრულების და გადახდის ქვითრის გამოქვეყნება, მთავრობის ადმინისტრაციის უფროსმა სახელმწიფო დაცვის სამსახურისკენ გადაამისამართა. #ახალიამბები #BusinessMediaGeorgia
საქართველო ჩინეთის მოქალაქეებისთვის სავიზო რეჟიმს აუქმებს- ამის შესახებ დღეს მთავრობის სხდომის დაწყებამდე ირაკლი ღარიბაშვილმა განაცხადა. როგორც ღარიბაშვილი ამბობს, გადაწყვეტილებას დადებითი ეფექტი ექნება ტურისტულ ნაკადებზე და ქვეყანაში ჩინელი ტურისტების რაოდენობა გაიზრდება. #ახალიამბები #BusinessMediaGeorgia
პოსტ-საბჭოთა ქვეყნებში საავტორო უფლებების კუთხით ბოლო დროს გაძლიერებული რუსული გავლენის შეკავება და ამ ქვეყნების ორგანიზაციებისთვის დამოუკიდებლად განვითარებაში ხელშეწყობა - ამ თემებზე ავტორთა და შემსრულებელთა ორგანიზაციების გლობალური ალიანსის კონფერენციაზე იმსჯელეს. გლობალური ალიანსი 7 ქვეყნის: უკრაინის, მოლდოვას, საქართველოს, აზერბაიჯანის, სომხეთის, ყაზახეთისა და უზბეკეთის მიერ დაფუძნდა. როგორ უნდა შეუწყოს ხელი ორგანიზაციამ მსოფლიო მასშტაბით ავტორთა და შემსრულებელთა კავშირების კონსოლიდაციას და მფლობელების ინტერესების დაცვას როგორც საერთაშორისო, ასევე ეროვნულ დონეზე და რა ეტაპზეა საავტორო უფლებების სფეროში მიმდინარე რეფორმა? სტუმარი: გიგა კობალაძე - საავტორო უფლებათა ასოციაციის თავმჯდომარე; #ახალიამბები #BusinessMediaGeorgia
ენერგეტიკის სექტორი მეორე სიმძლავრის აუქციონებისთვის ემზადება. ეკონომიკის სამინისტრო კი აანონსებს, რომ საერთაშორისო სავალუტო ფონდთან არსებული შეთანხმების მიხედვით დარჩენილ ორ აუქციონს უახლოეს კვირებში გამოაცხადებს. რომეო მიქაუტაძე აღნიშნავს, რომ CFD სქემის ფარგლებში პირველმა აუქციონებმა ბიძგი ბევრ გაჩერებულ ენერგეტიკულ პროექტს მისცა. დასრულდა თუ არა უძრაობის ხანა ენერგეტიკაში, რომელმა კომპანიებმა და რა მოცულობის პირდაპირი უცხოური ინვესტიციები ჩადეს წლის პირველ ნახევარში ენერგეტიკაში? რა მოლოდინი აქვს კერძო სექტორს ახალი აუქციონების გამოცხადებით? #ახალიამბები #BusinessMediaGeorgia
მას შემდეგ, რაც რუსეთმა „მარცვლეულის შეთანხმება“ დატოვა, შავი ზღვის გავლით ხორბლის ტრანსპორტირება გამოწვევა გახდა და ეს უკრაინულთან ერთად, რუსულ ხორბალსაც ეხება, რადგანაც უკრაინული პორტების დაბომბვის საპასუხოდ, უკრაინამ ნოვოროსიისკის პორტებზე მიიტანა იერიში. ახლა ვითარება ასეთია: შავი ზღვის, ანუ დასავლეთის მხრიდან რუსული ხორბლის ექსპორტი ფაქტობრივად ვერ ხორციელდება, შეფერხება არ არის აღმოსავლეთის მარშრუტზე, მაგრამ ეს რუსეთისთვის, რომელიც ხორბლის უმსხვილესი ექსპორტიორია, საკმარისი არ არის. ქვეყანაში ჭარბი მარაგია, რამაც ფასები კლებისკენ დააკორექტირა. იმის გამო, რომ რუსეთს მილიონობით ტონა ხორბალი აქვს გასაყიდი, მოთხოვნა კი დაბალია, საქონელზე ფასი შემცირდა. შესაბამისად, საქართველოში რუსეთიდან ხორბალი იმაზე დაბალ ფასად შემოდის, ვიდრე წინა წლებში. ხორბლისა და ფქვილის მწარმოებელთა ასოციაციის აღმასრულებელი დირექტორის, ლევან სილაგავას განცხადებით, ფასი წლიურ ჭრილში 15-20%-ითაა შემცირებული. მისი თქმით, დღეს ადგილზე შემოტანილი 1 ტონა ხორბლის ფასი $220 ფარგლებშია. ასოციაციის ხელმძღვანელი ამბობს, რომ რუსეთში შექმნილი ვითარება საქართველოზე მოიკლევადიან პერსპექტივაში გავლენას არ იქონიებს, თუმცა უკვე გაზაფხულიდან არ არის გამორიცხული, რომ იმპორტიორებს გარკვეული პრობლემები შეექმნათ. ამიტომაც, ლევან სილაგავა მთავარ გამოსავლად ადგილობრივი წარმოების ხელშეწყობას, მარაგების შექმნასა და ხორბლისა და ფქვილის იმპორტის დაბალანსებას მიიჩნევს. #ახალიამბები #BusinessMediaGeorgia
მიმდინარე წლის II კვარტალში საქართველოში შემოსული პირდაპირი უცხოური ინვესტიციების მოცულობა წლიურად 29.9%-ით გაიზარდა და 505.7 მლნ დოლარი შეადგინა. წინასწარი მონაცემებით, FDI-ს უდიდესი წილი - 83.5% ამ პერიოდისთვის რეინვესტიციას უკავია, რომლის მოცულობა 422.5 მლნ დოლარია. რაც შეეხება სააქციო კაპიტალის წილს, წინა წლის შესაბამისი პერიოდის მონაცემებთან შედარებით ის 23.3%-ით შემცირდა და 72.9 მლნ დოლარი შეადგინა, რაც მთლიანი პირდაპირი უცხოური ინვესტიციების 14.4%-ია. საქსტატის მონაცემებით, II კვარტალში ყველაზე მეტი - 255.7 მლნ დოლარის პირდაპირი უცხოური ინვესტიცია საფინანსო და სადაზღვევო საქმიანობების სექტორში განხორციელდა, რაც მთლიანი FDI-ის 50.6%-ია. მეორე ადგილს ენერგეტიკის სექტორი, მესამეს კი დამმუშავებელი მრეწველობის სექტორი იკავებს. რეინვესტიციის მაღალი წილი პირდაპირ უკავშირდება იმას, რომ ქვეყანაში ახალი ინვესტიციების შემოდინება სწრაფი ტემპით არ ხდება - ამბობს ფინანსისტი გიგა ბედინეიშვილი. მისი თქმით, კონკრეტული ფაქტორების გამო საქართველოში ინვესტორები საქმიანობის წამოწყებას თავს არიდებენ. მისი თქმით, ერთ-ერთი მთავარი სამართლებრივი გარემოა, რაც ინვესტორს აშინებს. #ახალიამბები #BusinessMediaGeorgia
ჯანმრთელობის დაზღვევის ბაზრის გადანაწილება შეიცვალა. 5 უმსხვილესი კომპანიის წილი ბაზარზე მცირედით, თუმცა შემცირდა, შედარებით მცირე წილის მფლობელმა კომპანიებმა კი ახალი მომხმარებლების მოზიდვა შეძლეს. მთლიანობაში კერძო დაზღვევის მფლობელთა რაოდენობა 8%-ით გაიზარდა. 30 ივნისის მდგომარეობით ქვეყნის მოსახლეობის 19% სარგებლოობს კერძო სამედიცინო დაზღვევით. პსპ დაზღვევის სამეთვალყურეო საბჭოს თავმჯდომარის შეფასებით, ჯანმრთელობის დაზღვევის პორტფელი გაიზარდა, თუმცა მცირედით. როგორც სოფო ლებანიძე ამბობს, მეტად გაზრდილია სადაზღვევო პრემია, ვიდრე ახალი პოლისების რაოდენობაა. #ახალიამბები #BusinessMediaGeorgia
#ბიზნესსიახლეები bm.ge-სგან / 08.09.2023 “ზარა,” “მანგო,” “მასიმო დუტი” - ბათუმში დასავლეთ საქართველოში ყველაზე დიდი სავაჭრო ცენტრი იხსნება; ₾6 მილიონის ინვესტიცია და 55 ჰა-ზე მოცვის ბაღები ჩხორიაში - Keystone Agro-ს გეგმები; „ფქვილის იმპორტზე დაწესებული გადასახადი გრძელვადიანი უნდა იყოს“ - ლადო ბიძინაშვილი; ქუთაისი აეროპორტს საზოგადოებრივი ტრანსპორტით ვერ უკავშირდება, მსოფლიოში გამონაკლისი ქალაქია - გიდების ასოციაცია; „წლევანდელი რთველის მთავარი გამოწვევა ყურძნის ხარისხია, საოცრად ცუდი წელია“ – თელავის ღვინის მარანი; "საზამთროს მოსავლის 50% სეტყვამ გამინადგურა" - ფერმერი; “წინა წელთან შედარებით, კორპორატიული გაყიდვები გავაორმაგეთ” - “ჩიზქეიქერის” გეგმები; #ახალიამბები #BusinessMediaGeorgia
რუსეთში საწვავის დეფიციტია. ქვეყნის სოფლის მეურნეობის მინისტრი ქვეყანაში მოსავლის აღებსა და საშემოდგომო სამუშაოები შესაძლოა შეფერხებაზე ჩივის. ვითარების გამოსწორებისთვის დიმიტრი პატრუშევი ნავთობპროდუქტების ექსპორტის შეჩერების ინიციატივითაც გამოვიდა. პარალელურად, რუსეთს ხორბლის ჭარბი მარაგი აქვს, რადგანაც მოსავალი ექსპორტზე იმ მოცულობით ვეღარ გადის, როგორც სანქციებამდე გაჰქონდა, ამ ფაქტორის გათვალისწინებით კი, რუსული ხორბლის ფასი შემცირებულია. #ახალიამბები #BusinessMediaGeorgia
ჯანმრთელობის დაზღვევის ბაზრის გადანაწილება შეიცვალა. 5 უმსხვილესი კომპანიის წილი ბაზარზე მცირედით, თუმცა შემცირდა, შედარებით მცირე წილის მფლობელმა კომპანიებმა კი ახალი მომხმარებლების მოზიდვა შეძლეს. მთლიანობაში კერძო დაზღვევის მფლობელთა რაოდენობა 8%-ით გაიზარდა. 30 ივნისის მდგომარეობით ქვეყნის მოსახლეობის 19% სარგებლობს კერძო სამედიცინო დაზღვევით. #ახალიამბები #BusinessMediaGeorgia
საზამთროსა და ნესვის მოსავლის სეზონი დასასრულს უახლოვდება, სწორედ ამიტომ გადავწყვიტეთ, აღნიშნული პროდუქტის მწარმოებელი ფერმერები მოგვეკითხა, როგორი მოსავალი იყო წელს, რა რაოდენობის ზარალი მიაყენათ უამინდობამ და როგორი იყო სარეალიზაციო ბაზარი? #ახალიამბები #BusinessMediaGeorgia
2023 წლის რაგბის მსოფლიო ჩემპიონატი იწყება #ახალიამბები #BusinessMediaGeorgia
საქართველოში 2023 წლის II კვარტალში 505.7 მლნ დოლარის პირდაპირი უცხოური ინვესტიცია შემოვიდა, რაც 2022 წლის II კვარტლის დაზუსტებულ მონაცემებზე 29.9%-ით მეტია. მეორე კვარტალში შემოსული ინვესტიციის ძირითადი ნაწილი 423 მილიონი ამერიკული დოლარი კი რეინვესტიციაა. ტოპ ათი ინვესტორის სიაში მიმდინარე კვარტალში ცვლილებებია. ჩამონათვალშია საფინანსო სადაზღვევო საქმიანობების სექტორში საქართველოს კაპიტალი, ატლას ჰოლდინგსი, სილქ როუდ გრუპ ჰოლდინგი, ბიჯეო ჯგუფი და ექსელუს ჰოლდინგსი. დამამუშავებელი მრეწველობაში ყველაზე დიდი ინვესტიცია 2023 წლის მეორე კვარტალში ჰაიდელბერგცემენტ ჯორჯიამ განახორციელა. #ახალიამბები #BusinessMediaGeorgia
ჯოზეფ ბორელის გზავნილები - შეფასება სტუმარი: ზვიად ჭუმბურიძე - საქართველო-ევროკავშირის ბიზნესსაბჭოს გენერალური მდივანი; #ახალიამბები #BusinessMediaGeorgia
საქართველოს აეროპორტებში გასულ წლებთან შედარებით მგზავრთნაკადი იზრდება. გაუმჯობესებული შედეგები აქვს ქუთაისის საერთაშორისო აეროპორტსაც, საიდანაც ყველაზე მეტ რეისს ავიაკომპანია ვიზიარი ასრულებს. აეროპორტი და ვიზიარი იმერეთის, უფრო მეტად კი ქუთაისის ტურიზმის ერთ-ერთი მთავარი მასტიმულირებელი ფაქტორია. აეროპორტში მგზავრთნაკადის ზრდა ნაკლებად ახდენს გავლენას ქუთაისში ტურისტების რაოდენობაზე. ბიზნესი ამბობს, რომ ქუთაისი ტურისტების სიმრავლეს ვერ გრძნობს და ამის ერთ-ერთ მიზეზად ქუთაისის აეროპორტიდან ქალაქამდე საზოგადოებრივი ტრანსპორტის არ არსებობს ასახელებს. რა პრობლემას უქმნის ეს ბიზნესს და ზოგადად ქალაქის ტურისტულ პოტენციალს? #ახალიამბები #BusinessMediaGeorgia
საქართველოში 2023 წლის II კვარტალში 505.7 მლნ დოლარის პირდაპირი უცხოური ინვესტიცია შემოვიდა, რაც 2022 წლის II კვარტალის დაზუსტებულ მონაცემებზე 29.9%-ით მეტია. მეორე კვარტალში შემოსული ინვესტიციის ძირითადი ნაწილი 423 მილიონი ამერიკული დოლარი კი რეინვესტიციაა. რომელ სექტორებში განხორციელდა ყველაზე მეტი ინვესტიცია მეორე კვარტალში და რომელი კომპანიები მოხვდნენ ყველაზე მსხვილი ტოპ ათი ინვესტორის სიაში? #ახალიამბები #BusinessMediaGeorgia
საწვავი ძვირდება. სექტემბრის დასაწყისში ბრენდირებულ ავტოგასამართი სადგურების ქსელებში ფასმა ისევ მოიმატა. ყველაზე მოთხოვნადი ევრო რეგულარის ფასი ამჟამად, 2 ლარი და 69 თეთრიდან 2 ლარსა და 82 თეთრის დიაპაზონშია. ბოლო დღეებში ფასების დაკორექტირება მოხდა სოკარისა და ვისოლის ქსელებში, 1 სექემბერს ფასი 10 თეთრით გაიზარდა გალფის ქსელშიც. საწვავი ბოლო თვეებია ძვირდება. მხოლოდ მაისიდან ბენზინის ფასი 40 თეთრზე მეტად არის გაზრდილი. ნავთობიმპორტიორები საწვავის გაძვირების მიზეზად რამდენიმე ფაქტორს ასახელებენ, ერთ-ერთი რუსეთში არსებული ვითარებაა. კერძოდ, ოკუპანტმა ქვეყანამ ნავთობის მოპოვება შეამცირა, რამაც ქვეყანაში დეფიციტი შექმნა. როგორც ირკვევა, უკვე ორი თვეა რუსეთიდან საქართველოში პრემიუმის ტიპის საწვავი არ შემოსულა. ამასთან, რუსულ კომპანიებს ექსპორტის გადასახადი გაუზარდეს, თითქმის 17 დოლარამდე, რამაც საწვავის ღირებულება გაზარდა. ახლა ქართველი იმპორტიორებისთვის რუსული ბაზარი ნაკლებად საინტერესო ხდება. ბიზნესის ნაწილმა ევროპულ ბაზარზე დაბრუნება დაიწყო. რუსეთი არასაიმედო პარტნიორია - ამბობს ბიზნესი. ნავთობპროდუქტების იმპორტიორთა კავშირსა და სენტა პეტროლიუმში აღნიშნავენ, რომ ამ დრომდე რუსული საწვავი ყველაზე იაფი იყო, რაც საქართველომ სწორად გამოიყენა და თუ ახლა პროდუქციის იმპორტი პრობლემა გახდება, მათი თქმით, ბიზნესმა მიმართულება უნდა შეიცვალოს. #ახალიამბები #BusinessMediaGeorgia
#ბიზნესსიახლეები bm.ge-სგან / 07.09.2023 “საქკაბელმა” პროდუქცია ექსპორტზე ევროკავშირში გაიტანა; რა რაოდენობის მარილი იყიდა წელს საქართველომ? „შარშანდელთან შედარებით ბინის ქირაზე ფასი 7-10%-ით შემცირდა“- უძრავი ქონების ასოციაცია; "ქართველი მწარმოებლები ქსელურ მარკეტებში, ფაქტობრივად, დაბლოკილები ვართ" - "ჩაი აკეთი"; შვეიცარიული აგრარული სკოლა ასორტიმენტს აფართოებს და რძის წარმოებას იწყებს; #ახალიამბები #BusinessMediaGeorgia
ნავთობიმპორტიორების ნაწილი რუსეთის ბაზარს შორდება და სწორებას კვლავ ევროპაზე აკეთებს. როგორც ნავთობპროდუქტების იმპორტიორთა კავშირში აცხადებენ, რუსეთში პროდუქტის წარმოების შემცირებამ დეფიციტი, ექსპორტზე ფასის დაწესებამ კი საწვავის გაძვირება გამოიწვია, რაც ქართულ ბაზარზეც აისახა. ნავთობიმპორტიორების ნაწილი, რომლებიც ერთი წლის წინ რუსულ ბაზარზე გადაეწყვნენ და იმპორტი გაზარდეს, ახლა ამბობენ, რომ რუსეთი არასაიმედო პარტნიორია. #ახალიამბები #BusinessMediaGeorgia
მომსახურების შედარებით დაბალი ხარისხი, მოძველებული ლოგისტიკური ინფრასტრუქტურა და აღჭურვილობა, მიწოდების ჯაჭვის არაეფექტიანი მენეჯმენტი და კვალიფიციური კადრების ნაკლებობა - ეს ტრანსპორტისა და ლოგისტიკის სფეროში არსებული გამოწვევების არასრული ჩამონათვალია. პრობლემები თვალსაჩინოა და ის „საქართველოს 2023-2030 წლების ტრანსპორტისა და ლოგისტიკის ეროვნულ სტრატეგიაშიც აისახა, რომელიც მთავრობამ აგვისტოში დაამტკიცა. ამავე სტრატეგიით, განისაზღვრა სამიზნე მაჩვენებლებიც მათ შორის, მაგალითად, სტრატეგიის მიხედვით, თუ 2022 წელს საერთაშორისო სახმელეთო გადაზიდვები 26 მლნ ტონა იყო, ეს მაჩვენებელი 2024 წლისთვის მინიმუმ 9%-ით უნდა გაიზარდოს, 2030 წლისთვის კი, მინიმუმ 41%-ით. უნდა გაიზარდოს რკინიგზის როლიც გადაზიდვებში და თუ დღეისათვის სახმელეთო ტვირთნაკადში რკინიგზის წილი 48%-ია, 2024 წელს ეს მაჩვენებელი არანაკლებ 58% უნდა იყოს. სტრატეგია იმ 5 მთავარ ამოცანაზეც ამახვილებს ყურადღებას რაც ე.წ „შუა დერეფნისა“ და ქვეყანაზე გამავალი სხვა სატრანსპორტო მარშრუტების განვითარებისთვის საქართველომ უნდა გააკეთოს, რადგანაც არის შესაძლებლობა მოკლე ვადაშიც კი ტვირთის დამატებით მოზიდვა მოხდეს. ტრანსპორტისა და ლოგისტიკის სექტორი არაერთი გამოწვევის წინაშე დგას. რა არის პირველი რიგის გამოწვევები, რამდენად ასახავს მთავრობის 2023-30 წლების სტრატეგია რეალობას და რა ნაბიჯები უნდა გადაიდგას დამატებითი ტვირთის საქართველოს დერეფანში გადმომისამართების თუ სტრატეგიით განსაზღვრული მიზნობრივი მაჩვენებლების მისაღწევად? სტუმარი: აკაკი საღირაშვილი - საქართველოს ბიზნეს ასოციაციის აღმასრულებელი დირექტორის პირველი მოადგილე; #ახალიამბები #BusinessMediaGeorgia
ქართული ჩაის პროდუქცია ადგილობრივთან ერთად საექსპორტო ბაზრებისთვისაც საკმაოდ საინტერესოა, თუმცა სექტორი გარკვეული შეფერხებებით მუშაობს. კონკრეტულად, რა პოტენციალი აქვს ქართულ ჩაის, როგორია მოსავალი წელს და რა დაბრკოლებებს აწყდებიან მწარმოებლები? #ახალიამბები #BusinessMediaGeorgia
10 სექტემბრიდან "საპარტნიორო ფონდი" ახალი სახელით აგრძელებს საქმიანობას - „საქართველოს განვითარების ფონდად“ გარდაქმნილი „საპარტნიორო ფონდი“ საქმიანობას 250 მილიონიანი კაპიტალით დაიწყებს. რა შემთხვევაში შეძლებს ფონდი სესხის გაცემას, რა სექტორებზე გააკეთებს ის აქცენტს და როგორი იქნება ფონდის თანამონაწილეობა პროექტებში? #ახალიამბები #BusinessMediaGeorgia
#ბიზნესსიახლეები bm.ge-სგან / 06.09.2023 აღმაშენებლის გამზირზე 50-მდე კაფეს უნებართვო კონსტრუქციის დემონტაჟი განხორციელდა; შვეიცარიული აგრარული სკოლა “კავკასია” USAID-თან პარტნიორობით მოკლევადიან ტრენინგებს ჩაატარებს; "ჯორჯიან მანგანეზმა" წარმოება შეამცირა - კომპანიამ 11 ღუმლიდან რვა გააჩერა; “სეტყვის საწინააღმდეგო ბადეების 10%-იანი დაფინანსების გაზრდაზე სამინისტროსგან პასუხს ველით” - აგრობადე; "ჩვენს ვიზიტორებში ევროპელი ტურისტების რაოდენობა საგრძნობლად მცირეა" - HSC Group; "2019 წლის მაჩვენებელს 30%-ით ჩამოვრჩებით" - "ტურები და ბილეთები"; #ახალიამბები #BusinessMediaGeorgia