რა ხდება ბიზნესში?- #ბიზნესისსიახლეები (www.bm.ge) 14.05.2025 "მაკდონალდსმა" საქართველოში მობილურით წინასწარი შეკვეთის და გადახდის სერვისი დანერგა; თუ მოვლენები ნეგატიურად განვითარდება, ავტომობილების რეექსპორტი მნიშვნელოვნად შემცირდება - ასოციაცია; ტვირთების უმეტესობა ჩინეთიდან ელექტრონულ ვაჭრობას უკავშირდება - CAMEX Airlines გაზრდილ საჰაერო გადაზიდვებზე; "მოლოდინია, რომ წლევანდელი წელი კიდევ უფრო წარმატებული იქნება“ - "კესანე - არ დამივიწყო"; "დასაქმებულს აღარ აქვს კარიერული ინტერესი - ძირითადი აქცენტი ხელფასი და სამუშაო დღეებია" - ირაკლი კახიძე; #ახალიამბები #BusinessMediaGeorgia
ბათუმის საერთაშორისო აეროპორტში ახალი თანამშრომლების ასაყვანად ღია კარის დღე მიმდინარეობს. ნებისმიერ მსურველს საშუალება აქვს მივიდეს აეროპორტში და საკუთარი კანდიდატურა წარუდგინოს თბილისისა და ბათუმის საერთაშორისო აეროპორტების მმართველი კომპანიის, ტავ ჯორჯიას ადამიანური რესურსების დეპარტამენტს. ნებისმიერ კანდიდატს საშუალება აქვს წარადგინოს რეზიუმე, გაიაროს გასაუბრება და გამოხატოს ინტერესი კონკრეტულ პოზიციაზე დასასაქმებლად. ამ ეტაპზე ბათუმის საერთაშორისო აეროპორტი ეძებს კადრებს შემდეგი პოზიციებისთვის: მგზავრთა მომსახურების აგენტები, ჩატვირთვის კონტროლისა და კომუნიკაციების აგენტები, მორიგე ოფიცრები, ტექნიკური პერსონალი, მძღოლი, მტვირთავი, თვითმფრინავის დამლაგებელი. ყველა აღნიშნულია ვაკანსია სხვადასხვა საკვალიფიკაციო მოთხოვნას ითვალისწინებს . ტავ ჯორჯია ყველაზე მსხვილი და სტაბილური დამსაქმებელია საქართველოს საავიაციო ბაზარზე. კომპანია უკვე 20 წელია საქართველოში ოპერირებს და ამ პერიოდის განმავლობაში ააშენა და განავითარა ქვეყნის ორი საერთაშორისო აეროპორტი, რაშიც 230 მილიონ ამერიკულ დოლარამდე ინვესტიცია განახორციელა. კომპანიაში დღესდღეობით 1700-ზე მეტი თანამშრომელია დასაქმებული. #ახალიამბები #BusinessMediaGeorgia
საოფისე ფართებზე მოთხოვნა შემცირდა. უძრავი ქონების სააგენტოებისა და თავად კომერციული ფართების მფლობელების ნაწილი ამბობს, რომ ქვეყანაში შექმნილი არასტაბილური ვითარების ფონზე ბიზნესი გაფართოებისგან თავს იკავებს, შესაბამისად, როგორც დიდ, ასევე შედარებით მცირე ზომის საოფისე ფართებზე მოთხოვნამ იკლო, მცირდება ბიზნესცენტრებში დატვირთულობის მაჩვენებელიც. რა ვითარებაა კომერციული უძრავი ქონების ბაზარზე ამ მიმართულებით და რა განაპირობებს შემცირებულ მოთხოვნას. #ახალიამბები #BusinessMediaGeorgia
ევროკავშირი რუსეთის წინააღმდეგ სანქციების მე-17 პაკეტზე შეთანხმდა. უცხოური მედია უფლებამოსილ პირებზე დაყრდნობით წერს, რომ სანქციების ახალი პაკეტი მიზანში იღებს 200-მდე რუსულ გემს “ჩრდილოვანი ფლოტიდან”, 75 კომპანიას, რომლებსაც სანქციების დარღვევა ედებათ ბრალად, და რუსულ სამხედრო-ინდუსტრიულ კომპლექსთან დაკავშირებულ 75 პიროვნებას. რუსეთი “ჩრდილოვან ფლოტს” დასავლური სანქციებისთვის თავის არიდებისთვის და ნავთობის G7-ის ქვეყნების მიერ დაწესებულ ფასზე ძვირად გასაყიდად იყენებს. ევროპული ქვეყნების ნაწილი ფლოტს საბოტაჟთან და ჯაშუშობასთანაც აკავშირებს.ბრიუსელი ამკაცრებს შეზღუდვას იმ ნივთიერებებზეც, რომლებიც რაკეტების წარმოებაში გამოიყენება. რა გავლენა ექნება სანქციების ახალ პაკეტს ჩრდილოელ მეზობელზე, ამას დრო გამოაჩენს, თუმცა მიმდინარე მოვლენები რუსეთის ეკონომიკას უკვე ეტყობა. მსოფლიო ბაზარზე ნავთობის ფასების მკვეთრი ვარდნის გამო რუსეთის ბიუჯეტში ნავთობისა და ბუნებრივი აირის გაყიდვებიდან მიღებული შემოსავლები აპრილში, წლიურად დაახლოებით 12%-ით შემცირდა. ენერგორესურსების რეალიზაციიდან მიღებული შემოსავლების შემცირების ფონზე, კი რუსეთის ფედერალური ბიუჯეტის დეფიციტი რეკორდულად გაიზარდა და ის უკვე 45 მილიარდ დოლარს აღწევს. რა ეკონომიკური გავლენა შეიძლება ჰქონდეს ახალ სანქციებს რუსეთზე და ექნება თუ არა ამას გავლენა საქართველოზე, რომელსაც რუსეთთან სავაჭრო ეკონომიკური ურთიერთობები აკავშირებს? სტუმარი: ნიკოლოზ შურღაია - ფინანსისტი; ბიზნესის მრჩეველი; #ახალიამბები #BusinessMediaGeorgia
2024 წელს 8.1 მლრდ ლარია სახელმწიფო ტენდერი ჩატარდა, რაც 2023 წელთან შედარებით 22%-ით შემცირებული მაჩვენებელია. შესყიდვების სააგენტოს 2024 წლის საქმიანობის ანგარიშიდან ირკვევა, რომ გაზრდილია გამარტივებული შესყიდვების ჯამური მოცულობა, მთლიან შესყიდვებში კი ამ კატეგორიის შესყიდვების წილი 11%-დან 14%-მდე გაიზარდა. ვინ არიან ყველაზე მსხვილი შემსყიდველები, რა ოდენობის სახელმწიფო შესყიდვა ჩატარდა დონორების სახსრებით და როგორია ამ მიმართულებით გამოვლენილი დარღვევების სამართლებრივი სტატისტიკა? #ახალიამბები #BusinessMediaGeorgia
საქართველოში საჰაერო გზით გადატვირთული ტვირთების მოცულობა მზარდია. სამოქალაქო ავიაციის სააგენტოს ინფორმაციით, მიმდინარე წლის 4 თვეში საჰაერო გზით გადაზიდული ტვირთების მოცულობამ 10 599 ტონა შეადგინა. 2024 წლის ანალოგიურ პერიოდთან შედარებით ტვირთბრუნვა 61%-ითაა გაზრდილი. საჰაერო გადამზიდავები გაზრდილ სტატისტიკას ჩინეთიდან მზარდ ტვირთნაკადს და ელექტრონული კომერციის პლატფორმების გააქტიურებას უკავშირებენ. თუმცა ბიზნესი ამბობს, რომ გაზრდილი საჰაერო ტვირთბრუნვის პარალელურად, გამოწვევად რჩება შესაბამისი ინფრასტრუქტურის სიმცირე, არასაკმარისი ტერმინალები და საბაჟო პროცედურები. რა ტენდენციებია საჰაერო გადაზიდვების ბაზარზე და რა მოლოდინები აქვს კერძო სექტორს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 13.05.2025 თოკების ქალაქი, კარტინგები, Food Court ზონა... - რა სიახლეებს სთავაზობს მომხმარებლებს მთაწმინდის პარკი? 17-18 მაისს ექსპო ჯორჯიაში "თბილისის ვისკის ფესტივალი 2025" გაიმართება; რატომ ძვირდება საზღვარგარეთ დასვენება? "ქართული აგროპროდუქტი” ექსპორტს ავითარებს - რა გეგმები აქვს კომპანიას? “მოგვიწია ფასების გაზრდა, მაგრამ ზომიერად” - ყავა “მონდო”; #ახალიამბები #BusinessMediaGeorgia
საქართველოში საჰაერო გზით გადატვირთული ტვირთების მოცულობა მზარდია. სამოქალაქო ავიაციის სააგენტოს ინფორმაციით, მიმდინარე წლის 4 თვეში საჰაერო გზით გადაზიდული ტვირთების მოცულობამ 10 599 ტონა შეადგინა. 2024 წლის ანალოგიურ პერიოდთან შედარებით ტვირთბრუნვა 61%-ითაა გაზრდილი. საჰაერო გადამზიდავები გაზრდილ სტატისტიკას ჩინეთიდან გაზრდილ ტვირთნაკადს და ელექტრონული კომერციის პლატფორმების გააქტიურებას უკავშირებენ. თუმცა ბიზნესი ამბობს, რომ გაზრდილი ტვირთბრუნვის პარალელურად გამოწვევად რჩება შესაბამისი ინფრასტრუქტურის სიმცირე არასაკმარისი ტერმინალები და საბაჟო პროცედურები. #ახალიამბები #BusinessMediaGeorgia
ავტოსადგურების სერტიფიცირების ვადა 1 ივნისს იწურება- როგორც ცნობილია 2025 წლის 1-ელი ივნისიდან ავტოსადგურებს სერტიფიცირების ვალდებულება უჩნდებათ. სერტიფიცირების ფასი სადგურის კატეგორიის მიხედვით 1000-ლარიდან 10 000-ლარის ფარგლებში მერყეობს. სერტიფიკატი გაიცემა 5 წლის ვადით. ასევე პირველი ივნისიდან 150 კმ-ზე მეტით დაშორებულ პუნქტებს შორის მგზავრების გადაყვანა მიკროავტობუსებით აიკრძალება და დასაშვები მხოლოდ ავტობუსებით იქნება. 2025 წლის 1-ელი მარტიდან ძალაში შევიდა რეგულაცია, რომლის თანახმადაც, საავტომობილო სამგზავრო გადაყვანისთვის მძღოლებმა ნებართვა უნდა მიიღონ. ამავე პერიოდში ამოქმედდა რეგულაცია, რომლის მიხედვითაც, სამგზავრო გადაყვანებში ჩართულ მძღოლებს პერიოდული სამედიცინო შემოწმების გავლის ვალდებულება გაუჩნდათ. რა იცვლება ავტოსადგურებისთვის და მგზავრთგადამყვანი ოპერატორებისთვის, რამდენად არის მზად ცვლილებებისთვის ბიზნესი და ხომ არ დგას დღის წესრიგში დადგენილი ვადების გახანგრძლივების საკითხი? სტუმარი: პაატა ყვავაძე - ავტოსადგური „ოკრიბას“ იურისტი #ახალიამბები #BusinessMediaGeorgia
საქართველოდან საზღვარგარეთ მოგზაურობა გაძვირდა. გამყვანი ტურიზმის ბაზრის მოთამაშეების ნაწილი ამბობს, რომ ტურისტული პაკეტების ფასების ზრდასთან ერთად, შემცირებულია მოგზაურების რაოდენობაც. კომპანიების მეორე ნაწილი კი პირიქით, ჯავშნების ზრდაზე საუბრობს, თუმცა ყველა თანხმდება, რომ მოგზაურობა ფინანსურად ისეთი ხელმისაწვდომი აღარ არის, როგორც წინა წლებში. რა ახდენს გავლენას ტურისტული პაკეტების ღირებულებაზე, რომელი მიმართულებებია წელს ყველაზე მოთხოვნადი და რა ტენდენციები ვითარდება გამყვან ტურიზმში? #ახალიამბები #BusinessMediaGeorgia
გლობალურ ბაზარზე ყავის ფასის მატებამ, საქართველოში ყავის იმპორტი მხოლოდ მარტში 56%-ით გააძვირა. ყავის პროდუქტების მწარმოებელი კომპანიები მარაგებს წინასწარ ყიდულობენ, რაც მოთხოვნა-მიწოდებს ბალანსზე ნეგატიურად აისახება. ადგილობრივი ყავის იმპორტიორებმა ფასებს რამდენჯერმე უკვე გადახედეს და მოლოდინი შემცირების არც უახლოეს მომავალში აქვთ. #ახალიამბები #BusinessMediaGeorgia
აშშ-სა და ჩინეთს შორის შეთანხმების გავლენის ეფექტებზე დეტალურად გადაცემის შემდეგ ნაწილში კიდევ ვისაუბრებთ და იქამდე საქართველოს კონტექსტში მის გავლენებზე ეროვნული ბანკის ანალიტიკას გადავხედოთ. ცენტრალური ბანკი ანგარიშში წერს, რომ აშშ-ის სატარიფო პოლიტიკით საქართველომ ყველაზე დიდი პირდაპირი გავლენა შესაძლოა მსუბუქი ავტომობილების ბაზრიდან მიიღოს. სებ-ის შეფასებით, იმ დაშვებით, თუ 25%-იანი ტარიფები სამომხმარებლო ფასებს სრულად გადაეცემა, აშშ-დან საქართველოში ავტომობილების იმპორტი დაახლოებით 10.7%-ით შემცირდება, რაც საქართველოდან ამ პროდუქციის რეექსპორტსაც შეამცირებს. ავტოიმპორტიორი კომპანიების ნაწილში კი აცხადებენ, რომ ტრამპის ტარიფებმა საქართველოს ბაზარზე იმპორტირებული მეორადი ავტომობილები უკვე გააძვირა. როგორ აისახება აშშ-ს 25%-იანი ტარიფები დღეისათვის ავტომობილებით ვაჭრობის ბაზარზე და როგორია მოლოდინები? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 12.05.2025 რა შემოსავალი აქვს საქართველოში KFC-ის რესტორნების ქსელს? დასაქმების პლატფორმებზე ვაკანსიების რაოდენობა შემცირდა - "ყველაზე მკვეთრი კლება მარტში იყო"; Waime Spices საერთაშორისო ბაზრებზე გაფართოვდა; "თევზის საკვებს უცხოეთში ვყიდულობთ, თუმცა ჩვენც შეგვიძლია ვაწარმოოთ... თევზის ფასიც დაიწევს" - ასოციაცია; რატომ ძვირდება ბოსტნეული? - "იმერის" დამფუძნებლის მოსაზრება; #ახალიამბები #BusinessMediaGeorgia
აშშ-ის სატარიფო პოლიტიკით საქართველომ ყველაზე დიდი პირდაპირი გავლენა შესაძლოა მსუბუქი ავტომობილების ბაზრიდან მიიღოს - ასეთია ეროვნული ბანკის შეფასება, რომელმაც გლობალური ფრაგმენტაცია და საქართველოს ეკონომიკაზე ტარიფების შესაძლო გავლენა შეაფასა. სებ-ის შეფასებით, იმ დაშვებით, თუ 25%-იანი ტარიფები სამომხმარებლო ფასებს სრულად გადაეცემა, აშშ-დან საქართველოში ავტომობილების იმპორტი დაახლოებით 11%-ით შემცირდება, რაც საქართველოდან ამ პროდუქციის რეექსპორტსაც შეამცირებს. ავტოიმპორტიორი კომპანიების ნაწილში კი აცხადებენ, რომ ტრამპის ტარიფებმა საქართველოს ბაზარზე იმპორტირებული მეორადი ავტომობილები უკვე გააძვირა. როგორ აისახა ტრამპის სატარიფო პოლიტიკა ავტომობილებით ვაჭრობის ბაზარზე და როგორია მოლოდინები? #ახალიამბები #BusinessMediaGeorgia
ახალციხეში, ბორჯომსა და ხულოში ინტერნეტის გაყვანისთვის ₾25-მილიონიანი ტენდერი გამოცხადდა. ტენდერი "ოუფენ ნეტმა" გამოაცხადა, რომელიც მთავრობის დაქვემდებარებაში არსებული ორგანიზაციაა და რეგიონებში ოპტიკურ-ბოჭკოვანი ინტერნეტის შეყვანისთვის შექმნა. ტენდერის თანახმად იგეგმება ახალციხის, ბორჯომისა და ხულოს რაიონის სოფლების ოპტიკურ-ბოჭკოვანი ინტერნეტით დაქსელვის სამუშაოები. პროექტი მსოფლიო ბანკის მიერ გამოყოფილი საკრედიტო რესურსით ფინანსდება და ის პროექტ Log-in Georgia-ს შემადგენელი ნაწილია. ტენდერის ფარგლებში კომპანიებს მონაწილეობის მიღება 25 ივნისამდე შეეძლებათ. ეს 2025 წლის განმავლობაში ოუფენ ნეტის უმსხვილეს შესყიდვას წარმოადგენს. როგორ მიმდინარეობს რეგიონების ოპტიკურ-ბოჭკოვანი ინტერნეტით დაფარვის პროექტი სად გვაქვს ჩამორჩენა, რა გამოწვევებია რეგიონებში ინტერნეტთან წვდომის კუთხით? სტუმარი: უჩა სეთური - მცირე და საშუალო ოპერატორების ასოციაციის თავმჯდომარე #ახალიამბები #BusinessMediaGeorgia
საქართველოში ყავის იმპორტი მხოლოდ მარტში 56%-ით გაძვირდა - მიზეზი გლობალურ ბაზარზე ყავის ფასის მზარდი დინამიკაა, რომელიც ბოლო რამდენიმე თვეა ფიქსირდება. ყავის პროდუქტების მწარმოებელი კომპანიები მარაგებს წინასწარ ყიდულობენ, რაც მოთხოვნა-მიწოდებს ბალანსზე ნეგატიურად აისახება. გლობალურ ბაზრებზე პროდუქციის გაძვირება უკვე აისახა საქართველოს ბაზარზე, სადაც კომპანიებმა პროდუქციის ფასები უკვე ორჯერ დააკორექტირეს. ბიზნესი ფასის ზრდას კიდევ მოელის, რაც ნიშნავს, რომ არ არის გამორიცხული საქართველოში ერთ-ერთი ყველაზე მოთხოვნადი პროდუქტი კიდევ ერთხელ გაძვირდეს. #ახალიამბები #BusinessMediaGeorgia
საქართველოდან ტანსაცმლის ექსპორტი მცირდება. საქსტატის მონაცემებით, 2025 წლის იანვარ-მარტში ქვეყნიდან 38 მლნ დოლარის ღირებულების პროდუქცია გავიდა. 2024 წლის სამ თვეში კი ექსპორტი 46.6 მლნ დოლარს შეადგენდა. ტექსტილის სექტორის წარმომადგენლები ამბობენ, რომ ბოლო წლების განმავლობაში ადგილობრივ ბაზარზე შემცირებული მოთხოვნის დაბალანსებას კომპანიები პროდუქციის ექსპორტით ცდილობენ. თუმცა გამოწვევები საკმაოდ ბევრია. მათ შორის, ადგილობრივი ნედლეულის სიმცირე, ტრანსპორტირების მაღალი ხარჯები და კადრების დეფიციტი. პროდუქციის გაზრდილი თვითღირებულების ფონზე კი საერთაშორისო დამკვეთებისთვის ქართული ბაზარი ნაკლებად საინტერესო ხდება. რა გამოწვევებია სექტორში? #ახალიამბები #BusinessMediaGeorgia
9 მაისი ევროკავშირის დაბადების დღეა. დღესვე ფაშიზმზე გამარჯვების, მეორე მსოფლიო ომის დასრულებას აღნიშნავენ და ამ ორი დღის აღსანიშნავად ევროკავშირში წევრობის მსურველი სახელმწიფოს მეთაურები და ევროკავშირის დიპლომატები სხვა და სხვა მიზეზით სხვა და სხვა ლოკაციაზე შეიკრიბნენ. გადაკვეთის წერტილი დღეს არ ყოფილა. საგამოფენო ცენტრი „ექსპო ჯორჯიაში“ ევროპის დღისადმი მიძღვნილ ღონისძიებაზე მთავრობის წევრები არ ყოფილან. ითქვა რომ ისინი ორგანიზატორებიდან არავის დაუპატიჟია. თავის მხრივ ევროკავშირის წარმომადგენლობა განმარტავს,რომ სახელობითი მოსაწვევის გაგზავნის პრაქტიკა მათი მხრიდან არც წინა წლებში ყოფილა. პაველ ჰერჩინსკის თქმით, ღონისძიების მიზანია ერთად აღნიშნოს ევროპის დღე და იმ პროექტების ჩვენება, რომელსაც ევროკავშირი საქართველოში აკეთებს.ევროპის დღეს ექსპო ჯორჯიაში წარმოდგენილი იყვნენ ის ქართველი მეწარმეები, რომლებმაც ევროპული ორგანიზაციების დაფინანსებით და ტექნიკური მხარდაჭერით საწარმოო სიმძლავრეები გაზარდეს, ცოდნა დააგროვეს და იმ მასშტაბს მიაღწიეს, რომ მათ დიდ ნაწილს საქართველოს გარდა უკვე იცნობს ევროპელი და ამერიკელი მომხმარებელი. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 09.05.2025
რა გამოწვევების წინაშეა ადგილობრივი ტექსტილის სექტორი, როგორია საერთაშორისო შეკვეთების დინამიკა და რა სჭირდება დარგს განვითარებისთვის? სტუმარი: ნატალია ჩხეიძე - “უნისტილის” დამფუძნებელი #ახალიამბები #BusinessMediaGeorgia
საქართველოდან ტანსაცმლის ექსპორტი მცირდება. საქსტატის მონაცემებით, 2025 წლის იანვარ-მარტში ქვეყნიდან 38 მლნ დოლარის ღირებულების პროდუქცია გავიდა. 2024 წლის სამ თვეში კი ექსპორტი 46.6 მლნ დოლარს შეადგენდა. ტექსტილის სექტორის წარმომადგენლები ამბობენ, რომ ბოლო წლების განმავლობაში ადგილობრივ ბაზარზე შემცირებული მოთხოვნის დაბალანსებას კომპანიები პროდუქციის ექსპორტით ცდილობენ. თუმცა გამოწვევები საკმაოდ ბევრია. მათ შორის, ადგილობრივი ნედლეულის სიმცირე, ტრანსპორტირების მაღალი ხარჯები და კადრების დეფიციტი. რა გამოწვევებია სექტორში? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 08.05.2025 რით შეიძლება დავაინტერესოთ ინვესტორები? - მეჰმედ მელექის პასუხი; "BEKO საქართველომ" საყოფაცხოვრებო ტექნიკის ბრენდი "ინდეზიტი" შეიძინა; HORECA Management Group-მა კანადაში წარმომადგენლობა გახსნა; Waime Spices კრაკოვში სანელებლების მაღაზიას ხსნის; "მაროკოს ტური სავარაუდოდ 1 თვეში დაგვემატება" - Horsetours.ge საერთაშორისო გაფართოებას განაგრძობს; #ახალიამბები #BusinessMediaGeorgia
გარემოზე ზეგავლენის შეფასებას და სკრინინგს დაქვემდებარებული საქმიანობების ჩამონათვალი მცირდება, ზოგ შემთხვევაში კი ზუსტდება-გარემოსდაცვითი შეფასების კოდექსში ცვლილების განხილვა დაიწყო. ცვლილებები მასშტაბურია, მთელ რიგ მიმართულებებზე გზშ-ს წარდგენა საჭირო აღარ იქნება, ზოგ შემთხვევაში კი, მისი წარდგენის პროცედურა მარტივდება. ცვლილების ავტორები ამბობენ, რომ ეკონომიკური საქმიანობებიც შეუფერხებლად, ზედმეტი ბიუროკრატიული ბარიერების გარეშე განხორციელდება და მნიშვნელოვნად სკრინინგის პროცედურაზე წარსადგენი განცხადებების რაოდენობას შეამცირებს. #ახალიამბები #BusinessMediaGeorgia
საერთაშორისო სავალუტო ფონდის მიერ მხარდაჭერილი პროგრამა, რომელიც თითქმის ორი წლის წინ შეჩერდა, ოფიციალურად ივნისში მთავრდება. ამ ფონზე, როგორც ირკვევა, ჯერჯერობით საქართველოს მთავრობასა და imf-ს შორის ახალი პროგრამის შეთანხმებასთან დაკავშირებით კონსულტაციები არ მიმდინარეობს. ფინანსთა მინისტრის მოადგილე, გიორგი კაკაურიძე არ გამორიცხავს, რომ მიმდინარე წელს შესაძლოა, საქართველომ ახალი პროგრამა არც მოითხოვოს. ამავდროულად, მინისტრის მოადგილე ირწმუნება, რომ ამ დროისთვის ყველა სადაო საკითხი, რომელმაც თავის დროზე პროგრამის შეჩერება გამოიწვია, მოგვარებულია. მოითხოვს თუ არა საქართველო სავალუტო ფონდისგან ახალ პროგრამას და როგორც შეიძლება გაგრძელდეს საერთაშორისო საფინანსო ორგანიზაციასთან ურთიერთობები? #ახალიამბები #BusinessMediaGeorgia
გარემოზე ზეგავლენის შეფასებას და სკრინინგს დაქვემდებარებული საქმიანობების ჩამონათვალი მცირდება, ზოგ შემთხვევაში კი ზუსტდება - გარემოსდაცვითი შეფასების კოდექსში ცვლილების განხილვა დაიწყო. ცვლილებები მასშტაბურია. ერთ-ერთი მთავარი მიზანი კი, ეკონომიკური საქმიანობების შეუფერხებლად, ზედმეტი ბიუროკრატიული ბარიერების გარეშე განხორციელების ხელშეწყობა - რა იცვლება გარემოზე ზეგავლენის შეფასებისა წარდგენის პროცედურებში, რომელიც ხშირად კონკრეტულ პროექტებთან მიმართებით კრიტიკის საგანი გამხდარა. #ახალიამბები #BusinessMediaGeorgia
საქართველოს საერთაშორისო აეროპორტებში იმ მგზავრების გამო, რომელთაც ქვეყანაში შემოსვლის უფლება არ მიეცათ, ავიარეისების შეყოვნება აღარ მოხდება. ის მგზავრები, რომლებიც ქვეყანაში შემოსვლის უფლებას ვერ მიიღებენ, უკან დაბრუნებამდე სპეციალურ ზონაში დარჩებიან. ამ დრომდე არსებული პროცედურით, ვიდრე ჩამოსული ყველა მგზავრი არ გაივლიდა საპასპორტო კონტროლს, ავიაკომპანიას უკან გაფრენის შესაძლებლობა არ ჰქონდა, რაც რეისების დაგვიანებას იწვევდა. რამდენად ხშირია საქართველოდან მგზავრების უკან გაბრუნების ფაქტები და ვინ უნდა უზრუნველყოს უკან გაბრუნებამდე აეროპორტის სპეციალურ სივრცეში მათთვის საჭირო სერვისების მიწოდება და ასევე რა ტენდენციებია დღეს ტურიზმის სექტორში? სტუმარი: სალომე ბერაია - PEGAS Touristik Georgia-ს გენერალური დირექტორი #ახალიამბები #BusinessMediaGeorgia
ამ ეტაპზე საქართველოს მთავრობასთან ახალ პროგრამასთან დაკავშირებით არანაირი განხილვა არ მიმდინარეობს - ამის შესახებ BMG-სთან საერთაშორისო სავალუტო ფონდის ახლო აღმოსავლეთისა და ცენტრალური აზიის დეპარტამენტის დირექტორის მოადგილე აცხადებს. მისი თქმით საქართველოს ხელისუფლებას ახალი პროგრამა არ არც მოუთხოვია. ის რომ ამ დროისთვის ეტაპზე imf-თან ახალ პროგრამაზე მოლაპარაკებები არ მიმდინარეობს გვიდასტურებს ფინანსთა მინისტრის მოადგილე გიორგი კაკაურიძეც, რომელიც არ გამორიცხავს, რომ მიმდინარე წელს საქართველომ პროგრამის დაწყება არც მოითხოვოს. #ახალიამბები #BusinessMediaGeorgia
საქართველოსა და EU-ს შორის ტვირთბრუნვა გამარტივდა- 15 მაისიდან საქართველოდან გამავალ ტვირთებზე, ხოლო 1 ივნისიდან ტრანზიტულ ტვირთებზე ე.წ NCTS დეკლარაციის გამოყენება სავალდებულო ხდება, ახალი სისტემა გადამზიდავ კომპანიებს შესაძლებლობას მისცემს საქართველოს საბაჟოს მიერ გაცემული სატრანზიტო დოკუმენტაციით და გარანტიით, ტვირთი შეუფერხებლად 36 ქვეყანაში გადაზიდონ, თუმცა ამავე დროს 15 მაისიდან საქართველოდან გამავალ ტვირთებზე, ხოლო 1 ივნისიდან საქართველოზე ტრანზიტულად გამავალ ტვირთებზე ქართული გარანტიების სავალდებულო მოთხოვნაც დაწესდება. რა იცვლება გადამზიდავი კომპანიებისთვის, რას ცვლის ახალ კომპიუტერიზებულ სატრანზიტო სისტემაში საქართველოს ჩართვა და რა პოზიცია აქვთ საბანკო სექტორის წარმომადგენლებს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 07.06.2025 "ადრე გამოწვევა ბევრი შემოსული რეზიუმე იყო, ახლა პირიქით – რეზიუმე საერთოდ არ შემოდის" - HRPA Georgia; „coworking სივრცეებზე მოთხოვნა შემცირებულია“ – „ტერმინალი“; "საქართველოში პროდუქტის რეალიზება ძალიან რთულია" - საწარმო "ფეიქარი"; ჩაიმ "ბუეთი" საექსპორტო აქტივობები დააპაუზა - როგორია კომპანიის განვითარების ტენდენციები? ჩვენი მომხმარებლების 60% უცხოელია - The Cone Culture; #ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი მორიგ ჯერზე უცვლელად, 8%-ზე დატოვა. სები განმარტავს, რომ გრძელვადიანი ინფლაციური მოლოდინები სტაბილურია, რის გამოც მონეტარული პოლიტიკის კომიტეტმა ოპტიმალურად მიიჩნია ფრთხილი მიდგომის შენარჩუნება. სები კვლავ განიხილავს რამდენიმე ინფლაციურ სცენარს, მათ შორის ცენტრალური სცენარით, 2025 წელს ინფლაცია დროებით გადააჭარბებს მიზნობრივ მაჩვენებელს და საშუალოვადიან პერიოდში 3 პროცენტის გარშემო დასტაბილურება. თუმცა მარეგულირებელი განიხილავს მაღალინფლაციური რისკების სცენარსაც, სადაც გლობალურმა სატარიფო პოლიტიკამ შესაძლოა, საქართველოში ინფლაცია დააჩქაროს. რა სცენარებს განიხილავს ეროვნული ბანკი და როგორია მოლოდინები რეფინანსირების განაკვეთთან და ინფლაციასთან მიმართებაში? #ახალიამბები #BusinessMediaGeorgia
საქართველოსა და EU-ს შორის ტვირთბრუნვა გამარტივდა- 15 მაისიდან საქართველოდან გამავალ ტვირთებზე, ხოლო 1 ივნისიდან ტრანზიტულ ტვირთებზე ე.წ NCTS დეკლარაციის გამოყენება სავალდებულო ხდება, ახალი სისტემა გადამზიდავ კომპანიებს შესაძლებლობას მისცემს საქართველოს საბაჟოს მიერ გაცემული სატრანზიტო დოკუმენტაციით და გარანტიით, ტვირთი შეუფერხებლად 36 ქვეყანაში გადაზიდონ, თუმცა ამავე დროს 15 მაისიდან საქართველოდან გამავალ ტვირთებზე, ხოლო 1 ივნისიდან საქართველოზე ტრანზიტულად გამავალ ტვირთებზე ქართული გარანტიების სავალდებულო მოთხოვნაც დაწესდება. რა იცვლება გადამზიდავი კომპანიებისთვის, რას ცვლის ახალ კომპიუტერიზებულ სატრანზიტო სისტემაში საქართველოს ჩართვა და რა პოზიცია აქვთ საბანკო სექტორის წარმომადგენლებს? #ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი უცვლელად 8%-ზე დატოვა. სებ-ი განმარტავს, რომ გრძელვადიანი ინფლაციური მოლოდინები სტაბილურია, რის გამოც მონეტარული პოლიტიკის კომიტეტმა ოპტიმალურად მიიჩნია განაკვეთის შემდგომი ნორმალიზების მიმართ ფრთხილი მიდგომის შენარჩუნება. სებ-ი კვლავ განიხილავს რამდენიმე ინფლაციურ სცენარს, მათ შორის ცენტრალური სცენარით, 2025 წელს ინფლაცია დროებით გადააჭარბებს მიზნობრივ მაჩვენებელს და საშუალოვადიან პერიოდში 3 პროცენტის გარშემო დასტაბილურდება. ცენტრალურ სცენარში, წინა სცენართან შედარებით, სებ-მა ეკონომიკური ზრდის პროგნოზი 2025 წელს 5%-დან 6.7%-მდე გაზარდა. რა სცენარებს განიხილავს ეროვნული ბანკი და როგორია შეფასებები? #ახალიამბები #BusinessMediaGeorgia
ჯო ვუილსონის სიაში, ვინც MEGOBARI აქტით უნდა დასანქცირდეს 5 ბიზნესმენი მოხვდა. სია ამერიკელმა კონგრესმენმა სოციალურ პლატფორმა X-ზე გამოაქვეყნა. დასასანქცირებელთა სიაში მოხვდა ბიძინა ივანიშვილის დეიდაშვილი უჩა მამაცაშვილი; ალექსანდრე ივანიშვილი, ივანე ჩხარტიშვილი; ოთარ რომანოვ-ფარცხალაძე და ნოშრევან ნამორაძე. ამასთან ბიზნესმენი ირაკლი რუხაძე იმ პირთა შორისაა, ვინც კონგრესმენის აზრით როგორც პროპაგანდისტი ისე უნდა დასანქცირდეს. მასთან ერთად მოიაზრებიან თინათინ ბერძენიშვილი, ვასილ მაღლაფერიძე, კახა ბექაური და ლაშა ნაცვლიშვილი. "MEGOBARI აქტი წარმომადგენელთა პალატამ მიიღო და ამერიკის მოძულე ივანიშვილის მაფიის ყველა ხელშემწყობი პირი ამის შესახებ უნდა იყოს გაფრთხილებული! მხარი დაუჭირეთ თავისუფალ და სამართლიან არჩევნებს, წინააღმდეგ შემთხვევაში, შედეგების წინაშე დადგებით",- წერს უილსონი. აღსანიშნავია, რომ MEGOBARI აქტი აშშ-ის წარმომადგენელთა პალატამ მიიღო. ახლა, შეერთებული შტატების კანონმდებლობის თანახმად, შემდეგი ორი ეტაპი კანონპროექტის სენატში განხილვა და პრეზიდენტის ხელმოწერაა. „ქართულ ოცნებაში“ აქტის მიღება მტრულ დამოკიდებულებად შეფასდა. რას ნიშნავს მმართველი პარტიისთვის მეგობარი აქტი და რა გაგრძელება შეიძლება ჰქონდეს აშშ-საქართველოს ურთიერთობებს? სტუმარი: კორნელი კაკაჩია - საქართველოს პოლიტიკის ინსტიტუტის დირექტორი; #ახალიამბები #BusinessMediaGeorgia
სადაზღვევო სექტორში ე.წ. დაშენებული პაკეტების აღდგენის საკითხი აქტიურდება. გასულ კვირას სადაზღვევო ინდუსტრიის წარმომადგენლები ჯანდაცვის მინისტრის მოადგილეს შეხვდნენ, სადაც მათ შორის საყოველთაო ჯანდაცვის პროგრამაში შესაძლო ცვლილებები და ე.წ. შემავსებელი პაკეტების დაბრუნების შესაძლებლობა განიხილეს. კერძო სექტორში თვლიან, რომ სახელმწიფოსა და სადაზღვევოების თანამშრომლობით საბიუჯეტო თანხების დაზოგვა და მოსახლეობისთვის ე.წ ჯიბიდან გადახდების, ხარჯების შემცირებაა შესაძლებელი. რა კომუნიკაცია შედგა ჯანდაცვის სამინისტროსა და სადაზღვევო ინდუსტრიის წარმომადგენლებს შორის და რამდენად რეალისტურია ჯანდაცვის სექტორში ე.წ დაშენებული პაკეტების დაბრუნება? #ახალიამბები #BusinessMediaGeorgia
სავალდებულო დაგროვებითი პენსიის პარალელურად კერძო დაგროვებითი საპენსიო სქემების განვითარებისთვის ახალი საკანონმდებლო ჩარჩო ძალაშია. 2025 წლის 1 იანვრიდან კერძო ნებაყოფლობითი პენსიის შესახებ კანონი ამოქმედდა, რომელიც თავისუფლებას აძლევს დასაქმებულებს, დამსაქმებლებსა და აქტივების მმართველ კომპანიებს, ისევე როგორც სადაზღვევო კომპანიებს დასაქმებულების კონკრეტული სეგმენტისთვის შექმნან საპენსიო პროდუქტი, რისთვისაც ახალ კანონმდებლობაში საგადასახადო სტიმულებია გათვალისწინებული. როგორია მესამე სვეტის პენსიების გავრცელება ქვეყანაში, რას ცვლის ჩარჩო კანონმდებლობის არსებობა და ვისთვის შეიძლება იყოს საინტერესო კერძო დაგროვებითი საპენსიო სქემების შექმნა? #ახალიამბები #BusinessMediaGeorgia
სავალდებულო დაგროვებითი პენსიის პარალელურად კერძო დაგროვებითი საპენსიო სქემების განვითარებისთვის ახალი საკანონმდებლო ჩარჩო ძალაშია. 2025 წლის 1 იანვრიდან კერძო ნებაყოფლობითი პენსიის შესახებ კანონი ამოქმედდა, რომელიც თავისუფლებას აძლევს დასაქმებულებს, დამსაქმებლებსა და აქტივების მმართველ კომპანიებს, ისევე როგორც სადაზღვევო კომპანიებს დასაქმებულების კონკრეტული სეგმენტისთვის შექმნან საპენსიო პროდუქტი, რისთვისაც ახალ კანონმდებლობაში საგადასახადო სტიმულებია გათვალისწინებული. როგორია მესამე სვეტის პენსიების გავრცელება ქვეყანაში, რას ცვლის ჩარჩო კანონმდებლობის არსებობა და ვისთვის შეიძლება იყოს საინტერესო კერძო დაგროვებითი საპენსიო სქემების შექმნა? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 06.05.2025 ბორჯომსა და თელავში ორი სასტუმროს მიმდინარე პროექტი გვაქვს, ინვესტიცია $21 მილიონია - HMG; ქართული ღვინის მიერ ევროპის დიდ ქსელებში დახლზე ადგილის დასაკავებლად მეტი სიჩქარე და შრომა გვჭირდება - გოჩა ჩხაიძე; “დაბალი ცნობადობის გამო, ევროპულ ქსელურ მარკეტებში ქართული ღვინის მოხვედრის მოტივაცია ნაკლებია” - თბილღვინო; საქართველოს ბანკის მხარდაჭერით, შპს „აგრომაცივარმა“ კახეთში ნუშისა და ხეხილის ბაღები გააშენა; #ახალიამბები #BusinessMediaGeorgia
ბათუმის გენერალური გეგმის კონცეფცია მიმდინარე დღეებში უნდა დამტკიცდეს- დოკუმენტი სითი ინსტიტუტმა მოამზადა და ქალაქის განვითარების გონივრულ სცენარებს გვთავაზობს. პროექტზე მუშაობა 2021 წელს დაიწყო და 1.5 წელში უნდა დასრულებულიყო, თუმცა გაჭიანურდა. დოკუმენტი აერთიანებს ბათუმის, როგორც ზღვაში არეკლილი ქალაქის განვითარების შესაძლო სცენარებს, ამოცანებს და გადაწყვეტებს. ქ. ბათუმის სივრცის დაგეგმვისა და გენერალური გეგმის კონცეფცია 4 ძირითადი კონცეპტუალური მიმართულებისგან შედგება, ისეთების როგორებიცაა თანაბრად განვითარებული, მულტიფუნქციური, მწვანე და მედეგი, უსაფრთხო ქალაქი. სითი ინსტიტუტი მუშაობს ასრულებს ბორჯომის გენერალურ გეგმაზე, ფოთში კი პროცესები აქტიურ ფაზაშია - რა აფერხებს ქვეყანაში გენერალური გეგმების მომზადების პროცესს და რა ეტაპზეა ბათუმის, ფოთისა და ბორჯომის განაშენიანების რეგულირების გეგმები? სტუმარი: ანდრო ქორთუა - „სითი ინსტიტუტი საქართველო“პროექტის კოორდინატორი, ურბანისტი #ახალიამბები #BusinessMediaGeorgia
სადაზღვევო სექტორში ე.წ. დაშენებული პაკეტების აღდგენის საკითხი აქტიურდება. გასულ კვირას სადაზღვევო ინდუსტრიის წარმომადგენლები ჯანდაცვის მინისტრის მოადგილეს შეხვდნენ, სადაც მათ შორის საყოველთაო ჯანდაცვის პროგრამაში შესაძლო ცვლილებები და ე.წ. შემავსებელი პაკეტების დაბრუნების შესაძლებლობა განიხილეს. კერძო სექტორში თვლიან, რომ სახელმწიფოსა და სადაზღვევოების თანამშრომლობით ასეულობით მილიონი ლარის დაზოგვა და მოსახლეობისთვის ე.წ ჯიბიდან გადახდების, ხარჯების შემცირებაა შესაძლებელი. რა კომუნიკაცია შედგა ჯანდაცვის სამინისტროსა და ინდუსტრიის წარმომადგენლებს შორის? #ახალიამბები #BusinessMediaGeorgia
წელს, აზიის განვითარების ბანკის (ADB) 58-ე წლიურ შეხვედრას იტალია, მილანი მასპინძლობს.კონფერენციის დღევანდელი დღის წესრიგის მიხედვით, მილანში ADB-ის მმართველი საბჭოს სესია შედგა და ADB-ის წევრი ქვეყნების წარმომადგენლები ოთხი მთავარი თემის განსახილველად შეიკრიბნენ: ციფრული ტრანსფორმაცია, ენერგორევოლუცია, საკვების უსაფრთხოება და მდგრადი განვითარება. #ახალიამბები #BusinessMediaGeorgia
მეღვინეები 8000 წლოვანი ისტორიის ქართული ღვინის ევროპულ ბაზარზე მოთხოვნის დეფიციტს უჩივიან და ამბობენ ქართული ღვინო ევროპული მაღაზიების დახლებზე ვერ ხვდება - ამ რეალობაში ბიზნესის ნაწილი თვლის, რომ სახელმწიფო პროდუქტის მარკეტინგთან ერთად გაყიდვების სტიმულირებაშიც უნდა ჩაერთოს. რა გზას გადის ქართული ღვინო დასავლეთის ბაზრებზე მოსახვედრად, რა დაბრკოლებებს აწყდება ბიზნესი და როგორ ხედავენ სახელმწიფოს სტრატეგიის ცვლილების საჭიროებას? #ახალიამბები #BusinessMediaGeorgia
ბოლო პერიოდში ბაზრობებზე გაჩენილმა რამდენიმე მასშტაბურმა ხანძარმა კიდევ ერთხელ გამოკვეთა ქონებასთან დაკავშირებული რისკების დაზღვევის საჭიროება. დაზღვევის ეს სახეობა ბოლო წლებში იზრდება, თუმცა არა სწრაფი ტემპით, როგორც ამაზე ბაზრის მოთამაშეები აცხადებენ. დაზღვევის სახეობებიდან ქონების დაზღვევა სექტორის პორტფელში წამყვანი არ არის, თუმცა ჯანმრთელობის და სახმელეთო ტრანსპორტის დაზღვევის სახეობების შემდეგ მოზიდული პრემიის მიხედვით ქონების დაზღვევას მესამე პოზიცია უჭირავს. მაგალითად, გასულ წელს სექტორმა ქონების დაზღვევიდან 132 მლნ ლარის პრემია მოიზიდა. როგორ მუშაობს ქონების დაზღვევის ბაზარი საქართველოში და როგორია მოთხოვნა ქონებასთან დაკავშირებული რისკების დაზღვევაზე? #ახალიამბები #BusinessMediaGeorgia
ჯანმრთელობის დაცვა ძვირდება. აპრილში ფასები ამ ჯგუფში შემავალ პროდუქციასა და მომსახურებაზე წლიურად 9.2%-ით იყო გაზრდილი. მათ შორის გაძვირებულია ამბულატორიული სამედიცინო მომსახურება და რიგი მედიკამენტები. ჰოსპიტალური სექტორის წარმომადგენლები ამბობენ, რომ სამედიცინო მომსახურების გაძვირება რამდენიმე ფაქტორითაა განპირობებული, მათ შორის სახარჯ მასალებზე ფასების ზრდით. სადაზღვევო სექტორის წარმომადგენლები კი აცხადებენ, რომ DRG სისტემის შემოღებამ კერძო დაზღვევისთვის ჰოსპიტალური სერვისები გააძვირა, რაც საბოლოოდ სადაზღვევო პაკეტების ფასებზეც აისახება. რა ტემპებით იზრდება ჯანდაცვასა და მედიკამენტებზე ფასები და რითია სამედიცინო ინფლაცია განპირობებული? #ახალიამბები #BusinessMediaGeorgia
ქართული ღვინო ევროპულ მაღაზიებში დახლებზე ვერ ხვდება - სექტორის ნაწილი თვლის, რომ სახელმწიფო, პროდუქტის მარკეტინგთან ერთად, გაყიდვების სტიმულირებაშიც უნდა ჩაერთოს. რა გზას გადის ქართული ღვინო იმისთვის, რომ დასავლეთის ბაზრებზე ხელმისაწვდომი იყოს, რა დაბრკოლებებს აწყდება ბიზნესი და როგორი უნდა იყოს სახელმწიფოს სტრატეგია? ანუკა ჯოხაძე ცდილობდა თემის დეტალების გარკვევას და შეფასებებს პირდაპირ ეთერში გაგვაცნობს. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 05.05.2025 უამინდობამ მოსავალი დააზიანა - რა მოლოდინი აქვთ მოცვის მწარმოებელთა ასოციაციაში? ["პეპსიკოს" ბაზრიდან გასვლა] ჩვენთვის არ იქნება არანაირი ზარალი, რადგან მოთხოვნა მაღალია - ლაშა პაპაშვილი; აბსურდული მარკეტინგული პოლიტიკის გამო დავკარგეთ დანია-შვედეთის ტურისტული ბაზარი - ლაშა ბერეკაშვილი; სუნამოს ხაზი, სტენდების რებრენდინგი... – რა გეგმები აქვს Piel Naturals-ს? The Cone Culture ქალაქგარეთაც გამოჩნდება - როგორია კომპანიის გეგმები? #ახალიამბები #BusinessMediaGeorgia
საარსებო შემწეობის მიმღებთა რაოდენობა იზრდება. მარტის მონაცემებით შემწეობა 700 470 პირს ჩაერიცხა.სოციალურ შემწეობებზე კი ყოველთვიურად ბიუჯეტიდან დაახლოებით 23 მლნ ლარის გაცემა ხდება. აღსანიშნავია, რომ მათ შორის 235 287 პირის ოჯახში ერთი პირი მაინც საზოგადოებრივი დასაქმების ხელშეწყობის პროგრამაშია ჩართული და ასეთ ოჯახებს 4 წლის განმავლობაში სტატუსი უნარჩუნდებათ. დასაქმების ხელშეწყობის სახელმწიფო პროგრამის მონაცემებით კი 2022 -24 წლებში საზოგადოებრივ სამუშაოებზე ღია შრომის ბაზარზე დასაქმდა 32 804 პირი. გარდა ამისა, 39 707 სოციალურად დაუცველ სამუშაოს მაძიებელს მიეცა შესაძლებლობა დასაქმებულიყო საზოგადოებრივ სამუშაოებზე. უშუალოდ 2024 წელს კი ღია შრომის ბაზარზე დასაქმდა 9393 სამუშაოს მაძიებელი სოციალურად დაუცველი პირი. რატომ იზრდება მაღალი ეკონომიკური ზრდის პირობებში სოციალური შემწეობის მიმღებთა რიცხვი და რამდენად სწორია ქვეყანაში არსებული სოციალური პოლიტიკა? სტუმარი: თეონა აბსნაძე - ,,ჯეოფაქტსის'' უფროსი ანალიტიკოსი; #ახალიამბები #BusinessMediaGeorgia
ბოლო პერიოდში ბაზრობებზე გაჩენილმა რამდენიმე მასშტაბურმა ხანძარმა კიდევ ერთხელ გამოკვეთა ქონებასთან დაკავშირებული რისკების დაზღვევის საჭიროება. დაზღვევის ეს სახეობა ბოლო წლებში იზრდება, თუმცა არა სწრაფი ტემპით, როგორც ამაზე ბაზრის მოთამაშეები აცხადებენ. როგორ მუშაობს ქონების დაზღვევის ბაზარი საქართველოში და როგორია მოთხოვნა ქონებასთან დაკავშირებული რისკების დაზღვევაზე? #ახალიამბები #BusinessMediaGeorgia
მაისში მოცვის მოსავლის აღება იწყება- წელს გარემოს დაცვისა და სოფლის მეურნეობის სამინისტროში პროდუქტის საექსპორტო მაჩვენებლების ზრდას ელოდებიან. მათი შეფასებით, მოცვის ძირითადი საექსპორტო ბაზარი რუსეთია, თუმცა ბოლო წლებში მცირე რაოდენობებით ექსპორტი ხორციელდება ევროკავშირის ბაზრებზეც. რა მოცულობის მოსავალს ელოდებიან წელს ფერმერები და როგორი იქნება 2025-ში ქართული მოცვის ექსპორტის გეოგრაფია? #ახალიამბები #BusinessMediaGeorgia
ბოლო 5 წელში სადაზღვეო სექტორის მიერ მოზიდული პრემიის პორტფელი თითქმის გაორმაგდა - ამის შესახებ დაზღვევის ზედამხედველობის სამსახურის უფროსმა დაზღვევის დღესთან დაკავშირებით გამართული ღონისძიების ფარგლებში განაცხადა. დავით ონოფრიშვილის თქმით, გასულ წელს სადაზღვევო სექტორი დამატებით 18%-ით გაიზარდა და მოზიდულმა პრემიამ მილიარდ 259 მლნ ლარი შეადგინა. ღონისძიების ფარგლებში საუბარი ისეთ საკითხებს შეეხო როგორიცაა დაზღვევის შესახებ ცნობიერების ამაღლება, ბაზრის პოპულარიზაციის მხარდაჭერა და მომხმარებლის უფლებებია. რა ტენდენციებია სადაზღვევო ბაზარზე და ზრდის რა პოტენციალი გააჩნია ინდუსტრიას? #ახალიამბები #BusinessMediaGeorgia
მაისში მოცვის მოსავლის აღება იწყება - წელს გარემოს დაცვისა და სოფლის მეურნეობის სამინისტროში პროდუქტის საექსპორტო მაჩვენებლების ზრდას ელოდებიან. მათი შეფასებით, მოცვის ძირითადი საექსპორტო ბაზარი რუსეთია, თუმცა ბოლო წლებში მცირე რაოდენობებით ექსპორტი ხორციელდება ევროკავშირის ბაზრებზეც. რა მოცულობის მოსავალს ელოდებიან წელს ფერმერები და როგორი იქნება 2025-ში ქართული მოცვის ექსპორტის გეოგრაფია? #ახალიამბები #BusinessMediaGeorgia