თანამედროვე ეკონომიკაში კომპანიების იზოლირებულად მუშაობა წარსულს ბარდება. დღეს წარმატება და გარემოზე ზრუნვა თანამშრომლობასა და რესურსების სწორ გადანაწილებაზე გადის. სწორედ ამ მიზნით, 2026 წლის იანვარში შეიქმნა „კავკასიური ცირკულარული ეკონომიკის ალიანსი“. ეს არის პირველი სტრუქტურირებული რეგიონული პლატფორმა, რომლის მთავარი მისიაა, ბიზნესებს შორის რეალური თანამშრომლობა წრიული ეკონომიკის პრინციპებზე ააგოს. ალიანსს უკვე მხარს უჭერენ პარტნიორი კომპანიები თურქეთიდან, აზერბაიჯანიდან და სომხეთიდან და ჯამში ის 30 პარტნიორ კომპანიას აერთიანებს. ალიანსის მიზანი ინდუსტრიული სიმბიოზის შექმნა - სისტემის, სადაც ერთი კომპანიის ნარჩენი მეორისთვის ღირებულ რესურსად გარდაიქმნება. სტუმარი: სალომე ქარელი - "კავკასიური ცირკულარული ეკონომიკის ალიანსი", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
კახეთში, ახმეტის მუნიციპალიტეტის სოფელ ქვემო ალვანში მდებარეობს კოჭლამაზაშვილების საოჯახო მარანი - “ითაბანი”, რომელიც მხოლოდ მარანი ნამდვილად არ არის, ეს არის სრულფასოვანი აგროტურისტული მეურნეობა, რომელიც ერთ სივრცეში აერთიანებს ვენახს, ხეხილის ბაღებს, სადეგუსტაციო სივრცეს, ტერასას კავკასიონის ხედებით და რაც ძალიან საინტერესოა - ტრადიციული თუშური გუდის ყველის შესაფუთ მცირე საწარმოს. „ითაბანი“ სტუმრებს კომპლექსურ პაკეტებს სთავაზობს: მეურნეობის ტურიდან და მასტერკლასებიდან დაწყებული, ღვინისა და ყველის ექსკლუზიური დეგუსტაციით დამთავრებული. თუმცა, ბიზნესის განვითარება ლოკალური ტურიზმით არ შემოიფარგლება. 2025 წელი მარანმა უმნიშვნელოვანესი სიახლით დახურა - პირველი ექსპორტით პირდაპირ შვეიცარიაში! კახური ქვევრის ღვინო, თუშური შთაგონებით, უკვე ევროპის ერთ-ერთ ყველაზე მომთხოვნ ბაზარზე იყიდება. როგორ ახერხებს საოჯახო მარანი ასეთ კომპლექსურ განვითარებას? სტუმარი: თამთა ჩაგოშვილი - აგროტურისტული მეურნეობა „ითაბანი“, მასპინძლობის მენეჯერი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
პროფესიონალი მეღვინეების ღვაწლის აღსანიშნავად, საქართველოში ახალი, პრესტიჟული პროექტი - „იორამ თარხნიშვილის სახელობის ღვინის ფესტივალი“ დაფუძნდა. პროექტის მიზანია, გამოავლინოს ქართველი მეღვინის ლიდერული, ინოვაციური უნარები და პროფესიონალიზმი. ფესტივალის ფარგლებში გაიმართება კონკურსი, სადაც საერთაშორისო ჟიური მთავარი მეღვინის ჯილდოს მფლობელს გამოავლენს. გარდა ამისა, ტარდება სტუდენტური კონკურსიც, რომელიც გზას ახალ თაობას უხსნის. და რაც ყველაზე მთავარია, ფესტივალს აქვს უპრეცედენტო საერთაშორისო პერსპექტივა - გამარჯვებული მეღვინე და საუკეთესო სტუდენტი საფრანგეთში გაემგზავრებიან. როგორ იქმნება ახალი, ინოვაციური და საგანმანათლებლო პლატფორმა ქართული ღვინის სექტორში? სტუმარი: ეკა აზარაშვილი - "იორამ თარხნიშვილის სახელობის ღვინის ფესტივალი", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
8000 წლის წინ პირველი ღვინო საქართველოში დაიწურა - მეცნიერების მიერ დადასტურებული ღვინის წარმოების ასაკის ათვლა სწორედ აქედან იწყება. მთელი ამ სიამაყის, ქართული მეღვინეობის 8-საუკუნოვანი ისტორიის, ღვინის სამშობლოს ტიტულის მიღმა კი, ცხადია კონკრეტული ადამიანები ადამიანები დგანან - ადამიანები, რომლებმაც შექმნეს და შემოგვინახეს ქართული მეღვინეობის მეცნიერული თუ პრაქტიკული ფუნდამენტი. ერთ-ერთი ასეთი გამოჩენილი ფიგურა იორამ თარხნიშვილია, რომელსაც სამართლიანად უწოდებენ ქართული ღვინის მეღვინეთუხუცესს. ვინ იყო იორამ თარხნიშვილი და რა წვლილი მიუძღვის მას ჩვენი მევენახეობა-მეღვინეობის ისტორიაში? #ახალიამბები #BusinessMediaGeorgia
საქართველოში მცირე და საშუალო ბიზნესის ერთ-ერთი მთავარი პრობლემა ფინანსებზე წვდომა და სწორი საერთაშორისო პარტნიორების პოვნაა. სწორედ ამ მიზნით ოპერირებს ორგანიზაცია Values360Ventures, რომელიც ვენჩურული კაპიტალის საკონსულტაციო სერვისს წარმოადგენს გლობალური ინვესტორებისთვის და მსოფლიოს 8 ქვეყანაში, მათ შორის საქართველოში, აშშ-ში, იტალიასა და სამხრეთ კორეაში მოღვაწეობს. მათი მისია ე.წ. Impact Investing-ის, ანუ გავლენაზე ორიენტირებული ინვესტიციების წახალისებაა, სადაც ფინანსურ უკუგებასთან ერთად, უმნიშვნელოვანესია სოციალური და გარემოსდაცვითი პასუხისმგებლობა. Values360Ventures ქმნის ინვესტორთა და მეწარმეთა სინერგიას სოფლის მეურნეობიდან დაწყებული, ტექნოლოგიებითა და ჯანდაცვით დამთავრებული სექტორებში და სთავაზობს მათ საწყის დაფინანსებას, მენტორშიპსა და სტრატეგიულ კონსულტაციებს. უფრო მეტიც, ორგანიზაციას ქართულ ბაზარზე ორი ახალი პლატფორმა შემოჰყავს - ესტონეთიდან და სამხრეთ კორეიდან. რა ახალ შესაძლებლობებს უხსნის ეს ქართულ სტარტაპებსა და ბიზნესებს გლობალურ ასპარეზზე? სტუმარი: ლია ფუტკარაძე - Values360Ventures საქართველო, ოპერაციების ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ანაკლიაში უცხოეთიდან ტურისტი კარგა ხანია არ შემოსულა. ეს არის იმ რთული რეალობის აღწერა, რომელშიც დღეს კურორტზე მოქმედი ბიზნესები ოპერირებენ. სასტუმრო „თეთრი სახლი ანაკლიაში“ -ს დამფუძნებელი, მარინა თოდუა ამბობს, რომ მიმდინარე სეზონის მოლოდინები კვლავ მხოლოდ შიდა ტურიზმზეა დამოკიდებული. უცხოელი ვიზიტორების ნაკადი წლების განმავლობაში შემცირდა და კურორტი საერთაშორისო ფუნქციის აღდგენას ვერ ახერხებს. სასტუმრო სტუმრების მიღებას მაისის მეორე ნახევრიდან გეგმავს და ამ ეტაპზე ჯავშნები ძირითადად საქართველოს სხვადასხვა ქალაქიდან ჩამოსულ სკოლის დამამთავრებელი კლასის მოსწავლეებზე მოდის, რომლებიც მხოლოდ ერთი ღამით რჩებიან. ტურისტულ დინამიკას პირდაპირ ურტყამს ღონისძიებებისა და ფესტივალების ნაკლებობა, რადგან ანაკლია, თავისი პოტენციალით, სწორედ საფესტივალო მიმართულებაა. როგორ ახერხებს ბიზნესი გადარჩენას ასეთ არასტაბილურ გარემოში და რა პერსპექტივა აქვს ანაკლიას? სტუმარი: მარინა თოდუა - “თეთრი სახლი ანაკლიაში”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
HACCP - სურსათის უვნებლობის ევროპული სტანდარტია, რომლის დანერგვაც ქართული ბიზნესისთვის სავალდებულო გახდა. თუმცა, წლების წინ თუ ეს პროცესი ხშირად ფორმალობა იყო, დღეს ტენდენცია კარდინალურად იცვლება. ბიზნეს-ოპერატორებმა გააცნობიერეს, რომ HACCP მხოლოდ ინსპექტირებისთვის „თაროზე შემოდებული დოკუმენტი“ ნამდვილად არ არის. დღეს მეწარმეები, ობიექტის დაგეგმარების საწყის ეტაპზევე, ნახაზებიდანვე რთავენ საქმეში სურსათის უვნებლობის სპეციალისტებს, რათა პროცესები სწორად და სტანდარტის დაცვით წარიმართოს. რა მატერიალურ და ადამიანურ რესურსს ითხოვს საწარმოში სწორი ჰიგიენური და კარგი საწარმოო პრაქტიკის დანერგვა და როგორ იცვლება ქართული ბიზნესის ცნობიერება ამ კუთხით? სტუმარი: ანა ღვინიანიძე - სურსათის უვნებლობის კონსულტანტი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
რეგიონებში ქალების ეკონომიკური და სოციალური გაძლიერება ჩვენი ქვეყნის ერთ-ერთი ყველაზე დიდი გამოწვევაა. ხშირად, განათლებაზე, განსაკუთრებით კი თანამედროვე ციფრულ პროფესიებზე წვდომა, დედაქალაქს მიღმა ძალიან შეზღუდულია. სწორედ ამ რეალობის შესაცვლელად შეიქმნა TechGogo -ციფრული სოციალური საწარმო, რომელიც ქვემო ქართლში ქალების თვითრეალიზაციას უწყობს ხელს. TechGogo აერთიანებს ციფრულ სკოლასა და სარეკლამო სააგენტოს. მოდელი ასეთია: ის ქალებსა და გოგონებს ჯერ ასწავლის ბაზარზე მოთხოვნად ციფრულ პროფესიებს, სთავაზობს სტაჟირებას და შემდეგ ასაქმებს - როგორც უშუალოდ საწარმოში, ისე პარტნიორ კომპანიებში. როგორ იქცევა ციფრული განათლება ეკონომიკური დამოუკიდებლობის მთავარ იარაღად და რა სირთულეები აქვთ რეგიონში მცხოვრებ გოგოებს? სტუმარი: თეო ქავთარაშვილი - “ტექგოგო”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
Mycorner.ge - ეს არის კომპანია, რომელიც მომხმარებელს უძრავი ქონების შესყიდვის სრულიად განსხვავებულ, მარტივ, ციფრულ გამოცდილებას სთავაზობს. Mycorner.ge ექსკლუზიური უძრავი ქონების თანამედროვე და სანდო პლატფორმაა, მარტივი ძიებით და მრავალფეროვანი არჩევანით. კომპანიის ვებ-გვერდზე განთავსებულია მხოლოდ გადამოწმებული უძრავი ქონება. რა სიახლეები აქვს mycorner.ge-ს და როგორია მისი განვითარების ხედვა? სტუმარი: თამუნა წოწორია - mycorner.ge, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Soft Aesthetics ადგილობრივ ბაზარზე სულ რამდენიმე თვეა ოპერირებს, როგორც კომპანიაში ამბობენ, პროფესიონალიზმით, მაღალი ხარისხითა და პაციენტზე მორგებული ინდივიდუალური მიდგომით უკვე შეძლეს მომხმარებელთა საკმაოდ დიდი რაოდენობის გაერთიანება. Soft Aesthetics-ის გუნდი ქართველ პაციენტებს სწორედ მსოფლიოში ყველაზე მოთხოვნად სერვისებს სთავაზობს, რომელთა არასრული ჩამონათვალიც ლაზერულ ეპილაციას, სხვადასხვა კოსმეტოლოგიურ პროცედურებსა და ინექციურ კოსმეტოლოგიას მოიცავს. როგორ ვითარდება სოფთესთეტიკსი და როგორია სხვადასხვა პროცედურაზე მოთხოვნა? სტუმარი: ლიკა ღოღობერიძე - Soft aesthetics, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მარიამ თოიძე უნდა გაგაცნოთ - მწერალი და მთარგმნელი, რომელმაც ქართულ ლიტერატურულ სივრცეში განსაკუთრებული სიახლე შემოიტანა. მარიამს მკითხველი უკვე კარგად იცნობს მისი რომანებით: „მანიპულატორი მისტერიები“ და „ანამნეზი“ . თუმცა დღეს ჩვენ განსხვავებულ და ძალიან მნიშვნელოვან თემაზე უნდა ვისაუბროთ - მარიამმა ქართულ ენაზე თარგმნა ვაჯრაიანა ბუდიზმის ერთ-ერთი უმნიშვნელოვანესი საკრალური ტექსტი, „Bardo Thodol“ ანუ ცნობილი ტიბეტური სიკვდილის წიგნი. ეს არ არის უბრალოდ თარგმანი; ეს არის ტექსტის ხელახალი გააზრება ქართულ კულტურულ კონტექსტში, სადაც სიკვდილი განხილულია არა როგორც დასასრული, არამედ როგორც ცნობიერების ერთ-ერთი ყველაზე ღრმა ტრანსფორმაცია. გამოცემა გამორჩეულია იმითაც, რომ ტექსტს თან ერთვის კარლ გუსტავ იუნგის ფსიქოლოგიური კომენტარი და, რაც მთავარია, გია ეძგვერაძის უნიკალური ქართული კომენტარი, რომელიც ტექსტთან დიალოგში შედის და ახალ ფილოსოფიურ ენას ქმნის. სტუმარი: მარიამ თოიძე - მწერალი და მთარგმნელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
23-26 აპრილს ექსპო ჯორჯიამ თბილისის წიგნის ბაზრობას უმასპინძლა. „წიგნებით თავისუფლებისთვის” – თბილისის წიგნის ბაზრობის მთავარი გზავნილია და წელსაც, სწორედ ამ იდეის გარშემო გაერთიანდნენ წიგნის გამომცემლები, გამავრცელებლები და მკითხველები. წიგნის ბაზრობის ისტორიაში პირველად, ტრადიციული გამოფენა-გაყიდვის, მდიდარი ლიტერატურული პროგრამისა და მრავალფეროვანი საბავშვო აქტივობების პარალელურად, მოზარდებისთვის სრულიად ახალი, უნიკალური ახალგაზრდული სივრცე - „იკითხე, იფიქრე, გადაამოწმე“ მოეწყო. ამ ინოვაციური სტენდის მთავარი მიზანი ფესტივალის სტუმრებისთვის ისეთი შთამბეჭდავი და დაუვიწყარი გამოცდილების შეთავაზება იყო, რომელშიც ლიტერატურა, თამაში, შემოქმედება და განათლება ერთმანეთს ჰარმონიულად ერწყმოდა. აღნიშნულმა ინტერაქტიულმა სივრცემ ახალგაზრდებს ნამდვილად მისცა შესაძლებლობა და უბიძგა, რომ თანამედროვე სამყაროში კითხვის მნიშვნელობა და პროცესი სრულიად ახლებურად, კრიტიკულად გაეაზრებინათ. ტრადიციისამებრ, „სულაკაურის გამომცემლობამ“ სტუმრებს მასშტაბური ფასდაკლებებითა და მრავალფეროვანი ლიტერატურული სიახლეებით უმასპინძლა. მკითხველს სტენდზე დახვდა როგორც მსოფლიო კლასიკისა და თანამედროვე ბესტსელერების ახალი თარგმანები, მათ შორის, ჰემინგუეის, მურაკამის, დოსტოევსკისა თუ ჰარარის ნაშრომები, ისე უკვე კარგად ნაცნობი, მონატრებული წიგნების განახლებული ტირაჟები. ამასთან, მნიშვნელოვანი ადგილი დაეთმო თანამედროვე ქართულ ლიტერატურას ახალი გამოცემებით. გამომცემლობამ არც პატარა მკითხველები დაივიწყა და მათ არაერთი ახალი მხატვრული თუ საგანმანათლებლო წიგნი და საყვარელი კომიქსების გაგრძელება შესთავაზა. სტუმარი: თინა მამულაშვილი - “სულაკაურის გამომცემლობა”, დამფუძნებელი და დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართულმა ბრენდმა თამაშობანამ მუდმივად მზარდ ციფრულ ეპოქაში ბავშვებსა და მშობლებს ეკრანის მიღმა, რეალურ სივრცეში ურთიერთობისა და ერთად თამაშის ხალისი დაუბრუნა. ეს არის საგანმანათლებლო და შემეცნებითი სამაგიდო თამაშების მწარმოებელი კომპანია, რომელიც მიზნად ისახავს, ხელი შეუწყოს მოზარდებში კოგნიტური უნარების, ლოგიკური აზროვნებისა და შემოქმედებითობის განვითარებას. „თამაშობანას“ მთავარი უპირატესობა და ხიბლი სწორედ იმაში მდგომარეობს, რომ ის თამაშით სწავლების მეთოდს ეფუძნება. თითოეული პროდუქტი ისეა შექმნილი, რომ ოჯახის წევრებს ან მეგობრებს ერთმანეთთან ხარისხიანი, საინტერესო დროის გატარების შესაძლებლობას აძლევს და ამავდროულად, მნიშვნელოვან საგანმანათლებლო ფუნქციასაც ასრულებს. ბაზარზე არსებული ეკონომიკური თუ კონკურენტული გამოწვევების მიუხედავად, ბრენდი მუდმივი განვითარების ფაზაშია. ინოვაციური მიდგომებით, განახლებული კონცეფციითა და პროდუქციის გამრავალფეროვნებით, „თამაშობანა“ 2025 წელს ახალ ეტაპზე გადავიდა და ბაზარზე კიდევ უფრო გამყარებული პოზიციებით პოზიციონირებს. კომპანიამ „2025 წელს, ახალი სივრცე „თამაშობანა მზიური“ გახსნა, რომელიც ბიზნესგეგმის სცენარს სრულად მიჰყვება. რა გზა განვლო ლოკალურმა იდეამ წარმატებულ ბიზნესამდე, რა სიახლეები დაემატა ბრენდის პორტფელს განახლების შემდეგ და როგორია კომპანიის მოლოდინები და გეგმები მიმდინარე წლისთვის? სტუმარი: თათია რევაზიშვილი - “თამაშობანა”, დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული ბრენდი, „კოდალა“ წლებია, რაც საქართველოში ეკომეგობრულ, ხის სათამაშოებს ქმნის და ამასთან ერთად, უმნიშვნელოვანეს სოციალურ მისიას ასრულებს - ასაქმებს შეზღუდული შესაძლებლობების მქონე პირებს. რა მდგომარეობაა სათამაშოების წარმოების სექტორში ჩვენთან, რატომ არის რთული საერთაშორისო სტანდარტებისა თუ ISO სერტიფიკატების დანერგვა? სტუმარი: კოტე სვანაძე - “კოდალა”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
გაეროს განვითარების პროგრამამ და „ქეა კავკასიამ“ , გერმანიის მთავრობის მხარდაჭერით, 3-წლიანი პროექტი დაასრულეს, რომელმაც საქართველოში მყოფი ლტოლვილებისთვის, უმეტესწილად უკრაინიდან, სრულიად ახალი შესაძლებლობები გააჩინა. პროექტის მიზანი მათი ეკონომიკური დამოუკიდებლობის ხელშეწყობა იყო და შედეგები, რომელიც 26 მარტს თბილისში გამართულ ლტოლვილ მეწარმეთა გამოფენაზე შეჯამდა, ნამდვილად შთამბეჭდავია. ციფრები თავად საუბრობენ მიზნობრივი მხარდაჭერის ეფექტიანობაზე: დახმარება მიიღო 84-მა ბიზნესმა, საიდანაც 73 დღეს აქტიურად და მდგრადად ოპერირებს თბილისში, ბათუმსა და საქართველოს სხვადასხვა რეგიონში. ამ მცირე საწარმოებმა 175 ახალი სამუშაო ადგილი შექმნეს. მათი მოგების მარჟა საშუალოდ 30%-ია, ხოლო საგრანტო ინვესტიციამ 200%-იანი უკუგება აჩვენა - ანუ მეწარმეებმა მიღებული ფინანსები თითქმის გაასამმაგეს. სტუმარი: სოფია ქამუშაძე - “ქეა კავკასია", ჰუმანიტარული პროგრამის დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საავიაციო ინდუსტრიის ქართველი წარმომადგენელი ქალი უნდა გაგაცნოთ,..რომლის პროფესიული გზაც საკმაოდ მოულოდნელად და საინტერესოდ დაიწყო. სანამ ის საერთაშორისო ავიაციის მენეჯმენტში წამყვან პოზიციებს დაიკავებდა, პოლიციის აკადემია დაამთავრა და ძალოვან სტრუქტურაშიც მოასწრო ძალების მოსინჯვა. თუმცა, მისი მთავარი არეალი არა ხმელეთი, არამედ ცა აღმოჩნდა. ყველაფერი 2005 წელს, ათენში გამგზავრებით შეიცვალა. ტურისტულ კომპანიაში მიღებული პირველი გამოცდილების შემდეგ, ის უკრაინის ავიახაზების საბერძნეთის ოფისს შეუერთდა - სწორედ აქედან იღებს სათავეს მისი, როგორც თავად უწოდებს, „დიდი ავიაცია“. წარმატებულმა საქმიანობამ დეა მალევე იმავე ავიაკომპანიის ლონდონის ოფისში, რეგიონალური წარმომადგენლის პოზიციაზე გადაიყვანა. ევროპული გამოცდილების დაგროვების შემდეგ, ის სამშობლოში დაბრუნდა და ორი წლის განმავლობაში „აირზენას“ კომერციული დირექტორის პოსტს იკავებდა. 2015 წლიდან კი - „საქართველოს აეროპორტების გაერთიანებაში“ განაგრძო მუშაობა და ქვეყნის საავიაციო სექტორის განვითარებაში საკუთარი წვლილი შეიტანა. 2020 წელს, მსოფლიო კარანტინის გამოცხადებამდე სულ რაღაც ორი კვირით ადრე, დეა საბერძნეთში დაბრუნდა და კალამატას აეროპორტის საავიაციო განვითარების დირექტორის პოზიცია ჩაიბარა. 2023 წლიდან დღემდე კი, ის საბერძნეთის ერთ-ერთი ყველაზე დატვირთული და სტრატეგიული - ჰერაკლიონის აეროპორტის საავიაციო განვითარების დირექტორია. სტუმარი: დეა მაჭავარიანი - "ჰერაკლიონის საერთაშორისო აეროპორტი", საავიაციო განვითარების დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მოგზაურების ნაწილმა მიიღო შეტყობინება გაუქმებული რეისების შესახებ - რა ვითარებაა ბაზარზე? ✔️ საავიაციო საწვავის ფასი გაზრდილია - თუ აისახა ფასთა ცვლილებები ტურპაკეტების ღირებულებაზე? ✔️ როგორი იყო ზამთრის სეზონი ტუროპერატორებისთვის? ✔️ რომელი ტურისტული მიმართულებებია მოთხოვნადი წელს?
2025 წლის გლობალურმა მაჩვენებლებმა ნათლად დაადასტურა, რომ ეკოტურიზმი საერთაშორისო მოგზაურობის ერთ-ერთ ყველაზე დინამიკურ და სწრაფად მზარდ სეგმენტად ჩამოყალიბდა. გასული წლის მონაცემებით, ბუნებაზე ორიენტირებული და მდგრადი მოგზაურობის მსოფლიო ბაზარმა რეკორდულ ნიშნულებს მიაღწია, რამაც არა მხოლოდ მილიარდობით დოლარის ახალი ტრანსნაციონალური ინვესტიცია მოიზიდა სექტორში, არამედ პირდაპირ შეუწყო ხელი ადგილობრივი ეკონომიკების გაძლიერებასა და გარემოსდაცვითი პროექტების დაფინანსებას. საინტერესოა, რამდენად ეფექტიანად იყენებს საქართველო ამ საერთაშორისო ტრენდს და რა ეკონომიკური პოტენციალი გვაქვს მდგრადი ტურიზმის მიმართულებით, განსაკუთრებით მაშინ, როცა ტრადიციული საავიაციო თუ ტურისტული ბაზრები მსოფლიოში საკმაოდ არასტაბილურია. სტუმარი: ნატალია ბახტაძე - „საქართველოს ეკოტურიზმის ასოციაციის“ დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ახლო აღმოსავლეთში მიმდინარე ომის ფონზე, თბილისისა და ბათუმის საერთაშორისო აეროპორტებიდან ათეულობით ავიარეისი სრულად გაუქმდა ან მნიშვნელოვნად შეიზღუდა, რამაც არაბული ქვეყნებიდან შემომავალი ტურისტული ნაკადების მკვეთრი შემცირება და სექტორისთვის სერიოზული ფინანსური დარტყმა უკვე გამოიწვია. უნდა ვახსენოთ ისიც, რომ გუდაურში 2025-2026 წლის ზამთრის სეზონი, ხელსაყრელი კლიმატური პირობებისა და საკმარისი თოვლის მიუხედავად, 19 აპრილს სრულიად მოულოდნელად დაიხურა. როგორც „მთის კურორტების ბიზნეს ასოციაციის“ შეფასებაშია ხაზგასმული, კერძო სექტორთან წინასწარი კომუნიკაციისა და შეთანხმების გარეშე გადადგმული ეს ნაბიჯი პირდაპირ ნიშნავს დაკარგულ მარკეტინგულ და ეკონომიკურ შესაძლებლობებს. თუ რა გავლენას იქონიებს ერთმანეთისგან დამოუკიდებელი ეს ორი მოვლენა ქვეყნის ეკონომიკაზე და რა გამოსავალი არსებობს შექმნილი ვითარებიდან? სტუმარი: ია თაბაგარი - ტურიზმის ანალიტიკოსი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კოსმეტიკისა და სილამაზის ინდუსტრიის ისტორია სავსეა იმ ქალებით, რომლებმაც ნულიდან უზარმაზარი იმპერიები შექმნეს. ერთ-ერთი ასეთი გამორჩეული ფიგურა ესტე ლაუდერია. როგორი იყო მისი გზა წარმატებისკენ? #ახალიამბები #BusinessMediaGeorgia
სილამაზისა და რითეილის ინდუსტრიაზე უნდა გადავინაცვლოთ სფეროზე, რომელიც ბოლო წლებში მნიშვნელოვნად გარდაიქმნა, მომხმარებელშიც საგრძნობლად ამაღლდა ცნობიერების დონეც, მას აინტერესებს როგორც პროდუქტის შემადგენლობა, ისე მისი ისტორია თუ ეთიკურობა. სწორედ ამ მოთხოვნებს პასუხობს პოლონური დეკორატიული კოსმეტიკის ბრენდი HEAN, რომელსაც სილამაზის ინდუსტრიაში 40 წელზე მეტი გამოცდილება აქვს და რომელიც საქართველოს ბაზარზე ოფიციალურად შემოვიდა. ბრენდი აერთიანებს როგორც პროფესიონალური მაკიაჟისთვის, ისე ყოველდღიური გამოყენებისთვის განკუთვნილ პროდუქტებს და სხვათა შორის, უნდა აღინიშნოს , რომ ამ პროდუქციის 65%-ზე მეტი ვეგანური ფორმულით იწარმოება და არ იტესტება ცხოველებზე. HEAN Georgia-მ უკვე გახსნა პირველი ფიზიკური, კონცეპტუალური სტენდი და უახლოეს მომავალში აქტიურ ექსპანსიას გეგმავს. როგორ იმკვიდრებს თავს ევროპული ბრენდი ქართულ ბაზარზე და როგორია თანამედროვე მომხმარებლის მოთხოვნები? სტუმარი: მარიამ ხუციშვილი - Hean Georgia, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
დღეს წარმატებული სასტუმრო მხოლოდ კომფორტული ნომერი და ღიმილიანი პერსონალი აღარ არის. სტუმარმასპინძლობა სისწრაფესა და მონაცემთა მართვასა არანაკლებ ეფუძნება. სწორედ ამიტომ, საერთაშორისო ბრენდულმა სასტუმრომ Golden Tulip Design Tbilisi-მა ბაზარზე ტექნოლოგიური სიახლე დანერგა. სასტუმრომ ქართულ სტარტაპთან, CONCIERGIA-სთან თანამშრომლობით, AI-კონსიერჟის ოპერაციული პლატფორმა აამოქმედა. ეს არის სრულფასოვანი ოპერაციული ინფრასტრუქტურა: სტუმარი QR კოდის საშუალებით ასკანერებს ასისტენტს, სვამს კითხვას ან ითხოვს სერვისს ნებისმიერ ენაზე. სისტემა ამ მოთხოვნას ავტომატურად გარდაქმნის დავალებად, ანიჭებს კონკრეტულ თანამშრომელს და აკონტროლებს მის შესრულებას. დაგვიანების შემთხვევაში კი - მენეჯერს ატყობინებს. როგორ ცვლის ხელოვნური ინტელექტი სასტუმროს მენეჯმენტს და რამდენად მზად არის ქართული ბიზნესი მსგავსი ტექნოლოგიური ზრდისთვის? სტუმარი: სოფო აზარიაშვილი - Golden Tulip Design Tbilisi, მარკეტინგის დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თანამედროვე, ტურბულენტურ ეპოქაში, სადაც ეკონომიკური და გეოპოლიტიკური სურათი ყოველდღიურად იცვლება, კრიტიკულად მნიშვნელოვანი ხდება სანდო, კვალიფიციური და აკადემიური კვლევების არსებობა. სწორედ ამ მისიას ემსახურება საქართველოს უნივერსიტეტთან არსებული დამოუკიდებელი კვლევითი ინსტიტუტი - Gnomon Wise. ეს არის გუნდი, რომელიც აერთიანებს დემოკრატიული ღირებულებების მქონე გამოცდილ მკვლევრებს და აწარმოებს აკადემიურ, სიღრმისეულ და მრავალმხრივ ცოდნას, რა პირდაპირ უწყობს ხელს საზოგადოების განვითარებას. პორტფელსაც რომ გადავხედოთ, 2023 წლიდან Gnomon Wise რეგულარულად გამოსცემს კავკასიის ეკონომიკის ყოველთვიურ მიმოხილვას, 2025 წლიდან - სამხრეთ კავკასიის ვაჭრობის მიმოხილვას, ხოლო გუშინ დაიწყეს სამხრეთ კავკასიის ეკონომიკის კვარტალური მიმოხილვის გამოქვეყნება. ამასთან, ინსტიტუტი აქტიურად აანალიზებს რეგიონულ გეოპოლიტიკას - აზერბაიჯანი-სომხეთი-თურქეთის დინამიკას, ირანის მოვლენებსა და მათ გავლენას სატრანსპორტო დერეფნებსა თუ ვაჭრობაზე. არანაკლებ მნიშვნელოვანია მათი მუშაობა განათლების სექტორისა და ხელოვნური ინტელექტის პოლიტიკის კვლევაზე, რომელიც ამზადებს ბაზარს ახალი მოთხოვნებისთვის. რას ნიშნავს, იყო ანგარიშგასაწევი კვლევითი ინსტიტუტი ადგილობრივ და საერთაშორისო დონეზე და როგორია Gnomon Wise-ის სამომავლო გეგმები და ამბიციები? სტუმარი: ირინა გურგენაშვილი - Gnomon Wise, აღმასრულებელი დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
დღევანდელ რეალობაში მდგრადი განვითარება თანამედროვე ბიზნესის ფინანსური სიძლიერისა და ეთიკურობის ერთ-ერთი უმთავრესი საყრდენია. წარმატებული კომპანიების სტრატეგია დღეს რისკების ეფექტიან მართვას, ეკონომიკურ სტაბილურობასა და საზოგადოების წინაშე მაღალ პასუხისმგებლობას ეფუძნება. ამ კომპლექსური პროცესის საერთაშორისო საზომი ESG - ანუ, გარემოსდაცვითი, სოციალური და მმართველობითი სტანდარტებია, რასაც სხვათა შორის უკვე მრავალი წელია, აქტიურად ნერგავს ქვეყნის ერთ-ერთი უმსხვილესი ფინანსური ინსტიტუტი. „საქართველოს ბანკისთვის“ საზოგადოებასა და გარემოზე ზრუნვა წლებია მთავარი პრიორიტეტია. ინგლისსა და უელსში რეგისტრირებული, FTSE 100-ში შემავალი ჰოლდინგური კომპანიის, Lion Finance Group PLC-ის შვილობილ კომპანიას ამ მიზანმიმართულმა შრომამ უკვე მოუტანა საერთაშორისო აღიარება - მათ შორის, Global Finance-ის ჯილდო საუკეთესო მდგრადი დაფინანსებისთვის და Euromoney-ს ჯილდო ESG მიმართულებით ლიდერობისთვის. ამ წარმატებას მოწმობს რიცხვებიც. გარემოსდაცვითი მიმართულებით, „საქართველოს ბანკი“ ქვეყანაში მწვანე დაფინანსების ლიდერია და ფლობს ტაქსონომიასთან შესაბამის, მთელი ქვეყნის მწვანე სასესხო პორტფელის 68%-ს, რომლის უდიდესი ნაწილიც (58%) განახლებად ენერგიას ხმარდება. 2026 წლისთვის კი მიზანი დაფინანსების 1.5 მილიარდ ლარამდე გაზრდაა. ცალკე აღსანიშნავია სოციალური მიმართულებებიც, ამ მხრივაც მსუყეა პორტფელი და მათ შორის ისეთ პროექტებსაც ფარავს, როგორიცაა ასობით სტუდენტისთვის სტიპენდიის მინიჭება თუ ტექნოლოგიური განათლების უზრუნველყოფა, რეგიონებში გახსნილი იდეათეკები და ათობით ათასი მოსწავლისთვის განვითარებისა და ერუდირების ხარისხის გაუმჯობესების შესაძლებლობა, ეს მხოლოდ მცირე ჩამონათვალია, სპექტრი გაცილებით ფართო და მრავალფეროვანია იმ ESG პროექტების, რომელიც ჩვენს ქვეყანაში სწორედ საქართველოს ბანკის ავტორობითა და ძალისხმევით ხორციელდება. სტუმარი: ანა კოსტავა - "საქართველოს ბანკის" გენერალური დირექტორის მოადგილე #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ოფიციალური მონაცემებით, 2026 წლის იანვარ-მარტში, საქართველოში ჩირის იმპორტი გაძვირდა. 1 კგ ჩირის შემოტანა 2.28 დოლარის ნაცვლად, უკვე 3.14 დოლარი ჯდება. მთავარი მომწოდებლები უზბეკეთი, ირანი და ტაჯიკეთია, საიდანაც ჯამში ასეულობით ტონა ჩირი შემოდის. მიუხედავად იმისა, რომ საქართველო მრავალფეროვანი ხილის ქვეყანაა, ჩვენი სუპერმარკეტების თაროები ხშირად იმპორტირებული პროდუქტითაა გაჯერებული. ადგილობრივ მწარმოებლებს კი უწევთ ბრძოლა მასშტაბურ იმპორტთან, ნედლეულის დეფიციტთან და ქსელური მარკეტების რთულ მოთხოვნებთან. რა უჯდება დღეს ქართველ მეწარმეს ნატურალური, ადგილობრივი ჩირის წარმოება და რატომ არის რთული ქართული პროდუქტისთვის საკუთარ ქვეყანაში ადგილის დამკვიდრება? სტუმარი: ნინო გაბრიაძე - "ნინოს მშრალი ხილი", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
რამდენიმე წლის წინ დაკა ბერძენიშვილმა თბილისის კომფორტი დატოვა, გურიაში, სოფელ ხიდისთავში დაბრუნდა და საქმე აბსოლუტურად ნულიდან, საკუთარი სახლისა და ხილის იმედად დაიწყო. იდეიდან - რომ სოფელში ქართული საქმე გაეკეთებინა, დაიბადა ჩირის ბრენდი „სკიჯი“. რომელიც ჩირის ბიზნესს მალევე გასცდა და აგროტურისტული მიმართულებაც დაფარა. ეს ისტორია დღეს უკვე ნათელი მაგალითია იმის, თუ როგორ ცვლის ერთი ადამიანის შეუპოვრობა მთელი სოფლის ეკონომიკას და გურიას აგროტურისტულ რუკაზე თავის გამორჩეულ ადგილს უმკვიდრებს. როგორ იქცევა პირადი ენთუზიაზმი სტაბილურ ბიზნესად და რა არის წარმატების ფასი რეგიონში? სტუმარი: დაკა ბერძენიშვილი - “სკიჯის სახლი”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თაფლის ბიზნესით განვაგრძობთ საუბარს, რომელმაც 2026 წლის პირველ კვარტალში ძალიან საინტერესო ეკონომიკური სურათი დახატა. იანვარ-მარტში, საქართველოდან თაფლის ექსპორტის მოცულობა შემცირდა, თუმცა, მიუხედავად ამისა, გაყიდული პროდუქტის ჯამური ღირებულება და საშუალო ფასი მნიშვნელოვნად გაიზარდა. სტატისტიკის მიხედვით, შარშან 1 კგ ექსპორტირებული თაფლის საშუალო ფასი 11.4 დოლარი იყო, წელს კი ეს მაჩვენებელი 43 დოლარამდე ავიდა. საექსპორტო რუკაც შეიცვალა. ქართული თაფლის მთავარი შემსყიდველი ახლა არაბეთის გაერთიანებული საამიროებია, ასევე შევედით ჰონ-კონგში, ხოლო ტრადიციულ რუსულ ბაზარზე ექსპორტი მინიმუმამდე დავიდა. რამ გამოიწვია მოცულობის შემცირების ფონზე ფასის ასეთი უპრეცედენტო ზრდა და ვინ ყიდულობს ქართულ თაფლს 43 დოლარად? სტუმარი: ერეკლე ჩიკვაიძე - „საქართველოს მეფუტკრეთა გაერთიანება“, ექსპორტის კომიტეტის ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ევროპულ ქალაქებში ველოსიპედი უკვე მრავალი წელია, არა მხოლოდ სატრანსპორტო საშუალება - არამედ ეკონომიკის, ეკოლოგიისა და ურბანული კულტურის განუყოფელი ნაწილია. საქართველოში ეს კულტურა ჯერ კიდევ განვითარების ეტაპზეა, თუმცა უკვე ვხედავთ ძვრებს როგორც ურბანული გადაადგილების, ისე ველოტურიზმის მიმართულებით. „კავკასიის ველო ქსელი“ სწორედ ის პლატფორმაა, რომელიც ველომოყვარულებსა და პროფესიონალებს აერთიანებს. მათი მიზანია, ველოსიპედის ცხოვრების სტილად ქცევაა. ორგანიზაცია სამი მთავარი მიმართულებით მუშაობს: ერთი ეს არის საგანმანათლებლო პროექტები, მეორე სპორტული ღონისძიებები და მესამე, რაც ეკონომიკურად განსაკუთრებით საინტერესოა - ველოტურები საქართველოს მასშტაბით. რა პოტენციალი აქვს ველოტურიზმს ჩვენს ქვეყანაში, არის თუ არა შესაბამისი ინფრასტრუქტურა და როგორ იცვლება მოთხოვნა ამ ეკოლოგიურ ტრანსპორტზე? სტუმარი: მარ მიხელიძე - “კავკასიის ველო ქსელი”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
„CDG სინდრომის და აუტიზმის ფონდს“ უკვე ჰყავს 22 ბენეფიციარი ბავშვი, რომლებსაც მუდმივი და ყოველთვიური მხარდაჭერა სჭირდებათ. ფონდმა მაღალმთიან რეგიონებში კამპანიაც დაიწყო. მაგალითად, ბაკურიანში, ადგილობრივი ჯანდაცვის ცენტრის ექიმებთან შეხვედრებზე განიხილეს იშვიათი გენეტიკური დაავადებების ადრეული ნიშნების ამოცნობა. აღსანიშნავია, სათხილამურო სკოლა „იქსტრიმში“ ბავშვებთან გამართული საინფორმაციო შეხვედრაც, სადაც პატარებმა ისწავლეს, როგორ მიიღონ და დაუმეგობრდნენ განსხვავებული საჭიროების მქონე თანატოლებს. ამის პარალელურად, ფონდმა დაასრულა 5-კვირიანი ფსიქოლოგიური კურსი უშუალოდ მშობლებისთვის, რომელიც მაისიდან ახალი ეტაპით - „ემოციური რეგულაცია და სტრესის მართვით“ გრძელდება. ხაზგასასმელია ისიც, რომ მათი ჩართულობით და ძალისხმევით, 16 მაისს, საქართველო წელს პირველად უერთდება CDG სინდრომის ცნობიერების ამაღლების მსოფლიო დღეს. რა ენერგია დგას ამ უზარმაზარი საქმის უკან და რა სჭირდებათ ამ ბავშვებსა და მათ მშობლებს ჩვენგან, საზოგადოებისგან? სტუმარი: თათა ცინცაძე - CDG სინდრომის და აუტიზმის ფონდი, დამფუძნებელი და დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ავიატორთა ახალი თაობის წარმომადგენელი - ნუცა ცქიფურიშვილის ნარატივი სტუმარი: ნუცა ცქიფურიშვილი - "საქართველოს საავიაციო უნივერსიტეტი", სტუდენტი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
გემის ერთადერთი მექანიკოსი ქალი საქართველოში - მარიამ გურგენიშვილის ნარატივი სტუმარი: მარიამ გურგენიშვილი - გემის რიგით მეორე მექანიკოსი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მფრინავი გოგონა თუშეთიდან - მაგდა ქააძის ნარატივი სტუმარი: მაგდა ქააძე - პილოტი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ახალი სეზონისთვის აქტიურ სამზადისს რაჭაში მდებარე ტურისტული ობიექტი „გარემოც“ გადის. წლევანდელ ზაფხულს ბიზნესი გაფართოებული მასშტაბებით და დამატებითი ხუთი ნომრით ხვდება. დამსვენებლების მხრიდან, ობიექტში წინასწარი ჯავშნების პროცესიც დაწყებულია. ცვალებადი კლიმატური პირობებიდან გამომდინარე, რეგიონში ჯერ კიდევ გვიანი გაზაფხული ფიქსირდება. მიუხედავად ამისა, მაისის თვიდან რაჭაში გაცილებით აქტიური ტურისტული დინამიკა უნდა დაიწყოს. სტუმარი: თამარ დავითულიანი - “გარემო”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
გაზაფხული-ზაფხულის ტურისტული სეზონის მოახლოებასთან ერთად, საქართველოს რეგიონებში აქტიური სამზადისი იწყება. მიუხედავად სხვადასხვა მოლოდინებისა, ტურიზმის სექტორის წარმომადგენლები წლევანდელი სეზონის თანმდევ გამოწვევებზეც ღიად საუბრობენ და რთული გეოპოლიტიკური ვითარების ფონზე, საერთაშორისო ვიზიტორების შედარებით შემცირებულ ნაკადებს პროგნოზირებენ. სწორედ ამ ცვალებადი ეკონომიკური დინამიკის პირობებში, ადგილობრივი თუ უცხოელი სტუმრების მისაღებად სიონში მდებარე ტურისტული ობიექტი „კინთაც“ ემზადება, რომელიც დამსვენებლებს მშვიდ გარემოში, კომფორტულ კოტეჯებში განთავსებას სთავაზობს. თუ როგორ აისახება გლობალური ტენდენციები რეგიონულ ბიზნესებზე, როგორია მიმდინარე ვითარება უშუალოდ სიონის მიმართულებით და რა სურათი იკვეთება წინასწარი ჯავშნების კუთხით? სტუმარი: ნიკო წივილაშვილი - “კინთა”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველოში ყოველი 7 გოგონადან ერთი 18 წლამდე ქორწინდება. რაც საფრთხეს უქმნის მათ დამოუკიდებელ, წარმატებულ მომავალს და უსაფრთხოებას. ქორწინება ბავშვებისთვის არ არის და ყველა გოგონას უფლებაა, შეძლოს ბავშვობის შენარჩუნება, განათლების მიღება და საკუთარი მომავლის არჩევა. სწორედ ამიტომ მოდის სახლმა “მარიონელამ”, რომელსაც ბაზარზე ოპერირების 30 წლიანი ისტორია აქვს შექმნა “მარიონელა 18+:” - პირველი ასაკობრივი შეზღუდვის ეტიკეტი საქორწინო კაბებისთვის. „ჩვენი ისტორიის პირველ პერიოდში, არასრულწლოვანი გოგონების საკმაოდ დიდი რაოდენობა მოგვმართავდა. ახლა გარემო, პირობები და აზროვნება ნელ-ნელა განვითარდა, შეიცვალა დამოკიდებულებები, თუმცა მივხვდით, რომ დროა ქორწინებაზე 18 წლამდე დავაწესოთ შეზღუდვა და გოგონებს მიეცეთ მეტი შესაძლებლობა სწავლისა და განვითარებისათვის, რათა მოგვიანებით თვითმყოფადები გახდნენ“ - აცხადებენ კომპანიაში. დღეს მარიონელას ატელიეებში ყველა კაბა - „18+“ თეგით იყიდება. მარიონელა ბაზარზე 30 წელზე მეტია რაც ოპერირებს და დღეს ატელიეებს თბილისში, ბათუმსა და ქუთაისში აერთიანებს. კომპანია ემსახურება როგორც ადგილობრივ ასევე საერთაშორისო მომხმარებელს, სწორედ ამიტომ კომპანიამ საექსპორტო ბაზრებზეც გაიმყარა პოზიციები და დღეს მარიონელას კაბების გაყიდვების დაახლოებით 20% უკვე ექსპორტზე მოდის.. მათ შორის ისეთ განვითარებულ ქვეყნებში როგორიც იაპონიაა. სტუმრები: ლელა ტურძელაძე - “მარიონელა”, თანადამფუძნებელი მარინა უგულავა - “მარიონელა”, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
წიგნების მაღაზია Books from Past ლიკა რუსაძემ იმ იდეით გახსნა, რომ ის ერთგვარი ხიდი გამხდარიყო ევროპულ კულტურასა და საქართველოს შორის. ეს სივრცე არ ჰგავს ტრადიციულ წიგნის მაღაზიას. აქ აქცენტი იშვიათ, საკოლექციო წიგნებსა და უკვე გაყიდვიდან ამოღებულ ვიზუალურ გამოსახულებებზე კეთდება. ლიკა რუსაძემ სამხატვრო აკადემიაში ფერწერის ფაკულტეტი დაამთავრა და დასავლეთში მოგზაურობისას მუზეუმებსა და ბუკინისტებთან შეგროვებული იშვიათი კოლექცია ჯერ ინსტაგრამ-გვერდად, შემდეგ კი რეალურ, ესთეტიკურ ბიზნეს-სივრცედ აქცია. როგორც თავად ამბობს - მისთვის ბიზნესიც ხელოვნებაა, სადაც შეცდომაც და წარმატებაც ერთი დიდი, ცოცხალი მოგზაურობის ნაწილია. როგორ იქცევა პირადი გატაცება ნიშურ ბიზნესად და განვითარების რა პერსპექტივა აქვს Books from Past-ს? სტუმარი: ლიკა რუსაძე - Books from Past, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
გამომცემლობა ინტელექტმა სულ ახლახან გამოსცა მწერალ ნინო სურგულაძის მოთხრობების კრებული სახელწოდებით „ჯოია“. წიგნი აერთიანებს 9 დამოუკიდებელ ამბავს იმ ადამიანებზე, რომლებიც ჩვენს გვერდით ცხოვრობენ. გადარჩენის ჟინი, სიყვარული, მარტოობა, დაავადებასთან ბრძოლა და ემიგრაცია - როგორც ხშირად ერთადერთი გამოსავალი. ეს ისტორიები ჩვენი ყოველდღიურობის ანარეკლია, სადაც მკითხველი ხან იბნევა, ხან ეღიმება, ხან კი - საკუთარ თავს ამოიცნობს. კრებულის მთავარი მესიჯი კი ისაა, რომ მიუწვდომელი ოცნებებიც კი პოულობენ გზას რეალობამდე და ხშირად, სწორედ უცხო გარემოში, უცნობ ადამიანებს შორის იბადება მარადიული სიხარული - „ჯოია”. სტუმარი: ნინო სურგულაძე - მწერალი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საერთაშორისო პრესტიჟულ მედიაკონკურსში WAN-IFRA Digital Media Awards 2026-ში — „ჟურნალისტიკის რესურსცენტრის“ მიერ შემუშავებული პროექტი AINews გლობალურ ფინალისტებს შორის დასახელდა. ეს არის პირველი შემთხვევა, როცა ქართული მედიაპროექტი ამ საერთაშორისო კონკურსის ფინალურ ეტაპზე გადადის. წლევანდელ კონკურსზე მსოფლიოს 78 ქვეყნიდან 811 განაცხადი შევიდა. კატეგორიაში „ხელოვნურ ინტელექტზე დაფუძნებული საუკეთესო ახალი ამბების პროდუქტი“ 20 ფინალისტს შორის ქართული პროექტი კონკურენციას უწევს ისეთ წამყვან გამოცემებს, როგორებიცაა The New York Times, Financial Times, The Guardian და სხვა. ეს კატეგორია ჟურნალისტიკაში ხელოვნური ინტელექტის ინოვაციურ და ეთიკურ ინტეგრირებას აფასებს. თავად AINews აერთიანებს AI-ის გამოყენებას ახალი ამბების დამუშავებასა და გავრცელებაში. როგორ მუშაობს ხელოვნური ინტელექტი ქართულ მედიაში, წაართმევს თუ არა ის ჟურნალისტებს სამუშაოს და რას ნიშნავს ეს საერთაშორისო აღიარება? სტუმარი: ნათია კუპრაშვილი - “ჟურნალისტიკის რესურსცენტრი”, თავმჯდომარე #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ინფრასტრუქტურის სამინისტროს გადაწყვეტილებით, ხარაგაულის მუნიციპალიტეტში, კურორტ ნუნისთან მისასვლელი 5-კილომეტრიანი გზის სრული რეაბილიტაცია იგეგმება, რაზეც ტენდერი უახლოეს მომავალში გამოცხადდება. ნუნისი ჯერ კიდევ მე-19 საუკუნიდან არის ცნობილი თავისი უნიკალური, სამკურნალო-ბალნეოლოგიური წყლებით, თუმცა წლების განმავლობაში, სწორედ მოწესრიგებული ინფრასტრუქტურის არარსებობა იყო ის მთავარი ბარიერი, რაც კურორტს სრული პოტენციალის ათვისებაში ხელს უშლიდა. რას შეცვლის განახლებული გზა კურორტის ეკონომიკისთვის და როგორია ბალნეოლოგიური ტურიზმის პერსპექტივები საქართველოში? სტუმარი: ირმა დაუშვილი - “ნუნისი”, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოში ბევრი ბრენდი ვერ დაიკვეხნის ისეთი ისტორიით, რომელიც არა ათწლეულებს, არამედ საუკუნეებს ითვლის. თურმანიძეთა გვარი ისტორიულ წყაროებში ჯერ კიდევ მე-11 საუკუნიდან იკვეთება, თუმცა, როგორც ორგანიზებული ბიზნესი და ოფიციალურად აღიარებული პრაქტიკა, მან გასულ საუკუნეში, მალაქია და გიორგი თურმანიძეების ძალისხმევით დაიმკვიდრა თავი. მოგვიანებით კი, ექიმ ზურაბ თურმანიძის ხელმძღვანელობით, ეს საგვარეულო ცოდნა „თურმანიძე პლიუსის“ ბრენდად ჩამოყალიბდა და საქართველოს ყველა წამყვან სააფთიაქო ქსელში შევიდა. დღეს კომპანია განვითარების სრულიად ახალ ეტაპზე გადადის. 2025 წლიდან „თურმანიძე პლიუსმა“ დერმოკოსმეტიკური ხაზი დაამატა, რომელიც კანის მოვლის ტრადიციულ ცოდნასა და ანტიკური მედიცინის გალენურ პრინციპებს აერთიანებს. რა არის ამ ახალი პროდუქტის მთავარი კონკურენტული უპირატესობა მასობრივ კოსმეტიკასთან შედარებით და როგორ გრძელდება საგვარეულო ბიზნესის ისტორია თანამედროვე ბაზარზე? სტუმარი: ზურაბ თურმანიძე - “თურმანიძე პლიუსი” , გენერალური დირექტორის მოადგილე, დერმოკოსმეტიკური ხაზის ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
✔️ „არგვანი“ – მეღვინეობა და ისტორიულ-კულტურული თავგადასავალი მარტვილში ✔️ რატომ არის შიდა ბაზარზე სტაბილური გაყიდვების მიღწევა ხშირად ექსპორტზე ბევრად რთული? - მეღვინეობა „არგვანი“ სექტორში არსებულ პრობლემებზე ✔️ ქართული ღვინის საექსპორტო პოტენციალი ✔️ „არგვანი“ - სიახლეები და სამომავლო გეგმები სტუმარი: ხატია ჯახუა - მეღვინეობა "არგვანი", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ღვინის ეროვნული სააგენტოს მონაცემებით, 2026 წლის პირველ კვარტალში საქართველოდან 51 ქვეყანაში 17.3 მილიონი ლიტრი, 53.2 მილიონი დოლარის ღირებულების ღვინო გავიდა. ექსპორტი რაოდენობაში 5%-ით, ხოლო შემოსავლებში 7%-ით გაიზარდა. ზრდა გვაქვს სტრატეგიულ ბაზრებზე: გერმანია (+32%), დიდი ბრიტანეთი (+9%), ჩინეთი (+4%). თუმცა, ოფიციალურ პრესრელიზში არის ერთი ძალიან საყურადღებო დეტალი - მასში საერთოდ არ არის ნახსენები რუსეთი, რომელიც ტრადიციულად ჩვენი ექსპორტის ლომის წილს , ძირითადად 60%-ზე მეტს იკავებს. რას ნიშნავს ეს რიცხვები რეალურად და როგორ აისახება მაკროეკონომიკური სტატისტიკა იმ მცირე, საოჯახო მარნებზე, რომლებიც აქცენტს არა მილიონობით ლიტრზე, არამედ ნატურალურ ღვინოსა და უმაღლეს ხარისხზე აკეთებენ? სტუმარი: ქეთო ნინიძე - "საოჯახო მარანი - ოდა", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საზღვარგარეთ ღვინის პოპულარიზაციის სუბსიდირების პროგრამით სულ 5 კომპანია 224 300 ლარით დაფინანსდა. ღვინის ეროვნული სააგენტოს გავრცელებული ინფორმაციით, მიმდინარე წელს, „ქართული ღვინის პოპულარიზაციის ხელშეწყობის სახელმწიფო პროგრამის“ ფარგლებში განაცხადი 20-მა კომპანიამ შეიტანა. დაფინანსება კი „ვილა მოსავალმა“, „მეღვინეობა ჩელთიმ“, „თიკო ისთეითმა“, „ბი ჯი ვაინსმა“ და „ასკანელმა“ მიიღეს. უნდა აღინიშნოს, რომ წელს „ქართული ღვინის პოპულარიზაციის ხელშეწყობის სახელმწიფო პროგრამით" როგორც კომპანიების რაოდენობა, ასევე დაფინანსების მოცულობაც გასულ წელთან შედარებით შემცირებულია, თუმცა ღვინის ეროვნულ სააგენტოში კი აცხადებენ, რომ პროგრამაში მონაწილე კომპანიების მიერ მიზნობრივ ბაზრებზე ექსპორტირებული ღვინის მოცულობა, 2025 წელს წლიურად 20%-ით გაიზარდა. აღსანიშნავია, რომ სააგენტო მარკეტინგული ხარჯების თანადაფინანსებას უზრუნველყოფს მხოლოდ იმ კომპანიებისთვის, რომლებიც ექსპორტს ახორციელებენ პრიორიტეტულ ბაზრებზე მსოფლიოს სხვადასხვა ქვეყანაში, დსთ-სა და სუამ-ის ქვეყნების გარდა. რა კრიტერიუმებით შეირჩნენ კომპანიები, რას ნიშნავს ეს მხარდაჭერა ბიზნესისთვის და რა სამომავლო გეგმები აქვთ სუბსიდირების ფარგლებში? სტუმარი: ანა მირიანაშვილი - "ჩელთი", კომერციული დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თხევადი გაზის ავტოსადგურების მასობრივი დაჯარიმების ფონზე ბიზნესი გამოსავლის გზებს ეძებს. კერძო სექტორი თვლის, რომ თბილისის მერიის მუნიციპალური ინსპექცია საკრებულოს დადგენილებით არასწორად ხელმძღვანელობს და ფუნქციურ ზონებში სახიფათო მასალების განთავსების რეგულირება გაზგასამართ სადგურებზე არ უნდა ვრცელდებოდეს.სექტორის წარმომადგენლების ინფორმაციით, მხოლოდ 2 დღეში 20-მდე ობიექტი დაჯარიმდა, ჯარიმების ოდენობა კი 2 500-დან 5 000 ლარამდე მერყეობს. გაზგასამართ სადგურებს მერიის მუნიციპალური ინსპექცია აჯარიმებს და ობიექტების აღებას ითხოვს. დავის საგანი თბილისის მუნიციპალიტეტის საკრებულოს ის დადგენილებაა, რომლის მიხედვითაც 2026 წლის პირველი იანვრიდან გარკვეულ საცხოვრებელ ზონებში ჯართის, ადვილად აალებადი და ფეთქებადი მასალების განთავსება აიკრძალა. თხევადი გაზის იმპორტიორთა და რეალიზატორთა ასოციაციაში აცხადებენ, რომ ადგილი აქვს თბილისის საკრებულოს დადგენილების არასწორ ინტერპრეტაციას. როგორ აპირებს მოქმედ რეგულაციებთან მორგებას ბიზნესი? სტუმარი: ნარიმან ფირცხელიანი - თხევადი გაზის იმპორტიორთა და რეალიზატორთა ასოციაციის თავმჯდომარე #ახალიამბები #BusinessMediaGeorgia