საქართველოში ღვინის ინდუსტრიის კიდევ ერთი მნიშვნელოვანი ღონისძიება შედგა. 2025 წელს, პირველად, გაიმართა ფორუმი, რომელიც მთლიანად ღვინის მარკეტინგსა და მედიის როლზე იყო ფოკუსირებული. “საერთაშორისო ღვინის მარკეტინგისა და მედიის ფორუმი”, რომელიც “მადამ სომელიეს” ორგანიზებით ჩატარდა, საერთაშორისო გამოცდილების, ახალი ტრენდების და ციფრული კომუნიკაციის ირგვლივ შეკრებილ პროფესიონალებს აერთიანებდა, მათ შორის მარკეტერებს, ბლოგერებს, ინფლუენსერებს, ღვინის სამყაროს სხვა გავლენიან სახეებს. სტუმრები: ნინი ქინქლაძე - “მადამ სომელიე”, დამფუძნებელი ნინო ბუსხრიკიძე - მარანი “ზოდის დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოში, ონკოლოგიის რეზიდენტებისთვის მალე ხელმისაწვდომი გახდება სრულიად ახალი, პერსონალიზებული საგანმანათლებლო კურსი ონკოლოგიაში. პროექტი, რომელსაც “ვიანი” და ევროპის ონკოლოგიის სკოლა ერთობლივად ახორციელებენ, მიზნად ისახავს თანამედროვე, საერთაშორისო სტანდარტებზე დაფუძნებული ცოდნის გავრცელებას ქვეყნის მასშტაბით. პროექტში ჩართულები იქნებიან საერთაშორისო სპეციალისტები და ადგილობრივებს თავიანთ ცოდნას თუ გამოცდილებას გაუზიარებენ. ეს ინიციატივა მნიშვნელოვან ნაბიჯს წარმოადგენს იმ გზაზე, რომელიც ონკოლოგიური სერვისების ხარისხის გაუმჯობესებასა და მის ხელმისაწვდომობაზე ზრუნვას უკავშირდება. სტუმარი: მარიამ კუხალაშვილი - “კრისტინა კილის სახელობის ონკოლოგიის ცენტრის” კლინიკური ონკოლოგი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
როცა სხეული ხვდება სულს - ამ სლოგანით დაიწყო 26 წლის წინ ისრაელში, დღეს უკვე თავის მოვლის საშუალებების გლობალური ბრენდის, ლალინის ისტორია, რომელიც თავდაპირველად მხოლოდ საპნებისა და სანთლების მიმართულებით პოზიციონირებდა, დროსთან ერთად კი, გეომეტრიული აჩვენა ზრდა პორტფელში პროდუქტების ასორტიმენტმა და ამასთან, გაძლიერდა საერთაშორისო ექსპანსიაც. დღეის მდგომარეობით ბრენდი მსოფლიოს მასშტაბით 180-ზე მეტ ბუტიკს მართავს და მილიონობით მომხმარებელს აერთიანებს, ამ სტატისტიკაში კი უკვე რამდენიმე წელია საქართველოც მოიაზრება. ლალინი ჩვენთან ამჟამად 3 ფილიალით არის წარმოდგენილი, თუმცა, განვითარების ტემპს და მასშტაბს რომ გადავხედოთ, ჩნდება მოლოდინი რომ არც ამ ოდენობას დასჯერდებიან. სტუმარი: ანა ბარათაშვილი - "ლალინი საქართველო", გენერალური მენეჯერი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სრული, ასევე რეგულარული ფინანსური ანალიზი, ფინანსური მენეჯმენტი, ბანკებთან და ინვესტორებთან ურთიერთობა - ეს კიდევ არასრული ჩამონათვალია იმ სერვისების, რასაც ფინანსური საკონსულტაციო კომპანია აფინვაისი ბიზნესს სთავაზობს, თანაც განვითარების ნებისმიერ ეტაპზე. ამასთანავე მომსახურების დაფარვის არეალი ნებისმიერი ზომის, წონისა და ბრუნვის მქონე კომპანიას ფარავს და თანაბრად უზრუნველყოფს როგორც მცირე, ისე საშუალო და მსხვილი ბიზნესის საჭიროების დაკმაყოფილებას. როგორ ვითარდება კომპანია და როგორ ცდილობს პოზიციების გამყარებას მუდმივად ცვალებად და აჩქარებულ ტექნოლოგიურ ერაში? სტუმარი: ანა ბალესიაშვილი - AFinwise-ის დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
„ოქროს კომპასი“ არის არაფორმალური განათლების ცენტრი, რომელიც ახალგაზრდებს სთავაზობს იმ უნარების განვითარებას, რაც ტრადიციული საგანმანათლებლო სივრცის მიღმა რჩება, თუმცა რეალურ ცხოვრებაში გადამწყვეტ როლს თამაშობს. ცენტრი ეხმარება მოზარდებს აღმოაჩინონ საკუთარი შესაძლებლობები, განივითარონ ლიდერობის, პასუხისმგებლობისა და კომუნიკაციის უნარები, ასევე შეიძინონ პრაქტიკული გამოცდილება, რომელიც მათ დამოუკიდებელ, მიზანდასახულ და თავდაჯერებულ მოქალაქეებად აქცევს. საერთაშორისო პრაქტიკისა და გამოცდილების კორელაციით ცენტრი ახალგაზრდებს არა მხოლოდ თეორიული ცოდნას აძლევს, არამედ იმ პრაქტიკულ კომპეტენციებსაც, რომელიც დღეს რეალურად დამსაქმებლებს ყველაზე მეტად სჭირდებათ. სტუმარი: მარიამ შურღაია - "ოქროს კომპასი", თანადამფუძნებელი და აკადემიური დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
წლების განმავლობაში დაგროვილი ცოდნისა და საერთაშორისო პრაქტიკის საფუძველზე, 2023 წლის ანი გეგეშიძემ თანამედროვე მრავალპროფილური კლინიკა „აკადემ მედი“ დააფუძნა, რომელიც პროექტი, რომელიც არა მხოლოდ პროფესიული მიღწევაა, არამედ დიდი წინ გადადგმული ნაბიჯი მთლიან ქართულ სამედიცინო სფეროში. ამ მოცემულობას ისიც ამყარებს, რომ „აკადემ მედი“ თურქეთის წამყვანი, „აჯიბადემის“ კლინიკების ქსელის ოფიციალური წარმომადგენელია საქართველოში, რაც ქართველ პაციენტებს აძლევს წვდომას მსოფლიოში აღიარებულ სამედიცინო მომსახურებასთან. ცენტრი უზრუნველყოფს მომსახურების სრულ ციკლს: აეროპორტის ტრანსფერითა და განთავსებით დაწყებული, ექიმებთან ვიზიტების დაგეგმვითა და სამედიცინო მენეჯმენტით დასრულებული — პაციენტისთვის ყველა საორგანიზაციო საკითხი მთლიანად კონცენტრირებულია ისე, რომ მას მხოლოდ საკუთარ ჯანმრთელობაზე ზრუნვა დარჩეს. რა მიმართულებების ცენტრებს აერთიანებს აკადემ მედი და რას სთავაზობს კლინიკა ადგილობრივ თუ საერთაშორისო პაციენტებს? სტუმარი: ანი გეგეშიძე - "აკადემ მედის" დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
წლების განმავლობაში ესთეტიკური მედიცინა თანამედროვე მედიცინის ერთ-ერთი ყველაზე სწრაფად განვითარებად და წარმატებულ დარგად ჩამოყალიბდა, რომლის პოპულარობაც და მასშტაბიც სულ უფრო მზარდ დინამიკას აჩვენებს. მსოფლიო ტენდენციას იზიარებს საქართველოც. მედიცინის ამ მიმართულებას ჩვენს ქვეყანაშიც საკმაოდ აქტიურად მიმართავენ, დინამიკაში ზრდადი მოთხოვნა კი ანალოგიური ტემპით მიწოდების მასშტაბს მოითხოვს და ეს ურთიერთკავშირი ადგილობრივ ბაზარზე უკვე ცალსახას შესამჩნევია. როგორ ვითარდება სფერო და რას აჩვენებს სტატუს კვო რიცხვებში? სტუმარი: ბაია კონდრატიევა - “საქართველოს ესთეტიკური მედიცინის საერთაშორისო ასოციაცია”, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მიმდინარე თვის დასაწყისში, განათლების სამინისტრომ გადაწყვიტა, რომ ინკლუზიური განათლების სამმართველო, როგორც ცალკე სტრუქტურა, აღარ არის საჭირო და ის სტრატეგიული დაგეგმვის სამმართველოს უნდა შეუერთდეს. როგორც სპეციალისტები, ისე სამმართველოს ყოფილი ხელმძღვანელიც გადაწყვეტილებაში პოლიტიკურ მოტივებს ხედავენ და როგორც ძალაუფლების კონცენტრაციის, ისე პასუხისმგებლობის გაქრობის და პროფესიონალების სისტემიდან განდევნის მექანიზმის ამუშავებაზე მიუთითებენ. აქვე გეტყვით, რომ საქართველოს განათლებისა და მეცნიერების სამინისტროს ეროვნული სასწავლო გეგმებისა და შეფასების ცენტრმა 2005-2008 წლებში ინკლუზიური სწავლების დაგეგმვა დაიწყო თბილისის 10 სკოლაში. ეს პროექტი შეზღუდული შესაძლებლობის მქონე და სოციალურად იზოლირებული ბავშვებს საზოგადოებაში ინტეგრირებაში დაეხმარა, თანდათანობით შეიქმნა მარეგულირებელი დოკუმენტები, გაჩნდა ახალი პროფესიები, პროგრამები, სპეციალისტები.. საჭირო გახდა ამ ყველაფრის სისტემური გაძლიერება და 2012 წელს ინკლუზიური განათლების სამმართველო შეიქმნა, რომელმაც ათიათასობით შეზღუდული შესაძლებლობის მქონე ბავშვსა და მოზარდს განათლების, სოციალიზაციის, პროფესიების არჩევის შესაძლებლობა მისცა. თუმცა, სპეციალისტები ცხადად ხედავენ რისკს, რომ სამინისტროს გადაწყვეტილებამ შესაძლოა ინკლუზიური განათლების განვითარების პროცესი მნიშვნელოვნად შეაფერხოს. სტუმარი: ლია ტაბატაძე - “საქართველოს დაუნის სინდრომის ასოციაციის” თავმჯდომარე #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მეწარმეობასა და ციფრულ კომუნიკაციაში წარმატება ხშირად ერთი ძლიერი ინსტრუმენტის სწორად გამოყენებაზეა დამოკიდებული – და ეს ინსტრუმენტი დღეს სოციალური მედიაში უნდა ვეძებოთ. სწორედ ამ თემატიკის გამოძახილია ნათია სირაბიძის ახალი წიგნი, სახელწოდებით – „სოციალური მედიის ეფექტური მართვა: Facebook-ის პრაქტიკული გზამკვლევი“ რომლის პირველი სატელევიზიო პრეზენტაცია ჩვენს დღევანდელ ეთერში შედგება. წიგნი შექმნილია იმ ადამიანებისთვის, ვისაც სურს ციფრული სამყაროს ფართო შესაძლებლობები სწორად დაინახოს და ისინი როგორც საკუთარი თავის, ისე ბიზნესის განსავითარებელ იარაღად გარდაქმნას. სტუმარი: ნათია სირაბიძე - წიგნის „სოციალური მედიის ეფექტური მართვა: Facebookის პრაქტიკული გზამკვლევი“, ავტორი, #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
პროფესიული განათლების ლანდშაფტში ახალი ახალი მოთამაშე გამოჩნდა – IPA Academy. ეს არის ინოვაციური საგანმანათლებლო პლატფორმა, რომელიც მიზნად ისახავს მომსახურების სფეროში თანამედროვე, მაღალი დონის სტანდარტების დანერგვას და კადრების სისტემურ, პრაქტიკაზე დაფუძნებულ მომზადებას. მისი მესვეურები აღნიშნავენ იმასაც, რომ IPA Academy არ არის უბრალოდ პროფესიული სასწავლებელი – ის ხედვაა, რომელიც რეალურ სამუშაო გარემოზეა მორგებული და უნარებზე ორიენტირებულ მიდგომას ეფუძნება. სტუმარი: ანი ტოლიაშვილი - Ipa Academy-ის დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ზაფხული უკვე დადგა, რაც იმას ნიშნავს, რომ საქართველოს მაღალმთიან რეგიონებში ტურისტული სეზონიც აქტიურად იწყება. სვანეთი - უნიკალური ბუნებით, ტრადიციებითა და სტუმართმოყვარეობით გამორჩეული კუთხე - წელსაც ემზადება სტუმრების მისაღებად. დღეს კი ყურადღებას ქვემო სვანეთის პატარა, მაგრამ განსაკუთრებულ სივრცეზე გავამახვილებთ, საუბარია - Roots Svanet-ზე, რომელიც არამხოლოდ ტურისტული დანიშნულების ადგილია, არამედ ცოცხალი მაგალითი სვანური კულტურის, მდგრადი ტურიზმისა და ადგილობრივი მოსახლეობის აქტიური ჩართულობის. როგორია მზადება ტურისტული სეზონისთვის? რა გამოწვევები გადალახა რეგიონმა და რა რჩება კვლავ აქტუალურ პრობლემად? სტუმარი: თეონა ფარჯიანი - Roots Svaneti-ს დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
შაქარი - ყოველდღიური ინგრედიენტი, რომელიც თითქმის ყველა სამზარეულოში გვხვდება, მრავალმხრივი და წინააღმდეგობრივი პროდუქტია. იგი საუკუნეებია რაც ადამიანის კვების რაციონის ნაწილია და ბევრისთვის სიამოვნებისა და ტკბილ გემოს სიმბოლოს წარმოადგენს. თუმცა, მიუხედავად მისი პოპულარობისა, საზოგადოების დამოკიდებულება შაქრის მიმართ არაერთგვაროვანია: ერთი მხრივ, იგი აღიქმება როგორც ენერგიის სწრაფი წყარო და ტკბილეულის მთავარი კომპონენტი, ხოლო მეორე მხრივ — როგორც ჭარბი წონის, დიაბეტის და სხვა ქრონიკული დაავადებების გამომწვევი. ამ ფონზე, ქართულ ბაზარზე „შაქარი მარგებელი“ გამოჩნდა. „შაქარი მარგებელის“ მწარმოებელი კომპანია ,,ჯანი პლუსია“, სადაც ამბობენ, რომ სუფრის შაქართან შედარებით „შაქარი მარგებელი“ 6-ჯერ ტკბილია, რაც იმას ნიშნავს, რომ მომხმარებელი 6-ჯერ ნაკლებ კალორიას მიიღებს. „შაქარი მარგებელი“ უკვე იყიდება მარკეტებში, ასევე, მისი მოხმარება ეტაპობრივად დაინერგება სხვადასხვა წარმოებაში. სტუმრები: ია ბახტურიძე - “ჯანი პლიუსი”, კომერციული დირექტორი; ქეთევან დადიანი - ჯანდაცვის სამინისტროს ექსპერტი, ნუტრიციოლოგი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ბოლო წლებში საქართველოში აქტიურად იზრდება ინტერესი თავგადასავლებით სავსე ტურისტული მიმართულებების მიმართ. ამ ტენდენციაში განსაკუთრებულად გამოიკვეთა ველოსიპედით მოგზაურობა — აქტივობა, რომელიც არამხოლოდ სპორტული გამოწვევაა, არამედ შესაძლებლობაა, ქვეყნის უნიკალური ლანდშაფტებისა და კულტურული მრავალფეროვნების აღმოჩენისთვის. მთიანი რელიეფი, დაცული ტერიტორიები და მიტოვებული-გაუკვალავი ბილიკები უცხოელ და ადგილობრივ ველომოყვარულებს? სტუმარი: მარ მიხელიძე - "კავკასიის ველო ქსელის" დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ზაფხულის სეზონი აქტიურ ფაზაში შედის, ტურისტულ მიმართულებებზე კი ეტაპობრივად მოთხოვნა იზრდება. მსოფლიოში არსებული ყველა გამოწვევა, იქნება ეს კონფლიქტი თუ სხვა - ტურიზმზე მყისიერად ახდენს გავლენას, გამომდინარე იქიდან, რომ მსოფლიოს არაერთი გეოპოლიტიკური გამოწვევის წინაშეა - ტურიზმის სექტორი მოგზაურთა შემცირებულ ნაკადებზე აქტიურად საუბრობს. სეზონის მოახლოებასთან და სამზადისთან ერთად კი პროგნოზები კიდევ უფრო თვალსაჩინო ხდება. რა ვითარებაა საქართველოს მთის კურორტებზე - მათ შორის გუდაურში? სტუმარი: მირანდა ესაკია - “მთის კურორტების ბიზნეს ასოციაციის” თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
“ქართული ოცნების” პარლამენტს „საქართველოს საერთო სასამართლოების შესახებ კანონში“ ცვლილებები შეაქვს, რომლის შედეგად, მედიებისთვის სასამართლო სხდომების გაშუქება იზღუდება. მომავალი კვირიდან, სასამართლოს შენობასა და დარბაზში, ასევე ეზოში ფოტო-ვიდეო გადაღება დაუშვებელი იქნება - ამის უფლება სასამართლოს ან სასამართლოს მიერ უფლებამოსილ პირს ექნება. სასამართლო სხდომის ვიდეო და აუდიო ჩაწერა დაიშვება მხოლოდ დასაბუთებული შუამდგომლობის საფუძველზე, მოსამართლის მიერ მიღებული მოტივირებული გადაწყვეტილებით. აუქმებენ 131-ე მუხლის მე-7 პუნქტს, რომლითაც დღეს, „ნებადართულია სასამართლოს ეზოსა და შენობის დერეფანში ფოტოგადაღება, კინო-, ვიდეო-, აუდიოჩაწერა და ეთერში გადაცემა ყოველგვარი შეზღუდვის გარეშე. დაუშვებელია სასამართლოს მიერ დადგენილი წესით სასამართლოს შენობაში შესული პირისათვის პირადი ნივთების, მათ შორის, მობილური ტელეფონის, კომპიუტერის, ფოტო-, კინო-, ვიდეო- ან/და აუდიოსაშუალებების ჩამორთმევა“. აღსანიშნავია, რომ კანონპროექტის განმარტებით ბარათში ამ შეზღუდვების მიზეზი კონკრეტულად არაა განმარტებული. „იმისათვის რომ, ერთი მხრივ, უზრუნველყოფილი იყოს მართლმსაჯულების ეფექტიანი განხორციელება და ხელი არ შეეშალოს სასამართლო სხდომების მიმდინარეობას, ხოლო, მეორე მხრივ, უზრუნველყოფილი იყოს სხდომების ღიაობა, მიზანშეწონილია, 131 მუხლში განხორციელდეს ცვლილება“, - წერია კანონპროექტის განმარტებით ბარათში. რა გავლენას მოახდენს აღნიშნული ცვლილება მედიის მუშაობასა და გაშუქების პროცესზე? სტუმარი: ნათია კუპრაშვილი - JRC - ჟურნალისტიკის რესურსცენტრი, თავმჯდომარე; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული სტარტაპი, Helio AI მუდმივად ახერხებს განვითარებას და ამის საპასუხოდ არაერთი აღიარების მოპოვებას. ამჯერად, Helio AI-მ წლის საუკეთესო HRTech Startup-ის ჯილდო მოიპოვა. ქართული სტარტაპი 40 ქვეყნის 800-ზე მეტ ნომინანტს შორის გამოარჩიეს. BakuID სამიტზე Nexus Awards ცერემონია Scale AI-ს მხარდაჭერით გაიმართა. BakuID წამყვანი ღონისძიებაა ინოვაციებისა და სტარტაპების საინვესტიციო მიმართულებით კავკასიის, ცენტრალური აზიისა და MENA-ს რეგიონისთვის. Helio AI რეკრუტინგის ინოვაციური სისტემაა, რომელიც კომპანიებს საუკეთესო კანდიდატების სწრაფად შერჩევაში ეხმარება. ხელოვნური ინტელექტი პროცესის სრული ციკლის ავტომატიზაციაში არის ჩართული და კომპანიას კანდიდატების რეზიუმეების, გამოცდილებისა და რბილი უნარების ანალიზში ეხმარება. სტუმარი: ნინი მოსიაშვილი - Helio AI-ის თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველოდან საზღვარგარეთ მოგზაურობა გაძვირდა. გამყვანი ტურიზმის ბაზრის მოთამაშეების ნაწილი ამბობს, რომ ტურისტული პაკეტების ფასების ზრდასთან ერთად, შემცირებულია მოგზაურების რაოდენობაც. კომპანიების მეორე ნაწილი კი პირიქით, ჯავშნების ზრდაზე საუბრობს, თუმცა ყველა თანხმდება, რომ მოგზაურობა ფინანსურად ისეთი ხელმისაწვდომი აღარ არის, როგორც წინა წლებში. აღსანიშნავია, რომ ისრაელი-ირანის კონფლიქტის გამო ფრენების გაუქმების შემთხვევებიც ვიფიქრეთ, არა მხოლოდ ისრაელის, არამედ ახლო აღმოსავლეთის ქვეყნების მიმართულებითაც.რა რეალობაა დღეს ბაზარზე და რა გვიჯდება მოგზაურობა წელს? სტუმარი: ანასტასია გაბუნია - Art Travel, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ირან-ისრაელის კონფლიქტი ერთ-ერთი ყველაზე დიდი გამოწვევაა, რომლის გავლენაც შესაძლოა ჩვენს ქვეყანაზეც აისახოს. გაუქმებული ფრენები, გლობალური შიში - ეს ყველაფერი ქვეყნის ტურისტულ სექტორში მოლოდინებს ამძაფრებს. მოკლევადიან პერიოდში რისკების ზრდის მიმართ მოწყვლადი, უპირველეს ყოვლისა, ტურიზმია. ამის შესახებ TBC Capital-ის მიმოხილვაშია აღნიშნული. მოვლენათა შესაძლო განვითარების სხვადასხვა სცენარში სხვადასხვა ეფექტია მოსალოდნელი, თუმცა TBC Capital-ი გამოყოფს გადაცემის ძირითად არხებს. ორგანიზაციის შეფასებით, მოკლევადიან პერიოდში ყველაზე მოწყვლადი სწორედ ტურიზმი იქნება. 2024 წელს ისრაელზე საქართველოს ეკონომიკაში უცხოური ვალუტის ჯამური შემოდინების 5%, ხოლო ტურიზმიდან შემოსავლების 10% მოდიოდა. დღეის მდგომარეობით, ისრაელის საჰაერო სივრცე სამოქალაქო ავიაციისთვის დახურული რჩება. ამავდროულად, მიუხედავად ოფიციალური შეზღუდვების არარსებობისა, კონფლიქტურ არეალთან სიახლოვის გამო მოსალოდნელია ფრენების შემცირება რეგიონის სხვა ქვეყნებიდანაც, მაგალითად საუდის არაბეთიდან, რომელიც ბოლო პერიოდში ტურიზმიდან შემოსავლებში მზარდი წილით ხასიათდება. - აღნიშნულია კვლევაში. რა ვითარებაა ტურიზმში, როგორია მოლოდინები და იგრძნობა თუ არა უკვე კონფლიქტის ეფექტი? სტუმარი: ირმა კოდუა - "საქართველოს ბიზნეს ტურიზმის ასოციაცია", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ირან-ისრაელის კონფლიქტი ერთ-ერთ ყველაზე სერიოზულ გეოპოლიტიკურ გამოწვევად იქცა, რომლის გამოძახილი მათ შორის საქართველოშიც იგრძნობა — ქვეყანაში, რომლის ეკონომიკის ერთ-ერთი საყრდენი ტურიზმი და სტუმარ-მასპინძლობის სექტორია. გაზრდილი გლობალური შიში, ავიამარშრუტების რღვევა და არასტაბილურობის მოლოდინი სერიოზულ გამოწვევას უქმნის მიმდინარე ზაფხულის ტურისტულ სეზონს, რომელზეც სექტორი, განსაკუთრებით გასული წლის ბოლო კვარტლის კრიზისული პერიოდის შემდეგ, დიდ იმედს ამყარებდა. რამდენად აისახა უკვე კონფლიქტი საქართველოში დასვენების მსურველ ისრაელელ ტურისტებზე და როგორია მოლოდინები ინდუსტრიაზე, სწორედ ამ თემას გავშლით დღეს სტუმართან ერთად, მანამდე კი, გეტყვით რომ პირველი კვარტლის მდგომარეობით, საქართველოში ტურისტების დიდი ნაკადი სწორედ ისრაელიდან ჩამოდის. წლის პირველ სამ თვეში ისრაელიდან 80,896 ვიზიტი განხორციელდა, რაც წლიურად 72.9%-იანი ზრდაა. სტუმარი: მაია მახათაძე - Radar-ის დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ინოვაციების, მეწარმეობისა და სოციალური პასუხისმგებლობის კონკურსის SAGE Georgia 2025-ის ფინალისტები ცნობილია – საქართველო პირველად იღებს მონაწილეობას მასშტაბურ საერთაშორისო კონკურსში 30 ქვეყანათა შორის და ასევე წელს მასპინძლობს მსოფლიო ფინალს SAGE World Cup 2025-ს!, -აქვე გეტყვით იმასაც, რომ .„SAGE Georgia ეს არის გლობალური ქსელის ნაწილი საერთაშორისო დონის პლატფორმა რომელიც მიზნად ისახავს ახალგაზრდების გაძლიერებას სოციალური პასუხისმგებლობის მქონე მეწარმეობის გზითა და ანტერპრენერული აზროვნებით. ის აერთიანებს როგორც ახალგაზრდა ინოვატორებს, ასევე მეწარმეებს და სტარტაპებს. პროგრამა, როგორც მისი მესვეურები განმარტავენ, ხელს უწყობს ახალგაზრდებს შეიმუშაონ ინოვაციური და მდგრადი ბიზნეს პროექტები, რომლებიც რეალურ საზოგადოებრივ სარგებელს ქმნიან.ვინ გახდნენ წლევანდელი კონკურსის ფინალისტები და რა შესაძლებლობებს ხსნის მათთვის ეს პლატფორმა? სტუმარი: მარიკა კლდიაშვილი - SAGE Georgia - აღმასრულებელი დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
კანის კრეატიულობის ფესტივალი არ არის მხოლოდ კონკურსი საუკეთესო სარეკლამო ნამუშევრებისთვის. ეს არის პლატფორმა, სადაც მომავალ თაობებს შეუძლიათ ისწავლონ, განვითარდნენ და ინდუსტრიის ნამდვილ ლიდერებად ჩამოყალიბდნენ. სწორედ ამ მისიის ნაწილია Roger Hatchuel Student Academy ყოველწლიური საგანმანათლებლო ინიციატივა, რომელიც კანის ლომების ფარგლებში ტარდება.აკადემია 30-მდე ქვეყნის საუკეთესოდ შერჩეულ სტუდენტებს აძლევს შანსს, პირდაპირი კონტაქტი ჰქონდეთ მსოფლიოს წამყვან კრეატიულ ბრენდებთან, დამფუძნებლებთან, რეკლამის გურუებთან და საგანმანათლებლო ტრენერებთან. 2023 წელს ლიზა ღლონტი გახდა გერმანიის სახელით შერჩეული სტუდენტი, რომელიც წარმატებით მონაწილეობდა ამ პროგრამაში. წელს კი, ლიზა უკვე მენტორისა და სპიკერის როლში ბრუნდება ფესტივალზე რათა საკუთარ გამოცდილებაზე დაფუძნებით დაეხმაროს ახალ თაობას კრეატიული ბრიფების გაანალიზებასა და რეალურ გამოწვევებთან გამკლავებაში. სტუმარი: ლიზა ღლონტი - Roger Hatchuel Student Academy, მენტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქალების ეკონომიკური გაძლიერება საქართველოს რეგიონებში ერთ-ერთი ყველაზე მნიშვნელოვანი გამოწვევაა, რომელსაც სტრუქტურული მიდგომა და მდგრადი მხარდაჭერა სჭირდება. სწორედ ამ საჭიროებაზე საპასუხოდ, „საქართველოს ფერმერთა ასოციაციამ“ წარმატებით დაასრულა მასშტაბური პროექტი — „მეწარმე ქალების მხარდაჭერა საქართველოში“, რომელიც გაეროს ქალთა ორგანიზაციის ხელშეწყობით განხორციელდა. პროექტი მიზნად ისახავდა რეგიონებში მცხოვრები ქალების მეწარმეობაში ჩართვის წახალისებას, მათი ეკონომიკური რესურსების გაძლიერებასა და მდგრადი განვითარების გზაზე დაყენებას. სტუმარი: თამთა მამულაიძე - “საქართველოს ფერმერთა ასოციაცია” , აგრიტექისა და ინოვაციების დეპარტამენტის ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
„ბალანსი“ ეს არის თანამედროვე კვების სერვისი მათთვის, ვინც აჩქარებულ და დატვირთულ ყოველდღიურობაში ცდილობს ჯანსაღი ცხოვრების წესი შეინარჩუნოს. კომპანია მომხმარებლებს წინასწარ შედგენილ, კალორაჟზე და კვებითი ღირებულებებზე გათვლილ სრულფასოვან რაციონს სთავაზობს, რომლის მენიუც ისეა ორგანიზებული, რომ ყოველდღიურად კერძები არ მეორდება. ამასთან, კომპანიაში ამბობენ იმასაც, რომ თითოეული ულუფა შედგენილია ისე, რომ სრულად დააკმაყოფილოს ორგანიზმის საჭიროებები როგორც ცილების, ცხიმებისა, და ნახშირწყლების, ისე ვიტამინებისა და მინერალების მხრივ. ბალანსმა ოპერირების მეორე წლის ათვლა დაიწყო და ამ პერიოდის განმავლობაში რა შედეგები გაერთიანდა მათ პორტფელში? სტუმარი: ნუცა სურგულაძე - “ბალანსი”, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
„თვითი“ - განმავითარებელი ავეჯი და სათამაშოები ბავშვებისთვის როგორ აგრძელებს ოპერირებას „თვითი“ სახელოსნოს დაწვის შემდეგ? სტუმარი: ნინო ჩიტაძე - “თვითი”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
კახეთში კიდევ ერთი ტურისტული ობიექტი, „აკიდო“ გაიხსნა სტუმარი: მარიამ იაშვილი - “აკიდო”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
“მშვიდობით მელანქოლია” - ასე ჰქვია მხატვარ სალომე ელანიძის მესამე სოლო გამოფენას, რომელსაც ექსკლუზიურად დედიკას გალერეა წარმოადგენს. პროექტი, ხელოვანის ბოლო პერიოდის მხატვრულ ძიებებს აერთიანებს და წარმოგვიდგენს მხატვრის ახალი ფერწერული ნამუშევრების სერიას, რომელიც ერთდროულად სიმბოლისტური ასოციაციებითა და ფსიქოლოგიური მოტივებით არის გაჯერებული და მიზნად, რთული, წინააღმდეგობებით სავსე მდგომარეობის გამოსახულებად ქცევას ისახავს. მიზნის მისაღწევ გზაზე კი, სალომე კინოკადრების ილუზიის გამოყენებასაც არ ერიდება. სტუმარი: სალომე ელანიძე - მხატვარი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
Arothera space box არის ფსიქოთერაპიულ ნაკრებზე, რომელიც ფსიქოლოგის ჩართულობით იქმნება და როგორც მისი მესვეურები განმარტავენ, პროდუქტების სახით ერთ სივრცეში აერთიანებს, როგორც არომათერაპიას, ისე მუსიკათერაპიასა და თვითრეფლექსიას. სტუმარი: ნინო კერესელიძე - ფსიქოლოგი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული ბრენდის “მაქმანი" ხელნაკეთი აქსესუარების, სახლის დეკორისა თუ სათამაშოების ერთობლიობით ტრადიციულ პორტფელს აფართოებს და ამავე დროს ბაზარს სიახლესაც სთავაზობს. ბრენდმა ახალი მიმართულება - “მაქამანი ვუდი” ჩაუშვა, რომლითაც მომხმარებელს ხის მასალისგან დამზადებულ სუვენირებს სთავაზობს. სტუმარი: თამთა ჭოჭუა - "მაქმანი ვუდის" თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საბუღალტრო და სააღრიცხვო კომპანია FAS GRoup-ს ჩვენი საქმიანი მაყურებლისთვის სიახლე აქვს. კომპანია ამჯერად მეწარმე ქალების ხელშეწყობის მიზნით კონკურსს აცხადებს, რომლის მიზანიცაა უზრუნველყოს ქალთა მეწარმეობის განვითარების მთავარი გამოწვევების გამოვლენა და მათ საჭიროებებზე მორგებული სერვისების შეთავაზება. რა კრიტერიუმების დაკმაყოფილება მოუწევთ მეწარმე ქალებს კონკურსში მონაწილეობისთვის? სტუმარი: ნათია სხვიტარიძე - FAS Group-ის მმართველი პარტნიორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
არტგალერეა Noblesse-მა ლონდონში, ერთ-ერთ უძველეს, პრესტიჟულ აუქციონის სახლ Bonhams-ში ქართველი მხატვრების ფერწერული ნამუშევრები წარადგინა. ეს უნიკალური შემთხვევაა, როდესაც ქართველი ხელოვანების ტილოები ლონდონის აუქციონზე არა მეზობელი ქვეყნების, არამედ საქართველოს სახელით გავიდა და დამოუკიდებელი კატეგორია - “ქართული ხელოვნება ახლა” - დაეთმო. გალერეა Noblesse-მა არა მხოლოდ ხელი შეუწყო ქართველი მხატვრების პოპულარიზაციას, არამედ ერთგვარი ხიდიც ააგო ქართულ კულტურასა და ხელოვნების საერთაშორისო ბაზრებს შორის. ეს ყველაფერი მხოლოდ დასაწყისია. გალერეა Noblesse აგრძელებს ქართველი ხელოვანების საერთაშორისო აუდიტორიისთვის გაცნობას და როგორც არტისტების, ასევე ქვეყნის სახელის გატანას მსხვილ საგამოფენო სივრცეებსა და კოლექციონერთა წრეებში. ეს გალერეის გრძელვადიანი სტრატეგიაა, რომელიც მიზნად ქართული ხელოვნებისთვის გლობალური აღიარების მოპოვებასა და კულტურის სფეროს ფინანსურ გაძლიერებას ისახავს. სტუმარი: ნინო ლაბაძე - Art Gallery Noblesse-ის დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ახლოვდება მოგზაურობისთვის აქტიური პერიოდი, ბევრი ადამიანი ახალი ქვეყნის აღმოჩენას გეგმავს - ამ დროს კი ყველაზე მნიშვნელოვანი სწორი რეკომენდაციები და გზამკვლევია… თუ მადრიდში მოგზაურობას გეგმავთ, შოპინგ, გასტრო, სპორტული თუ საექსკურსიო ტურებით ხართ დაინტერესებული - “თანამგზავრი მადრიდში” ანუ - თაკო აბესაძე დაგეხმარებათ, სპორტული ჟურნალისტი და პროდიუსერი, რომელიც რომელიც 3 წლის წინ წავიდა ემიგრაციაში ესპანეთში და დღეს ქართველ და არამხოლოდ მოგზაურებს “თანამგზავრი მადრიდში” სახელით სთავაზობს მადრიდის სრულად ახლებურად აღმოჩენაში ეხმარება. ესპანეთის დედაქალაქთან ერთად - თანამგზავრი საუკეთესო მეგზურობას - პორტუგალიაშიც გაგიწევთ. როგორც იქცა ქართველი ემიგრანტის წამოწყება ბიზნესად? სტუმარი: თაკო აბესაძე - “თანამგზავრი მადრიდში”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
გაეროს ქალთა ორგანიზაციამ, ახალი კვლევა გამოაქვეყნა, რომელმაც გამოვლინა, რომ საქართველოს კერძო სექტორში სექსუალური შევიწროების მსხვერპლები ძირითადად ქალები არიან. დასაქმებული ქალების 27% და კაცების 18% ამბობს, რომ სამუშაო ადგილზე სექსუალური შევიწროება გამოუცდია, ქალი მსხვერპლების უმეტესობის — 84%-ის შემთხვევაში, შემავიწროებელი კაცი იყო. კვლევის სახელად - “სექსუალური შევიწროება სამუშაო ადგილზე საქართველოს კერძო სექტორში” გაეროს ქალთა ორგანიზაციის ინიციატივით, CRRC-საქართველომ ჩაატარა, ავტორებმა კი მისი მიგნებები კერძო სექტორს გასულ კვირას წარუდგინეს. რა მიგნებებზე შეგვიძლია საუბარი კვლევის ფარგლებში? სტუმარი: ქეთევან შუბაშვილი - "გაეროს ქალთა ორგანიზაცია", პროგრამის მენეჯერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საკრუიზო მოგზაურობა უნიკალური შესაძლებლობაა, როცა ერთ მოგზაურობაში შეგიძლია მოინახულო რამდენიმე ქვეყანა, ქალაქი თუ კუნძული, და ამავდროულად ისიამოვნო მაღალი კლასის მომსახურებითა და გართობის საშუალებებით შუაგულ ზღვაში. საკრუიზო გემზე მოგზაურობის მსურველთა რიგებში სულ უფრო აქტიურად ეწერებიან, როგორც ოჯახები, ისე წყვილები თუ სოლო მოგზაურები, გამომდინარე იქიდან, რომ ეს არის სრულიად განსხვავებული გამოცდილება და შესაძლებლობა, დაარღვია რუტინა და მსოფლიო სულ სხვა პერსპექტივიდან დაინახო. რა შესაძლებლობას აძლევს თანამედროვე საკრუიზო ლაინერები როგორც მოგზაურებს, ისე იქ დასაქმების მსურველებს? სტუმარი: მარიკა ვალნერი - კრუიზში საერთაშორისო საზოგადოებასთან ურთიერთობების ოფიცერი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
5 წლის წინ საქართველოს აგროსფეროში თანამედროვე ცოდნის, გამოცდილებისა და საერთაშორისო სტანდარტების გავრცელების, ასევე ინოვაციური ტექნოლოგიების შემოტანის მიზნით, აგროსერვისების მიმწოდებელი, პირველი კომპანია, ბლუ გარდნეი გამოჩნდა, რომელიც მას შემდეგ, პოტენციურ მომხმარებლების პროექტის განხორციელებისთვის საჭირო სრული მომსახურებას სთავაზობს. წელს კომპანია მასშტაბური რებრენდინგი განახორციელა და ბაზარზე ოპერირებას ამიერიდან “ნიადაგის” სახელწოდებით განაგრძობს, შესაბამისად სწორედ ამ სახელის ქვეშ გაერთიანდება ყველა ის პროექტი, სერვისი თუ მომსახურება, რასაც ქვეყნის სოფლის მეურნეობის სფეროსა და მისი განვითარებისთვის ახორციელებენ. სტუმარი: სალომე დიდებაშვილი - "ნიადაგის" მარკეტინგის მენეჯერი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
კომპანია Xperience-მა ქართულ ბაზარზე ოპერირება 7 წლის წინ დაიწყო იმ მიზნით, რომ დახმარებოდა კომპანიებს როგორც შიდა სტრუქტურულ ორგანიზაციაში, ისე მომხმარებლების გამოცდილების კვლევასა თუ გაუმჯობესებაში. ამ წლების განმავლობაში კომპანიის ანგარიშზე უკვე არაერთი პროექტი ერთიანდება და როგორც Xperience-ში აღნიშნავენ, ყოველ კომპანიასთან მუშაობისას მყარდება ხანგრძლივი კავშირები, ასევე ჩნდება ისეთ კოლაბორაციები, რომლებითაც იწერება წარმატების ისტორიები. სტუმარი: ნინო დავითაშვილი - Xperience, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
დიზაინისა და პრინტის აკადემია ქართულ ბაზარზე 3 წლის წინ გამოჩნდა და მას შემდეგ, დიზაინითა და პოლიგრაფიით დაინტერესებულ პირებს სწავლებისა და ამ მიმართულებებით ცოდნის გაღრმავების მრავალფეროვან შესაძლებლობებს სთავაზობს. რა დინამიკით ვითარდება აკადემია და რა შედეგებს აერთიანებს მისი პორტფელი? სტუმარი: ქეთი ქურციკაშვილი - “დიზაინის და პრინტის აკადემია”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თანამედროვე რეალობაში მოგზაურობა რის, თუ არა ინტერნეტის გარეშე არს წარმოუდგენელი, სწორედ ამ რეალობაზე საპასუხოდ ქართულმა კომპანია მობინექსმა ორი წლის წინ, განსაკუთრებით მოგზაურებისთვის საინტერესო პროდუქტი გაუშვა, რომელიც როგორც სიმ კარტის, ასევე სულ რამდენიმე წამში E Sim-ის გააქტიურებით მომხმარებელს ინტერნეტის პრობლემას სრულად უგვარებს და მასზე მორგებულ პაკეტსაც სთავაზობს, როგორც ფასის, ისე ხანგრძლივობის, ისე გამოყენების ხანგრძლივობისა თუ დაფარვის არეალის მიხედვით. სტუმარი: მარიამ კაკაბაძე - MobineX, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოდან საზღვარგარეთ მოგზაურობა გაძვირდა. გამყვანი ტურიზმის ბაზრის მოთამაშეების ნაწილი ამბობს, რომ ტურისტული პაკეტების ფასების ზრდასთან ერთად, შემცირებულია მოგზაურების რაოდენობაც. კომპანიების მეორე ნაწილი კი პირიქით, ჯავშნების ზრდაზე საუბრობს, თუმცა ყველა თანხმდება, რომ მოგზაურობა ფინანსურად ისეთი ხელმისაწვდომი აღარ არის, როგორც წინა წლებში.როგორ აფასებს ბაზრის ერთ-ერთი მოთამაშე გო ტური ამ რეალობას? სტუმარი: ნინო წიკლაური - Go Tour-ის დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული სტარტაპი "ჭითა" ქართულ ბაზარზე, 4 წლის წინ, თავისი გამორჩეული ნიშით და ხელწერით გამოჩნდა. "ჭითა” მაგიდის სუფრების მიღმა სახლის ტექსტილის მრავალფეროვან სპექტრს აერთიანებს და მომხმარებელს მუდმივად საინტერესო სიახლეებს სთავაზობს. როგორ ვითარდება სტარტაპი და რა შედეგებს აერთიანებს დღეს ჭითას პორტფელი? სტუმარი: ნინო ჭითანავა - “ჭითა”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
"ქალები ევროპული მომავლისთვის" - ეს არის ორგანიზაცია, რომელიც ფრიდრიხ ნიუმანის ფონდის მხარდაჭერით ქართულ ბაზარზე სამი წლის წინ დაფუძნდა და მას შემდეგ მთელი საქართველოს მასშტაბით პროექტს სახელწოდებით “ქალები ევროპული მომავლისთვის” ახორციელებს. პროექტის ფარგლებში ორგანიზაცია თბილისის მიღმა, ქვეყნის სხვა რეგიონებსაც ფარავს და იქ სხვადასხვა თემატიკაზე ტრენინგებსა და შეხვედრებს აქტიურად მართავს. ამ დროის მონაცემებით, ქალთა ქსელი თავისუფლებისთვის უკვე 600-ზე მეტ ქალს მისწვდა რომლებიც უშუალოდ ჩართულები იყვნენ აქტიურ მუშაობაში. შემაჯამებელ კონფერენციებში კი ასზე მეტი ქალი მონაწილეობდა. სტუმრები: თეონა ჭალიძე - ,,ქალთა ქსელი თავისუფლებისთვის", თანადამფუძნებელი ნანა ტოხვაძე - ,,ქალთა ქსელი თავისუფლებისთვის", თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოში პირველი გასტრონომიული ფესტივალი “თბილისი გასტრო კვირეული” სტარტს კიდევ ერთხელ აიღებს და ის ამჯერად 18-22 ივნისის გაიმართება და ამ პერიოდის განმავლობაში დაუვიწყარ კულინარიულ თავგადასავლებს არც მეტი არც ნაკლები მიშლენის ვარსკვლავის მქონე შეფები დაატრიალებენ. სტუმარი: ქეთი კვიჭიძე - გასტრონომიული ტურიზმის კონსულტანტი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
„დაბრუნება“ - ნინო სურგულაძის სადებიუტო რომანის სატელევიზიო პრეზენტაცია სტუმარი: ნინო სურგულაძე - წიგნი “დაბრუნება”, ავტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia