Tasteit - ეს არ არის რიგითი გაცნობის აპლიკაცია. სამყაროში, რომელიც მარტოობის პანდემიას ებრძვის, ქართულმა სტარტაპმა თამაშის წესები შეცვალა: აქ ადამიანები ერთმანეთს არა ფოტოებით, არამედ კერძების მოწონებით უკავშირდებიან - ყოველგვარი სტრესისა და უხერხულობის გარეშე. აპლიკაცია საქართველოში 2.5 წლის წინ გაეშვა, დღეს კი უკვე ბერლინისა და ნიუ-იორკის ბაზრებზე ოპერირებს. იდეის მასშტაბურობას ციფრებიც ადასტურებს - სტარტაპს, გრანტებისა და ინვესტიციების სახით, ჩვენს ხელთ არსებული ბოლო ინფორმაციით უკვე 200 000 ევროზე მეტის დაფინანსება აქვს მოზიდული. როგორ იქცა ქართული იდეა გლობალურ ტექნოლოგიურ პროდუქტად? სტუმარი: თეო გონგლაძე - Tasteit-ის თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ჯანსაღი დიეტა უფრო ძვირი და ამავდროულად ხელმისაწვდომი ხდება #ახალიამბები #BusinessMediaGeorgia
ჯანსაღი ცხოვრება არ არის მხოლოდ კალორიების თვლა, ეს ესთეტიკაცაა. როგორ უკავშირდება ერთმანეთს ობიექტივი და ჰანტელი? სტუმარი: ქეთო გულისაშვილი - ფიტნეს ტრენერი, ფოტოგრაფი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოში ფიტნეს ინდუსტრია უკვე დიდი ხანია გასცდა უბრალოდ ვარჯიშის ცნებას და სერიოზულ ბიზნეს-ეკოსისტემად ჩამოყალიბდა. თუმცა, აქაც არის კვალიფიკაციის პრობლემა. ვის უნდა ანდოთ თქვენი ჯანმრთელობა და როგორ ვაქციოთ ფიტნესი პროფესიად? სტუმარი: ვალიტა გორელჩანიკი - სპორტსმენი, პირველი ფიტნეს აკადემიის დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თანამედროვე მედიცინაში ჭარბ წონასთან ბრძოლის ახალი მეთოდები, კერძოდ კი ისეთი პრეპარატები, როგორიცაა „მუნჯარო“ და „ვეგოვი“, ბევრისთვის სწრაფი შედეგის მიღების იმედს, თუმცა ამავდროულად, სერიოზულ მეტაბოლურ გამოწვევებს აჩენს. British Medical Journal-ში გამოქვეყნებული უახლესი კვლევების თანახმად, სახეზეა საგანგაშო სტატისტიკა: პაციენტები, რომლებიც წონის კლების ინექციურ კურსს წყვეტენ, დაკარგულ კილოგრამებს ოთხჯერ უფრო სწრაფად კრეფენ, ვიდრე ისინი, ვინც შედეგს ტრადიციული დიეტითა და ვარჯიშით აღწევს. მონაცემები ცხადყოფს, რომ თუ კლასიკური მეთოდების შეწყვეტისას წონის მატება თვეში საშუალოდ 0.1 კგ-ს შეადგენს, მედიკამენტური ჩარევის შეწყვეტის შემდეგ ეს მაჩვენებელი 0.8 კგ-მდე იზრდება. პრაქტიკულად, ეს იმას ნიშნავს, რომ სულ რაღაც წელიწად-ნახევარში პაციენტი საწყის ნიშნულს სრულად უბრუნდება. ეს ფენომენი არა ნებისყოფის სისუსტეს, არამედ ღრმა ბიოლოგიურ ცვლილებებს უკავშირდება. ექსპერტების განმარტებით, პრეპარატები ბუნებრივი ჰორმონის, GLP-1-ის იმიტაციას ახდენენ და მისი დონის ხელოვნურად გაზრდას უზრუნველყოფენ, რაც მადას თრგუნავს. თუმცა, წამლის მიწოდების უეცარი შეწყვეტისას ორგანიზმში „შიმშილის ჩამრთველი“ აქტიურდება. საკუთარი ჰორმონის გამომუშავება დაქვეითებულია, მგრძნობელობა - განახევრებული, შედეგად კი პაციენტს დაუძლეველი, „მგლური შიმშილის“ შეგრძნება ეუფლება. ფარმაცევტული კომპანიები და ექსპერტთა ნაწილი ამ მოცემულობას სიმსუქნის, როგორც ქრონიკული დაავადების ბუნებით ხსნიან. მათი არგუმენტით, ისევე როგორც დიაბეტის ან ჰიპერტენზია შემთხვევაში, აქაც მკურნალობა მუდმივ, შესაძლოა სამუდამო ხასიათს უნდა ატარებდეს. თუმცა, ექიმები თანხმდებიან, რომ მხოლოდ ფარმაკოლოგიური ინტერვენცია, ცხოვრების წესის ფუნდამენტური ცვლილების გარეშე, მდგრად და გრძელვადიან შედეგს ვერ იძლევა. სწორედ ამიტომ, სპეციალისტთა ნაწილი მედიკამენტურ ჩარევამდე გვირჩევს გავიაზროთ, რომ წამალი მხოლოდ დროებითი დამხმარე საშუალებაა. გრძელვადიანი ჯანმრთელობის გასაღები კი კვებითი ჩვევების მოწესრიგებასა და მეტაბოლიზმის ბუნებრივ რეგულაციაშია. სტუმარი: თამარ კუპრეიშვილი - ენდოკრინოლოგი #ახალიამბები #BusinessMediaGeorgia
ბლუტაბლა განვითარების სტრატეგიულად მნიშვნელოვან ეტაპზე გადადის. ბრენდი, რომელმაც ქართული ორნამენტიკა, დამწერლობა და ეთნოგრაფია თანამედროვე ცხოვრების სტილის განუყოფელ ნაწილად აქცია, საერთაშორისო ბაზარზე პოზიციებს აქტიურად იმყარებს. წარმატებით დასრულებული ტექნიკურ-საოპერაციო მოსამზადებელი პერიოდის შემდეგ, ბლუტაბლამ გაერთიანებულ სამეფოში, კერძოდ ლონდონში, სადისტრიბუციო-სასაწყობო ცენტრი გახსნა. ეს ნაბიჯი კომპანიისთვის ევროპულ ბაზარზე დამკვიდრებისა და ლოგისტიკური ჯაჭვის ოპტიმიზაციის გარანტიაა. პროდუქციის შეძენა შესაძლებელია როგორც Amazon-ის გლობალურ პლატფორმაზე, ისე ბრენდის ოფიციალურ საერთაშორისო ვებგვერდზე. სტუმარი: ნინი ტყემალაძე - BlueTabla, მარკეტინგის მენეჯერი #ახალიამბები #BusinessMediaGeorgia
სოფელ წითელმთაში მდებარე აგრო-სახლი „კომლი“ წარმატებული ეკო-ტურიზმის მაგალითია, სადაც 120 წლის გურულმა ოდამ და ჩაის პლანტაციებმა ევროკავშირის მხარდაჭერითა და ინოვაციური ხედვით ახალი სიცოცხლე შეიძინა. ჩაის ტურებითა და კასრებში მოწყობილი ორიგინალური საძინებლებით, მან მოახერხა ტრადიციული ყოფა პრესტიჟულ ტურისტულ პროდუქტად ექცია, მამა-პაპისეული კარ-მიდამო კი საერთაშორისო ბრენდად აქცია. რა მონაგრით ხვდება ეს ბრენდი 2026 წელს, რომლის ათვლაც გურული კალენდრით, სწორედ დღეიდან დაიწყო? სტუმარი: ლიკა მეგრელაძე - “კომლი”, დამფუძნებელი~ #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
„კალანდა“ - გურული ახალი წელი #ახალიამბები #BusinessMediaGeorgia
“ფერმა ოდაშის” მესვეურებმა ურბანული ცხოვრების წესის რადიკალური ცვლილებითა და ინოვაციური ხედვის დანერგვით, ქართულ რეალობაში ახალი ბიზნეს-პრეცედენტი შექმნეს - 2023 წელს საქართველოში პირველი „საზოგადოების მხარდაჭერილი აგრომეურნეობა“ დააარსეს. როგორ განვითარდა ფერმა ამ პერიოდის განმავლობაში და როგორ გამოიყურება დღეს მათი ჯანსაღი, ეკოლოგიურად სუფთა პროდუქტების პორტფელი? სტუმარი: სალი კალანდაძე - “ფერმა ოდაში”/დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ლანჩხუთის მუნიციპალიტეტში, საქუხიას კანიონისა და ელინაბადოს ჩანჩქერის ველურ ბუნებასთან ჰარმონიულმა შერწყმამ, სოფელ აცანაში ახალი ბიზნეს-ეკოსისტემის შექმნას ჩაუყარა საფუძველი. „ტაბერნე გურიაში - აცანა“ ეს არის საერთაშორისო სტანდარტებისა და ტრადიციული გურული სტუმარ-მასპინძლობის უნიკალური სინთეზი, რომელიც მრავალწლიანი მიზანმიმართული შრომისა და თანამედროვე ხედვის შედეგად, სერტიფიცირებულ ბრენდად ჩამოყალიბდა. ეკოლოგიურად სუფთა გარემო, კესო მახარაძის ავთენტური გურული გემოები და ცოცხალი ეთნოგრაფიული ექსკურსი ქმნის იმ მაღალ ღირებულებას, რომელიც ვიზიტორს არა მხოლოდ დასვენებას, არამედ დაუვიწყარ ემოციურ და შემეცნებით თავგადასავალს სთავაზობს. სტუმარი: კესო მახარაძე - “ტაბერნე გურიაში - აცანა”/დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული თეატრი დღეს 176 წლის გახდა! 1850 წელს, სწორედ 14 იანვარს გიორგი ერისთავის კომედიით „გაყრა“, საფუძველი ჩაეყარა ქართულ პროფესიულ თეატრს, რომელიც მას შემდეგ ჩვენი იდენტობისა და კულტურული თავისუფლების ერთ-ერთ მთავარ სიმბოლოდ იქცა.ქართული თეატრი არასდროს ყოფილა მხოლოდ გასართობი სანახაობა. გარკვეულწილად ის ბრძოლის ველიც იყო, სადაც პოლიტიკური და სოციალური ვითარება ყოველთვის პირდაპირ აისახებოდა. ისტორიის სხვადასხვა ეტაპზე ქართულმა თეატრმა არაერთხელ დაამტკიცა მისი უკომპრომისობა - მათ შორის ყველაზე მძიმე 70 წლის განმავლობაში, წითელი ტერორის დროს, როცა სცენის დიდოსტატებს იჭერდნენ და ხვრეტდნენ. სწორედ ამ მძიმე იდეოლოგიური ცენზურის პირობებში დაიბადა ის გენიალური მეტაფორის ენა, რომლითაც ქართულმა თეატრმა თავისი ოქროს ხანა შექმნა და სათქმელი, სიმართლე, მაინც ბოლომდე თქვა…დღეს, თეატრი კვლავ ახალი გამოწვევების წინაშეა. ის ცდილობს იყოს კომერციული, პრესტიჟული და მუდამ აქტუალური, თუმცა მისი მთავარი ძალა ისევ იმ განვითარების რესურსშია, რომელიც საუკუნეების მანძილზე დაგროვდა, იმ უნარში, რომლის ძალითაც ხანმოკლე თუ ხანგრძლივი, გლობალური თუ ლოკალური რყევების მომენტებში თეატრი ყოველთვის ხელახლა იბადება. სტუმარი: მანანა კაზაკოვა - "აკადემია სახელოსნო 42"/დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
2026 წლის დასაწყისი მსოფლიო ტურიზმისთვის საინტერესო პარადოქსით ხასიათდება: მიუხედავად იმისა, რომ გლობალურ ეკონომიკაში ინფლაციური წნეხი და სურსათზე ფასების ზრდა კვლავ აქტუალურია, მოგზაურობის ინდუსტრია არათუ არ ნელდება, არამედ ზრდის ახალ ტემპს კრეფს. საერთაშორისო ანალიტიკოსები ამას შთაბეჭდილებების ეკონომიკის გამარჯვებას უწოდებენ -როცა, მომხმარებელი უარს ამბობს ძვირადღირებული ნივთების შეძენაზე, თუმცა თანხას არ ზოგავს დასვენებასა და უნიკალურ გამოცდილებაზე. განსაკუთრებით საინტერესოა ტენდენცია მთის კურორტების მიმართულებით. თუ ადრე აქცენტი მხოლოდ თხილამურებზე კეთდებოდა, ახლა გლობალური მოთხოვნა -მთის ცხოვრების წესზეა, რაც გულისხმობს გასტრონომიას, გამაჯანსაღებელ პროცედურებსა და კომფორტულ განთავსებას. ამას ემატება კლიმატური ცვლილებებიც - ალპებში თოვლის დეფიციტის ფონზე, ტურისტები სულ უფრო ხშირად ეძებენ ალტერნატიულ, ახალ ბაზრებს, რაც საქართველოსთვის ცხადია, დამატებითი შესაძლებლობაა. სწორედ ამ გლობალური სურათის ფონზე და პარალელურად, ჩვენთანაც ზამთრის სეზონი უკვე პიკშია. წელს მოლოდინები საკმაოდ ოპტიმისტური იყო, თუმცა საინტერესოა, როგორ აისახა ეს საერთაშორისო ტენდენციები და ადგილობრივი გამოწვევები - იქნება ეს კლიმატური პირობები თუ ინფრასტრუქტურა - კონკრეტულ ბიზნესებზე. დღეს ჩვენ მოვიცავთ სამ ძირითად ლოკაციას: ბაკურიანს, გუდაურსა და ყაზბეგს, და გავიგებთ, როგორია 2026 წლის სეზონი სასტუმრო სექტორისთვის. სტუმარი: ნინა ხოტივარი - “ბაკურიანი ინნ”, კომერციული დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თანამედროვე ბიზნეს-გარემო ვერ იარსებებდა კანონის უზენაესობის გარეშე. ქართულ სამართალშიც, თქვენ წარმოიდგინეთ და მთელი ეპოქა სწორედ თინათინს, ამ შემთხვევაში წერეთელს უკავშირდება.მან დაანგრია სტერეოტიპი, რომ სისხლის სამართალი 'კაცების საქმეა' , დაამტკიცა ისიც, რომ მეცნიერებასა და კანონს სქესი არ აქვს და აქვს მხოლოდ კომპეტენცია. ვინ იყო საქართველოში პირველი მეცნიერი ქალი, რომელსაც იურიდიულ მეცნიერებათა დოქტორის და პროფესორის წოდება მიენიჭა? #ახალიამბები #BusinessMediaGeorgia
მარკეტინგულ სტრატეგი და მეწარმე, რომელმაც გაყიდვებში მიღებული პრაქტიკული გამოცდილება გლობალურ ბიზნეს-ხედვად აქცია, დააფუძნა სააგენტო Rankers და ინოვაციური ეკოსისტემა Rankers SOLVO, რითაც კომპანიებს მარკეტინგის, გაყიდვებისა და იურიდიული სერვისების სრული გადაწყვეტა შესთავაზა. 2025 წელს მისმა საქმიანობამ საქართველოს საზღვრები გაარღვია და წარმატებით შეაბიჯა ამერიკის, ევროპისა და აზიის ბაზრებზე, დღეს კი ის თავის სტრატეგიულ ხედვას როგორც ბიზნესლიდერებს, ისე დამწყებ პროფესიონალებს უზიარებს. სტუმარი: თინათინ ჭკადუა - Rankers-ის თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
როგორც რიცხვებიც ცხადყოფს, გლობალური საგამომცემლო ინდუსტრია დღეს ფუნდამენტური ტრანსფორმაციის ეპიცენტრშია. თუ მშრალ სტატისტიკას გავცდებით და 200-მილიარდიანი ბაზრის არქიტექტურას მეტად ჩავუღრმავდებით, დავინახავთ, რომ თანამედროვე გამომცემლობა აღარ არის მხოლოდ ბეჭდური პროდუქტის წარმოება- ხელოვნური ინტელექტის ინტეგრაცია, აუდიო და ციფრული ფორმატების მკვეთრი ზრდა და სოციალური მედიის, როგორც გაყიდვების მთავარი დრაივერის დამკვიდრება, ცხადყოფს, რომ ტრადიციული ბიზნესმოდელები იცვლება. თუმცა, მთავარი პარადიგმა უცვლელია: ტექნოლოგიური ტურბულენტობის მიუხედავად, ინტელექტუალურ კაპიტალზე და ხარისხიან კონტენტზე მოთხოვნა გეომეტრიული პროგრესიით იზრდება. სწორედ ამ გლობალური კონტექსტის გათვალისწინებით არის განსაკუთრებით საინტერესო, როგორ პოზიციონირებს საქართველო მსოფლიო რუკაზე. ცხადია, ჩვენი ბაზარი არ არის იზოლირებული - და შესაბამისად, ქართველი მკითხველიც ანალოგიურ ციფრულ მოქნილობას, ხარისხსა და მრავალფეროვნებას ითხოვს. როგორ პასუხობს ლოკალური ბიზნესი გლობალურ გამოწვევებს და როგორ უნდა აქციო ქართული წიგნი წარმატებულ ბიზნეს-პროდუქტად ისე, რომ საგანმანათლებლო ღირებულება არ დაკარგო? სტუმარი: თინა მამულაშვილი - “სულაკაურის გამომცემლობა”, დამფუძნებელი და დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
Winglet-ის 2025 წლის შეჯამება და 2026 წლის გეგმები
საკონდიტრო “დონა” ბათუმიდან 2025 წელს აჯამებს - რა სიახლეებს გეგმავს კომპანია 2026-ში? სტუმარი: თამილა ბეჟანიძე - “დონა”, ხელმძღვანელი #ქალებისნარატივი #ახალიამბები #BusinessMediaGeorgia
Cosmo-ს 2025 წლის შეჯამება და 2026 წლის გეგმები სოფი მუხულიშვილი - Cosmo-ს დამფუძნებელი #ქალებისნარატივი #ახალიამბები #BusinessMediaGeorgia
Cafe Vanilla House-ის 2025 წლის შეჯამება და 2026 წლის გეგმები დიანა ველენგურსკაია - Cafe Vanilla House-ის დამფუძნებელი #ქალებისნარატივი #ახალიამბები #BusinessMediaGeorgia
Playmakers-ი 2025 წელს აჯამებს - რა გეგმები აქვს კომპანიას 2026 წელს? სტუმარი: ნუკა შევარდნაძე - Playmakers, მმართველი პარტნიორი #ქალებისნარატივი #ახალიამბები #BusinessMediaGeorgia
Design Institute-ის 2025 წლის შეჯამება და 2026 წლის გეგმები ნინო ეგაძე - Design Institute-ის დამფუძნებელი #ქალებისნარატივი #ახალიამბები #BusinessMediaGeorgia
საავტორო რეცეპტებითა და გამორჩეული გემოვნური თვისებების მქონე საკონდიტრო ნაწარმით, „დუშეფი“ ბაზარზე უკვე 4 წელია ოპერირებს. კაფესთან ერთად ბრენდი სასწავლო სკოლასაც აერთიანებს, სადაც დამფუძნებლის მიერ საზღვარგარეთ მიღებული ცოდნა და 6-წლიანი გამოცდილება სხვებსაც გადაეცემა. სტუმარი: ხათუნა ბაკურაძე - "დუშეფი", დამფუძნებელი #ქალებისნარატივი ლიკა მეგუთნიშვილთან #ახალიამბები #BusinessMediaGeorgia
ვიზუალური კომუნიკაცია და პერსონალური ბრენდინგი თანამედროვე სამყაროში წარმატების მიღწევის ერთ-ერთი მთავარი ინსტრუმენტია. თვითშეფასების ამაღლებასა და სწორი საქმიანი იმიჯის ფორმირებაში, მოდის ინდუსტრია და ფსიქოლოგია გადამწყვეტ როლს თამაშობს. სტუმარი: მირენ უაითი - ჩაცმის ფსიქოლოგი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
აგროსფეროში საერთაშორისო სტანდარტებისა და ინოვაციური ტექნოლოგიების დასამკვიდრებლად, ბაზარზე 5 წლის წინ პირველი აგროსერვისების მიმწოდებელი კომპანია გამოჩნდა „ნიადაგი” გამოჩნდა, ბრენდი, რომელიც მომხმარებელს პროექტის განსახორციელებლად საჭირო სრულ მომსახურებას სთავაზობს. როგორ ხურავს 2025 წელს კომპანია, რა მონაგარი დაგროვდა მათ ანგარიშზე? სტუმარი: სალომე დიდებაშვილი - "ნიადაგი", მარკეტინგის მენეჯერი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
როცა ტურიზმი სცდება სტანდარტულ ჩარჩოებს და უბრალო გადაადგილების ნაცვლად, ინტელექტუალურ თავგადასავლად იქცევა - სწორედ ეს არის მოგზაურის მთავარი ფილოსოფი. კომპანია არ არის ის სივრცე, სადა მხოლოდ ბილეთებს ჯავშნიან, არამედ საუბარია იდეების, ისტორიებისა და ახალი გამოცდილების გაზიარების ცოცხალი ეკოსისტემაზე, რომელიც თავად მოგზაურობის პროცესში დაიბადა. ვსაუბრობთ ბრენდზე, რომელმაც ქართულ რეალობაში შემეცნებითი ტურიზმის ახალი სტანდარტი დაამკვიდრა. როგორი იყო 2025 წელი კომპანია “მოგზაურისთვის”, და რა სტრატეგიული სიახლეებით ხვდებიან 2026 წელს? სტუმრები: თაკო მესხი - "მოგზაური", თანადამფუძნებელი ნათია ცირეკიძე - "მოგზაური", თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული ბიზნესი ოკეანის მიღმა- Hot Travel Group-მა საზღვრები წაშალა და ამერიკის შეერთებულ შტატებში ოპერირება ოფიციალურად დაიწყო. შექმნა პრეცედენტიც და გახდა პირველი ქართულ ტურისტული კომპანია, რომელსაც აშშ-ში სრულფასოვანი ფილიალით არის წარმოდგენილი. რა სერვისებს აერთიანებს პლანეტის ნომერ პირველ ეკონომიკაში წარმოდგენილი ქართული ბრენდი და რას შესთავაზებს იქაურ ბაზარს? სტუმარი: თამარ ჩხიკვაძე - Hot Travel Group, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ახალი წელი მოგვიახლოვდა და ეს ის პერიოდია, როდესაც განსაკუთრებით გვახარებს ჩვენი საყვარელი ადამიანებისთვის თუ საკუთარი თავისთვის საჩუქრების გაკეთება. ამ მხრივ მრავალფეროვანი არჩევანი, არჩევანთან ერთად კი არაერთი შეთავაზებაა სააფთიაქო ქსელ ავერსში, კომპანიაში რომელსაც ვიცით, რომ ძალიან უყვარს ყველა დღესასწაულის მომხმარებელთან ერთად გაზიარება და აღნიშვნა. ცხადია არც ახალი წელი იქნება გამონაკლისი და ამაზე ოდნავ მოგვიანებით, თუმცა მანამდე გეტყვით, რომ ავერსი მიმდინარე წელს 31 წლის გახდა. 1994 წელს დაფუძნებული მედიკამენტების იმპორტიორი კომპანია, წლების განმავლობაში, თანაბარზომიერი განვითარებით, სამედიცინო სფეროში არამხოლოდ მედიკამენტების იმპორტისა და დისტრიბუციის მიმართულებით, არამედ ადგილობრივად ჯენერიკული დასახელების მედიკამენტების მწარმოებელ და სამედიცინო სერვისების მიმწოდებელ ერთ-ერთ მსხვილ ჯგუფად იქცა. დღეს, როცა უკვე კომპანიის გამოცდილება სამ ათწლეულს ითვლის, არ იცვლება ტემპი განვითარების, ზრდის და რაც ყველაზე მთავარია მომხმარებელზე ზრუნვის. სტუმარი: ლალი ბრეგვაძე - “ავერსი”, საზოგადოებასთან ურთიერთობის სამსახურის უფროსი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ყვავილების მაღაზია, ფლორისტების სკოლა, ღონისძიებების მართვა და გაფორმება - ეს კომპანია ამელის შედეგებია, კომპანიის რომლის მთავარი იდეა ყვავილების სიყვარულს უკავშირდებოდა, თუმცა ბიზნესად ქცევის დღიდან მუდმივი განვითარება პროცესის ნაწილია. 2025 წელი საკმაოდ აქტიური და დატვირთული აღმოჩნდა ამელისთვის. სტუმარი: ნუკა-ბარბარე ჩოხელი - "ამელი", თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
უკანასკნელი ათწლეულის განმავლობაში ქალთა ლიდერობა გლობალურ ტენდენციად იქცა, თუმცა არის სფეროები, სადაც ეს კვლავ იშვიათი გამონაკლისია. სამთომოპოვებითი მრეწველობა სწორედ ის ინდუსტრიაა, სადაც ადა ნანიკაშვილმა, რაც არ უნდა ბანალურად ჟღერდეს სტერეოტიპები დაამსხვრია. 2014 წლიდან ის კომპანია „აიემსის“ უდგას სათავეში, რომელიც გარდაბანში ინერტული მასალების მოპოვება-გადამუშავების მსხვილი მოთამაშეა. სტუმარი: ადა ნანიკაშვილი - IMC - დამფუძნებელი და მმართველი პარტნიორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
“ბამო" არის ქართული წარმოება, რომელიც ხის დეკორებსა და მცირე ზომის ავეჯს აწარმოებს, ძირითადი კონცეფცია - არტ-დეკორი, საბავშვო სათამაშოები და მცირე ზომის ავეჯია. ბამო" საოჯახო ბიზნესია, რომელიც 2020 წელს დაფუძნდა და მას შემდეგ წარმატებით ოპერირებს. სტუმარი: თეკა ჯამაკაშვილი - "ბამო", თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სოციალური საწარმოს "ბაბალე" არის ორგანიზაცია, რომელიც თითქმის ათი წელია, დაუნის სინდრომის მქონე ბავშვებისთვის ქმნის სივრცეს, სადაც მათ ხატვის, კერამიკაზე და ქსოვილებზე მუშაობის სწავლა შეუძლიათ. ყველა ამ აქტივობით კი ეს ადამიანები პროფესიას იძენენ, შედეგად დასაქმების ბაზარზე თავის დამკვიდრებას ცდილობენ. ბაბალეს შემოქმედების მიერ შექმნილი პროდუქცია, როგორც ონლაინ ასევე შოურუმში იყიდება, ბაბალეს არაერთი წარმატებული გაყიდვა აქვს საერთაშორისო ბაზრებზეც. სტუმარი: ლია ტაბატაძე - "საქართველოს დაუნის სინდრომის ასოციაცია" , "ბაბალე" , დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ახალ წლამდე ზუსტად 1 კვირა გვაშორებს და ეს არის პერიოდი როდესაც წინასაახალწლო, სასაჩუქრე შესყიდვები განსაკუთრებით აქტიურდება. ქართული კომპანია - ბლუ ტაბლა ის ერთ-ერთი კომპანიაა, რომლის პროდუქციაზე მოთხოვნა, ამ პერიოდში კიდევ უფრო იზრდება. კომპანია, სუფრებს, ჭურჭელს, რანერებს და სხვა მსგავს პროდუქციას აწარმოებს. სტუმარი: ნინი ტყემალაძე - BlueTabla, მარკეტინგის მენეჯერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
18 დეკემბერს, ახალგაზრდა მხატვრის, ნათია ლობჟანიძის ფერწერული გამოფენა გაიხსნა. გამოფენა, რომელიც “ფემილი არტ გალერეაში” წარმოდგენილი, დამთვალიერებლებს 15 იანვრამდე უმასპინძლებს. მხატვრის ნამუშევრებში - კლასიკური ესთეტიკა თანამედროვე ემოციით ცოცხლდება და მაყურებელს შთაბეჭდილების მიღმა, განცდაში ამყოფებს. სტუმარი: ნათია ლობჟანიძე - მხატვარი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კომპანია Airbag.ge 2015 წელს დაარსდა და ავტომობილის უსაფრთხოების ბალიშების სრული სერვის აერთიანებს. კონკრეტულად ეს არის სერვისი, რომელიც ინსპექტირებას, დიაგნოსტიკას, აღდგენასა და პროგრამირებას მოიცავს. როგორც კომპანიაში ამბობენ, მთელ ამ პროცესში მხოლოდ ორიგინალ კომპონენტებს იყენებენ და ზრუნავენ რომ თითოეული მომხმარებლის ავტომობილი სრულიად გამართული იყოს. სტუმარი: გვანცა ჯოხარიძე -Airbag.ge, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
TechproDC უახლესი საინფორმაციო ტექნოლოგიების პროდუქტების, გადაწყვეტილებებისა და სერვისების მიმწოდებელია ამიერკავკასიასა და ცენტრალურ აზიაში. როგორც კომპანიაში აცხადებენ, ეს არის რეგიონში ლიდერი კომპანია სისტემური ინტეგრაციის, კიბერუსაფრთხოების, მონაცემთა ცენტრების აპარატურის, ქსელური გადაწყვეტილებების და პროგრამული უზრუნველყოფის, ასევე IT საკონსულტაციო და აუთსორსინგის სერვისებში.სამომავლო გეგმებიც განვითარებას და ინოვაციას უკავშირდება. კომპანიის მიზანი ქართულ ბაზარზე კიდევ უფრო მეტი ტექნოლოგიებში ლიდერი კომპანიის შემოყვანა და ინფორმაციული ტექნოლოგიების სრული სპექტრის დაფარვაა. სტუმარი: რუსუდან ანდღულაძე - TechproDC ბიზნესის განვითარების დირექტორი საქართველოში #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ევროკომისიის უახლესი ანგარიშის თანახმად, საქართველოში არსებული „სისტემური და მიზანმიმართული დემოკრატიული უკუსვლის“ გამო, ქვეყანას ევროკავშირთან უვიზო მიმოსვლის შეჩერება ემუქრება. „რადიო თავისუფლების“ ინფორმაციით, ბრიუსელი მზადაა გამოიყენოს ახალი რეგულაციები, რომლებიც ძალაში 2025 წლის 30 დეკემბრიდან შედის. ანგარიშის მიხედვით, შეზღუდვები, შესაძლოა, ეტაპობრივად დაწესდეს: პირველ ეტაპზე: შეზღუდვა შეეხებათ დიპლომატიური და სამსახურებრივი პასპორტების მფლობელებს. შემდგომ ეტაპზე: უვიზო რეჟიმი სრულად გაუუქმდება ქვეყნის მთელ მოსახლეობას.ევროკომისია ხაზს უსვამს, რომ საქართველომ მნიშვნელოვნად გადაუხვია ევროპულ კურსს, უგულებელყო ბრიუსელის არაერთი რეკომენდაცია და მისი სავიზო პოლიტიკა მკვეთრად აცდა ევროკავშირის სტანდარტებს. პროცესის შეჩერება მხოლოდ იმ შემთხვევაშია შესაძლებელი, თუ ხელისუფლება არსებულ პრობლემებს ოპერატიულად აღმოფხვრის. უვიზო რეჟიმის გაუქმება მთელ მოსახლეობაზე აისახება, გამონაკლისი არც ბიზნესი იქნება და ცხადია ტურიზმი ის ერთ-ერთი პირველი სფერო იქნება, რომელიც გავლენას მაშინვე იგრძნობს - რა შედეგებს მოუტანს უვიზო რეჟიმის დაკარგვა ტურიზმის ინდუსტრიას? სტუმარი: ლაშა ბერეკაშვილი - ტუროპერატორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ამერიკის შეერთებული შტატების პრეზიდენტმა, დონალდ ტრამპმა “მწვანე ბარათების” პროგრამა შეაჩერა. გავრცელებული ინფორმაციით, გადაწყვეტილება უკავშირდება ბრაუნის უნივერსიტეტში მომხდარი სროლისა და MIT-ის პროფესორის მკვლელობაში ეჭვმიტანილი პირის ვინაობის დადგენას, რომელიც შტატებში წლების წინ სწორედ “მწვანე ბარათის” მოპოვების შედეგად მოხვდა. “მწვანე ბარათის” პროგრამის დაპაუზების პარალელურად, ამერიკის საშინაო უსაფრთხოების დეპარტამენტის ხელმძღვანელმა, კრისტი ნოემმა პრეზიდენტისაგან ოფიციალურად მიიღო განკარგულება, რომ შემდგომი მითითების მიღებამდე სრულად შეზღუდოს იმიგრანტთა ავტორიზაციის პროცესიც. როგორც ტრამპის გუნდში განმარტავენ, გადაწყვეტილების მიზანი ქვეყნის შიდა უსაფრთხოების მეტი უზრუნველყოფაა. ცნობისთვის, “მწვანე ბარათის” ლატარია, რომელიც ყოველწლიურად ტარდება, შტატებში ცხოვრების უფლებას 50,000-მდე ადამიანს აძლევს. აღსანიშნავია, რომ 2025 წელს ამ პროგრამაში მონაწილეობისთვის განაცხადი 20 მილიონზე მეტმა ადამიანმა შეავსო. სტუმარი: თინათინ გოგუაძე - e-Consul-ის დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
10 დეკემბერს, ადამიანის უფლებათა დაცვის საერთაშორისო დღეს, ჰააგის მშვიდობის სასახლეში მსოფლიო ყურადღების ცენტრში საქართველო მოექცა. 500-ზე მეტი დელეგატის წინაშე, კონფერენციაზე „ქალები და მშვიდობა“, 2025 წლის ბერტა ფონ ზუტნერის მშვიდობის პრემიის ლაურეატი გამოცხადდა. ეს საპატიო ჯილდო, რომელიც მშვიდობისმყოფელ ქალებს გადაეცემათ, წელს ქართველი უფლებადამცველის ხელში აღმოჩნდა. სტუმარი: ელენე რუსეცკაია - „ქალთა საინფორმაციო ცენტრი“, გამგეობის თავმჯდომარე #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Infinite Language Space, ენების სასწავლო ონლაინ ცენტრი, რომელიც ონლაინფორმატიდან გამომდინარე განათლებაზე ხელმისაწვდომობას ზრდის. Infinite Language Space-ი არის ყველასათვის, მიუხედავად ადგილმდებარეობისა. ანუ ის თანაბრად ხელმისაწვდომია როგორც დედაქალაქში, ასევე რეგიონებსა თუ საქართველოს ფარგლებს გარეთ მცხოვრები ადამიანებისთვის. თავდაპირველად ცენტრი მხოლოდ ინგლისური ენის სწავლებაზე იყო ორიენტირებული, თუმცა ეტაპობრივად სხვადასხვა ენა, მათ შორის აზიური ენები დაემატა. Infinite Language Space მაქსიმალურად ერგება ენის შესწავლის მსურველების მოთხოვნებს და კონკურენტულ ბაზარზე თავის ადგილს იმკვიდრეს. სტუმრები: ნინო ბადალაშვილი - Infinite Language Space, თანადამფუძნებელი ანანო აბრამიშვილი - Infinite Language Space, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
„20 დეკემბერს წყნეთის ტყის ბანაკი სადღესასწაულო და, საქმიან ეპიცენტრად იქცევა. „სიმონიკა - ჩხეიძეების ღვინო“ მასპინძლობს საშობაო ბაზრობას, რომელიც ღვინის, გასტრონომიისა და არტ-პროდუქციის სინერგიას შექმნის. ეს ღონისძიება ქართველი მეღვინეებისთვის , მცირე მადნებისთვის 2025 წლის ერთგვარი ფინალური აკორდია და სანამ წყნეთის ტყეში ერთად შეაჯამებენ მონაგარს და ვიზიტორებსაც გაუზიარებენ შედეგებს. რამდენად წარმატებული იყო წელი „სიმონიკა - ჩხეიძეების ღვინისთვის “ და რა სტრატეგიული მნიშვნელობა აქვს მსგავსი ბაზრობების ორგანიზებას ბრენდის ცნობადობისა და გაყიდვებისთვის? სტუმარი: ნინი ჩხეიძე - „სიმონიკა - ჩხეიძეების ღვინო“, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
როგორ უნდა აქციო ერთი კონკრეტული ადგილი მთელი ქვეყნის სავიზიტო ბარათად? „არაგვისპირის მარანმა“ სწორედ ამის პრეცედენტი შექმნა. ეს არის ერთ სივრცეში მოქცეული პატარა საქართველო, სადაც ისტორიას თავად ღვინო და საგანგებოდ შერჩეული გასტრონომია ჰყვება. როგორც არაგვისპირის მარანში აღნიშნავენ სტუმრებს სრულად და ბოლომდე ავთენტურ ადგილობრივი გამოცდილება სთავაზობენ. იქაური სტუმარ-მასპინძლობა იტევს როგორც ტურებს, ისე მასტერკლასებსა და ქართული ტრადიციების თანამედროვე ხედვას. როგორც აღნიშნავენ, სწორედ ის კომპონენტები ქმნიან იმ უნიკალურ ემოციას, რაც ბრენდის მთავარი კაპიტალია. როგორ გარდაქმნის ბრენდი ლოკალურ რესურსს გლობალურ ტურისტულ პროდუქტად? სტუმარი: ეკა ჩიკვაიძე - გასტრონომიული სივრცე “არაგვისპირის მარანში” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
განათლება საზღვრების გარეშე - ეს ფრაზა ხშირად გვესმის, თუმცა სამხრეთ კავკასიის რეგიონში რეალური ხელმისაწვდომობა ჯერ კიდევ გამოწვევად რჩება.სწორედ ამ ბარიერის გარღვევას ემსახურება Dabudu.com - პლატფორმა, რომელიც რეგიონს ახალი ცოდნისთვის აერთიანებს. შედეგი უკვე ხელშესახებია: ყოველთვიურად 100-ზე მეტი ახალი მომხმარებელი, რომელიც განვითარებას ირჩევს. როგორია ქართული სტარტაპის რეგიონალური ამბიცია და განვითარების გეგმები? სტუმარი: ქრისტინე ჩიქოვანი - პლატფორმა Dabudu.com, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
300 გადარჩენილი სიცოცხლე - ეს არა უბრალოდ სტატისტიკა, არამედ 300 ქალის რეალური ისტორიაა, რომელიც ტრაგედიით შეიძლებოდა დასრულებულიყო, რომ არა ერთი ღილაკი მობილურ ტელეფონში. ტექნოლოგიები დღეს უკვე ფიზიკურ გადარჩენაზე ზრუნავს და ამას ადასტურებს Safe YOU - უფასო აპლიკაცია, რომელიც ზუსტად გეუბნება, რა უნდა გააკეთო მაშინ, როცა საფრთხეს გრძნობ. როგორ მუშაობს სისტემა, რომელიც თქვენს პირად მცველად შეიძლება იქცეს და როგორ შეიქმნა პლატფორმა, რომელმაც უკვე ასეულობით ქალს უსაფრთხოების განცდა დაუბრუნა? სტუმარი: ნათია კუპრაშვილი - JRC • ჟურნალისტიკის რესურსცენტრი, თავმჯდომარე ➡️ #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
025 წლის დეკემბერში მსოფლიო ტურისტული ინდუსტრია აჯამებს წელს, რომელიც ოფიციალური სტატისტიკით ისტორიაში შევა როგორც გლობალური მობილობის სრული რესტავრაციის პერიოდი, სადაც საერთაშორისო ტურისტულმა ნაკადებმა და გენერირებულმა შემოსავლებმა პირველად დამაჯერებლად გადააჭარბა პანდემიამდელ, 2019 წლის ნიშნულს. თუმცა, ციფრული რეკორდების მიღმა იმალება ფუნდამენტურად შეცვლილი ეკონომიკური რეალობა: გლობალური ინფლაციისა და საავიაციო საწვავზე ფასების სტაბილურად მაღალი ნიშნულის გამო, მოგზაურობა მსოფლიო მასშტაბით მნიშვნელოვნად გაძვირდა, რამაც მომხმარებლის ქცევაში რადიკალური ცვლილება გამოიწვია - რაოდენობრივი ტურიზმი ჩაანაცვლა ხარისხობრივმა მოთხოვნამ. რამდენად ვრცელდება ანალოგიური ტრენდი ქართველ მოგზაურებზეც და რას აჩვენებს რიცხვები? სტუმარი: ლევან ოსეფაიშვილი - Check-In Travel, დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თქვენი სანდო პარტნიორი მშენებლობის პროცესში - ასე პოზიციონირდა ქართულ ბაზარზე კომპანია CQM, რომელსაც, დღეს სრულად და ბოლომდე გაგაცნობთ საქმიანებს. ეს არის კომპანია, რომელიც სამშენებლო პროცესებს იდეიდან, მის საბოლოოდ სისრულეში მოყვანამდე, მთელი ციკლის ფარგლებში მართავს. CQM-ის პროფესიონალთა გუნდი, როგორც კომპანიაში აღნიშნავენ, მომხმარებელს სამშენებლო პროექტის სრულ მენეჯმენტს სთავაზობს, რომლის პირობებშიც ეფექტიანი კომუნიკაციის, დროული შესრულებისა და ბიუჯეტის სწორად დაგეგმვის საფუძველზე, პროექტის წარმატებით განხორციელებას უზრუნველყოფს. სტუმარი: ნათია ჭუმბურიძე - CQM, აღმასრულებელი დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia