ახლო აღმოსავლეთში მიმდინარე ომის გამო, მსოფლიო ვაჭრობის მთავარი დერეფანი კვლავ დიდწილად პარალიზებულია. ჰორმუზის სრუტეში გამავალი სატვირთო გემების დაზღვევა სარეკორდო ნიშნულით, 300%-ით გაძვირდა. სპარსეთის ყურეში მუდმივი სამხედრო მუქარისა და დანაღმული წყლების გამო, ნავთობით დატვირთული ასობით ტანკერი უმოქმედოდაა გაჩერებული. კრიზისამდე, სპარსეთის ყურეში გამავალი გემის ომის რისკის დაზღვევა მისი საერთო ღირებულების 0.02%-დან 0.05%-მდე მერყეობდა, დღეს კი 1%-ს აღწევს. რიცხვებში რომ ვთარგმნოთ, 120 მილიონი დოლარის ტანკერისთვის ერთი რეისის დაზღვევა 40,000 დოლარის ნაცვლად, მილიონ დოლარს სცდება. მსოფლიოს უმსხვილესმა გადამზიდავებმა რეისები შეაჩერეს, სხვები კი მარშრუტს ცვლიან. ამ კოლოსალური დანახარჯების ჯაჭვურ რეაქციას რიგითი მომხმარებლები ავტოგასამართ სადგურებსა თუ სუპერმარკეტებში ძალიან მალე იგრძნობენ. ბიზნესისთვის გზავნილი ნათელია მიწოდების ჯაჭვის მდგრადობა და დივერსიფიკაცია გადაუდებელი სტრატეგიული პრიორიტეტია. როგორ აისახება ეს გლობალური შოკები ლოგისტიკის ტარიფებზე და ზოგადად, რამხელა ძალისხმევა დგას იმ პროცესის უკან, რომელსაც ჩვენ ამანათის მიღებას ვეძახით?

სტუმარი: ნინო მენთეშაშვილი - FedEx-ის მმართველი პარტნიორი

#ქალებისნარატივი ლიკა მეგუთნიშვილთან ერთად

#ახალიამბები #BusinessMediaGeorgia