აღვზარდოთ ჰუმანურ-ლიბერალური ღირებულების მქონე, შრომაზე დაფუძნებულ მიღწევებზე და წარმატებაზე ორიენტირებული ადამიანი, რომელსაც აქვს ცოდნა და იცის მისი სწორად გამოყენება - ეს არის იუჯი სკოლის მთავარი მიზანი, რომელიც საქართველოში კემბრიჯის რეგისტრირებული საერთაშორისო სკოლაა. ამ კონკრეტული მიზნისათვის საქართველოს უნივერსიტეტმა თავდაპირველად დააარსა UG სკოლის საშუალო საფეხური, ხოლო 2011 წლიდან გაიხსნა დაწყებითი სექტორიც. დღეს სკოლა საკმაოდ ბევრ მოსწავლეს აერთიანებს და რაც ყველაზე მთავარია მზარდია მიმართვიანობაც. როგორი იყო 2023 წელი იუჯი სკოლისთვის და რა გეგმები აქვს სკოლას? სტუმარი: თინათინ თოფურია - "UG სკოლის" ადმინისტრაციის უფროსი; #ქალებისნარატივი მარიამ იზორიასთან ერთად = #ახალიამბები #BusinessMediaGeorgia
იმ ადამიანებისთვის, რომლებიც სამსახურს ეძებენ, ხშირად პროცესი დამღლელი, შრომატევადი და ხანგრძლივია. სამუშაო აღწერილობის გაცნობა, აპლიკაციების შევსება, სივის გადაგზავნა - და ასე შემდეგ. სწორედ ამ დამღლელი პროცესის გამარტივება დაისახა მიზნად ახალმა სტარტაპმა. საუბარია სნეპ სივზე, რომელიც აპირებს, რომ სამსახურის ძიება ავტომატიზაციის საშუალებით გაამარტივოს და სრულიად ახალი გამოცდილება დანერგოს. როდის ამოქმედდება სტარტაპი და როგორია მისი სნეპ სივის გეგმები? სტუმარი: თორნიკე ჯანდიერი - "სნეპ სივის” დამფუძნებელი; #ქალებისნარატივი მარიამ იზორიასთან ერთად; #ახალიამბები #BusinessMediaGeorgia
"დეგიღე" შვეიცარიული საათების მწარმოებელი კომპანიაა და ამ ბრენდის საათები ქართველებისთვის გამორჩეულად მნიშვნელოვანია. საქმე ის არის, რომ უკვე რამდენიმე წელია "დეგიღეს" ნაწარმი მინანქრის ქართველი ოსტატების კოკა ფანჩულიძისა და ლიკა მესხის მონაწილეობით იქმნება. თითოეულ საათს გამორჩეული, ინდივიდუალური მინანქრული კომპოზიცია ამშვენებს, თუმცა ყველაზე მთავარი ისაა, რომ საათების უკანა მხარეს ქართველი დიზაინერების გვარებს ამოიკითხავთ. როგორ შედგა ეს თანამშრომლობა და განვითარების რა გეგმები აქვს ამ პროექტს? სტუმარი: ლიკა მესხი - დიზაინერი; #ქალებისნარატივი მარიამ იზორიასთან ერთად; #ახალიამბები #BusinessMediaGeorgia
კოკომია - ასე ჰქვია ხელნაკეთი შოკოლადის ახალ ქართულ ბრენდს, რომელიც ბაზარზე სულ რაღაც ერთი თვის წინ გამოჩნდა და მომხმარებლის გულის მოგებაც საკმაოდ მარტივად მოახერხა. სტუმარი: თამარ ახალკაცი - “კოკომიას” ბიზნეს განვითარების დეპარტამენტის ხელმძღვანელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სულ რაღაც 3 თვის წინ ქართულ ბაზარზე ტანსაცმლის ახალი ბრენდი “უზომო” გამოჩნდა, რომლის უნიკალური მახასიათებელი ის არის რომ, მხოლოდ პლუს საიზ სამოსის, ძირითადად სპორტული ტანსაცმლის შექმნაზეა ორიენტირებული. სტუმარი: გიგი გელაშვილი - “უზომოს” თანადამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
Lampino 2019 წელს სანათების და ხელოვნების სიყვარულით, საცხოვრებელი ბინის ერთ ოთახში დაფუძნდა, დღეს კი ის ბაზარზე უკვე ქართული, უნიკალური დეკორატიული პროდუქტის შემქმნელ ბრენდად აგრძელებს პოზიციონირებას, მისი უნიკალური მახასიათებელი კი ის არის, რომ ბრენდის მიერ შექმნილი სანათები ქართულ არქიტექტურაში ასახულ ისტორიულ და კულტურულ მოვლენებს გადმოსცემს. განვითარების რა ეტაპზეა ბრენდი, როგორია მოთხოვნა და ინტერესი შენობების ფორმის სანათებზე საზოგადოების მხრიდან? სტუმარი: ქეთი ნოზაძე - Lampino-ს დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
აუტიზმის მქონე ბავშვების მშობლების მიერ დაარსებულმა ფონდი აუტიზმის ეროვნულ ცენტრის ფერადი ქალაქის მშენებლობა ჯერ კიდევ 2019 წელს დაიწყო და პროცესი ახლაც აქტიურად მიმდინარეობს. როგორც ცნობილია, ცენტრი 16 წლის ასაკის ზემოთ აუტიზმის მქონე ადამიანებს მოემსახურება და იქ არსებული სერვისები მათ დამოუკიდებელი ცხოვრებისთვის საჭირო უნარ-ჩვევებისა და მათი უნიკალური უნარების განვითარებაში დაეხმარება. რა ეტაპზეა ახლა ცენტრის მშენებლობა და როდის გაიხსნება, არა მხოლოდ ქვეყანაში, არამედ რეგიონში პირველი კომპლექსური ცენტრი? სტუმარი: თათია მელაშვილი - “აუტიზმის კვლევისა და ხელისშეწყობის ფონდის” თანადამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
შემოქმედებითი გარემო სიმშვიდისა და ახალი შესაძლებლობების აღმოჩენისთვის - ასე ხასიათდება სივრცე, რომელიც თბილისში, გაგარინის 4 ნომერში, სულ რაღაც ერთი თვის წინ გაიხსნა და მომხმარებელს ხელოვნების ყველა დარგის მიმართულებით, სხვადასხვა კურსებს სთავაზობს. რა კურსებზეა საუბარი და რა შესაძლებლობას აძლევს “ხელების სკოლა” სწავლის მსურველებს? სტუმარი: მედეა კევლიშვილი - “ხელების სკოლის” დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
რესტორნებმა მენიუში ფასი დღგ-ის და მომსახურების ხარჯის ჩათვლით უნდა მიუთითონ, - ამის შესახებ ინფორმაცია ორი დღის წინ კონკურენციის და მომხმარებლების დაცვის სააგენტომ გაავრცელა. როგორც სააგენტოს განცხადებაშია ნათქვამი, სააგენტოს მიერ მიღებული გადაწყვეტილების მიხედვით, თითოეული მოვაჭრე ვალდებულია - მკაფიო და გასაგები ფორმით, კვების მენიუში ცვლილება შეიტანოს და მომხმარებელს ინფორმაცია საქონლის საბოლოო, ანუ ჯამური ფასის შესახებ მიაწოდოს, რომელშიც მითითებული იქნება დღგ და ყველა სხვა გადასახადი, მათ შორის, მომსახურების გადასახადი. როგორ აფასებენ ჰორეკა სექტორში ამ გადაწყვეტილებას? სტუმარი: მაკა ცაბუტაშვილი - “თაშრეს" დირექტორი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
გვსურს ბევრ ადამიანს მივცეთ დიზაინის ცოდნა და შემოქმედებითი უნარები, რომ მათ უკეთ შეძლონ საკუთარი იდეების ვიზუალიზაცია და თვითგამოხატვა - სწორედ ამ იდეით შექმნა შემოქმედებასა და დიზაინზე ფოკუსირებული რეგიონული საგანმანათლებლო ინსტიტუცია - დიზაინის ინსტიტუტი, რომელმაც სტუდენტების მიღება უკვე დაიწყო, პირველი სასწავლო პროგრამა კი სტარტს სულ რამდენიმე დღეში, 17 თებერვლიდან აიღებს. რა შესაძლებლობას სთავაზობს დიზაინის ინსტიტუტი სფეროს როგორც დამწყებ, ისე პროფესიონალ სპეციალისტებს და რა უნიკალური კონცეფცია გამოარჩევს სხვა საგანმანათლებლო დაწესებულებებისგან? სტუმარი: ნინო ეგაძე - “დიზაინის ინსტიტუტის” დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
წვრთნა, როგორც ძაღლების ბედნიერების საიდუმლო - ლიზა ლომიძის ნარატივი სტუმარი: ლიზა ლომიძე - ძაღლების მწვრთნელ-ინსტრუქტორი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
10 თებერვალს კომპანია “რუხი დედოფლის” კოსმეტიკური საშუალებები პირველად ექსპორტზე კატარში გავიდა. არაბეთის ნახევარკუნძულის ერთ-ერთ უმდიდრეს ქვეყანაში კომპანიამ 14 სახეობის პროდუქტი გაგზავნა, რომლებიც თაფლის, ცვლისა და პროპოლისის ბაზაზეა დამზადებული. როგორ მიიღო კატარმა ქართული კოსმეტიკური საშუალებები და რითია საინტერესო არაბული ბაზარი “რუხი დედოფლისთვის”? სტუმარი: თამარ კვარაცხელია - “რუხი დედოფალი”, დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ანი პირველის ნარატივი სტუმარი: ანი პირველი - ღონისძიებების ორგანიზატორი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ვალენტინობის შეთავაზებები „ავერსის“ სააფთიაქო ქსელებში ლანა ყიფშიძე - „ავერსის“ არამედიკამენტების დირექტორის მოადგილე; #ახალიამბები #BusinessMediaGeorgia
ქართველი ანიმატორის, თამარ ზარქუას ანიმაცია The Radiants საერთაშორისო ჟიურიმ ერთ-ერთ საუკეთესო პროექტად დაასახელა და წარსადგენად საფრანგეთში მიიწვიეს! შედეგად, ანიმაცია არა მხოლოდ საფრანგეთის, არამედ მსოფლიოს ყველაზე დიდ ანიმაციურ ფესტივალ ანესიში მიიღებს მონაწილეობას. ანიმაციური სერიალის საბოლოო სრულყოფაზე კი, კრეატიული სააგენტო ბურთულა იმუშავებს. სტუმრები: თამარ ზარქუა - “ბურთულას” თანადამფუძნებელი; ანიტა ეჯიბია - “ბურთულას” თანადამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ფაფანაკი ქართული ბრენდია, რომელმაც საქმიანობა ქართული ეროვნული ცეკვების სასცენო კოსტიუმების შეკერვით დაიწყო. განვითარების გზაზე ახალ-ახალი იდეებიც დაიბადა, საბოლოოდ კი გადაწყდა, რომ ფაფანაკს, ეროვნული დეტალებით დატვირთული, ისეთი სამოსი უნდა შეექმნა, რომლის ტარებას ადამიანები ყოველდღიურად შეძლებდნენ. როგორ გაამართლა იდეამ, რა შედეგები აქვს ფაფანაკს? სტუმარი: ნინო ჭყონია - "ფაფანაკის“ დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
World Class Georgia – საერთაშორისო ფიტნესბრენდის World Class-ის პირველი ოფიციალური ფრენჩაიზ კლუბია საქართველოში. მრავალწლიანი გამოცდილების საქართველოს ბაზარზე შემოტანის მთავარი მიზეზი ქვეყანაში ფიტნეს ინდუსტრიის განვითარება იყო. ამ მიზნის ნაწილია ახალი პრემიუმ კლასის პროექტიც, რომელსაც ვორლდ კლასი კომპანია იქს ორ დეველოპმენტთან ერთად ახორციელებს. რა სიახლეები აქვს ვორლდ კლასს ჯორჯიას? სტუმარი: ნინო ხუროძე - World Class Georgia-ს კომერციული დირექტორი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ლონდონში, დუბაიში, ბანგკოკში, ჰოჩიმინსა და სინგაპურში ცხოვრების გამოცდილება, საერთაშორისო განათლება, მეწარმეობისა და საინფორმაციო ტექნოლოგიების ხარისხით, შემდეგ უკვე ისეთ ინოვაციურ მულტიეროვნულ კორპორაციებში მუშაობა როგორიც ალიბაბა, ვაიზი და მეტაა - ერთი შეხედვით ეს მარტივი ჩამონათვალი დიდი შრომის და იმ გამოცდილების შედეგია, რომელიც ანა ჩაგელიშვილმა დააგროვა. როგორ გამოიყურება მისი პროფესიული გზა, რა სირთულეები ახლდა ამ პროცესს? სტუმარი: ანა ჩაგელიშვილი - პროდაქტ მენეჯერი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სულ მალე საქართველოში ებრაული წარმოების თავის მოვლის საშუალებების ბრენდის ლალინის პირველი მაღაზია გაიხსნება. 24-წლიანი გამოცდილების მქონე ბრენდის, დღეს მილიონობით მომხმარებელს აერთიანებს და 180-ზე მეტ ბუტიკს მართავს მსოფლიოს მასშტაბით. როგორია ბრენდის გეგმები საქართველოს ბაზარზე და რა სიახლეს შესთავაზებს ლალინი ქართველ მომხმარებელს? სტუმარი: ლიკა დოლიძე - „ლალინის“ აღმასრულებელი დირექტორი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
1996 წელს თათეშვილების ოჯახმა კომპანია მოტიფი შექმნა. მაშინ მოტიფი შეიძლება ითქვას, რომ პირველი იყო, რომელმაც ქართულ ბაზარს იტალიური და სხვა საერთაშორისო ბრენდები შესთავაზა. მრავალწლიანმა გამოცდილებამ კომპანიას დამსახურებული აღიარებაც მოუტანა და დღეს მოტიფი დიზაინის სფეროში გამორჩეულ ადგილს იმკვიდრებს. კომპანიას უკვე ოჯახის მეორე თაობა უძღვება. მოტიფს დები მაკა და თამარა თათეშვილები ხელმძღვანელობენ, რაც ყველაზე მნიშვნელოვანია ინარჩუნებენ მთავარს - ხარისხს და სანდოობას. სტუმარი: მაკა თათეშვილი - MOTIF-ის მფლობელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
2016 წელს ქართულ ბაზარს ძალიან საინტერესო არქიტექტურული კომპანია შეემატა. საუბარია იდაააფ არქიტექტორებზე, რომელიც დახვეწილი, განსხვავებული სტილისა და ხელწერის მქონე სტუდიაა. კომპანიის ქვეშ უკვე არაერთი, გამორჩეული პროექტი ერთიანდება. სხვათა შორის მრავალფეროვანია ის მიმართულებები, რომელსაც იდააფ არქიტექტორებს საქმიანობა მოიცავს. სტუმარი: ნანა ზაალიშვილი - “იდააფ არქიტექტორების“ დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
რემონტი, მშენებლობა, დეკორატიული ლესვა, შემეცნებითი ნაწილი - ეს ის მიმართულებებია, რომელსაც ახალი ქართული კომპანია Project Folie აერთიანებს. კომპანიას ერთი წელი სულ ახლახანს შეუსრულდა, ამ მცირე პერიოდმა კი უკვე არაერთი წარმატებული ნამუშევარი გააერთიანა. რა სიახლეებს ნერგავს Project Folie ბაზარზე, რა ნიშა უჭირავს მას? სტუმარი: თაკო კამკამიძე - Project Folie-ის დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ელიავას სახელობის ინსტიტუტს გასულ წელს 100 წელი შეუსრულდა. ინსტიტუტი მნიშვნელოვან სამეცნიერო-კვლევით საქმიანობას ახორციელებს. აღსანიშნავია, რომ ინსტიტუტს აქვს ბაქტერიოფაგების მსოფლიოში ერთ-ერთი ყველაზე მდიდარი და დიდი კოლექცია. წლების განმავლობაში ქვეყნისთვის უმნიშვნელოვანეს დაწესებულებას არაერთი მიღწევა დაუგროვდა. სტუმარი: მზია ქუთათელაძე - “ელიავას სახელობის ინსტიტუტის” დირექტორი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
2023 წლის 14 ივნისს, საქართველოს პარლამენტმა “პერსონალურ მონაცემთა დაცვის შესახებ” ახალი კანონი მიიღო. აღნიშნული კანონი ძალაში 2024 წლის პირველი მარტიდან შევა და ის როგორც კერძო, ასევე საჯარო სექტორზე გავრცელდება. კანონის შეუსრულებლობის შემთხვევაში ჯარიმებისა და სანქციების თავიდან ასაცილებლად, მნიშვნელოვანია იურიდიული მომსახურება. კომპანია JG Counselor სწორედ ამ მომსახურებით უზრუნველყოფს თავის მომხმარებელს. რა ცვლილებებია კანონში, ამასთან რა მომსახურებას შესთავაზებს კლიენტებს კომპანია? სტუმარი: ნინი შენგელია - JG Counselor-ის ბიზნეს განვითარების დეპარტამენტის ხელმძღვანელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ორგანიზებული, სსიამოვნო გარემოში ჩატარებული ღონისძიება სტუმრებისთვის ყოველთვის გამორჩეულად დასამახსოვრებელია. მეტიც, მაგალითად კომპანიის “ივენთები”ხშირად მათი რეპუტაციის განმსაზღვრელიც არის. ხოდა ასეთი წარმატებული, ორგანიზებული ივენთების უკან ის პროფესიონალები დგანან, რომლებიც თითოეულ დეტალზე ზედმიწევნით და დიდი ყურადღებით ზრუნავენ. ქლიქ ჰოლდინგი სწორედ ასეთი პროფესიონალების გაერთიანებაა, რომელიც მრავალ წლიანი გამოცდილების მქონე ივენთოლოგმა დააფუძნა. კომპანია პორტფელში არაერთ წარმატებულ ივენთს და ასევე არაერთ კმაყოფილ, ბედნიერ მომხმარებელს აერთიანებს. როგორი იყო 2023 წელი კომპანიისთვის და რა სიახლეები აქვს ქლიქ ჰოლდინგს? სტუმარი: მაკა ყუბუსიძე - Click Holding-ის დამფუძნებელი; #ქალებისნარატივი მარიამ იზორიასთან ერთად ~ #ახალიამბები #BusinessMediaGeorgia
მერიკო კოკაიამ მარკეტინგისა და კომუნიკაციების მიმართულებით არაბულ ბაზარზე საკმაოდ დიდ წარმატებას მიაღწია, რაც უპირველესად მსოფლიოს წამყვან კომპანიებთან თანამშრომლობასა და მსხვილი, საერთაშორისო პროექტების განხორციელებას უკავშირდება. ერთ-ერთი ასეთი, დუბაის ექსპო 2020-ია, რომლის წარმატებაში შეტანილი წვლილისა და ქვეყნის წინაშე დამსახურებისთვის ოქროს მედლით დაჯილდოვდა. მერიკო კოკაია ამჟამად აქტივაციებისა და სპონსორობის მიმართულებით საკონსულტაციო კომპანია RISE Group-ის დირექტორია და მისი პორტფელში ისეთი მიმდინარე პროექტები ერთიანდება, რომლისკენაც მთელი მსოფლიოს ყურადღებაა მიმართული. სტუმარი: მერიკო კოკაია - RISE Group, ბრენდის აქტივაციებისა და სპონსორობის მიმართულების დირექტორი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ძველი ტრადიციებით, ახლებური ხედვით, დიდი სიყვარულით - ამ კონცეფციით კომპანია “ჯინ ჰენდ ქიჩენი” ქართულ ბაზარზე 2021 წლიდან გამოჩნდა. საუბარია საოჯახო ბიზნესზე, რომელმაც თავდაპირველად ოპერირება სასაჩუქრე ნაკრებებით დაიწყო, მერე იყო პასკები, რომელიც მომხმარებლის ფავორიტ პროდუქტად მალევე იქცა, წელს კი კომპანიის პორტფელს ახალი მიმართულება - ქეითერინგის მომსახურება ემატება, შესაბამისად ჰენდ ენდ ჩიქენის საქმიანობის ნაწილი ფურშეტების, ივენთებისა და სხვადასხვა დღესასწაულების ორგანიზება გახდება. რას სთავაზობს ჯინ ჰენდ ქიჩენი მომხმარებელს და რა სიახლეები აქვთ მიმდინარე წლისთვის? სტუმარი: თიკო ჯინჭარაძე - “ჯინ ჰენდ ქიჩენის” დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მომავლის პროფესიის დაუფლება, სასჯელის მოხდის პერიოდში - სწორედ ამ მიზნით კომპანია რე:სქული საქართველოში სრულიად უნიკალურ პროექტს ახორციელებს: 15 მსჯავრდებული ქალი 10 თვის განმავლობაში ყველაზე მოთხოვნად და მაღალანაზღაურებად UI/UX დიზაინს შეისწავლის, ხოლო საპატიმროდან გამოსვლის შემდეგ მათ დასაქმებაზე რე:სქულთან ერთად მისი თანადამფუძნებელი ორგანიზაცია რე:ინვენთიც იზრუნებს. სტუმარი: სალომე მგელაძე - “რე:სქულის” დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
უკვე 20 წელია, თბილისში ორსაუკუნოვანი მემკვიდრეობის მქონე ჩეხური ავეჯის ბრენდი TON-ი ქართველ წარმომადგენლებთან თანამშრომლობს და შედეგად ქართველ მომხმარებელს აქვს შესაძლებლობა შეიძინოს სკამის როგორც ლეგენდარული, არქეტიპული მოდელები, რომლებიც როგორ თავად გრეხილი ავეჯის ფუძემდებელმა მიხაელ ტონეტმა, მოგვიანებით კი სხვა მოდერნისტმა თუ თანამედროვე დიზაინერებმა შეიმუშავეს. როგორია ევროპაში გრეხილი ავეჯის უმსხვილესი მწარმოებლის 20-წლიანი წარმატების ისტორია საქართველოში? სტუმარი: მარიამ მამაცაშვილი - TON-ის წარმომადგენელი და CEO #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ამერიკული ტექნოლოგიური გიგანტსა და ქართულ კომპანიას შორის თანამშრომლობა დაიწყო. საუბარი კომპანია სფეისემ-ზე რომელიც სულ ახლახან Nvidia Inception-ის პროგრამას შეუერთდა. ეს არის პროგრამა, რომელიც ტექნოლოგიურ სტარტაპებს პროდუქტის განვითარების, პროტოტიპირებისა და დეველოპმენტის კრიტიკულ ეტაპებზე ეხმარება. რას გულისხმობს აღნიშნულ პროგრამაში მონაწილეობა და რა შესაძლებლობებს ხსნის ეს პროცესი ქართული კომპანიისთვის? სტუმარი: ნათია ჯიჭონაია - SpaceM-ის მარკეტინგის მენეჯერი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
უნიკალური სტილისტიკა, აქცენტირებული ფერები, ფორმების სიმარტივე, გამორჩეული კონცეფცია, ბუნებრივი, გარემოსთან მისადაგებული მასალების გამოყენება და ხელწერა, რომელიც ნებისმიერ პროექტს სავიზიტო ბარათად დაჰყვება - ეს არქიტექტურისა და დიზაინის სტუდია NS-ია, რომელიც ქართულ ბაზარზე 2013 წლიდან გამოჩნდა და აგერ უკვე ათ წელზე მეტია საინტერესო, მრავალფეროვანი და საკმაოდ განსხვავებული ნამუშევრების შექმნით გვანებივრებენ. კომპანიის ანგარიშზე უკვე ბევრი წარმატებული, მათ შორის საკმაოდ მსხვილმასშტაბიანი პროექტი ერთიანდება და გეგმები წინ, კიდევ უფრო დიდი. სტუმარი: ნინი ჭანტურია - NS STUDIO-ს თანადამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
Skillwill-ის და UN Women-ის თანამშრომლობის ფარგლებში, სქილვილის სტუდენტებმა UN Women-ის ბენეფიციარი მცირე მეწარმეებისთვის, სრულიად უფასოდ, სტუდენტური პროექტის სახით, ციფრული პროდუქტების შექმნაზე იმუშავეს. პროგრამული უზრუნველყოფისა და ციფრული მარკეტინგის კურსების მიმდინარეობისას, შეიქმნა სტუდენტების agile ჯგუფები, რომლებმაც კომპანიების/მეწარმეების რეალური ციფრულ პროდუქტების შექმნაზე იმუშავეს. სტუმარი: ლანა ჩხარტიშვილი - "Skillwill საქართველოს" დირექტორი; #ქალებისნარატივი ლიკა მეგუთნიშვილთან ერთად; #ახალიამბები #BusinessMediaGeorgia
2014 წელს მსოფლიოში უძველესი ოქროს მაღაროს-საყდრისის კულტურული მემკვიდრეობის ძეგლის დასაცავად “საყდრისის კომიტეტი” შეიქმნა, რომელიც, უკვე 8-წელია წარმატებით ფუნქციონირებს და ქართული კულტურის ძეგლების დაცვა-პოპულარიზაციის მიმართულებით არაერთი პროექტი განახორციელა. სტუმარი: ნინო ბურჭულაძე - “საყდრისის კომიტეტი კულტურული მემკვიდრეობისთვის“ დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მომხმარებელთა უფლებები, სახელმწიფო შესყიდვები, სამედიცინო დავები - ის იმ სამოქალაქო დავების მცირე ჩამონათვალია, რომელიც ადვოკატ ნინო ლიპარტიას იურიდიულ პორტფელში ერთიანდება. ნინომ საადვოკატო, სამეცნიერო და პედაგოგიური მიმართულება 2010 წლიდან დაიწყო და მას შემდეგ პრინციპში არც გაჩერებულა. მის ანგარიშზე არაერთ საქმესთან ერთად, სხვადასხვა საერთაშორისო და ადგილობრივი, წარმატებით განხორციელებული პროექტები ერთიანდება და ამავე დროს, მუდმივად ზრუნავს, ფიქრობს, შრომობს - ადვოკატების პროფესიულ განვითარებაზე. სტუმარი: ნინო ლიპარტია - “საქართველოს ადვოკატები დამოუკიდებელი პროფესიისათვის” თავმჯდომარე; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სულ რაღაც 1 წლის წინ თბილისში, აბაშიძის ქუჩაზე პრემიუმ ხაზის თეთრეულის ქართული მაღაზია - ზეზეწარი გაიხსნა. ქართული ბრენდი მომხმარებელს განსხვავებული დიზაინისა დს ხარისხიანი თეთრეულის გარდა სხვადასხვა აქსესუარების ფართო ასორტიმენტსაც სთავაზობს. როგორია ოპერირების 1-წლიანი პერიოდი განვითარების რა ეტაპზეა ბრენდი? სტუმარი: მარიკელა ახვლედიანი - “ზეზეწარის” დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მიმდინარე კვირის უქმეებზე, 29 იანვარს სასტუმრო ბილტომრში დასაქმების პრობლემის გადაწყვეტის მიზნით უპრეცედენტო ციფრული ეკოსისტემის წარდგენა მოხდება. საუბარია - talents.ge-ზე, რომელიც ციფრული დასაქმებისა და პიროვნული თუ პროფესიული განვითარების თანამედროვე პლატფორმას წარმოადგენს. ის USAID-ის მხარდაჭერით შეიქმნა. სტუმრები: თამარ ბოსიკაშვილი - Aisitec-ის თანადამფუძნებელი; ნათია კაპანაძე - USAID-ის ეკონომიკური უსაფრთხოების პროგრამის გენდერის და ახალგაზრდების საკითხების ექსპერტი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
გარემოს ნარჩენებით დაბინძურება თანამედროვე სამყაროს ერთ-ერთი მასშტაბური გამოწვევაა მთელ მსოფლიოში. საქართველოც ამ პრობლემის წინაშე დგას. ჩვენს ქვეყანაში ყოველწლიურად, დაახლოებით 1.1 მილიონი ტონა მყარი მუნიციპალური ნარჩენი წარმოიქმნება. პარალელურად კი ინერტული ნარჩენები დღეს მთელ მსოფლიოში მოიაზრება, როგორც ერთ-ერთი მნიშვნელოვანი რესურსი, რომელიც შეიძლება გადამუშავდეს და ეკონომიკურ ბრუნვაში ჩაერთოს. სწორედ ამ საკითხს ეხმაურება - ეკა ასათიანი და მისი წამოწყებაც. მეწარმე პლასტიკის ნარჩენებისგან ისეთ ნივთებს ქმნის, როგორიც არის მაგალითად ჩანთა, ქუდი, მაგიდის გადასაფარებელი და ასე შემდეგ. ნივთების რეალიზაცია კი მის მიერ შექმნილ პლატფორმაზე - plastic watcher.ge-ზე ხდება. სტუმარი: ეკა ასათიანი - Plasticwatcher.ge-ის დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
“ანის სკოლა" არის ლიდერობის და მოტივირების სივრცე ბავშვებისთვის. ემოციების მართვა, თვითპრეზენტაცია და ეფექტური კომუნიკაცია - ეს ის თვისებებია, რომლებსაც ანის სკოლა ბავშვებს უვითარებს. რა პროგრამებს აერთიანებს ანის სკოლა? სტუმარი: ანი ჩერქეზიშვილი - “ანის სკოლის" დამფუძნებელი #ქალებისნარატივი მარიამ იზორიასთან ერთად; #ახალიამბები #BusinessMediaGeorgia
დაახლოებით ერთი წლის წინ ბაზარზე ახალი ტურისტული კომპანია გამოჩნდა. საუბარია ამბასადორი თრეველზე, რომელიც მომხმარებელს გარდა სტანდარტული, ტურისტული სერვისებისა, მეტი კომფორტისთვის, ისეთ მომსახურებებსაც სთავაზობს როგორიცაა მაგალითად ჩარტერულ რეისები. კიდევ რა სერვისების სპექტრი ერთიანდება ამბასადორი თრეველის ქვეშ, ამასთან როგორია კომპანიის სამომავლო გეგმები? სტუმარი: სალომე თოთიბაძე - “ამბასადორი თრეველის” დირექტორი; #ქალებისნარატივი მარიამ იზორიასთან ერთად; #ახალიამბები #BusinessMediaGeorgia
ყაზბეგი არის ადგილი, რომელიც ზამთარშიც ტურისტებისთვის საინტერესო მიმართულებაა. როგორ მიმდინარეობს ზამთრის ტურისტული სეზონი ყაზბეგში, რა დატვირთულობით მუშაობს სასტუმრო ბიზნესი? სტუმარი: ცირა ფიცხელაური - “ინტურისტი ყაზბეგის” დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მესტიის ტურისტულ სეზონს ყოველწლიურად ახლავს უამრავი პრობლემა. ბუნებრივი რესურსებით მდიდარი მხარე, თითქმის ვერც ერთ წელს ვერ ახერხებს საკმარისი რაოდენობის ტურისტების მოზიდვას. ან თუ ახერხებს, შემდგომ უკვე ტურისტების შენარჩუნებაა პრობლემა, რადგან ელექტროენერგიის ხშირი წყვეტა ჯავშნების გაუქმებას იწვევს. გასულ კვირას მესტიაში ელექტრო ენერგიის მოხმარების ისტორიული რეკორდი დაფიქსირდა. ჭარბი მოხმარება, კი მესტიის გადაუჭრელ პრობლემასთან - კრიპტოვალუტის მაინინგთან არის დაკავშირებული. - რა მდგომარეობაა წლევანდელ სეზონზე მესტიაში, რა პრობლემები აქვს ბიზნესს? სტუმარი: თათია თეთრაშვილი - ბუდე მესტია, ჩაიბუდეს დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
“ქალების მიერ ქალებისათვის შექმნილი ბრენდი” - საუბარია “ნინეაზე”, ბრენდზე, რომელსაც ჩვენი მაყურებელი კარგად იცნობს. მინიმალური ინვესტიციით, სამი მეგობრის მიერ დაწყებულ საქმეს დღეს უკვე საკმაოდ წარმატებული გაგრძელება აქვს. სახლში სანებივრო ხარისხიანი სამოსი მხოლოდ ქართულ ბაზარს აღარ სჯერდება და საექსპორტო მიმართულებითაც კონკრეტულ ნაბიჯებს დგამს. რა სიახლეები დაუგროვდა კომპანიას 2023 წელს? სტუმარი: ნინო ლეჟავა - "ნინეას" დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
7 წლის წინ ქართულ ბაზარზე ოპერირება დაიწყო ტყავის აქსესუარების მწარმოებელმა კომპანია ნიკოლომ. ხარისხი, სტილი და კომფორტი, როგორც ბრენდის დამფუძნებელი ამბობს, ეს ის სამი მახასიათებელია, რომელიც ნიკოლოს თითოეულ პროდუქტში იგრძნობა. კომპანიის ერთ-ერთი მთავარი მიღწევა კი ერთგული მომხმარებელია, რომლის დაგროვება ნიკოლომ წლების განმავლობაში შეძლო. როგორი იყო განვლილი 2023 წელი ბრენდისთვის და რა სიახლეები დაგროვდა? სტუმარი: ნინო სუხიტაშვილი - Nicolo-ს დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Xperience - ეს არის კომპანია , რომელიც 2018 წელს დაფუძნდა. მისი მიზანი კი მასშტაბურია - დაეხმაროს კომპანიებს, როგორც შიდა სტრუქტურულ ორგანიზაციაში, ისე მომხმარებლების გამოცდილების კვლევასა თუ გაუმჯობესებაში. რას გულისხმობს კომპანიის ეს მიმართულება და რა გეგმები აქვს Xperience ქართულ ბაზარზე? სტუმარი: ნინო დავითაშვილი - Xperience-ის დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ყოველ წელს, ფლორენციაში, დანტე ალიგიერის სახლ-მუზეუმში საშობაო გამოფენა იხსნება. წლევანდელი გამოფენა გამორჩეული იყო იმით, რომ მასში ქართველი ხელოვანი მონაწილეობდა. გამოფენამ დამთვალიერებლებს 16 დეკემბრიდან 11 იანვრამდე უმასპინძლა. ადგილზე საგამოფენო ნამუშევრების შეძენაც შესაძლებელი იყო. სტუმარი: მზია მაკალათია - ხელოვანი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Tasteit - არის პლატფორმა, რომელიც ადამიანებს საჭმლით აკავშირებს. უფრო მარტივად რომ ვთქვათ ის საჭმლის მეგობრებს ფუდმეითებს აკავშირებს. საიდან გაჩნდა მისი შექმნის იდეა, რა სიახლეები აქვთ სტარტაპის დამფუძნებლებს? სტუმარი: გიორგი ურუშაძე - Tasteit, დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ღონისძიება ღია ცის ქვეშ, ქორწილი, კონფერენცია, თიმბილდინგი, ფესტივალი, პროდუქტის წარდგენა, - ეს იმ სერვისების მცირე ჩამონათვალია, რასაც კომპანია D.Tale Events მომხმარებლებს სთავაზობს. ღონისძიების მართვის ბიურო - ქართულ ბაზარზე 2018 წლიდან გამოჩნდა და მას შემდეგ, კომპანიის ანგარიშზე უკვე არაერთი როგორც მსხვილი, ისე მცირე მასშტაბის ღონისძიებაა. მომხმარებლებს შორის კი, არიან როგორც ადგილობრივი, ისე საერთაშორისო კომპანიები. როგორია D.Tale Event-ის 6-წლიანი წარმატების ისტორია და მიმდინარე სიახლეები? სტუმარი: რუსო აბზიანიძე - D.tale, თანადამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ჯანსაღი კვება უნდა იყოს გემრიელი - ქართულ ბაზარზე ახალი კომპანია “ბალანსის” სლოგანი, რომელიც მომხმარებლებს ჯანსაღი კვების რაციონის გამოძახების სერვისს სთავაზობს. აღსანიშნავია “ბალანსის” მენიუც, რომელშიც ჯანსაღი საკვების საკმაოდ მრავალფეროვანი არჩევანია წარმოდგენილი, თანაც ისე, რომ 28 დღის განმავლობაში არც ერთი კერძი არ მეორდება. სტუმარი: ნუცა სურგულაძე - “ბალანსის” თანადამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ცელიაკია ეს არის წვრილი ნაწლავის დაავადება, რომელიც გამოწვეულია ცილა გლუტენის მოუნელებლობით. გლუტენი შედის ისეთ მარცვლეულში, როგორიცაა, ხორბალი, ჭვავი, ქერი და სხვა. დაავადების მართვა ამ ეტაპზე მხოლოდ სწორი, გლუტენის გარეშე კვებით არის შესაძლებელი. სხვათა შორის, სულ ცოტა ხნის წინ, ჯანდაცვის სამინისტრომ დანერგა საკვები ვაუჩერები ცელიაკის მქონე ბავშვებისთვის. ვაუჩერის განაღდებით ყოველთვიურად კონკრეტულ მაღაზიებში 200 ლარის ღირებულების გლუტენის გარეშე პროდუქტების მიღება არის შესაძლებელი. სტუმარი: ქეთი ტაბატაძე - “საქართველოს ცელიაკიის ეროვნული ასოციაციას” დამფუძნებელი; #ქალებისნარატივი ლიკა მეგუთნიშვილთან ერთად; #ახალიამბები #BusinessMediaGeorgia
ფენილკეტონურიის მქონე 18 წლამდე ბავშვებისთვის საკვები პროდუქტების ფინანსურ მხარდაჭერის მიზნით, 2024 წლის თებერვლიდან სახელმწიფო ვაუჩერული პროგრამა ამოქმედდება, რომელშიც საქართველოს მასშტაბით, ყველა 18 წლამდე ასაკის ფენილკეტონურიის მქონე პირი განცხადების საფუძველზე ჩაერთვება პროგრამაში და ისარგებლებს ყოველთვიური 200 ლარიანი ვაუჩერით. ვაუჩერის საფუძველზე ბენეფიციარს საშუალება მიეცემა კონკრეტულ კვების ობიექტებში, სადაც ფენილკეტონურიის მქონე პაციენტებისთვის განკუთვნილი საკვები იყიდება, სასურველი საკვები შეიძინოს. განვმარტავ, რომ ფენილკეტონურია - ეს არის იშვიათი გენეტიკური დაავადება, რომელსაც ხშირად ნივთიერებათა ცვლის დარღვევასაც უწოდებენ. ამ დიაგნოზის მქონე პაციენტებს ცილების გადამუშავების ფუნქცია არ აქვთ, ამიტომ მათი რაციონი მკაცრად შეზღუდულია. ისინი მთელი ცხოვრების განმავლობაში საჭიროებენ დიეტას და მათი კვების რაციონიდან ცილოვანი საკვები სრულად ამოღებულია. სტუმარი: ია მგალობლიშვილი - „საქართველოს მშობელთა ასოციაცია ფენილკეტონურიისთვის“ დამფუძნებელი; #ქალებისნარატივი ლიკა მეგუთნიშვილთან ერთად; #ახალიამბები #BusinessMediaGeorgia