საქართველოს პრემიერ-მინისტრის ირაკლი ღარიბაშვილის ვიზიტი ესპანეთის სამეფოში დაიწყო. მან საერთაშორისო ტურისტული გამოფენა, რომელშიც საქართველო პარტნიორი ქვეყნის სტატუსით მონაწილეობს, ესპანეთის მეფე ფელიპე VI-სა და დედოფალ ლეტიციასთან ერთად გახსნა. საქართველოს დელეგაციაში, ვიცე-პრემიერი, საგარეო საქმეთა მინისტრი დავით ზალკალიანი, ეკონომიკისა და მდგრადი განვითარების მინისტრი ნათია თურნავა და გარემოს დაცვისა და სოფლის მეურნეობის მინისტრი ლევან დავითაშვილი იმყოფებიან.